Lunglawm Tikimtu Chapter-2

 A tukah chuan zing aṭangin kan bazar ṭan a, ṭhiante nen chuan thil reng reng hi hreawm lutuk alo awmlo, Kan thil lei ho nen dorm ah kan let leh a, Tukṭhuan kan ei zawh hnuah Taxi in kanu ṭhiannu tein lam chu kan pan

" Ehe! Avan changkang ve Password hmang anih hi " Kawngka bulah kan ding a, Ahmun vel anuam a ka ṭhiante an ṭe chul mai, Chahbi chu Kawngka bula bawm ah an dah a

" Password i hrelo ami? " Chahbi a kawngka ka hawn rak rak laiin Lalai'n ati a

" Hrelo, an mahni chauhin an hria " Ka ti ṭha ve mai, kanu in min hrilh nel nual a

" Chahbi kha anvan dah langsar, rukru an tam tawh tehreng nen " Inchhungah kan lut a, Kan lut chiah pheikhawk dahna leh bag khaina a awm nghal

" An dah an ringlo te pawh ani maithei asin " Ka ti maia, keipawn amak kati khatiangah chahbi an dah ngam hi amak bungrua ho kan thiar lut a, in chu luah loh na arei tawh tih hriat deuhin abal khawp mai. Inchhung bungrua awm ho chu khawl thil maksak deuh deuh ani nawk hlawm a

" Tifai ila kan inpeih hunah eitur lam kan ngaihtuah dawn nia " Sentei'n ati zung zung a, kan pawmpui tlang aniang kan che nghal sap sap. In hi concrete ani a achhawng a salo in achung anti zawl, alian hranlo a mahse, a changkang viau thung. Room pahnih inzawn chiahin a awm a Bathroom pakhat a awm bawk, choka leh common room ahranin a awm thlap a, Common room bulah Study table a awm a, lehkhabu remna a awm bakah lehkhabu pawh a awm nual mai.

" Ka va han chau em " Lawmi'n ati a, sofa ah chuan zawi zetin aṭhu, kan inti fel zo chiah a kan hah hlawm ngang aniang ṭhu pangai peih kan awmlo hrim hrim

" Tihian kan tifai ve em em a, reilo te ah vawk in ang maiin a ṭawp leh dawn nia " Lalai'n ati a, Kan in awmfin rei tawha min hrechiang ve alawm, ka che fello in ka phawsawlh em em tih te chu 

" Kartin vawikhat min tihfaisak pahin chaw lo ei ṭhin ula " Ka tih chuan phakar min ti zetin an chek tlak tlak a

" Inchhunga thil awm hi amak hlawm e, a hran duh hmel" Lawmi'n atih chuan a malah ka ke in ka tlawh sawk, ka dawihzia a hre ve renga min tih ṭhaih leh pah kher

" Ana Lalthansang, i van mawl tak e aw " A ti chiam a

" Zanah ka riak dawna min tih ṭhaih leh pah kher angai ami? " Ka tih chuan

" Ana lutuk, hrang se kati khawp mai " A mal chul hliau hliau chungin ala ti ve hram, kan inhnial renga Lawmi nen hi chuan pangai deuhin kan awmdun rei theilo, kan ṭhian zinga fel ber Lalai'n eitur asiam a, chumi hlan chuan keini pathum chuan tv kan en mai mai

" Lalthansangi leh Sairengpuia in ngaizawng ve teh hlauh hi chu aw, in ngaizawng pawh an anglo ṭhian satliah an ang " Sentei'n thil eilaiin ati bawrh bawrh a, Lawmi pawn alo sawi chhunzawm ve vat

" In in ngaizawng rei tawha ngaiah in in nei tawh anih hi " Lalai'n ati a, hei hi adik ka ring ber keima lam chu ka hrelo mahse, Saipuia hi chuan ngaiah min nei tawh aniin ka hria

" Kan inṭhen loh na hi kan inkara awmchhun ani, min ngaihsak ṭhin a tunah pawh minla ngaihsak mahse, kei aia ngaihsak tur ṭhian a ngah tawha, ti hian ka enliam kual vel mai mai anih hi " Ka ti a, ka ṭhiante bulah hi chuan engmah ka zep lemlo, tuna ka sawi hi ka rilru diktak ani 

 " Ala ṭha veleh mai ang " An ti sam leh thena, min hnem vak hi an thiamlo ṭap vak ila chuan min kuah tawp anga, chutiang bakin kan ṭhian ho kan in hnem ve ngailo. Tlai deuh tawhah in aṭangin kan chhuak a, eirawng kan bawl peih loh avangin Dorm ah chaw kan ei dawn, chaw kan dawha dawhkan awl lam kan pan laiin Saipuia te ṭhianho ṭhukhawm kan hmua chutah chuan Dangdaia pawh kha atel ve

" Vawiin chu innu ilo pui velo a " Lawmi'n ati lang lang a, ṭullo ka van titak

" Eng nge intih " Saipuia'n bangbo deuhin ati ha

" Dorm aṭangin a insawn chhuak alawm " An ṭhian zinga mi pahnih chu an tho a an bulah chuan kan ṭhu ve daih, Dangdaia hmaah tak ka ṭhu leh nghal, Dangdaia leh Saipuia bakah kan ṭhian pali chiah chuan chuan dawhkan kan kil tawh a

" Engmah ka hre velo " Saipuia chuan min melh kur a, ka hmulo der hmak

" A hautak lo a tih buai che a duhlo anih kha " Lalai'n kan boruak chu a hrethiam nge alo ti zung zung a

" Ka hre hnuhnung ber maw " Saipuia'n nem vaklo in ati leh ṭalh a

" Boruak arit emai, kan ṭhu sawn dawn " Sentei leh Lawmi an kalsawn a

" Fela, hetah hian lo insawn daih rawh " Ka bul chu ka beng thak, inhmatawn a ṭhut in thil a ei ṭha theilo tih kha kala hre ve kiau, alo insawn ve mai a Lalai leh Saipuia chu an ngawi reng

" Chaw eikham ah inbe lawk teh ang " Saipuia atho nalha hrelo ang hmakin chaw ka ei zawm mial mial, Ka tana hun nei theilo, ka lungawi loh chang pawha min thlem lungawi hman ngailo. keimahin ka inti lungawi chawp a mize harh leh ngaihtuahna kawm vak vak chi ka nih loh avang chauha tun anga pangai reng thei mai chauh kani, chuti chung chuan thil pakhat lek ka hrilh loh avangin athinrim ve em em a

" Thinrim tur pawn chak angai, chaw kha ei tawh rawh " Dangdaia ṭawng ri ka hriat rualin ka ngaihtuahna aṭangin ka harh zawk, kan pahnih chiahin dawhkan kan kil tawh, ka chaw chu kalo la ei mumal lo reng reng anih hi

" Min nghak ami? " A chaw a ei tawh lo a, ka bulah ngil at in ala ṭhu ve reng 

" Hmanhmawh suh " Tih chauh a sawi, ka din rualin a thleng chawiin alo ding ve a, inbe miahlo chuan kut silna kan pan dun

" I insawn chhuak dawn ani lawm ni, hetah chaw lo ei tawh suh " Kan chhuak tur chu Nu mawii'n min lo hmu fuh leh

" Min lo la chhum kep zel ru, keimah chuan chaw ka ei peihlo " Ka ti ve maia, Nu mawii pawh a mood aṭha viau aniang anui uar uar mai

" Fela, i eipuar thei maw? Thansangi nen berkher ka hmu dun che u chu mak kati alawm le " Ati leh kher a

" Amak viau ami? " Dangdaia'n a nghawng khawih niap niap pahin ati a

" Nang leh Thansangi chu Lei leh van ang mai inni in mizia hi a inperhsan lutuk " Ati a, nui vak chunga Dangdaia ka en chhoh chuan alo nui ve miahlo, a sang eu uau bawk sia adar ka chen ṭawk ani. Nu mawii aṭawng leh hlut hnuah kan kalsan ve thei chauh 

" Fela " ngawih reng hi ka ti ve thei thlawt lo

" Sangi " Min ti let ve ngei a, ka nui ringawt

" Khawi khua nge innih " Ka tih chuan

" Aizawl " Hmmm, sawi belh hi a harsat ṭhin asin

" Tinge Dorm ah i awm " Ka tih leh chuan

" Ka hnathawhna ahnaih avangin " Ka zawhna chin chiah chiah min chhang zel, zawhna siamtur pawh ka hre tawhlo

" Keipawh ka hnathawhna hnaih avangin Dorm aṭangin kanu ṭhiannu te inah ka insawn a, Kanu ṭhiannu tein chu maw ahran duh hmel, a chhunga thil awmte ho chu ka ngaina lo reng reng " Ka ti a, ka thusawi chu uluk deuhin a ngaithla

" I dawih e a " A ti daih a

" I va hrethei ve " Ka tih leh laiin akal lai chu ading dat, 'Tinge' ti ha chungin ka Ding a hmalam chu ka en ve vat, Kan hma lawka Saipuia lo ding reng chu ka hmu ve nghal zat

" Mangṭha le " Ati a, chak deuhin a kalsawn nghal daih 

" Ka insawn vel chungchang kha anih chuan, hrilh hmanin i awm lo tih i hriat ve ka ring " A ṭawng hma chuan kalo tih khalh a

" Kan in txt a zingah pawn kan inhmu reng " Ati hluk

" Ka insawn vek tawh, sawibuai pawh angaih tawh loh chu" Ning deuha ka tih chuan 

" I danglam chak lutuk, I rilru a danglam ta emni nge Ruatfela kha i duh ta zawk " A tawplam ah chuan ngeiawm zetin anui tel zauh

" I duh duh danin min puh ngawt suh Sairengpui " Ka ti vin hlar

" Fela lo lan aṭang hian i zia i thlak tih ka hre ve vek alawm" Ala ti ṭalh

" I hre diklo hulhual anih chu, chuti maiin mizia hi athlak theih loh " Kati ve khauh

" Kan sawi zawh tawh chuan ka kal tawh ang e " Thinrim viau ṭhin mahila inṭhen chungchang sawi thleng tur em chuan ka thinrimna hi a thleng sang ṭhinlo. Ka ṭhiante pawh hmu tawhlo chuan Taxi in ka in thar lam ka pan a, khua athim ruai tawh bawk si mahni chauh chuan ka hlau ve deuh. Zanah chuan reilote hna ka thawk zuai a, vawiin lamah ka che chau deuh aniang ka mutchhuak hma lutuk, mut mai ka tum tawh laiin kanu phone call alo la awm zui

" Aw nu " Ka ti a

" I mu tawh ami? " Alo ti

" Mu dawn chiah, vawiin ah in ka tifaia ka chau deuh aniang " Ka tih chuan

" Aniang, mahnia awm chu ahreawm em? " Inhnial reng ṭhin mahila min ngaihsakber tu ani reng ṭhin

" Aih, tun atan chuan hreawm lo, min lo ngaihtuah su " Ka ti a, ka mutchhuak tih ahre bawka kan dah ve vat, kanu nen kan inbiak zawhah ka tlin ta nganglo a ka muhil nghal, mutna sawna muttheih loh tih te chu hnailo tak ani.

Zingah chuan ka alarm in minti harh a, khumah ka leng chiam ringawt, zing thawh hi chu avan peih awmlo ṭhin tak, nilenga mut lah thil tih chi ani der silo. Ka tho a ka hmaite ka phih fai thlap hnuah thingpui ka insiam a, thingpui in chungin Ig ah reels ka en pah, eirawng ka bawl peihlo a chaw ei tura Dorm ah va kal ka peihlo bawk, Reels ka en zawh ah Whatsapp ah ka lut a, Saipuia msg pawh alo awm va mai, nizan lam ami daih ani tawha enlo bawkin ka phone ka dah leh daih. Tunah hian ṭhen ta ila ka tisual ang em? Ka hrethiam rih lo ani, Tukṭhuan eilo in Nodless ka chhum a, hna kal turin hma deuhah ka chhuak ve teh mial, he in aṭang hian Company ahnaih ti mahila ke chuan kal fe ala ngai tho a mahse, taxi fare pawh atlawm ve deuh tawha bakah Bus stand ahnaih bawk. Tunah pawh bus nghakin ka ding reng tawh, Bus pawh alo thleng harlo a ala hma deuh vang nge chuang an tam lutuk lo mahse, kan khat titih tho, bus neitu te hi an hlawk thei viau ang tih te ka ngaihtuah leh mai mai.

" Good morning Vawiin chu ilo thleng hma " Gate vengtu in min lo bia a

" Nia, ka tho fuh ve anih hi " Ka ti a, building chhungah ka luhsan, Building chhungah chuan hnathawk an zi leh nak nak tawh a, kan team office lam ka pan. Office hi room hran ah kan neilo a, Team ah kan inṭhen a Room pakhatah Kan ṭhutna tur tete in an pingdang maia chutah chuan team ho in hna kan thawk ṭhin.

" Good morning " Kan office ah chuan Zira chiah alo la awm

" Morning, i va hma ṭhin ve " Ka dawhkan ka pan a, Computer ka on nghal 

" Kan upa ta deuha zing mutrei hi kan ti thei tawh meuhlo" Uang deuha atih chuan ka nui ve hawk hawk

" I senior mai dawn nupui nei ve tawp rawh " Tunah hian bialnu anei reng, chuvanga fiam ve mai kani.

" Ka bialnu hi ala naupang lutuk " A ti maia, ka be zawm tawhlo, midang pawh anlo thleng ve sap sap a, Bawihtei leh boss chu anlo lut rual a. Bawihtei chu anui var var, anlo luh tirha ka en zeuh tih loh chu ka en chhunzawm lo 

" Vawiin chu i hma tawp " A chair ah alo ṭhu a, min lo biak takah chuan amah chu en kalhin

" Nia, Ka piangthar anih hi " Ka nui pah a

" Bialpa thar i nei ami? " A chair nen chuan ka lamah alo tawlh hnaia

" Nei nang, tinge " Min zawh chhan ka hre reng ka hrelo der mai mai ani

" Hmani a lo hruaitu che kha " A tih leh chuan 

" Ka hmelhriat ve mai mai anih kha " Kati a, Computer ka khawihsan mawlh mawlh chung pawn min la be buai reng tho

" Ka star ṭhin ania aw, a chheloa ahmelṭha bawk si mahse, hmeichhe allergy anei anti " Ka nui chhuak huk, ka nui ring deuh nge min lo en ṭhap a, ka hmui ka seh vak ringawt

" Hmeichhe allergy anei maw? " Ka ti ṭha leh kher bawk, Dangdaia mizia zawng zawng nen a inhmeh em ani

" Scientific a zir a, Professor Alberta hnuaiah. An zirna building chu in dorm aṭang khan ahla vaklo, apa pawh scinetist ania tunah delhli ah hnathawkin a awm alawm" Kei aiin ahre zau leh daih mai

" Anih chu, ka hre reng reng hleinem, chuti khawp chuan kan inhre ṭhalo " Ka ti ve thena, a hnathawk leh zir vel chu ka hrelo tak tak, Bawihtei chuan min be buai tawhlo a athawven thlak hawk mai. Hna kan thawk mawlh mawlh hlawm a, ka hna hi ka tuina tak ani bawk a nuam titaka hnathawh tluk a awm hleinem

" Sangsang, Bawihtei nen khan boss in ako che u " Lehkha pawimawh report tur ka print laiin U Zira boss room aṭanga lo chhuakin min au a

" Sang, lut ila " Bawihtei'n ati 

" Tea, lo chhunzawm lawk teh, a zawh hunah ka dawhkanah ilo dah mai dawn nia " Tea pawh chuan ka thil print lai chu alo chhunzawm a, Bawihtei nen chuan Boss office ah chuan kan lut, inti thei deuhin boss chu a chair ah alo ṭhu a. Bawihtei nen kan lut chu uluk deuhin min lo thlir reng, Hmeichhe pangai nise a hmelṭhat dawn nen pasal pawh anei daih tawh ang

" Min ko emni Boss " Bawihtei'n ati a

" Thilsawi duh ka nei a, kan meeting hunah a sawi theih tho a mahse, in bangbo lutuk loh nan ka hrilh lawk duh che u " Dawhkan hmaah kan ding a

" Reilote chhung chu Team leader hi inthlak ula aṭha kati, Bawihtei hi Team leader ani rih dawn tihna anih chu " ati zo chu Boruak areh duk a, ka hamhaihin sawi mai tur ka hrelo

" Boss, kei aiin Sangi hian atlin daih zawk alawm, lawmawm viau mahse, ka pawm theilo ang " Bawihtei'n ati a, kala ngawi reng

" Tumah thiam bik kan awm hleinem, Sangi pawh a product siam kan hralh theih deuh avang a Team leader ni mai chauh ani " Boss chu ka en a, a hmel phakar lutuk leh tenawm lutuk chuan ka luak ati chhuak

 " Company Founder ten an hria em? Team leader nih hi ka chak hranlo mahse, thil a thleng anih chuan fair takin thleng rawh se, tuna ka dinhmun hi fair taka ka neih ani " Ka ti chang ve fak, chuti mai chuan min sawp kual awmlo emai

" In team enkawltu che u ka ni a, team leader thlak leh thlak loh chu ka thu ani " ati a, kan boruak chu arit nghal khawp mai

" Sang, inbengdai rawh offer hi ka pawm hleinem, team leader chu ini dawn tho a, thinrim chiam angailo " Bawihtei'n nem diai a atih chuan 

" I duh phawt chuan team leader hi ni rawh Bawihte, mawhphurhna sang tak neih a, midang aia dinhmunsang nih hi ka chaklo " Ka ti hmaka, Boss chu fiah kalha en in

" I rilru tenawm lutuk kha ka hriatthiam loh ring miah suh, Team leader chu thlak la mahse, chuti mai mai chuan min sawp kual dawnlo ania " Tiin office chu ka chhuahsan nghal, thinrim insum deuhin ka dawhkanah lam ka pan a, chair ah ṭhu in dawhkanah ka kiu nghat in ka lu ka dawm vang vang, chutiang chuan engtia rei nge ka awm pawh ka hrelo.

" Sangi, Meeting ṭan ahun tawh " Tea'n a ti a, ka inthing harh vat, ka mamawh tur ho ka la khawma, meeting room chu Tea nen kan pan dun

" I va nguai ve " A ti a, ka nui ringawt Meeting room ah chuan anlo ṭhu ṭhap tawha, ka ṭhutfel rualin

" Kan kim tawh chuan kan ṭan tawh anga, chumi hma chuan thilpuan tur a awm " Midang chu an phun nghal sar sar

" Team leader hi kan thlak ang, Lalthansangi ni tawhlo in Lalrawngbawli Bawihtei hi tun aṭangin Team A leader ani tawh ang " Midang chu an phawk hra a, kei erawh ka awmdan ngai rengin ka awm, Chumi hnuah kan meeting kan ṭana ṭha takin ka tihtur ka tih chhunzawm mawlh mawlh, ka chak loh na leh ka lungngai hmel hmuh tum tu te hi ka chak tawkzia ka hmuh tir zel ang

" Tuna ka project khawih lai hi team leader Bawihtei kutah a khawih chhunzawm atan ka hlan e " File pakhat chu dawhkanah ka dah a, Ui viau mahila anni hlawk nan mai mai harsa takin ka tih chhunzawm tawhlo ang

" I khawih lai ani sia itih chhunzawm loh te chun " Meeting room chhuahsan ka tum laiin Bawihtei'n min pawt dinga midang chu an chhuak diak tawh

" Bawihte, Dinhmun hian min phuar a, nihna hian mawhphurhna sang tak min pe ṭhin, Nihna sang tak neih hi hahdamna ani reng renglo ania, midang ai maha kan thawhrim angai ṭhin " Dam dapa tiin ka kalsan a

" Team leader chu an thlak tak tak maw? " Min hmu nge hmulo Vasty chuan min lo zawt nghal vat

" In hriat ang khan ani mai, team leader kani tawhlo " Nui lui chungin kati a

" Ava ho ve " Tea'n ati nghat, Bawihtei alo lang vea kan ngawi nghal vek vang nge ngaihṭhat loh hmel deuhin a hawikual 

" Ka duh reng vanga Team leader ni hi ka nilo ania, Boss hnenah pawh ka pha ve reng " A ti a, tuman engmah an sawi chhunzawm chuanglo

" Hei hi ka khawih chin ho ania, file ami kha chu a kim vaklo " Engmah thlenglo ang maiin Bawihtei chu ka bia a, File dang chu a dawhkan ah ka dahsak

" Ila na viau ami? " Ngeiawm deuhin min nuih kher a, engah mah ngai duhlo chuan

" Engkim hi keichuan ka pawmthiam, ka dinhmun engpawh hi ka pawm vek " Ka dar ka chhin zeuh a, a ngei tur tawk lekin ka nuih ve kher, chutiang chuan nileng hun chu kan hmang ve ta a, hna kan ban hnuah Bus stand ah bus ka chan laiin Boss motor ka hmu a, achhungah chuan Bawihtei a chuang ve ran. Min tlanpel lai chuan ka thlir zui reng a ' A ho e ' ka ti chhuak sep ka sawi zawh rualin ka mittui a hnai nghal kuar, Boss te kha ka thik lo eng atan mah ka tilo mahse, ka chunga diklo lutuka anti hi ka lungawi lo a ka rilru ana bawk. Ka hna nei tur leh ka dinhmuna ding tura ka thawh rimzia te ka ngaihtuah leta ka lungawi thei thlawtlo, Ka phone kala chhuak a Saipuia ka call

" Aw, Teber " Zang vahin alo ti a

" Min lo hruai teh a, i hman em? " Ka tih chuan

" Khawnge i awm " Alo ti let vat, ka awmna chu ka hrilh ve maia

" Kalo kal ang, minlo nghak rawh " Alo tih lai tak chuan Bus alo thleng a, min lo nghak rawh atih miau avangin Bus ah chuan ka lutlo, ka nghak a rei fe ka nghah hnu pawn Saipuia hmel reng reng hmuh tur a awmlo, ka thiltawnin a zirlo sa bawk nen ka ṭah achhuak hluah hluah, ka kun a ka ke in lei ka thaikual neuh neuh 

" Sangi " Ka hminga min ko tu an awm avangin ka hawichhuak a, ka hmaah Dangdaia alo ding, atlai duai tawha ka ṭhutrei zia chu ka ngaihtuah peihlo zawk

" Fela " Mak ka tih deuh avang chuan sawi mai tur ka hre biklo

" Taxi in min nghak, kal ila " A ti dam thlap a, minti bangbo telh telh

" Tinge? " Ka ti hu 

" I bialpa a buaia, hruai tur chein min lo ti a " En pawh min enlo chuan hmundang ahawi daih a, zalo zetin ka nui tawp

" Kal ila ani mai alawm " Zangkhai thei ang berin kati a, alang ah nui var var mahila ka hrawk thip hlar leh ka hnar sa hem hem aṭangin ka zangkhai loh zia chu a chiang khawp mai

" I buailo ami? Min lo hrilh leh selang chuan keimah pawn ka hanwg mai tur ania " Ka ti bawrh bawrh a, ka lungngai hmel hmuh tir loh hram ka duh

" Ka buai zo tawh, i ṭha em? " Ati dut a

" Ka ṭha alawm " Ka tih chuan min chhang tawhlo, In ah inthlah tir talo chuan Dorm ah ka kal leh ta ringawt a

" Ka lawm e aw Fela " Dorm kawtah kan chhuk a, aman pek ka tum chuan kei aiin alo che rang leh tlat, ngawi reng hian a ache rang thei viau bawk sia

" Zan ah ruah asur dawn, inah hawng duh suh " A ti daih, vanlam a thlir zeuh bawk a

" Chuan " Chimawm deuha ka tih chuan

" Ruahsur leh khawpui ri te hi hmeichhia ten an hlau ṭhin ati sia " Min bia pawh a anglo, amah chuan aphun nuah nuah a anghawng a khawih pah neuh neuh, a che cute thei lutuk hian ka vawiin hun hman hreawm lutuk pawh min theihnghilh tir thei alawm

" Tuin nge chutiang chu sawi " Ka tih chuan min en zawkin

" Pu Google-a " A ti leh then, ka nuih takah chuan

" A pawimawhlo, Zan hun hman nuam le " A kut a phar kuala kei lahin kalo nuih zel tawh bawk si, a che lai kual vel vek a, atawpah chuan mipa dorm apan nal nal

" Kan tello hi chuan i tlei thlawtlo " Kan room ah ka lut a, ka ṭhiante anlo awm kim ṭhap

" Zanin chu kalo riak dawn " Ka ti a, chau deuhin chairah chuan ka ṭhu 

" I hmel ava diklo ve " Lalai'n ngunthluk deuhin min en vung vung 

" Umm, thil thleng a awm nakinah ka hrilh ang che u " Dawhkanah ka bawk a, ka zawi ngawih ngawih 

" Nangber i nguai bur hi chuan lo hlim bik hi ka thiamlo " Sentei'n ati niah niah

" Ka rilru ana " Chair ah ka ke ka hlang a ka inkuah khawm hlun

" Tinge? I hmel adik miahlo ania " Lalai'n min kuah a, ka insum thei tawh biklo ka ṭap chhuak hawk, hei hi antih dan ve reng ani, ka rilru nat em em laiin engmah ka sawi thei ngailo a min kuah tawp zel, ka hnungah dam deuhin a chul hliau hliau a, ka duhtawka ka ṭah hnuah thil thleng chu ka sawi ta vek

" Chu hmeichhe zaktheilo chu, ava ngampa ve " Lawmi'n ati tawn tawn, ka kawchhung tawt ṭun kha a zia tawha ka ṭhiante chu an phun hlak hlak, keichu mahnia lungngaihna tawrh hi ka thiam ve vaklo, ṭhian ka ngaihlua ka ṭhiante bulah hian ka inbunruak mai zel, keimaha ka tuar chang hi chuan ka ipik lutuk hi thawchhamin ka thi mai dawnin ka in hre ṭhin

" Team leader nih kha ka duh em em vang anilo mahse, diklo taka an thiltoh avang hian ka rilru ana " Ka ti a

" Tun dinhmun thleng tura i beih nasatzia chu keini aia hrechiang an awm kherlo ang, chutianga fair lo deuh te chu Company hotute hrilh rawh " Tunah chuan kei ai mahin an thinrim tawh

" Aho emai tihian awm phawt ila, ka ngaihdan pel a an che anih chuan an rin aiin ka nasa daih ang " Ka ti leh maia, Chaw eitur pawn ka chhuak peih tawhlo, khumah ka mu a engmah ngaihtuah buailo a mut hahdam veng veng ka chak ber. Zanah chuan keimah anglo takin ka muhil thei miahlo a, ka ṭhiante tui taka an mutthilh laiin ka meng kur a Dangdaia sawi ang ngeiin ruah asur bur bura khawpui a riin kawl aphe zuai zuai bawk, meng kiau chungin ruahsur bur bur chu rimawi bengfah tak ngaithla ta ang maiin ka ngaithla uluk. Miin an sawi ziah muttheih loh hreawmzia chu tunah hian ka hre ve chiah, mutthilh tum poh leh ka harh tulh tulh a, na nilo ah chuan ahreawm ve ngawt mai.

Zingah chuan hma deuhah ka harh leh tho a, reilo te chu ka muhil vein ka hria, kamu tamlo bawka ka mit pawh a kham urh alawm, ka mu ṭhalo tih hriatna ka mit hnuai dark circle alo lang duk leh ruih tawh a, in phih harhin ka ṭhiante thawh hma chuan ka hawnsan, lehkha them ka hnutchhiah ve ngei bawk. In ka thlen hnuah chau zetin khumah ka mu leh hnak, ka phone alo rik pawh chuan la turin ka tho peihlo, Vawiin chu Company ah hna ka neilo a mu nileng ṭhak pawh ni ila chan tur ka neilo tlat, Company founder leh Team pahnih a leader veve bakah Boss telin an meeting dawna, midang zawng chuan chawlh kan nei. Ka mu nawn leh chu Dar12 velah ka harh veleh chauh a, ka pum arik ruk ruk avangin Nodles chhum turin peihlo deuh in ka tho ṭiah ṭiah, thil ei paha ka phone ka khawih chuan kanu missed call leh Company lam aṭang call pawh a awm, kanu chu ka call let hmasa zawk a, ala dawnlo emaw tih hnuah alo la nawlh

" Hna i kal ami? " Alo ti hmasa ve ngei a, a aw ki hi asang ve hrim hrim zel

" Kallo e, nizanah kamu ṭhalo deuha " Ka tih chuan alo chek tlak tlak

" Thawkrim rawh aṭha mahse, taksa hriselna hre changlo khawpa thawhrim hian awmzia aneilo ania " Min ngaihtuah zia chu hriat hmaih chi pawh anilo

" Nu, ka ṭha alawm i fanu hian mutheih loh ka nei ngailo tih i hriat kha " thawveng deuha ka tih chuan

" I phawsawlh tel bawk alawm " Alo tive leh kher

" Sawitel angailo emai " Ka ti deuh hlar

" I nute Hmingi fa kha alo awm ve dawna " Ka thil eilai ka tawp chut

" Naaaa, midang hrawn chi pawh ka nilo Dorm ah ka insawn leh maiang " Midang nena awmdun chu ka peihlo

" I office kalna ahnai ber alawm, lungngai suh a awm reilo ang " A lo ti leh mai

" Anih leh engtik nge alo awm ang " In chu ka enkual vela, ka awmna reilo viau mahse, ka ti hnawk leh tawh em em mai ani

" Naktuk tuk leh ah alo kal ang, in kha iti hnawk leh viau tawhlo maw " A tawp lam chu a chang fak

" Ti hnawklo e a " Ka thil eina kawr leh chhuat bal niai te chu ka en reng ringawt

" Tibal lutuk suh " Kan inbe rei vaklo emaw pawh ti ṭhin mahila kanu anih phawt chuan min30 hi atling hman ngei ngei, Kanu nen kan inbiak zawhah ka ṭhiante msg ka chhanglet a, Sts ho deuh deuh ka up leh ṭeuh hnuah ka lu a rih bur avangin ka inbual ta ringawt, ka ngaihbel nge ka harh deuh kawk in ka hria. Tlai ti ila athim vek tawh ka door bell alo ri a, ka hawn hmain ka bihthla hmasa tete

" Surprise " Kawngka ka hawn rualin ka ṭhiante pathum anlo au rual a, ka nui hawk hawk 

" In lo sawi lawk silo a, min ti hlau dawn alawm " Kawng ka kian a an luh fel hnuah ka kalh ṭha leh thlap

" Kan hrilh che in Surprise ani nang " An ti maia, an sawi dik veleh fu mai

" Grape juice maw " Anlo luh khan thil ken annei khan ka hre reng a, Grape juice leh eitur dang anlo keng nual

" Lawmtur Kan nei a " Phur zetin Lawmi'n ati a

" Eng nge " Hre chak deuhin an pathum chuan ka en kual

" Kan hna dil kha kan hmu a " Sentei'n ati zo chiah ka ṭe chul a, Lalai leh Sentei chu ka kuah ti ila ka bawh ani zawk mah ang chu

" In pahnih in maw " Phur zeta ka tih chuan an bu nghat nghat

" Awi! A lawmawm e " Ka ti a, ka hmui ka chip hleitheilo ka thinlung takin ka lawmpui tak tak ani

" A ruih theih loh " Grape juice min pe a ka tim deuh tlat, tetlai aṭangin ruih thil laka inthiarfihlim tura kanu leh pa ten min hrilh ṭhin kha ka ṭhanlenpui vang pawh ani maithei

" Theitui kalo in zawk ang " Ka tih chuan ka ṭhiante an ner nang

" I in ve theih kan duh vang alawm alcohol tello kanlo thlan " An tih chuan hreawm ka ti bawk si, tim daiin ka in ve ta tawp a chuti lutuka tuilo ani miahlo, hla ring deuha play in kan lam chiam chiam a hah pawh a sawi theih loh, chutih laiin ka phone alo ri ve chhen bawk a, screen ah Dangdaia hming alan avangin kala vat, Ka ṭhiante chu room ah ka luhsan

" I bialpa hi lo hruai rawh " Alo ti chang bul mai

" Eng nge i sawi awmzia " Ka tih chuan

" Bar ah kan awm, i bialpa hi lo hruai rawh " Atir ai khan a aw rikdan adam ta deuh

" A ṭhiante phone mai rawh chutiangin kalo kal zung zung theilo " ka ti hmuk 

" Nangmah chiah alam che, lo kal mai rawh " A dah nghal hmaka, a dah deuh chiah msg min lo thawn nghal, an amwna address anih hmel, lungawi lo deuhin ka inthlaka

" Eng nge itih dawn " Ka chhuak chu min lo zawt leh chat tawh

" Saipuia, kava buaipui lawk ang, in lo nghak ula kalo hawnah thil thleng kan in hrilh ṭha dawn nia " Ti zung zungin ka chhuajsan a, Ala tlai chhelo bawka taxi hman tur ka hmu hlauh, ka kalna tur ka hrilh a thinrim ṭun in ka ṭhu ngawi kar

" Eng nge kalo hruai angaihna " Dangdaia leh Saipuia bulah chuan ka ṭhu vea, Saipuia chu a rui na in rui chhia anilo, min hmu thut chu mak tih hmel deuhin a meng kawk a

" Teber " A tih chuan ka en reng ringawt

" I hming asawi reng " Dangdaia mitmeng chu ala fim kak a, Saipuia nen chuan danglam tak ani, keipawh hi eng nge ka hriat ni an pahnih hian ka tehkhin ve ziah

" A ho emai " Ka tih lai chuan 

" Tlangval i bialnu hi Beer kalo pe ve dawn mi? " Bartender ni ngei tur chu kan bulah alo ding a, hetiang ang bar te hi mizoramah alo awm ve tawh anih hi, hmasawnna in a kentel ani miaua mak kati hranlo

" Ka bialnu anilo " Saipuia'n atih chuan Nghet deuhin ka kut ka hum ringawt, Bartender chuan ngaihdam min dil a, nui chunga hmachhawn avan har ṭhin tak, Inhau in inti taurau reng ṭhin mahila reitak chhung ka bialpa ani tawha, awlsam taka abialnu ka nih loh thu asawi chuan min ti na ani.

" Beer chu can khat min lo pe " Hna lamah buaina relationship ah lah buaina, zanin chu ruih ve mai ka duh ani

" I buaina chu harhfimin hmachhawn rawh, harhfima hmachhawn ngamlo i bialpa kha en rawh khatiang ang mai mai kha nih ve i duh emni? " Beer ka ban tur chu Dangdaia'n min lo danga, a ṭawngchhuak reng reng hi a byheart emaw tih mai turin afelfai thlap zel, Lalruatfela hi mipa danglam tak ani a, zanin hian a mize maktak kara a rilru puitlin zia ka hrechiang khawp mai.

Cont..