Damdawia chapter 13

 " Thawmhnaw min lo sengsak elaw " Ruahsur arin avangin ani pawh aṭawng ring ang reng a

" Umm,, ilo ngaihven silo a " Ka ti let lang lang

" Duh hun hun ah athawh tawp theih siloh a " Nui suk suk pahin ati a, keipawh kanui tho ṭawnglo chuan kan awmdun reng a, sawi mai tur ka hrelo ani, ruah lah chu ka dinhmun min dawnpui lek lo in abaw hawk hawk a

" Lo ṭhu rawh, i thawmhnaw pawm te kha dah thla teh " A ngawi thei ta ngang lo nge, aṭawng chhuak hmasa ah aṭang a

" Ka hawng duh alawm " Pawnlam thlir dauh dauh pahin kati a, Kawl lah chu aphe zuai zuai bawk si khawpui ari dur dur bawk a, avan hunlo famkim tak

" Lo kal mai teh " Atih leh takah chuan ka thawmhnaw pawm ṭun chu ṭhutthleng ah ka dah a, ka ṭhu thla ve nghal thak, in ep chiah in kan ṭhu a sawi tur avang ta lutuk chu amak e, Ka nauin min hmu se mak ati ang chu aw, kei takngial in ṭawng tur ka hrelo chu amak ve alawm. Khawpui ri leh dur dur ṭhin chu hriat nuam kati lo lutuk, hlau deuh anga lan ka hreh ve bawk si, ka ke hlang chho in ka pawm bet ṭat a. Chutih laiin current ala thim zui

" Athim daih " ka ti chuai raih a, dawih vaklo mahila khawpui leh kawlphe bakah athim ang reng si mahse, thim over chu anilo min rap deuh, Damdawia chu atho nalh a, khawnge akal dawn tih naklaiin ka bulah alo ṭhu tharh

" Hlau suh " Ati sup a, ka khup ka kuahna kut chu alo hum zeuh, mak ti zeta ka en chuan ka lamah alo awm hnai a, ka beisei loh deuhin ka hmui ah alo fawp anih chu! Ka meng kawk a, Ruahsur bur bur te chu areh ṭhiap ni maiin ka hria, min fawp reilo a in la hrang leh thuai a, achhan zawh ka duh mahse, ka kha a chih a ka ṭawngchhuak thei mailo. Amah zawk chuan a aw athian kharh a

" Ka duh che " A aw chhuak chu anghet charh a, mak tihna in min deng dawt dawt reng anih hi, min duh chu ka ring ve ṭhin mahse, ka chiang ngamlo a 

 " Englo " Sawi chhunzawm lo in ka ngawi leh hrih a, ruahsur vanga boruak dai seng seng chuan ka zamna avanga ka taksa sa pap pap chu ati dai hleitheilo

" Ka hnaih chakna che arei tawh mahse, ka hlauthawng ve tho a " Atih chuan zawhna ngah deuhin amah chu ka en ngar a, ka biangah piai hlekin anui a 

" Ka la chhang miahlo che " Ka tih chuan anui chhuak hawk a, Ruahsur pawh azia ve ṭan tawh 

" Min chhang dawnlo ami " Min hnaih hretin ati a, amah melh chiah ngam silo in ka mengkual ralh ralh a

" Rin aiin i lai hma " Ati kher chu ngei zetin ka melh nghek a

" Ka hawng dawn " Ti pahin ka ding hliai a

" I titau ami? " Nuih insum zetin ati leh hram a

" Titau mai mai lo aw " ka ti vak chu alawm zual ting

" Engtik nge min chhan dawn " Atih chuan chhan mai dan tur ka hrelo, inngaihzawnna hi chu chuti maia chhan nghal rup rup ka duhlo, kan nun pum nghawng thei thil ani ve tlat a, ngaihtuah chiang lo a chhan chu nakinah inchhirna tur a awm palh ang 

" Kan chhungkua in kan lo inrawn ang " Nui chungin kati a, ahnar atum dat thung

" Min fiam lo teh " ati ve hmuk a, athinrim tak tak lo tih ka hria

" I hlauhthawnchhan chu eng nge " ka tih chuan amitmeng adanglam leh zawk tawh mahse, areilo 

" Min chhan hunah le " Ati ve tlat, ruahsur abang tawh bawk nen hawn mai chu aṭha kati

" Kalo in ngaihtuah ang " Ka thawmhnaw ho chu ka pawm khawm leh ṭai a, ani pawn min dang bik lo 

" I thawmhnaw seng pawh chu iva rei em em ve " Ruahsur nasatzia hre ve reng si

" Ruah alo buak huk kha, Damdawia thawmhmaw ka seng tela ka dah lut a, Ruahsur in min dang alawm " Uar zetin ka ti a, engmah asawi zawmlo. Khaw awm dan chu anuam chiai chiai khawp mai mahse, current hi ani Ruahsur te hi duh ve mahila kan current hian a support lo a, chil per pawh hian ati chhe thei chutiang vel chu ani. Zing chaw kan ei laiin kapa'n 

" Tlai aṭang chuan ball beng tawh su, hunpui a inṭan dawn tawh " ati a, kapa hian Good friday hi a ngaihlu a, hunpui thlen dawn hi chuan inhlawhna ṭha tak nei mahse, ati ngailo a. Thildang nen a chawhpawh hi aduh ngailo a, good friday chiah lo pawh hunpui leh kohhran programe hi chu inthlahdah aphal ngailo, keimah bawk hi ka buaithlak a, Good friday kar kha zantin ṭawngtai inkhawm ania vawikhatmah ka la inkhawm velo. Zanin chu inkhawm angai ve tawh ang

Chhunah ka mu a, ka mut hmain Damdawia'n min lo be zawk phone battery ka ui avangin data ka off a ka mutsan daih, ahaw ve viau maithei ani. Min bem na chu engtia chhan tur nge kala hrelo a, Zanah ka mawlpui te anlo leng dawna an thurawn kala ve aniang chu, ngaihzawng neih mai chu ka zuamlo ti ila ka sawisual kherlo ang, Rsa ang kha ani ve kherlo maithei mahse, eng emaw avangin min kalsan ve leh thei tho a, chumi hunah chuan ahma anga ka natna kha tuar leh tur chuan ka zuamlo ani, Anat dan kha thu in ka sawifiah zo lo. Ka nau ṭhiante ṭawng hlut avang chuan ka harh a, ngei ru viau mahila ka hau lemlo mut hmunah an titi chu ka ngaithla a, tleirawl nuih duh vanglai an hmang ve mek bawka an nui leh her her zel 

" Awi, ipa hi chu a strict si " An ti leh ṭhin a, Puii'n zu kal ru midangin anti dawn tho alawm atih lahin an duh silo 

" Hunpui zawhah zingah te nam zir ila, nimin a Uduata'n Finger print min zirtir pawh kha ka hlawkpui lutuk " titu chu Kimkimi ani in ka hria, ka insum hmanlo room aṭangin ka nui phuh ṭhawt a, pawnah an nui bawk Fingering tih atum ani chiang mai

" Utluangtluangi pawh chu amuhil emaw tia " Nui uar uar chungin anti a, ka la nui tawp theilo

" Khawnge Tluangi " ati dut ri ah chuan ka nui tawp chawt 

" Room aṭangin alo nuih uar uar chu " Puii ten an ti a, keipawh rang deuh in room aṭangin ka chhuak a, Damdawia chu alo ding ran a, Kimkimi chu la nuih vur vur chungin

" Kimkim, ka sawina apiangah ka zep ang " Ka tih chuan aduhlo lutuk 

" Utluangtluang, i sual emai aw " Ati nui nui a, Damdawia ka ngaihven san daih 

" Choka ah kan ṭhu dawn mi? " Nuam atih ka rin loh avangin kati sep a

" Apawilo " Atih hnuah amah chu akal hmasa zawk a, Kimkimi chu ka nuih lui leh kher a

" Eng nge inuih chiam " Atih chuan, Kimkimi thusawi chu ka hrilh a, ani pawh anui ve hak hak, Dawhkan kilin kan ṭhu a, Sawi tur hi avang ṭhin 

" Thingpui i in duh em? " Ka ti a, ka ṭawng loh chuan ṭawng atum bawk silo 

" Lum la " ati sup a

" Ṭawng vela i ngawi ngul ngul bawk si " Ketli chhuankai pahin kati hlak a

" Ka lo biak veleh che i offline hmak a " Alungawi loh ka ring reng a

" Ka phone battery ka ui alawm, kan in hnaih tho a " ka tih chuan atum deuh bur a, alawmawm reuh lutuk emai, ti te chuan engtin nge ka hnar reng theih ang 

" I sualthiam riau mai " Ati nghut a, kalo nuihsan a 

" Zanah inkhawm ila " Thingpui aso a, ka siam pah rak rak 

" Aṭha alawm " Inkhawm apeih reuh lutuk, Pathian ni ah a inkhawm ziah a, zan ah pawh a inkhawm ve zeuh zel bawk, eng eng emaw sawiin kan titi tui leh viau tawh a, ka naute thawm pawh aring ṭhin khawp mai 

..

" Mampui, inkhawm itum em? " Kapu in ati a

" Tum ve e " Kalo ti zang vah a, kapu chuan Pathian thu min hrilh leh nual a, chumi hnuah insiam turin room ah ka lut, inhnawih neuh neuh hi ka peihlo a mahse, tlem chu ka inhnawih ve ṭhin, ka insiam rei thiamlo a kei aia insiam hmasa Usiami leh Ka nau Puii aiin ka inpeih hmasa leh zawk, Bag ah Hlabu leh Bible khungin pheikhawk flat akaih chu ka bun bawk, puan ka bih ve ṭat a inla confi zetin room aṭangin ka chhuak, Damdawia alo lut ve chiah a, Kamiz ṭial nalh zet leh smart pant dum aha a, a inthun vei thlap bawk chhelo tak ani

" Dar ari ṭep kan kal dawn ami? " ka tih chuan alo bu nghat a

" Puii nghah i ngai em? " ka ti lang lang a, Puiileh Usiami chu anlo chhuak rual a, Zanah pawh pheikhawk sang an bun peih mawle, keichu a flat hi ka confi pui ber. Kan inzui chhuak ve hnak hnak a, kanu te chu Vahpa nen an kal leh daih tawh a, Kawngka chu Usiami'n akalh rak rak, Puan ka bih khat sia ka bih nghet hleitheilo

" Ka puan bih adik theilo " Ka ti hap a, ka insiamṭha sek bawk 

" Mipa emaw i inti tlat a, puan bih ṭha duh heklo che " Usiami'n ati leh kher a, Puii leh Damdawia anlo nui 

" Mipa chu ka inti biklo " Ṭawng thlawn ba duh lo in ka ti let leh a, angawi ve teh tlat Damdawia ka sirah alo kal a, arim chu ka lo hip vang vang

" I chhelo " Ka bengbulah ati sup a, ka mur chiai thei ka phu deuh zawk bawk, lai zetin ka en a

" I over e " a awm ah ka nam a, Usiami leh Puii chu kan hmaah an kal a, kan kal muang lui ve deuh ani

" I lai ani maw? I laih hmat lutuk chuan achi loh ang " min fiam tih ka hria

" I hmelchhe emai Damdawi " Ka tih chuan anui a, ka nui ve tho

" Ehh, Nuntluangi chu phone i charge duh avangin ilo inkhawm ani maw " Ring lenglawng in Uthlawka'n ati a, zak tak kani. Uthlawka ka ngei em em nachhan chu hei hi alawm

" Phone charge ka tumlo aw " Vin hrep ka chak a mahse, ka aia upa anih bakah biak in kawtah kan awm a, chutia tih chu amawi chiah lo deuh ani, Damdawia chuan min hruai sawn a, ka tum deuh bar chu ka biangah apiai a, phawk deuha melhin ka hawi kual nghal vat, Biak in kawtah kan awm a amawilo

" My dear " Zoremi'n min lo kuah thuak a, shikhar rim anam nghal huam, ka ner nak a

" I shikhar nen khan min hnaih tawh suh " Min kuahna paih thlak pahin kati a

" Ti hian maw kan tih dawn " Ati tau der vel a, Shikhar hi chu arim kati thei thlawt lo 

" Aw, i shikhar nen khan saw tah kal ru " kati leh chiam a, min melh rum lui vel chu alu ah ka nam a, athle sawk mai

" Ana ang " Damdawia'n alo ti vat

" Shikhar ka ei chuan tihian minti ziah alawm, ana lo " inla khawngaihthlak deuhin ati kual vel a, anuih loh theihlo

" Zoremi te ṭhiandun kha zai va hruai ru " Uvana chuan ati lauh a

" Keichu ka peih miahlo, Zorem va kal rawh " Ka ti sawk sawk a

" Teuhlo e, kal ang " Ka banah avuan a, kalo ṭang nghal ṭung 

" Va kal rawh " Damdawia'n ati sup a, hnial reng chu thil tih chi pawh anilo

" Nangmahin i awm hreh em? " Ka tih chuan nui chungin lu athing a, Zoremi'n Biakin chhungah min kai lut dawr dawr, ' nangman ti hmasa rawh' ala ti hmak zui phakar famkimi hi, Kan zai ṭana hla chang chu ka sawi ve mai chutiangin ka huphurh lo ahma pawn ka sawi ve ṭhin tho a. Damdawia leh Bawrhsaibea te anlo lut a, Damdawia awm tak vang nge ka zam thar riau a ka hriat chu Hla hnih kan sa a, ahla hnih na chu vawi2 ka hrilh chhuah hnuah ka hril tawp a, atawp rualin zoremi chu za zetin anui a, ahmui ahup nghal vat, Bawrhsaibea te lam ka hawi chuan anni pawh nuih insum deuhin an hmui an pet a, ka hrilsual ami le ka ti hial mahse, ka hril sual awm ka hre silo a. Biak in ah engmah inzawh chi ani bawk silo nen, confi lo zetin atawp thleng ka ṭhu a, Hla chang pawh ka sawi nawn tawhlo Zoremi'n asawi ve tawh a

" Eng nge i nuih chiam kha " Pawn kan chhuah rualin ka ti nghal tawp a, chutah alo nui ṭha leh a

" Ihh, athunawn tawp dawnah khan Uthlawka alo lam chhuak a, lamtual athlen phei hma in kan zai zo a, i hril nawn silo a, zahzela kut abeng a alet leh hna hna alawm " ati zet chu keipawh ahmu ve ang maiin ka nui a, chutiang pawh ka hmu velo, Hlabu hlir ka en a, ka hawi zau ngailo ahma hla chang ka sawi ṭhin pawn ka chhungte'n 'hlabu ngawr ngawr en ṭhin suh ' anti ziah reng a, Damdawia te gate bulah anlo ding a, nu ṭhenkhat bakah midang dangin anlo be ve hlawm a, abulah Williama te an ding ve bawk, kan va pawh takah chuan zaikhawm ala ngaih dawn avangin Kan veng lamah kan phei a, mipa ho chu an kal hmasa deuh a, Zoremi chu thil ka hrilh duh avangin ka kalmuan pui ani, Zawite chuan Damdawia min bem thu leh athurawn ka mamawh thu ka sawi sep sep a, chutah engtak maw lo sawi ang tih laiin 

" In lerh dun e " ati halh a, angawi nghal hmak anih chu!

min va ti hrilhhai tak

Cont..