Damdawia chapter 20

 Damdawia nu leh pa te pawh an lo zin ngei a, anu phei chuan min be siam siam reng a, ka huphurh ang aiin anuam daih. Damdawia nen kan inkarah pawh an remti thlap a, an hawn veleh Palai anlo tir dawn ani awm e. Ka ṭhiante an phur ber a, Palai anlo kal hma aṭangin 'inneih ni chu aw ' anti lawk tawh

" Palai chu anlo kal ami? " Kan ṭhianho spot ah kan ṭhu khawm leh dial tawh, Zanin ah palai anlo kal dawn a ka leng daih thung.

" Umm, ka leng tur nen kan in tawk " Ka tih chuan an nui vak vak hlawm a, Palai lo len laia awm ve kur chu ka duh teuhlo mai

" Pasal inei tur hi ka huphurh pui che " Bawrhsaibea'n ati leh hmanhmawh a, diktak chuan ka chhungril hi anuamlo, inneih leh loh maite ka duh

" Ka ṭhen dawn mawni, pasal neih chu kala duhlo e " Ka ti zo chiah, Zoremi'n ka hnungah min beng pawp a, na tak ani 

" Mawl mawl suh, an in ah te chuan thlakhat vel bak i awm nang hetah hna anei a inlo awm leh daih ang chu, anu leh pa te pawh ansual loh em kha, a unau dang te lahin pasal an nei vek tawh a, Duhsaki bak hrawn tur ineilo, i zir phawt chuan hreawm tih chhan tur i neilo hrim hrim " Thutak deuh zawkin ati a, ani ve reng mahse, pasal nei tur anga ka insuangtuah hian ka dik hleitheilo 

" Ka huphurh alawm " Ka ti bai bai a, min hrethiam thlawt lo 

" In inneih niah, nervous rehna ka pe ang che " Williama'n ati a, eng nge nervous rehna chu, chutiang a awm pawh ka hre ngailo 

" I hmelchhe emai " ka ti vak a

" Kan ṭhian ho leader in pasal anei dawn sia. Eng nge thil pek ka pek ang che aw " Zoremi leh williama pawn an lo belh vat a

" Tluangi hriat loh in kan sawiṭha leh dawn nia " an ti vei ngial chu eilo zetin kalo en, ka phone vibrate chur chur chu ka ensan daih, Damdawia hming alo lang va va mai 

" Khawnge i awm " Hello pawh ka ti hman hleinem 

" Ka leng daih " Ka ti a

" Inah te awm tur alawm, lencheh nu " alo ti kher a

" Ka awm peihlo alawm, tinge " ka ti a, ka ṭhiante chuan eng eng emaw an sawi a, an inhnial leh bap bap tawh 

" Pastor Quarter ah ka awm, Angeli'n lo leng ru atia, in inah i awm silo a, lokal ve rawh, hruai i ngai ang em? " a ṭawngtam ve hle maia, nupui anei tur hi nuam ati e

" I hmimg bula Pu awm tur hi nuam iti sia e, kalo kal ang " Ka tih chuan alo nui hawk hawk a

" Mi dangdai nu, mahni pasal tur te an fiam zuk zuk ngai pawh ka hrelo " Arawn ti a, ka chhang tawhlo phone chu ka dah a, ka ṭhiante ka hrilh ve chuan 

" Va hawng rawh i huai tho thlah i ngailo, keini chu committe kanla ngai. Agenda pathum lai a awm " an ti a, hrethiam lo zetin kalo en

" Eng nge awmzia " ka tih te chuan tuman min chhang ṭha duh miahlo, an duhna ah hi chuan an ngeiawm ve thei asin aw

" I hriat loh a committe kan ngai " Anti a, ka tibuai duh tawh biklo

" Lokal rawh " Pastor Quarter ka thlen chuan Uangeli'n min lo chhawn vat a, Inleng annei lo anih hmel, ṭhutkhawmna ah Damdawia leh Pastor chu anlo awm a

" Khawnge in naute " Damdawia bula ṭhutthlak pahin kati a

" Amu deuh chiah, thingpui kalo siam ve nghal ang che " Choka a luh arual a, hnial hman pawh anilo, thingpui nen alo let leh a, a pasal bulah aṭhu ve bawk 

" Hun in nei vak tawh dawn silo a, zanin ah leng turin kalo sawm che u anih hi " Ati a, anui var var bawk 

" Keichu hun ka nei reng alawm " Ka lo ti vat a, Pastor pawh anui ve suk suk mai, kan awm rei hmain kanu ten min lo phone a, kan hawng ve nghal mai

" An inhmeh tawp " Damdawia chu a kiai suk a

" Anni aiin kan inhmeh zawk " ati sup, inkai rialin kam kal dun ve ngei 

...

" Ilo leng leh daih a, iva enghelh lo tak " Inchhung ka luh rualin kanu chuan ati nghal a, Damdawia erawh ahawng tlang thung 'chhungkua a inkawm induh takah ' ati a

" Palai lokal laia lo awm kha anuamlo ve a " Ka tih chuan engmah asawi chhunzawmlo, kan chhung hnai te anlo kim viau a, Upa lamin thil an sawi ho a, naupang lam chu kan bengchheng hle ani mai

" A pasal nei tur ber hian a enghelh silo a " Kanu in ati leh ṭhin chu ka ngei, engtin vak nge awm se min tih ni, pasal kala nei ngai biklo a awmdan thiam ahar ve em asin. 

Palai anlo kal nawn leh naah an rem a, ahun leh ni an ruat fel nghal thlap bawk, kan chhungkua pawh kan buai ve char char tawh, Zoremi ṭhianah ka hmang dawn a, mo kawr lam chu ka ngaihven vaklo, Cousin ka nei a Damdawi chhungte'n min buaipui char char bawk a. Thil athleng zung zung a, amak ka ti tulh tulh bawk Pasal ka nei ve mai ang tih pawh ka ring thiamlo ania, Rin aiin lawmpui tu ka ngah a, Man hlanna programe pawh felfai takin kan hmang a, inneih na tur chu Damdawia te lawina kohhran ah ani thung ang. Kapa zawn tur pawh an mahni lamin min zawn sak a. Kan hnampui alo ni leh zel bawka azia phian mai, ka ngaihtuah chet chet chang chuan ka tisual ang em tih kala inzawt fo ṭhin, mihring rilru danglam chakzia ka hre ve miau a, hlauhthawnna a awmlo theilo, chutiang a ka rilru akal thui chang chuan ka ṭawngṭai tawp zel, ka hmahun akutah ka nghat a, egpawh thleng se aremruat ka tana ṭha tur ani.

" Wow i mawi hle mai " Darthlalang a ka thla lang chu keipawn mak kati, mo kawr mawi tak ka inbel a engkim mai chu adik thlap a, hetiang tak hian ka hmelṭha tih pawh kalo hre ngai hleinem, Zoremi'n min fak chamchi a, min faklo se ka dem ngawt zawk ang, ti tak hian mo kawr hi ka inhmeh tih pawh ka hre hleinem. Ka chhungte chu Biak in lamah an kal vek tawh a, Bawrhsaibea te chu anla awm ' i rualin kan kal dawn ' anti tlat a, tuman kan hnial theilo, kan kal hma chuan kan inkuah hlawm a

" Kawppui tawng vek mahila, he ṭhianṭhatna hian damchhung adaih ang " Anti a, ka mittui atla mai dawn alawm le, Williama' motor akhalh a, abulah Bawrhsaibea aṭhu bawk keini pahnih ahnungah kan ṭhu a, Pasal nei tur e tilo chuan anui ring ber ber ah ka ṭang a, ka nervous pawh azia deuh alawm

'" Ṭhianah ṭan kan duh ve ania, duh leh sam lem pawh kan vuah mai ang " antih te chuan Zoremi nen kan nui hak hak, Biak in kawt ah kan din chuan, ka nervous na alo kir leh a, ka thin aphu dawt dawt mai, kawngkhar min hawn a, ka chhuah hnuah ka mo kawr chu Zoremi'n alo siamṭha zung zung a, Kapa'n ka kut avuan 

' Khawvela pa hlim ber ka ni hial ang, i mawi lutuk ka fanu' ati sup a, Biak in chhungah min kai lut a, kan hnungah zoremi'n min lo zui bawk, Damdawia kut a min hlan dawn chuan 

" Ka fanu ka hmangaih anih hi, enkawl kala khamlo ania, ti hlim ang che " ati nghet charh a, Damdawia alo bu nghat, inneihna chu kan ṭan a, zam viau mahila thuchham tur vel chu pangai takin ka chham tluakn vek a zungbun pawh pangai takin min bun tir mahse, ka buntir ve dawn chuan ka zungbun kemn chu ka thlauh daih a, mangang zeta Damdawia ka en chuan alo nui anih chu! Mi mah zah leh mangan nak laiin, zungbun kati tla tih hre ho chu an nui hak a, Pastor in zungbun chu min lo pe leh, zah tawrh hrep tawh hnuah ka bun tir ve ta, ' Tiam tlat e ' tih ka sawi khan ka tiam satliah lo a, anuam ah pawh hrehawm ah pawh ka ti tel ani, chutiang anih chuan eng emaw hlekah ka tawpsan arem dawnlo a, Pathian leh kohhran hmaa ka thutiam anih miau avangin athuk a, aril bik bawk ani.

Inneih kan zo a, thlalak chhung pawh arei ngat ngat khawp mai, an mahni mi hausa an nia mi hriat an hlawh ve a, ninawm khawpin lawmpui tu an tam ka va ning tihna lam nilo se, cake cut vel ala ngaih avangin programe tlem azawng hmang tel turin kan awm leh vang tawh a, Damdawia nen kan ṭhu tlang a, kan sir tawn ah kan ṭhian te ve ve an ṭhu bawk 

" Mo leh mo neitu te present hlanna hun kan hawng ang a, an mahni lam hnai ang khan kan sawm dawnlo a, ti khan innawk buailo in inpe tawp dawn nia, thusawi tel duh kan awm pawn arem vek e " Hun kaihruaitu in atih chuan, keini pawh present dawn inring takin kan ding vang a, present min petu pawh an tam a, Damdawia lam aṭangin an tam zual, Aṭawpah ka ṭhiante pahnih anlo lang ve hlawl a, Bawrhsaibea'n mic a chuh vat 

" Zoremi kha, hetah lo ding ve teh " Atih chuan Kan nui dar dar a, Zoremi pawh thuawih deuhin an pahnih bulah chuan ava ding a

" Lalnuntluangi hlimzia saw, khiang rah ang mai ani akhi sang reng a " Ati a, an nui leh dar dar a

" Williama'n nangman sawi rawh ati tlat a kan sawi ange, Kan ṭhiannu hi kan la ui a, kan ring che a kan neih tir bawk che, enkawl ahau tak velo a, hmeichhe dang angin hmai phihna hran angailo a, arem rem in ahmai aphih ṭhin, Nisa atuar dawnin sun block ahmang ve kher ngailo a, engkimah ahau taklo, chaw erawh inchhum tam deuh angai ang " in hup meuh a nui pawl pawh an awm

" Nupa hlim tak ni turin Kan duhsakna zawng zawng kan hlan che u " An tih hnuah, present pawm lian ang reng deuh hi an lo la chhuak a, ka mittui hru zeuh pahin ka nuih var var a, kan inkuah leh ang lawp lawp a, Damdawia pawh an kuah tho. Present inpek hun kan hmang zo a, cake kan cut a, keiin anu leh pa te ka barh a, ani'n ka nu leh pa te, ahnuah midang eitur in an sem a

" I chau em? " Damdawia'n ka bengbulah alo ti a, kalu kalo thing, programe azo a, a cousin leh aṭhian ten after party an duh laiin ka hnial thung, hnial chu mawilo viau mahse, tiang pui pui hi thingtlang nula ka nih avang nge ka zo ve chiahlo ani, vawiin kan hun hman hi atawk kati a, Shooting neih antih erawh ka hnial bik lo, Nathan Lalruathlua chenna run ngeiah ka lawi lut ve ta rup a, hun tam zawk alo hman ṭhinna aroom chu ka room alo ni ve ta bawk a, ka thuamchhawm te nen room chu ahnawk ang reng, Kan ṭhianho in kan awm a, inleng neuh neuh chhawn in Damdawia pawh ala buai ang reng. Ka ṭhiante chuan hawn mai an duh tawh avangin, room aṭangin kan inzui chhuak a, Damdawia engmah hrilh loh chu ka tih avangin, ka ṭhiante chu chhuk hmasa turin ka ti a.

Inchunga ṭhutkhawmna ah chuan aṭhiante nen an awm, an in hi a changkang a azau lutuk tlat, hetiangah hian ka awm thiam ve ngut ang emaw, ka kal hnaih chuan an ṭawng ri pawh achiang ta deuh

" I nupui hi aṭhing ve e, thingtlang nula tih takah " ka nui ringawt, an lungawi ka ring lemlo 

" Essy, i ṭawngkam fimkhur teh, keipawn ka duh lo ka nupui neihni hi ka tan ni special ani a, ho lam deuha khar ka remti lo " Damdawia'n ati nghet charh a, ngaithla zawm peihlo in 

" Nathan " ka lam alo hawi vut a, aṭhiante chu pa6 vel anni

" Min mamawh emni? " min lo pan ruak a

" Ka ṭhiante ka thlah dawn tih kalo hrilh che " Ka ti a, mawi zetin anui a

" Reilo la, lo muhil suh aw " ati tel kher a, min ti lai alawm le, ka kalsan a ka ṭhiante chu pawn thleng ka thlah, zingah anlo kal leh dawn a, kanu te pawh nichin deuh khan an hawng tawh a. naktuk lamah azualpui an hawng ang a, kanu leh ka nau chu ni3 vel an cham hrih ang, min hawnsan vek hunah chuan ka lungleng viau ang. Ka lungleng lawk in ka hria, zan hun hi ka huphurh bawk si

NL Lalnuntluangi kha Pi lalnuntliangi kani tawh dawn chu ani sia

Cont...