Damdawia Chapter 12

 " Tinge pheikhawk ilo bun loh " a bul ka thlen rualin Zoremi'n min sawi deuh nawk a

" Aw, ka en ringawt dawn a pheikhawk lo bun te chu " ka tih chuan 'hmeli' tih melh in min melh, anlo la khel ṭanlo Damdawi ka hmu langsar ber 

" I va han over tak " Paviilian ah kan ṭhu phei a, Kapa te bakah Hruaitu te anlo awm ve bawk 

" Hmeichhe lam khan beng hmasa rawh se, an in daih loh chuan mipa khan telpui ula " Pu sanga chuan ati lauh lauh a

" Kan in daihlo lo tel ve rawh " Asawi har ka ti tawh reng a, ka lu kalo thin khum na na 

" I mak ve e, ilo tel loh chuan amah avang ah kala ngai reng dawn nia " Atih chuan ka melh rum a, Rsa vang chuan ani tawhlo ka chak lo hrim hrim 

" Zoharh, i tel dawnlo ami? " Pu sanga bawkin ati leh a

" Tel dawn, Tluangi hi alo tel ve duhlo a " Zoremsangi mai mai hi aw

" Ni tak e mawle, Tluangtluang ahma pawn ati thei pawl i nia, i ti duh tawh ngailo a zu tel leh rawh khu an in daih lo" Chanṭha inti zetin Zoremi' n min melh a, kal kala tum chuanglo mahse, kapa'n ' Mite phurna siamsak hi aṭha, tel rawh ' Min tih avangin ka ding ve ta nge nge 

" Nufa thum a ṭan ho vek chu " An tih avangin keichu kanu te tel lohna lamah ka phei a, Hmeichhia kan indaih loh avangin Mipa in min luhpui bawk. Ka ṭanna lamah chuan Rsa kher alo lut bawk a, mipa ho in min en deuh ṭhap chuan zam hi ana duh ve a. Kum khat dawn ball ka beng tawh ngailo a, ball reng reng chu kala fuh hleithei lo a

" Ekhai! ka fanu kha ṭang rawh " Kapa chuan uang zetin alo ti ṭhin a

" Nanun, hlap rawh le " Rsa'n min set chu pangai deuhin ka vaw ve a atla ve ngei bawk, Rsa'n akut alo phar chuan nui var var chungin kalo khawih let ve a

" Aw, Avuak dan chu ala dik anih kha mahse, ball khawih ala diklo " Pu mawitea'n alo ti hlut a, Zoremi pawh kan lam ni silo ka hlap tlak chuan akut beng ring ring ah alo ṭanga, Bawrhsaibea te pahnih pawh anlo ri hlut mai. Pu sanga pek chuan ' inkhel dun zing ṭhin bawka inla in man hle mai' ati hram a, an hrechiang hlawm viau ang chu. Miin anpeih loh chang pawn kan pahnih lek khan kan ti ve char char zel Nunhlui bawk chu a, ka hawikual chuan Damdawia'n tak deuh runa kan lam alo hawi reng chu ka hmu a, ka nuih chuan min nuih let ve miahlo hrilhhai zetin ka hawisawn a. Atir ai ngawt chuan ka ball khawih pawh adik ve ṭan a mahse, adik lutuk theilo. Lehlam in ball an lo hlap a alet leh rualin ka 'Ai ah ' nghal ṭhawt a, ka hnar hupin ka kun nghal, min lo buaipui sawk sawk hlawm a, Net bulah ka ding a Center ah Pari ṭhiannu Hlui ading bawk anlo hlap khan alo hlap let veleh ringawta keimah zawk min fuh ani. Ahnai bawk a na tak ani ringawt

" Ana em? " Ka hnar ka hupna lo khawih ve paha titu chu Rsa ani, min buaipui lutuk chu zah lamah akal zawk, Hlui chu hotute'n tihdan anlo hrilh mawlh mawlh a, lehlamin an vuak hian ahniam leh hniam loh lam ngaihtuahlo in an vaw let ve ringawt zel, ka thinte arim dawn dawn alawm 

" Chuti em em in ana dawn ami " Ka piah deuh aṭangin Pari'n ati lang lang a, ka chhanglet duh lem lo 

" Lokal teh " Ti pahin Damdawia chuan min kaisawn a, court chu kan chhuahsan Williama ten min lo buaipui ve bawk a, Zoremi pawh alo phi leh sek tawh

" Ana viau em, Ruatzeli hi chu lehlam in an vuak hian alo vaw let ve ziah " Zoremi chuan ati hlak hlak a, Chair ah min ṭhuttir bawk 

" Ana lo ti ila ana ve reuh ka hnar hi " Ka hup na chu kala sawn ve chiah a, kanu leh ka nau pawh an lo kal hnai 

" Athi ve hlek anih kha " Kanu chuan ati mai a, ka kut en ka tum chu Damdawia alo hum bo daih a

" Zoharh, lut ang u mipa ho in khelh an duh ve sia. Atlai zel" An lut leh diak hlawm a, anat leh nat loh min lo zawt ve liam liam a, anat loh thu kalo hrilh ve zel kapa chuan ' I ṭhiante iti hrilhhai alawm ' ati a, ka duh vang reng ani tawp silo a, ka lungawi lo lek lek ani, ka kut laksawn ka tum chuan a hum nghet sauh a

" Tinge? " Ka ti sep

" Ikutah thisen akai a, i hmuh chuan i lu ahai leh ang " ati dam thlup a, min ngnaihtuah ve lutuk chu anuam kati

" Ka enlo mai ang " Tiin ka kut chu ka lasawn lui a, alo thlah ve mai, hnaih vak ka duh tahlo 

" Kha silfai rawh " Khawia tui nge alo lak pawh ka hrelo, engmah sawi buailo chuan ka kut chu kalo silfai a, ka hnar pawh ka tuaifai thuak, ka bulah chuan ading ve reng a. 

..

" Nathana nen hian in inngaizawng ami? " Kanu chu ka melh ha mai, Choka ah ka nau leh kanu kan awm a, salad tur zikhlum ka chan

" Ngaizawnglo e, tinge?" Pangai deuh chuan kati mai a, tunlai tak phei chu hmuh loh hram tumin ka pehhel ve nasa lutuk

" Miin an sawi duh riau che a, in inngaizawng lo anih chuan hnaih vak suh, keichuan Makpa hausa leh sawrkar hnathawk aiin ka fate in hlim leh inzahawmna ka ngaipawhmawh zawk, minu te ang a fanu te zahawmna tlahniam rawk khawpin hna nei biakṭhat ka duh velo mahse, inlo inngaizawng anih chuan engmah ka sawisello. Intana ṭha tur inhria a inrawlh vak ka duhlo bawk, in in ngaizawng lo anih ro ro chuan biak dan tawk thiam rawh " Ati ve malh malh a, ngun deuhin kalo ngaithla ka hlat tum lai tak ani bawk a 

" Aw le " Mite hian min sawi har ka ti zawk, mite sawi nih hi ka duh ngailo a mahse, aṭhen te hi chuan ka awm mai mai lai pawh mi sawina tur anhria. Kan chhungkua phei hi chu min er tu an tam a, ṭha deuha min be si chhe deuha min chhuah leh tawk te pawh an awm

" Unathana pawh hi alo tla thla khat, inleng anei ve reng ṭhin " Puii'n ati a, inleng anei ṭhin tih ka hria nu ho te pawh an leng lut nawlh nawlh mai, Damdawia lah kawm nuam leh ṭawng duh ve tak ani a, biak nuam chi tak ani bawka. Pari te ṭhian ho pawh an leng zing ṭhin khawp mai, hmu ngailo mahila ka hre vek zel, hriat loh karin amah bawk kalo ngaihtuah leh veng veng zel a, ka awmdan hi ka duhdan ani miahlo. Thil dang dang sawiin kan titi ve luam a, Zoremi alo lang ve hlawl 

" Chanchinbu hi min lo sempui lawk teh, i buai loh chuan" ati a, kanu chu adil chhunzawm bawk kanu pawn alo phal ve mial a, room ah kekawr tlawn ha in kan inzui chhuak 

" Chanchinbu pi ini leh tawh ani maw " Ka tih chuan aner nang a, achang chuan aninawm ve ṭhin viau ang 

" Damdawia chu " atih hliai a tun ang zingah vengthlang lamah ka hmu nawlh chu amak ve deuh alawm, hmuh loh der chi anilo kan intawk chiah chiah a

" Eng nge intih dawn a " Ati sup a, Zoremi zawkin achhang keichu keimah lo ang takin ka ngawi ran a, min melh leh zeuh ṭhin

" Eng nge itih zawk? " Zoremi'n atih chuan, mi a chiu zawk thu asawi a, lo betu dang an awm avangin kan kalsan 

" Tinge i ngawih tlat a " Min zawt har kati reng a, Zoremi engmah ka hrilh velo, ka hrilh duh loh avang lam anilo a. Hun remchang a awm loh avang zawk ani

" Aw, nangman i chhang veka lo sawi vena hun pawh a awm loh kha " Nui hak chungin kalo ti a

" Tunlai tak hi i danglam aw, Rsa nen in inṭhen ṭan tirh ang khan i awm " Keimah ai pawhin ka danglamna ahre zawk ṭhin, asawi dik ngeiin ka ring bawk 

" Damdawia hi ka hnaih vak duhlo, inlaichinna siam ka duh tawhlo tih i hria tiraw? " Ka tih chuan min en a

" Damdawia nen in inkar ah thil thleng a awm emni? " Ati chat, nung ve huat huat si hi thil hi a man chak a, ahrethiam viau zel bawk 

" Chutiang a awm lemlo, min hnaih a mahse, a awmdan hi ka hrethiamlo. Tunlai ka awmdan hi chu amak ve hrim hrim " Ka ti nawi niai a, min hnaih thu asawi a Pari hnenah achunga kan ṭhat avang chauh niin asawi bawk. angawih chhung ka ngawi thei a, asawilo anih chuan ka ngawi ral thei, laklawh nun hi ka nin ber ani.

" Aduh che a ang ka ti ṭhin mahse, ani pawh hi arilru abuai ve viau maithei ani " Kalo thaw halh ringawt, achang chuan natna tuar hrep tawh a ang kati ṭhin tu emaw avangin alo na viau tawh pawh ani thei, chutiang anih chuan keimah ang chiah hian hmalak ahreh dawn a. Nun laklawh deuh ahmang ve maithei

" Ubeth, chanchinbu " UBethlehemi tein ah kan lut a, UBethlehem tilo in UBeth kan ti mai ṭhin, hming lamtawi hi kan uar ve hrim hrim anih hi 

" Aw le, Dawhkanah khan lo dah rawh " Ati zang vah a, Alo inṭhui mawlh mawlh abuai ve hmel viau, Zoremi'n ' tui kan lo in ' tih pahin fridge a hawng nghal a, keichu Ubethi bulah chuan kava kal 

" Ilo tel ve ani maw, atih zia hlauh, in monu kawr saw hawnsak rawh, pawisa min pe tawh " Ati zung zung a, Umary chuan arukin alo ṭhui tir ani maw, ka haw lemlo ama pawisa a hek daih zawk

" Aṭhui tir che ani maw " abul chair ah chuan ka ṭhu a, din reng thu awmlo 

" Nia mawle, ahmanhmawh ang reng sia, nangmah ṭhui tir la kalo tia, aduh bawk silo a. Ṭhui tur ka ngah ve sia maw, nimin ah ka zo ve chiah " Ṭawng duh ve deuh mai hi ania, misual ani lem lo mahse, fimkhur chu angai ve aṭawng duh ka tih kha

" Anih chu, ka kut kati na a ka ṭhui theilo a " Ka ti khawmawia

" Arel nasa che u ania " Nui hawk hawk chungin ati a, ka rin sa alawm mahse, hriat kher ka duh lemlo

" A luangliam anih chu" Ka lo ti mai a, Zoremi'n kal tawh ang alo tih chuan ka ding hluai a, Ubethi'n kawr chu polythin ah khungin min pe a, kan in lam pan in kan chho leh hnak hnak, in kan thlen chuan Umary awmna ka zawt a, kanu'n an room ah a awm thu alo sawi a, ka lut ve nghal. Amah chauh in alo awm a, chu chu remchang ah la in 

" Kha i kawr ṭhui tir " Ti pahin khumah polythin chu ka theh thla a, ahmel pha dai chu ka nuih a

" I kawr ṭhui tir avang khan ka lungawilo anilo mahse, kan chhungkua midang hnena min rel ṭhin hi bansan ang che, ka u nupui ini a ka zah bawk che mahse, nangchuan kanu i rel chamchi a keini lah kan banglo, Midang hnena min rel reng hian keini nilo in nangmah i in ti hniam mai mai ani, fimkhur bawk rawh mite hian isawi zawng zawng kha an zep lo, kan hre leh vek zel aw. 'Ka chhuak dawn tawhlo Lawma hi in leh lo changtu tur ani tho, anla hre mai ang ' itih pawh kha ka hria ania, sawi vek duh ila i pasal hian aṭhen ang che, ka dam ve chhung chuan kanu leh pa te hi i ti duhdah mai mai lo ang " Ka ti khawl khawl a

" Tun chiah ka ngawi tawh ang, i mi relna ka hre leh anih chuan chhungkaw darh huamin ka sawichhuak ang, hmeichhe ṭha in chhungkua ahui khawm a, hmeichhe ṭhalo in chhungkua ati darh ṭhin " ti leh hmakin ka chhuahsan a, kan fel famkim kati lo heti khawpa nuamsa hian tu mo mah an awm biklo

" Khawnge in awm bo vek, Sub centre kawta thawmhnaw khi han seng rawh " Khua adur khui khui a, thli athaw deuh vuk vuk bawk, kanu chu aphi leh chung tawh mai. Hmanhmawh deuh chuan ka tlan chho nghal a, kan thawmhnaw bakah Damdawia thawmhnaw pawh alo inzar a, amah lah alo lang mai bawk silo, thawmhnaw ka seng vek a Damdawia thawmhnaw chu dah lut turin inchhungah ka lut a, alo reh ṭhap mai 

" Nathan " Ka ti a, Bathroom ah thawm a awm rak rak a, ka auh na chu ahrelo ani maithei, thawmhnaw chu ka dah a, chhuah leh mai ka tum laiin, am zetin ruah alo baw hawk a, kal luihna chi pawh anilo. Bathroom kawngkhar a in hawng a, kawngka bula ka ding min hmuh chuan ameng ve dawrh mai. Min beiseilo tih hriat reng reng keilah thawmhnaw ka pawm bawr ṭun bawk si, Kan awmdun thei lutuk te hi Pathian remruat nge setana duhdan pawh ka hrelo e a.

Cont..