Damdawia chapter 21

 Kan inneih aṭang pawn thla2 ani veleh tawh, hun hi akal muang viau emaw tih lai hian, aliam ve zung zung zel, Damdawia nen pawh kan khua ah kan kir leh tawh a, kan hawn tirh chuan inleng pawh kan nei ve zut zel, inhnaih viau mahila kan inah ka chhukthla ngai vaklo a, an mahni anlo leng chho tam zawk, thlakhat vel chiah Damdawia chhungte ka hrawn a, in nghirngho na kan nei lemlo min ngaina thiam a, keipawn ka theih tawkin ka duat ve bawk, ka chhungten thu ṭha min hrilh nasa a, Pasal chhungte rem loh tlat ka tumlo, chhungkaw ti darhtu phei chu nih ka tumlo lehzual. 

" Inpa in len aphal ami? " Zoremi tein ah ka chho a, min hmu hlawl chu mak ati ve deuh a ang, kan hawn aṭangin hun an neih apiangin anlo leng ziah a, vawiin chu ka lengchhuak ve ta zawk anih hi 

" Report aziak a, abuai lutuk damdawi alo thleng dawn a, ahlui ho sem atum a. Ka lo lensan " Ngaihsam zetin kati a

" Iva awlsam tak " Ati a, anui hak hak bawk 

" Awi, min hmu apiangin min fiam hi chu ka hrethiam tawhlo, ninawm e " Ka ti hlak hlak a, min hmu apiang in 'Pasal neih chu anuam em? I ngeih ani maw, chuti khati dei dei ' anti peih lutuk hi ka ning takzet tawh

" Areh veleh mai ang " ati mai a, tunlai chu thimrim hluai hi ka ching a, keimah pawh hi ka inti thimrim lo chauh zel 

" Nimbu innei em? " ka tih chuan min melh vut a

" Nei nang, theihai a awm saw, ram ser pawh a awm " ati zung zung a, ka ner nak thung, thei thur ka duh em em bawk a mahse, Nimbu kher lo chu ka duhlo tunlai tak hi avanlai tak ani bawk a. Theihai te chu kan nei ve tho a, ka theithur chak ati bo lo 

" Nimbu kher ka duh " ka tih chuan athaw halh

" Pu Dawnga'n anei mahse, a uikawm e " ati a, Pu dawnga hi chu, mi kawm hrilhfiahna ania 

" Lut ru mai ang " Ka tih chuan, phawk zetin min en a, alu athing nasa mai

" Ka duhlo reng reng " Ati vak a

" Min lo veng ringawt dawn nia, i luh ve angailo " Ka pawtchhuak lui a, Pu Dawnga huan lamah ka pawt dawr dawr, ka duhlo ati reng a, kei lahin kalo ngai pawimawh lo nasa

" Uii, i nasa e " Huan hungna ka lawn liam lai chuan alo ti vang vang a, Nimbu rah chu avang ngei mai, ka hawikual ruai a

" Hei thawm ka hria ania, lo chhuak vat rawh " Zoremi'n ati chul a, harsa deuhin ka lawn a Nimbu tello chuan chhuah ka tumlo

" I mawl e " ti vakin Zoremi chu a che hrut a, Pu Dawnga thawm a awm nghal, keipawh chu bihrukna ka zawng ruai a Nimbu kung hnuaiah ka biru a min hmu thei maithei ani mahse, Vanneih thlak takin akal tlang hlauh a, ka bihrukna piah ah chuan Nimbu rah pahnih ka hmu nawlh, hmanhmawh zetin ka lawh a, ka lawnliam leh nghal

" Zoremi chu min hawnsan ani maw " ka ti niah niah a mahse, kawngsira hnim buk deuh chu a che lawih a, Zoremi alo lang hlawl

" Hmelchhenu " Rum zetin min lo melh a, ahmel zawng zawng nen ka nuih ati za lutuk, ka nuih hak hak a, kal pahin asam bal chu ka tihfai sak a

" Min man ṭep alawm " ati hlak hlak a, an inah pawh peng tawhlo chuan, min zui tlang ve daih 

" Khawnge ilo chhuah leh hman " Damdawia'n min hmuh rualin ati hluk a, kalo melh vak 

" Ka chhuak " Ka ti hmuk a, tlema min vin hlek te hian ka haw hlur zel 

" Thinchhenu " ati hluk a anui pah bawk

" I nupui hi lenchhuah tir twh suh " Zoremi lahin alo ti leh kher a

" Eng nge atihpui che, i lu ah khan bawlhhlawh a kai " Tihfai pahin Zoremi chuan min melh leh bawih a, ka ser lawh ruk chu ka vei mawlh mawlh thung 

" Pu Dawnga huanah alut ru a, aluh laiin alo kal sia, hnim pikah ka lut ringawt alawm " Ati nang nang a, Atthak ti zetin Damdawia'n min lo melh a, ka hmui kalo ti pawrh zeuh 

" Tun thla i period lo tiraw " Atih chuan ka la period lo tih ka hrechhuak chiah 

" Period lo, ka period dawn aniang ka mizia a inthlak emai" ka ti leh mai a, ani dawn tak ang ka thinchhia leh thinrim hma lutik te hi, thei thur ka chak huam huam ṭhin bawk si

" Engtin nge i hriat theih " Zoremi chuan ati hlut a

" Pads saw angai rei em a " Ati mai a, Damdawia hi sawiselna tur ka hre thlawt lo tun atan chuan, min chik a ka mamawh te hi sawi angai lemlo, ka sawi hmain min tihsak deuh thlap zel, kei ai mahin ka mamawh pawh ahre daih zawk 

" Awi, Perfect Husband ini chiang alawm, Nuntluangi vanneih lil lel zia hi " ati leh vak a, ser chu tui ti zetin ka ei hmawk hmawk, athur tuizia hi ka dam sawng sawngin ka hria

" I ei zawh khan va intest teh aw " Thutak deuhin ati leh nghut a, en zawkin ka ser ei lai bawk chu ka buaipui leh

" Timaw? " ka ti hu mai

" I rai maithei a " Atih chuan, a aw a phurna ri tel chu ka hre thei

" Naaa " Ka ti ringawt, rai lam kalo ngaihtuah lo reng reng, thlahnih lai kan innei ve tawh a, Damdawi ka eilo bawk a ka rai maithei mahse, beisei nghal chiam ka duhlo kalo rai loh chuan, ka hnual vek ang tih ka hlau 

" Awi ni dawn tak e, chutiang lam chu ka ngaihtuaj lo reng reng " Zoremi lah chu aphur nasa mai a, ka thil ei te chu min tur deuh chhen, ka ei zawh chuan in test tur chuan Bathroom ah ka lut a, rilru ṭawngṭaina ka nei mawlh mawlh bawk

" I rai em? " Ka chhuah leh chuan, an lo ding dun reng a engchu hria nimaw, lo ṭhut ve hle hle mai awm, test kit chu ka pe a, an en rualin an phusa nghal hlut a, keipawh ka lawm ka rai a. Damdawia chuan min pawm kang deuh nawlh a, kalo rak chiam thung 

" I mawl mi " ka ti chul a, chhuata min nghah leh rualin min fawp a mahse, areilo Zoremi ka va en chuan min lo ngaihsak lo nasa, test kit chu thla ala a

" Awi, anuam e mai " a khat tawkin ati leh ṭhin a, Damdawia pawh a khi reng mai

" Ka hmangaih che, Ka nunah hian lumna tamtak i thlen tih i inhria em? " Ka chhungte hrilh turin Zoremi achhuak a, kan pahnih chiah in kan awm

" Keipawn ka hmangaih che " Ka ti let ve sep a, amitmeng nung sarh chu hmuhnawm ti zetin ka en ran

" Ka thinlung " ka pum chu alo tawk zeuh a, hlim zetin ka nuih var var, Lalpa kan lawm e

Ka chhungte an hlim a, Damdawia chhungte pawn lo zin an tum nghal chuk chuk a, kan inkhap thei hram ani. Neih pawh kala nei em lova, an thin tih rim ai chuan an lawmna siam chu thilnuam tak ani, Pasal ka neih dawn ka hlauh ber chu ka rai theilo ang tih kha ania, tunah chuan ka rai ve ta mai chu ani sia. Rai ka haw lo a Aizawl aṭangin damdawi leh eitur theirah te min lo thawn reng a, kanu te lahin engkimah min duhsak bawk a, ka thau vak ang tih ka hlau, ka thil ei atui em em mai bawk si, kanu hlim vel lutik chu Usiami'n afiam ṭhin a 

" Ka rai tih ka hrilh lai che khan i lungngai em em a, Mampuii arai chuan i phusa sek a, i fair lo e " Ati a, kanu apha nasa ṭhin viau a, chu chu keini' kan lawm a, kan nufa ho a kan awm khawm phei chuan kan hlim ve thei viau, Usiami rai hi kanu alawm lo anilo a, sawn apai khan alungngai mai chauh ani. 

....

Kum2 aral leh meuh chuan, Fanu duhawm zet ka nei a, kapu in ahming atan Lalhruaizeli tih a phuah/sa a, Nathana te lamin Faith an tel ve bawk. Kum1 atling ve tawh a, apu( Nathana pa) te'n anlo vcall ve reng mai ani, Hnute ka pek bak hi chu atetlai aṭang tawhin ka pawm ve ngai meuhlo, Bawihtei atlei bawk a Kanu ten an pawm loh leh ka ṭhiante'n an pawm a, Uangeli pawn ahunawl ah min lo pawm chhawk ziah a an lo leng zing ve khawp mai. Ka ṭhiante pawn eng eng emaw hi anlo leisak reng a, toys a khalhthiam hma aṭangin toys anlo leisak ziah zel, alawmawm hranpa ve hrim hrim ka tan hian an hlu takzet bawk

" Bawihi, thingpui min lo siam teh " Damdawia'n alo ti dut dut a, an pafa in sitting room ah an inchhaih nui iar iar a, choka aṭangin an hmuh vek theih, thla2 vel anih khan zan ṭah avei a, kei lah mut kalo duh ve si Damdawia ahah viau a, zanah a awi turh turh zel, ani ang mipa hi chu an awmlo ang chu ka tilo mahse, an vang viau ang, keihi hmeichhe vannei chu ka ni e. Ka Damdawia ka pasal leh ka fanu pa, ' Lalpa danglam tir suh aw ' ti sepin, thingpui chu ka pe a, min hmuh rualin Mawi zetin min nuih a, ka fanu leh ka pasal bulah hian nun hi alo famkim anih hi 

A tawp ta...