Damdawia chapter 15

 Conference kal ni ani tawh a, ka chhungte chu an phusa deuh sek hlawm a, Kanu pawh a ang leh hlak hlak mai. Kapa hi YMA president ani a, kala sawilo in ka hria. Ka chhungte chu eng nge an tih pawh hriat hman anilo, inchhungah an awm mumal hmanlo reng reng

" Bike in kal ang hmiang " Choka a ka awm laiin, alo lut ve hlawl a 

" Ka hrelo, ka ṭhiante hi eng in nge an kal dawn le " Ka ti sep a, ka ṭhiante motor a an kal laia lo kal hran kha chu anuam chiah lo 

" Zawt chhin la " ati sup a, chair pawt chhuakin aṭhu thla nghal, thuawih deuhin Zoremi chu ka bia a

" Bawrhsaibea ten bike an keng dawn a " alo ti lang lang a

" Damdawia'n bike in kal ang atia, inkal dan tur ka chianglo a " Ka ti a, Damdawia thingpui thlitsak ka duh avangin loudspeaker ah ka dah a

" Aw, Tu emaw zawk zawk ka inphurh tir ang, kan kal ho dawn nia, min lo lam chho ula " Alo ti fel than a, Damdawia ka en chu min lo en ve chiah a, lai zetin ka nuih. Thingpui chu ahma ah ka chhawp nghal a, ahma zawnah ka ṭhu thla ve nghal 

" Aw le, Motor a kal tur ho hi kal hmasa se, hmanhmawh lo ang u alum si " ka tih chuan alo aw le leh diam a

" I khel ve dawn mi? Zan hi kan awm ve duh ang em? Kan branch aṭangin zai tur an awm a " ka ti nghal zung zung a, Bialpa te bulah meuh chuan azam ve theih lutuk, ka zam chuan ka ṭawng zung zung zel a, rang deuhin ka ṭawng ṭhin tihna anih chu 

" Team ah khan min dah ve a, zan hun hman leh hman loh chu i thu thu " ati a, kan Branch aṭangin zai tur an awm a, inṭawi awm hram hram hi ka duh ṭhin 

" Team1 ah nge 2 ah " ka tih chuan 1 ah ati sup a

" I va chang sang ve " Ka tih chuan mawi deuhin min nuih a

" Mikhual ka nia anuamlo, team ah min tello mahse, ka vui loh tehlul nen, an indaih loh avangin ka tia ka ti ve mai mai ania " Anuam lo ati chu ka hrethiam lutuk

" An tel tawh che kha, nuam lo ti suh ring tawk tawkin kalo au dawn alawm " ka tih chuan ka biang a piai zeuh a, min naupangchhe cheibawl ṭhin e, mahni tawkah bialpa ka nei a ka inlak puitlin tehlul nen 

" Nang i tel dawn em? " Thingpui chhem daih hauh hauh pahin ati a 

" Umm, first ah lut turin min tia, ka hnial viau a mahse, anti lui deuh tlat a, Mi ṭawng ka hre veleh sia keipawh nuam kati lo, Usiami nen kan lut dun dawn a, unau a luh pawh anuamlo " ka ti duah a, Pari ten ' Tlai hnih khat a practice a, first ah an luhtir ringawt dawn a ' an tih ka hre veleh vek a, anuam ka tilo. Diktak chuan khel lo mahila pawi ka tilo, pawn aṭanga lo au mai mai kha anuam kati daih zawk 

" Vai ho in mizo an ngaihsan deuhna i hre duh em? " Kan thusawi nen a inmil lo hle ani

" Eng nge " ka tih chuan anui a

" Mizo ho chu thingpui an inkhawp lek lek in an chhem dai thiam' anti, ka chhemdai a ka hrechhuak " Nui ruh ruh chungin ati a, ka nui ve tho thil hi ahre mak ve reuh sia 

" Thil i hre dangdai e " Ka ti hap a, ka nui ve tho kan boruak nuam zet chu sawifiah ngaihna ka hrelo ahahdam 

" Kan in kan sak laiin, kan vai mistiri chhawrin ati a, ka hrechhuak alawm " Ati a, ho deuh deuh sawiin kan ṭhu dun ve reng, kan in ngaihzawn dan hi anuam kati a, Hmangaihna lam kan la sawichhuak lo ve ve a, mipa zawk na na na chuan ka ngai che tih chang anei ṭhin, kei erawh in kala sawi ve miahlo ka zak tlat alawm mahse, ahunah chuan ka thlakhlel zia ka tilang hreh biklo a, a quarter ah pawh ka leng chho ziah, infawh aia thui kanla pello hrim hrim min nawrlui ngailo a, sawiselna tur ka hrelo ka ngaisanga amah ah hian ka nghet tulh tulh ni maiin ka hria, atir te kha chuan kala hlauthawng a, ka hnaih lutuk ngam biklo mahse, tunah chuan pangrem ang chiah in ka bei nghet tawh amah ah hian 

Dar 11 velah chhuah anti a, arik dawn hnaih tawh avangin, ka insiam mawlh mawlh, ka bag ah kawr leh ka puan bih tur bakah kekawrbul te ka khung a, ka inhnawh khat ang reng. Vice president te inkawtah in nghahkhawm anti a, alaili lai ber anih vang ani, kan motor in an kal dawn a kapa te ho chu an kal tawh a, Usiami leh Uchhana te pawh scooty in an inphur dawn a, kapa'n 'kal tlai bik nih amawilo ' Ati a, Damdawia txt in ka hrilh a, ka lo chhuk ang ati ve mai, inpeih at in room aṭangin ka chhuak a

" Pocket money i duh em? " kanu chuan alo ti mial a, ka neih avangin kalu ka thing thung 

" Ani, ka kal ve duh " Vahpa in ati a, ṭap nisi lo in arak ṭeng ṭung bawk 

" Inau amu iti harh ang, naktukah kan kal ve dawn nia ka tih kha " Kanu'n ati a, apawm kang deuh nawlh kan inkawtah bike in alo ding a, ka chhuak ve vat Vahpa chu arak nasa sauh a

" Tinge a? " Inchhung lam thlek pahin ati a, min ngen thu ka sawi chuan 'hruai ve maila' ati pek a kalo melh rum vak ahmuh chuan min nuih tlawn vur vur, a inchei dan simple zet chu a inhmeh lehpek khawp mai

" I chhelo " Atih sup chuan lai zetin bike ah ka lawn a

" Kei aiin i chhelo zawk, ven i ngai dawn a ang riau " tiin ka fiamlet a, Innghahkhawmna ah chuan mi anlo awm ṭhap tawh a, kal tumin motor ah anlo lawn ṭhup tawh. Zoremi te pawh anlo awm ve reng tawh 

" Chhuk tawh kherlo mai rawh " Ading a, a inrahkhalh hneh tho a, ka hlau lem lo min lo fiam zeuh an awm reng a, aninawm ṭep ṭhin Zoremi'n ' In chhe hlawm emai ' ati hmuk hlawm a, kei ai mah hian alo ngaitheilo ṭhin, Damdawia chu be tawk an awm reng a, damlohna thilah te anlo rawn leh thul, kan chhangchhe e

" Kal tawh ang ule " Motor chu atlan hmasa ber a, bike leh car in kan in dawt ve zut hlawm mai, motor kan umphak chuan min side a, kan tlanpel fua. Kan conference na tur hi aso bulh bulh ni maiin ka hria alum lutuk, kan thlen chuan khawdang pawh anlo thleng kim deuh vek tawh a, kan ri deuh hlut mai, tiang zi nuai nuai hi chu nuam kati vaklo. Tournament neihna tur mual ah kan tlang a, ni asa ṭha vel vawl bawk si, hreawm tih hian asawifiah zo thlawt lo, Daihlim ah bike kan dah a, ṭhiante pawh anlo lang ve zut zut, adaihlim laiah kan ṭhu khawm a, kan khelh hmasak ber dawn avangin kan inthlak sap sap, mi kan tam sia inthlak pawh aharsa lam ani, aṭhen chu car ah te an inthlak a

" Inthlak ve i ngai em? " Damdawia'n atih chuan ka lo bu nghat a

" Saw tah deuh sawn kan phei dawn ami? " Ati leh sup

" Aih, kekawr ka hak thuah a, kawr bantluan ka ha bawk a, abuaithlak loh " ka ti zung zung a, alo bu nghat nghat, midang che nak nak chu kan hmuhnawm thlir reng a

" Mipa ho pawh kha insiam rawh u, inkhel dawn nia " Pu sanga'n alo ti a, Damdawia nen chuan kan inthlak, ani pawh a insiam awlsam khawp mai, ka ṭhianten min lo pawh a, khawlum dan chu thlan atla reng mai

" Ṭha deuhin " Ka kut nghet deuhin avuan a, nui var var chungin 'Nangpawh' ka ti let sep, mipa ho nen kan ben rualdawn avangin kan in en thei dawnlo a ang. Kal hmain first ah i lut ang minti si kha, kan ṭan dawn takah chuan first a lut turah ka tel lo, ka vui hranlo a mahse, an ti anglo chu kati, Zoremi athinrim leh zawk a ka khap hram hram ani. an beng ṭan a reilo te chhung chu ka en ve, Mipa court pahnih leh hmeichhe court pakhat ania, en tu pawh an awm ve nual mai, an chet ṭhat deuh chuan kalo au vak zel a, anuam hranpa ve hrim hrim. Mipa ho khel en tur chuan ka kal ta daih a, ka lut ve chuanglo a, Damdawia en te pawh ka duh ve alawm, Mipa ho khelhna ah chuan kava au ve leh chiam a, ka unau te leh ka ṭhian te vek an nia, ṭan hi ana zual ve alawm tunah phei chuan Ka Damdawia atel ve tawh leh nghal, an chawlh lai te chuan tui te kalo pe a, ka buai tawk ve em em mai ani ni sa bawk nen. 

" Kan chak em? " Hmeichhe lama kal phei leh pah chuan ka ti a, an zo ve chiah 

" Tinge mipa lamah khan i kal kher, bialpa te awm avang mai a " Pari chuan ati deuh hlak hlak a, kei min ti tih hre mahila ka hrilhhai viau mai 

" Min sawi chhan ami? " ka ti deuh kher a, mei nei zeta ṭawng te hi ka ngaitheilo 

" First ah ilut lo a, inthlak angaia mipa khelhna ah i awm daih a, ka luh phah ringawt " Ati leh tan tan a, ka ner nak khawlum nen ahneawm lutuk

" Mipa lamah sawn ka bialpa awmlo mahse, ka kal tho ang, ka unau te leh ka ṭhiante an nih saw. Hetah chuan an tam tho a ka tia, ka va ngaihven ve ani mai. I lut ta anih leh eng nge pawi, ka luh ngei ngei angai tih pawh ni hleilo " Ti ve hmakin, Zoremi chu ka pan a ka zah vak duh lo, alut anih leh aṭha ani mai. Khatia ṭawng duah kha angailo 

" Kan chaklo, point ti chhe tu anih saw " Zoremi chu abiang asen tai hlar a, amah ango reuh si ahreawm hmel viau 

" Khati fo ko a min tih tur ka nilo " ka ti nghat a, Zoremi aphun ve bawrh bawrh, Mipa ho benna ah kan phei a. Lungawi lohna bo ṭhakin kan au vak vak a, mipa ho chu an chak hram e.

Conference chu tluang takin kan hmang zo ve a, ahlimawm rualin a hahthlak hle ani, vun rawng pawh adik hleitheilo, Damdawia nen pawh pangai takin kan inzui chho ve zel a. inhnaih teah awm mahila kan inhmu khat thei, a awih awm loh zawk ani. 

......

" Siami, mi sawi kan va kai ve " Kan chhungkua kim in kan awm ve tehmial a, sitting room ah kan ṭhu ṭhap mai. Usiami arai a sawn apai tihna anih chu, a fa paina pawh a thawhpui Rempuia fa ani. 

" Ka tihpalh ani " Usiami chu akun deuh lap a, ka khawngaih

" Engpawh nise, palai hmel pawh kan hmu tawh a, kan sawifel thei turah ngai ila " kapu in ati dap dap a

" I naupang tawhlo a, mualpho lo zawnga tih ve tur hi ania" kanu chuan ati hap a, kanu sawi pawh adik ve reng palai pawh lo tir se, keini in kan lo phal dawn tehlul nen, Usiami kan ning tih na lam ani chuanglo

" Athleng vek tawh a, kan mualpho vek tawh. Inneih na ho lam te in kan buatsaih anga, pasal i neih chuan mite hian an sawi reng peihlo ang che, tihsual tuar ngam hi mi puitling zia ani, tihsual pawh tuar ngamlo nih hi adawihzep thlak " Kapu chuan ati leh a, kapa chu ala ṭawnglo hrim hrim, kapi pawn thil eng emaw ahrilh nual a, ka tan ala ṭangkai ang tih thil thuah ka ngaithla ve kar mai. Chutih lai mekin Information mike aṭangin chhiat tawh thu anlo puang a, vengchhak a mi Pi rengi thih thu ani, ani hi a upa tawh a mahse, ala chak ṭha em em thung. Hmani deuh aṭang khan a bawrhsawm ve a, apasal in athihsan tawh bawk nen, akal ta chu atan pawh anuam zawk ang, kapa te an tho sap sap a keipawh room ah ka va insiam ve vat

" Mampui, insiam thuai thuai rawh, hetiang niah hian athleng hmasa pawl nih hi aṭha ngai e " Kapi in ati a, insiam em em angai lo, kekawr tlawn ka ha a ka inpeih ani mai

" I kal ve dawn mi? " Kawngkapui ka chhuah dawnah Damdawia nen kan intawk a

" Umm, kalo en che " Ati sup a, ka chhungte hnenah kan kal dawn ka tih hnuah kan inzui chhuak a, Zan dar8 vel ani tawh a, kan tlaivarpui ve ngei chu angai ang. Zoremi kan sawm chho a Mitthi in kan thlen chuan mipa lam chu anlo awm deuh ṭhap tawh a, bungrua dah chhuah ngai ho chu an dahchhuak zung zung, Damdawia pawn apui vat a. Zoremi nen chiah hmeichhia kan awm, tihfel ngai kan ti fel ve zung zung a, ṭap thawm nen boruak chu arit khawp mai. In kan singsak fel chuan kan hawng leh a, tlaivar turin kan kal leh ang 

" Kalo lam ang che " a che tam ber pawl ani a, ahah ve viau ang

" Inbiak ruk ser ser te kha amawilo a, phone bih chhen te pawh amawilo, mutthluk te chu a awmlo theilo a mahse, atheih hram chuan zai hram aṭha " Kapu in ati chuar chuar a, kan mawi loh leh mi sawi kan kai hi an hlau a, an awm lo ang tih hi ka hlau ṭhin, Pi rengi tu te ṭap ka hmuh khan ka chanah ka dah ṭhin a, kei mittui tla zen zen ngailo hi ka mittui a parawl ve thei. kan tana ṭha turin ro arel tih hi chu kan tawn loh chuan sawi te hi alo awl a mahse, atawngtu nih chuan hriatthiam ahar ṭhin.

Cont...