Young Lady and Gentleman Chapter-11

 " Nu lalte, Kimkimi a awm em? " Kimkimi nu chuan kawtah pangpar tui alo pe a, min hmu thut chu mak atih ve hmel khawp mai

" Amelia, ilo hawng ani maw? " A ti hlut a, min han chibai leh hrih a

" Aw, vawiin hian Aizawl ah ka kal leh dawn a, Kimkimi lo hmuh ve lawk ka duh deuh a " Ka tih chuan 

" Room ah a awm alawm zu lut rawh " A hmel chu a nguai deuh ruai a, keipawh inchhungah ka lut ve nghal, Kimkimi te unau hi pathum an nia amah hi anaupang ber ani, a u te pahnih chu Aizawl ah hnathawkin an awm ve a, a putea an chenpui a, a putea hi chuan hnathawh em em pawh aneilo, a u te an awm loh phei chuan a nu leh pa bakah a putea te nen chiah an cheng tihna anih chu 

" Kimkim, keimah Amelia " Kawngka a kalh tlat a, ka kik dat dat

" Kimkim min lo hawnsak teh, inbe lawk ang " Ka ti a, kawngka kik nawn leh ka tum lai takin kawngka herhna chu ari rak a, chhunglam aṭangin alo in hawng, rang deuhin ka lut a mahse, kimkimi landan ka hmuh chuan ka phawk deuh hra

" Kimkim " Ka ti hap, a landan chuan ka chhungril ati na veng veng thei mawle

" Eng nge ilo tih dawn " A ti sep a, a aw pawh aringlo ari chang chang ani

" Ka lo hmu duh che a " ka ti a, sawi tur pawh ka hre chuanglo, a room chu ka enkual a ahnawk deuh rum bawk si, amah lah a cher in a dawldang em em a asam a thur em em bawk, khuma aṭhu chu ka pan hnai a asam chu ka chulmam sak, min danglo a ṭha deuh chuan adawh ve mai

" Naute kha ka hmu chak tawh khawp mai " Ka tih chuan thawpui ala deuh hak a

" Hawng tawh rawh, itan tumah ka ni hleinem min lo hmuh angai tawhlo " Ka kut chu a vai per lawp a

" Ṭhian kan nih kha " ka tih chuan a nui hawk a, nuihzat vang anilo tih ka hrechiang lutuk 

" Ṭhian maw? I ṭhian ni tlak pawh ka ni hleinem itana mi ṭhalo ka nih hi, nangpawn min ngaihdam theih loh kha " Kimkimi bulah chuan ka ṭhu a

" A tir khan ka rilru ana a, tette aṭanga ka kawm ka ṭhiannu in khatianga min bum kha ka hrethiamlo ani " Ṭawng chhunzawm ka tum leh lai takin

" Min chik ve ngai em? Tumah hian ka nihna tak in hmu thiamlo, ka nui a ka ṭha emaw inti a mahse, anilo asin ka ṭhalo ka ṭha thlawt lo, ka nun hi ka hahpui a vawi engzat nge dam aia thih ka thlan pawh in hrelo " A ti hlak hlak, a mittui luang pah ngiai ngiai chu a kut hnunglam in a hru tawk

" Min hrilh la, keichu midang rilru dawnpui thiamlo ka ni tih te chu i hria alawm, min hrilh tawp loh chuan engmah ka hrethiam ngailo " Ka tih chuan lu a thing nawk nawk a

" Nakinah ila hre mai ang " A ti a, ṭawng tum tawhlo tih hriat zetin a ka a chip hmak

" Ka ngaidam che, keimah zawk pawh hi min ngaidam rawh " Ka kuah a, min namsawn dawrh ka rin laiin nghet deuhin min kuah let a

" Midang te pawn harsatna an tawk a an nun a chhiat phah chuanglo mahse, keichuan ka harsatna tawn chu ka nun tihchhiat nan ka hmang ta zawk anih hi " A ti a, a ṭap khur dar dar ahnungah chuan ka chul heuh heuh a

" Inti hnual reng reng suh, i tan i chhungkua bakah keipawh ka awm alawm, Aizawl ah kal mahila kan in be reng dawn alawm " Ka tih chuan min chhanglo a

" Thil eiṭha rawh aw, i ngaihtuahna kawm vak vak lo la, i inpeih hunah i harsatna sawi tura i in peih hunah min hrilh rawh, Aizawl ah pawh awm mahila min koh phawt chuan kalo let em em ang " Ka tih chuan nui hmel apu ve ta a, reilote ka awmpui leh hnuah ka hawnsan, ka rilru anuam huai a min delh rit reng ṭhin ka ngaihtuah duh ngai loh thil khan min kiansan in min ti hahdam tawh, Ahma zawng khan Kimkimi huat ka tum ṭhin a mahse, ka haw tak tak thei ngai chuanglo. Papuia nena zinkawng zawh dun chu ka phurlo hulhual mahse, kalo sawi ve ting tang tawh si a

" Tluang deuh in inkal dawn nia, i thlen hunah min lo be ngei nge rawh aw " Kapi in ati a, min ngaih tur thu asawi leh reng tawh, kapi hi kalsan aharsa ṭhin kati

" Aw le, lo in enkawl ṭha ru aw " Ka ti a, Papuia hnungah chuan ka lawn kai tharh, 2wheeler a long run chu anuam lemlo ang, thawmhnaw ka ngah lo a, ani lah chamrei tur anilo bawk nen kan bawr vak lemlo

" I inla nguai nghal ringawt alaw " a tih chuan ' teuhlo mai' ka ti hlak a, abulah hian han zam ṭit ṭet ka nei tawh ngailo a, amitmei veng reng reng in ka awm tawh ngailo bawk. 

In eipuar tura kan chawlh bakah zun ram thiarin remchangah kan ding kawi zeuh zeuh a, chumi tih loh chu kan tlan chak ṭhin khawp mai, rin ai takin kan thleng hma bawk, thim thet thet ah Aizawl kan lut a traffic jam ah pawh mi karah inrawlh zeuh zeuh arem avangin kan rei lutuk lo 

" Ka lawm e aw, i zarah Aizawl ka thleng thei a " Nu saii te in gate pawnah kan ding a

" Khawhar lo in Aizawl ka thleng alawm, lawmthu sawi angailo " Ka bag min pek pahin ati ve maia

" Khapa nen khan in in ngaizawng tak tak emni? " A tih leh chuan ka bu nghat a

" Ka lut tawh ang e, fimkhur rawh aw " Ka ti ta zawk a, Papuia pawn ' Aw le, anih leh le ' a ti a, in chhung ka luh hmain a tlanchhuak thawm ka hria, door bell chu ka hmet a, vawihnih ka hmeh naah Nu Saii'n alo hawng a, min hmuh chuan a ri leh nghal hlut

" Chanchin min lo hrilh silo a, call i chhang thei bawk silo kan ngaihtuah hman lutuk che alwm " A ti a, inchhung ah kan inzui lut, U Ima pawh kailawn ah alo chhuk ve chhet chhet, ka nuihsang laiin a tum hmuk a, ka nuih reilo teh asin.

" Ilo kalna i sawi chiang bawk silo, lo hmuah na tur che kan hre alawm " a ti leh a, Sam leh Noah pawn min lo lawm thiam khawp mai

" Ka hmelhriat pakhat Aizawl ah kal angai ve thut a, chumi rual chuan kalo kal " Ka tih chuan engmah min zawt zui tawh lemlo

" Lo chho teh " atih sup hnuah U Ima chu ka bag khaiin inchungah a chho nghal nulh a, Nu Saii'n Sam te chu alo ko hrang ve bawk, in chungah chuan ka chho ve mai a

" Khapa nen khan inlo kal dawn tih nizan kha i sawi miahlo" Room kan luh rualin ati hmuk a, ka bag chu khumah a theh thla hnawk

" Min zawt hleinem " Ka ti ve hlak a, a lakah hian ka Lungawi bik reng reng lo 

" Ka zawh kher che angai emni? I chanchin chu min hrilh mai turah ka ngai " a lawm bik lo tih ahriat viau 

" Aw anih chu, kalo thlen diam tawh hi sawikual leh angailo " Ka ti ve hmak a insawifiah dap dap ka tum hranlo, ngaihsak lo deuhin khuma ka bag chu ka la a, a awm velo ang maiin ka che mial mial

" Lalruatpui, insawifiah i tum miah na nge " Amah ngaihsak lo zeta ka chet mial mial lai chuan hneh zetin min pawt her nawk a, ka darah nghet zetin a hmer bawk

" Eng nge ka insawifiah angaih na, Papuia nen kan lo kal dun vang maiin maw? Kan awm khawlo tihna pawh ni hleilo, sumo fare ato a ani lah Aizawl lo kal tum tho ani a, kan lo kal rual ve ani mai " Ka ti hlar tawh, insawifiah tumlo mahila ka insawifiah leh hlek tho hi

" Kalo hruai ang che ka tilo emni? " Min thing pah nawk a, rum zetin ka melh ngawt ngawt

" Min lo hruai khan ahautak fe zawk, tinge thil kal tawh sawibuai tlat itum " Ka ti a, min chelhna chu phelh ka tum ve ngar ngar

" I danglam tih i in hria em? " A tih leh chuan thawpui kala hak 

" Tunge danglam hmasa zawk chu kan hria alawm, kan inhmu lo dek dek a zu i in nghal a, nangmah mai pawh anilo hmeichhia anla tel zui, atuk ah khan i insawifiah em? teuhlo lutuk i insawifiah lo hrim hrim, ka lungawi bik ring suh. Khami ni kha itan chuan harhfima hmachhawn ala remlo anih hmel a, ka thik hranlo mahse, ka lungawi biklo ania " Bathroom ah ka lut a ka in kalh hnan hmak, ka ṭap lo a ka thimrim em em zawk. Inbual faia ka chhuah leh chuan alo awm tawhlo a, inhnuai ah pawh chhuk chak tawhlo viau mahila ka in ka duh duh dana ka awm na hmun ani lo a, inhnuaiah chuan ka chhuk veleh ta nge nge. Choka ah Emily bulah ka kal ta daih a, min ngaih thu asawi ve nasa mai, Thildang hawnsak tur hre heklo Spicy ka lei chu ka pe a, ala lawm thiam em em zui.

" Au alo hawng tawh au bulah ka mu duh " Noah chuan ati veleh tlat a, room ah kan inzui lut leh ta nge nge, kan mu fel deuh chiah tih ah Sam pawh lukham pawp ṭat chungin alo lut a, kan sir ah alo inthawlh ve sat sat, thil ho tete ka sawipui a Sam pawh a ṭawng duh ve phian. Kimkimi'n alo call a, Sam te unau an mutthilh tawh avangin thawm dim deuha tho in inchungah ka chho 

" Lawk aw, inchungah kan chho lawk " Ka ti a, Kimkimi pawn alo aw ve mai

" I mu theilo emni? " Ṭhutna ah ka ṭhutthlak rualin ka ti a

" Ka mu thei ngai hleinem, naute vang hian damdawi ka ei ngam silo a " Alo ti ve sep a, a ṭawng zuai deuh raih te chu kimkimi lo riau hian ka hria

" Ka lo tlaivar pui ang che " Ka tih chuan zuai deuhin a nui a

" Pathlawia nen khan in in ngaizawng ta emni? " Alo tih chuan 

" Umm mahse, tunah tak chuan kan in hau a " ka ti a

" In in ngaihzawn ka ring reng ah " Alo ti ve ngei a, ka nuih pui hak hak, thil thleng vel chu ka hrilh ve sep sep a atawp khar nan ' Kapa in aduhlo a kapa thu hi hnial in U Ima hi kawp lui ta ila Papuia ang khan atawpah min kalsan leh ta se, Papuia ang anilo tih chu ka hriaa mahse, a nupui thihcham pawh harhfima la hmachhawn theilo tu hi ka ring bur thei hrih lo ' ka ti a, Kimkimi pawh angawi vang vang

" Mipa hi an mak lutuk, kan rin loh ang deuh hian anlo awm leh ṭhin, rin vak chi anni pawh ka hrelo " A ngawih vang vang hnuah alo ti veleh sep, naute pa chungchang ka sawipui lo a, kanu kha chuan kimkimi'n a sawi duh lo ati a, min hrilh loh chuan zawh chiam ka tumlo

" Nia, U Ima hi ka va ringlo ngawr ngawr pawh anilo mahse, ka rilru hi a buai ve lutuk a " Ka ti a, ka insawi thawl ve takah chuan ka kawchhung tawt tup tup pawh azia ta huai mai

" Thurawn han pek tur che pawh ka neilo, ka hul phak " Alo tih chuan ka nui a, ani pawh anui ve tho, rei deuh kan inbia a, menpui ve reng ka tum laiin amah zawk a in nuamlo ati nge ka mutchhuak ati tlat a, amut tak tak erawh ka ring chuanglo. 

Class kal turin ka chhuak hma a, Dandani'n kan inah lokal rawh atih tlat vang ani, U Ima pehhel ka tum lai tak ani ve bawk a, Dandani tein pawh ka thleng harlo aman kawngka alo hawng a, min hmuh rualin min kuah nghal chung chung 

" I rim te hi ka ngai tawh " Te ati vel a, a nghal famkim dan hi 

" I over lutuk " A lu ah ka nam a, a kat deuh nawk

" Amelia, i ṭhiannu ilo sawm ani maw " Nu Sangtei Dandani nu chuan ati a

" Aw anih hi, Nu sangte ilo dam em? " Nui sang chungin kati a

" Dam ani mai aniang chu keihi chu abuaithlak dam tak tak ka nei thei tawhlo " a ti zawi sep a, hetiang hunah hian lawm ṭawngthei hle si sawi tur ka hriat leh ngai tlat loh ṭhin

" I ṭha leh mai ang " Ka tih chuan min chhang tawhlo in min en vang vang a

" Nu " Dandani'n a koh takah chuan a insiamṭha sawk sawk

" Ohh, tih tur ka nei tak, tluang deuhin in kal dawn nia fimkhur ula " Ti sawk sawkin an room ni ngei turah chuan alut bo ta daih a, a awm dan chu mak kati leh khawp mai

" Hrethiam rawh aw " Dandani'n atih chuan ' hriatthiam loh tur a awm hleinem ' a rilru nawm nan ka ti tak na a, a awmdan khan min ti hamhaih

" I tetlai thlalak i nei em? " Taxi in Company kan pan a

" Nei e, tinge? Nang hi i awmdan ava dang ve " Ka ti a ka nui pah hak hak, ka phone chu phawrhin ka tetlai thlak album ami phone a ka lak chhawn leh ho chu ka entir a, uluk deuhin a en vung vung bawk si

" Eng nge i hriat a " Ka tih chuan ka bekah min nam dat a, ka phone chu min pe letin a tetlai thlalak min hmuh ve a

" Uii i chhe kir ker e " ka tih chuan atum lui bar a

" E taka! Ka hrechhuak " A ti hluai, henu teh phut ṭhin hi chu aw taxi driver pawn ' Min ti phu dawn alawn ' nui pah huai huau chungin ati a, Dandani anui leh uar uar 

" Hmani khan i awm silo a ka khuahar a, Pari dawrah kava kal a chuan thilmak deuh ka hmu " hre chak deuhin ka beng ka chhi kar a ka ṭhuthnaih sauh bawk

" Eng nge chu chu " Ka tih chuan 

" I ninawm ka sawi dawn alawm " A ti hlak a, ka nuih tlawn vur vur 

" I pa leh U Ima ka hmu, an lo ṭhu dun a eng nge an sawi chu ka hre chuanglo mahse, an sawi ril hmel tawp an hmel a thutak dun sia, anni chuan min hmu chuanglo ang " A ti zat zat a, tinge kapa leh U Ima chu an in hmuh ang, chu ringawt chuan ka rilru ati buai tawh, in a inhmu satliah nilo restaurant ah kher tinge an in hmuh? Chhanna ka nei biklo. Class kan ṭan leh a kan group ami nilo group dang ami te pawn lawmpuina thu min hrilh ve sap sap a anuam viau mai, Cafetaria ah thil kan ei laiin thawm a awm huk a, thawm awmna lam ka hnungchhawn daih avangin eng nge achhan ka hre lo

" Eng nge a " Dandani chu ka zawt a, thawm awm hleka meng tang nghal hru ṭhin Dandani'n pangai takin thil a ei chhunzawm mai bawk sia, a ṭangkai vaklo aniang

" I bialpa saw alo in show-off dawn aniang " A thil eilai aṭhial tuam tuam a, juice a lem leh hlek bawk, athusawi avang chuan ka hawi let ve ta nge nge a, Lalhriatpuia chuan kan ṭhutna alo thleng ṭep tawh, chawl kan tam si ava han ti anglo e 

" Hmun dangah ei ve maita che " Ka bulah alo ṭhu leh kher a, ka zak lutuk ringawt 

" Ka ngai tawh che alawm Bawihi " Bawihi tih lai chuan zawite in ka beng bulah alo phun sep a, Dandani'n ahmui a petsawi kual nasa mai

" In van over tak, min hmuh loh ah in in duat theilo ami? " A ti hlar a

" A ti tau a, alo thlen aṭangin kala duat theilo, ei mai mai teh " U Ima lah chuan a ngaipawimawh lo mai sia, a thil order chu alo thleng hma bik khawp mai, company nei tu nge nge chu an duhsak bik loh chuan adik nang 

" Banah min lo hawnsan suh, sawifel tur kan ngah tawh lutuk ania " thil kan ei zo a, kan eiman pawh aman ape vek Dandani lah chuan Drinks pahnih ala tel leh hram a, U Ima pawh anui ve tawp. Building kawt thleng kan inzui a Dandani chuan class ah min luhsan tawh

" Aw le " Ka tih chuan mawi ka tih deuh ang khan anui leh a, ka nuih let lo theilo

" Khatianga i nuih khan i hmelṭhha tih ka sawi vangin i nui lui chiang " Ka tih chuan a khabe atuai zeuh 

" I tan hian theihtawp ka chhuah dawn, chu chu hre reng rawh " A ti a, awmdun reng theih ni heklo le min kalsan a, Akalliam hnu chuan inher in midangin min en hrek hrek na chu hrelo derin class lam pan ka tum a, Sangkimi te nen kan la intawk zui, kan intawk pawh ani chiahlo min lo kalchilh ve hrim hrim ti zawk teh ang.

" Competition ah i chak dek dek a, i zamlo sawt hle mai " A ti a, a chak lohna chu ala pawmthei lo a ang khawp mai

" I rilru a kawi anih chu, i thinrim lai tak khan i rilru kawi lutuk kha siamṭha rawh, khatiang renga i awm chuan nakinah tumah ila ring zo lo ang " Ka ti ve kher a, ka sawi diklo hranlo, kan chak lohna kan pawm avang hian kan tlawm ta viau e tihna lam anilo, anihna takah chuan chak lohna pawmthiam te hi an chak fe zawk.

" Khatianga min ṭawngkhum tur khan ka tan tumah inilo " A ti hlar a, buaina chawh chhuah tum reng reng hian a hmanhlel a, a ninawm tak tak ani

" I tan tumah nilo ila midang ang hian min kalpel vel mai mai ang chu, Vansangkim min tihbuai phet tum tawh suh" Ka ti fak fak a, min ti lui leh anih chuan kan insual ani mai, ṭawngkama inhauh chiam hi ka thiam velo.

" Ve lutuk che hian " Ti ṭhat paha ka samah lo keh atum chuan lo dingsawn hmain chhuatah ka nam thlu a, a la ṭe ring em em mai leh nghal

" I tello pawn buaina ka ngah tawk aw, min lo tibuai ve chhen suh ka mamawh lo che ania, i ngaihtuahna kawi ang zawng zawng kha min hmehbel bawk suh, i rilru a kawiha midang i er reng chuan i hlawhtling chuanglo ang" Ti hmakin ka kalpel a, ani lo pawh buaina ka ngah ani vang mai mai a buai kual hman pawh ka ni hrih lo. 

" I va hma ve " Class kan banin U Ima chuan min lo nghak ran tawh a

" Kan inkar hi chinfel vat vat ka duh tawh " Naupang chhia zetin a tum deuh hmuk a, a fate ai pawn tunah tak hi chuan a naupangchhia daih zawk.

" Kan va tlan thui tawh ve " Kan kalna tur pawh ka hrelo, kan tlan thui tawh tih chauh ka hria

" I hmu mai ang Bawihi, tlem te hian dawh thei ve deuh ṭhin la " A ti dut a, inher tau sawkin pawnlam ka thlir san daih

" Kan thleng ta e " Motor a ding dat a, a chhuah rualin ka chhuk ve nghal 

" Mi hausa ho tak hi chu " Ka tih chuan a nui huk a

" Kapu in inhmun hi min pe a, kapu thih hnuah in te sa in ka hunawl apiangah thing te ka phun ṭhin " In bul velah chuan thingkung lian lutuk lo buk deuh deuh a awm far a, ahmun chu a nuam ani tawp. Kawtlaiah chuan phullem a phah vek bawk a, mi rethei tan chuan hetiang hi tih ve theih chi pawh anilo.

" Lut ila " A kut alo phar chhuah chu ka vuan a

" A nuam hle mai " A chhung chu a anuam khawp mai, a athianghlim sar mai bawk si.

" A van fai ve " Ka ti leh a, ka kal kual vel a engkim mai chu a bal tia sawi tur a awmlo

" Tifai tu ka ruai ṭhin alawm, Karkhat ah vawihnih te achang in vawikhat te a tifai ṭhin " A tih chuan ka bu nghat nghat

" Enkual hun chu ila ngah dawn, tunah chuan sawidun tur kan nei " Ka banbulah chelhin min pawt deuh dawrh a, sofa ah chuan min ṭhut tir dawt

" Keipawn zawh duh che ka nei alawm " Ka ti ve thuai a, ka bulah alo ṭhut rual chuan uluk deuhin ka en vung vung

" Min zawt hmasa dawn emni? " atih chuan ka bu nghat a

" Kapa nen in inhmuh chhan kha ka hre duh " Ka ti nghal tawp, pehhel deuha thilsawi hi ka thiam ve tlat lo

" I tih ka ring reng a " A tih chuan ka nui a

" Ka sawi kil kel lovang mahse, kalsan che ka tum lo min kalsan duh anih erawh chuan ka danglo ang che " A ti a, ka hmui ka seh neuh neuh ringawt

" Zu i in kha " Ka ti a, zu in mi ngaihzawng neih ka tum ngailo a, alo in kha kala tuardam theilo ani

" Kan ṭhian ho kan in hmu khawm a, ka rilru tawt lutuk tih reh nan ṭhiante rualin ka lem ve hlek alawm, hmeichhia i sawi kha Siamsiami aniang " Ka ngawi reng tho, ka lungawi loh em em ka hrelo a, a insawifiahna ka ngaihthlak hnuah ka hahdam huai pawh ka hre chuanglo 

" Khami ni kha Sam te nu thihcham tih ka hria " Rilru a vei nei reng chunga nuih luih vel hi ka peih ve vaklo a, chuvang chuan zawh theih apiang chu ka zawt zel ang, mahni intih hreawm hi ka zia ani velo

" Kha tak kha kan buaina chu ani, khami ni khan i pa nen kan inhmu, Zosangi thihcham chu ani ngei mai mahse, a thihcham vawi1 na aṭangin harhfim char charin kala hmachhawn " A ti ve nghut a

" Kapa chuan eng nge a sawi " Ka ti leh hram 

" Hrelo la aṭha zawk, kan inkar hi atir aṭang khan awlsam tak anih ka ringlo sa, i pa thusawi avang khan kalsan che ka tum lo ania, i chhungte lak aṭangin an phal lo chung ruk che ka tum lo bawk, i pa rilru chu hneh hun kala nei ve mai ang, min pawm thei ngang lo ani leh thiamthil ka nei tho a " A sawi tawp lam chu anui pah vur vur a, a thusawi awmzia ka hriatchian em avangin ka biang asa deuh hat hat

" I hur e a " Ka ti vak a, a nui chhuak hawk hawk leh nghal

" Ka hur ringawt lo " A ti a, min kuah nawk nawk leh nghal

" I ninawm, i hmelchhia hulk-a " ka tih leh hlak hlak chuan ka hmuiah min fawp deuh nawk, talchhuah tumin ka leng chiam a, ka hmui ka chip lui tlat bawk chutianga ka awm chuan ati phur sauh nge insiamremin sofa ah chuan min bawh run a, min fawp uar sauh leh nghal. 

" Ka hrawm nawk nawk chak che " Min fawhna a thlah rualin ati hluk a, thawk ala hrawk hrawk bawk si tim daiin ka en reng ringawt 

" Min hlau suh " Tiin min fawp ṭha leh a, keipawn ṭha deuhin kalo chhanglet ve mai. 

Dam chuan hun hi aliam zung zung a, Designing pawh ka zir zo ve ṭep tawh, thla khat dawn chu Aizawl ah ka awm ve leh tawh tihna anih chu, U Ima nen pawh kan la inkawp tluang zel a, in hau in intih tauh khum ve bar bar ṭhin mahila kan inthlem lungawi leh thuai zel, kan awm tlan hian kan inhnial a tam zawk ṭhin, Sam leh Noah te pawh exam turin an in buatsaih a, ka hunawl apiang ah lehkha ka zirpui ve ṭhin. 

" Lo tlang mai la, kan intiat tho a kan inah i inbual anga ka thawmhnaw i ha ve dawn nia " Dandani'n min pawt leh cheng cheng tawh, an inah chaw ka ei dawna a phur leh tawh ania

" A pawilo " Ka ti ve mai, an in ah chuan kan kal a, an chhungkua anlo awm kim ṭhap chu ka bangbo lek lek, an chhungkua an awm kim laiin ka leng ngailo a, chuvang pawh chu ani maithei ka nel vaklo

" Room ah kan awm hrih dawn " Tiin Dandani chuan step ah min kai chho dat dat a, room kan luh hnu chuan ' Thil ka hrechhuak ' ti hluaiin a au leh vak tawh

" I ninawm, min ti phu nasa lutuk " Ka tih chuan anui vur vur a, a awmdan cheng cheng chu naupang thil thar nei te pawh a ang alawm a za cheng bawk si.

" Kawr in ang ka lei a, ka pe ang che ka ti a kalo theihnghilh char char, ha rual ang aw " ati a, a thawmhnaw bawm chu nawr tawlhin kawr chu alo khai chhuak, kawrfual purple nalh zel simple deuh mai ani a, ka rawng duh ber ani bawk nen engtik laiin nge Dandani kut aṭangin ka lak pawh ka hrelo

" Awi! Ka van lawm em em, a cial tawp " Ka tih chuan anui har har mai

" Inbual rual ang " Bathroom ah min nawrlut a, hmeichhia leh hmeichhia ah chuan zah tur vak a awmlo bawk nen, kan inbual rual a kan hnungte kan in nawhsak, anuam kan tiin kan nui ring thei viau.

" Kan va chhelo dun tak " Kawr chu kan ha a, darthlalang hmaah dingin thla kan la chiam bawk, inhnuaiah kan chhuk a, achhungte'n min hmuh chuan min thlir dauh dauh hlawm a, min ti lai zo vek 

" I mak teh ṭhap emai " Dandani'n ati deuh hlak a, an hawisawn ve thei chiah

" In van hmelṭha dun em em ve " An ti a, fak na chu nuihpui loh chi anilo ka nui ṭha reng mai, Zanriah hlim deuhin kan kil ho a, a unaute leh an nupui te bakah an fate ka tan nuamlo zawngin an khawsa lo a, A nu leh pa lah an fel bawk si, Zanriah eikham hnua tihfel pui ka tum chuan an phal tlat lo a, Dandani nen a roomah kan chho leh daih 

" Vawiin ah thil ka ei kual nasa lutuk a, ka pum in a zolo, ka va inthiar lawk " Tiin bathroom ah a tlan lut chan chan a, nuih vur vur chungin a room chu ka enkual, zawn nei chuang silo chuan engkim mai chu chik deuhin ka en a, a thawmhnaw dahna inkhar phuilo khar phui ka tum lai chuan, lehkhabu alo tla thla dawt, chhar a dah leh mai ka tum a mahse, Ulbum zawk alo ni a ka en chak deuh tlat. Dandani tetlai deuh hlir ani a, an chhungkaw thlalak te anu nen an lak te a tam mai, Dandani alo chhuah thut ka hlauh avangin ka en thuai thuai a, a ṭhen chu ka phone in ka la chhawng leh hrih, hmanhmawh deuha en ta nafam chu ka en zo thuai a, a tawp bera thlalak erawh Dandani ani lo, ka en chiang a ka meng kawk kawk mai, he naute thlalak hi ka tetlai thlalak nen danglamna a awmlo, ka phone a ka tetlai thlalak nen chuan ka enmil a. Ka enrei hma chuan Dandani'n thawm alo nei thut, ka phu chiang bawka ka phone pawh ka thlauh daih, ka phone chhar ta mailo chuan Ulbum chu ka dahṭha sawk sawk a, ka hawi let leh rual in Dandani alo lang ve nghal zat

" Ka mawng a thip " Khum bulah aṭhu tung at a, ka awmdan adanglam hlau deuhin ka nui a, zawh tawp a chi mai ang em? Ka tetlai nen khan ka enmil hman chiahlo a keimah pawh ka nilo maithei, tinge ka tetlai chu Dandani'n a kawl ve ngawt ang

" Hey,, eng nge maw i ngaihtuah le " Lukhamin ka hmaiah min vawm a, ka harh zawk rualin lukham pawh ka ke bulah a tla hnak

" Sawi i nei ami? " Ka tih chuan chek tlak tlak in a ding ṭiah ṭiah a

" I hmel ava diklo ve " A tih chuan ka thaw hak a

" I mit vai anih chu " Tiin ka nui lui vak, a ngaih aṭha leh ta deuh nge ani pawh anui ve mai a

" I thawmhnaw bawma i Ulbum dah kha kalo en a " Ka ti a, chik deuhin Dandani chu ka en kar bawk, ka sawi zawh rualin min lo en kawk a, a mitmeng danglam zut zut chu ka hmuh hmaih lo nasa

" Aaaa...nia...nia keichu ka hmelṭha ber zel alawm " A ti nawk nawk a, a nui lui hak hak bawk 

" Ilo chhuak thawm ka hria a, en pawh ka enzo hmanlo, en zo ila " Ka ti leh a, Dandani chu a meng kual deuh ralh, chu chuan zep anei ngei tih min rin ngheh tir hmak, a thil zep erawh engthil nge ka ngaihtuah thiamlo.

" U Ima in alo ngaihtuah tawh ang che, enna hun ala tam alawm nakinah kan la endun dawn nia " a ti a, hahdam huai huai hmel a pu, sawi buai tawhlo chuan ka bag kala a inhnuai ah zawi deuhin kan inzui thla leh 

" I hawng tawh dawn ami? Lo leng leh ziah rawh aw " Pu Sawma Dandani pa chuan ati dam thluam a

" Aw le, Pu Sawm Nu sangte lo inenkawl ṭha ru aw " Nu Sangtei te nupa tih loh chu an lo awm tawhlo a, an hawng leh diam tawh pawh ani maithei, Dandani nen an ṭhenawm te taxi hmangin Nu saii te in kan pan a, taxi chhungah chuan kan in be tak tak lo, driver nen chuan an in hre ṭha bawka an ṭawng dun bawrh bawrh a, kei erawh rilru buai deuhin ka ṭhu ngawi kar

" Kalo lut velo mai ang aw, naktukah kan inhmu dawn nia" A tih chuan ka bu nghat, In mangṭha in a tlan chu ka thlir liam a, door bell ka hmeh chuan Emily in min lo hawna anui pah sang bawk, inchhungah kan inzui lut a ṭawng ri hlut ka hre nghal, Nu saii ten inleng an nei pawh ani maithei rin ang ngeiin Common room ah chuan Zomuani leh a nu leh pa te anlo ṭhu a, Sam leh Noah bakah U Ima te pawh anlo ṭhu ve kur, ka en reng lai chuan U Ima chuan min lo hmu fuh min hmuh rualin a tho nulh a, Zomuani nu titi barh barh lai pawh U Ima awmdan vang chuan nge a tawp deuh chawt a

" Kapi kapu min lo hrethiam rawh u, Sam lehkhazir angai tawh " Ti sup in ka lam alo pan a, Nu saii'n a fapa chetdan chu hrethiam turin a hrilh nghal sawk sawk thupha a chawi luam mai, Zomuani chuan rum deuhin min lo en a, zam duhlo in ka en let ve kar. Zomuani nu leh pa erawh mi a nilo ta chu ' an exam lai tih kan lo theihnghilh alawm maw le, thupha chawina tur a awm loh kha ' an ti dam thluam a, an rilru tak tak erawh chuan U Ima chu an dem ve viau maithei ani. Sam leh Noah te nen kailawnah kan inzui chho a, U Ima pawh kan hnungah alo pen chho ve khup khup mai

" Ate, i puar em? Ani Dandani chuan a eipuar tir phal che maw? " Inla puitling deuhin Sam in min zawt a

" Umm, lo hawn a phallo a mahse, Sam leh Noah in min ngai lutuk ang ka tia, kalo hawng lui anih hi " Ka tih chuan U Ima anui huk a

" Lo nui bawk suh " Ka tih laiin Noah chuan U Ima pawm a ngen leh deuh tlat, step pawh kan zawh chhuak ṭep tawh ania

" Sam, tinge ilo luh ve " Ka room ah kan inzui lut dial a

" An bulah ka mu ve dawn " Ti ve hmakin apa chu a kalpel a, khumah lawnin a mu fel nghal than, Noah pawh apa pawmna aṭanga tal thla in Sam bulah chuan ava mu ve nghal a, Sam in alo chhaih deuh nge anui ar ar mai

" Good night kiss te pawh ka beisei ve ania, Sam leh zel a awm ve bawk si, zanin chu ka hul phak dawn anih hi " A tih chuan a samah ka kehsak nawk, inla khawngaihthlak deuhin ala ner nung zui 

" I ninawm emai " Ka ti a ka nui pah tho, Sam leh Noah te chu lehkha kan zirpui leh a, Noah chu a ham bai bai reng, rin ai takin Noah hi a rilru a chak a, Sam pawh ngaihtuahawm anilo. U Ima chhuak tur chu kawngka bul thleng ka zui ve a, a kal hmain min fawp leh zeuh. Sam leh Noah chu ka muttir a, an mutchhuak ve tawh ngang aniang an inhlei peih tawhlo hrim hrim, hmai ka phih zawh a mut ka tum ve lai takin ka phone a ri a, chhang ta mailo chuan khumah ka ṭhu leh te te 

" I mu tawh ami? " ka lak rualin Kanu'n alo ti var a

" Aih, Sam te lehkha ka zirpui a, mut ka tum chiah zawk " Ka ti a

" I u in inluah tur kha a hmu tawh a, thlathar lamah chuan kan luahlut thei tawh ang, nangpawn i thil zirlai i zo ve tawh ang a " Ka hnual nghal rawihin ka hria, an reh vang vang a inluah tur an zawng tawhlo emaw ka ti asin, Kapa hian U Ima hi a pawm ngai dawnlo tihna emni

" A ṭha alawm " Ka ti sep a, ka phur loh zia chu a hriatthiam mai ka ring

" I phur vaklo ani maw, karthar lamah i pa te pawh inluah tur en turin anlo kal dawn a, i pa lung ti awilo zawng te khan lo awm suh ang che, Ipa hian a hmangaih che ania, i tana a tuarna zawng zawngte kha atakin hmu vela i hnial i hnial reng lovang " Hetiang hi kanu'n a sawi ngailo a, chhan mai dan tur hrelo in ka ngawi vang vang

" In hmangaihte hi an awmdun kherlo, kan hmangaihte neih ngei ngei tum hi thil diklo tak ani, kan hmangaihte tan chuan kan bei tur ani mahse, kan hmangaihte chu hmangaih tlak anni em tih chik hmasak hi a finthlak ngai, eng amah hmain Imanuel kha ṭan ṭung suh, chik la fiah ve rawh, a chang hi chuan kan duh lutuk na lamah an ṭhat lohna zawng zawngte hi hmuhkan a awl ania " A ti leh dap dap a, ' Aw le ' tih chauh in chhang mahila ka ngaihtuah zui vang vang. 

Zanah ka mengrei deuha zingah chuan thawh ka hai chiang khawp mai, Noah leh Sam pawh an lo tho daih tawh, tukdang ah chuan kan tho rual ṭhin ania, hmanhmawh deuhin ka tho chhuak a, room a ka tihtur ka tih zawh hnuah inhnuaiah ka chhuk a choka ka lut tur leh Nu saii lo chhuak tur chu kan in su teuh khawp mai

" Zingah te hian Emily pui ve ṭhin rawh, Amelia. Class i kal loh chuan engmah iti ngai chuanglo " Zah vang leh hrilhhai vanga thih theih nise tunah hian ka thi chiang viau ang, Ka hrilhhai luatah engtin mah ka chhanglo a, chhang dawn pawh ni ila chhan ngaihna ka hrelo, min vin lo a dam deuhin sawi mahse, min den dan erawh a na khawp mai. 

" Amelia " Emily in min koh takah chuan inthingharhin choka ah chuan ka lut a

" Nu saii thusawi kha ngaipawimawh suh aw, a mood a ṭha leh lo deuh anih kha, a thawh hlim aṭangin ala phun char char alawm, ngaiah neih tum rawh " Ati seuh seuh a hreawm ka tih chu a hlau ve khawp mai, khatiang thut thut kha kan chhungkaw nunphung anilo a, kan in vin ve hlak hlak ṭhin ngei mai mahse, chhan awmlo a lungawi loh thut te kha kan zia ani ve silo a, ka hrethiamlo in ka hrilhhai takzet. Emily chu tukpum in ka pui a angailo ti mahse, ka chuh lui ve tlat tawh.

" Eng nge itih a " U Ima lo lut chu coat suit nen a in duang zaih avangin mak ka ti deuh a

" Meeting pawimawh deuh kan nei a " A tih chuan ka bu nghat nghat

" Emily a awm kha chuhpui lutuk suh, a kek hrep mai ang che " A ti fiamthu ve ngei a, Emily pawn alo belhchhah vat

" Chho ila " A tih leh chuan rang zetin ' Aih ' ka ti a, ka chhanna vang nge min en ve kawk

" Ka..ka tih awmzia chu han chho mai rawh " Ka ti nawk nawk a, ka awmdan chu a hriatthiam loh hmel ngang mai

" Khawnge Sam leh Noah hi " A hawikual a, keipawn Sam leh Noah kala hmulo hrim hrim, Chhang turin an awmna ka hriat miau loh avang chuan ka ngawi kar a

" Nu saii'n a lenpui aniang " Emily pawn a hre biklo anih hmel

" Ka han inthlak lawk ang e " A ti a, choka aṭangin a chhuak

" Nu saii avang chuan khatiang khan awm phah suh " Emily in min hau hlak hlak a, ka chhang lem lo

" Eng nge ilo tih dawn " U Ima aw chang bawl ka hriat rualin ka thil chan lai ka chawl dat, Emily nen kan in en zeuh a, inthurual ang hrimin choka kan chhuahsan nghal

" Thil pawimawh ah ka chhungte an zin vek a, an zin chhung chu hetah kalo awm dawn " U Ima leh Zomuani anlo in hmachhawn a, Zomuani hnung lamah chuan Nu saii leh Noah pawh an awm ve

" Chhung dang pawh innei engvanga keini i chhungte pawh nilo te bula lo chen tum nge inih " U Ima in ati leh nghut 

" Imanuel, khatiang thu kha sawi tawh suh, Zosangi awm tawhlo mahse, i fate avangin Zomuani te hi mihrang en in i en theilo " Nu saii'n ati hlar a, Nu saii mize danglam dawrh chu amak ngawih ngawih.

Cont..