Damdawia-Chapter 10

 Puii'n min hawn pui a, ka kut chu atur ve et et mai anat leh nat loh min zawt sek a, ana chu ka ti duh biklo 

" Engtin nge i in sah theih reng reng, sah tur dawn atam tehlul nen " Ulawma'n ati a

" Luang ka sah chhumna zum kha ka chum alawm, khavang khan chem ka hum nghet thei tawhlo a, ka thiamloh zawngin ka sat a. Engtin nge ka kut ka sah dan pawh ka hrelo " Ka ti niah niah a, ka kut chu ka melh duh tawhlo hrim hrim 

" I tuarchhel ka ti dawn nge, i a ka ti dawn che pawh ka hrelo " Ati leh hluk a, a hlauthawng tih ka hre reng

" Ka tuar ta sa sa, I tuarchhel min ti rawh u " Nui sang chungin kati a, ka kut ka sah avang maia thinrim kher ka tumlo emai, anni pawh annui ve tho, kan inah pawh lut kawilo chuan sub centre ah kan chho a, ka nau chuan min han dim ve em em khawp a, min kal pui dem dem a chu chu ka ngaithei leh lo 

" Ana tuar zawk ang mai, ti dem dem khan kal suh kal chak ang " Min kai a, akalmuang lutuk chu ka lo ning 

" Mi bumro inih hi, ka ngaihtuah che a ka kal chak pui ngamlo che alawm " Ati hlak hlak a, min ngaihtuah tih ka hriaa ka inthiamlo ve deuh mahse, akal muang lulai em alawm 

" Kal chak ang, thlen thuai thuai ka duh " Tlem chuan akal chak ve deuh a ka duhdan la nilo viau mahse, ka sawi buai tawh biklo min tihdan vel chu hliampui tuar te pawh ka ang dawn alawm le

" Inva lo hawng hm.. " Damdawia'n min hmuh rualin alo ti hluaia mahse, asawi zo hmanlo ka kut ahmu ani chek ang chu min lo buaipui nghal a, Nu ho anlo awm a an tam lutuk lo, naute vaccine an laktir aniang, achhan min lo zawt ve nghal chul hlawm a, Ulawma chhanah kan dah

" Iva hnaisai lo ve, nangmah leh fimkhur hi chu a inhlat ve ngawt mai tiraw? " Ana em? te atih ve ka ring ania, a thinrim zawk daih amaw ni

" Kan la laklawh sia Nathan, ka kalsan leh mai ang aw lo buaipui lawk mai rawh. Ahliam tih loh amah chu aharh ṭha khawp mai " Ka u in ati leh kher chu ka phun hlak

" Puipui, nang chu lokal ve tawhlo mai rawh " atih hnuah ka u chu achhuak leh nghal a, nu ho pawh chuan nuam anti vaklo nge ' kan hawng ang e ' anti a anchhuak zui ve nghal diak a, apawi tawp lo nu ho hi chu ka hlau riau, CCTV vek anni hlawm a

" Mahni kut lo sah tur atam dawn nen, mahni han insah leh ṭalh chu " Ka kut tihfai pah chuan ati leh ṭhin a

" Ka duh avangin ka sat bik hleinem mawle " Ngawi reng ta biklo chuan ka chhang ve ta nge nge 

" I va han turu tak, i kut phah pilh nuai te hi engtin nge itih bik " Ka kut phah enkual pah chuan ati leh a, ka thin atirim tak tak tawh 

" Lalruathlu, duh reng avangin ka inhliam biklo aw mahni tawkah midang min buaipui duh loh naklaiin, min hauh reng a " Ka ti ṭhat a, aphu deuh zawk lehnghal nep lutuk mai 

" Ka hlauthawng deuh alawm sorry " A inthiam loh hmel tak tak, keipawh ka vin leh chiam chu ka inchhir leh hnuhnawh, hlauthawng viau mahse, min hau kher lo se chuan ka vin miahlo ang. ka nui a, Ka rilru hi chuan engtik lai pawn ka lam aṭang ṭhin, min ṭan vat zel inthiamlo ru viau mahila inthiamchawpna tur min hrilh leh ṭhin 

" Hlauthawng pawh nila min hau mawlh mawlh a, ka duh avanga inti na pawh ka ni bik hleinem " Ka ti leh ṭalh a

" Ana em? " Alo tih daih avang chuan ka hrilhhai deuh a, ka chhan mai loh avang chuan min lo en 

" Na vaklo e " Ka ti ṭiak

" Ala na dawn chauh, nachhawkna in ka chiu ang che chuan, i sah na hi akak zau deuh a, kan chilh angai maithei" Min van thlamuanlo tak, chilh atih chu ka huphurh lutuk ringawt 

" Chilh kher lo in ihhh, chilh kher angai ami? " Ka ti deuh nak nak a

" Kan chilh khan adam hma dawn a, apun lo bawk ang " ka huphurh tak tak ani, Pathian zarah hetiang hian kala awm ngailo chemte a inzai te chu ka nei fo mahse, tlem te akak tih chauh kha ania 

" Mahse " Ka la ti ṭalh chu hmuhnuam deuh in min nuih a, ka hahdam phah chuanglo e a, Puii alo lut ve leh chiah a engtik laiin nge achhuah pawh ka hrelo

" Ilo chho chu atihzia, tui va chhuang lawk ta che, i u kut hi a kak zau deuh a kan chilh hlek angai dawn " Atih chuan Puii alo meng deuh kawk a, chute hlei hlei chuan min ti huphurh, Aw le tiin choka ah aphei a

" I hlau ami? Hlau suh i vun achhah lo a ana lo ang " syringe ah damdawi athun mawlh mawlh a, a chevel chu hmuhnawm ti zetin kalo en thung, ati ṭhang tawh tih hriat takin azei em em mai ani 

" Ka banbul ah ti mai rawh " Nachhawkna min chiu atum a, ka mawngah ati kher anih chu awii ka duh teuhlo mai ka mawnga min chiu ai chuan nachhawkna tello in ka tuar mai ang

" Banbul chu achi loh, mawng angai " Ati tlat bawk si, Choka aṭangin ka nau alo nui hawk hawk a, ben ka chak zia chu 

" Chiu tir mai rawh, mawng chu ka duh lo emai " Ka ti chul a

" Hlim tam angailo, bawkkhup rawh le anih loh chuan i kut ah khan bawlhhlawh te alo lut ang " Dam dapin ati leh a, hnial reng chi ni heklo hreh zetin ṭhutphah seiah chuan ka bawkkhup riai riai a, min lo pui vat bawk ka kekawr ka pawhthlak theih loh avangin amah chuan ati a, ka ṭang deuh ṭungin ka hria

" i mitchhing rawh " Ka tih chuan Damdawia anui hawk a, keipawh ka nui tho 

" Ka hlim tamlo ka tih kha, ṭang ṭung lo in inthlahdul rawh" a chiu na lai tur chu anem dan dan a, ka ip chawih thei, he hun hi hriat nawn leh ka duh tawh miahlo ang ka zak lutuk, zah avanga thih theih nise kuangah min khung tawh ang 

" I mawng chu anem hle mai " Atih leh kher chuan ka inpetruh fan fan a

" Ṭang suh ka tih kha " ati hluai a, ka inthlahdul leh nghal 

" Tinge min fiam reng, i sual emai Lalruathlu " Ka ti deuh ṭiau a, ka awmdan hi ka in eilo vel tawp

" Ka fiam tawhlo ang che " Nui vur vur chungin ala ti tho mawle keichu ka nui duh tawh miahlo, ka kut a chilh laite chuan ana ti ve tho mahila thawm ka chhuah lo hrim hrim, min melh leh zeuh ṭhin pawh chu ka hrelo der hmaks zel, ka kut atuam zawh hnuah kan inah ka chhuk nghal daih a. Kapu ten min lo ngaihtuah khawp a anat leh nat loh min zawt sek mai, mahnia thil tih zung zung ka harsat deuh avangin Puii'n min in bualpui a. Ka ṭhiante chanchin ka hrilh hnuah ka mu daih ka kut chu avung deuh lak mai, phone khawih pawh ati harsa alawm le. Remlo zetin phone ka khawih tho a Damdawia'n sts alo nei ngei, rama kan kal hnu lawk ami ani nghe nghe, a sts ka en chu lungawi lo tak ka ni. Naute bawkkhup a ka mutpui lai kha alo hmanga ' Ka duhnu ' tih caption in pangpar emoji adah tel bawk, ava chak dawnlo tak, ' Damdawi i nghal emai aw, ka zak ve tho ania 'a sts chu ka reply a, alo online teh mial ka msg pawh chu a en nghal a

' Ka duhnu alawm ' Emoji nui vak vak lai adah tel a, asual e

" Nangchu i sual emai, vawiin hian nasa takin ka lung iti awi lo " ti a reply in emoji thinrim lai ka dah tel tuar bawk

" I puak pawp ang e, insum rawh mawngno " alo ti zet chu ka thaw asa pap pap in ka hria, chhan pawh ka chhang let duh tawhlo e a, ka zak zual tulh tulh dawn. ka kut chu thla la in ka sts a ' Zahna bulṭanna ' tih caption in thuziak pangai ka sts leh a ' Nasa tawkin ka lungawi lo ' ka ti leh, phone hmet thimin ka mit ka chhing nghal vang vang, Nachhawkna avang nge ka taksa na ṭhum vang pawh ka hrelo ka mut achhuak viau a, ka taksa na vang chu anih ka ring leh silo Nachhawkna avang kha ani ngei ang  

Kut anat chuan chet kan khawr vek a, anuam lo tak tak ani, kanu te anlo hawng a an intihfai zawh ah chaw kan einghal, ka kutna lam ka chaw eina anih avangin fianin chaw ka ei a eitam chu har tak ani. Ka kut nat loh lai pawn chaw eina tihfai vel min phut ngailo a ka kut ka tina phei chu min phut lo tak anni, lehlam zawng tak chuan anuam kanu takngial pawn min ngaihsak vel lutuk a. Dar7 velah ka ṭhiante anlo lut hlawl a sitting room ah TV en in kan lo ṭhu ṭhap min hmuh chuan kawngka bulah an ding ṭhap 

" Pangai deuh khan lo lut ru, kawngka bulah ding ziah zel suh u " Kanu in alo ti hmasa leh ber a, keipawh ka ding nghal zat ka ṭhiante chu pan in 

" Inva lokal har ve " Ka ti a

" Kan hman ve chiah alawm " An ti ve niah niah a, room ah kan inzui lut dial, ka kut chu ka hmuh a min tuarpui ve nghal em em a, kei ai mahin na anlo ti zawk an over ve e

" William ṭhen reng suh, keiman alawm na tuar. na ber awm a ilo ṭhen reng " ka tih chuan kan han nui leh hrih, Vawiin thil thleng vel ka hrilh zet chu an khek tuar tuar mai, keichuan kala nuihpui theilo ka la zak chem chem thei 

" Damdawia khi anghal reuh lutuk " Zoremi'n nui hak hak chungin ati a, kalo thlawp khawp mai, ka ṭhiante chu dar9 velah an hawng a, mut nghal mai ka tum a mahse, phone chu ka khawih leh tho Damdawia msg alo awm a

' I khuasik em? " Tih alo ni 'Siklo ka ṭha ' ka ti let a alo online nghal va va mai 

' Aṭhat chu mu hma rawh ' alo ti leh a ' Aw le, muttui ' ka tih leh zet hnuah phone dahin ka mu a, ka khuasik lo ka ti naa asik dawn a ang ka awmdan hi ka lu arit deuh bur bawk si, nachhawkna ei talo chuan ka muhil tho a zanlai ah chuan vawt ka tih avangin ka harh a Ka khur nasa mai, kanu ka auh chuan ka aw aṭial ruai a aringlo bawk si, ahriat pawh ka rin loh laiin kanu chu room ah alo lut a, min hmuh chuan ka tlun tih ahrethiam nghal aniang damdawi bawm ahai nghal rak rak, a awmdan chu tho phang pawh a anglo. Nachhawkna min eitir a puan min lo sin belh tir bawk Nu te chu nu te nge nge min hau reng ṭhin mahse, ka mamawh lai bera min ngaihsak ber tu ani leh tho. Nu hmangaihna hi chu aril ani, ka taksa ache dar dar reng a chet loh tum mahila ka che tho 

" Hlauthawng suh, nachhawkna in achhawk mai ang che" kanu aw dam dap ka hriat chuan ka thlamuang suai suai thei

..

" Chhehchhawlnu chu ala mu elaw " Damdawia ṭawng ri ka hre ruai ruai a, khua alo var vek tawh a ka taksa chu sawisak hrep ang im ana vek mawle, puan ka sinthuah ṭeuh pawh alo awm tawhlo a, kanu'n alo dahfel tawh aniang tih vel ka ngaihtuah laiin Room kawngka alo inhawnga Damdawia hmel fai sar leh nung sarh ka hmu nghal 

" Dawt min hrilh ani maw " ati thum deuh bal a, ka mutna sirah alo ṭhu thla zat 

" Aih, zan laiah ka tlun vangin ka harh zawk " ka ti tham ṭiak a, zingkar kar a inhmuh nghal chu azahthlak dan achiang 

" I taksa ana vek lo maw " ati sup a, ka kut na lam chu alo ban nghal zat 

" A vung chu azia deuh hi " Thlek kual pahin ati a, athlah nghal mai dawn emaw ka tih laiin ka kut la hum reng chungin amalchungah anghat a 

" Khawl khawih pui ila apawi lo ang tiraw " ka tih chuan alu athing a

" Ana tawhlo a, avung tih loh kha chu " Luhlul zetin kala ti hram a, ka chal alo tawk zeuh 

" Adam chian hun nghak rawh " Ati nghat a, ka hnial tawhlo kan awmdan hi ka hrethiamlo. Angaihsakna dawn chu thil nuam tak ani tih erawh ka hria, rei awmlo in min chhuhsan a, kanu te lo luh avang ani pakhat. Ka thawmhnaw hnawng chap chu ka nau in min thlakpui a, ka thlanrim chu arimtui viau lo, heti chung hian Damdawia khan min la ṭhut hnaih em em zui ngaihtuah chet chet in ka zak leh chem chem mai.

Cont....