Lunglawm Tikimtu chapter-6

 " Kaitho rawh " Lalai aw ang deuh ka hria

" A harh ṭep tawh ang, kalo nghak ang e " Fela'n ati a, Lalai chu a kal leh nghal aniang thawm a nei chhunzawm lo Peihlo deuh in ka meng chhuak riai riai

" Kan thleng tawh alaw " Titau bar chunga ka mit ka chhing kha kalo muhil daih anih hi

" Thleng tawh e, i kham khawp i mu em? " A tih chuan chhanglo in motor aṭang chuan ka chhuk a, ka ṭhiante ṭe chul chu thawm pawh ahriattheih

" Vangvat a awm " Ka kal lai ka ding dat

" Awm rawh se " Ka hlauh a ring ve ngei chu ani awm sia

" I hlau lo ami? " Ka rualin alo kal a, kan kal dawna min tihdan kha ka lung ala awi theilo

" Hlau mai mai lo " Ka tih chuan

" Hmeichhia chuan Vangvat an hlau ṭhin sia " A ti leh bul bul tawh

" Hlauh zawng a in ang hleinem " Vin vak ka tuma mahse, ani thei chiahin ka hre bawk silo

" Senior-i chuan a hlau " A ti leh a, thaw halh chunga dingin alam ka hawi a

" Hmeichhia kani ve hleinem " Ti hlarin ka kalsan, engvanga lungawi lo chiam nge ka nih pawh ka hrelo, kan ṭhiante kan pawh a Puan in anlo sa mek, Leipuiah hian thlam lian ve deuh chu a awm tho a mahse, Keini ṭhian ho leh Thluakfinga te ṭhian ho hian Puan in ah kher kan awm duh avangin Thlam kan hmang duhlo ani.

" In lo thleng thei maw? In va rei bik ve " Mafaka'n min lo fiam leh zuk zuk tawh, huat theih siloh hian anui hawk hawk zel bawk sia, Puan in an kaih zo a awl thawng zetin kan ṭhu dar dar. Mipa ho hi pa5 an nia hmeichhia pali kan ni Puan in pathum an kaih a, Pakhatah hmeichhia kan awm vek anga pahnih ah hi chuan mipa

" Sangha zu man ang u " Lalawma'n ati a, mipa ho an tho ṭhuau Fela pawh mawng rit deuhin atho ve ṭuah ṭuah a

" Hmeichhe ho khan mei lo ti nung ula, sangha kan man zawhah eirawng kan bawl dawn nia. Dil bul vel khu anal sia tluk ahlauhawm " Samuela'n ati zung zung a

" Kanlo kal ve duh tho alawm " Lawmi'n ati a Lalai leh Sentei'n an pawmpui khawp mai

" Keipawh ka kal ve duh " Dil hi kan khua ah kapu kapa pa ten an nei a, atui ka tih lam ai mahin sangha hi hmuhnawm kati ṭhin

" Aṭullo " Fela chu kan en ṭhap, chutia kan en ṭhap chu nuamlo ati leh deuh nge a tukhum khawih zeuhin

" A nal i tlu ang " Keimah chiah chu min en

" Ka tlu lo ang " Ka ti ve ṭalh

" Fela leh Sangi'n mei lo chhem se, keini chu kal ang u " Mafaka akal nghal nulh a, tum barin ka ṭhutna ngaiah ka ṭhu leh Lalruatfela ka huat dan hi pui tak ani 

" Rinawm deuh khan mei lo chhem ru aw " Lalai'n akal hma in ati a, mit min siai pah zeuh zeuh leh nghal 

" I hmelchhe lutuk Lalremruat " Tlawh zawt ka tuma a tlanchhe hman daih leh nghal, ṭhiante thawm areh ta vang vang a, Thluakfinga che leh hrut hrut ṭhin leh thereng hram bengchheng deuh deuh bak hriattur a awmlo

" Nangmah pawn i chhem thei reng sia, Sangha ka hmu ve chak asin " Fela chu ka chhal ti tih a, Meichhem tuma a kun kut kut ka melh rum vak bawk

" A nal alawm " Tih chauhin min chhang, a meichhem tum lah chu a uluk mai bawk sia

" Ka ṭhiante pawh an kal veka, keimah chiah min dang " Ka tih chuan fiah zetin min lo en a

" I ṭhiante chuan ka thu an awih ve dawn hleinem " Ha langlo in a nuia a nuih dan hi a mr bean nuih

" Keipawn ka awih bik ami " Ṭawng thlawn bat ka tumlo hrim hrim 

" I awiha khatah khan i ṭhu tum vuau alawm " Amah anui huk a

" Lalruatfel Ek uih pa " Lung tetakte in ka vawm a, alo indang ve nasa mai

" Mi thiamte chuan ka a lut hi rimtui mahse, mawng a chhuak leh hi a rimtui thei tawhlo anti " Min chhang dang hneh lutuk hi sawi ve tur pawh ka hre tawhlo

" Anihna takah chuan hmeichhia te hi mipa te aia ek uih tur zawk chu anni " A ti leh hrama, ka ngawih hnuah pawn ala ti ve ṭalh

" Eng nge anih bikna, mipa ek a uih daih zawk ang " 

" In thil ei ngaihtuahin a chhuak leh lam chu uih hle tur ani " Zuk han ti a! 

" Midang hnial nan ami Scientific hi i zir " Ka ti ṭhat

" Ka hniallo che " Mei chu a chhem alh ve ta a, a chhem alh rualin intithei zetin min lo en kher

" Ka chhem alh theih loh i ring ami? Iva intithei ve "

" I chhem alh thei em em ang " A ti then bawk si, lungawi lo ṭhin viau mahila amah lah hian engmah ahrethiam bawk silo. Reife Lalruatfela nen inhnial zeuh zeuh chunga kan awmdun hnuah thlanglam aṭangin Ṭhiante anlo ri chho leh nak nak a, Sangha pawh anlo man ngei e 

" A hling atam thei e " Sangha chu ka thlek kual a

" Mihring pawn ruh kan ngah alawm " Samuela'n atih chuan 

" Sangha kan ni chuang ami? " ka ti a, min chhanlet dan ahre ta vaklo nge angawi hmak, Mafaka hi Fela ṭhianpa deuh bik ania Samuela leh Lalawma hi Saipuia ṭhian, ka ngaina ngailo a ka be chhe ngailo mipa mizia ka hriat tawha ka nin ber chi mizia an la nei leh nghal mahse, mi pawisawi zawng hian an awm vak biklo a, an chimawm hle tih loh hi chu

" Fela'n sangha siamte chu athiam alawm, Adang kanlo siam anga Sangha chu Fela'n buaipui rawh se " Mafaka'n rem aruat leh zung zung a, Fela pawn sangha chu a buaipui nghal a, midangin chaw hmeh dang anlo buaipui bawk, Mipa ho an buaia keini erawh Lalai leh Sentei'n thla anla kual vel tih loh chu thildang tih ve vak kan neilo. 

" Ka sam ka ṭawn in ka hmelṭha " Lalai'n ati lang lang a, awmhmunah ka lo nuih vur vur 

" Sang, Ka bag ah khan ka samṭawnna minlo lak teh " Atih chuan Puan in ah ka lut a, Lawmi chu min hnungchhawn zawnga ṭhuin a sam alo buaipui

" Lala, ka sam minlo khuih pui teh " Lalai emaw min ti anih hmel, sawi buailo chuan asam chu ka khuih pui a Lawmi sam hi asin a ni1 khuih loh chuan a pheng vek zel

" Lalai emaw ka ti che alawm " Min hmuh chuan a meng awk a, tawi tein kalo nuih 

" Ahma pawn keimah vekin alawm khuih pui che " Zangkhai deuhin ka ti a

" Ka chugah i lungawi lo em? " A tih chuan kan boruak a rit nghal vek

" Lungawi loh chhan tur ka nei ami? " 

" Khami zan kha..ka..englo khatiang khan atih ka ringlo a " A ti bahlah nuai 

" Lawmi apawilo kan inṭhen tawh ka tihkha, i lakah lungawi lohna ka neilo, biak hmasak dan tur ka hriat loh vanga be lo ṭhin che kani " Tun hi kan inkar chinfel hun tak aniin ka hria.

" Ṭhian laktlak loh tak kani, i bialpa pawh hnar theilo khawpin ka khawsa a " Kan in hmachhawna hreawm ati taket tih ka hrethei

" Mihring hian thil thunun theih miah loh kan nei a, chu chu kan thinlung leh kan chunga thil thleng tur hi ani, inthiamlo reng reng suh Saipuia hi ka duh tawhlo atir chuan ka duha ka mipa duh em em ka bialpa ani thei kha ka hlim ṭhin mahse, tunah chuan engkim atawp tawh a amah duhna ka nei tawhlo " Ka ti duah a, thawchham lek lek in alawm le ka sawile

" Tak tak ami? " Ring ngam chiahlo in ati a

" Saipuia hi mipa sual anilo a alerh bawklo mahse, a nunphung chu nang pawn i hrechiang a sawi duah pawh ka tumlo keichu min vengthawng suh " Ka ti a, Lalai Samṭawnna ka lak hnuah ka chhuahsan. Lawmi tan hian Saipuia hi ka duhpui vaklo, chu erawh ka sawi kher angaiin ka hrelo. Puan in aṭanga ka chhuak chu Lalai leh Sentei kalsawn tur ka hmu hman a

" Hey " Ka tih vak chuan an ding dun chawt

" Kan ṭawng in ngaithla ami? " Ka tih chuan lu an thing nak nak a 

" Tinge hetah in awm si, nichin khan thla inla mai mai sia" Chik deuhin ka en dun a

" Plan A anih kha " An ti then a, hemi te pahnih hi Lawmi nen kan inbiak theih nan ṭan anlo la ve ngei anih hi

" Ka lawm e, in hmelṭha lutuk " Ka tih chuan an nui thler leh duai duai tawh

" Lokal rawh thla la ang u " Min pawt sawk sawk a, thla kan lak leh chiam tawh hi

" I ngaihzawng coming soon saw va pui rawh " Sentei'n Fela eirawngbawl chu a kawk va a, akut ka paihthla rang lutuk

" I mawl ami Lalrinfel " Ka ti hlur

" Ani lo ami? A endan che hi mipa pawh nilo mahila kan hrethiam " An tih hnuah ' Ehhh' anti rual leh a, ka va han ngei mai mai tak e aw 

" In mawl ami? " Ka tih chuan 

" Nangpawn i en dan hi coming soon diktak ani " An nui kar kar a, lai deuhin ka nui ve ringawt an bulah ka awm rei leh min fiam zuk zuk reng bawk si ka kalsawn a, atawpah Fela bulah bawk ka awm leh tawh

" Puih i ngai em? " Ka tih chuan min lo en zawk a, a thlan atla hluam tawh

" Ngailo, mei hi asa lutuk lo awm hnaih suh " A ti a, meia rawngbawl chu a zei vaklo

" Lo che suh aw " Ka romal chuan a hmai thlan chu ka hruksak, che suh ka ti bawka khawng at in a ding reng

" Lem, ka hru zo ta e i hmai te i ti ung nuai leh nghal " Ka tih chuan rang deuhin ahmai a tuai a, ka nuih vur vur

" Ka ti mai mai ania, i hmai i khawih khan iti mang chiah" Ka tih chuan

" Chingchengnu " A ti hluk a, ka hmui ka ti pawrh vak ringawt

" I van siam thiam em em, thildangah laktlak vaklo mahla rawngbawl ah kher kher chuan i ṭha ve khawp mai, Tinge Scientific lam zirlo in Chef te inih mai loh " Ka ti leh par par tawh, min en in athaw hawlh a min chhang lem hleilo. Thildang sawipuiin ka be char char min chhang ve tak tak chuanglo a mahse, ning hmel apu lo, chu chuan abula awm nuam min tih tir zual ni berin ka hria. Thim hma tlai deuh tawhah chaw kan ei a, chaw hmeh kan in chhawp ve ṭeuh mai

" La eisu thla kan la dawn " Sentei'n thla ala leh tete a

" Picnic leh hun chu hmeichhe ho hi hruai ve tawhlo ang u" Lalawma'n ati hluk, Saipuia chu a ṭawng tam vaklo 

" Kan hruai tawhlo zawk mai ang che u " Lawmi'n ati a, a ho tehlul nen kan nuihpui uar uar tho

" Ei ṭeuh rawh Coming soon " Vawk sa thau hrang khat chu Fela thlenga dahsak pahin Lalai'n ati leh hrama, Fela chu a bangbo ngang mai

" Lalremruat, chaw kha ei mai mai rawh " Vin deuha ka tih chuan inla hrethiam deuhin Sentei chu alo nui a

" A thau i ei thei silo a " Saipuia'n sa ti hrang khat min suah sak a, Lawmi mitmei ven ana duh ngar ngar 

" Ka insuah thei alawm " Min suah tawh suh han ti ringawt dawn ila ka tizak ang tih ka hlau ve tho si

" Nangni pahnih hi in in hau rei mah mah tawh aw, Thansang nangpawh i rilru ate lutuk ngaidam leh tawh mai rawh " Samuela'n thawveng zetin ati phawr phawr a, a an lai takin Sentei'n Vawk thau a ka ah ahnawhsak 'Lalrinfel ' a ti hluk a Seni lahin a ngaipawimawh der silo, kan thusawi kan thlak ve ta hram alawm. Midang an titi mawlh mawlh laiin Fela chu a ngawi reng a, ka thlengah Sangha aruh thensa vek min lo dahsak ṭhin, bangbo deuha ka en changin engmah tilo ang maiin chaw a ei mial mial zel a, sangha ei chungin ka nui var var. Kan eikham fela hmeichhe lamin eina kan tihfel laiin mipa ho chuan leiah pher phahin an ṭhu biala alaiah tak enmargency light an dah bawk

" Coming soon an sangha ape lai che kha ka hmu reng ania " Lalai'n ati leh sur sur tawh

" In van ninawm tak " Ka tih chuan an nui vak vak a

" Lawmi, tu emaw chu maw sangha in achhaih nui vur vur mai mawle " Seni lah ngawi mai mai silo, Lawmi chu a bangbo viau

" Eng nge awmzia " A tih hu chuan Lalai leh Sentei an chek tlak tlak

" Tu emaw chuan chaw eilai khan sangha a hling thliar sa vek adawng reng bik a, keini'n kan buaipui rei tehlul nen " An tih chuan Lawmi pawn a hrethiam veta aniang anui ve vur vur

" Nge i nuih ve ringawt " Ka tih chuan

" Ka hrethiam " Nui ar ar chungin ati a

" Engmaw i hriatthiam " ka ti leh ṭalh

" Sangha hling tlemna lai i ei fuh thei bik " A tih chuan Lalai leh Seni'n a tukhumah nam sawkin an kalsan nal nal

" Eng nge ka ti diklo ami? " Ti chul chungin a zui a, an hnungah zawi muangin ka kal ve, Fela bul chiah alo awl leh tawha

" Sangi eng nge kan zai ang han thlang ve teh le " Samuela'n atih chuan ka ngawi vang vang 

" Val to lo " Ka tih chuan an ri huk a

" Bialpa ṭhen dek dek a, val to lo an ti nghal ngawt a " Lalawma'n ati a, huatah pawh alak theih tawh loh

Samuela'n Guiter a perh a ' Khawnge leng ang aw leng rei ta sa sa ' a ti chho a, kan lo zawm tliar tliar zai pah chuan Fela chu ka thlek zeuh a azailo na in kut abeng ve ngei a inrem tehchiam lo. Lalai leh Seni an tui fala ding meuhin an lam leh tawh

" Tunah Fela " Ka hla thlan kan zai zo a, Fela chu kan en ṭhap

" Ka neilo " A ti teh tawng a

" Sangi a zaithiam Samu perh sak la Hmangaihna khingbai kha sa rawh se " Lawmi'n atih chuan ' Ka duh teuhlo mai ka zaithiamlo, in beng a chhet vek ang ' Ka ti zawt zawta. 

" Zaithiamlo zai pawh kanlo feel ang " Mafaka'n ati hram peka, min ngaihchan ṭhap avang chuan ka aw ka thian kharh a, Samuela'n guiter a ti ri ve nghal zat

' Ṭhaleng dang nena i nuih hian, Lairila'n maw, ana e;

Tleidang biahthu di hlana, min liamsan hi ka hlau ber.' Tih lai ka zai chho a, mitchhing meuhin uluk deuhin ka zai ka aw hi analh ani hranlo a tlemin a tham ve deuha ka ṭhiante hian min bawl ve pah mai mai ani

" Chang thumna kha sa nawn leh teh " Mafaka'n ati dut a, Kan nuih dar dar

' I hai bil reng hian ka ringlo, nang vanga lunglam ka vaih hi; Thutin di hrilh ka thiamlo, Engtin ngai che maw mi u. ' Kan sa nawn leh ta pauh a

" I va zaithiam chem chem ve, ka mittui iti tla mai dawn alawm " Kan nui hak hak

" Senior lamah star anei ve a " Saipuia'n ati a, an infiam zawm nak nak

" Zai ringawt chu aninawm Truth or dare khel ang u " Lalawma'n ati a

" Truth or dare chu ka ning, ka peihlo " Ka tih chuan 

" I tel tho ang " Ti chungin min nem nawk a, kalo inringlo nen Fela ka delh rawk rawk, Fela'n min lo chelh a ka ṭhu ṭha leh nghal vat

" Lalrinfel, min nem nawk nawk zel suh aw " Ka nem let ve nawk

" Coming soon " a ti uang leh vela Lalai a nui tet tet, Chaklo viau mahila truth or dare chu kan ti leh ta a, light kan nei eng ṭha bawka anuam ve reng

" Yeaa, Lalthansangi hi ka zawt chak lutuk " Bottle chuan min kawk a, Lalawma'n kut a beng thak thak

" Anih leh zawt la " 

" Truth or dare " Atih chuan ka hmui pet betin ka mengkual ralh a

" Truth " Ka ti a Fela ka en pah kher

" I la virgin em? " 

" What the..Vanlawm eng zawhna nge ni ngai " Ka ti chiam kala virgin a mahse, hetiang kher kher han inzawh

" Truth i thlang tawh, sawi ahar vak ami? Sairengpuia hi kan zawt zawk dawn nge " Ati leh ham ham, Saipuia chuan a nghawk sawka 

" Ṭawng duah zel suh " A ti hluk, eina vel kan tihfel lai khan zu an in hman aniang aharhfim loh hmel emai 

" Kala virgin chiang mai, mipa insawitheihna mai mai nih ka tum hleinem " Ka ti ram hmarh

" Le le le, games anih hi rilru puitling tak zelin aw " Mafaka'n ati zung zung a, kan boruak ṭang at chu a hrethiam pawh ani maithei, Bottle chu an tuai vir leh pap pap a Lalai ani ve ta hlauh Dare a thlang a Samuela'n 'Helai awm zinga i duh ber biangah chuk rawh ' ati khauh bawk si, Lalai'n a ke aper tan tan a

" Min beisei let lo tur Fela hi chuks ila aṭha ang " A tih rualin Fela'n min lo hnaih nghal ruaka, Lalai lahin a fiam peih si alo kal hnaih zel a, Lalai'n a fawp dawn takngiala ahriat vang nge ahmai chu ka hnungah a nawr si ngar ngar, Lalai chuan ka biangah a fawp ta zawka

" Ka biangah a fawp tawh " Ka tih chuan a ṭhutdan asiamrem ve chauh, a awmdan chu aṭhiante'n an nuih char char a eng atan mah angai lemlo aniang tak ngalin aṭhu leh tawh, Lalai chu ka melh rum vak ringawt. A zahzum zia a hre vereng a fiam kher pawh angailo

" Fela hi chuan hmeichhe allergy anei tak tak " Samuela'n atia a nui pah hawk hawk, Bottle an tuai vir leh pap pap a Fela zawnah ala tawp chat zui

" Fela hi chu ka zawt ang " Seni'n a chuh ve tlat, keima zawna bottle a din ai pawh khan tunah hian ka thinphu arang daih zawk, Fela hi kalo huphurh pui

" Truth or dare " Seni'n ati a

" Truth " A tih te chuan ka kuttin ka seh neuh neuh tawh

" Hmeichhe duh deuh i nei em? " thawm areh duk a 

" Nei " A ti chiah Mipa ho in thawm an nei huk

" Tunge? " An tih chuan

" Zawhna pakhat bak a in zawh theih loh " A ti ve khauh a, a chetdan chu kalo lawm reuh lutuk. Dar 11 dawnah kan mu lut ve ta chauh a, kan mut luh rualin phone pawh ka khawih peih tawh chuanglo ka muhil nghal vang vang. Zingah chuan ka zunchhuakin min ti harh a, ṭhiante chu an la muhil tui ngang mai, thawm dim deuhin ka chhuaka kava zung tur tur. mut leh nan chuan khua avar vek tawh bawk si, keimah chuan ka ṭhu renga tun anga zingah hian hun pawimawh bik lo ah chuan ka tho ngailo, thla kala kual chiam a, tho chiah e tilo chuan ka selfie chiam bawk. Keimaha ka ṭhutreng lai chuan mipa ho tent aṭangin thawm a awm a Ka en reng lai chuan Fela alo chhuak a, a sam a thur seng bawk si min hmu thut chu

" I va ṭhu zing ve " A ti a, dik ati leh chiahlo nge ' Morning' a ti leh

" Umm, morning " Nuih za si nuih chiam ngam silo nuihza insum deuh chuan kaalo ti let a, ahmai te aphih fai hnuah ka bulah alo ṭhu 

" I mu theilo ami? " A ti ve tehmial

" Mu thei e ka zunchhuakin min ti harh a " Ka tih chuan abu nghat a

" Dil kha i hmu chak ani lawm ni " A tih chuan phur deuhin

" Kal ila " Ka ding nghal zat a, ka phur lutuk chu min nuih tawp

" Vedeo in ka kal lai hi minlo lak la " Kan kal laklawh laiin ka ding thut a, Rin loh deuhin a kut alo dawh ve mai ka phone chu ka pe a

" Ila thiam ang tiraw? " Phone bihpui paha ka tih chuan a chek hluk, Vedeo chuan min laksak ta ngeia inla zei deuhin ka kala, a camera ken dan chu an zeilo khawpa mahse, ka tana a tumna hrim hrim pawh hi alawmawm, dil kan thlen dawn chuan an sawi ang tak takin alo nal reuh lutuk a

" Fimkhur rawh " A ti deuh sek, keipawh fimkhur deuh chuan ka kal a mahse, ka tluk ṭhelh tho ka tlu ṭep chu ka kutah minlo chelh hmana ka thinphu arang dawt dawt khawp mai. Thla kala leh nual a ka awmpuipa in ning hmel aput loh avangin nuam kati, ṭhiante anlo tho anga min lo zawn chiam kan hlauh avangin kan chho leh thuai a, anlo tho ve chiah ang chu tih naklaiin hawng turin anlo inpeih fel thlap tawh.

" Awi ka mutchhuak " In kan thleng leh diam tawha, eng teh vak ka tih loh nen ka chau em em mai ani

" Muhil rawh " A ti sam et

" Hna ka kal angai alawm "

" Chawl leh mai rawh " A tih chuan ka melh rum vaka

" Chutiangin duh hun hunah ka chawl thei hleinem, Nimin ah pawh khan dawt dawtin ka damlo ka ti tawha, vawiin ah chuan ka kal ngei ngei angai " Ka ti tan tan, thil a ngai awlsam lutuk chu ka lawm hlawl lo

" Ka thlah dawn che nia " Mr bean-a nuih in anui leh a, eirawng abawl laiin cup nodless ka ei 

" Khatiang mai mai ei ziah suh " A ti hluk a, hriselna hi a ngaipawimawh si 

" Chaw ka ei peihlo " Ka ti maia, ka eichhunzawm char char. Chaw a ei laiin office kal turin ka insiam a

" Min thlah lo mai rawh, keimahin ka kal mai ang " Ka tih chuan ' Ka thlah hman che ' ati ve ṭalh, ka insiam zawha room aṭanga ka chhuah leh meuh chuan kawngka bulah inpeih ap in alo ding leh reng tawh

" I inpeih tawh maw? " Ka ti ha

" I inpeih chuan kal ila " A ti a kan inzui chhuak dat dat, car in min thlah dawn emaw ka tia ke in min kalpui daih

" Ke in maw min thlah dawn " Vui aw lek lek in kati, ka thlah ang che ati ve a ke a inthlah te chu a

" Bawiha chu nimin ah leh tukinah kan hmang tawha a chau ang, hahdam ve rih rawh se " A tih chuan ṭahkhum vak mai ka duh 

" I va han dangdai chiang tak " Ti hlakin ka kalsan a mahse, min lo um pha zel tho 

" I kalna lam turah kal tawh rawh, thlah pawh ka ngailo " Ka tih chuan 

" Ka thlah ang che " Ati lui leh tlat, Company kawt thleng min thlah ta tho a, ' Kal tawh rawh ' ti paha kal mai ka tum chu min chelh ding a

" Tlai lamah ruah asur dawn " A bag zen rak rak in nihliap alo phawrh a, tunah lah ni asa ṭha vawl vawl bawk si

" Nangman i mamawh zawk ang " La ta mailo chuan kati a

" La rawh, ka tlai dawn ka kal ang " Min kalsan zawkah a ṭang leh reng sia, a lakah hian ka pangchang bik riau in ka inhre ṭhin, min ngaihsakna atih lan chang hian nuam kati ṭhin viau bawk. 

" Nimin chu i hmang nuam em? " Ka seat ah ka ṭhut rualin Miriam'n min lo dinchilh nghal a, ṭawng ringlo turin ka signal nghal vat, a hmui a hup chaih a 

" Sangi i serum siam kha order a tam tawh lutuk ania aw, i vannei leh khawp mai " Tea'n atih chuan computer ka on nghala company site ah lutin asawi ang tak takin hma alo sawn khawp mai

" Min treat thei " An lo ti rual ṭhap a, ka nui hawk hawk

" Lunch break ah Purple Restaurant ah khan kanva kal dawb nia " Ka tih chuan an au dual a, kan team hi pa6 kan nia kan inlungrual ṭhin viau 

" Bawihtei hi alo la thleng na nge " Bawihtei seat ala ruak hiau a

" Boss room ah ala awm char char " Darkimi'n ner nak chungin ati 

" I serum siam kha kan monu in a fak tawp, ka hman tura ka lak kha alo hmang ve chhin a, hman nawn ka phal silo order ka siamsak " Nui har har chungin Darkimi'n atih chhunzawm 

" Ava tihzia ve, keipawn ka hmang alawm " 

" I thluak hi chu avan ṭha bik tak " Miriami'n ati hluaia

" In zar liau liau anih hi, in tello in engmah ka nilo team kan nia kan thawhrah anih hi " Keimah maiin serum kha ka siamchhuak thei reng renglo, ka teammate te min puihna vang vek zawk ani

" Break ah induh tawkin in in kawm dawn nia hnathawh hun chhungah zelthel deuhin awm ṭhin su " Bawihtei boss room aṭanga lo chhiak chuan ati hlak hlak 

" Aw le " Kan ti dial a, kan seat ah kan ṭhu vek

" Nimin chu i hmang nuam bawk maw " Ka en phei zeuh 

" Nuam khawp mai " Ka ti a, ka ngaihsak zawmlo hrim hrim khawngaih tur khawpa mi vannei nilo mahila Bawihtei hi ka khawngaih, nun tluang tak hmang se afel tehlul nen. Ka chunga athiltih te avang hian haw ve viau tur chu ka ni huat chhan tur pawh ka nei ṭha mahse, ka haw thei tlatlo

" Kan ei chhuak dawn asin, ilo kal ve dawn em? " Lunch break ani a, Bawihtei chu sawm loh tawp nuam ka tilo

" In boss hi min thlim dawn emni? " Boss alo chhuak ve a, Bawihtei pawh a mawi ah ka sawm ve mai mai ania, ani alo tel leh phei chuan anuamlo vek ang

" I car in inlo kal mai dawn nia, Purple restaurant ah " Ka chhuahsan a, boss alo kal chuan Bawihtei pawh chiang sa ani mai. Ṭhiante ka va pawha boss te anlo kal ve dawn ka tih chuan

" Enjoy ka tum nen a boring leh vek dawn " Miriami'n ati a

" Thlim bik kha thil ṭha ani hleinem " U zira'n atih chuan ka bu nghat, Restaurant kan thlenga ahmun hi duhthusamin anuam, thla la duh hrim hrim a kal te pawh an awm nuk, an eitur neih a cial a ato over chuang silo hi akal ti nuam tu ani ve tlat

" Saw hmelṭha ka hmu " Dawhkan khat kan kil a, Boss leh bawihtei pawh anlo thleng ve tawh

" Tu maw " Ka tih chuan

" Pu Imanuela saw mawle, a hmelṭha e ahmei ah pawh ka ṭang duh " Darkimi'n ati zat zat, anlo chawl ve tih ka hre reng reng hleinem, Restaurant a chawlh te hian ka hawi zau ngailo a tunge chawl ve tih lam hi ka hre ngailo. Ka hawikual ve hleka Pu Imanuela te pawh hmu chuanglo chuan kan piah deuha Fela te ṭhu chu ka va hmu zawk, Pathum anni a aṭhutpui hmeichhia leh mipa chu ka hriat ngai anni lo, min hmu velo a keipawn ka hawikual vang chauha hmu kani. Eitur kan chah a ka ṭhiante titi pawh chu ka zawm lutuk theilo

" Inva chah tlem ve, vawiin chu ka treat ang che u chah ṭeuh ru " Boss in ati a, ka nur nang

" Ka treat tura ka hruaichhuah in nia, keiman ka pe vek ang in duh zat zat chah ru " Ka ti ve kher

" Kan chah tam alawm, in duh chuan chah belh ula keichu ka duhtawk " Tea'n ati nghat a, Boss hi alawm tehchiamlo mipa tlinglo hmeichhe nih duh silo ania Tea te ang tlangval hnahkhat tan chuan mil viau ahar ang

" Dari, Pu Imanuela nupui saw ala naupang hmel e, saw saw afate an ni tak tak em? " Miriami leh Dari chuan Pu Imanuela an sawi kan theilo

" A te ber chiah saw an pahnih fa, Naupang pahnih saw chu Pu Imanuela fa bik " An hre ril leh ṭiah ṭiah, hetiang lam hi ka ngaihven vaklo

" Tunlaiah hmeichhe tan chuan Sum ngah ngah hmelṭha ani tawh alawm " Boss in ati kher chu ka ngaihdan ani vaklo, mi hi kan hrechiang hle anih loh chuan an chanchin sawi ve vak hi ka duhlo a, midangin an sawi pawh hian ka helh viau ṭhin

" Tea leh U Zira bak mipa an awmlo a, Tianglam chu sawilo ang u " Nui sawng chungin ngeiawm rawng kai lek lek chuan kati a

" Ka thin tih rim i tum ami? " A ti ta fak

" Eitur alo thleng " Ka tihsan daiha, a ngawi ve mai bawk eitur kan hmuh meuh chuan inhauh lam alang tawhlo, kan eitur kan ei mial mial hlawm a

" Vawiin chu vanneih thlak takin thluakṭhanu hian min teeat a, kan puar hle ani " Dari'n vedeo in ala leh pek a

" I ninawm " Ka tih chuan anui a midang pawh a la kual vek, thil ka ei mial mial laiin Tea'n tissue min pe a ka bengbulah 

" I biang abal " A ti sup, rang zetin tissue chuan ka hmai ka hru nghal

" Ka lawm e " Ka nuih a, nula pumpa biang berh khawp khawpa thil han ei chu, ka ngaihtuah chianga ka nuih aza tulh tulh 

" Lo eiru Washroom ka va hmang lawk " Ka ṭhiante chu ka chhuahsan a, a chhung ai mahin a pawnlam hi amawi kati zawk, Washroom ka hman zawh hnuah lut leh mailo chuan ka teikual a

" Eng nge itih " Ka tei kual mai mai laiin Fela alo lang ve nawlh 

" Restaurant ah mu turin ka kal iring ami? " Nui sen sen chungin ka ti a, Fela erawh atum bur mai

" Ka ṭhiante nen thil kan eichhuak anih kha, eng nge itih ve zawk " Tum bura a ngawih reng takah chuan ka ṭawng hmasa leh ta nge nge 

" Keini pawh " A ti hmuk a

" I thil ei atui vaklo ami? Tinge i va lungawi loh hmel " Ti pahin ka en chho kiau

" A ṭhutpui te kha i ṭhiante vek maw " A ti leh daiha

" Ni e, kan product kha order kan hmu ṭha lutuka thil kan ei chhuak anih hi " Ka tih chuan a tukhum khawih zeuhin

" Aṭhat chu " Thaw huai hmel a pu, a awmdan chuan min ti bo leh hu tawh

" Eng nge i hriat a " Ka tih chuan min en reng chungin anui vur vur, min chhan atum silo a

" Thla la ang aw " Ka ti hluaia aduh loh ka rin nen abu ve nghauh, thla kan lak dawn chuan asang sia kei ka hniam si alang ṭha hleitheilo 

" Keng zawk mai rawh " Tia phone ken tir ka tum chuan a khabe ka darah alo nghata ka ip zawk thei

" La ta che, ti khan kan in chen chiah " Ati a ka za chhuak vekin ka hria, thla chu kala tho a mahse ka awmdan a laih hu avangin ka thlalak chu analh em tih pawh ka hrelo. Thla ka lak zawhah a ding pangai leh maia amah anglo takin nichin lawka a awmdan avang khan danglam hmel leh lai hmel pu velo reng reng, mipa chut deuh pawh hian an duhna ah chuan boruak an lo ngam anih hi

" Hetah ilo awm daih alaw " A ṭhiante anlo chhuak ve a, ka ṭhiante chu anla pil vang vang 

" Kan kal thei ami? " Fela'n ati a, Hmeichhenu chu kalo en chik ngang mai, a hleitlinga ahmel lah a ṭha vur bawk si, chutia ngaihtuahna ka hman lai chuan

" Ehe! " Thil hrechhuak thutin ka ti vak

" Eng nge " Mak ti deuhin min en ṭhap a

" Anih u " Tiin a chhungah ka tlanlut, ka treat ang che u ka tia ka ṭhiante ka ngaihsak leh tawhlo reng reng

" Lalthansang mawli " Miriami'n min lo melh rum lutuk, ka nuih tlawn tawp, bill chu ka pe fela kan chhuah hnuah pawh Miriami leh Dari an lungawi theilo

" Pawnah ka hmelhriat ka hmu a, duh aiin ka rei alawm " Ka ti deuh sek

" Fela kha maw " Bawihtei'n ati a, midang pawn min ngaichang ṭhapin ka hria

" Umm, min lo bia a rin aiin kan inbe rei a " Ka tih chuan 

" A hmelhriat ṭha lutuk pawh min2 bak a be ngailo " Tea'n alo ti khauh

" In in hria ami? " Ka tih chuan

" Ka cousin anih kha " A ti leh a, sawi vak tur pawh ka hrelo

" Eng emaw a awm deuh ani lo maw " Bawihtei bawk ani

" Awm maithei ani " Kam thlawn bat hi ka hreh thlawt a hei hian buaina eng emaw chu min thlen leh ang. Tlaiah chuan hna ban hma siin ruah asur tak tak a mahse, a sur tam lemlo bus pawh nghak talo chuan in ah ka hawng a, ruah lah chu tam silo in a sur renga boruak ati vawt ve suk. Eirawng ka bawl lai pawh chuan Fela alo la hawng theilo a, ka ngaihtuah tawh khawp mai nihliap min pe daih bawk sia ruah alo do hawng ang tih te ka hlau, ka call lah in a chhang thei bawk silo Eirawng ka bawl zo a awlthawng deuha ka ṭhut laiin Fela chu alo hawng veta

" I huh em? " ka ti a

" Huhlo, Seniori'n a nihliap min hawh a " Phur sarin ati a, ka hnual nghal rawih theiin ka hria

" I kawr kha a hnawm anih kha thlak thuai thuai rawh " Ka kalsan a, choka ah coffee ka siamsak Seniori atih lai khan ahmel anung sarha a hlim hmel bawk.

" Coffee hi kenglut rawh " Room ah alut tur chu coffee ka pe a

" Ka lawm e " Room ah alut nghala, ka lungawi lo ve ringawt chu zaklo ka inti, sofa ah ṭhuin tv ka en a ka tv en chu ka rilru ah alut lo. Kan ṭhian ho grp ah nimin a kan thlalak ho an lo daha, Lalai'n Fela eirawngbawl ka puih lai vel kha alo la tel chu niin chung chu ka en a, Fela'n Vedeo min laksak kha ka edit pah mai mai bawk, ka tlu tur min lo chelh lai vel kha ka cut daih ang ka ti ania mahse, a nalh ta phian sia ka cut duh talo. Sts ah chuan ka hmang ve chuai a vedeo pawh chu ka hmang tel, ka ṭhiante'n an view hmasa leh ber hlawma anva hman tak an buaiin an buai leh em em ṭhin tho sia. Fela chu room ah ala awm char char a, ka ko ngam silo akhat tawkin a room chu ka va en leh ṭhin

" Chaw ei turin ka ko dawn ani maia, thil sual ti tur pawh ka nilo " Keimah chu ka inthiam chawpa, chaw ei hun ani tawha athawm ala reh vek bawk si, a room kawngka chu ka kik dat dat a thawm a awm nge awmlo ka ngaithla nghal kar, thawm a awmlo a lut turin min sawm bawk silo. Tim daiin kawngka chu ka hawng a aroom chu a felfai thlap, khumah chuan alo mu zuar a eng nge ka hriat pawh ka hrelo ka pan hnaia 

" I van mu lai em em, zanah i mu thei dawnlo anih kha " Keimah chuan ka phun nuah nuah, ka en reng lai chuan alo meng siar siar 

" Sangi " ati tham chhala achil a lem khalh

" Englo...ih.ka lo lut ru lo ania aw, chw eiturin lo koh che ka tuma mi..min chhang thei silo a " Min ngaih dikloh ka hlau lutuk chu ka insawithiam nghal zung zung 

" Ka lu na " A phun sup a, rang deuhin a pang chu ka dehsak

" Ehe! I khuasik anih hi, damdawi ei rawh aw " Ka ti chul

" A vawt " A ti leh tawpa, puan awmna almera hawngin rizai pakhat kala chhuak a ka sin belh tir

" Nachhawkna chu kalo la ang " Ti a kalsawn ka tum chuan min chelh a

" A ngailo " A ti tlat

" Teh tlat che chuan i khawsik asan em hi " Ka vin leh hlak hlak tawh, ka hlauhthawn hian ka aw ki hi asang vak zel

" Nachhawkna eila i dam thuai mai ang " Min chelhna athlah hnuah nachhawkna chu kava la a

" Damdawi mum kha i dawlh ngamlo ami? Ka chhut dip sak ang che aw " Damdawi eitir ka tum a damdawi ahmuh chuan aner nang

" Chingchengnu " A ti leh hluk a, Damdawi mum dawlh ngamlo nih chu a duh lo ve khawp mai

" I thluak i hmang nasa lutuka chuvang aniang, hahchawl la buhhawp kalo siamsak ang che " Ka tih chuan lu a thinga

" Reilo te ka mu anga, chaw kan ei dawn nia i rilṭam leh min lo eisan rawh " Ati a amu ṭha sawt sawt, a chal ah ka dawmsaka fiah zeta min en kiau avang chuan ka lai leh deuh

" Mu..muhil rawh " Ka ti bah niai, min nuih sukin amit a chhing a, a mit achhin hnu chuan khawdang hawi thei leklo in ka en vang vang, kan in hmuh tirh ang chiah khan hmelṭha kala ti reng. A muhil harlo a amutthilh hnuah room chu ka chhuahsan ve chiah, bet lo zetin ṭhutthlengah ka ṭhu a ka eng tihmah anuamlo.

Cont..