Damdawia chapter 14

 " Inthlak ka duh, han tlang ula, Zoremi nen kan lo chho ve ang " Zoremi nen chuan kan in ah kan tlang a

" Min ti hrilhhai alawm " Ka ti niah niah a, in lerh e a intih tawp te chu a

" In lerh alawm, ṭha tete in awm emaw tih laia " Atih chuan ahnungah ka beng a

" Kan awm khawlo miahlo, engtin nge chutiang chuan i ngaihtheih nilo min ngaihtheih " Ka ti chiam a

" Chutiang lam anilo, i vannei lel lul lutuk a, kei ka hawihil reng bik " Atih chuan ka nui a

" In lerh e a, iti tlawng a " Vui aw ka deuhin ka ti a, Inchhung kan luh chuan room ah kan tlang nghal 

" Han sawi mai tur ka hrebik chiah lo alawm " Anih vel ka ring ani, khati teh tawp te chu 

" Chuan, engtin nge niang " Ka ti hap a

" Chhan leh chhan loh kha chu nangma thu thu ani, ngun deuhin ngaihtuah la, Ka hmuh danah chuan. Damdawia hi mipa sual aniin ka hrelo chu chu ka hmuh dan, chiang deuhin ngaihtuah la, keichuan engpawh ka pawmpui che " ati malh malh a, ka rilru hi abuai ve lutuk Rsa ka ngaihtuah tello theilo a, khati khawp khan kan inzui rei a timai kha kan tawpna chu ania

" Rsa chu ngaihtuah suh, ani nen khan zirlai tamtak inzir dun alawm, harsa taka hun hman dan te, nghaktu nih hreawm dan pawh i hrethiam tiraw? Hnunglam aṭanga thlir tu nih pawh. Rsa hi chu reilo te atana inun a mikhual pakhat mai ani, mikhual chu cham hlen tur anni ngailo. Kan nuna kan mi tawnte kan thil tawn tehian zirlai an kengtel vek, chutiang hrethiamlo te chuan an tawrhna chauh an hmu a, mahni intihlum te an awm nual hi, Hringnun chu a eng zawnga thlir thiam te leh lungawi thei te tan anuam ani mai, In ngaihzawng rei hi inkar nghehna anilo " Ati duah a, atihdan ve reng ani. Ngaihzawng pakhat mah nei silo hian thurawn min pek tur ahrethei lutuk a, Rsa avanga ka nat laite khan, ahunah min ngaithlaa ahunah thuṭha tam tak min hrilh ṭhin, amah en tawp hi chuan tiang sawi duh hmel pawh hi apu lo mawle 

" Ka lawm e, Dear " Ka tih chuan anui a

" Reilo te hlimna hi alawm kan um luai luai ṭhin, Nakin ah tih mai mai avangin kan tun hun tihbuai loh tur, Nakin chu nakin in herchhuah pui se, tun hun chu kan tun hun hian hril teh se " ati leh sep a, ka inthlak zo ve chiah bawk 

" I awmlo ang tih hi ka hlau ṭhin ania " Ti hliai in ka kuah nawk nawk a, Room aṭangin kan inzui chhuak leh hnak hnak 

" Inva'n rei em em " Damdawia Quarter kan luh chuan Williama'n alo ti hluk a

" Thuruk kan sawi " Kan tih chuan anlo ner chhe vak ringawt

" Kal hma ang u, Inah kan zaikhawm dawn a, thiar tur atam ang " Bawrhsaibea'n atih chuan kan lo bengkhawn lem lo viau 

 " Hruaitute an tam alawm " ka ti mai a, Current awm bawk silo, athim rap mai, Uthlawka lam tum bawk an sawichhuak leh a, anla nui za khawp mai. Damdawia nen erawh kan boruak adang daih a, tui in tura Choka ka luh chuan min lo zui ve tih ka hria, Battery ui viau mahila athim avangin flash light ka on a

" Min chhang dawn em? " Alo kal tih hre mahila ka phu tho Mawle

" Min ti phu thei e " Ka ti vang vang a, a kiai suk ringawt 

" Ka hlauthawng ve tho a " tiin bul ka ṭan a, ani pawn ahlauhthawn thu asawi tawh tak, athil tawn erawh ka hrelo 

" Rsa vang tiraw " Mak kati hranlo, kan chanchin hrilh tawk an awm dawn tih ka ring sa hrim hrim, Pari te ṭhian ho sawi nuam tih tak ani dawn a. Anilo angin an belh ngei bawk ang 

" Atawpah ho deuh anih leh ka hlau a, ho deuh nisi khan na taka min hliam leh ka hlau bawk. Thawveng halh si hian hlauhthawnna ka ngah e " Ka ti a, Damdawia ka en chuan min lo en ve ran a, min ti zam leh lek lek tawh, Ka ṭhiante tih loh hetiang thu ka sawipui awmchhun ani.

" Min ring rawh ka ti dawnlo che, insawi rinawm viau pawh ka thiamlo, keimah tawp hi kani mai, min duh nge duhlo " ati nghet charh a, min hnaih hret bawk 

" Ka duh che alawm, ka hriatloh karin ka ngaina hman hle bawk che a " Ka tih chuan Nui ri hawkin ka biangah adawm a, Anui hmel chu alem anilo tih ka chiang lutuk tlat, ahma zawng aiin anui hmel chu amawi zualin ka hria, ahmuihmul ṭo deuh siar siar te nen chuan a inhmeh vel vek.

...

Good friday pawh Pathian zarah kan hmang zo ve ta a, Damdawia nen pawh kan inngaizawng ta chu ania, Hunpui boruak nen kan pahnihin kan la awmdun leh lo hrim hrim

" Vawiin chu thlai vel en pahin, lo lamah kal ang u " Kanu'n chaw ei laiin ati a

" Nia, kan thlamah khan mi an awm ṭhin antia, ven ruk deuh an ngai ani. Kan hungna saw ahniam mah mah " Uchhana chuan ati ve sup 

" Ni e, Lawma chu Quary lamah kal se, lo lamah chuan kan kal dawn u nia " Kapa chuan thawh pahin ati a, chaw hi a eichak thei bik e 

" Keichu kapi te kalo awmpui ang, Kawr ṭhui tur ka nei bawk a " ka tih chuan ka nau in phakar minti khawp mai, chaw eikham reilo teah kanu te chu ram lamah an kal a, Usiami school akal bawk kapi leh pu te Umary te nen in kan nghak leh rak rak dawn anih hi, ka kawr ṭhui tur chu ka ṭhui mawlh mawlh a, kapi ten ring deuhin TV an en bawk 

" E, Thana lo kal rawh " Kapu chuan ati hluai a, remlo deuhin ka hawi phei

" Engmah iti na nge " In ngaizawng ve ah chuan kan awmdan hi anuihzatthlak 

" Report ziah tur ka ngah mai " Atih chuan ka nuih a, ka bul ah alo ṭhu thla zui

" Min nuih lo mai teh " ati hluk a

" Chute tinge ilo chhuk " Ka tih chuan angaihdan anih lo hmel lutuk 

" I ngai ho riau " ati ta reng a

" Iti anglo e a, eng nge ka ngaih ho na " ka tih chuan aka achip hmak a, anuam lo tak tak

" Ka han inziak fel ang e, kalo chhuk leh ang " Ka chhanna pawh ngaichang lemlo chuan achhuak nulh a, engtin vek nge kalo awm le, ka thil ṭhuiah pawh chuan rilru ka pe hlei theilo

" Pi, ka chhuak lawk dawn " tih leh chhuah ka rual a

" I titau ami? " Ka luh rualin ka ti nghal tawp a, ka awm ati nuamlo alawm 

" Min ngaihtuah ami? " alo ti vel anih chu, ngeiawm thiam reuh hle mai a

" Ngaihtuah ve loh che in " Dawhkan ah alo inchhawp hnawk niai a, abulah chuan ka ṭhu thla ve

" Alawmawm " ati a, aduhtawk der ngeiawm e mahse,athinrim tak tak lo tih ka hria, reilo ah pangai deuhin kan inbe leh tawh a, alum lutuk tih loh chu anuam reng 

" Awi alum e, inṭhut hnaih chi pawh anilo " Ti hapin ka ṭhusawn a

" Kan inngaihzawn hun hi ahunlo deuh ani " ati mauh mai a, tinge ka tih chuan 

" Khawlum laia inṭhut hnaih kha atih chi vak bawk silo a, hla deuh aṭangin kan in melh peih ṭawk alawm " Atih chuan za deuhin kanui a

" I hlauhthawn chhan kha min hrilh tawhla " ka ti ta daih 

" Zah ngaihna tel hauhlo in min hnawl ang tih ka hlau alawm " Atih chuan ka awih lemlo a mahse, ka zawt luilo. A ṭul atih hunah min hrilh mai turah ka ngai, ka awm reilo a ani pawn tihtur aneih ve tho avangin ka hawng leh thuai. Tlaiah chuan Volleyball practice turin min lo lam a, ka peih vaklo na chungin, ka kal veleh tho Puii te ṭhian ho nen kan kal rual a, Damdawia chuan a chhaih leh zuk zuk ṭhin

" Unathana leh Utluangtluangi te inhmeh dan hi, Perfect couple" Anti a, an nui pah har har, Damdawia'n alo belhchhah zeuh bawk nen kan thawm aring viau

" Finger print leh hmak hmak ang u aw " Atih chuan kimkimi aṭe chul a, kan nui deuh hak hak 

" Pari te ṭhian ho inti thiam lutuk hi ka ning tlat " An ti niah niah a, kan hmaah an kal a Damdawia nen an hnungah kan kal thung

" Ni chiah, kut khingkhat an uar si. An tihsualin min mawhpuh zel a " An lungawi loh hmel viau, Court kan thlen chuan rin aiin anlo la tlem a

" Mipa lam hi tinge maw an muan tlat zel ni " Pu sanga'n ati a, mipa pa5 vel chiah anlo la kal a, Bawrhsaibea ten ball an lo nam naah chuan kan phei ve a

" Ehh, ka sawm chuan aduh ngai miahlo a " Zoremi'n ati a, ahnungah ka beng zawt, kan ding bial a ball chu kan in pass kual. Ka bulah Damdawia ading a, ka lak theih loh chu awlsam deuh a lak theih turin min siamsak a, anawm dan azahthlak ve reuh

" William, i dah laklawh thei lutuk " Zoremi chuan ati vak a, kan lo nui hak hak 

" Hmeichhia an tam zawk khel hmasa rawh se, Mipa khan luhpui ula " Hotute'n an tih chuan Damdawia chu kan lamah alo lut a. Rei ang reng deuh khan khel a, Mipa an awm daih takah chuan hmeichhia kan chhuak thung, mipa inkhel chu kan en ve ta reng

" Mit la bik chu an awm tiraw? " Zoremi nghal dan hi chu aw

" Dawn lawm ni " Ka tih chuan aner kual vel a, ring deuhin Bawrhsaibea te chu a au chhunzawm, kan bulhnai ami te pawh an nui an nui mai 

....

Damdawia nen kan in ngaizawng tih pawh an hre leh ṭhup tawh, min fiam zeuh zeuh pawl an awm ṭhin a, aninawm lek lek chang atam. Kan inthup ṭit ṭet biklo a, ka chhungte chuan min hau lo a mahse, thuṭha leh awmdan tur min hrilh thung, Ka ṭhiante pawn an hria a, Zoremi ka hrilh hmasa ber chu mipahnih an vui ve nasa mai a. 

" Engtin nge Tluangthawvengi te i duh theih le, aphu lo che" Williama'n ati a, alum bawka kawr ha lo in chhuatah amu phar duai a, Quarter ah kan leng leh a, quarter hi thli atam a, adai bawk chuvang chuan kan leng nitin mai ani.

" Min duh em a " Ka ṭhiante an nui hak hak a

" Ka ṭhiante i hmangaih vek theih chuan ati velo ami? " Bawrhasaibea'n atih chuan, asawi awmzia hria kei Zoremi leh Williama te chu kan nui vek a, Damdawia ber chu abo hu mai

" Siakmawi kan ti mai ṭhina tunah chuan apa an tranfer avangin khaw dangah a awm tawh, Siakmawia chu tlem a rilru kimlo hi ania, Tluangi hi aduh ta tlat a, abem zing ania aw, azui kual reng hi ani tawp. Ṭawngkam na deuha tih chi ani silo, hnar ve mahse, ala zui kual reng sia atawpah chuan ' Ka ṭhiante leh ka chhungte i hmangaih vek theih dawn chuan ' ati a " angawi dat a, sawi zawm leh in

" Siakmawia chuan ' I rapthlak lutuk ' atia, abansan ve mai a, mi hnar athiam lutuk " Kum1 dawn liam tawh mahse, kan sawichhuah apiangin kan nuih ala za, Siakmawia hmel leh 'I rapthlak ' ati kha a inrem bawk si, mi bulah ' A rapthlak lutuk ' min ti chiam bawk a. Damdawia chu anui ve hak hak a, thudang dang sawiin bawrhsaibea'n fiamthu athawh peih si, khaw lum nen thlantla phungin kan nui nghek zel 

" Uthlawka pawh hi ṭhing ve thei ania aw, Ṭhalai ah pawh over ṭep tawh si ' Good friday hi Pathianni ami kha' ati mawle " Atih te chu Zoremi'n alawm zual a, mittui tla phungin anui tawh.

" Conference kal hun chu hmeichhia zawng hle teh ang " Thawveng zetin Williama'n ati a, Bawrhsaibea'n athlawp khawp mai 

" Unathana chu Tluangi i ngaizawng vel a, Conference ah khaw ṭhenawm nula chhelo deuh ka tihpui ang che kati ania " Min melh pahin Williama'n ati leh hram a

" Hmeichhe chhelo ai chuan, Chhehchhawlnu hi aduhawm zawk " Inti thei zetin ka ṭhiante ka melh kual a

" I inti thei hmel kha " Eilo zetin Zoremi aner a, hun hlimawm ava ni chiang em 

" Zoremi pawh hi thil sawi sual i ching ve e, Passport kha engtin nge itih kha " Zoremi chuan Bawrhsaibea hnung abeng dawp a ' I over e ' ati hlak bawk 

" Ni tak, Passport kha Passposs ati alawm, a sawi confi ve sia han nuih kha chu ka hreh bawk si, zun ka cheh phah alawm " Nui vur vur chungin ati a an in melh rum khawp mai

" Hmela, nang pawh eng nge inih bik. School kan kal laiin Vday kha sawrhkar chawlh emaw itia school ikal lo ve ringawt a, Sir ten an hrem ve tho che kha " Zoremi'n ati a, amah a insawi sa chhunzawm bawk nen nuih tur hlir hi ani ringawt

" In ngaizawng tir si in inṭhut hlat hle mai, khua alum bawk ani " Min hriatchhuah chang changin min fiam tel veleh kher zel. Ani ve tak tak a ṭhutphah pakhatah kan ṭhu dun ve ngei a mahse, kan inhlat lutuk. Kan in en a kan nui ve tawp, nilengin kan awm ho a, tlaiah chuan an hawng hmasa an hawn hnu chuan reilo te kala awm a, eirawng ka bawlsak a, inchhung ka tihfel sak bawk, amah chauha awm ania ahnawk lutuk lo

Cont...