Damdawia chapter 18

 Zingah chuan kanu phun hlak hlak ri in min tiharh a, ka tho chhuak peih hrih chuanglo, mood fuh lo deuhin kamu a, zing aṭangin mood afuh loh chhunzawm dawn anih hi. Vei ruk deuh nei mahila zan mut hi chu ka harsat ngai manglo, muttheih loh chang chu ka nei ṭhin a mahse, nizan chu lungawi lo ru deuhin tui mangkhengin ka mu 

" I u chu lo kaitho ang che, Ramdina(usiami pasal) te khua ah Siami te an zin dawn a, ka va thlah ve lawk ang e " Atih lai mekin room aṭangin ka chhuak a

" Nu, kalo kal ve duh hmai kan phih lawk " Ka hmai ka phih sawk sawk a, kanu nen kan inzui chhuak kal pahin ka sam ka ṭawn ṭha mawlh mawlh a, Ka vahpa awmna ka zawh chuan Pastor quarter ah len angen thu leh anu nen an len thu asawi a, Usiami te kal tur kan thlah hnu chuan Pastor Quarter ah kanu apeng a, inah ka hawng tlang thung 

" U tuangtluang, thingpui lo in la " Duhsaki chu pawnah alo ding a, ka hawi chho lo bawka min lo biak hma kha chuan a awm tih ka hrelo 

" Nakinah aw, eirawngbawl ka ngai a, ka hman hunah " Ka ti a, aw le atih chuan inchhungah ka luhsan, Puii eirawngbawl chu ka pui ve mawlh mawlh a, Usiami awmlo chu eirawng ka bawl ve reng mai. Vawiin chu kan ṭhian ho in kan picnic dawn a, rilru tih thawven ka duhlai tak ani bawk nen, ka phur tawh viau.

" Eng nge itih dawn " Damdawia chu ka melh zawk a, ka thil tih lai ka chhunzawm leh mawlh mawlh 

" Ka leng dawn " Ka ti a, Scooty ah chuan kan picnic na a kan mamawh tur ka dah mawlh mawlh 

" Luhlul chhuah tlat lo la " Ati leh bul bul a

" Keichuan ka chik che, i zia danglam hret pawh ka hmuthiam lutuk, mahse, mi nupa inkara inrawlh chu thil tihchi ani ngailo " Inchhungah ka lut a, ka bag ka ak a ka nau hnenah ka kal dawn tih ka hrilh bawk

" Ka kal dawn " Ti sepin ka tlanchhuah san a, ahmel pawr fap te kha hmuh hreawm kati, Thla3 vel chauh ala ni a mahse, ka nundan min tih danglam sak dawrh thei anih hi. Kan ṭhian ho in hun nuam deuh kan hmang a, Damdawia lam engmah kan sawi lo, ngaihtuah loh hram ka tum bawk. Tlai lamah kan hawng a, ka inbual fai nghal bawk. ka zang deuh huai mai, room aṭanga ka chhuah leh chuan kan inah U angeli te nufa anlo awm ran tawh, min hmuh chuan min lo nuih var var a, Za lo fahranin kan nuih ve kha. 

" U, Ulyndai te'n an sawi nasa tawp che " Alu ka vel laiin Puii'n ati sar sar a

" An ka thler vek pawn min sawi rawh se, an mahni bakin hreawm anti lo " Ka ti liam puat a, miin min sawi peih chhung chu ka runluih peih, an ngei tura awm te zawng ka thiam emai 

" An sawi an sawi che a, midangin an sawidan chuan Lyndai'n ati buai anti " ati leh a, ka nui ringawt aduhna kha arei ve tawh em ani, keichuan hmalam ka pan tawh, mipa pakhat chauh an awmlo tih hi ka hre ve chiang e 

" Tui kalo in aw " Uangeli lo luh lai ka hrelo hrim hrim, Puii'n alo chhawn vat a

" Duata'n lo len aduh tlat a, eirawng pawh kala bawl lo " aṭawng siam siam a, kan bulah alo awm ve reng bawk, a sual ka ring lo a, nizan kha chu ka rilru a kawi laklawh tawh a, ka insum hmanlo ani. Damdawia alo lang ve hlawl a, chik deuhin ka lo en a

" Khawnge inpa " Uangeli amelh pawh chuan danglamna hmuh tur a awm miahlo, an inhmuh tirh kha chuan amitmeng danglam zawk kha ka hmu chiang alawm

" Inah, Duata'n len a ngen tlat a " Ati nung sarh a, engmah danglam a awmlo 

" Vawiin chu anuam em? " Ka hnungah ading a, ka dar avuan bawk 

" Nuam lutuk " Ka ti sep, Damdawia nen kan inkar hi engtia tih chi nge ka hrethiamlo ani, eng emaw riau hi a awm a, chu chu ka hrelo, Puii aleng chhuak daih a keipawh room ah ka phone la turin ka lut a

" Hmeichhe ṭha tak ani " Ka let leh chuan ka pawh mailo a

" Ka hria alawm " Damdawia chuan ati dam thlap 

" Hmalam i pan lo ang tih ka hlau thei lutuk a, ka rilru anuam ngailo, kanpa bulah pawh ka sawichhuak hial a mahse, mipa ṭha tak ini tih ka hria a, hmalam i pan ngei hi ka ring ṭhin " an thusawi chu amak kati, in ngaizawng ṭhin chu an ang silo a, an thusawi hrelo ang hmakin ka zai lut rat rat a

" Uangel, beer alo in a hau teh " Ka tih chuan, Aphun hluk a

" Ava ṭhalo ve Nathan, sim hmak rawh. Tluangi hi ka fuihpawrh mai tur asin " atih chuan ka nui a, mi huat leh ve run hi ka nei ngailo a, Uangeli ka ngaih dikloh chhung reilo te pawh kha hreawm kati, min kap deuh run a, mite hi engtin nge midang hua leh ngei reng chung hian an la damṭhat em em theih le, keichu zan khat chiah ani chung pawn ka chauh pui ngawih ngawih thei. Midang bula rel zawt zawt a, an bulah midang an rel leh thei te hi amak kati thei e, ka rap zawk. Ṭhian rinawm lo chu ka nei ve tawh Zoremi Aizawla a awm hlana ka kawm ve zawk ania. Keima rilru ang pu turah ka ngai a, thil eng emaw ka hrilh ṭhin Zoremi ka hrilh ang diak diak phei chu ka hrilh chuanglo a. Min kawm reng chung khan mi bulah min lo rel nasa mai a ka hre leh vek sia. Ka hriat aṭangin ka thlah nghal hmak, vawikhat rinawm lo chu ka ring nawn ngai tawh lo, ṭha deuha biak der te phei chu ahnailo, ka nihna ang tawp hian ka lang ṭhin.

" Induh nu " Min hnaih chetin alo ṭhu a, kan pahnih chiahin kan awm tawh, an thawm areh diak a kapi te TV en ri bak a awmlo 

" Ka induh thei lutuk " Ka ti hmak a, ka nui duhlo lui tlat 

" Innei tawh ang, buaina neuh neuh hi ka peihlo " ati hluk a

" Buaina ti chhuak tu alawm inih " Kalo ti let ve hmak chu athaw deuh hak mai 

" Ka beer in kha ami? Nge Angeli kha? " Zawi si fiah zetin ati a, A mit ah tak kalo en ran 

" Uangeli kha chu ka rilru kawih vangah ngai ta ila, Beer i in kha keichuan ka palzam theilo " Ka ti hmak a

" I ngaih serious viau ka ringlo ani, bakah ngaih kawih tura thil a awm lai tak ani bawk a, tunlai ka chau ve a, ṭhiante'n min tur ve sek bawk nen, ka in anih kha " ati bul bul a

" I ṭhiante avang anilo, i duhthlanna alawm " Ka tih leh chuan tih ngaihna hrelo zetin a lu atuai a

" Ka ṭhiante vang ani ka ti hleinem, tunlai i mizia hi ka chik loh che i ring bik ami? I danglam hret tih pawh ka hria ania " Dam thlapin ati a, ka lo melh ha

" Ka danglam lo chiang emai " Ka tih chiam laiin alo nui suk a

" Danglam e, i thinchhe thar a, i rilru akawi hma reuh si. Chuan hei pawh tlemin alian " ka hnute alo tawk pah kher a, rum zetin kalo melh 

" Lalruathlu " Ka ti ṭhat a, anui hawk hawk keichu ka tum lui tlat, asawi ang hian ka thinchhe khawp mai ka period dawn avang te pawh aniang, ka period dawn hian ka hnute hi alo lian ve deuh ṭhin mahse, engtin nge ahriat chat theih ni, Pangai takin ka hnute ala khawih lo hrim hrim, ka in humhalh ve em

" Dik iti ani maw? " ala ti ham ham zui

" Ka hnute ila khawih lo, engtin nge i hriat chat theih " ka tih chuan ka biang apiai zeuh a

" Ka khawih thei silo a, ka en ṭhin alawm " Atih chuan asam ah ka kek a, aner nasa mai 

" I hur e " Ka tih chuan, aphun hluk a

" Ka hur a mahse, i hmui bak kala tawklo" Ati nghut nghut a

" Ka in humhalh alawm " ka tih ve chuan, alu a thing a

" Mipa in kan tihluih chuan hmeichhia te hi an indang reng thei biklo mahse, keichuan vawikhat mah kala tilui lo che. ka nupui atan ka duh che alawm " Ka hmui ah alo fawp zeuh a, kan awmna in azir lem loh avangin a inla hrang leh nghal, ka thinlung takin ka nui veleh tawh 

" Uangeli nen hian eng nge in awmzia, in ngaizawng ṭhin chu inni lo tiraw? " Ka tih chuan min en vang vang a, amitmeng ah chuan engmah alang chhuak lo 

" Hunthawl ah ka hrilh ang che, ka duh che chu chu hre reng rawh, hmeichhe pakhat pawh enkawl i harsa ania, adang ka duh belh lo " Ka rinawm min ring rawh, ati ve ngai miahlo te hi adanglamna ani ve a, mipa dang te chu an rinawmzia sawi chamchi siin an lerh leh tho a, min ring rawh ti kherlo mahse, a nunphung hi rin loh theih pawh anilo, kan boruak zang huai chu anuam ani tawp mai

" In boruak aṭha leh tawh ani maw? Ichhe ver vur e " Ka nui reng chu ka nau in min melh leh ram ram ṭhin 

" I ninawm ah, midang hlim hi i hmu theilo lutuk " Ka tih chuan, min melh vakin phone a khawih ta daih a, Damdawia nen kan inbe lemlo Zoremi nen kan in be zawk a, Msg type vel hi a peihlo a, call anih loh chuan inhmuh tawp ani mai. Zoremi nen kan inbiak reng laiin Number hlang aṭangin msg alo lut ve nawlh a, ka seen vat 

' Tluangtluangi ini em? ' tih ani

' Aw ni e, tunge aw? ' dp ka hmu thei silo a, ahming lah ka hre ngai bawk silo, engtin nge ka Number te aneih theih ni 

' Lily ka nia, Rsa nupui ' atih chuan mak kati viau, tinge min lo biak le

' Anih chu, eng nge nita ' ka ti let a

' Naktukah kan inah ilo leng thei ang em? Thil zawh duh che leh sawi duh ka nei a ' atih chuan chhan mai dan tur ka hrelo

' Aw le ' ka ti tho a, Zoremi biak vat ka ngai.

' Ka hrethiam biklo, leng phawt la ' ati ve mai a, thildang kan sawi a, kan inbe rei em em tawh lo

....

" Ilo kal dawnlo ami? " Quarter kawtah Damdawia alo ding a, ka len aring aniang mahse, ka kalpel ta daih sia 

" Umm,, vengchhak ah ka han kal lawk, ka reilo ang " Ka tih chuan, kalpui i ngai em? Ati a, angaih loh thu a chhangin ka kalsan. Kawng lakah min lo be ding tu an awm ve zeuh zeuh a, min fiam zuk zuk pawl lah an bo lo, kan khuaah hi chuan, kan ṭhian ho kan lar ve hat hat em 

" Lokal rawh, midang an awmlo vek a " Chuvang aniang lengah min sawm, Bawrhsaibea pawn hna athawk dawn tih kan ṭhian grp ah alo sawi tak kha

" Umm " ka ṭhu a, an fanu chu walker ah a ṭhuttir a, thawm achhuah ve nasa mai 

" Ka pehhel kual lo mai ang, lokal kha ka inthlahrung ve sia" ati sep a, amah chu chiang deuhin kalo en 

" Sawi tawp rawh " ka tih chuan athaw hak a

" Rsa nen hian in inngaizawng ṭhin tih ka hriaa, kha chu ka sawi theih anilo, ka sawi tum zawk chu tun hnai hian in inbe ṭhin em? Englo atir chuan ka ringhlel biklo a mahse, mi hian min hrilh reng hlawm a " a rilru ahah ve hmel takzet, afanu chu a en a ka khawngaih ti ila ka sawisual lovang

" Mite hian an tana ṭangkai lo hi an sawi peih lutuk a, ngaihṭha deuhin awm rawh, kan inbe ngailo keipawn ngaihzawng ka nei alawm. Kan in ngaizawng ṭhin mahse, tunah chuan kan inkar ah engmah a awm tawhlo, mi pasal kher hi chu eng anga ka duh pawh nise ngaihzawn ka tumlo " Ka ti dap dap a, a hahdam huai hmel chu ka hmuh hmaih lo

" Ka pasal hi ka ring a, eng emaw hleka rinhlel ka tum lo mahse, an sawi sek hi chuan rilru ah a awm ve reng a, inthlahrung deuh chungin kalo be tawp che anih kha " ati leh sep sep a, mi ho ṭawngtheih dan hi aw, an tan aṭangkai loh tehlul nen 

" Kan veng chu fimkhur angai, thil min zawtfiah chu ka lawm hle mai, miin ' Nupui nei lai nen an inbe ṭhin ' min tih hi ka duh lo, mi chhugkaw tihchhiat kher hi ka duhlo bawk. A luck loh thlak " ka tih chuan anui a

" Min hrilh ṭhin a, hmeichhe fel tak ini tih ka hria, Rsa nen hian kan in ngaizawng lawk miahlo kan inkawm ve zeuh tih loh chu. Vawikhat chu kan ṭhian ho kan party laiin kan thei tui intur ah damdawi anlo pawlh a, tihpalh thil thu in kan mudun ta ani, chuti chung pawh chuan kan in ngaizawng chuanglo mahse, ka rai a tihtlak ka duh bawk silo Rsa hi ka hrilh a. A pawm ka rin loh tehlul nen ka beisei loh lutuk in a mawhphurhna ahria a ahlen bawk, ka chungah aṭha a afel em em bawk atirin ka duh biklo tunah chuan ka pasal anih ang takin ka hmangaih lutuk tawh " A pasal chanchin asawi lai chuan, amitmeng ade sar sar a ahmangaih zia hai rual anilo 

" Atir khan ka hrethiamlo ve a, ka tuar ve bawk mahse, tun hnu hian engkim kha adam zawngin ka ngai thei vek tawh, kan tana ruat chu engtin pawn engpawh thleng se kan nei nge nge ṭhin, Kan inkar tawpna asiam te kha hrilhhai thlak viau mahse, diktakin tawpna asiam a demna tur a awmlo " chiang taka tawpna asiam khan hmalam min pan tir a, ahunlai khan hrilhhai viau mahila tunah chuan ka hrethiam vek tawh, thil hi chu ahunlai tete hi alo awm a.

Cont..