Damdawia chapter 19

 Lily(Rsa nupui) nen chuan kan titi dun luam a, ka laklawh len rei ta phian bawk, thingpui te alum a, han hnial tlat kha nuam kati bik silo bawk nen. puar ul in ka hawng dawn anih hi, an fanu lah chu atlei reuh phian a ahlei angreng bawk si, thingpui te ka inzawh chuan 'tih tur kala nei sia ' tiin ka hawnsan a, an inthlang lawkah Lyndai nen kan in tawk nawlh, thil hrilh kual ve tu hi Lyndai anih loh chuan amak viau ang.

" I ngampa sawt hle mai a, i bialpa khan heta ileng hi ahria em? " Ngeiawm tawk lekin anui a

" Thudiklo sawikual reng hi sim rawh, i tactic aṭhing lutuk " Ka ner pah kher bawk a, a ngeiawm achhuah peih chhung chu a aia ngeiawm in ka awm ve thei, mi runluih te zawng ka thiam lutuk 

" Mi pasal ngaihzawn ching, mipa pakhat ah pawh lungawi lo " Chhun ani bawka veivak an tamlo hlauh a, avanneih thlak 

" Hman ata tun thlengin pakhat hi kala lungawi pui reng, Rsa nen hian min sawi zawm tawh suh ang che, Rsa hi ila duh tih ka hria ania, nunhlui avangin ka buai peih tawhlo, keichuan hmalam ka pan. Nang hi hmalam pan theilo awmchhun chu i niin ka hria, mi nupa inkar ṭha lai tihchhiat tum tawh suh " Fiah fakin kati a, min melh rum ngang mai

" Inla fel vak lo mai teh " atih chuan ro deuhin ka nui a

" Ka inlak fel hranpa ka hrelo, fel minti anih chuan adik lo chuanglo ang, nilo lo a thil i sawi kual leh anih chuan maw, ka nasa ve viau ang " Ka kalsan hmawk hmawk a, Zoremi tein ah ka peng ang ka tih pawh ka theihnghilh phah daih alawm le, hmelchhe lyndai vang vek. 

....

" Lokal rawh, ka u chu room ah a awm a " Quarter ah ka lut kawi a, Duhsaki'n min lo dawngsang ṭha leh khawp mai

" Umm, awm rawh se ani chu ka hmu nitin a " An bulah chuan ka ṭhu thla ve a

" Puii alo leng chho lo ani maw " ka tih chuan

" A hawng deuh chiah " Sawmi chu angawi thei hle mai, min ngei viau chuan amah bak ahreawm dawn silo a

" Anih chu, lengharh ve ta che u, Middle school te khu anuam lutuk ania, thlalak nan pawh aṭha " ka ti zung zung a

" Utluangtluang, mipasal i ngaizawng anti a, tak tak ami? " Duhsaki'n a kheuh zeuh chu ka hmu reng

" I hresual anih chu, Nathana a awm laiin mi pasal kalo ngaizawng daih ang maw? Nge ngaizawng turin min duh zawk " ka nuisang a, ka ṭawngkam chu ngaihthlak liam mai ahar ve ang

" An sawi che a, kan len chhuah ve ṭum hian " Inla pawisawi lo deuhin a awm a, ka nuih ati za zawk 

" Thil ṭhing deuh chu maw, kan duh apiang neih kan tum ṭhin hi, hei hi afuh lo " Ka ngawi dat a, min chhan let leh hmain ka ṭawng khalh leh 

" Nathana hnenah ka ngaihzawn leh zawn loh chu i zawt chiang dawn nia " Nui mahila ka thinrim deuh ṭun tho 

" Buaina a awm emni? " Damdawia lo chhuah lai ka hrelo

" Awmlo e, Utluangtluangi hi zawhna kan zawt a, alungawi lo deuh ringawt " Awii, zawk zamah chuan a

" Sawmi " Duhsaki'n a khap a, ka ngawi reng thung Damdawia chu ka bulah alo ṭhu a, anau te pahnih chu a en run bawk 

" Eng zawhna nge inzawh " ati dam thlap thung a

" Mi pasal i ngaizawng ami kan ti " Lungawi lo deuh chuan Sawmi chuan ati a

" Nupui ka nei tawh ami? " Damdawia chuan azawt let ta daih a

" Aih " Atih chuan 

" Anih chuan a ngaizawnglo tihna anih chu, Tluangi in mil dwnlo anih chuan, incham reng hi arem dawnlo ania "" Ati a, nuamlo ka ti tawh zawk Lyndai nen kan inhnial deuh avang leh Sawmi zawhna berkher kha ka lungawi lo ve deuh mai kha ania

" Atawk, ka thinrim deuh hluai anih kha, apawilo " ka tih chuan min lo melh ve chiah a, tawi te in ka nui 

" Utluangtluang, nuamlo ti suh aw " Duhsaki chuan alo ti vat a

" A ho emai, thil dangah ka lungawilo deuh a, chuvang anih kha " Ka ti a, an ṭhiandun chuan an chhuak ta daih. 

" Khatia tih vak angaih loh kha, min ngainat loh sa nen " ka ti nghal chiam a

" Keiin ka ngainat che chuan atawk reng " Min hnaih sauh a, khua alum si inkuahna nikhua pawh anilo 

" Khua alum si " Ka ti a, min kuah lui tho mahse, a inla hrang leh vat a, insi chialin kan ṭhu dun tho, kan in ngaih hmel e

" Tunlai boruak leh bialpa neih chu chini leh chi ang vel ani, a inremlo " Ka tih chuan rum deuhin min melh ve ngei a, kalo nuih vur vur thung, min fawp a ka thiam ang tawk chuan ka chhanglet ve, a in lakhran dawnah ka hmui hnuai a pet tel zeuh a, kalo chiau hlut thung

" Tikhan ti ve ziah suh aw " Ka hmui hup pahin kati a, a kiai suk. 

" Inneih mai pawh hi apawilo mawle " Ati fan raih a, inneih asawi zing ta viau mai, keipawn tum loh deuh deuhin ka ngaihtuah ve zeuh zeuh tawh. Pasal neih hi chu kala zuam chiah biklo a

" Usiami'n anei chauh a, ka chhungte an khawngaihthlak alawm " ka ti a

" Puii ala awm alawm, Monu innei bawk a " Ka kut a khalh pah neuh neuh a

" Pasal neih hi kala dream ngailo achhan chu kan monu te hian kanu te anlo ngaitheilo viau ang a ka u te hian an nupui te an hlau viau maithei a, hreawm taka an awm ka hlau ani, enkawl char char ka duh chu chu ka hmahun ka ngaihtuah ṭhin dan ani " ka ti sep sep a, Umary mizia ang ah phei hi chuan tun aṭangin a ngaitheilo sa ania, diktak chuan ka hlauthawng ve ngawih ngawih, Ulawma erawh nupui hlau chi chu ani lem lo, kanu te lungngaih ai chuan ṭhen ani tawp mahse, fa te an nei tawha inṭhen tawp chu thil tihchi ani thei dawnlo bawk a. Uiii Damdawia hian rilru ati kalthui thei lutuk.

" Kan enkawl dawnlo ka tih loh kha, Siami pawh inkhua ah an awm reng dawn a " Ati sup a, ani ve reng tho 

" Ka hrethiam biklo, kanu te pawh kalo sawipui ang " Ka tih chuan chawpchilh in ahmel adanglam nghal vek thei mawle

" Kapa te pawh ka sawipui a, remtih lohna an nei lemlo, karleh hian Matei te hruai pahin anlo zin dawn a " atih chuan kalo huphurh lawk nghal ngawih ngawih

" Awii, i chhungte hian min lo duhlo viau ang a " Ka ti deuh phawng a, ka naupan na hi alang leh ṭhin, thil hi ka sawi deuh phawng phawng zel abuaithlak

" Chutiang mi anni lo, ngaihzawng ka ngaihsak lo lutuk hi min buaipui ṭhin, mipa awmchhun ka nia " ati a, an chhungkaw chanchin te min hrilh nual bawk, Zoremi te hrilh ila mak anti viau ang, inneih lam thlengin kan sawi kai tawh ania, thilmak chu atling ve alawm. Ahma te kha chuan bialpa ka nei leh anga inneih chungchang kan sawi te chu ka ringlo nasa mahse, hei tunah athleng mek chu anih hi 

...

Zanah kan ṭhian ho in kan kawmthlangah kan ṭhu khawm leh ṭhap tawh a, Williama'n Guiter a pawm leh ran tawh mai

" kan zai hmain thil ka sawi lawk ang " ka tih chuan, an ngawi ve dak hlawm a, vawiin thil thleng leh Damdawia'n inneih chungchang asawi te chu ka hrilh ve vek a

" Vawiin ah kan inah ilo kal maw " Ka sawi zawh vek hnuah Bawrhsaibea'n ati leh hram a

" A sawi zawh chiah kha mawle, Bawrhsaibe " Zoremi'n a ti hlak

" Ulily hi asual hranlo, Lyndai alo leng tam a, chuvang aniang " Thutak deuh chuan ati leh a, anih ka ring 

" Tinge i sawi ngai loh " Ka tih chuan 

" I hriatduh ka ringlo a bakah, khatiang lampang asawipui ka ring biklo alawm " Ati leh mai a, adik ve reng 

" Khalam kha chu dahṭha teh ang, buaina a awm tawh chuanglo, Inneih lam chu " Zoremi'n ati zung zung a, aphur hmel nasa mai, Williama lah in guiter chu a khat tawkin ati ri leh zeuh zeuh zel a

" Engvak kan sawi lem lo, kanu te kalo sawipui ang ka tia. Anu leh pa te pawh kar leh ah anlo zin dawn ati, diktak chuan pasal neih lam chu ka ngaihtuah ngailo a bakah, kan inzui na ala rei silo a" ka ti niah niah a, Chhungte hrilh hma aṭangin ka nervous lawk 

" Kum22 ini tawh a, ahun loh na a awmlo, inzui rei tih vel hian inneih lamah nghawng aneilo, kum10 dawn inzui tawh inṭhen an tam em hi, inzui rei lo innei te an nghet duh zawk daih alawm " Zoremi'n ati a, Mipa pahnih pawh anlo bu nghat nghat, kan ṭawng kar lakah kan thlang lamah vawk ho chu an nguk leh vak vak ṭhin a

" Uchhana Bank ho chu an va bengchheng tak, inneih chungchang sawi nak laiin " Zoremi'n ati leh hlak hlak ṭhin, Uchhana hian a vawk te hi 'ka bank an nih hi' ati ṭhin a

" Unathana hi a ngheh hmel kati ka hmuh dan chuan, han lerh kual chi ani pawn ka hrelo, thil ngaihtuah vaklo la, risk lak pawp hi aṭhat chang a awm ṭhin. I ngaihtuah kual nasat chuan i huphurh tulh tulh ang, Ani pawh nupui neilo rual ani tawh biklo a " William an ati ve nuap nuap a, thil hi asawi ve zuah zuah lo a, athilsawi ve chhun hi chu adik ve thei viau, Bawrhsaibea nen chuan lei leh van ang anni.

" Nia, ka chhungte pawh sawipui ve phawt ka duh " ka ti a, Williama aṭuah tawh bawk a, kan zai ve ta nge nge. ti hian mi pawi kan sawilo ber, ka ṭhiante hi an hlu a ka nuna laili ber an luah pha, an tello chuan ka kim lo a, an hlim reng hi ka duh

....

" Ihh " ka ngawi leh vang vang a, sawi ṭan mai dan tur avang ve e, ka chhungte'n ka sawitur an ngaichang ṭhap bawk si 

" Nuntluang, sawiṭha ve mai mai ta che, ihh iti reng mai " Kanu chuan dawhtheilo zetin ati hlak hlak a

" Englo, Damdawia ohh Nathana'n inneih lam ihh " Tun atakah engvanga ṭawngkam thiamlo thut nge maw ka nih le, ka dang lah chu a awk deuh em maw ni 

" Iva han mak e aw " Kanu bawk ani, kapa chuan alo khap vat a

" Inneih lam insawi tawh emni? " Kapu in ati dam thlap a, uar zetin kalu ka bu nghat, ka uanu te annui vek a

" Chuan " Kapa'n ati a

" Eng nge in ngaihdan, in fanu hi chhuak turin min duh tawh em? " Ka tih chuan ka unau te an nui uar sawt a, midang pawh an nui tet tet mai

" Mampui leh! chutianga tih teh tawp te chu " Kapi in ati a, anui ve hak hak, keipawh ka thusawi ka ngaihtuah chiang a, ka nuih aza ve tho 

" Chhuak tur chuan kanla duh miahlo che mahse, chhuak tur tho tho ini a, nangman neih iduh te chuan kan hnial hleinem, Palai te pawh lokal se " Kapa'n ati a, ka nui tawp 

" Karleh hian anu leh pa te anlo zin dawn a " ka tih chuan

" Ni e, lo zin rawh se, inhriatchian tluk a awm hleinem " Kapu in ati a, midang pawn an hnial lemlo, min zilh leh malh malh a, awmdan tur min hrilh chiam bawk, kanu in abei uar fal leh a, kan menrei phah vek 

...

Zing ka thawh chuan Damdawia alo leng leh ran tawh a, tunlai hi ka tho tlai thei lutuk mai, kapu leh kapa te nen Sitting room ah an inkawm a, Inneih lam bak an sawi leh lovang, ka hmai te ka phih fai hnuah ka nau eirawng bawl ka pui a

" Amak i kut i sil sek zel " Ka nau in ati hlak a, ka tum reng vang pawh anilo, eirawng ka bawl chuan ka kut ka sillo thiamlo hrim hrim. Chi ka khawih a ka kut ka sil a, chaw hmeh chawk ila ka sil leh nghal a, aninawm kati ve tho 

" Aw, ka inhre lawk bik hleinem " ka zaidam lemlo khawp mai

" Chhehchawlnu chu iva au ring ve " Damdawia chu ka melh nghek a, ka kut bawk chu ka sil leh, ka nau a chek tlak tlak a

" Tuikuk inih hi " Min ti kher anih chu, angeiawm ve e 

" Rohlupui ngawi mai mai rawh " ka ti hluk a

" Atawk insum rawh " Ka darah alo hmer a 

" Ilo leng hma " ka tih chuan, ka biangah apiai a

" I sawi ngam ka ringlo a, ipa te lo sawipui ka tum a mahse, ilo sawi ve diam a " Atih chuan ka nau alo nui a, kalo melh rum 

" Asawi thiam lutuk " Puii chuan alo ti leh a

" Ngawi mai mai teh aw " Ka ti hmuk, henu hi chu min tizak tu ani ringawt 

" Engtin nge asawi ve a " Hepa pui lah hi

" In fanu hi chhuak turin min duh tawh em? Ati " An pahnih in an nui hak hak a, mi ṭawngkam thiamlo ve te, innuih chiam tur pawh anilo 

" Sawi mai dan tur ka hrelo ve alawm " Ka ti niah niah a

" Duh loh hi i har ṭhin " Over vak zel, ka ṭhen daih zawk dawn maw ni 

Cont..