Damdawia chapter 17

 Pastor te chuan kan inah chaw an ei a, chumi hnuah Quarter ah an chho a, kan in aṭangin Quarter hi ahla lem lo a mahse, hnaih tak ti a sawi tur pawh ani chuanglo. Damdawia ala reh vang vang a, a msg takngial pawh a awmlo, ka chhungrila nuam lo tihna chuan min ti chau vek thei. 

" Rsa nen in inbe ṭhin emni? " Ka beisei loh deuh zawhna avang chuan, Ulawma chu ka melh reng ringawt 

" Inhmuh fuh te chuan be ṭhin e " ka ti mai a, ahranpa a inbiak kan nei lem lo

" Phone velah mawle " atih chuan, kanu te pawn kan thusawi ah beng anlo chhi kar tih ka hria

" Phone ah chuan kan inbe lo, tunge kan inbia ang chuan sawi " ka ti nghal hmak a, mahni tawka mood chhiat nak laiin 

" In inbiak loh chuan aṭha anih chu, nunhlui nei tawh in ni a eng emaw hlekah mi sawi inkai hma bik dawn tih hre reng ang che " Tinge maw ka thin chu arim em em ringawt mai ani

" Tunge sawi ka tih chu " ka ti deuh vak a, thinrimna chuan min ti tawt deuh ṭun thei 

" Hmani thlan laih ni khan thingpui min lo pe tu Lyndai te ho khan an sawi sep sep a, zanah pawh inkal dun an hmuh thu che u pawh an sawi " YMA zan tawp ber khan Rsa chuan kan inthleng min thlah, Ka ṭhiante an hman loh chu thuhran, Damdawia akal lo a, angailo ka ti chungin min thlah lui, ka tan lo hnial chiam kha anuam biklo. 

" Khami zan khan Ka ṭhiante khawharin ah an riak a, Zoremi ahman lo bawk, vengchhak aṭanga keimaha ka hawng tur kha min ngaihtuah ve a, min thlah ve ani mai, inbiak pawh kan inbe lo. Ka bialpa hlui anih avangin ka be theilo ami? An tana ṭangkai lo hi an sawi sek zel " Ka ti deuh chiam a, ka thinrim chhan ber pawh ka hrelo, Rsa nen min hmehbel leh phet an tum avang nge thildang zawk ka hre biklo. Kan in ngaihzawn lai khan Lyndai hian aduh ve a, aruk in akherh ngat ngat ṭhin tih pawh ka hria, tun thlengin ani chuan hmalam ala pan lo anih hmel. Keichuan hmalam ka pan tawh

" Aw, kan ring che alawm. Insum rawh " Uchhana chuan alo ti a, ani hi chu adam dap reng a ka ngaina ber bawk 

" Mi pasal ngaihzawn hi ka tumlo hrim hrim, mi pasal nen an inbe ṭhin ti a miin min sawi zui pawh ka duhlo, chuvang chuan Rsa'n min lo biak pawn ka chhanglet ngailo, min lo biakna pawh ala awm vek, ṭha deuhin ka hrilh a, anupui pelhe san lo tur pawn ka chah thlap bawk " ti leh hmarh hmarh in room ah ka lut a, ka thawk arang viau mai ka thinrim ve tak tak aniang, Lyndai pawh biak ka tum ut ut a mahse, thinrim laia thil tih buan buan chu ṭhain ka hrelo a, ka ṭhulh leh ta zawk ani. 

' I online a ' Zan dar9 velah Damdawia msg alo thleng a, min be lo a biak ka tum biklo kha ania

" Ka online e ' tih chauh in ka reply a, a awmdan hi ka hrethiam hrep lo ve 

' I lungawi lo emni? Tihsual ka neih chuan sawilo, i thinrim chhan pawh ' atih leh chuan chhan mai dan tur ka hrelo 

" U angeli khan, ṭhianṭha tak in nih thu leh mipa ṭha tak inih thu asawi a, ka vanneih zia min hrilh bawk ' ka ti teh duah a, chat ah a awm reng aniang a in seen nghal zel mahse, min reply lawk lo a

' Min hriat reng duhdan in alawm ka awm ' min reply na chu ka hrethiam lem lo, eng emaw tak chu an karah a awm ka ring a, zawh kher erawh ka tum tawhlo. In biakna mood ah ka chen lem loh avangin ka muttui thuai a, ka phone ka flight mode nghal hmak bawk, Harsatna ka tawh ṭhin apianga ka inhnem na ' Naktuk ah chuan ' tia beisei insiam in, hun duhawm zawk beisei in zan thim chu ka chhin san ve a.

....

" Puii, i usiami te chawhmeh va pe rawh " Kanu'n ati lawng lawng a, phak zetin ka tho chhuak

" I va mak lek luk ve " Min lo ti chat a, ka chhanglo

" I nau ahmanlo, eirawng bawl kha lo ṭan ve lawk rawh. Sawmtluangi lah aṭap reng bawk si " Char lamah Ka vahnu aṭap a, ka vahpa lah alo awmhlei leh tawh viau

" Api, nimin a ka ṭhianpa kha ka kawm leh duh " akhat tawkin ati leh ṭhin, ka hmai te ka phih fai a, chaw chhuan ka siam zawh hnuah, thawmhnaw suk sa balbawma mi chu pho turin ka chawi chhuak a

" Eng nge diklo " Damdawia lo kal chu ngaipawimawh lemlo chuan, ka thawmhnaw pho chu ka chhunzawm mawlh mawlh a

" Diklo a awm pawn ka hrelo " tih chiah in ka chhanglet 

" I awmdan hi adiklo alawm, ka nau te lo zin ka hrilh loh vang che mi? " Ka nui a

" Nilo ve, engmah diklo a awmlo tunlai ka chau ve deuh a, chuvang mai mai ani " Ka ti satliah a, ala awih hmel chiah loh 

" Aṭhat chu, i hlim loh hian nuam kati miahlo " Min lo hnaih hret a, kalsan dawn ta ila ka thei ang mahse, ka tuar viau thung ang 

" Thawhpui te ho nen, chaw kan ei khawm dawn a " Atih chuan ka melh vat a

" Aṭha alawm " Tih chauh in ka chhang, sawi tur dang vak ka hre miau lo a, thildang dang sawiin min be buai sek a, ka rilru tawt deuh ṭun pawh chu azia ve ta deuh. Chhunah chuan Damdawia'n ' ka nau te khi lo han awmpui vela i hman chuan, an leng chhuak vak silo a ' atih avangin ka inpeih vek hnuah Quarter lam pan chuan ka chho a, Zoremi ahman lo a, Bawrhsaibea te lah an in hlawh ve daih bawk si, Vawiin chu Damdawia nau te bulah awm ve ila ani mai 

" Khanu kha abialnu ani maw? Aduh chhe ve e, Aizawl ah pawj duhtu angah tehlul nen, thingtlang nula vengva lo berkher " Tu zawk sawi nge ka hrethei chiah lo, min lo ngaina lo ru hle anih dawn hi 

" Iti anglo e, keichu ka u hi ka lawmpui asin, hmeichhia angaihsak duh tawh ngai loh hnuah tunah bialnu anei veleh thei a " Umm, aṭhiannu zawk chuan min iai zawk a ang 

" Nia ka lawmpui tho a mahse, thingtlang nula ber kher, tiang ho hi chuan hlawh nei bak hi an ngaizawng duhlo, i u hi asum vang mai maiin aduh te pawh ani maithei asin " ati leh zel chu insum ahar kati, ka zia lo pui pui a, miin min sawi hi lem ahar kati ber zel, ngaithla chhunzawm duhlo in kawngka chu ka hawng rak a, min hmuh chuan mak anti tih ka hria, ka nui lui a

" I u in inkhawhar ahlau sia " Ka ti lut bawrh bawrh a, Anau zawk chuan min lo nuih sang laiin aṭhiannu zawk chuan min ei loh hmel nasa mai, ka engah mah hian athawk lo tih hi ahrelo ani mahna  

" Lokal rawh, kan lengchhuak peih silo a " Zangkhai deuhin min lo dawngsawng a, tlangnel deuhin ṭhutthleng ah ka ṭhu 

" Alum emai, lenchhuah chi pawh anilo " Ka lo ti ve vat, kan hming te kan inhrilh a, Duhsaki ani a, aṭhiannu hi Sawmi ani thung

" Kan khua chu nuam inti em? Aro rep mai a " Ka ti a, mi biangbiak hi ka thiam tehchiam lo anih hi

" Unathana hi i lenchilh ziah ṭhin ami? " Ka nui tawp, Puii te nen an in rual velin ka ring a, thilsawi apianga midang khei zak thei thil sawi nuam ti chi anih ka ring, ka ringsual lo bawk ang, a zawhna chu chhan turah ah pawh ka ngailo, thildang sawiin Duhsaki nen chuan kan inbe bawrh bawrh a, Sawmi alo ṭawng ve tawh chuan lei la zet zet leh lem diak diak har deuh vek asawi ṭhin, Duhsaki chuan alo khap leh thuai ṭhin a. Tlai eirawngbawl dawnah ka hawnsan a, Ka nau hnenah Damdawia nau te chu kawm ve turin ka hrilh bawk, Sawmi zia leh awmdan vel pawh ka hrilh tlang vek a, engtin pawn awmse dawh hram turin ka hrilh bawk. Ka nau hi athinchhia a, insumtheihna anei vaklo

...

" U tluangtluang, ka u alo hawng tawh aw, Puii te nen hian dawrah kan kal dawn a " Kan ina lo luh pahin Duhsaki chuan ati a, kalo nuih var var, ka nau leh anni ṭhiandun inzui chhuak chu ka en liam a. Ka inpeih deuh hnuah Quarter ah ka han chho a

" I puar em? " Zangkhai deuhin kati a, alo thlenna ala reilo aniang ala inbuallo, Ṭhutthleng sei ah thatchhe deuh in alo ṭhu a 

" Puar khawp mai " Ati sup a, arim zet chu nidangah ka hre ngailo hrim hrim, ka nat veng veng rualin ka thin arim nghal ṭun thei 

" Zu i in elaw? " Zu in mi hi ka ngaina lo, kan chhungkua ah zu in kan awm lo bawk, ngaihzawng atana zu in mi neih pawh ka duh ngailo ania, kalo hrechianglo ani

" Ṭhianten beer anlo keng a, ka inve hlek " Amitmeng te chu adiklo vek, tuna Lalruathlua hi ka ngaina lo fai vek

" Pastor nupui nen khan nunhlui innei tih ka hria, sawi turin ka tilui dawnlo che, ani kha ila theihngilh theilo tiraw? Alo lan leh takah chuan ala ti danglam pha ta che a, hetiang anih dawn chuan kan inkar hi titawp ang " ka ti nghal hmak hmak, ngaihbel loh theih pawh anilo, hei leh chen kan in hre ve tawh, ka hrechiang ve viau in ka inhria asin 

" Ṭawng zung zung suh, amah vang anilo ka taksa achau deuh a, ka in ve hlek anih hi. Ka in tawh lovang " Ati bul bul a, ka nui hak thung 

" Hmeichhe fel deuh emaw ka tia, ka rin ang ani dawnlo, a pasal pawh khan ahrelo emni? I hmuh tirha i mitmeng danglam kha ka hmuh hmaih miah lo, i chanchin te chu min lo hrilh vel a, Pastor nupui si " ka ti duah a, ka chhungril tawt tup tup chu thunun harsa khawp ani.

" Lalnuntluang, hre chianglo in ti khan midang chanchin sawi tawp suh, amah vang anilo ka ti ani lawm ni " ati ṭhawt a, ka phu zawk nghe nghe, tiang hian min la thinrim khum ngai tlat lo a, ka tan chuan thil thar ani 

" Keite chu mi chuang kani ziah alawm, mi khawhar hnemtu, an mamawh loh hunah an hnawl leh ṭhin " ka aw khur hlak chu thunun theih pawh anilo, ka chhuahsan a Kawtah Duhsaki te nen kan la intawk zui, ava han hunlo chiang tak. thawk kala ham ham a

" I hawng dawn mi? " Duhsaki chuan ati a

" Umm, tihtur ka nei a " min biak chhunzawm hmain ka kalsan nghal hlawk hlawk, room ah ka tawm chawt a, phone pawh ka khawih peihlo, ka thil tawn tehnuai chuan nunhlui min ngaihtuah tirlo theilo a, ka natna ngai bawk khan min luhchilh leh nget nget a, ngaihtuahna fim hman ahar takzet. Mi chuang ang chiaha in ngaihna alian a, ka lo duh lutuk hman tawh chu ka inhaw takzet ani. Ka tana khuanu ruat diktak anih ve ka ring a, hlauthawng chung chungin inzawmna ka siampui bawk, atir kha chuan ka pawh lutuk ngamlo a, tun ang hun hi athlen leh ka hlauh vang ani mahse, hei tunah chuan athleng mek anih hi, ka phone ri chhen chu ning zetin ka en a, Damdawia hming alan chuan ka reject hmak, whatsapp ah ka lut a, amsg alo awm nual bawk 

' Ka vin che avang khan min ngaidam rawh ' tih ang reng atam mai engmah chu ka reply lo, ngaihtuahma fim put hram hram ka duh ani, Zoremi chu thil theng ka hrilh ve a, chipchiar tak chuan ahrilh theih loh

" I thinrim hrih em a, thil i ngai kawi hrih anih kha. Inbengdai la chiang deuhin ngaihtuah rawh " ka rin loh deuh chhanna ka dawn vang nge ka lungawi lo zuah sauh a, min thinrimpui ka rin ve teh lul nen, ngaihtuahna akal diklo zo vek tawh, mood a chhe ngawih ngawih bawk si, avan hneawm famkim tak. Inlaichinna lamah hian ka tluang ve dawnlo a ang riau mai

Cont..