young Lady and Gentleman Chapter-14
" Room ah kan inbe lawk dawn mi? " Kapa chu atho nghal nulh a, rang deuhin ka zui lut ve nghal
" Nizana ka thusawi kha apawi kati, ka sawi tum loh ber ani" a bula ka ṭhu a, kapa chuan ka mitah pawh min en duhlo
" Nizan kha chuan ka rilru ana a mahse, ka ngaicham che pa, thinrim lai chuan kan duh loh kan sawi chhuak fo alawm " Ka tih chuan min en vang vang a
" Lokal teh " A ban a phar a, rang deuhin kalo kuah nghal, kapa nen kan in kuah khat zia hi
" Pasal i neih chu kala phallo ania " Ka bengbulah ati a, ka nui a ka mittui aluang bawk
" Ka lawm e kapa " Ka ti ṭiau a, ka hnungah a beng thek thek
" Dawhtheih angai ania, tuna i rilru hi ti danglam ngai suh ang che " A ti nghet charh, ka bu nghat nghat a kapa hi a hlauthawng tih ka hria, a huntawn te kha ka hriatpui veklo a mahse, thil namai chu ani dawnlo, hlauhthawnna anei reng pawh hi ka dem biklo.
" Eirawngbawl pawh kan va phur ta surh surh ve " Ka u in min fiam reng a, Kanu leh kapi bakah U Ima ten min nuih leh vur vur zel
" I ninawm emai aw " ka ti leh vak ṭhin, min fiam kual hi anuam tih ber ani ve hrim hrim
" I tana ka thawhhlawk zia hi i hria em? " Zuk han ti a! thil sawi awm leh awmlo pawh hi a hre hlawl lo
" I mak e " Ka tih chiam chuan anui hawk hawk a
" Kan in hnial loh na pawh arei tawh alawm, kan in ngeih lutuk hi ka ngaih aṭhalo " A ti leh hram a, chhan ngaihna pawh ka hre tawhlo, ka nuih ve tawp tawh
" Ima, engtik nge hawn leh i tum ang " Kapi in atih chuan U Ima chu kan ngaichang ṭhap
" Naktukah hian let leh mai angaih hmel, Ruatpuii a ngaihtuah awm chuanglo a " A aw athian pah kharh a
" Ni e, Sanga pawn a pawmthiam tawh a, Amelia pawh Aizawl ah alo kal veleh thuai maithei asin " Kanu in ati a
" Nia, kan company ah pawh hnaruak a awm reng alawm" A ti veleh sup, Eirawng ka bawl zawh chuan zanriah ei nan ala hma bawk si a, U Ima chu ka kheuh ru zeuh
" Ala hma tho kan leng dawn mi " Ka tih chuan a tho nghal zat a, a in ready khawp mai
" Tikhan len i tum ami " Ka thawmhnaw thlak buailo in ka haklai nen chuan chhuah mai ka tum a, U Ima in min pawt ding dat
" Aw, a pawi vak chuanglo " Kekawrbul ka ha a Tshirt Over size lose deuh ka ha bawk
" Kekawr tlawn leh tshirt pangai va inbel rawh " Ati hmuk a, a tum bur leh nghal hnial biklo chuan room ah ka tlan lut a, ka inthlak nghal sawk sawk, ka pasal pawh anih hma in ka thawmhmaw ah lehzel thu anei nghal chu ani sia, ka rin aiin a huatthu a chhia athikthu pawh chhe tak ani.
" Good " Min hmuh rualin a kut zungpui alo ti pir zeuh a, mengkual ralhin ka hmui ka ti pawrh zeuh
" Eng nge intih dawn " Kanu kawngka bula ṭhu chuan a thawnthu ngaihthlak lai pause meuhin min lo zawt a
" Kan leng lawk dawn, Eirawng ka bawl zo tawh tho a " Ka tih chuan
" Aw le, va leng rawh u mahse, leng reilo ula " Ati mai a, min ngaihven zuilo zetin thawnthu a ngaithla leh nghal zat, Pasalṭha thawnthu hi a ngaithla renga a peih ve ngawt mai.
" Noah a ṭha tawh ami? " Inhnaih deuhin kan kal dun, mawilo khawp erawh anilo
" Vawiin ah Damdawiin aṭangin an inla chhuak a, a zia tawh khawp mai " A ti a, ka inthiamlo ringawt a fanu damdawiin aṭanga chhuak pawh buaipui theilo in keimah vangin kan khua alo kal vang vang bawk si
" Noah pawh i buaipui hman silo a, keiman ka ti buai em em che sia " Ka ti a ka inthiamlo ve em ani
" Chutiang sawi suh, Noah te chuan buaipui tu angah alawm, kalo kal dawn pawn ' Apa au min lo hawnrawh' ati a aphur ber berah aṭang " A tih chuan ka nui hak hak
" Kapa in rem ati tawh tho a, Aizawl ah pawh kalo kal ve thei thuai ang " Ka ti a, amah maia a let tur chu ka khawngaih deuh
" Keichuan buaina awm leh hmain inneih thuai ka duh, nangpawh i upa ve thawkhat tawh alawm, pasal nei chung pawn i duhthusam ang ngei chuan company ah i thawk ang a " A ti a, khawlai ah kan awm tih a theihnghilh aniang
" Sawi hun pawh ala nilo, hawn hunah kan sawi ṭha dawn nia " A nakah ka nghawk zeuh a, na tih hmel deuhin ala rum nghut zui
" Kimkimi tein ah peng kawi lawk ila " Kimkimi tein kan thleng ṭep tawh, engmah ti em emlo in kan kal zel ringawt a
" I ṭhiannu kha maw " A ti ve ngei, alo la hre ve reng aniang
" Umm, a raia " Ka tih chuan a bu nghat, Kimkimi tein chu kan thleng a, Kimkimi'n min lo hmuh chuan alo phul ve hlut mai, U Ima pawh a be tlangnel thiam
" Ka inhmuh hmasak ber dan khan azir silo a, hmuh leh che pawh a inthlahrunawm dawn alawm " Nui har har pahin ati a, Nu Laltei te chu an leng ani maithei Mawia nen chiah anlo awm a, Mawia chu melh pawh ka melh duhlo hrim hrim
" Engthil pawi mah a thleng hleinem, inthiamlo tawh suh " A ti nghet churh a
" Amelia, kha kha emni i bialpa chu " Mawia'n thamlo tih hriat deuha alo tih chuan ka ner sak
" A nih hi " Tih chauh in ka chhang a
" Pathlawi chu an zei duh antih tak kha, tlangval zawk te ai hian an thur chhuak ṭha leh daih zel " A ti leh kher a
" I room ah han tawm vang vang mai rawh, midang tana thilṭha i sawi theilo anih chuan " Kimkimi'n ati hmak a, rum deuhin a melh ram ram bawk. Mawia chu rin loh deuhin a kalsawn ve mai a
" I u emni? " A kalsawn hnuah U Ima in ati sup
" Kanu nau ka putea ania " Kimkimi pawn ṭha deuhin a chhang
" Naute chu thla engzat nge ni tawh " A ti leh dut a, Nui var var chungin Kimkimi chuan thla7 anih thu a hrilh, Kimkimi tein ah chuan kan leng rei ve fu a, kan hawn dawn hnaihah Nu latei te nupa anlo hawng ve a
" Amelia, khawilam mikhual nge le " Kimkimi pa Pa ruata'n ati a
" Nu saii kha in hria em? Khami fapa kha ania " Ka bialpa tih tawng chu a nuam bik miahlo, puitling ve ve anni bawk si
" Hre tehlul e, Fapa a nei puitling hle mai " A ti a, pa nui duh tih takah anui huah huah, U Ima nen chuan an in chibai a
" Pa ruat, kan va tei phei ang e lo hawng chiah mah ula, kan leng rei tawh si " Ka ti a, ka ding nghal hluai bawk
" Chuti tur emni, kan fanu inlo kawm hlim a alawmawm e, lo leng leh rawh u aw, Vawikhat na na na te chu chaw pawh inlo ei ang chu " Ati dam leh thluam, Nu laltei chu aṭawng ve miahlo a, ka en apiangin U Ima alo en vung vung lai ka hmu ziah.
" Nu laltei awmdan kha avan mak " Kimkimi tein aṭangin kan chhuak tawh a, ka rilru ah a awm reng avangin ka phun chhuak sep
" An chhungkua kha an mak zawk " U Ima chu ka en dawrh, ha lang miahlo in anui a hetianga anuih chang hian eng emaw vei anei tlangpui ṭhin
" Engtia makin " Ka lo ti vat a
" Calm down Predator, hun kanla ngah alawm " A ti a ka sam ah a chul zeuh. Kan hawn hmat tehlul nen kapa leng alo hawng theilo a Zanriah pawh tlai deuh ah kan eiphah
" Bawihi, i u nen kan leng chhuak dawn asin " Thleng ka sil laiin choka ah alo lut ve a
" A pawi hleinem, in a awm reng chu a ninawm ve a, i peih chuan leng ve daih rawh " Ka lo ti mai a
" I awm chuan in a awm pawh hreawm kati chuanglo mahse, min ning deuh tlat, kan leng mai ang e " A tih chuan rum deuhin ka en a, A hmuiin ka biang alo tawk zeuh a nui vur vur chungin a chhuak.
" I pu tein ah chuan kan phei leh dawn ania, i pi kha lo awmpui ang che " Kanu in ati a, kapu atih hi kapa in pa anga aneih Pu Zahlira kha ani, amah atar ve tawha thawhah anei bawk nen buaipui hi angai ve deuh reng tawh a, tlaiah pawh khan azual a chuvang ania kapa pawh alo hawn tlai em em ni
" Aw le, keichu nakinah ka kal ve zawk mai ang " ka ti a, kapa te an chhuah fel hnuah kapi nen tv en in kan ṭhu dun rial
" Changtunu chu ava maksak ve " Kapi in ati leh ṭhin a, Film kan en reng reng hian hmeichhia lo lang tawh phawt chu changtunu emaw ati vek, hrilh viau ṭhin mahila a ngaihpawlh vek zel
" Khite chu misual alawm " Ka tih chuan ' Ee ni dawn tak e' ati leh mai a, ahnu lawkah angaite bawkin a hriatpawlh leh zel. Ka phone a ri Nu saii hming alang va va vcall ala ni zui
" Au " ka lak rualin Noah leh Sam te anlo lang a, ka nui nghal var var
" Dinasour unau hmelṭha te u " Ka tih chuan hrethiamlo deuhin an unau chuan an in en a
" Ka duat te u ka tihna " Ka tih leh takah chuan an nui sen sen
" Au, apa rualin lo hawng la, ka damlo a min kan duhlo " Noah chu avui ve niah niah a, a hmui a ti pawrh ve tarh bawk si alawmawm vel vek
" Apa rual chuan kalo hawng thei dawnlo a mahse, kalo kal leh vat dawn alawm " Ka tih chuan lu a thing a
" I bulah min awmtir ve zawk mai rawh " Alo tih chuan ka nui a kapi pawn ahre ve phak aniang anui kar kar
" Ate, api te an damṭha em? " Sam hi chu a danglam tlat zel
" Umm, an dam a chuan hei api nen tv kan en a " kapi chu ka ti lang ve a, Noah leh Sam chuan ṭawng an inchuh nak nak
" Api, kan lo zin i phal em? " Noah in ati a
" Phal tehreng mai, ka ngai tawh teh mai che u ania " A tih let ve chuan
" Api pawn a phal, au bulah ka kal ve thei " Ti mai maiin Noah a ṭe ṭung a
" Ate, Aizawl ah lokal leh thuai thuai rawh " Sam in alo ti veleh
" Umm, Apu kha ka dil anga chuan ka lo kal leh vat ang aw " Ka ti a, rei fe kan inbiak hnuah kan dah ve thei hram
" An duhawm dun ngawt mai " Kapi in ati a, pawmpui deuhin kalo bu nghat nghat
" Ka mit akham tlat, ka mut luhsan dawn che asin " A tih chuan
" Aw, Ka u te pawh an lo hawng ṭep tawh ang " Ka ti ve maia, kapi chu a room thleng ka luhpui tho. Keimah in Common room ah ka ṭhu ta reng a, U Ima te lah an reh vung vung
" In awm em? " Keimaha ka awm reng lai chuan kawngka anlo kik a, kawngkhar ka kalh loh miau avangin a inhawng ri nghal rak, chhawn pawh ka chhawnlo. Kimkimi Pute Mawia alo lang hlawl a, chawpchilhin ka hlau nghal kawngkhar ka kalh lo ka inchhir ber ṭum ani hial ang
" Eng nge ilo tih dawn " Ka ti a, zu rim anam huam a, a nui ang sung leh nghal, chu ai maha ka hlauh zawk chu keimah chiaha ka awm hi ani.
" Lo leng rawh te ti ta che " A ti a, a rimchhe bawk si ka va han ten ngawih ngawih tak, biak pawh be peihlo chuan U Ima ka txt nghal vat vat, ala online lo zui!.
" Eng nge i hriat a " Ka ding nghal hluai, ṭhutna tam tak zingah ka bulah kher min si chetin alo ṭhu khanglang a
" Aw, nula kan rim ve che anih hi " Ka kutah a vuan a, ten lutukin ka thing thla hnawk, ahma ai mahin ka hlau tawh zawk, a mitmeng hur zet hmuh tel reng phei chuan hlauh loh chi pawh anilo
" Min tawk tawh hlek suh, i zaklo hle mai " Ka ti ṭhat a, amah hlat deuha ka ding sawn nghal
" Kha pathlawi ve mai mai khan aduh tawkin a khawih tho che kha, eng nge ka khawih chu i duh loh vel, ka hrilh ang che hmeichhia te hi chu maw mipa te hnuaia awm mai mai tur in nih hi " A ti chhur chhur, a lo ding ve hluai a ka hlau lutuk tawh chu awm ngaihna pawh ka hrelo
" Min lo hnaih reng reng suh " Min lo pan a ka tawlh hnung ve zel, zu rim nam mahse, a mitmeng vel aṭang hian damdawi a rui tel anih ka ring
" Khapa ai khan ka ti hlim zawk daih ang che, nanghi chu ka duhna che arei tawh " A sawi zo chiah kawngkhar ari rawk a, ka u leh U Ima anlo lan rualin ka thaw nghal hawk, ka mit ka chhing a ka mittui alo luangthla puat
" Engthil nge itih a " Ti ṭhawt in U Ima chuan Mawia chu alo pan hnai rawk a, a hnek thal nghal tawp
" Ve khanglang che chuan, engvanga kut min thlak ngawt nge inih " Ti buh niai chungin alo ding ṭiah ṭiah
" Ka bialnu khawih tur hian eng dikna mah i neilo " Mawia chu chhuatah a thal leh tep
" Eng nge thil awmzia Mampui, ṭhelh ta che " Kapi pawh kan thawm arin deuh vang nge alo chhuak a, a thil hmuh chuan aṭhawng viau aniang a aw pawh a khur dar dar
" Teuhlo, a duhtawk sawisa se keipawn ka sawisa ve dawn " ka u lah chuan ati bur mai, Mawia lah in thawm a chhuah ring si a kan thawm pawh a ring tawh viau ang
" U Ima duhtawk tawh rawh " A banah ka kuai a, a duhtawk ve thei hram, atira ka rilru chiai zet kha areh tawh a, hmanhmawh deuha ka phone la sawk sawkin Kimkimi ka call nghal
" I va rawn ti laklawh ve " A lak rualin alo ti nghal var a
" Kimkim, tunah kan inah lokal lawk teh i nu leh pa te pawh " Ka ti zung zung
" Tinge a " Alo ti let hu
" Lokal phawt ru " Ka ti leh a ka dah nghal, Kapi in kapa te alo phone ve bawk, U Ima chu athinrim ala reh lo tih hriat zetin na deuhin thawk ala hulh hulh a, ka u pawh ka khap dai thei hram Mawia chu chhuatah la mu rengin thawk ala halh halh a. Kimkimi te lo thlen hmain kapa te anlo thleng hmasa a, Chhuata Mawia let bal an hmuh chuan an meng kawk
" Eng nge thil awmzia " Kapa in atih chuan kan ngawi ṭhap
" Sawi ta che u " a ti ṭhawt a, ka u leh U Ima ten engmah sawi an tum silo a, ka aw thian kharhin atir aṭangin thil thlen dan chu kimchang leh hmaih nei miahlo in ka sawi vek a
" Ruata te in hrilh em? " Kapa'n ati chang rut
" Umm, anlo thleng ṭep tawh ang " Ka ti zo deuh chiah anlo thleng ve nghal a, Nu Laltei'n chhuata a unaupa mu zawi reng ahmuh chuan a buaipui nghal chuk chuk a, thil thleng min zawt nghal chul bawk
" Mawia chungah hian kan lawmlo khawp mai, ka in chhungah leh nghal ka fanu khawih alo tum hi kan lungawi lo " Kapa in ati a, boruak a reh nghal duk. Kimkimi chuan min lo pan a
" Iṭha em? A khawih hmanlo che tiraw? " a ti nghal zung zung a aw akhur a ahlauhthawn hmel viau bawk
" Aih, Ka u te anlo thleng hman a " Ka ti sep
" Ka unaupa hi chutiang mi anilo " Nu Laltei chuan ati a, U Ima hnekna ahmai pilh lai te chu a chulsak ruai
" Ka fanu chuan dawt a sawi itihna emni? " Kapa in a ti chang leh fak, Pa ruata ala ngawi reng a Kanu pawh ala ngawi ran
" Chulam ka sawilo, ka unaupa hi ka hrechiang chutianga midang duhlo chung khawih luih ching anilo, ka unaupa kut inlo thlak ngawt avang hian ka lawmlo fe zawk ania " Nu laltei chu mak ka ti ngei mai
" Kanu chutiangin engtin nge i sawi theih, thil tisual lo se Putea kha kut an thlak hauh lo ang " Kimkimi'n ati ve nghat
" Lalnunkim lo ngawi mai mai rawh, sawi ve theih i neilo ania " Ati leh nghal hmak
" Lalluahpui, ngawi hmak rawh, i unaupa laktlak loh lutuk khan zahna min thlen zing ta malh malh khawp mai " Pa ruata'n alo tih ve tak nghut ah chuan Nu Laltei pawh aṭawng ngam tawhlo
" Pu sang, min ngaidam hram teh u, thil thleng hi apawi kan ti takzet. Mualpho lo zawngin chinfel dan ngaihtuah teh ang u " Pa ruata'n atih chhunzawm a, kapa chuan a chhang lo
" Mipa te hian hmeichhia an chhaih buai ringawt ngailo, Amelia pawh mitmei ilo hmuh ve aniang chu, chutin ka nau in puh ngawt theilo " Ala ti hram mawle, keihian mitmei ka hmuh ang maw!? Rapthlak lutuk
" Chutin ka fanu hi puh khanglang lo mai teh, i nau sualna i pawm theilo anih chuan keichu mualpho pawh ka pawi ti miahlo ania, mi bulah ka fanu i puh chhe kual leh dawn tih lah ka hailo, F.I.R thehluh a ngai dawn anih pawn ka hreh lo " Kanu in ati ve hmak hmak
" Induh phawt chuan thehlut ru, ka nau hi harhchiang se ani pawn sawi tur anei ve tho ang, zan dangah pawh aleng ngailo, zanin a alen chhanah hian Amelia pawn mitmei ahmuh ve tihna ani mai " Mak ti deuhin Nu Laltei chu ka en tawp
" Ngawi chip cham rawh, Ruatpuii thiam loh chantir phet tum suh" U Ima in alo ti ṭhawt, a aw rawl aring bawka inchhung ah a khawk rum rum thei, a banah ka chelh a ataksa chu thinrim vangin a ṭang ṭung a asa vek bawk. A thinrim lai hian a landan a inthlak vek zel
" I bialnu kha i hrechianglo zawk aniang " A ti leh chu Pa ruata'n ' LalLuahpui ' ati chang bawl
" Tun hi sawi chhuah hun tak anih ka ring, kan buai lai hian buai zo law law teh ang u " Kimkimi'n ati a, Mawia pawh alo che ve leh ṭiah ṭiah
" Eng chu maw i sawi ang Lalnunkim, lo inrawlh ve vak suh" Nu Laltei'n atih leh a Kimkimi lah chuan anuih duh lek chauh
" Eng nge i sawi duh chu Kimkim " Ka u in alo ti sup, Kimkimi chu a ngawi vang vang a, a thilsawi tur chu a sawi hreh tih ahriat ngawih ngawih
" Class11 kan zir kum khan kum pawh kala tlinglo, Kanu i nau i hmangaih em em hian kei naupang ve mai kha min it a, kapa nen inzin hlan khan ka nun zawng zawng ati chhe vek asin " Kimkimi chu a ṭap chhuak hawk, thawm areh duk a reilote hnua thawm lo awm leh hmasa ber chu Pa ruata thinrim inhrosa thawm ani, Kapa in Pa ruata chu alo dang a, Ka ṭhiannu chunga thil thleng chuan min ti hreawm ngawih ngawih, amah chu ka en ṭhin a rilru na lutukin a ṭap khur dar dar ka u chuan a kuah a
" Tinge a hma zawngin i sawi chhuah loh " Nu Laltei'n ati leh kher chu ka ngaihdan apel khawp mai
" I unaupa vangin i fanu in nun hreawm tak ahmang a, chuti chung chuan i fanu ila chhuahchhal zawk maw! Nu lalte Nu mak tak ini " Ka ti nghek Kimkimi ka khawngaih a ka awm a tawt tup tup
U Ima pawh Aizawl lamah alet leh tawh a, kan buaina pawh kha kapa in ' Thilpawi a thlenglo a, thui tak kal kher pawh kan tumlo, amah erawh chu thleng nawn tawh suh se, keini lamah chuan tihian kan buaina tawp rawh se ' Ati a, Kimkimi chungchang erawh kan sawi chhunzawmlo a, an chhungkaw buaina tur a kan ngaih vang ani. Kimkimi thil tawn chuan min ṭhawng vek a, Pa ruata a khawngaihthlak khawp mai, Kimkimi nun chhe zo ta vek chuan chhan ṭha tak alo nei a, hre turin kalo chik ngailo. Amak ngawt mai a chungah khatiang athleng chung pawh khan ka laka a awmdan ala pangai reng a danglamna ka hmulo Danglamna hmu turin ka chik ngailo tlat a lo chik ve ik ila chu ka hrethei maithei ani, Mawia chu Pa ruata'n in aṭangin a hnawtchhuak a, Nu Laltei pawn a fanu chungah meuh thil ṭhalo titu chu aṭan tawh biklo. Thil thleng chu kan chhungkua leh Pa ruata te chhungkua chiah in kan hria a, Mawia an hnawtchhuak pawh thil hrechianglo ṭhenawm khawveng te chuan Pa ruata te chhungkua an dem veka abikin Nu laltei an dem zual mahse, an ngawi a tumah an chhang let lemlo, an ngawi thei kati khawp mai.
" Bawihte, i inpeih tawh em? " Thleng ka sil a, chaw ei lai aṭang tawhin eikham ah sawi ho lawk tur a awm anti a, min lo au leh chhen tawh.
" Aw, ka inpeih dawn ṭep " Ka ti let lang lang, ka thlengsil sa chu ka tleuh a dawhkan ah puan phah in ka dah hul a, ka kut hru hul sawk sawkin Common room ah ka phei ve nghal
" Min ti hmanhmawh vek alawm " Ka ti hlar
" Ka ko mai mai che alawm, tinge ilo hmanhmawh vak " Ka u in alo ti hram a, rum deuha en chunga chhanlet ka tum lai takin kapa in aw a thiar kharh
" Zanina ka sawi tur hi a pawimawh a, hun khirh tak hmachhawn lo se hrilh che ka tum lemlo " A ti nghet charh, kan ngawi ṭhap a kapa chu ka ngaichang
" I nu hi i nu tak tak anilo tih i hria a, i pi hnen aṭangin thil thleng pawh i hre tawh niin ka hria, I nu diktak kha ka hua a, nangmah ka en chang apiang che hian ka thinrim zual em em ṭhin, ka sawi hmasak duh zawk chu i nu hi awmlo se kan pafa hian kan dam tawh kherlo ang, dam pawh ni ila tun dinhmun hi kan thleng phak dawnlo. I nu hi zahla hmangaih em em turin ka duh che, chutiang chiah in i u leh i pi te pawh hi, tun bak hi chu hetiang chungchang hi sawi leh ka duh tawhlo " Uluk deuhin kapa thusawi chu ka ngaithla
" I ṭhiannu Dandani nu kha i hria tiraw " A tih tak daih chuan bangbo deuhin ka bu nghat
" Kha kha i nu diktak chu ani "
" Maw!? " Kapa sawi zawh rualin ka ti chhuak ve ṭhawt, mak kati lutuk
" Ka damloh a kan lo kal khan ka hre tawh, an zingah tal tamlo la ka duh chhan pawh ani " A ti leh sup a, keichu kala a huih mai, Nu Sangtei kha kanu diktak maw! Amak hle mai. Kanu leh kapi ka u te chu ka en kual a, an hre vek tawh tih hriat takin an hmelah mak tihna a awmlo
" Ava mak ve, anih leh Dandani hi " Ka aw chu a zawi khawp mai
" I thisenzawm i nau ngei ani " Kanu in alo tih chuan zalo deuhin ka nui ringawt, tunlai chu thu thinṭhawng tak takin min deng dawt dawt a, engtia hmachhawn tur nge ka hrethiamlo
" Anih leh chu chu tinge min hrilh " Ka ti ṭiak a, ka ṭap lo a mak tihna in min la chiah hneh lutuk
" Tunah hian Dandani nu chu Damdawiin ah thi chhawngin a awm tawh, hmuh leh hmuh loh chu i thu ni rawh se, i nu nen kan sawi duna athih hma ngeia i hriat hi aṭha niin kan hria chuvang chuan kan hrilh che ani " Ka ngainat ruk em em Nu sangtei kha kanu diktak alo ni reng a, Dandani ka ṭhiannu ka ngainat em em chu ka nau alo ni reng bawk, ka dinhmunah hian ding ve ta ula engtin nge thuthlukna insiam ang, keichu ka bangbo ani
" I nu ani a, a thiltih kha a huatawm tih chu ka hria mahse, tun hun i thlen theih chhan te thil ṭha tam tak i neih chhan hi abulṭanna chu i nu diktak kha ani, ngaihtuah teh Bawihte, i nu diktak chu huat tlak pawh ani tawh hleinem, i pa nen in laka athiltih te avang khan inthiamlo reng rengin hun a hmang a, chu chu athil tihsual vanga hremna chu ani mai lo emni? Keini'n kan lo huat chiam hi aṭul tawhlo ani, a hunpum ah inchhir reng rengin hun a hmang tawh a, a thih dawn ah tal chuan hahdam takin kal tir la aṭha kati " Kanu in ati dap dap a, kanu thusawi chu ka ngaihtuah zui ve vang vang, chutih rualin kanu rilru ṭhatzia chuan min hneh ngawih ngawih
" Dandani pawn hnemtu a mamawh lai tak ani, thil engkim ahria a, Sangtei'n akalsan che tih ahre bawk i lakah a inthiamlo ve em em bawk asin " A tih chhunzawm a, ka la ngawi reng
" Inchhir reng renga hun hman i duh loh chuan hmu ang che " Ka u in ati ve thung a, kei erawh ka rilru ala buai nuai nuai mai, Dandani pawn ahria a mahse, engmah min hrilh lo, a awmdan pangai rengin a awm a katan rinhlelh turin a awm ngailo, an in a chaw ka ei lai kha chuan a ulbum ah ka naupan lai thlalak ka hmu anih kha.
Mut hmunah pawh ka ngaihtuah nasa a, U Ima call pawh ka chhanglo, Nu sangtei hmel ka mitthla a, Damdawiin ah a awm loh pawn ahmel leh amah ah hlimna leh phurna alang ngailo, khata ṭang pawh khan ahlim lo tih chu a hriat theih ngawih ngawih. Ka thuthlukna leh ka duhdan chu ka hreta.
" Pa, Aizawl ah chuan kal ka duh " Kapa chanchinbu chhiar bulah chuan ka ti sep
" Ka hria e, ka fanu hi hmeichhe ngilnei tak ini a kal i duh ngei ka ring ani " Ka thuthlukna hrilh vek lo mahila a hrethiam tih ka hria
" I nu nen kan kalpui dawn che nia, ticket kan la lawk tawh a, va insiam thuai rawh le " A tih chuan kapa chu ka en kiau ringawt
" I nu nen hian kan hrechiang che alawm " A ti leh mai a, keipawh room ah lutin ka insiam zung zung, Nizanah U Ima ka belo tih hriain ka call pah
" Iṭha em? " Alo ti nghal dut a, ka nui chhuak hak
" Ka ṭha alawm, Aizawl ah kalo kal dawn " Ka ti a
" Aw le, Nizanah I u nen kan inbia a, counter ah kalo nghak dawn che u ania " Alo tih chuan ka nui leh tawp, ka chhungte chet ran dan hi
" Dandani nu chu a serious viau emni? " Ka ti sep a, Nu sangtei tih mai ka tuma ka sawichhuak thei tlat lo
" Hlauthawng suh Bawihi, ngaihtuah vak vak lo la tluang deuhin inlo kal dawn nia, zinkawng zawh nuam " A ti sup a, a serious tilo mahse, a serious tih ka hrethiam ve tho a ka hahdam thei chuanglo
" Helam chu lo ngaihtuah lo ula, ka tunu chhel takin awm rawh aw " Kan in kawtah Sumo in min nghak ran tawh a, ka u leh kapa ten kan buangrua an hlang, kapi in min kuah a ka hnungah a beng thek thek, Kan khua chhuahsanin Aizawl kan pan leh ta chu ania, Zinkawng hahthlak tak chu ani ngei mai, ka rilru hahdam loh vang pawh ani maithei, Dandani leh nu sangtei hmachhawn dan tur ka hrelo.
" Saw, Imanuela " Motor aṭangin ka chhuk a Ka mawng beng fai pahin kanu kawhna lam chu ka hawi phei, Aizawl kan thleng chiah a ka motor chuanna ka mawng a kham lutuk
" Kapi in lo tluang maw " Kan bul alo thlen rualin ati sup, kanu chuan ' kan lo tluang viau e ' ati a, kan bungrua chu kapa a hlanpui. A motor dahna lamah kan inzui phei hnak hnak hlawm a, kanu leh kapa chu kan hmaah an kal a an hnungah kan zui ve zel
" I chau em? " A tih chuan
" Ka hah tawp " Kalo ti a, a nui huk leh nghal
" Nui bawk suh " Ka tih chuan a hmui a seh zeuh
" Motor zawk saw hah tur zawk chu ani sia " A ti hram pek a, ka chhang peih tawhlo e a
" Damdawiin ah kan tlang dawn nge intih fai phawt induh" A ti a, kapa'n Damdawiin ah kal phawt ang u atih avangin Damdawiin ah chuan kan kal hmasa zawk dawn anih hmel, kanu leh kapa chuan motor tamzia vel an sawi reng laiin keichu ka insehruh ngawt ngawt, ka zam kati dawn nge ka awmdan hi ka hrethiam chiahlo
" Huphurh suh, engmah adanglam hleinem Dandani pawh ka cousin Dandani ani tho a, Nute Sangtei lah ka nutei ani a, Damlo na tak kan tur ang ah in ngai tawp rawh, chu aia tam anni pawn an phut reng renglo " Ka hreawm ti chu alo hrethiam nge ka kut alo vuan zawk a, a thusawi te chu kapa te chuan an hrelo maithei, Damdawiin kan thlenga Damdawiin kawtah chuan Dandani leh a u kha anlo ding a
" Lo chhuk ula, motor hi ka hungrem anga kalo zawm ang che u " U Ima in atih chuan kanu leh kapa chu an chhuk nghal a, kala ṭhu reng
" I chhuk dawnlo ami? Nilengin motor i chuang tawha ila chuang khamlo ani maw " Min tih nuih phet atum leh nghal
" I tello chuan ka zak " Ka tih sep chuan min nuih leh kher a, sawi buai tawhlo chuan motor a hungṭha ve mai
" Min lo la nghak elaw " Kanu te chu anlo la lut lo a
" Amelia, iva induh ve " Dandani chuan min lo kuah chat, ani chu a awmphung ala danglam lo a keichu ka lai ṭut
" Nia " tih te in ka chhang a, a u pawh chuan min nuih var var
" Kan lut tawh dawn mi, in kan hun atawp dawn hnai tawh a " Dandani u in atih takah chuan kan inzui lut a, Kan kal dawn khan in kan hun a awm tih lam ka ngaihtuah thleng tawhlo reng reng, Dandani chuan ka kut a vuan chat a, ani pawn atheih chuan ka thei ve awm emai tia in petruh chungin ahma ang chuan awm ka tum ve ngial a mahse, aharsa khawp mai.
" Lokal ru, lokal ru " Cabin kan lut a, Dandani pa chiahin alo awmpui, kapa te chu Pu Khuma Dandani pa te nen an inbe nghal luam a, Dandani'n a nu bula min kaihphei atum chuan ka tim tlat, ka ṭang deuh ṭung a
" Keiman, kalo pui ang " U Ima alo inrawlh vat, Dandani chuan min chelhna athlah a
" Bawihi, tim reng reng suh " Min kalhnaih pui a, sak deuhin ka pen ve zel
" Kanu, Amelia alo kal asin " Khum bul kan thleng a, Dandani chuan a nu chu a bia, Dandani ṭawngri chu a hria nge amit alo meng a, min hmuh chuan a chhing leh vang vang
" Ka lawm e " A phun sep a, thei leh theilo in alo nui, a kut chu alo lek kang a tim daiin kalo vawnsak
" Min ngaidam rawh aw " A ti leh a, chuti taka chaklo a ka hmuh chuan ka chhunglam ah hian eng emaw che dawt chu a awm
" Hahdam rawh, ka ngaidam che alawm " Sak ṭalhin ka ti ve thei hram, hethu hi ka sawi mai mailo midang huat nan chuan hringnun hi atawi hmangaihna hun kan nei dawnlo.
" U Sangte, na te i nei em? " Kanu chu ka bulah alo ding a, U Ima chu a kalsawn
" Neilo e, ka ṭha " A ti ban charh a, Kanu chuan Nu Sangtei kut ka vawnna chu alo hum hnan a
" I ṭha leh mai ang, hlauthawng reng reng suh " A ti dam thlap a kapa pawh kanu bulah alo ding ve, Kapa ahmuh telve chuan ahmel landan adang deuh a
" I fanu nen hian kan hlim a, nangpawh hlim tawh rawh hlim ahun ve tawh alawm " Kapa'n a tih chuan amit a chhinga a mittui alo luang ngiai ngiai
" Nu, ṭap suh i duh em em ngaihdamna chu i chang tawh alawm, i ṭha leh vat anga hlim takin chhungkua kan awm ve tawh dawn alawm " Dandani'n ati a, ani pawh a mittui a tla zawih zawih, Cabin chhung chu a pik ngawih ngawih.
" Rin aiin a harh riau kha " Nutei tein ah thlen kan tum a, Nu saii'n an in a thleng tura min tih tlat avangin Nu saii tein kan pan leh mek
" Amak khawp mai, Nizan kha chuan kan mangang a inlo hmuh hman pawh ka ring tawh chiahlo ania, rin aiin a harh " U Ima in alo belhchhah, keipawh serious deuha hmuh ka tum vang nge ka rin aiin ka hmu harh a, aṭawng azawi deuh tih loh chu afiah reng
" Au " ' Ate ' Gate kan tlanlut chiah Sam leh Noah an lo tlanchhuak a, kanu leh pa pawh an nui tawp, Nu saii'n an hnungah alo zui ve bawk
" Au " Motor aṭanga ka chhuk nge chhuklo Noah in ka ke a kuah cheng cheng a, Sam pawn ka kut avuan chat
" Luhpui rawh " Kanu in atih chuan Noah chu ka pawm lawp a, Sam chu kaiin inchhungah kan lut a
" Ehh, chhanchhenu " Emily in min lo nuih vur vur
" Sam Amelia kha a chau ang, bawh chung chung lo ula" Pa hruaia'n alo ti dut, Noah pawh a rit ve tawh lutuk sofa ah ka ṭhutpui a, Kanu te pawh anlo ri lut hlut mai
" Inlo tluang maw, in chau em? " Pa hruaia'n kapa te chu aṭhutna aṭanga tho meuhin alo chhawn a, naupang pahnih chuan min biak buai reng avangin an titi pawh ka hre ve theilo
" In u kha a chau ang " Kan bulah U Ima alo ṭhu a
" Aih Anu tur alawm " Noah in ring lenglawngin ati a, rang deuhin ahmui ah kalo hup vat, midang pawn an hre ve vek bawk si ka zak lutuk chu ka hmai leh beng asa vek thei
" Ate, i hmai asen " Sam in ala ti zui, kanu te ho an nui dar dar a, U Ima chu rum zetin ka en tawp
" Noah bawihte i va fing ve " U Zuali lo kal lai ka hrelo reng reng, anui ve sen sen a amah a anglo tawp
" Ka zak " U Ima hriat tham lek chuan ka ti a
" An koh dan tur che ala ni tho a, ti khan ngaiah nei lawk rawh " A ti then a, min van hnemlo chiang tak
" Nang ngaihzawn che hian Naupang pahnih a chhawm bakah zahna a kengtel bawk anih hi " ka tih chuan rilo in anui a, a malah ka piai sak nawk. Ka inbual faia Zanriah eikham ah reilo te common room ah ka ṭhu a, ka motor chuan na ka chau ve deuh nge ka mutchhuak a ka ham leh bai bai ṭhin
" Amelia, han mu tawh rawh i chau anih kha " Nu saii'n atih chuan ka hniallo khawp mai, kanu te ho chu mangṭha in choka ah ka lut a, ka mutchhuak lutuk kha areh deuh a, U Ima tan coffee siamsakin inchungah ka chho a ka room kal pelin U Ima room ah ka lut, kawngka kik lo a tih phut ve hrim hrim ka chak dimte in kawngka ka hawng a, min hnungchhawn zawngin alo ṭhu hlauh leh nghal
" I va thawkrim ve Hulk " Ka tih chuan a taksa a che awk a, a phu ve chiang ani
" Vanram leh meidil inkar ah ka han dak zuai alawm " A tih chuan ka nui vak a
" I over e " Dawhkanah coffe ka hunsak hnuah ahnung aṭangin kuah a biangah ka fawp zeuh, ka inla hrang leh nghal rang khawp mai
" I va zei ve " A ti a akiai pah suk, a bula ṭhu tura min tih chuan thuawih deuhin ka ṭhu veleh mai a, ka mutchhuak pawh kha vawmbo ang hlauh ani
" Ka ngai che " Remlo deuhin a sir zawngin min kuah a, a kut chu ka bensak thek thek
" I bulah ka awm reng hi " Ka ti a ka sawi zo chiah ka nghawng a thawk khum kher a, ka za ti lutuk chu ka nui uar uar
" Lalhriatpui a za " Talsawn ka tuma min la chelh nghet em em zui
" Awm reng mahla ka ngai em em tho che " Tilui tih hriat zetin min kuah nghet vak a
" Ka thi dawn " ka tih vak hnuah min thlah thawl va chauh
" Hulk-a " Ka ti hlar a, thawk kala halh halh
" Predator ah chuan i rimtui ber " Atih leh chuan a hmaiah ka nam sawk
" Predator min ti ve ziah suh " Ka ti a, Predator ber kher alungawi thlak loh ve em ani
" Ka hmangaih che " Ti supin Ka hmuiah a fawp a phakar zia hi
" Saranghae Oppa " Ka tih uang ve chuan a ner nawk a
" Korean ṭawnga in hmangaih ka duh lo, mizo takin min hmangaih rawh " A ti nghut nghut, a hriatthiam pawh ka ringlo a alo hrethiam ve ngei anih chu, cute reuh lutuk mai.
" I hrethiam alaw, i hriatthiam pawh ka ringlo ania " ka ti a, a khabe hnuai aṭangin ka nuih var var
" Dansangi'n a sawi peih em alawm " A ti leh hluk, a huatthu hi avan chhe tak, a tum hmuk avang chuan ka be duh biklo a, ka bawp khawkherh in ka inhersan hmak ang ka tih laiin ka zak hnuaiah a chelha amal chungah min hlang nawlh
" Hmela " Ka ti hlar
" Duhawmnu " Min fawp a ka chhanglet duh miahlo ka bekah dawmin min fawp uar sauh a, ka hmui ka chip lui tlat
" Awm ṭha teh Bawihi " inla hrang hlekin ati ṭuak a, min fawh nawn leh chuan keipawn ṭha deuhin ka chhanglet ve, Sofa ah min muta min lo bawh nghal rawk, a che vel hmanhmawh lutuk chu ka nuih a za leh tlat pek a
" Min nuih alaw " A tih chuan ka lu ka ti che zeuh, hmui te chu aral thei pawh anilo a U Ima tan phei chuan ka ui lo emai mahse, mipa ani a chuta karah Pathlawi ani leh nghal a kut hi a nghal leh tlat zel.
Sam leh Noah ka bulah an mu leh a, ahma anglo deuhin a laiah min muttir a, an mutthilh hma an awmhlei char char a, tunah chuan an mutui tawh khawp mai. Uluk deuha ka en chuan an in ang vaklo ten ka hria, ka mit hi a dik tawhlo te pawh ani maithei.
" Bawihi " Ka taksa che leh dat ṭhin bakah min ko tu an awm avang chuan ka meng a
" I harh tiraw? " U Ima lek chu lo niin
" Tinge? Zing ani tawh ami? " Sam leh Noah anla muhil a
" Lo tho phawt teh " Mit nuai chat chat chungin ka tho ve mai
" I hmai te phih la Thawmhnaw pangai inbel rawh le " a tih leh chuan ka ngaih aṭha tawh vaklo, engmah la zawt chuanglo chuan ka hmai ka phih a, thawmhnaw te ka hak fel vek hnuah
" Eng nge thil thleng a awm ami? " Ka ti ta nge nge
" Nutei a boral, kan kal ve dawn nia " Dam dap in ati a, ka nghilh dup in ka hria
" A van mak " Ka ti tawp a, room aṭanga kan chhuah pawh chuan kala pangai theilo
" I nu te an kal tawh a, ruang pawh in an thlenpui tawh " Tunah hian khua avar tawh a mahse, ala hma viau tho, ka awm chhung hi a tawt a chu chuan min ti hah ka tha te hi a khur der der mai. Dandani tein kan thleng a, an lo zai ṭhap ṭhap tawh inchhung luh chu ka huphurh a mahse, ka paltlang ngei chu a ngai bawk si, U Ima chu nghet deuhin ka chelh a inchhungah chuan kan in zui lut, Ruang bul kan thlen chuan ṭhutna tur min lo kian a
" Nu " Dandani chuan ruang a bawh a, a ṭap ngawih ngawih. Kei erawh ka mittui a hul a ka tawt tup tup thung, Ka nu diktak hmel chu ka thlir vang vang, a vun dang bei tih danglam nan powder an hnawih a, a hmui dang var vek hliah turin hnawihsen an hnawih bawk, chungte chuan an ti mawi zo tawh lo, a kut chu ka vuan a mihring tlingzo ve tawhlo tih hriat lutuk a akut vawt thler chuan min ti na ve veng veng thei. Vuina hun Pastor in a hmang a, thlalak na hun a zawh hnuah thlanmual kan pan, a hmangaihna ka dawn ve loh vang nge tuar vak dan ka hrelo a, Min hringtu kanu diktak ani tih ka hriatna lah ala reilo, tuar vak dan tur ka thiamlo ani, tumah in min dem bik in ka ringlo
" Mangṭha Min hringtu kanu, i hmangaihna ka dawng velo a i hun hnuhnung ber a ka thlah dan che hi vui bik suh aw, huat ka chak che a mahse, kapa nen khan min kalsan lo la chuan Kanu min hmangaihtu hi kapa nen kan tawnglo ang a, ka nau Dandani pawh hi alo piang kherlo ang, hun duhawm lo tak karah hian thil duhawm chiah hriatreng ka duh ani. Nu sual tak ini lo chu chu hriat reng ka duh chu ani, Tunah chuan hahdam tawh ang che " Chu chu Min hringtu kanu laka ka thu hnuhnung chu ani.
...
Lusun boruak kan pel chho a, Dandani pawh hmeichhe harhvang tih takah apangai leh ṭan viau, a rukin ala tuar dawn chauh tih ka hriatpui a, keichuan nu kala nei mahse, ani chuan ni reilo te liam ta ah khan a chan ve thung, ka nau ani a kalsan a hlamchhiah ka tumlo, ahma aia nasa in ka ngaihsak a, ka hmangaih em em bawk, Pu khuma te pawh ka lakah an fel a an ṭha takzet, kapa nena min kalsana athlan hian a hmangaih takzet tih ka hmuthiam ve a, Pu khuma fa bikte lahin enhranna an nei miahlo bawk, Min hringtu kanu hi hmeichhe vannei tak zawng ani ngei mai, Kapa khan a hmangaih em em a, kapa kalsana athlan zawk pawn a hmangaih em em si a, chutiang chiahin kapa pawh pa vannei tak ani, a hmangaih tak chan mahse, hmangaihtu leh a hmangaih hmeichhia a tawng leh a.
" Dandan, Inchungah ka chho lawk dawn, kalo chhuk harlo ang " Nu saii tein ah kala awm a, nimin khan kapa ten min hawnsan hrih, U Ima room kawngka chu ka kik dat dat a, min chhawn mai loh avang chuan ka hawng tawp a, chair ah ṭhuin dawhkanah a kut a nghat a, muk deuhin hmalam a en ngar ngar ka lut tih chu a hriat hmel loh
" U Ima " Ka tih chuan harhchhuak zawk in ka lam alo hawi vut a
" Ilo chho alaw " A ti sawk sawk
" Thil diklo a awm emni? " Ka ti sep a, nizan aṭang khan tiang hian a awm ṭhin, ka biak reng lai ten thildang daih ngaihtuah tih hriat lutukin ka thusawi a hre ngailo hrim hrim, ka ngaih aṭha tawhlo
" lokal teh " Amah zawk chu a tho a ka kut ah kaiin khumah min ṭhutpui
" Sam leh Noah hi phir an nilo, Sam hi chu ka fapa ani ngei a Noah erawh ani velo, midang chuan phir emaw anti vek " Tinge thil thleng hi amak theih em em a, U Ima chu ka en reng ringawt
" Avan mak ve, anih leh Noah chu tufa nge? Engtin nge phir anga insawi theih " ka ti zung zung, zawhna hlirin ka khat
" Zomuani fanu ani, khatih lai khan abialpa fa apai a Zosangi pawn Sam hi a pai ve mek, anihna takah chuan Sam hi a thla in a upa zawk a mahse, Noah hi thla 7 naah a pian avangin an piang rual titih anih chu, ni2 in Sam a piang hmasa, khatih lai khan Zomuani hian a fanu kha a enkawl duhlo a foreign ah a zinkual san hmak Zosangi'n alainat em avangin kan enkawl ta a chuvanga phir anga sawi kan ni, tunah min lo chuhbuai atum leh vel a, chu chuan ka rilru aluah mai mai ani " A tih tak dap dap ah chuan ka fiah ve kuar mai
" Lungngai suh che, Noah pawn a duhlo hrim hrim ang, i fanu ani a sawibuai theih aneilo " A kut ka vawnsak a, Zomuani chet duhdan chuan min rap tlat, mahni fa hrin ngei enkawl duhlo a zinkual san mai mai thei chu amak thlawt.
" Zomuani vanga lungngai pawh ka ni hranlo, Noah hi ka fanu ani silo a " A tih lai chuan a sawi tur hria in kalo pawt chat a
" Kan fanu ala ni dawn alawm " Ka tih chuan min kuah a
" Ka lawm e " A ti zawi sup.
Kum4 hnuah chuan (Vang vang maia)
Kum4 aliam ve ta reng mai, U Ima nen kan innei tawh a, kum4 chhung khan thil tam tak athleng a achangin kan lungngai a achangin kan hlim a harsatna kan tawk ve fo bawk chung harsatna te chuan kan nupa hlimna hi a ti danglam phalo, Kan inneih aṭanga kum1 naah pawh nau kala pai theilo a, U Ima laka ka inthlahrun piah lamah keimah ka hnual ngawih ngawih ṭhin, Sam leh Noah awm tho mahse, U Ima nena kan fa tur neih ngei ka duh ve tlat si a. Kan inneih aṭanga kum2 tlinglo ah ka rai ve ta hlauh a, tunah chuan Fanu duhawm em em mai Kan nei ve tawh a, a hmingah Lalnuntlani sa/phuah mahila chhunghnai bakah midang pawn Princess tiin an ko vek kum1 leh thla2 ani ve tawha a kal ve chhet chhet tawh, Inpui ah kan la awm a indan lam kan ngaihtuah lo, hun kan neih chang apiang in tree house kan tlawh ve fo ṭhin.
" Anu, Princess-i aṭap leh tawh " Noah a au lang lang, A nau pian hlim khan a duh tehlul nen achang hian a thik leh lek lek zel
" Sam, i nau chu lova tih tlei tum teh, ka hmanlo " Eirawng ka bawl a, awmpui kan neih loh svangin ka buai ve thei viau Emily khan pasal anei ve tawh a awmpui dang lak ka duhlo. Company a ka hna pawh ka bansan a ka fate enkawl leh inchhung khur enkawl hi ka hna chu ani tawh, U zuali pawh aleng tar mai anga kan tih hnuah nikum lamah khan pasal anei ve tawh a, chu aia mak zawk chu ka u leh kimkimi in kawp hi ani, Kimkimi khan a naute kha a chhiata amah pawh a thih phah lek lek, ka u nen erawh engti ti a inkawp rem chho nge an nih tih chu ka hre biklo. Dandani erawh mipa ala ngaihsaklo tluang zel ani, kan fanu hi a atchilh em em a alo lang ngun thei khawp mai.
" Noah, a thil khalh lo khalhpui ziah suh, nangchu i upa tawh khating lawm rual pawh ini tawhlo " Sam in ati bul bul chu ka hre reng, an unau in lo inbuaipui ve hlawm rawh se, Sam in Princess-i a duat lutuk hi a thik fo mai. Sam hi a inla puitling em em Noah lah ala pangchang tluang zel, Api leh pute ti hlim em em tu te anni. Tlaiah kawtzawl ah U Ima hna bang nghakin kan awm a, Nu saii leh Pa hruaia pawh varanda ah an ṭhu. Naupang pathum chu kawtzawl ah an tal a, an ri ṭeng ṭung mai Princess-i chu duh angin ala tal kual ve theilo a, a u te pahnih thawmah chuan alo phur ve em em mai ani, U Ima pawh reilo ah alo thleng a, keimah aiin a fate pathum chu a pan hmasa a, Princessi pawm chungin ka lam alo pan
" Princess, tu emaw chu alo titau deuh anih hmel " A ti bul bul a, kum4 meuh aliam leh chuan a upat ve hmel sawt tawh a mahse, kan in ngaihzawn tirh lai ang reng khan kala en, ka hmangaiha nitin hian ka hmangaih zual zel, ka fate pa ani a anilo hi chu tu mipa dang mah ka ngaihtuahlo
" Ka titau lo " ka tih chuan anui a
" I chau em? " Naute lak sak ka tum chuan princessi chuan min duhlo in a ṭe ruai ruai a, keimah aiin apa hi a duh zawk daih
" La luilo mai rawh ka chau hleinem " A ti sup a, a fanu chu athen kual a Princessi pawh" Room ah kan inbe lawk dawn mi? " Kapa chu atho nghal nulh a, rang deuhin ka zui lut ve nghal
" Nizana ka thusawi kha apawi kati, ka sawi tum loh ber ani" a bula ka ṭhu a, kapa chuan ka mitah pawh min en duhlo
" Nizan kha chuan ka rilru ana a mahse, ka ngaicham che pa, thinrim lai chuan kan duh loh kan sawi chhuak fo alawm " Ka tih chuan min en vang vang a
" Lokal teh " A ban a phar a, rang deuhin kalo kuah nghal, kapa nen kan in kuah khat zia hi
" Pasal i neih chu kala phallo ania " Ka bengbulah ati a, ka nui a ka mittui aluang bawk
" Ka lawm e kapa " Ka ti ṭiau a, ka hnungah a beng thek thek
" Dawhtheih angai ania, tuna i rilru hi ti danglam ngai suh ang che " A ti nghet charh, ka bu nghat nghat a kapa hi a hlauthawng tih ka hria, a huntawn te kha ka hriatpui veklo a mahse, thil namai chu ani dawnlo, hlauhthawnna anei reng pawh hi ka dem biklo.
" Eirawngbawl pawh kan va phur ta surh surh ve " Ka u in min fiam reng a, Kanu leh kapi bakah U Ima ten min nuih leh vur vur zel
" I ninawm emai aw " ka ti leh vak ṭhin, min fiam kual hi anuam tih ber ani ve hrim hrim
" I tana ka thawhhlawk zia hi i hria em? " Zuk han ti a! thil sawi awm leh awmlo pawh hi a hre hlawl lo
" I mak e " Ka tih chiam chuan anui hawk hawk a
" Kan in hnial loh na pawh arei tawh alawm, kan in ngeih lutuk hi ka ngaih aṭhalo " A ti leh hram a, chhan ngaihna pawh ka hre tawhlo, ka nuih ve tawp tawh
" Ima, engtik nge hawn leh i tum ang " Kapi in atih chuan U Ima chu kan ngaichang ṭhap
" Naktukah hian let leh mai angaih hmel, Ruatpuii a ngaihtuah awm chuanglo a " A aw athian pah kharh a
" Ni e, Sanga pawn a pawmthiam tawh a, Amelia pawh Aizawl ah alo kal veleh thuai maithei asin " Kanu in ati a
" Nia, kan company ah pawh hnaruak a awm reng alawm" A ti veleh sup, Eirawng ka bawl zawh chuan zanriah ei nan ala hma bawk si a, U Ima chu ka kheuh ru zeuh
" Ala hma tho kan leng dawn mi " Ka tih chuan a tho nghal zat a, a in ready khawp mai
" Tikhan len i tum ami " Ka thawmhnaw thlak buailo in ka haklai nen chuan chhuah mai ka tum a, U Ima in min pawt ding dat
" Aw, a pawi vak chuanglo " Kekawrbul ka ha a Tshirt Over size lose deuh ka ha bawk
" Kekawr tlawn leh tshirt pangai va inbel rawh " Ati hmuk a, a tum bur leh nghal hnial biklo chuan room ah ka tlan lut a, ka inthlak nghal sawk sawk, ka pasal pawh anih hma in ka thawmhmaw ah lehzel thu anei nghal chu ani sia, ka rin aiin a huatthu a chhia athikthu pawh chhe tak ani.
" Good " Min hmuh rualin a kut zungpui alo ti pir zeuh a, mengkual ralhin ka hmui ka ti pawrh zeuh
" Eng nge intih dawn " Kanu kawngka bula ṭhu chuan a thawnthu ngaihthlak lai pause meuhin min lo zawt a
" Kan leng lawk dawn, Eirawng ka bawl zo tawh tho a " Ka tih chuan
" Aw le, va leng rawh u mahse, leng reilo ula " Ati mai a, min ngaihven zuilo zetin thawnthu a ngaithla leh nghal zat, Pasalṭha thawnthu hi a ngaithla renga a peih ve ngawt mai.
" Noah a ṭha tawh ami? " Inhnaih deuhin kan kal dun, mawilo khawp erawh anilo
" Vawiin ah Damdawiin aṭangin an inla chhuak a, a zia tawh khawp mai " A ti a, ka inthiamlo ringawt a fanu damdawiin aṭanga chhuak pawh buaipui theilo in keimah vangin kan khua alo kal vang vang bawk si
" Noah pawh i buaipui hman silo a, keiman ka ti buai em em che sia " Ka ti a ka inthiamlo ve em ani
" Chutiang sawi suh, Noah te chuan buaipui tu angah alawm, kalo kal dawn pawn ' Apa au min lo hawnrawh' ati a aphur ber berah aṭang " A tih chuan ka nui hak hak
" Kapa in rem ati tawh tho a, Aizawl ah pawh kalo kal ve thei thuai ang " Ka ti a, amah maia a let tur chu ka khawngaih deuh
" Keichuan buaina awm leh hmain inneih thuai ka duh, nangpawh i upa ve thawkhat tawh alawm, pasal nei chung pawn i duhthusam ang ngei chuan company ah i thawk ang a " A ti a, khawlai ah kan awm tih a theihnghilh aniang
" Sawi hun pawh ala nilo, hawn hunah kan sawi ṭha dawn nia " A nakah ka nghawk zeuh a, na tih hmel deuhin ala rum nghut zui
" Kimkimi tein ah peng kawi lawk ila " Kimkimi tein kan thleng ṭep tawh, engmah ti em emlo in kan kal zel ringawt a
" I ṭhiannu kha maw " A ti ve ngei, alo la hre ve reng aniang
" Umm, a raia " Ka tih chuan a bu nghat, Kimkimi tein chu kan thleng a, Kimkimi'n min lo hmuh chuan alo phul ve hlut mai, U Ima pawh a be tlangnel thiam
" Ka inhmuh hmasak ber dan khan azir silo a, hmuh leh che pawh a inthlahrunawm dawn alawm " Nui har har pahin ati a, Nu Laltei te chu an leng ani maithei Mawia nen chiah anlo awm a, Mawia chu melh pawh ka melh duhlo hrim hrim
" Engthil pawi mah a thleng hleinem, inthiamlo tawh suh " A ti nghet churh a
" Amelia, kha kha emni i bialpa chu " Mawia'n thamlo tih hriat deuha alo tih chuan ka ner sak
" A nih hi " Tih chauh in ka chhang a
" Pathlawi chu an zei duh antih tak kha, tlangval zawk te ai hian an thur chhuak ṭha leh daih zel " A ti leh kher a
" I room ah han tawm vang vang mai rawh, midang tana thilṭha i sawi theilo anih chuan " Kimkimi'n ati hmak a, rum deuhin a melh ram ram bawk. Mawia chu rin loh deuhin a kalsawn ve mai a
" I u emni? " A kalsawn hnuah U Ima in ati sup
" Kanu nau ka putea ania " Kimkimi pawn ṭha deuhin a chhang
" Naute chu thla engzat nge ni tawh " A ti leh dut a, Nui var var chungin Kimkimi chuan thla7 anih thu a hrilh, Kimkimi tein ah chuan kan leng rei ve fu a, kan hawn dawn hnaihah Nu latei te nupa anlo hawng ve a
" Amelia, khawilam mikhual nge le " Kimkimi pa Pa ruata'n ati a
" Nu saii kha in hria em? Khami fapa kha ania " Ka bialpa tih tawng chu a nuam bik miahlo, puitling ve ve anni bawk si
" Hre tehlul e, Fapa a nei puitling hle mai " A ti a, pa nui duh tih takah anui huah huah, U Ima nen chuan an in chibai a
" Pa ruat, kan va tei phei ang e lo hawng chiah mah ula, kan leng rei tawh si " Ka ti a, ka ding nghal hluai bawk
" Chuti tur emni, kan fanu inlo kawm hlim a alawmawm e, lo leng leh rawh u aw, Vawikhat na na na te chu chaw pawh inlo ei ang chu " Ati dam leh thluam, Nu laltei chu aṭawng ve miahlo a, ka en apiangin U Ima alo en vung vung lai ka hmu ziah.
" Nu laltei awmdan kha avan mak " Kimkimi tein aṭangin kan chhuak tawh a, ka rilru ah a awm reng avangin ka phun chhuak sep
" An chhungkua kha an mak zawk " U Ima chu ka en dawrh, ha lang miahlo in anui a hetianga anuih chang hian eng emaw vei anei tlangpui ṭhin
" Engtia makin " Ka lo ti vat a
" Calm down Predator, hun kanla ngah alawm " A ti a ka sam ah a chul zeuh. Kan hawn hmat tehlul nen kapa leng alo hawng theilo a Zanriah pawh tlai deuh ah kan eiphah
" Bawihi, i u nen kan leng chhuak dawn asin " Thleng ka sil laiin choka ah alo lut ve a
" A pawi hleinem, in a awm reng chu a ninawm ve a, i peih chuan leng ve daih rawh " Ka lo ti mai a
" I awm chuan in a awm pawh hreawm kati chuanglo mahse, min ning deuh tlat, kan leng mai ang e " A tih chuan rum deuhin ka en a, A hmuiin ka biang alo tawk zeuh a nui vur vur chungin a chhuak.
" I pu tein ah chuan kan phei leh dawn ania, i pi kha lo awmpui ang che " Kanu in ati a, kapu atih hi kapa in pa anga aneih Pu Zahlira kha ani, amah atar ve tawha thawhah anei bawk nen buaipui hi angai ve deuh reng tawh a, tlaiah pawh khan azual a chuvang ania kapa pawh alo hawn tlai em em ni
" Aw le, keichu nakinah ka kal ve zawk mai ang " ka ti a, kapa te an chhuah fel hnuah kapi nen tv en in kan ṭhu dun rial
" Changtunu chu ava maksak ve " Kapi in ati leh ṭhin a, Film kan en reng reng hian hmeichhia lo lang tawh phawt chu changtunu emaw ati vek, hrilh viau ṭhin mahila a ngaihpawlh vek zel
" Khite chu misual alawm " Ka tih chuan ' Ee ni dawn tak e' ati leh mai a, ahnu lawkah angaite bawkin a hriatpawlh leh zel. Ka phone a ri Nu saii hming alang va va vcall ala ni zui
" Au " ka lak rualin Noah leh Sam te anlo lang a, ka nui nghal var var
" Dinasour unau hmelṭha te u " Ka tih chuan hrethiamlo deuhin an unau chuan an in en a
" Ka duat te u ka tihna " Ka tih leh takah chuan an nui sen sen
" Au, apa rualin lo hawng la, ka damlo a min kan duhlo " Noah chu avui ve niah niah a, a hmui a ti pawrh ve tarh bawk si alawmawm vel vek
" Apa rual chuan kalo hawng thei dawnlo a mahse, kalo kal leh vat dawn alawm " Ka tih chuan lu a thing a
" I bulah min awmtir ve zawk mai rawh " Alo tih chuan ka nui a kapi pawn ahre ve phak aniang anui kar kar
" Ate, api te an damṭha em? " Sam hi chu a danglam tlat zel
" Umm, an dam a chuan hei api nen tv kan en a " kapi chu ka ti lang ve a, Noah leh Sam chuan ṭawng an inchuh nak nak
" Api, kan lo zin i phal em? " Noah in ati a
" Phal tehreng mai, ka ngai tawh teh mai che u ania " A tih let ve chuan
" Api pawn a phal, au bulah ka kal ve thei " Ti mai maiin Noah a ṭe ṭung a
" Ate, Aizawl ah lokal leh thuai thuai rawh " Sam in alo ti veleh
" Umm, Apu kha ka dil anga chuan ka lo kal leh vat ang aw " Ka ti a, rei fe kan inbiak hnuah kan dah ve thei hram
" An duhawm dun ngawt mai " Kapi in ati a, pawmpui deuhin kalo bu nghat nghat
" Ka mit akham tlat, ka mut luhsan dawn che asin " A tih chuan
" Aw, Ka u te pawh an lo hawng ṭep tawh ang " Ka ti ve maia, kapi chu a room thleng ka luhpui tho. Keimah in Common room ah ka ṭhu ta reng a, U Ima te lah an reh vung vung
" In awm em? " Keimaha ka awm reng lai chuan kawngka anlo kik a, kawngkhar ka kalh loh miau avangin a inhawng ri nghal rak, chhawn pawh ka chhawnlo. Kimkimi Pute Mawia alo lang hlawl a, chawpchilhin ka hlau nghal kawngkhar ka kalh lo ka inchhir ber ṭum ani hial ang
" Eng nge ilo tih dawn " Ka ti a, zu rim anam huam a, a nui ang sung leh nghal, chu ai maha ka hlauh zawk chu keimah chiaha ka awm hi ani.
" Lo leng rawh te ti ta che " A ti a, a rimchhe bawk si ka va han ten ngawih ngawih tak, biak pawh be peihlo chuan U Ima ka txt nghal vat vat, ala online lo zui!.
" Eng nge i hriat a " Ka ding nghal hluai, ṭhutna tam tak zingah ka bulah kher min si chetin alo ṭhu khanglang a
" Aw, nula kan rim ve che anih hi " Ka kutah a vuan a, ten lutukin ka thing thla hnawk, ahma ai mahin ka hlau tawh zawk, a mitmeng hur zet hmuh tel reng phei chuan hlauh loh chi pawh anilo
" Min tawk tawh hlek suh, i zaklo hle mai " Ka ti ṭhat a, amah hlat deuha ka ding sawn nghal
" Kha pathlawi ve mai mai khan aduh tawkin a khawih tho che kha, eng nge ka khawih chu i duh loh vel, ka hrilh ang che hmeichhia te hi chu maw mipa te hnuaia awm mai mai tur in nih hi " A ti chhur chhur, a lo ding ve hluai a ka hlau lutuk tawh chu awm ngaihna pawh ka hrelo
" Min lo hnaih reng reng suh " Min lo pan a ka tawlh hnung ve zel, zu rim nam mahse, a mitmeng vel aṭang hian damdawi a rui tel anih ka ring
" Khapa ai khan ka ti hlim zawk daih ang che, nanghi chu ka duhna che arei tawh " A sawi zo chiah kawngkhar ari rawk a, ka u leh U Ima anlo lan rualin ka thaw nghal hawk, ka mit ka chhing a ka mittui alo luangthla puat
" Engthil nge itih a " Ti ṭhawt in U Ima chuan Mawia chu alo pan hnai rawk a, a hnek thal nghal tawp
" Ve khanglang che chuan, engvanga kut min thlak ngawt nge inih " Ti buh niai chungin alo ding ṭiah ṭiah
" Ka bialnu khawih tur hian eng dikna mah i neilo " Mawia chu chhuatah a thal leh tep
" Eng nge thil awmzia Mampui, ṭhelh ta che " Kapi pawh kan thawm arin deuh vang nge alo chhuak a, a thil hmuh chuan aṭhawng viau aniang a aw pawh a khur dar dar
" Teuhlo, a duhtawk sawisa se keipawn ka sawisa ve dawn " ka u lah chuan ati bur mai, Mawia lah in thawm a chhuah ring si a kan thawm pawh a ring tawh viau ang
" U Ima duhtawk tawh rawh " A banah ka kuai a, a duhtawk ve thei hram, atira ka rilru chiai zet kha areh tawh a, hmanhmawh deuha ka phone la sawk sawkin Kimkimi ka call nghal
" I va rawn ti laklawh ve " A lak rualin alo ti nghal var a
" Kimkim, tunah kan inah lokal lawk teh i nu leh pa te pawh " Ka ti zung zung
" Tinge a " Alo ti let hu
" Lokal phawt ru " Ka ti leh a ka dah nghal, Kapi in kapa te alo phone ve bawk, U Ima chu athinrim ala reh lo tih hriat zetin na deuhin thawk ala hulh hulh a, ka u pawh ka khap dai thei hram Mawia chu chhuatah la mu rengin thawk ala halh halh a. Kimkimi te lo thlen hmain kapa te anlo thleng hmasa a, Chhuata Mawia let bal an hmuh chuan an meng kawk
" Eng nge thil awmzia " Kapa in atih chuan kan ngawi ṭhap
" Sawi ta che u " a ti ṭhawt a, ka u leh U Ima ten engmah sawi an tum silo a, ka aw thian kharhin atir aṭangin thil thlen dan chu kimchang leh hmaih nei miahlo in ka sawi vek a
" Ruata te in hrilh em? " Kapa'n ati chang rut
" Umm, anlo thleng ṭep tawh ang " Ka ti zo deuh chiah anlo thleng ve nghal a, Nu Laltei'n chhuata a unaupa mu zawi reng ahmuh chuan a buaipui nghal chuk chuk a, thil thleng min zawt nghal chul bawk
" Mawia chungah hian kan lawmlo khawp mai, ka in chhungah leh nghal ka fanu khawih alo tum hi kan lungawi lo " Kapa in ati a, boruak a reh nghal duk. Kimkimi chuan min lo pan a
" Iṭha em? A khawih hmanlo che tiraw? " a ti nghal zung zung a aw akhur a ahlauhthawn hmel viau bawk
" Aih, Ka u te anlo thleng hman a " Ka ti sep
" Ka unaupa hi chutiang mi anilo " Nu Laltei chuan ati a, U Ima hnekna ahmai pilh lai te chu a chulsak ruai
" Ka fanu chuan dawt a sawi itihna emni? " Kapa in a ti chang leh fak, Pa ruata ala ngawi reng a Kanu pawh ala ngawi ran
" Chulam ka sawilo, ka unaupa hi ka hrechiang chutianga midang duhlo chung khawih luih ching anilo, ka unaupa kut inlo thlak ngawt avang hian ka lawmlo fe zawk ania " Nu laltei chu mak ka ti ngei mai
" Kanu chutiangin engtin nge i sawi theih, thil tisual lo se Putea kha kut an thlak hauh lo ang " Kimkimi'n ati ve nghat
" Lalnunkim lo ngawi mai mai rawh, sawi ve theih i neilo ania " Ati leh nghal hmak
" Lalluahpui, ngawi hmak rawh, i unaupa laktlak loh lutuk khan zahna min thlen zing ta malh malh khawp mai " Pa ruata'n alo tih ve tak nghut ah chuan Nu Laltei pawh aṭawng ngam tawhlo
" Pu sang, min ngaidam hram teh u, thil thleng hi apawi kan ti takzet. Mualpho lo zawngin chinfel dan ngaihtuah teh ang u " Pa ruata'n atih chhunzawm a, kapa chuan a chhang lo
" Mipa te hian hmeichhia an chhaih buai ringawt ngailo, Amelia pawh mitmei ilo hmuh ve aniang chu, chutin ka nau in puh ngawt theilo " Ala ti hram mawle, keihian mitmei ka hmuh ang maw!? Rapthlak lutuk
" Chutin ka fanu hi puh khanglang lo mai teh, i nau sualna i pawm theilo anih chuan keichu mualpho pawh ka pawi ti miahlo ania, mi bulah ka fanu i puh chhe kual leh dawn tih lah ka hailo, F.I.R thehluh a ngai dawn anih pawn ka hreh lo " Kanu in ati ve hmak hmak
" Induh phawt chuan thehlut ru, ka nau hi harhchiang se ani pawn sawi tur anei ve tho ang, zan dangah pawh aleng ngailo, zanin a alen chhanah hian Amelia pawn mitmei ahmuh ve tihna ani mai " Mak ti deuhin Nu Laltei chu ka en tawp
" Ngawi chip cham rawh, Ruatpuii thiam loh chantir phet tum suh" U Ima in alo ti ṭhawt, a aw rawl aring bawka inchhung ah a khawk rum rum thei, a banah ka chelh a ataksa chu thinrim vangin a ṭang ṭung a asa vek bawk. A thinrim lai hian a landan a inthlak vek zel
" I bialnu kha i hrechianglo zawk aniang " A ti leh chu Pa ruata'n ' LalLuahpui ' ati chang bawl
" Tun hi sawi chhuah hun tak anih ka ring, kan buai lai hian buai zo law law teh ang u " Kimkimi'n ati a, Mawia pawh alo che ve leh ṭiah ṭiah
" Eng chu maw i sawi ang Lalnunkim, lo inrawlh ve vak suh" Nu Laltei'n atih leh a Kimkimi lah chuan anuih duh lek chauh
" Eng nge i sawi duh chu Kimkim " Ka u in alo ti sup, Kimkimi chu a ngawi vang vang a, a thilsawi tur chu a sawi hreh tih ahriat ngawih ngawih
" Class11 kan zir kum khan kum pawh kala tlinglo, Kanu i nau i hmangaih em em hian kei naupang ve mai kha min it a, kapa nen inzin hlan khan ka nun zawng zawng ati chhe vek asin " Kimkimi chu a ṭap chhuak hawk, thawm areh duk a reilote hnua thawm lo awm leh hmasa ber chu Pa ruata thinrim inhrosa thawm ani, Kapa in Pa ruata chu alo dang a, Ka ṭhiannu chunga thil thleng chuan min ti hreawm ngawih ngawih, amah chu ka en ṭhin a rilru na lutukin a ṭap khur dar dar ka u chuan a kuah a
" Tinge a hma zawngin i sawi chhuah loh " Nu Laltei'n ati leh kher chu ka ngaihdan apel khawp mai
" I unaupa vangin i fanu in nun hreawm tak ahmang a, chuti chung chuan i fanu ila chhuahchhal zawk maw! Nu lalte Nu mak tak ini " Ka ti nghek Kimkimi ka khawngaih a ka awm a tawt tup tup
U Ima pawh Aizawl lamah alet leh tawh a, kan buaina pawh kha kapa in ' Thilpawi a thlenglo a, thui tak kal kher pawh kan tumlo, amah erawh chu thleng nawn tawh suh se, keini lamah chuan tihian kan buaina tawp rawh se ' Ati a, Kimkimi chungchang erawh kan sawi chhunzawmlo a, an chhungkaw buaina tur a kan ngaih vang ani. Kimkimi thil tawn chuan min ṭhawng vek a, Pa ruata a khawngaihthlak khawp mai, Kimkimi nun chhe zo ta vek chuan chhan ṭha tak alo nei a, hre turin kalo chik ngailo. Amak ngawt mai a chungah khatiang athleng chung pawh khan ka laka a awmdan ala pangai reng a danglamna ka hmulo Danglamna hmu turin ka chik ngailo tlat a lo chik ve ik ila chu ka hrethei maithei ani, Mawia chu Pa ruata'n in aṭangin a hnawtchhuak a, Nu Laltei pawn a fanu chungah meuh thil ṭhalo titu chu aṭan tawh biklo. Thil thleng chu kan chhungkua leh Pa ruata te chhungkua chiah in kan hria a, Mawia an hnawtchhuak pawh thil hrechianglo ṭhenawm khawveng te chuan Pa ruata te chhungkua an dem veka abikin Nu laltei an dem zual mahse, an ngawi a tumah an chhang let lemlo, an ngawi thei kati khawp mai.
" Bawihte, i inpeih tawh em? " Thleng ka sil a, chaw ei lai aṭang tawhin eikham ah sawi ho lawk tur a awm anti a, min lo au leh chhen tawh.
" Aw, ka inpeih dawn ṭep " Ka ti let lang lang, ka thlengsil sa chu ka tleuh a dawhkan ah puan phah in ka dah hul a, ka kut hru hul sawk sawkin Common room ah ka phei ve nghal
" Min ti hmanhmawh vek alawm " Ka ti hlar
" Ka ko mai mai che alawm, tinge ilo hmanhmawh vak " Ka u in alo ti hram a, rum deuha en chunga chhanlet ka tum lai takin kapa in aw a thiar kharh
" Zanina ka sawi tur hi a pawimawh a, hun khirh tak hmachhawn lo se hrilh che ka tum lemlo " A ti nghet charh, kan ngawi ṭhap a kapa chu ka ngaichang
" I nu hi i nu tak tak anilo tih i hria a, i pi hnen aṭangin thil thleng pawh i hre tawh niin ka hria, I nu diktak kha ka hua a, nangmah ka en chang apiang che hian ka thinrim zual em em ṭhin, ka sawi hmasak duh zawk chu i nu hi awmlo se kan pafa hian kan dam tawh kherlo ang, dam pawh ni ila tun dinhmun hi kan thleng phak dawnlo. I nu hi zahla hmangaih em em turin ka duh che, chutiang chiah in i u leh i pi te pawh hi, tun bak hi chu hetiang chungchang hi sawi leh ka duh tawhlo " Uluk deuhin kapa thusawi chu ka ngaithla
" I ṭhiannu Dandani nu kha i hria tiraw " A tih tak daih chuan bangbo deuhin ka bu nghat
" Kha kha i nu diktak chu ani "
" Maw!? " Kapa sawi zawh rualin ka ti chhuak ve ṭhawt, mak kati lutuk
" Ka damloh a kan lo kal khan ka hre tawh, an zingah tal tamlo la ka duh chhan pawh ani " A ti leh sup a, keichu kala a huih mai, Nu Sangtei kha kanu diktak maw! Amak hle mai. Kanu leh kapi ka u te chu ka en kual a, an hre vek tawh tih hriat takin an hmelah mak tihna a awmlo
" Ava mak ve, anih leh Dandani hi " Ka aw chu a zawi khawp mai
" I thisenzawm i nau ngei ani " Kanu in alo tih chuan zalo deuhin ka nui ringawt, tunlai chu thu thinṭhawng tak takin min deng dawt dawt a, engtia hmachhawn tur nge ka hrethiamlo
" Anih leh chu chu tinge min hrilh " Ka ti ṭiak a, ka ṭap lo a mak tihna in min la chiah hneh lutuk
" Tunah hian Dandani nu chu Damdawiin ah thi chhawngin a awm tawh, hmuh leh hmuh loh chu i thu ni rawh se, i nu nen kan sawi duna athih hma ngeia i hriat hi aṭha niin kan hria chuvang chuan kan hrilh che ani " Ka ngainat ruk em em Nu sangtei kha kanu diktak alo ni reng a, Dandani ka ṭhiannu ka ngainat em em chu ka nau alo ni reng bawk, ka dinhmunah hian ding ve ta ula engtin nge thuthlukna insiam ang, keichu ka bangbo ani
" I nu ani a, a thiltih kha a huatawm tih chu ka hria mahse, tun hun i thlen theih chhan te thil ṭha tam tak i neih chhan hi abulṭanna chu i nu diktak kha ani, ngaihtuah teh Bawihte, i nu diktak chu huat tlak pawh ani tawh hleinem, i pa nen in laka athiltih te avang khan inthiamlo reng rengin hun a hmang a, chu chu athil tihsual vanga hremna chu ani mai lo emni? Keini'n kan lo huat chiam hi aṭul tawhlo ani, a hunpum ah inchhir reng rengin hun a hmang tawh a, a thih dawn ah tal chuan hahdam takin kal tir la aṭha kati " Kanu in ati dap dap a, kanu thusawi chu ka ngaihtuah zui ve vang vang, chutih rualin kanu rilru ṭhatzia chuan min hneh ngawih ngawih
" Dandani pawn hnemtu a mamawh lai tak ani, thil engkim ahria a, Sangtei'n akalsan che tih ahre bawk i lakah a inthiamlo ve em em bawk asin " A tih chhunzawm a, ka la ngawi reng
" Inchhir reng renga hun hman i duh loh chuan hmu ang che " Ka u in ati ve thung a, kei erawh ka rilru ala buai nuai nuai mai, Dandani pawn ahria a mahse, engmah min hrilh lo, a awmdan pangai rengin a awm a katan rinhlelh turin a awm ngailo, an in a chaw ka ei lai kha chuan a ulbum ah ka naupan lai thlalak ka hmu anih kha.
Mut hmunah pawh ka ngaihtuah nasa a, U Ima call pawh ka chhanglo, Nu sangtei hmel ka mitthla a, Damdawiin ah a awm loh pawn ahmel leh amah ah hlimna leh phurna alang ngailo, khata ṭang pawh khan ahlim lo tih chu a hriat theih ngawih ngawih. Ka thuthlukna leh ka duhdan chu ka hreta.
" Pa, Aizawl ah chuan kal ka duh " Kapa chanchinbu chhiar bulah chuan ka ti sep
" Ka hria e, ka fanu hi hmeichhe ngilnei tak ini a kal i duh ngei ka ring ani " Ka thuthlukna hrilh vek lo mahila a hrethiam tih ka hria
" I nu nen kan kalpui dawn che nia, ticket kan la lawk tawh a, va insiam thuai rawh le " A tih chuan kapa chu ka en kiau ringawt
" I nu nen hian kan hrechiang che alawm " A ti leh mai a, keipawh room ah lutin ka insiam zung zung, Nizanah U Ima ka belo tih hriain ka call pah
" Iṭha em? " Alo ti nghal dut a, ka nui chhuak hak
" Ka ṭha alawm, Aizawl ah kalo kal dawn " Ka ti a
" Aw le, Nizanah I u nen kan inbia a, counter ah kalo nghak dawn che u ania " Alo tih chuan ka nui leh tawp, ka chhungte chet ran dan hi
" Dandani nu chu a serious viau emni? " Ka ti sep a, Nu sangtei tih mai ka tuma ka sawichhuak thei tlat lo
" Hlauthawng suh Bawihi, ngaihtuah vak vak lo la tluang deuhin inlo kal dawn nia, zinkawng zawh nuam " A ti sup a, a serious tilo mahse, a serious tih ka hrethiam ve tho a ka hahdam thei chuanglo
" Helam chu lo ngaihtuah lo ula, ka tunu chhel takin awm rawh aw " Kan in kawtah Sumo in min nghak ran tawh a, ka u leh kapa ten kan buangrua an hlang, kapi in min kuah a ka hnungah a beng thek thek, Kan khua chhuahsanin Aizawl kan pan leh ta chu ania, Zinkawng hahthlak tak chu ani ngei mai, ka rilru hahdam loh vang pawh ani maithei, Dandani leh nu sangtei hmachhawn dan tur ka hrelo.
" Saw, Imanuela " Motor aṭangin ka chhuk a Ka mawng beng fai pahin kanu kawhna lam chu ka hawi phei, Aizawl kan thleng chiah a ka motor chuanna ka mawng a kham lutuk
" Kapi in lo tluang maw " Kan bul alo thlen rualin ati sup, kanu chuan ' kan lo tluang viau e ' ati a, kan bungrua chu kapa a hlanpui. A motor dahna lamah kan inzui phei hnak hnak hlawm a, kanu leh kapa chu kan hmaah an kal a an hnungah kan zui ve zel
" I chau em? " A tih chuan
" Ka hah tawp " Kalo ti a, a nui huk leh nghal
" Nui bawk suh " Ka tih chuan a hmui a seh zeuh
" Motor zawk saw hah tur zawk chu ani sia " A ti hram pek a, ka chhang peih tawhlo e a
" Damdawiin ah kan tlang dawn nge intih fai phawt induh" A ti a, kapa'n Damdawiin ah kal phawt ang u atih avangin Damdawiin ah chuan kan kal hmasa zawk dawn anih hmel, kanu leh kapa chuan motor tamzia vel an sawi reng laiin keichu ka insehruh ngawt ngawt, ka zam kati dawn nge ka awmdan hi ka hrethiam chiahlo
" Huphurh suh, engmah adanglam hleinem Dandani pawh ka cousin Dandani ani tho a, Nute Sangtei lah ka nutei ani a, Damlo na tak kan tur ang ah in ngai tawp rawh, chu aia tam anni pawn an phut reng renglo " Ka hreawm ti chu alo hrethiam nge ka kut alo vuan zawk a, a thusawi te chu kapa te chuan an hrelo maithei, Damdawiin kan thlenga Damdawiin kawtah chuan Dandani leh a u kha anlo ding a
" Lo chhuk ula, motor hi ka hungrem anga kalo zawm ang che u " U Ima in atih chuan kanu leh kapa chu an chhuk nghal a, kala ṭhu reng
" I chhuk dawnlo ami? Nilengin motor i chuang tawha ila chuang khamlo ani maw " Min tih nuih phet atum leh nghal
" I tello chuan ka zak " Ka tih sep chuan min nuih leh kher a, sawi buai tawhlo chuan motor a hungṭha ve mai
" Min lo la nghak elaw " Kanu te chu anlo la lut lo a
" Amelia, iva induh ve " Dandani chuan min lo kuah chat, ani chu a awmphung ala danglam lo a keichu ka lai ṭut
" Nia " tih te in ka chhang a, a u pawh chuan min nuih var var
" Kan lut tawh dawn mi, in kan hun atawp dawn hnai tawh a " Dandani u in atih takah chuan kan inzui lut a, Kan kal dawn khan in kan hun a awm tih lam ka ngaihtuah thleng tawhlo reng reng, Dandani chuan ka kut a vuan chat a, ani pawn atheih chuan ka thei ve awm emai tia in petruh chungin ahma ang chuan awm ka tum ve ngial a mahse, aharsa khawp mai.
" Lokal ru, lokal ru " Cabin kan lut a, Dandani pa chiahin alo awmpui, kapa te chu Pu Khuma Dandani pa te nen an inbe nghal luam a, Dandani'n a nu bula min kaihphei atum chuan ka tim tlat, ka ṭang deuh ṭung a
" Keiman, kalo pui ang " U Ima alo inrawlh vat, Dandani chuan min chelhna athlah a
" Bawihi, tim reng reng suh " Min kalhnaih pui a, sak deuhin ka pen ve zel
" Kanu, Amelia alo kal asin " Khum bul kan thleng a, Dandani chuan a nu chu a bia, Dandani ṭawngri chu a hria nge amit alo meng a, min hmuh chuan a chhing leh vang vang
" Ka lawm e " A phun sep a, thei leh theilo in alo nui, a kut chu alo lek kang a tim daiin kalo vawnsak
" Min ngaidam rawh aw " A ti leh a, chuti taka chaklo a ka hmuh chuan ka chhunglam ah hian eng emaw che dawt chu a awm
" Hahdam rawh, ka ngaidam che alawm " Sak ṭalhin ka ti ve thei hram, hethu hi ka sawi mai mailo midang huat nan chuan hringnun hi atawi hmangaihna hun kan nei dawnlo.
" U Sangte, na te i nei em? " Kanu chu ka bulah alo ding a, U Ima chu a kalsawn
" Neilo e, ka ṭha " A ti ban charh a, Kanu chuan Nu Sangtei kut ka vawnna chu alo hum hnan a
" I ṭha leh mai ang, hlauthawng reng reng suh " A ti dam thlap a kapa pawh kanu bulah alo ding ve, Kapa ahmuh telve chuan ahmel landan adang deuh a
" I fanu nen hian kan hlim a, nangpawh hlim tawh rawh hlim ahun ve tawh alawm " Kapa'n a tih chuan amit a chhinga a mittui alo luang ngiai ngiai
" Nu, ṭap suh i duh em em ngaihdamna chu i chang tawh alawm, i ṭha leh vat anga hlim takin chhungkua kan awm ve tawh dawn alawm " Dandani'n ati a, ani pawh a mittui a tla zawih zawih, Cabin chhung chu a pik ngawih ngawih.
" Rin aiin a harh riau kha " Nutei tein ah thlen kan tum a, Nu saii'n an in a thleng tura min tih tlat avangin Nu saii tein kan pan leh mek
" Amak khawp mai, Nizan kha chuan kan mangang a inlo hmuh hman pawh ka ring tawh chiahlo ania, rin aiin a harh " U Ima in alo belhchhah, keipawh serious deuha hmuh ka tum vang nge ka rin aiin ka hmu harh a, aṭawng azawi deuh tih loh chu afiah reng
" Au " ' Ate ' Gate kan tlanlut chiah Sam leh Noah an lo tlanchhuak a, kanu leh pa pawh an nui tawp, Nu saii'n an hnungah alo zui ve bawk
" Au " Motor aṭanga ka chhuk nge chhuklo Noah in ka ke a kuah cheng cheng a, Sam pawn ka kut avuan chat
" Luhpui rawh " Kanu in atih chuan Noah chu ka pawm lawp a, Sam chu kaiin inchhungah kan lut a
" Ehh, chhanchhenu " Emily in min lo nuih vur vur
" Sam Amelia kha a chau ang, bawh chung chung lo ula" Pa hruaia'n alo ti dut, Noah pawh a rit ve tawh lutuk sofa ah ka ṭhutpui a, Kanu te pawh anlo ri lut hlut mai
" Inlo tluang maw, in chau em? " Pa hruaia'n kapa te chu aṭhutna aṭanga tho meuhin alo chhawn a, naupang pahnih chuan min biak buai reng avangin an titi pawh ka hre ve theilo
" In u kha a chau ang " Kan bulah U Ima alo ṭhu a
" Aih Anu tur alawm " Noah in ring lenglawngin ati a, rang deuhin ahmui ah kalo hup vat, midang pawn an hre ve vek bawk si ka zak lutuk chu ka hmai leh beng asa vek thei
" Ate, i hmai asen " Sam in ala ti zui, kanu te ho an nui dar dar a, U Ima chu rum zetin ka en tawp
" Noah bawihte i va fing ve " U Zuali lo kal lai ka hrelo reng reng, anui ve sen sen a amah a anglo tawp
" Ka zak " U Ima hriat tham lek chuan ka ti a
" An koh dan tur che ala ni tho a, ti khan ngaiah nei lawk rawh " A ti then a, min van hnemlo chiang tak
" Nang ngaihzawn che hian Naupang pahnih a chhawm bakah zahna a kengtel bawk anih hi " ka tih chuan rilo in anui a, a malah ka piai sak nawk. Ka inbual faia Zanriah eikham ah reilo te common room ah ka ṭhu a, ka motor chuan na ka chau ve deuh nge ka mutchhuak a ka ham leh bai bai ṭhin
" Amelia, han mu tawh rawh i chau anih kha " Nu saii'n atih chuan ka hniallo khawp mai, kanu te ho chu mangṭha in choka ah ka lut a, ka mutchhuak lutuk kha areh deuh a, U Ima tan coffee siamsakin inchungah ka chho a ka room kal pelin U Ima room ah ka lut, kawngka kik lo a tih phut ve hrim hrim ka chak dimte in kawngka ka hawng a, min hnungchhawn zawngin alo ṭhu hlauh leh nghal
" I va thawkrim ve Hulk " Ka tih chuan a taksa a che awk a, a phu ve chiang ani
" Vanram leh meidil inkar ah ka han dak zuai alawm " A tih chuan ka nui vak a
" I over e " Dawhkanah coffe ka hunsak hnuah ahnung aṭangin kuah a biangah ka fawp zeuh, ka inla hrang leh nghal rang khawp mai
" I va zei ve " A ti a akiai pah suk, a bula ṭhu tura min tih chuan thuawih deuhin ka ṭhu veleh mai a, ka mutchhuak pawh kha vawmbo ang hlauh ani
" Ka ngai che " Remlo deuhin a sir zawngin min kuah a, a kut chu ka bensak thek thek
" I bulah ka awm reng hi " Ka ti a ka sawi zo chiah ka nghawng a thawk khum kher a, ka za ti lutuk chu ka nui uar uar
" Lalhriatpui a za " Talsawn ka tuma min la chelh nghet em em zui
" Awm reng mahla ka ngai em em tho che " Tilui tih hriat zetin min kuah nghet vak a
" Ka thi dawn " ka tih vak hnuah min thlah thawl va chauh
" Hulk-a " Ka ti hlar a, thawk kala halh halh
" Predator ah chuan i rimtui ber " Atih leh chuan a hmaiah ka nam sawk
" Predator min ti ve ziah suh " Ka ti a, Predator ber kher alungawi thlak loh ve em ani
" Ka hmangaih che " Ti supin Ka hmuiah a fawp a phakar zia hi
" Saranghae Oppa " Ka tih uang ve chuan a ner nawk a
" Korean ṭawnga in hmangaih ka duh lo, mizo takin min hmangaih rawh " A ti nghut nghut, a hriatthiam pawh ka ringlo a alo hrethiam ve ngei anih chu, cute reuh lutuk mai.
" I hrethiam alaw, i hriatthiam pawh ka ringlo ania " ka ti a, a khabe hnuai aṭangin ka nuih var var
" Dansangi'n a sawi peih em alawm " A ti leh hluk, a huatthu hi avan chhe tak, a tum hmuk avang chuan ka be duh biklo a, ka bawp khawkherh in ka inhersan hmak ang ka tih laiin ka zak hnuaiah a chelha amal chungah min hlang nawlh
" Hmela " Ka ti hlar
" Duhawmnu " Min fawp a ka chhanglet duh miahlo ka bekah dawmin min fawp uar sauh a, ka hmui ka chip lui tlat
" Awm ṭha teh Bawihi " inla hrang hlekin ati ṭuak a, min fawh nawn leh chuan keipawn ṭha deuhin ka chhanglet ve, Sofa ah min muta min lo bawh nghal rawk, a che vel hmanhmawh lutuk chu ka nuih a za leh tlat pek a
" Min nuih alaw " A tih chuan ka lu ka ti che zeuh, hmui te chu aral thei pawh anilo a U Ima tan phei chuan ka ui lo emai mahse, mipa ani a chuta karah Pathlawi ani leh nghal a kut hi a nghal leh tlat zel.
Sam leh Noah ka bulah an mu leh a, ahma anglo deuhin a laiah min muttir a, an mutthilh hma an awmhlei char char a, tunah chuan an mutui tawh khawp mai. Uluk deuha ka en chuan an in ang vaklo ten ka hria, ka mit hi a dik tawhlo te pawh ani maithei.
" Bawihi " Ka taksa che leh dat ṭhin bakah min ko tu an awm avang chuan ka meng a
" I harh tiraw? " U Ima lek chu lo niin
" Tinge? Zing ani tawh ami? " Sam leh Noah anla muhil a
" Lo tho phawt teh " Mit nuai chat chat chungin ka tho ve mai
" I hmai te phih la Thawmhnaw pangai inbel rawh le " a tih leh chuan ka ngaih aṭha tawh vaklo, engmah la zawt chuanglo chuan ka hmai ka phih a, thawmhnaw te ka hak fel vek hnuah
" Eng nge thil thleng a awm ami? " Ka ti ta nge nge
" Nutei a boral, kan kal ve dawn nia " Dam dap in ati a, ka nghilh dup in ka hria
" A van mak " Ka ti tawp a, room aṭanga kan chhuah pawh chuan kala pangai theilo
" I nu te an kal tawh a, ruang pawh in an thlenpui tawh " Tunah hian khua avar tawh a mahse, ala hma viau tho, ka awm chhung hi a tawt a chu chuan min ti hah ka tha te hi a khur der der mai. Dandani tein kan thleng a, an lo zai ṭhap ṭhap tawh inchhung luh chu ka huphurh a mahse, ka paltlang ngei chu a ngai bawk si, U Ima chu nghet deuhin ka chelh a inchhungah chuan kan in zui lut, Ruang bul kan thlen chuan ṭhutna tur min lo kian a
" Nu " Dandani chuan ruang a bawh a, a ṭap ngawih ngawih. Kei erawh ka mittui a hul a ka tawt tup tup thung, Ka nu diktak hmel chu ka thlir vang vang, a vun dang bei tih danglam nan powder an hnawih a, a hmui dang var vek hliah turin hnawihsen an hnawih bawk, chungte chuan an ti mawi zo tawh lo, a kut chu ka vuan a mihring tlingzo ve tawhlo tih hriat lutuk a akut vawt thler chuan min ti na ve veng veng thei. Vuina hun Pastor in a hmang a, thlalak na hun a zawh hnuah thlanmual kan pan, a hmangaihna ka dawn ve loh vang nge tuar vak dan ka hrelo a, Min hringtu kanu diktak ani tih ka hriatna lah ala reilo, tuar vak dan tur ka thiamlo ani, tumah in min dem bik in ka ringlo
" Mangṭha Min hringtu kanu, i hmangaihna ka dawng velo a i hun hnuhnung ber a ka thlah dan che hi vui bik suh aw, huat ka chak che a mahse, kapa nen khan min kalsan lo la chuan Kanu min hmangaihtu hi kapa nen kan tawnglo ang a, ka nau Dandani pawh hi alo piang kherlo ang, hun duhawm lo tak karah hian thil duhawm chiah hriatreng ka duh ani. Nu sual tak ini lo chu chu hriat reng ka duh chu ani, Tunah chuan hahdam tawh ang che " Chu chu Min hringtu kanu laka ka thu hnuhnung chu ani.
...
Lusun boruak kan pel chho a, Dandani pawh hmeichhe harhvang tih takah apangai leh ṭan viau, a rukin ala tuar dawn chauh tih ka hriatpui a, keichuan nu kala nei mahse, ani chuan ni reilo te liam ta ah khan a chan ve thung, ka nau ani a kalsan a hlamchhiah ka tumlo, ahma aia nasa in ka ngaihsak a, ka hmangaih em em bawk, Pu khuma te pawh ka lakah an fel a an ṭha takzet, kapa nena min kalsana athlan hian a hmangaih takzet tih ka hmuthiam ve a, Pu khuma fa bikte lahin enhranna an nei miahlo bawk, Min hringtu kanu hi hmeichhe vannei tak zawng ani ngei mai, Kapa khan a hmangaih em em a, kapa kalsana athlan zawk pawn a hmangaih em em si a, chutiang chiahin kapa pawh pa vannei tak ani, a hmangaih tak chan mahse, hmangaihtu leh a hmangaih hmeichhia a tawng leh a.
" Dandan, Inchungah ka chho lawk dawn, kalo chhuk harlo ang " Nu saii tein ah kala awm a, nimin khan kapa ten min hawnsan hrih, U Ima room kawngka chu ka kik dat dat a, min chhawn mai loh avang chuan ka hawng tawp a, chair ah ṭhuin dawhkanah a kut a nghat a, muk deuhin hmalam a en ngar ngar ka lut tih chu a hriat hmel loh
" U Ima " Ka tih chuan harhchhuak zawk in ka lam alo hawi vut a
" Ilo chho alaw " A ti sawk sawk
" Thil diklo a awm emni? " Ka ti sep a, nizan aṭang khan tiang hian a awm ṭhin, ka biak reng lai ten thildang daih ngaihtuah tih hriat lutukin ka thusawi a hre ngailo hrim hrim, ka ngaih aṭha tawhlo
" lokal teh " Amah zawk chu a tho a ka kut ah kaiin khumah min ṭhutpui
" Sam leh Noah hi phir an nilo, Sam hi chu ka fapa ani ngei a Noah erawh ani velo, midang chuan phir emaw anti vek " Tinge thil thleng hi amak theih em em a, U Ima chu ka en reng ringawt
" Avan mak ve, anih leh Noah chu tufa nge? Engtin nge phir anga insawi theih " ka ti zung zung, zawhna hlirin ka khat
" Zomuani fanu ani, khatih lai khan abialpa fa apai a Zosangi pawn Sam hi a pai ve mek, anihna takah chuan Sam hi a thla in a upa zawk a mahse, Noah hi thla 7 naah a pian avangin an piang rual titih anih chu, ni2 in Sam a piang hmasa, khatih lai khan Zomuani hian a fanu kha a enkawl duhlo a foreign ah a zinkual san hmak Zosangi'n alainat em avangin kan enkawl ta a chuvanga phir anga sawi kan ni, tunah min lo chuhbuai atum leh vel a, chu chuan ka rilru aluah mai mai ani " A tih tak dap dap ah chuan ka fiah ve kuar mai
" Lungngai suh che, Noah pawn a duhlo hrim hrim ang, i fanu ani a sawibuai theih aneilo " A kut ka vawnsak a, Zomuani chet duhdan chuan min rap tlat, mahni fa hrin ngei enkawl duhlo a zinkual san mai mai thei chu amak thlawt.
" Zomuani vanga lungngai pawh ka ni hranlo, Noah hi ka fanu ani silo a " A tih lai chuan a sawi tur hria in kalo pawt chat a
" Kan fanu ala ni dawn alawm " Ka tih chuan min kuah a
" Ka lawm e " A ti zawi sup.
Kum4 hnuah chuan (Vang vang maia)
Kum4 aliam ve ta reng mai, U Ima nen kan innei tawh a, kum4 chhung khan thil tam tak athleng a achangin kan lungngai a achangin kan hlim a harsatna kan tawk ve fo bawk chung harsatna te chuan kan nupa hlimna hi a ti danglam phalo, Kan inneih aṭanga kum1 naah pawh nau kala pai theilo a, U Ima laka ka inthlahrun piah lamah keimah ka hnual ngawih ngawih ṭhin, Sam leh Noah awm tho mahse, U Ima nena kan fa tur neih ngei ka duh ve tlat si a. Kan inneih aṭanga kum2 tlinglo ah ka rai ve ta hlauh a, tunah chuan Fanu duhawm em em mai Kan nei ve tawh a, a hmingah Lalnuntlani sa/phuah mahila chhunghnai bakah midang pawn Princess tiin an ko vek kum1 leh thla2 ani ve tawha a kal ve chhet chhet tawh, Inpui ah kan la awm a indan lam kan ngaihtuah lo, hun kan neih chang apiang in tree house kan tlawh ve fo ṭhin.
" Anu, Princess-i aṭap leh tawh " Noah a au lang lang, A nau pian hlim khan a duh tehlul nen achang hian a thik leh lek lek zel
" Sam, i nau chu lova tih tlei tum teh, ka hmanlo " Eirawng ka bawl a, awmpui kan neih loh svangin ka buai ve thei viau Emily khan pasal anei ve tawh a awmpui dang lak ka duhlo. Company a ka hna pawh ka bansan a ka fate enkawl leh inchhung khur enkawl hi ka hna chu ani tawh, U zuali pawh aleng tar mai anga kan tih hnuah nikum lamah khan pasal anei ve tawh a, chu aia mak zawk chu ka u leh kimkimi in kawp hi ani, Kimkimi khan a naute kha a chhiata amah pawh a thih phah lek lek, ka u nen erawh engti ti a inkawp rem chho nge an nih tih chu ka hre biklo. Dandani erawh mipa ala ngaihsaklo tluang zel ani, kan fanu hi a atchilh em em a alo lang ngun thei khawp mai.
" Noah, a thil khalh lo khalhpui ziah suh, nangchu i upa tawh khating lawm rual pawh ini tawhlo " Sam in ati bul bul chu ka hre reng, an unau in lo inbuaipui ve hlawm rawh se, Sam in Princess-i a duat lutuk hi a thik fo mai. Sam hi a inla puitling em em Noah lah ala pangchang tluang zel, Api leh pute ti hlim em em tu te anni. Tlaiah kawtzawl ah U Ima hna bang nghakin kan awm a, Nu saii leh Pa hruaia pawh varanda ah an ṭhu. Naupang pathum chu kawtzawl ah an tal a, an ri ṭeng ṭung mai Princess-i chu duh angin ala tal kual ve theilo a, a u te pahnih thawmah chuan alo phur ve em em mai ani, U Ima pawh reilo ah alo thleng a, keimah aiin a fate pathum chu a pan hmasa a, Princessi pawm chungin ka lam alo pan
" Princess, tu emaw chu alo titau deuh anih hmel " A ti bul bul a, kum4 meuh aliam leh chuan a upat ve hmel sawt tawh a mahse, kan in ngaihzawn tirh lai ang reng khan kala en, ka hmangaiha nitin hian ka hmangaih zual zel, ka fate pa ani a anilo hi chu tu mipa dang mah ka ngaihtuahlo
" Ka titau lo " ka tih chuan anui a
" I chau em? " Naute lak sak ka tum chuan princessi chuan min duhlo in a ṭe ruai ruai a, keimah aiin apa hi a duh zawk daih
" La luilo mai rawh ka chau hleinem " A ti sup a, a fanu chu athen kual a Princessi pawh" Room ah kan inbe lawk dawn mi? " Kapa chu atho nghal nulh a, rang deuhin ka zui lut ve nghal
" Nizana ka thusawi kha apawi kati, ka sawi tum loh ber ani" a bula ka ṭhu a, kapa chuan ka mitah pawh min en duhlo
" Nizan kha chuan ka rilru ana a mahse, ka ngaicham che pa, thinrim lai chuan kan duh loh kan sawi chhuak fo alawm " Ka tih chuan min en vang vang a
" Lokal teh " A ban a phar a, rang deuhin kalo kuah nghal, kapa nen kan in kuah khat zia hi
" Pasal i neih chu kala phallo ania " Ka bengbulah ati a, ka nui a ka mittui aluang bawk
" Ka lawm e kapa " Ka ti ṭiau a, ka hnungah a beng thek thek
" Dawhtheih angai ania, tuna i rilru hi ti danglam ngai suh ang che " A ti nghet charh, ka bu nghat nghat a kapa hi a hlauthawng tih ka hria, a huntawn te kha ka hriatpui veklo a mahse, thil namai chu ani dawnlo, hlauhthawnna anei reng pawh hi ka dem biklo.
" Eirawngbawl pawh kan va phur ta surh surh ve " Ka u in min fiam reng a, Kanu leh kapi bakah U Ima ten min nuih leh vur vur zel
" I ninawm emai aw " ka ti leh vak ṭhin, min fiam kual hi anuam tih ber ani ve hrim hrim
" I tana ka thawhhlawk zia hi i hria em? " Zuk han ti a! thil sawi awm leh awmlo pawh hi a hre hlawl lo
" I mak e " Ka tih chiam chuan anui hawk hawk a
" Kan in hnial loh na pawh arei tawh alawm, kan in ngeih lutuk hi ka ngaih aṭhalo " A ti leh hram a, chhan ngaihna pawh ka hre tawhlo, ka nuih ve tawp tawh
" Ima, engtik nge hawn leh i tum ang " Kapi in atih chuan U Ima chu kan ngaichang ṭhap
" Naktukah hian let leh mai angaih hmel, Ruatpuii a ngaihtuah awm chuanglo a " A aw athian pah kharh a
" Ni e, Sanga pawn a pawmthiam tawh a, Amelia pawh Aizawl ah alo kal veleh thuai maithei asin " Kanu in ati a
" Nia, kan company ah pawh hnaruak a awm reng alawm" A ti veleh sup, Eirawng ka bawl zawh chuan zanriah ei nan ala hma bawk si a, U Ima chu ka kheuh ru zeuh
" Ala hma tho kan leng dawn mi " Ka tih chuan a tho nghal zat a, a in ready khawp mai
" Tikhan len i tum ami " Ka thawmhnaw thlak buailo in ka haklai nen chuan chhuah mai ka tum a, U Ima in min pawt ding dat
" Aw, a pawi vak chuanglo " Kekawrbul ka ha a Tshirt Over size lose deuh ka ha bawk
" Kekawr tlawn leh tshirt pangai va inbel rawh " Ati hmuk a, a tum bur leh nghal hnial biklo chuan room ah ka tlan lut a, ka inthlak nghal sawk sawk, ka pasal pawh anih hma in ka thawmhmaw ah lehzel thu anei nghal chu ani sia, ka rin aiin a huatthu a chhia athikthu pawh chhe tak ani.
" Good " Min hmuh rualin a kut zungpui alo ti pir zeuh a, mengkual ralhin ka hmui ka ti pawrh zeuh
" Eng nge intih dawn " Kanu kawngka bula ṭhu chuan a thawnthu ngaihthlak lai pause meuhin min lo zawt a
" Kan leng lawk dawn, Eirawng ka bawl zo tawh tho a " Ka tih chuan
" Aw le, va leng rawh u mahse, leng reilo ula " Ati mai a, min ngaihven zuilo zetin thawnthu a ngaithla leh nghal zat, Pasalṭha thawnthu hi a ngaithla renga a peih ve ngawt mai.
" Noah a ṭha tawh ami? " Inhnaih deuhin kan kal dun, mawilo khawp erawh anilo
" Vawiin ah Damdawiin aṭangin an inla chhuak a, a zia tawh khawp mai " A ti a, ka inthiamlo ringawt a fanu damdawiin aṭanga chhuak pawh buaipui theilo in keimah vangin kan khua alo kal vang vang bawk si
" Noah pawh i buaipui hman silo a, keiman ka ti buai em em che sia " Ka ti a ka inthiamlo ve em ani
" Chutiang sawi suh, Noah te chuan buaipui tu angah alawm, kalo kal dawn pawn ' Apa au min lo hawnrawh' ati a aphur ber berah aṭang " A tih chuan ka nui hak hak
" Kapa in rem ati tawh tho a, Aizawl ah pawh kalo kal ve thei thuai ang " Ka ti a, amah maia a let tur chu ka khawngaih deuh
" Keichuan buaina awm leh hmain inneih thuai ka duh, nangpawh i upa ve thawkhat tawh alawm, pasal nei chung pawn i duhthusam ang ngei chuan company ah i thawk ang a " A ti a, khawlai ah kan awm tih a theihnghilh aniang
" Sawi hun pawh ala nilo, hawn hunah kan sawi ṭha dawn nia " A nakah ka nghawk zeuh a, na tih hmel deuhin ala rum nghut zui
" Kimkimi tein ah peng kawi lawk ila " Kimkimi tein kan thleng ṭep tawh, engmah ti em emlo in kan kal zel ringawt a
" I ṭhiannu kha maw " A ti ve ngei, alo la hre ve reng aniang
" Umm, a raia " Ka tih chuan a bu nghat, Kimkimi tein chu kan thleng a, Kimkimi'n min lo hmuh chuan alo phul ve hlut mai, U Ima pawh a be tlangnel thiam
" Ka inhmuh hmasak ber dan khan azir silo a, hmuh leh che pawh a inthlahrunawm dawn alawm " Nui har har pahin ati a, Nu Laltei te chu an leng ani maithei Mawia nen chiah anlo awm a, Mawia chu melh pawh ka melh duhlo hrim hrim
" Engthil pawi mah a thleng hleinem, inthiamlo tawh suh " A ti nghet churh a
" Amelia, kha kha emni i bialpa chu " Mawia'n thamlo tih hriat deuha alo tih chuan ka ner sak
" A nih hi " Tih chauh in ka chhang a
" Pathlawi chu an zei duh antih tak kha, tlangval zawk te ai hian an thur chhuak ṭha leh daih zel " A ti leh kher a
" I room ah han tawm vang vang mai rawh, midang tana thilṭha i sawi theilo anih chuan " Kimkimi'n ati hmak a, rum deuhin a melh ram ram bawk. Mawia chu rin loh deuhin a kalsawn ve mai a
" I u emni? " A kalsawn hnuah U Ima in ati sup
" Kanu nau ka putea ania " Kimkimi pawn ṭha deuhin a chhang
" Naute chu thla engzat nge ni tawh " A ti leh dut a, Nui var var chungin Kimkimi chuan thla7 anih thu a hrilh, Kimkimi tein ah chuan kan leng rei ve fu a, kan hawn dawn hnaihah Nu latei te nupa anlo hawng ve a
" Amelia, khawilam mikhual nge le " Kimkimi pa Pa ruata'n ati a
" Nu saii kha in hria em? Khami fapa kha ania " Ka bialpa tih tawng chu a nuam bik miahlo, puitling ve ve anni bawk si
" Hre tehlul e, Fapa a nei puitling hle mai " A ti a, pa nui duh tih takah anui huah huah, U Ima nen chuan an in chibai a
" Pa ruat, kan va tei phei ang e lo hawng chiah mah ula, kan leng rei tawh si " Ka ti a, ka ding nghal hluai bawk
" Chuti tur emni, kan fanu inlo kawm hlim a alawmawm e, lo leng leh rawh u aw, Vawikhat na na na te chu chaw pawh inlo ei ang chu " Ati dam leh thluam, Nu laltei chu aṭawng ve miahlo a, ka en apiangin U Ima alo en vung vung lai ka hmu ziah.
" Nu laltei awmdan kha avan mak " Kimkimi tein aṭangin kan chhuak tawh a, ka rilru ah a awm reng avangin ka phun chhuak sep
" An chhungkua kha an mak zawk " U Ima chu ka en dawrh, ha lang miahlo in anui a hetianga anuih chang hian eng emaw vei anei tlangpui ṭhin
" Engtia makin " Ka lo ti vat a
" Calm down Predator, hun kanla ngah alawm " A ti a ka sam ah a chul zeuh. Kan hawn hmat tehlul nen kapa leng alo hawng theilo a Zanriah pawh tlai deuh ah kan eiphah
" Bawihi, i u nen kan leng chhuak dawn asin " Thleng ka sil laiin choka ah alo lut ve a
" A pawi hleinem, in a awm reng chu a ninawm ve a, i peih chuan leng ve daih rawh " Ka lo ti mai a
" I awm chuan in a awm pawh hreawm kati chuanglo mahse, min ning deuh tlat, kan leng mai ang e " A tih chuan rum deuhin ka en a, A hmuiin ka biang alo tawk zeuh a nui vur vur chungin a chhuak.
" I pu tein ah chuan kan phei leh dawn ania, i pi kha lo awmpui ang che " Kanu in ati a, kapu atih hi kapa in pa anga aneih Pu Zahlira kha ani, amah atar ve tawha thawhah anei bawk nen buaipui hi angai ve deuh reng tawh a, tlaiah pawh khan azual a chuvang ania kapa pawh alo hawn tlai em em ni
" Aw le, keichu nakinah ka kal ve zawk mai ang " ka ti a, kapa te an chhuah fel hnuah kapi nen tv en in kan ṭhu dun rial
" Changtunu chu ava maksak ve " Kapi in ati leh ṭhin a, Film kan en reng reng hian hmeichhia lo lang tawh phawt chu changtunu emaw ati vek, hrilh viau ṭhin mahila a ngaihpawlh vek zel
" Khite chu misual alawm " Ka tih chuan ' Ee ni dawn tak e' ati leh mai a, ahnu lawkah angaite bawkin a hriatpawlh leh zel. Ka phone a ri Nu saii hming alang va va vcall ala ni zui
" Au " ka lak rualin Noah leh Sam te anlo lang a, ka nui nghal var var
" Dinasour unau hmelṭha te u " Ka tih chuan hrethiamlo deuhin an unau chuan an in en a
" Ka duat te u ka tihna " Ka tih leh takah chuan an nui sen sen
" Au, apa rualin lo hawng la, ka damlo a min kan duhlo " Noah chu avui ve niah niah a, a hmui a ti pawrh ve tarh bawk si alawmawm vel vek
" Apa rual chuan kalo hawng thei dawnlo a mahse, kalo kal leh vat dawn alawm " Ka tih chuan lu a thing a
" I bulah min awmtir ve zawk mai rawh " Alo tih chuan ka nui a kapi pawn ahre ve phak aniang anui kar kar
" Ate, api te an damṭha em? " Sam hi chu a danglam tlat zel
" Umm, an dam a chuan hei api nen tv kan en a " kapi chu ka ti lang ve a, Noah leh Sam chuan ṭawng an inchuh nak nak
" Api, kan lo zin i phal em? " Noah in ati a
" Phal tehreng mai, ka ngai tawh teh mai che u ania " A tih let ve chuan
" Api pawn a phal, au bulah ka kal ve thei " Ti mai maiin Noah a ṭe ṭung a
" Ate, Aizawl ah lokal leh thuai thuai rawh " Sam in alo ti veleh
" Umm, Apu kha ka dil anga chuan ka lo kal leh vat ang aw " Ka ti a, rei fe kan inbiak hnuah kan dah ve thei hram
" An duhawm dun ngawt mai " Kapi in ati a, pawmpui deuhin kalo bu nghat nghat
" Ka mit akham tlat, ka mut luhsan dawn che asin " A tih chuan
" Aw, Ka u te pawh an lo hawng ṭep tawh ang " Ka ti ve maia, kapi chu a room thleng ka luhpui tho. Keimah in Common room ah ka ṭhu ta reng a, U Ima te lah an reh vung vung
" In awm em? " Keimaha ka awm reng lai chuan kawngka anlo kik a, kawngkhar ka kalh loh miau avangin a inhawng ri nghal rak, chhawn pawh ka chhawnlo. Kimkimi Pute Mawia alo lang hlawl a, chawpchilhin ka hlau nghal kawngkhar ka kalh lo ka inchhir ber ṭum ani hial ang
" Eng nge ilo tih dawn " Ka ti a, zu rim anam huam a, a nui ang sung leh nghal, chu ai maha ka hlauh zawk chu keimah chiaha ka awm hi ani.
" Lo leng rawh te ti ta che " A ti a, a rimchhe bawk si ka va han ten ngawih ngawih tak, biak pawh be peihlo chuan U Ima ka txt nghal vat vat, ala online lo zui!.
" Eng nge i hriat a " Ka ding nghal hluai, ṭhutna tam tak zingah ka bulah kher min si chetin alo ṭhu khanglang a
" Aw, nula kan rim ve che anih hi " Ka kutah a vuan a, ten lutukin ka thing thla hnawk, ahma ai mahin ka hlau tawh zawk, a mitmeng hur zet hmuh tel reng phei chuan hlauh loh chi pawh anilo
" Min tawk tawh hlek suh, i zaklo hle mai " Ka ti ṭhat a, amah hlat deuha ka ding sawn nghal
" Kha pathlawi ve mai mai khan aduh tawkin a khawih tho che kha, eng nge ka khawih chu i duh loh vel, ka hrilh ang che hmeichhia te hi chu maw mipa te hnuaia awm mai mai tur in nih hi " A ti chhur chhur, a lo ding ve hluai a ka hlau lutuk tawh chu awm ngaihna pawh ka hrelo
" Min lo hnaih reng reng suh " Min lo pan a ka tawlh hnung ve zel, zu rim nam mahse, a mitmeng vel aṭang hian damdawi a rui tel anih ka ring
" Khapa ai khan ka ti hlim zawk daih ang che, nanghi chu ka duhna che arei tawh " A sawi zo chiah kawngkhar ari rawk a, ka u leh U Ima anlo lan rualin ka thaw nghal hawk, ka mit ka chhing a ka mittui alo luangthla puat
" Engthil nge itih a " Ti ṭhawt in U Ima chuan Mawia chu alo pan hnai rawk a, a hnek thal nghal tawp
" Ve khanglang che chuan, engvanga kut min thlak ngawt nge inih " Ti buh niai chungin alo ding ṭiah ṭiah
" Ka bialnu khawih tur hian eng dikna mah i neilo " Mawia chu chhuatah a thal leh tep
" Eng nge thil awmzia Mampui, ṭhelh ta che " Kapi pawh kan thawm arin deuh vang nge alo chhuak a, a thil hmuh chuan aṭhawng viau aniang a aw pawh a khur dar dar
" Teuhlo, a duhtawk sawisa se keipawn ka sawisa ve dawn " ka u lah chuan ati bur mai, Mawia lah in thawm a chhuah ring si a kan thawm pawh a ring tawh viau ang
" U Ima duhtawk tawh rawh " A banah ka kuai a, a duhtawk ve thei hram, atira ka rilru chiai zet kha areh tawh a, hmanhmawh deuha ka phone la sawk sawkin Kimkimi ka call nghal
" I va rawn ti laklawh ve " A lak rualin alo ti nghal var a
" Kimkim, tunah kan inah lokal lawk teh i nu leh pa te pawh " Ka ti zung zung
" Tinge a " Alo ti let hu
" Lokal phawt ru " Ka ti leh a ka dah nghal, Kapi in kapa te alo phone ve bawk, U Ima chu athinrim ala reh lo tih hriat zetin na deuhin thawk ala hulh hulh a, ka u pawh ka khap dai thei hram Mawia chu chhuatah la mu rengin thawk ala halh halh a. Kimkimi te lo thlen hmain kapa te anlo thleng hmasa a, Chhuata Mawia let bal an hmuh chuan an meng kawk
" Eng nge thil awmzia " Kapa in atih chuan kan ngawi ṭhap
" Sawi ta che u " a ti ṭhawt a, ka u leh U Ima ten engmah sawi an tum silo a, ka aw thian kharhin atir aṭangin thil thlen dan chu kimchang leh hmaih nei miahlo in ka sawi vek a
" Ruata te in hrilh em? " Kapa'n ati chang rut
" Umm, anlo thleng ṭep tawh ang " Ka ti zo deuh chiah anlo thleng ve nghal a, Nu Laltei'n chhuata a unaupa mu zawi reng ahmuh chuan a buaipui nghal chuk chuk a, thil thleng min zawt nghal chul bawk
" Mawia chungah hian kan lawmlo khawp mai, ka in chhungah leh nghal ka fanu khawih alo tum hi kan lungawi lo " Kapa in ati a, boruak a reh nghal duk. Kimkimi chuan min lo pan a
" Iṭha em? A khawih hmanlo che tiraw? " a ti nghal zung zung a aw akhur a ahlauhthawn hmel viau bawk
" Aih, Ka u te anlo thleng hman a " Ka ti sep
" Ka unaupa hi chutiang mi anilo " Nu Laltei chuan ati a, U Ima hnekna ahmai pilh lai te chu a chulsak ruai
" Ka fanu chuan dawt a sawi itihna emni? " Kapa in a ti chang leh fak, Pa ruata ala ngawi reng a Kanu pawh ala ngawi ran
" Chulam ka sawilo, ka unaupa hi ka hrechiang chutianga midang duhlo chung khawih luih ching anilo, ka unaupa kut inlo thlak ngawt avang hian ka lawmlo fe zawk ania " Nu laltei chu mak ka ti ngei mai
" Kanu chutiangin engtin nge i sawi theih, thil tisual lo se Putea kha kut an thlak hauh lo ang " Kimkimi'n ati ve nghat
" Lalnunkim lo ngawi mai mai rawh, sawi ve theih i neilo ania " Ati leh nghal hmak
" Lalluahpui, ngawi hmak rawh, i unaupa laktlak loh lutuk khan zahna min thlen zing ta malh malh khawp mai " Pa ruata'n alo tih ve tak nghut ah chuan Nu Laltei pawh aṭawng ngam tawhlo
" Pu sang, min ngaidam hram teh u, thil thleng hi apawi kan ti takzet. Mualpho lo zawngin chinfel dan ngaihtuah teh ang u " Pa ruata'n atih chhunzawm a, kapa chuan a chhang lo
" Mipa te hian hmeichhia an chhaih buai ringawt ngailo, Amelia pawh mitmei ilo hmuh ve aniang chu, chutin ka nau in puh ngawt theilo " Ala ti hram mawle, keihian mitmei ka hmuh ang maw!? Rapthlak lutuk
" Chutin ka fanu hi puh khanglang lo mai teh, i nau sualna i pawm theilo anih chuan keichu mualpho pawh ka pawi ti miahlo ania, mi bulah ka fanu i puh chhe kual leh dawn tih lah ka hailo, F.I.R thehluh a ngai dawn anih pawn ka hreh lo " Kanu in ati ve hmak hmak
" Induh phawt chuan thehlut ru, ka nau hi harhchiang se ani pawn sawi tur anei ve tho ang, zan dangah pawh aleng ngailo, zanin a alen chhanah hian Amelia pawn mitmei ahmuh ve tihna ani mai " Mak ti deuhin Nu Laltei chu ka en tawp
" Ngawi chip cham rawh, Ruatpuii thiam loh chantir phet tum suh" U Ima in alo ti ṭhawt, a aw rawl aring bawka inchhung ah a khawk rum rum thei, a banah ka chelh a ataksa chu thinrim vangin a ṭang ṭung a asa vek bawk. A thinrim lai hian a landan a inthlak vek zel
" I bialnu kha i hrechianglo zawk aniang " A ti leh chu Pa ruata'n ' LalLuahpui ' ati chang bawl
" Tun hi sawi chhuah hun tak anih ka ring, kan buai lai hian buai zo law law teh ang u " Kimkimi'n ati a, Mawia pawh alo che ve leh ṭiah ṭiah
" Eng chu maw i sawi ang Lalnunkim, lo inrawlh ve vak suh" Nu Laltei'n atih leh a Kimkimi lah chuan anuih duh lek chauh
" Eng nge i sawi duh chu Kimkim " Ka u in alo ti sup, Kimkimi chu a ngawi vang vang a, a thilsawi tur chu a sawi hreh tih ahriat ngawih ngawih
" Class11 kan zir kum khan kum pawh kala tlinglo, Kanu i nau i hmangaih em em hian kei naupang ve mai kha min it a, kapa nen inzin hlan khan ka nun zawng zawng ati chhe vek asin " Kimkimi chu a ṭap chhuak hawk, thawm areh duk a reilote hnua thawm lo awm leh hmasa ber chu Pa ruata thinrim inhrosa thawm ani, Kapa in Pa ruata chu alo dang a, Ka ṭhiannu chunga thil thleng chuan min ti hreawm ngawih ngawih, amah chu ka en ṭhin a rilru na lutukin a ṭap khur dar dar ka u chuan a kuah a
" Tinge a hma zawngin i sawi chhuah loh " Nu Laltei'n ati leh kher chu ka ngaihdan apel khawp mai
" I unaupa vangin i fanu in nun hreawm tak ahmang a, chuti chung chuan i fanu ila chhuahchhal zawk maw! Nu lalte Nu mak tak ini " Ka ti nghek Kimkimi ka khawngaih a ka awm a tawt tup tup
U Ima pawh Aizawl lamah alet leh tawh a, kan buaina pawh kha kapa in ' Thilpawi a thlenglo a, thui tak kal kher pawh kan tumlo, amah erawh chu thleng nawn tawh suh se, keini lamah chuan tihian kan buaina tawp rawh se ' Ati a, Kimkimi chungchang erawh kan sawi chhunzawmlo a, an chhungkaw buaina tur a kan ngaih vang ani. Kimkimi thil tawn chuan min ṭhawng vek a, Pa ruata a khawngaihthlak khawp mai, Kimkimi nun chhe zo ta vek chuan chhan ṭha tak alo nei a, hre turin kalo chik ngailo. Amak ngawt mai a chungah khatiang athleng chung pawh khan ka laka a awmdan ala pangai reng a danglamna ka hmulo Danglamna hmu turin ka chik ngailo tlat a lo chik ve ik ila chu ka hrethei maithei ani, Mawia chu Pa ruata'n in aṭangin a hnawtchhuak a, Nu Laltei pawn a fanu chungah meuh thil ṭhalo titu chu aṭan tawh biklo. Thil thleng chu kan chhungkua leh Pa ruata te chhungkua chiah in kan hria a, Mawia an hnawtchhuak pawh thil hrechianglo ṭhenawm khawveng te chuan Pa ruata te chhungkua an dem veka abikin Nu laltei an dem zual mahse, an ngawi a tumah an chhang let lemlo, an ngawi thei kati khawp mai.
" Bawihte, i inpeih tawh em? " Thleng ka sil a, chaw ei lai aṭang tawhin eikham ah sawi ho lawk tur a awm anti a, min lo au leh chhen tawh.
" Aw, ka inpeih dawn ṭep " Ka ti let lang lang, ka thlengsil sa chu ka tleuh a dawhkan ah puan phah in ka dah hul a, ka kut hru hul sawk sawkin Common room ah ka phei ve nghal
" Min ti hmanhmawh vek alawm " Ka ti hlar
" Ka ko mai mai che alawm, tinge ilo hmanhmawh vak " Ka u in alo ti hram a, rum deuha en chunga chhanlet ka tum lai takin kapa in aw a thiar kharh
" Zanina ka sawi tur hi a pawimawh a, hun khirh tak hmachhawn lo se hrilh che ka tum lemlo " A ti nghet charh, kan ngawi ṭhap a kapa chu ka ngaichang
" I nu hi i nu tak tak anilo tih i hria a, i pi hnen aṭangin thil thleng pawh i hre tawh niin ka hria, I nu diktak kha ka hua a, nangmah ka en chang apiang che hian ka thinrim zual em em ṭhin, ka sawi hmasak duh zawk chu i nu hi awmlo se kan pafa hian kan dam tawh kherlo ang, dam pawh ni ila tun dinhmun hi kan thleng phak dawnlo. I nu hi zahla hmangaih em em turin ka duh che, chutiang chiah in i u leh i pi te pawh hi, tun bak hi chu hetiang chungchang hi sawi leh ka duh tawhlo " Uluk deuhin kapa thusawi chu ka ngaithla
" I ṭhiannu Dandani nu kha i hria tiraw " A tih tak daih chuan bangbo deuhin ka bu nghat
" Kha kha i nu diktak chu ani "
" Maw!? " Kapa sawi zawh rualin ka ti chhuak ve ṭhawt, mak kati lutuk
" Ka damloh a kan lo kal khan ka hre tawh, an zingah tal tamlo la ka duh chhan pawh ani " A ti leh sup a, keichu kala a huih mai, Nu Sangtei kha kanu diktak maw! Amak hle mai. Kanu leh kapi ka u te chu ka en kual a, an hre vek tawh tih hriat takin an hmelah mak tihna a awmlo
" Ava mak ve, anih leh Dandani hi " Ka aw chu a zawi khawp mai
" I thisenzawm i nau ngei ani " Kanu in alo tih chuan zalo deuhin ka nui ringawt, tunlai chu thu thinṭhawng tak takin min deng dawt dawt a, engtia hmachhawn tur nge ka hrethiamlo
" Anih leh chu chu tinge min hrilh " Ka ti ṭiak a, ka ṭap lo a mak tihna in min la chiah hneh lutuk
" Tunah hian Dandani nu chu Damdawiin ah thi chhawngin a awm tawh, hmuh leh hmuh loh chu i thu ni rawh se, i nu nen kan sawi duna athih hma ngeia i hriat hi aṭha niin kan hria chuvang chuan kan hrilh che ani " Ka ngainat ruk em em Nu sangtei kha kanu diktak alo ni reng a, Dandani ka ṭhiannu ka ngainat em em chu ka nau alo ni reng bawk, ka dinhmunah hian ding ve ta ula engtin nge thuthlukna insiam ang, keichu ka bangbo ani
" I nu ani a, a thiltih kha a huatawm tih chu ka hria mahse, tun hun i thlen theih chhan te thil ṭha tam tak i neih chhan hi abulṭanna chu i nu diktak kha ani, ngaihtuah teh Bawihte, i nu diktak chu huat tlak pawh ani tawh hleinem, i pa nen in laka athiltih te avang khan inthiamlo reng rengin hun a hmang a, chu chu athil tihsual vanga hremna chu ani mai lo emni? Keini'n kan lo huat chiam hi aṭul tawhlo ani, a hunpum ah inchhir reng rengin hun a hmang tawh a, a thih dawn ah tal chuan hahdam takin kal tir la aṭha kati " Kanu in ati dap dap a, kanu thusawi chu ka ngaihtuah zui ve vang vang, chutih rualin kanu rilru ṭhatzia chuan min hneh ngawih ngawih
" Dandani pawn hnemtu a mamawh lai tak ani, thil engkim ahria a, Sangtei'n akalsan che tih ahre bawk i lakah a inthiamlo ve em em bawk asin " A tih chhunzawm a, ka la ngawi reng
" Inchhir reng renga hun hman i duh loh chuan hmu ang che " Ka u in ati ve thung a, kei erawh ka rilru ala buai nuai nuai mai, Dandani pawn ahria a mahse, engmah min hrilh lo, a awmdan pangai rengin a awm a katan rinhlelh turin a awm ngailo, an in a chaw ka ei lai kha chuan a ulbum ah ka naupan lai thlalak ka hmu anih kha.
Mut hmunah pawh ka ngaihtuah nasa a, U Ima call pawh ka chhanglo, Nu sangtei hmel ka mitthla a, Damdawiin ah a awm loh pawn ahmel leh amah ah hlimna leh phurna alang ngailo, khata ṭang pawh khan ahlim lo tih chu a hriat theih ngawih ngawih. Ka thuthlukna leh ka duhdan chu ka hreta.
" Pa, Aizawl ah chuan kal ka duh " Kapa chanchinbu chhiar bulah chuan ka ti sep
" Ka hria e, ka fanu hi hmeichhe ngilnei tak ini a kal i duh ngei ka ring ani " Ka thuthlukna hrilh vek lo mahila a hrethiam tih ka hria
" I nu nen kan kalpui dawn che nia, ticket kan la lawk tawh a, va insiam thuai rawh le " A tih chuan kapa chu ka en kiau ringawt
" I nu nen hian kan hrechiang che alawm " A ti leh mai a, keipawh room ah lutin ka insiam zung zung, Nizanah U Ima ka belo tih hriain ka call pah
" Iṭha em? " Alo ti nghal dut a, ka nui chhuak hak
" Ka ṭha alawm, Aizawl ah kalo kal dawn " Ka ti a
" Aw le, Nizanah I u nen kan inbia a, counter ah kalo nghak dawn che u ania " Alo tih chuan ka nui leh tawp, ka chhungte chet ran dan hi
" Dandani nu chu a serious viau emni? " Ka ti sep a, Nu sangtei tih mai ka tuma ka sawichhuak thei tlat lo
" Hlauthawng suh Bawihi, ngaihtuah vak vak lo la tluang deuhin inlo kal dawn nia, zinkawng zawh nuam " A ti sup a, a serious tilo mahse, a serious tih ka hrethiam ve tho a ka hahdam thei chuanglo
" Helam chu lo ngaihtuah lo ula, ka tunu chhel takin awm rawh aw " Kan in kawtah Sumo in min nghak ran tawh a, ka u leh kapa ten kan buangrua an hlang, kapi in min kuah a ka hnungah a beng thek thek, Kan khua chhuahsanin Aizawl kan pan leh ta chu ania, Zinkawng hahthlak tak chu ani ngei mai, ka rilru hahdam loh vang pawh ani maithei, Dandani leh nu sangtei hmachhawn dan tur ka hrelo.
" Saw, Imanuela " Motor aṭangin ka chhuk a Ka mawng beng fai pahin kanu kawhna lam chu ka hawi phei, Aizawl kan thleng chiah a ka motor chuanna ka mawng a kham lutuk
" Kapi in lo tluang maw " Kan bul alo thlen rualin ati sup, kanu chuan ' kan lo tluang viau e ' ati a, kan bungrua chu kapa a hlanpui. A motor dahna lamah kan inzui phei hnak hnak hlawm a, kanu leh kapa chu kan hmaah an kal a an hnungah kan zui ve zel
" I chau em? " A tih chuan
" Ka hah tawp " Kalo ti a, a nui huk leh nghal
" Nui bawk suh " Ka tih chuan a hmui a seh zeuh
" Motor zawk saw hah tur zawk chu ani sia " A ti hram pek a, ka chhang peih tawhlo e a
" Damdawiin ah kan tlang dawn nge intih fai phawt induh" A ti a, kapa'n Damdawiin ah kal phawt ang u atih avangin Damdawiin ah chuan kan kal hmasa zawk dawn anih hmel, kanu leh kapa chuan motor tamzia vel an sawi reng laiin keichu ka insehruh ngawt ngawt, ka zam kati dawn nge ka awmdan hi ka hrethiam chiahlo
" Huphurh suh, engmah adanglam hleinem Dandani pawh ka cousin Dandani ani tho a, Nute Sangtei lah ka nutei ani a, Damlo na tak kan tur ang ah in ngai tawp rawh, chu aia tam anni pawn an phut reng renglo " Ka hreawm ti chu alo hrethiam nge ka kut alo vuan zawk a, a thusawi te chu kapa te chuan an hrelo maithei, Damdawiin kan thlenga Damdawiin kawtah chuan Dandani leh a u kha anlo ding a
" Lo chhuk ula, motor hi ka hungrem anga kalo zawm ang che u " U Ima in atih chuan kanu leh kapa chu an chhuk nghal a, kala ṭhu reng
" I chhuk dawnlo ami? Nilengin motor i chuang tawha ila chuang khamlo ani maw " Min tih nuih phet atum leh nghal
" I tello chuan ka zak " Ka tih sep chuan min nuih leh kher a, sawi buai tawhlo chuan motor a hungṭha ve mai
" Min lo la nghak elaw " Kanu te chu anlo la lut lo a
" Amelia, iva induh ve " Dandani chuan min lo kuah chat, ani chu a awmphung ala danglam lo a keichu ka lai ṭut
" Nia " tih te in ka chhang a, a u pawh chuan min nuih var var
" Kan lut tawh dawn mi, in kan hun atawp dawn hnai tawh a " Dandani u in atih takah chuan kan inzui lut a, Kan kal dawn khan in kan hun a awm tih lam ka ngaihtuah thleng tawhlo reng reng, Dandani chuan ka kut a vuan chat a, ani pawn atheih chuan ka thei ve awm emai tia in petruh chungin ahma ang chuan awm ka tum ve ngial a mahse, aharsa khawp mai.
" Lokal ru, lokal ru " Cabin kan lut a, Dandani pa chiahin alo awmpui, kapa te chu Pu Khuma Dandani pa te nen an inbe nghal luam a, Dandani'n a nu bula min kaihphei atum chuan ka tim tlat, ka ṭang deuh ṭung a
" Keiman, kalo pui ang " U Ima alo inrawlh vat, Dandani chuan min chelhna athlah a
" Bawihi, tim reng reng suh " Min kalhnaih pui a, sak deuhin ka pen ve zel
" Kanu, Amelia alo kal asin " Khum bul kan thleng a, Dandani chuan a nu chu a bia, Dandani ṭawngri chu a hria nge amit alo meng a, min hmuh chuan a chhing leh vang vang
" Ka lawm e " A phun sep a, thei leh theilo in alo nui, a kut chu alo lek kang a tim daiin kalo vawnsak
" Min ngaidam rawh aw " A ti leh a, chuti taka chaklo a ka hmuh chuan ka chhunglam ah hian eng emaw che dawt chu a awm
" Hahdam rawh, ka ngaidam che alawm " Sak ṭalhin ka ti ve thei hram, hethu hi ka sawi mai mailo midang huat nan chuan hringnun hi atawi hmangaihna hun kan nei dawnlo.
" U Sangte, na te i nei em? " Kanu chu ka bulah alo ding a, U Ima chu a kalsawn
" Neilo e, ka ṭha " A ti ban charh a, Kanu chuan Nu Sangtei kut ka vawnna chu alo hum hnan a
" I ṭha leh mai ang, hlauthawng reng reng suh " A ti dam thlap a kapa pawh kanu bulah alo ding ve, Kapa ahmuh telve chuan ahmel landan adang deuh a
" I fanu nen hian kan hlim a, nangpawh hlim tawh rawh hlim ahun ve tawh alawm " Kapa'n a tih chuan amit a chhinga a mittui alo luang ngiai ngiai
" Nu, ṭap suh i duh em em ngaihdamna chu i chang tawh alawm, i ṭha leh vat anga hlim takin chhungkua kan awm ve tawh dawn alawm " Dandani'n ati a, ani pawh a mittui a tla zawih zawih, Cabin chhung chu a pik ngawih ngawih.
" Rin aiin a harh riau kha " Nutei tein ah thlen kan tum a, Nu saii'n an in a thleng tura min tih tlat avangin Nu saii tein kan pan leh mek
" Amak khawp mai, Nizan kha chuan kan mangang a inlo hmuh hman pawh ka ring tawh chiahlo ania, rin aiin a harh " U Ima in alo belhchhah, keipawh serious deuha hmuh ka tum vang nge ka rin aiin ka hmu harh a, aṭawng azawi deuh tih loh chu afiah reng
" Au " ' Ate ' Gate kan tlanlut chiah Sam leh Noah an lo tlanchhuak a, kanu leh pa pawh an nui tawp, Nu saii'n an hnungah alo zui ve bawk
" Au " Motor aṭanga ka chhuk nge chhuklo Noah in ka ke a kuah cheng cheng a, Sam pawn ka kut avuan chat
" Luhpui rawh " Kanu in atih chuan Noah chu ka pawm lawp a, Sam chu kaiin inchhungah kan lut a
" Ehh, chhanchhenu " Emily in min lo nuih vur vur
" Sam Amelia kha a chau ang, bawh chung chung lo ula" Pa hruaia'n alo ti dut, Noah pawh a rit ve tawh lutuk sofa ah ka ṭhutpui a, Kanu te pawh anlo ri lut hlut mai
" Inlo tluang maw, in chau em? " Pa hruaia'n kapa te chu aṭhutna aṭanga tho meuhin alo chhawn a, naupang pahnih chuan min biak buai reng avangin an titi pawh ka hre ve theilo
" In u kha a chau ang " Kan bulah U Ima alo ṭhu a
" Aih Anu tur alawm " Noah in ring lenglawngin ati a, rang deuhin ahmui ah kalo hup vat, midang pawn an hre ve vek bawk si ka zak lutuk chu ka hmai leh beng asa vek thei
" Ate, i hmai asen " Sam in ala ti zui, kanu te ho an nui dar dar a, U Ima chu rum zetin ka en tawp
" Noah bawihte i va fing ve " U Zuali lo kal lai ka hrelo reng reng, anui ve sen sen a amah a anglo tawp
" Ka zak " U Ima hriat tham lek chuan ka ti a
" An koh dan tur che ala ni tho a, ti khan ngaiah nei lawk rawh " A ti then a, min van hnemlo chiang tak
" Nang ngaihzawn che hian Naupang pahnih a chhawm bakah zahna a kengtel bawk anih hi " ka tih chuan rilo in anui a, a malah ka piai sak nawk. Ka inbual faia Zanriah eikham ah reilo te common room ah ka ṭhu a, ka motor chuan na ka chau ve deuh nge ka mutchhuak a ka ham leh bai bai ṭhin
" Amelia, han mu tawh rawh i chau anih kha " Nu saii'n atih chuan ka hniallo khawp mai, kanu te ho chu mangṭha in choka ah ka lut a, ka mutchhuak lutuk kha areh deuh a, U Ima tan coffee siamsakin inchungah ka chho a ka room kal pelin U Ima room ah ka lut, kawngka kik lo a tih phut ve hrim hrim ka chak dimte in kawngka ka hawng a, min hnungchhawn zawngin alo ṭhu hlauh leh nghal
" I va thawkrim ve Hulk " Ka tih chuan a taksa a che awk a, a phu ve chiang ani
" Vanram leh meidil inkar ah ka han dak zuai alawm " A tih chuan ka nui vak a
" I over e " Dawhkanah coffe ka hunsak hnuah ahnung aṭangin kuah a biangah ka fawp zeuh, ka inla hrang leh nghal rang khawp mai
" I va zei ve " A ti a akiai pah suk, a bula ṭhu tura min tih chuan thuawih deuhin ka ṭhu veleh mai a, ka mutchhuak pawh kha vawmbo ang hlauh ani
" Ka ngai che " Remlo deuhin a sir zawngin min kuah a, a kut chu ka bensak thek thek
" I bulah ka awm reng hi " Ka ti a ka sawi zo chiah ka nghawng a thawk khum kher a, ka za ti lutuk chu ka nui uar uar
" Lalhriatpui a za " Talsawn ka tuma min la chelh nghet em em zui
" Awm reng mahla ka ngai em em tho che " Tilui tih hriat zetin min kuah nghet vak a
" Ka thi dawn " ka tih vak hnuah min thlah thawl va chauh
" Hulk-a " Ka ti hlar a, thawk kala halh halh
" Predator ah chuan i rimtui ber " Atih leh chuan a hmaiah ka nam sawk
" Predator min ti ve ziah suh " Ka ti a, Predator ber kher alungawi thlak loh ve em ani
" Ka hmangaih che " Ti supin Ka hmuiah a fawp a phakar zia hi
" Saranghae Oppa " Ka tih uang ve chuan a ner nawk a
" Korean ṭawnga in hmangaih ka duh lo, mizo takin min hmangaih rawh " A ti nghut nghut, a hriatthiam pawh ka ringlo a alo hrethiam ve ngei anih chu, cute reuh lutuk mai.
" I hrethiam alaw, i hriatthiam pawh ka ringlo ania " ka ti a, a khabe hnuai aṭangin ka nuih var var
" Dansangi'n a sawi peih em alawm " A ti leh hluk, a huatthu hi avan chhe tak, a tum hmuk avang chuan ka be duh biklo a, ka bawp khawkherh in ka inhersan hmak ang ka tih laiin ka zak hnuaiah a chelha amal chungah min hlang nawlh
" Hmela " Ka ti hlar
" Duhawmnu " Min fawp a ka chhanglet duh miahlo ka bekah dawmin min fawp uar sauh a, ka hmui ka chip lui tlat
" Awm ṭha teh Bawihi " inla hrang hlekin ati ṭuak a, min fawh nawn leh chuan keipawn ṭha deuhin ka chhanglet ve, Sofa ah min muta min lo bawh nghal rawk, a che vel hmanhmawh lutuk chu ka nuih a za leh tlat pek a
" Min nuih alaw " A tih chuan ka lu ka ti che zeuh, hmui te chu aral thei pawh anilo a U Ima tan phei chuan ka ui lo emai mahse, mipa ani a chuta karah Pathlawi ani leh nghal a kut hi a nghal leh tlat zel.
Sam leh Noah ka bulah an mu leh a, ahma anglo deuhin a laiah min muttir a, an mutthilh hma an awmhlei char char a, tunah chuan an mutui tawh khawp mai. Uluk deuha ka en chuan an in ang vaklo ten ka hria, ka mit hi a dik tawhlo te pawh ani maithei.
" Bawihi " Ka taksa che leh dat ṭhin bakah min ko tu an awm avang chuan ka meng a
" I harh tiraw? " U Ima lek chu lo niin
" Tinge? Zing ani tawh ami? " Sam leh Noah anla muhil a
" Lo tho phawt teh " Mit nuai chat chat chungin ka tho ve mai
" I hmai te phih la Thawmhnaw pangai inbel rawh le " a tih leh chuan ka ngaih aṭha tawh vaklo, engmah la zawt chuanglo chuan ka hmai ka phih a, thawmhnaw te ka hak fel vek hnuah
" Eng nge thil thleng a awm ami? " Ka ti ta nge nge
" Nutei a boral, kan kal ve dawn nia " Dam dap in ati a, ka nghilh dup in ka hria
" A van mak " Ka ti tawp a, room aṭanga kan chhuah pawh chuan kala pangai theilo
" I nu te an kal tawh a, ruang pawh in an thlenpui tawh " Tunah hian khua avar tawh a mahse, ala hma viau tho, ka awm chhung hi a tawt a chu chuan min ti hah ka tha te hi a khur der der mai. Dandani tein kan thleng a, an lo zai ṭhap ṭhap tawh inchhung luh chu ka huphurh a mahse, ka paltlang ngei chu a ngai bawk si, U Ima chu nghet deuhin ka chelh a inchhungah chuan kan in zui lut, Ruang bul kan thlen chuan ṭhutna tur min lo kian a
" Nu " Dandani chuan ruang a bawh a, a ṭap ngawih ngawih. Kei erawh ka mittui a hul a ka tawt tup tup thung, Ka nu diktak hmel chu ka thlir vang vang, a vun dang bei tih danglam nan powder an hnawih a, a hmui dang var vek hliah turin hnawihsen an hnawih bawk, chungte chuan an ti mawi zo tawh lo, a kut chu ka vuan a mihring tlingzo ve tawhlo tih hriat lutuk a akut vawt thler chuan min ti na ve veng veng thei. Vuina hun Pastor in a hmang a, thlalak na hun a zawh hnuah thlanmual kan pan, a hmangaihna ka dawn ve loh vang nge tuar vak dan ka hrelo a, Min hringtu kanu diktak ani tih ka hriatna lah ala reilo, tuar vak dan tur ka thiamlo ani, tumah in min dem bik in ka ringlo
" Mangṭha Min hringtu kanu, i hmangaihna ka dawng velo a i hun hnuhnung ber a ka thlah dan che hi vui bik suh aw, huat ka chak che a mahse, kapa nen khan min kalsan lo la chuan Kanu min hmangaihtu hi kapa nen kan tawnglo ang a, ka nau Dandani pawh hi alo piang kherlo ang, hun duhawm lo tak karah hian thil duhawm chiah hriatreng ka duh ani. Nu sual tak ini lo chu chu hriat reng ka duh chu ani, Tunah chuan hahdam tawh ang che " Chu chu Min hringtu kanu laka ka thu hnuhnung chu ani.
...
Lusun boruak kan pel chho a, Dandani pawh hmeichhe harhvang tih takah apangai leh ṭan viau, a rukin ala tuar dawn chauh tih ka hriatpui a, keichuan nu kala nei mahse, ani chuan ni reilo te liam ta ah khan a chan ve thung, ka nau ani a kalsan a hlamchhiah ka tumlo, ahma aia nasa in ka ngaihsak a, ka hmangaih em em bawk, Pu khuma te pawh ka lakah an fel a an ṭha takzet, kapa nena min kalsana athlan hian a hmangaih takzet tih ka hmuthiam ve a, Pu khuma fa bikte lahin enhranna an nei miahlo bawk, Min hringtu kanu hi hmeichhe vannei tak zawng ani ngei mai, Kapa khan a hmangaih em em a, kapa kalsana athlan zawk pawn a hmangaih em em si a, chutiang chiahin kapa pawh pa vannei tak ani, a hmangaih tak chan mahse, hmangaihtu leh a hmangaih hmeichhia a tawng leh a.
" Dandan, Inchungah ka chho lawk dawn, kalo chhuk harlo ang " Nu saii tein ah kala awm a, nimin khan kapa ten min hawnsan hrih, U Ima room kawngka chu ka kik dat dat a, min chhawn mai loh avang chuan ka hawng tawp a, chair ah ṭhuin dawhkanah a kut a nghat a, muk deuhin hmalam a en ngar ngar ka lut tih chu a hriat hmel loh
" U Ima " Ka tih chuan harhchhuak zawk in ka lam alo hawi vut a
" Ilo chho alaw " A ti sawk sawk
" Thil diklo a awm emni? " Ka ti sep a, nizan aṭang khan tiang hian a awm ṭhin, ka biak reng lai ten thildang daih ngaihtuah tih hriat lutukin ka thusawi a hre ngailo hrim hrim, ka ngaih aṭha tawhlo
" lokal teh " Amah zawk chu a tho a ka kut ah kaiin khumah min ṭhutpui
" Sam leh Noah hi phir an nilo, Sam hi chu ka fapa ani ngei a Noah erawh ani velo, midang chuan phir emaw anti vek " Tinge thil thleng hi amak theih em em a, U Ima chu ka en reng ringawt
" Avan mak ve, anih leh Noah chu tufa nge? Engtin nge phir anga insawi theih " ka ti zung zung, zawhna hlirin ka khat
" Zomuani fanu ani, khatih lai khan abialpa fa apai a Zosangi pawn Sam hi a pai ve mek, anihna takah chuan Sam hi a thla in a upa zawk a mahse, Noah hi thla 7 naah a pian avangin an piang rual titih anih chu, ni2 in Sam a piang hmasa, khatih lai khan Zomuani hian a fanu kha a enkawl duhlo a foreign ah a zinkual san hmak Zosangi'n alainat em avangin kan enkawl ta a chuvanga phir anga sawi kan ni, tunah min lo chuhbuai atum leh vel a, chu chuan ka rilru aluah mai mai ani " A tih tak dap dap ah chuan ka fiah ve kuar mai
" Lungngai suh che, Noah pawn a duhlo hrim hrim ang, i fanu ani a sawibuai theih aneilo " A kut ka vawnsak a, Zomuani chet duhdan chuan min rap tlat, mahni fa hrin ngei enkawl duhlo a zinkual san mai mai thei chu amak thlawt.
" Zomuani vanga lungngai pawh ka ni hranlo, Noah hi ka fanu ani silo a " A tih lai chuan a sawi tur hria in kalo pawt chat a
" Kan fanu ala ni dawn alawm " Ka tih chuan min kuah a
" Ka lawm e " A ti zawi sup.
Kum4 hnuah chuan (Vang vang maia)
Kum4 aliam ve ta reng mai, U Ima nen kan innei tawh a, kum4 chhung khan thil tam tak athleng a achangin kan lungngai a achangin kan hlim a harsatna kan tawk ve fo bawk chung harsatna te chuan kan nupa hlimna hi a ti danglam phalo, Kan inneih aṭanga kum1 naah pawh nau kala pai theilo a, U Ima laka ka inthlahrun piah lamah keimah ka hnual ngawih ngawih ṭhin, Sam leh Noah awm tho mahse, U Ima nena kan fa tur neih ngei ka duh ve tlat si a. Kan inneih aṭanga kum2 tlinglo ah ka rai ve ta hlauh a, tunah chuan Fanu duhawm em em mai Kan nei ve tawh a, a hmingah Lalnuntlani sa/phuah mahila chhunghnai bakah midang pawn Princess tiin an ko vek kum1 leh thla2 ani ve tawha a kal ve chhet chhet tawh, Inpui ah kan la awm a indan lam kan ngaihtuah lo, hun kan neih chang apiang in tree house kan tlawh ve fo ṭhin.
" Anu, Princess-i aṭap leh tawh " Noah a au lang lang, A nau pian hlim khan a duh tehlul nen achang hian a thik leh lek lek zel
" Sam, i nau chu lova tih tlei tum teh, ka hmanlo " Eirawng ka bawl a, awmpui kan neih loh svangin ka buai ve thei viau Emily khan pasal anei ve tawh a awmpui dang lak ka duhlo. Company a ka hna pawh ka bansan a ka fate enkawl leh inchhung khur enkawl hi ka hna chu ani tawh, U zuali pawh aleng tar mai anga kan tih hnuah nikum lamah khan pasal anei ve tawh a, chu aia mak zawk chu ka u leh kimkimi in kawp hi ani, Kimkimi khan a naute kha a chhiata amah pawh a thih phah lek lek, ka u nen erawh engti ti a inkawp rem chho nge an nih tih chu ka hre biklo. Dandani erawh mipa ala ngaihsaklo tluang zel ani, kan fanu hi a atchilh em em a alo lang ngun thei khawp mai.
" Noah, a thil khalh lo khalhpui ziah suh, nangchu i upa tawh khating lawm rual pawh ini tawhlo " Sam in ati bul bul chu ka hre reng, an unau in lo inbuaipui ve hlawm rawh se, Sam in Princess-i a duat lutuk hi a thik fo mai. Sam hi a inla puitling em em Noah lah ala pangchang tluang zel, Api leh pute ti hlim em em tu te anni. Tlaiah kawtzawl ah U Ima hna bang nghakin kan awm a, Nu saii leh Pa hruaia pawh varanda ah an ṭhu. Naupang pathum chu kawtzawl ah an tal a, an ri ṭeng ṭung mai Princess-i chu duh angin ala tal kual ve theilo a, a u te pahnih thawmah chuan alo phur ve em em mai ani, U Ima pawh reilo ah alo thleng a, keimah aiin a fate pathum chu a pan hmasa a, Princessi pawm chungin ka lam alo pan
" Princess, tu emaw chu alo titau deuh anih hmel " A ti bul bul a, kum4 meuh aliam leh chuan a upat ve hmel sawt tawh a mahse, kan in ngaihzawn tirh lai ang reng khan kala en, ka hmangaiha nitin hian ka hmangaih zual zel, ka fate pa ani a anilo hi chu tu mipa dang mah ka ngaihtuahlo
" Ka titau lo " ka tih chuan anui a
" I chau em? " Naute lak sak ka tum chuan princessi chuan min duhlo in a ṭe ruai ruai a, keimah aiin apa hi a duh zawk daih
" La luilo mai rawh ka chau hleinem " A ti sup a, a fanu chu athen kual a Princessi pawh a nui hawk uar uar, Sam leh Noah anlo tlanphei a Noah chuan ' Apa keipawh ka duh ve" A ti chul Sam in a pawm kang ve a anui har har, Varanda a ṭhu An pi leh pu te pawn anlo nuih hak hak mai. Hei hi kan thawnthu Imanuel Lalhriatpuia nen kan thawnthu chu ani.
A tawp ta...
Zan 28 zet hnuah a tawp kan khar leh ta, a tir aṭanga min lo chhiarsak hram hram tute chungah thinlung takin ka lawm e, Ṭawngkam chhehsual leh hman dik loh pawh ka nei nual ang, chu miah chuan ngaihdam ka dil bawk e. a nui hawk uar uar, Sam leh Noah anlo tlanphei a Noah chuan ' Apa keipawh ka duh ve" A ti chul Sam in a pawm kang ve a anui har har, Varanda a ṭhu An pi leh pu te pawn anlo nuih hak hak mai. Hei hi kan thawnthu Imanuel Lalhriatpuia nen kan thawnthu chu ani.
A tawp ta...
Zan 28 zet hnuah a tawp kan khar leh ta, a tir aṭanga min lo chhiarsak hram hram tute chungah thinlung takin ka lawm e, Ṭawngkam chhehsual leh hman dik loh pawh ka nei nual ang, chu miah chuan ngaihdam ka dil bawk e. a nui hawk uar uar, Sam leh Noah anlo tlanphei a Noah chuan ' Apa keipawh ka duh ve" A ti chul Sam in a pawm kang ve a anui har har, Varanda a ṭhu An pi leh pu te pawn anlo nuih hak hak mai. Hei hi kan thawnthu Imanuel Lalhriatpuia nen kan thawnthu chu ani.
A tawp ta...
Zan 28 zet hnuah a tawp kan khar leh ta, a tir aṭanga min lo chhiarsak hram hram tute chungah thinlung takin ka lawm e, Ṭawngkam chhehsual leh hman dik loh pawh ka nei nual ang, chu miah chuan ngaihdam ka dil bawk e.
Comments
Post a Comment