Damdawia chapter 16

 Damdawia nen kan kal dun leh a, Zoremi te kan sawm chho bawk, eng eng emaw kan sawi a, dawrah kan peng bawk. ei tur lei loh chu mutthluk a awl dawn emai, kan thlen chuan anlo zai tawh a ahnung lamah kan ṭhu. 

" Pi puii saw, hla hril zu chhawk ru " An tih chuan Zoremi ka kaltir a, min melh rum ṭha khawp mai, Khawhar hla vel hi chuan ka lung hi alen ve ringawt zel, zai anuam pawh kati kan zai kara ṭap ri te chuan ngaihtuahna thui tak min hman tir ve

" I duh chuan muthlu rawh " adar a khawih zeuh a, nui var var chungin kalo bu nghat, mutthluk chu tum lo viau mahila ka thei thlawt lo, ka meng reng emaw ka tih lai ten ka bu leh dawrh zel a, Mutthluk in zah ahrelo an tih hi chu adik khawp ang, ka bu leh dawrh dawn emaw ka tih laiin rem zetin kalu a awm a, achhan ngaihtuah turin ka mut a chhuak mah mah, zai ri ṭhap ṭhap te chuan min awi mu ti teh ang 

" I khum emaw iti ami? " Williama aw ri ka hriat rualin ka meng kawk a, Damdawia ngheng chialin kalo muthlu anih hi, va zahthlak ṭhin tak sawhchiar anlo sem mek a, Zoremi pawh kan bulah alo phei, ahmel a phelh phang a amutchhuak tih hai rual anilo 

" U muan min hril chhawk rawh aw " Ati a, kan hnung lamah Umuani te an ṭhu a, alo aw ve mai 

" Zorem, i hril sual ania aw " Bawrhsaibea'n sawhchiar ei tuam tuam pahin ati a, ka zawi deuh ngiai mai lo mutthluk char char chu anuam miahlo, ka sawhchiar tur chu Damdawia'n min pe a

" I mutchhuak ve em? " Ka tih chuan hmuhnuam zetin min nuih a, alu athing amitmeng erawh adul deuh ruih

" Ka hre ve reng aw, ka mutchhuak lutuk alawm " Zoremi'n ati hlak hlak a, kan zai leh hnu chuan kalo mut hrep tawh avangin ka harh ve angreng a, zing dar5 velah kan hawng a, ka mutchhuak vak tawhlo emaw ka tih laiin khumah kamu leh chiah chu mutchhuak in min zem leh chiai chiai tawh, zing lamah chuan Ka nau akal ve thung ang.

Zinga ka mu chu chaw ei tur pawn minlo kaitho lo a, dar11 ah ka harh ve chiah, phone ka en chuan Damdawia msg alo awm a 

' Ila mutui si, thlan laihna ah ka kal aw " tih alo ni, mipa ho hi chu an van fakawm tak, zanah an tlaivar a thlan laih leh angai tho si, Chhun ah chuan ka kal buai duh ta biklo a, zan lamah YMA hun ani tho a chutah chuan kal ila atawk hrih mai. 

" I chau em? " Damdawia lo lut in min hmu chuan mak ati viau a, A awmlo hranlo a inah eirawng ka bawl sak a

" I lo ti duh anih kha " Pawnah pheikhawk ahlip a

" Tuilum a awm, va inbual la, i chau viau ang a " Kalo ti sawk sawk a, amitmeng adul ruih a, ka chaulo ti mahse, achau tih ahriattheih 

" Zeplo chuan ka chau, ka inbual anga azia mai ang " ati a, bathroom ah alut nghal, a inbual hlan chuan eirawng ka bawl zo ve tawh a, alo chhuah chuan chair ah ṭhu in phone ka khawih niap niap, akal tlang mai dawn emaw tih laiin hnunglam aṭangin min lo kuah a. Ka nghawng a athawk lum hak rualin ka mur chhuak ve thei

" Va inthlak la " Ka tih chuan a awm ngaiin ala awm reng a, engmah ka sawi zawmlo, mi anlo lut thut ang tih erawh ka hlau viau

" I len lem loh nen, min ti hahdam sawng sawng thei tho " atih chuan remlo zetin ka melh rum a, ka hmuiah alo fawp zeuh thung, ka ṭeu deuh hlar a

" I ngeiawm e " Ka ti hmak, anui hawk thung

" Innei tawh mai ila " Hetiang lam hi vawikhat a sawina ania, chhan mai dan tur ka hrelo. Ala hma chu kati 

" Ala hma e, kanla inhrechiang tawklo " Ka tih chuan a inla hranga, athinrim chuanglo 

" Inhrechiang lutuk tawh te hi an innei ngai lo " Ati sup a, hrethiamlo zetin kalo en 

" Timaw? Inhriatchian loh te chuan chen dun ahar awm " ka ti a, ka ngaihdan dik tak ani 

" Inhriatchian lutuk tawh chuan, engkim hi aho vek tawh ṭhin. Thutak aiin ngaia neih a awl " Atih chuan aswi awmzia ka hrethiam, asawi dik ve reng mahse ala hma hret tho 

" Ani renga mahse, ala hma tho " nui pahin kati a, ani pawh a kiai suk 

" Lo awm rawh, kava inthlak ang " tih leh kal arual a, Iai na ka neilo mahse, kala inpeih lo bakah usiami'n pasal anei dawn a, kei atan inneih lam sawi chi pawh ala nilo, chaw ei turin ka chhuksan a, ei ve nghal rawh ati na in ka hnial thung. Zanah chuan khawhar in a leng turin Damdawia leh Williama te ho nen kan kal leh a

" Vawiinah Ujona an Mawipuia hnenah ' i pi thlalak min lo pe teh ' ati a ' Ka nei lo reng reng, thlalak aduh ngailo a. Ka va la chawp dawn ami' ati a, a insum theih loh kan nui nasa lutuk " Bawrhsaibea'n atih chuan Zoremi nen za deuhin kan nui a, kan nui tawp hleitheilo ka ngaihtuah chiang ṭhin a, ka nuih aza tulh tulh bawk si, Mawipuia hi Pi rengi tupa ania, kum ṭhansan kan tih ang deuh chi kha ani. Alian thur bawk si, thlalak tar tur a, a thi lai thla lova laksak tum te chu a, a anglo ve em alawm 

" A bawn ve e " Damdawia takngial pawn ati, ahnung pawlah kan ṭhu leh a, zai hi nuam kati ka tih tawh kha, rin aiin Damdawia pawn hla thiam angah a, a aw thum deuh chu mawilo khawpa thum anilo bawk a. A zai chu ngaihthlak anuam. Zan khatna ah hi chuan kan zai rei ngailo, in neitu te mai bakah members te kan chau ve ṭhin a, atawp hla kan sak dawn chuan kan ding a, Bawrhsaibea hi asang a, Pu Nuna(Pi rengi fapa) te in lah alo hniam ve bawk si, light chu ahan tauh pha a

" Gays, ka hliah thim anih pawn min hrethiam ru " ring leng lawnga atih chuan, anlo nui huk a keini'n Bawrhsaibea kan khap vat thung, khawhar ina len nak laia Gays lo tih te chu a, a insawn ta daih a apawilo zawk. a ṭawngthei lutuk hi a insum hman ngailo reng reng. Kan awmna hmun te pawh hi angaihtuah hmasa ngailo, kan chhuah hnuah an fiam zuk zuk hlawm a. Bench vel an dahchhuah fel hnuah chhuat kan nawhsak a, kei leh Zoremi deuh chiah chu kan ni, pawn lamah kan senior deuh ten min nghak a, chhuat kan nawh zawh chuan kan chhuak ve nghal a, min lo la nghak ṭhap mai 

" Anaupang lam ahawng hmasa sa ah an ṭang ṭhin hi afuhlo " Umuani chuan alo ti bawrh bawrh a

" In zo ami? " Damdawia bulah ka ding fel leh diam tawh, mi mit kan ti khamlo anih chuan, abula dinte chu ka zak lemlo 

" Nathan, i riak ve thei dawn em?" YMA hruaitu pakhat chuan alo zawt a

" Riah lam chu ka phat mai angai ang " Ati a, an hrethiam viau mikhual ania, hruaitute pawn an phut vak ka ringlo hrim hrim. Bawrhsaibea te chu an riak dawn a, Zoremi'n asawi ṭhaih ṭhin chu ahlau ngang mai, mipa ve si adawih tak tak ani 

" Beite, inkhel ila alo ti dawn anih kha " Pi rengi hian Bawrhsaibea hi afiam peih a, inkhel ang ati ziah zel

" Zoremtluang, over vak suh aw " Ati deuh hluk hluk tawh, in ka thlen veleh Puii ka hau a

" ka hrelo alawm, hawn nghal tur emaw kan tia " a insawi thiam ve zung zung a

" Zan dangah chuan, ti tawh suh ang che " ka tih chuan abu nghat a, keipawn atir chuan ka hre biklo, Usiami'n min hau a, Puii pawh hrilh na chang ka hrelo a ka thiam loh tak pawh ani

...

Usiami pasal neih hun tur pawh kan ti fel tawh a, nau apai lawk miau avangin pui deuhin kan ti hranlo, chuti ani chungin ho lam deuh chuan kanti bik lo. Inngeih lo viau ṭhin mahila Pasal aneih dawn meuh chuan thinlung takin ka ui a, ka huphurh bawk, kan khuaah la awm dawn tho mahse, inchhungkhur khatah kan awm tawh dawnlo a, ka huphurh loh phah lo

" Min mil loh em kha, min ui tak tak ami? " atih te chuan ngei zetin ka melh ṭhin, Kan chhungkua kan buai ve nak nak ṭhin bawk nen, Damdawia nen pawh kan inhmu ngai meuhlo a, Usiami te inneih zawh tlai lamah chuan thawmhmaw seng turin Sub centre kawtah ka chho a, Quarter aṭang chuan hmeichhe nui ri ka hre leh ṭhin

" Ohh " Hmeichhia ka hmuh ngai loh pahnih anlo awm a, ka hmu thut chu mak kati, Damdawia hmel hmuh tur a awm mai bawk silo a

" Eng nge nita " An lo ti vat a, Room aṭangin Damdawia alo chhuak ve mek 

" Ilo kal elaw, lo lut la " Ati thuai a, luh em em pawh ka tumlo, hmeichhe pahnih te chuan min ti bo hu mai 

" Lo luh pawh ka tum chiah lo, thawmhnaw kalo senga kalo peng zawk " ka ti mai a

" Ibuai sia hrilhna hun che pawh a awm lo, hei hi ka nau te an nih hi " Atih chuan kalo ṭan ruk zia ka hria, ka inthlahdul suai suai thei 

" Anih chu " ka ti ringawt a, han biak leh mai dan tur ka hrelo, kanu'n min ko ve chiah bawk a

" Ka zu chhuk hrih ang, tihfel tur ala tam a, zanah kan lo leng ang " Ka ti a, min zui chhuak ve zel chu mak kati, pawn thleng min thlah dawn aniang ka ti a mahse, alo kal ve zel a

" Ilo leng dawn mi? " ka ti chuan alo Umm ve mai a

" I nau te tak tak ami? Ka sawi awmzia chu thisen zawm " ka ti a

" Umm,, Tshirt dum ha kha ka nau tak tak pakhat kha aṭhiannu " Ati sup a

" Tunlai kan inhmu khat sia, i lungawi lo em? " Ka tih chuan ka darah min kuah a

" Ka buai ve deuh char char tho alawm, ka ngai che a abakah chuan engmah buaina a awmlo " Ati dam thlup a, ka nui var var, kan inkawt ah chuan Car alo in hung a, mikhual an awm dawn tih ka chiang, kan luh chuan rin ang ngeiin anlo awm tak tak a. Thawmhnaw chu balbawm ah ka khung 

" Kan pastor thar tur te an nih hi " Kapa in ati a, kan inchibai ve a, an fapa chu aduhawm reuh lutuk, ka vahpa nen an inrual viau ang 

" Nathana chu " Pastor nupuiin atih hlut chuan Damdawia ka en vat a, ani pawn mak ati tih ka hailo. An lo in hre lawk pawh ani mahna 

" In inhria ani maw, kan Health worker anih hi? " Kapu chuan ati a, an in chibai lem lo 

" Heta kalo thawh hma khan, an khua ah ka thawk a " Pangai zetin Damdawia'n ati a mahse, Pastor nupui amelh laia amitmeng danglam zawk kha kalo hmu hman chiang ani

" Apute " Pastor fapa ni ngei tur chuan Nathana chu alo bawh deuh ruai a, amak ka ti takzet 

" Tlangvaltea chu i va lian tawh ve " Dam thlapin ati a, Naupang lu chu achulsak pah zeuh bawk 

" I insawn tih kan hre ringawt a, i awmna kan hrelo a " thil dang dang an sawi a, thingpui siam turin choka ah ka luhsan, Ka nauin eirawng alo bawl ṭan mek a

" Min ti phu dawn alawm " ka hnungah Damdawia alo ding reng a, ahmel chu ka ngaihbel nge adanglam deuhin ka hria 

" I phu hma si " Ati sup a, kalo nui ringawt

" Pastor te nen sawn in in hria maw " ka ti ṭha leh a, alo bu nghat, ṭawngka in min chhanglo hrim hrim. a hawn dawn chuan pawn thleng ka thlah a, Pastor nupui chu aṭawng duhin kawm anuam a, afel viau bawk pastor nupui nena inhmeh vek mizia leh nungchang anei ani, a zia athup thiam viau te anih loh chuan chu chu ka hmuhdan ani 

" A fel lutuk aw " bo deuhin ka en a, ani erawh anui var var 

" Bawihtea ka pai lai sawn amah vekin min buaipui alawm, mipa ṭha leh fel tak ani " Atih leh zel takah chuan damdawia asawina tih ka hrethiam 

" Anih chu, in inhre ṭha viau ani maw " Ka ti leh mai a, ngaihṭhat lohna ka neilo hrim hrim 

" Ka ṭhianṭha tak ani alawm, engmah ahrilh lo che ami? " Atih chuan mak ka ti, amimal chanchin engvak mah ka hrelo hrim hrim, an chhungkaw chanchin chu min hrilh ve zeuh zel a, a mimal thil vel chu kan sawi dun ngailo. Min hrilh loh chuan zawh vak ka duh lo a, keipawn engvak mah ka hrilh ngailo 

" Aih, mimal thil vel kan sawi vak ngailo a " Thil min sawipui dan aṭangin kan inngaizawng tih ahria anih ka ring

" Anih chu, asawi loh chuan ka tan lo sawi chi pawh ani lo " thildang kan sawi ta daih a mahse, ka rilru chu anuam theilo reng reng, Damdawia hmel danglam te, Uangeli(Pastor nupui) thil sawi vel te, ka bo a ka ngaih aṭha chuanglo.

Cont