Tuamdamtu chapter-22

 Hlimpuii POV

" Duati, i damdawi ei ahun " Ka hmaah damdawi leh tui min chhawp a, kei ai mahin ka damdawi eihun ahria a, ka buaipui ngai miahlo in min buaipui vek zel, alakah ṭhat ka chhuah ngailo a, thla khat lai liam tawh mahse, ka la be ṭha duhlo. Ka chhanlet pang pang changte huaisar taka ka ṭawngkhum ṭhin lai pawn athinrim ngailo a, ka ṭawngkam chhe zet avanga min thin hrep ka rin ṭhin laiin dam thlapin min chhanglet thlup zel, athusawi apiang ka lak kawih chang chuan amitmenga beidawnna ka hmu ve hial zel. Ka awmdan te hi ka duhdan ani biklo, amuhil lai ka thlir fo a ka inthiamlo veng veng zel mahse, kan inhmachhawn hian ka insum hman ngailo, ka awmdan te ka rilru kawi lutuk te hi ka hrethiam tawh biklo

" Thil kan sawi dun lawk dawn mi? " Choka ah kan awm a, ka bula chair chu pawt chhuakin alo ṭhu thla ve

" Eng chu maw " ka ti a, ka melh kiau bawk, ahmel pawr fap chu keimah vang ani tih ka hria

" Inṭhen i duh em? " Athusawi chuan min ṭhawng khawp mai, hetiang lam hi asawi lang ngailo hrim hrim, inṭhen asawi lan chiah chuan hlauhthawnna avangin ka chhungril hi a inlet but but

" Chu chu engvangin nge min zawh, inṭhen i duh te chuan sawi maita che " Ka ti ṭhat a, ka thinrim em em bawk 

" Ka duh hleinem mahse, ka ngaihtuah a ka nawr mah mah che in ka hria, inṭhen ka duh lo a kaltir che pawh ka phallo, chu chu ka duhdan ni mahse, i hriselna leh i rilru hian atuar phah ka hlau ani, ka kiangah hian i hlim lo in ka hria " Engtia chhan tur nge ka hrelo, Ka huat ber lai pawn amah bak hi ka mamawh lo, ngaihtuahna ka kawm ngawt ngawt a, chu chuan keimah bawk min ti hreawm ṭhin, ka beidawn ngawih ngawih changin ka tana awm reng ṭhin Udampuia avangin beiseina ka nei leh ṭhin, ani pawn min beidawn san ve tawh aniang, ka chhanlet leh hmain door bell ari a, tho vutin kawngka hawng tur chuan akal, ka melh ngai ka melh tlawk tlawk a, athusawi te khan ka awm ati nuamlo, Udampuia kiangah awmlo tur anga ka in ngaihtuah chuan ka tawt up up mai

" Eng nge inlo tih a " Mahriati alo ṭawng lut lang lang a, ka awmdan ka siamṭha sawk sawk ka mittui hnai kuar chu ka khap let sak sak bawk a

" Damdawi ka eitir a, room ah han inkawm ru " Udampuia chuan zangkhai zetin ati a, Mahriati nen chuan room ah kan inzui chho 

" I hmel adiklo ania " Khumah kan ṭhu dun a, min melh leh vung vung zel

" Ka awmdan hi ka hrethiamlo " Kati halh a

" Ka sawichhuak duh ngailo a mahse, ka sawi ang. Luhlul chhuah tawh suh, i hun tawn te i harsatna tawh te kha kan hrethiam i tawrh ang zawng zawng chuan kan tuar lo ani mahna, kan tuar ve tho a kan hreawm ve vek, keini ai maha tuar leh hreawm ti chu Udampuia hi ani asin " Ati sep sep a

" Ka duhdan in ka awm biklo, ṭha taka biak ka tum pawn ka thinrim thut zel a ka mood a inthlak kual sek zel bawk, tum loh deuhin ngaihtuahna ka kawm leh ngawt ngawt zel a. Ka ipik lutuk hi ka thi thei mai dawnin ka hre ṭhin " ka ti hliai a

" Chu tak chu alawm abula i sawi tur, i rilru zawng zawng sawichhuak ṭhin la, i hahdam mai ang. Hmangaihtu tih beidawn hi aṭha lo ania, Udampuia chu a luhlul a, atawk atih chinah chuan ahmangaih loh vang che nilo in akiangah ihlim lo anga ahriat avangin akalsan ang che alo let tawh miahlo bawk ang " Ati leh zel a, min sawiṭhaih pah in ka hria

" Engtin nge ka tih chuan ang " Ka ti hap a, ka bangbo takzet ani

" Ahna abansan tih ihria em? " Atih chuan phawk deuhin ka en a

" I hrelo tih ka hre mai, Karhnih liamta khan a bansan alawm, news ah pawh anti chhuak chuai chuai mai " Ati leh sep a, a phone khawih rak rakin ka en theih turin ka hmaah alo lek chhuak a ' Pu laldampuia sport minister chu ahna aṭangin abang ' tih chu ani

" Hrelo mahla ka demlo che, aban chhan erawh hre ngei la ka duh. Sport minister a nih reng chuan duh tawkin angaihsak thei dawnlo che a, in ah nangmahin akalsan fo dawn che, chu chu aduhlo a itan hun tam zawk aneih theih nan abang " Ka mittui aluang ngiai ngiai, keiin ṭawngkam ngeiawm leh hriat nuam loh taka ka ṭawngkhum ṭhin laiin ani chuan ka tan theihtawp achhuah chu ani si a hreawm kati takzet ani, Mahriati chuan min kuah a

" Naute leh nangmahah duh athlan khan hreawm ati ve lutuk, Doctor hnenah ' an pahnih in achhan theih loh ami?' ati hial mahse, pakhat zawk zawk chauh chhan theih anih avangin Nangmah athlang che a, Naute kha thlang pawh nise naute tan chuan damchhuahna chance achhe zawk a, chu chu doctor pawn asawi. Kha vang khan i lakah hian a inthiamlo zual asin " Udampuia ka lainat lutuk avang chuan ka awm chhung hi ana zawk zawk thei ka dang aro hulh a, thawk asak ṭalh bawk

" Udampuia ka ṭan vang ngawr ngawr a sawi ka nilo diktak chuan i mamawh ber laia areh hmak kha ka lungawi biklo mahse, mihring hi kan famkimlo a, ahmangaih luatah che chan che ahlau a, i hming sawi zawma thil sawi anih tawh chuan a inthunun hman ngailo, chu chu kei ai pawn i hrechiang zawk ang " ka hnungah achul hliau hliau a, ka ṭap khur dar dar

" Min ṭhen duh tlat tawh se " Ka ti sep a, ka aw chu azawi khawp mai 

" Arilru hnenmh chu nangman ithiam ber ang, inring tawk rawh, in pahniha inhlim dun tluk a duh ka neilo ania " ati leh sep sep a, kawngka kik karh karh avang chuan ka in la hranga, ka mittui chu ka hru hul sawk sawk, ka ṭap tih chu ahriat tho ang

" Lo lut rawh " Mahriati'n atia, kawngka ri rakin Nicholas alo lut heu mai, mak ti zetin kalo en min hmuh chuan anui suk a

" Nangmaw! Engtik nge ilo hawn " Udampuia ṭhianpa ani a, Phaiah hnathawkin a awm char char zel, kan inneih khan alo hawng zawk a, karkhat pawh chamlo in a hnathawh na ah alet leh nghal kha ania

" Nimin ah " ati sup a

" Pawi itih loh chuan i ṭhiannu hi kalo hawh ve lawk ang chu" Mahriati en kal chungin ati a, Mahriati pawh tho sawk sawk in

" Aw le, Inhnuai ah ka zu chhuk ang " tih leh chhuah arual a, Nicholas chu aṭhu ve mai dawn emaw ka tih laiin kawngka ngheng chuan ading zawk a

" Lo ṭhu la " ka tih chuan alu athing nghut

" Ti hian ka sawi ang, ka ṭhut chuan ka hahdam lutuk anga ka sawi tur ka sawi theilo palh ang " ati duah a, ka nuih tawp

" Eng nge i sawi duh a, A pawimawh hmel si " ka ti sep a, aw thian kharhin 

" Keini'n bialnu kan neih zut laiin Dampuia hi chu hmeichhe pakhat lakah aluangliam tlat a, hmeichhe dang angaihsak ngailo, kan bialnu te nen kan inṭhena zu kan han in ṭhin te khan min nuih liam mai zel a " tiin bul aṭan a, asawi leh zel tur ngaichang in ka ṭhutdan ka siamrem 

" In chanchin engkim ka hre vek ania, nangin Mahriati engkim i hrilh ang chiah khan ani pawn min hrilh ve vek, atir khan ka lawmlo a, Ka ṭhianpa anih ang in athil tih tur kha ka pawmpui lo mahse, hmeichhe dang ngaihsak theilo khawp a, ahmeichhe atchilh neihna hunṭha kha bawhpelh atum biklo luhlul zetin anei lui ta che a, in inneih pawh khan ka lo chho hram ani, ka chamrei loh em kha " Min en a, zalo zetin anui suk

" Ka sawi tum ah kan lut tawh ang e, sawikual duah ka thiamlo " nui hak chungin ati, nuih chhan tur ka hre velo

" Areh vang vang lai khan atalbuai ve tho ania, Tumah ahmu duhlo a, he in ah hian zu nen hun ahmang ṭhin, office akal ngailo a, Nutei mangang in min lo chah a, ni3 cham turin kalo hawng " Mak deuh deuh ka hrereng mai, dawnsawn dan pawh ka thiamlo

" Ka ṭhianpa awmdan ka hmuh khan ka kawchhung hi aso bulh bulh asin, Dawhkan ah zu bur alet rum a, ka ṭhian ani chung pawh a ka zah em em ṭhin, mipa smart tak kha Hmangaihna avangin atalbuai takzet tih ka hrethiam bawk. Kalsan tur che a hrilh ka tum a mahse, ka thei ta biklo, a chhan chu hmangaihna hrethiam tu ka ni a, kalo talbuai ve tawh bawk " Min dem nge demlo pawh ka hrelo

" Thildang chu ka sawi dawnlo, kalsan suh pawh kati dawnlo che mahse, ka ṭhianpa hian ahmangaih takzet che. Chu chu hre turin ka duh che, hemi sawi tur hian mizoram kalo let phah ania " Atawpah anui rah rah a, tawite in ka nui ve, Mahriati nen chuan zanriah an ei ve nghal a, Nicholas in thil ho deuh deuh asawi a, kan nui leh hak hak zel, eina vel Mahriati nen kan tihfel laiin an ṭhiandun chuan ṭhutkhawm naah an inkawm a

" In inkar siamṭhat tum rawh aw, in inkarah hian nangmah i pawimawh ber ania " An hawng dawn a, ka bengbulah Mahriati'n min hrilh ser ser, kalo bu nghat nghat. An hawn hnu chuan inchhungah kan inzui lut a, sawi tur avang kati 

" Duati, i damdawi kha lo ei rawh aw, ka lo intleuh zuai ang" atih chuan ka damdawi awmna lamah chuan ka phei ve mai a, ka damdawi hi amah vekin min buaipui a, zanlam a eitur hi eng ber nge ka hrelo, Udampuia tello chuan engmah ka ti theilo chu anih ber hi

" Iṭha em? " Ka hawi phei a, boxer chauh aha a towel chuan asam ahru thuak thuak 

" Englo " Ka ti ngawt a, Ka lam alo pan chuan sawi mai tur ka hrelo

" I hrelo ani maw? " Min nuih a, zak deuh in lu ka bu nghat, damdawi chu a khawih rak rak a

" Table ah sawn tui a awm " Damdawi min pe a, tui awmna min kawh hmuh zeuh bawk, room boruak hi a uap churh in ka hria, damdawi ka ei zawh chuan towel huh adah tawp chu ka la sawn a, thildang ah sawisena tur awmlo viau mahse, towel huh dah tawp hi asim theilo, towel ka zar laiin ka hnungah alo ding a, ka leh hawi chuan rin aiin min lo hnaih bawk nen a awmah ka intauh dat

" Duati, thil kan " Inṭhen chungchang asawichhuak leh ang tih ka hlauh luat ah, dingdihlip ar chungin ahmuiah ka fawp a, ahamhaih ngang aniang ading khawng luah, ka thiam ang tawk a uar in ka fawp a, ani pawh a ding khawng reilo lo kunhniam deuhin ka kawngah a chelh a

" Iṭha meuh maw " Ka inlakhran rualin ati sup a, thawk la halh chungin ka hmui ka pet sawi zeuh

" Thildang chu nakinah kan sawi thei em? " Ka ti sep a, hriatthiam loh hmel zeta min enna chu hrelo derin ka kut chuan a awm khauh ṭang chu ka chul a, a nghawngah ka kut suih in ka lamah kuai kun a ka fawp leh, a hamhaih tawh biklo ka aia uar in min chhanglet a

" I chiang em " A boxer kawng ka vawn rualin min hnuk hla dawrh a, mitmeng phelhphang in min en ngur bawk, ka mitmeng pawh apangai ka ring biklo 

" Thildang chu nakinah sawi ang katih kha " Ka ti a, a mitmeng abuai nuai mai 

" I inchhir leh dawn chuan tunah hian atawk " ati nghut a, vanva dakin ahmai atuai nghal puat

" Inṭhen ka duhlo, i nupui nih ka duh alawm " ka tih chuan chiang zetin min en a, ahnu ah anui ta suk, anuih chhan hrethiamlo zetin ka en kalh a

" Nuih tur a awm emni? " ka ti deuh hlar, ka biang leh ka taksa hi asa chhuak vek, zak chung chungin bul ka ṭana sual leu luau lutuk mai 

" Nakinah kan sawi dawn nia " ti vutin min pawm nawlh a, ṭe ṭha chungin anghawng ah ka kuah nghal ṭai 

" Min ti phu chiam zel suh " Ka ti ṭhat a, khumah min nghat fel der tawh ka chungah alo bawk nghal run a, ka hmai bul te ah min nuih kher bawk

" Min kalsan loh avangin ka lawm e " Ati cool ruih a, ṭawng ka tum laiin ka hmui alo khar nghal hmiah, nui seih in asam karah ka kut ka rawlh lut a duhthawh zetin ka fawp let ve

" I chau em? " Ka bengbulah ati sup a, thaw halh chungin ka lu ka thing, Lungawi zetin min melh vung vung a

" Keichu ka chau lo " Chimawm zetin ati leh kher a

" I over e " ka tih chuan anui hawk

" Ka hmangaih che " Atih sup chuan nuih var var in abiangah ka dawm a, ahmai chu ala sa vur mai 

" I biang tai tek nen hian i duhawm lutuk " ati a, zo zetin a chungah min hlang kai nghal nawlh, ka ṭe ṭhat chu min nuih suk suk leh nghal

" I sual e " Ka tih chuan, amithmul ati che ve ralh ralh a

" Ngaihdam dil dan ṭha deuh ka hria " atih leh chuan ahhmai ka hup tawp, hepa hi anghal lutuk, Sex hi nupa nih hmaa hman chuan thil ṭha athlen lo a mahse, nupa nih tawh hnuah erawh inkar ti nghet tu ani an tih ṭhin kha adik viau in ka hria. Ka pasal dawhtheih zia ka ngaihtuah hian mipa dang tumah in anthei velo ang.

Zingah chuan hnunglam aṭangin min kuah chial a, ka ke akham leh tlat tawh bawk, abawp alian si min kham na vek tawh

" I bawp alian si " Ti hlakin ka dahsawn a, ache nghal ṭalh ṭalh, thawh chhuah mai ka tum a, min delhna avang nge nizan thil avang zawk pawh ka hrelo ka mal vel chu arawl vek

" Nizan effect anih kha " Meng mang hleilo a alo tih chuan aban bulah ka beng thlawp a, anui che dawt 

Eirawng ka bawl laiin alo chhukthla ve a, nizan khan engmah kan sawi lo, ka chau a ka mutsan daih 

" Ka nupui, Coffee " Choka alo luh rualin ati dut a

" Insiam ve mai rawh " Ka tih chuan

" Kan thaibawih nghal dawn ava ang ve " a uang peih reuh lutuk chuan min ti dang lel zel 

" Laldampui uang viau teh suh " ka ti hmuk a, ka tum bar bawk

" Ka hlim anih hi " ati then a, sawi belh tur pawh ka hre tawhlo, 

" Vawiin chu eng nge kan tih ang " Hmun aphiat a, thleng ka sil thung, keiman kati ang ja tih pawn phal miau heklo le, phiat turh turh mai rawh se

" Ka hrelo " Ka ti a

" Mut nilen ṭhak pawh achakawm " Ati leh kher a, ka nuih tawp 

" I ṭuah awm mang e " ti a ka fiam letna chu min chhanlet tawh loh ka rin nen 

" Mipa te chu kan ni vek alawm " ati leh et a, dustbin ah bawlhhlawh paih rak rak in, hmunphiah chu adah naah akhai fel leh thlap bawk

" Tinge i hna i ban daih " Ngaihsak lemlo ang takin ka lang lui a

" Ka chak tawhlo, chhungkua buai laia hna lo thawh chhen pawh ani berlo " Ati sup a, dawhkan anawt leh tawh, Kapa(Udamuia pa) hian chhungkua a ngaipawimawh a, Udampuia pawh hian a chhun takzet ani, chhungkaw dah pawimawh ṭhin te hi mi puitling an ni a, chhungkua ahim a, ahlim chuan thildang chu afel duak mai

" Duati, kanu leh Nupuii ten chaw lo ei an duh a " Tual a hnah ro tla ka phiah fai laiin alo ti a, ka ding mar nghal awt

" Tunah maw " ka ti deuh hliai 

" Anih hmel " Athle zeuh a, tawite in ka nui 

" Hlauthawng suh, kanu pawh a inchhir viau ania " Ati dam thlap a, Kanu kha ka dem reng renglo, huatna tur pawh ka neilo bawk, keimah zawk hi kala inthiamlo a hmuh kala hreh zawk

" Ka haw hleinem, keimah zawk hi kala inthiamlo a " ka tih chuan ha lang miahlo in anui a

" Kan famkimlo, kan famkim loh avangin thil kan ti sual a kan ti diklo ṭhin, kan tihsual hria a kan insiamṭhat hi atawk ani mai " Ati leh thlup a

" Mahse, kapa chu ka hmu duhlo " Ka tih chuan

" Duati " Ati halh a

" Min ben te min ṭawngkhum dan te kha chu ka tuar a ka theihnghih chu ka tilo mahse, ka palzam thei. Lawmkima neih luih tir min tum te bungrua ang maia min ngai te kha ka palzam theilo a, room ah min kalh hnan bawk " ka ti nghek a

" Tunah theihnghilh nghal rawh kati miahlo che mahse, hriatreng tum suh, ipa ani a ahmangaih che, a thu hriat dan adik loh avang zawk anih kha " Ka biang tawnah akut lian zetin min khuap run a

" Tu pa mahin khatiang khan an fanu te chungah anti theilo ang " Ka ti leh sep, ahunlai khan ka rilru abuai a engmah kha ka ngaihtuah chianglo, tun hnai a ka ngaihtuah let chang hian kapa ka haw lutuk hi ka khur thei hial in ka hria 

" Min ngaidam tiraw " Ka thusawi nen a in millo lutuk alo sawi rualin rum zetin ka melh a 

" Min chhangla " Ka hmui a fawp zeuh in ati leh sup a

" Ngaidam lo che ila i bulah ka awm reng peih nang " Ka tih vak chuan anui leh tawh

" Ngaidam e, pawh tila atawk teh lul nen " ati leh a, ka tal nghek rualin ka biang adawmna ati nghet sauh 

" Ka mitah enla ka sawitur hi ngaithla rawh " Amitah chuan chiang zetin ka en a

" Mihring hian kan damchhungin zirtur kan nei, zir zawh a awm theilo a, pitar, putar, naupang leh ṭhalai thlengin nitin zirlai thar kan zir zel ṭhin. School kan kal a test kan neih changin kan fail fo a, exam lai pawn kan fail ṭhin, chutiang chuan ngaihtuah teh, hringnun hi zirthiam ahar ania, aṭhen chu an fail a, bei nawn tawhlo a an nunna la ta te pawh an awm anni pawh dem theih anni chuanglo. Papuia pawh afail ve ani mai, abei nawn leh dawn a, School a zirtirtu an pawimawh ang chiah in, tunah hian nangpawh i pawimawh dawn " Ati charh charh a

 " I hrethiam tiraw? " atih chuan ka bu nghat 

" Keipawh ka fail tih i hriat kha, ka beinawn a tunah chuan ka pass tawh, nakinah pawh test kala paltlang leh dawn nang ngei pawn ila paltlang leh ang, chu chu hre reng la Papuia pawh ngaihdam tum rawh " Ati leh sup sup a

" Ka hria e " ka tih chuan anui suk a, Hnahthel ka phiah khawm sa chu arut nghal sut sut

" Chaw hmeh lei khawlsa kan neilo ania, va lei lawk rawh " ka tih chuan ' kava kal dawn nia ' ati dut a, kan pahnih inkar ṭha leh ta chu nuam kati ber ang, hmalam pan lo in ka awmna ngaiah ka ding rei lutuk a, min hmangaihtu ka ti beidawng ṭep ani, ti beidawng chiah ila chuan inchhirin hun ka hmang chho awm si a. 

" Inlo buai em? " Kanu te lokal chu an lo ri lut hlut a

" Ka buai khawp mai " Udampuia'n atih chuan a unauten an nuih hak hak 

" Innu in apui lo che mi? " Kanu in atih chuan ' pui zeuh zeuh e ' ati kher a, ka ngei tak tak ani. Eirawng bawl ka thiam vak loh avangin aman asiam vek a, a inti thei tak tak 

" An chawhmeh siam chu kava enchhin ang e " Ti hliai in kanu chu choka ah akal a, Udampuia leh Remrema'n an zui phei, Zorina chu phone ahmanga akalsawn ve nghal

" Bawihi, i hriselna te aṭha em " Udampuia pa chuan ati a

" Aṭhat lai tak ani, I damṭha zawk maw " Kan inhmu khata ka lai deuh ṭut mai

" Dam ani mai e, Duhtak lo ṭhu teh Bawihi nangpawh lo ṭhu vela " Atih chuan thuawih zetin ka ṭhu a, Kanu pawh alo ṭhu ve 

" Kan chhungkaw awmdan nuai hi siamṭhat ahun tawh inti velo maw? Bawihi inu hi hrethiam la i ngaihdam pawh angai ang " Min en kalh chunga atih charh charh hnuah kanu chu a en veleh a

" Duhtak nangpawh thil kaltawh ah rilru dah renglo la, kan hun hman mek hi apawimawh zawk a, i monu leh i fanu ani bawk, i tar huna duat taka a enkawl che i duh chuan i ngaidam thei ngei tur ani " ati leh a, kanu chu a mittui atling pam tawh, kapa chuan kan pahniha hunthawl min pe in akalsawn a

" Atir khan inthunun zolo in ka che buan buan a, ka rilru afim hnu khan ka ngaihtuah chiang a, ka inthiam theilo ngaihdam dil che ka tum laiin khatiang thil kha athleng zawm nghal bawk si " ati a, a insuih pah hraih bawk amittui chu ahru mawlh mawlh a

" Nu, ka hawlo che huatna tur che ka nei hleinem " ka tih chuan min en vang vang a, ka bulah lo ṭhu in min kuah thlawp 

" Bawiha hian neilo che pawh nise ka buaipui tur ka fanu ini tho tih kha ka hrechhuak lawk lo a, ka thinrimna khan min ti a zo vek ani " ati leh sep sep a, kanu hnungah chuan chulin 

" Min ngaidam rawh, dawt ka hrilh che avang khan " ka tih chuan alu athing nak nak 

" Athleng vek tawh a, theihnghilh tawh zawk ang" Ati a, ka mittui in ka biang atih huh hliam chu min hruksak. Kapa alo lang velo a, kanu in ' Hun ala mamawh ' ati mai a, tunah tak chuan keipawn kala hmu duhlo, kapa nen kan inkar chu hun in ala hrilh zel mai ang. Kan zanriah ei boruak chu anuam khawp mai, hetiang hun hi ka tawn leh ka ring tawh ngailo kha ania. Ruahthimpui sur kha Malsawm ruahtuiin athlak ṭan tiin ka sawifiah thei ang.

Cont..