Damdawia-Chapter 7

 " Nunsiam " Ka hawi chhuak vat, Ulawma chu alungawi hmel loh khawp mai Usiami chuan room aṭangin alo chhawn a, kei erawhin kan kawr tur chu kalo buaipui mawlh mawlh thung

" Lo chhuak teh " ati leh nghut, zingkar kan chhungkua kan kim lai tak ani a, ka u te chu kan ngaichang ṭhap 

" Eng nge, Paper ka check laklawh asin " Usiami pawh alo chhuak ve mai a, ngaihsak vaklo chuan ka kawr ṭhui lai bawk chu ka ṭhui zawm leh 

" In unau a kawr in ang inṭhui laiin tinge Mary intel ve loh" Ulawma'n ati chiah chu an mahni lam ka en leh chiang asin, chutiang avang mai mai chuan maw 

" Kan tel loh pawh a awmlo " Usiami pawh chuan ahrilhhai ve hmel khawp mai 

" In enhrang lutuk, Inkawr ṭhui chu ka sahchhiat sak vek mai ang che u " Ati leh hluk chu ka ngaihdan ani vaklo, Umary pawh anpa hnenah zualko kher hi angailo, Usiami'n sawilo mahse puan chuang atam a, ṭhuisak ka tum reng ania 

" Ee, chuti zawng chuan min ti suh, infa te kan theihtawp in kan ngaihtuah a kan neih aia ṭha kan bel ve bawk, nangni lehzel chu kan enkawl che u angaiin ka hrelo. Kan theih na ah chuan kan tel ziah atello in thil thar pawh kan nei ngai manglo, kan thil tih zawng zawng hi athik tur ani biklo, inchhungkua in min tih hah zia hi hre ve rawh " Usiami chuan ati ta hmak hmak a, kalo inrawlh duhlo 

" Chuti chuan ani maw min lo ngaih, lehkha izir lai khan hah deuh in hna ka thawk ve tho asin, ka nupui chu min hmangaih pui turah ka ngai " Ka u rilru chu amak kati deuh, ahma zawng pawn anupui aṭan vak ngai silo ti ila aṭan ngaiin a awm ngailo tu emaw berin athlavang kan hauh ziah

" Ngawitawh rawh u, ṭhenawm ten anlo hria ang azahthlak lutuk " Kapi in alo ti thuai a, usiami pawh inpetruh ṭeuh in ading

" Kawr chu i ṭhui tawh ami? " Kapa'n min zawh chuan ka bu nghat a

" Ka ṭhui mek " ka ti sep 

" Chep chhe vek la paih ang che " Kapa thusawi chu ka hriatsual emaw kati hial, mo kan neih hmain thinrim engphiara inhauh kan nei ngailo, mo neih hi kan zo lo ani maiin ka hria. Ka vahte chuan nun anti hlim ngei mahse, hemi piah thil hi abuaithlak

" Aih, zan pawh mulo in ka buaipuia chuti mai mai chuan kati dawnlo " Ka lo ti ve vat a, min melh rum khawp mai 

" Ti rawh ka tih ang chuan ti ang che " Sehchilh rapin ati leh a, ka ṭah chu achhuaklo mahse, ka rilru ana 

" Eng nge paih angaih na, mi hausa chuangliam pawh kan nilo. Mo kan neih aṭangin an unau zingah tu pawh zin se Mary thil anlo hawn tel ngei ngei, nuam atih loh hlauin an theihtawp an chhuah ve bawk, i fate hi tikhan ti mai mai suh " Kanu chu athinrim ve ngang aniang a aw akhur dar dar a 

" Saw kawrah sawn engzat nge insen, Sum aiin Lungawina a pawimawh zawk chu aia la pawimawh chu inlungrualna ani, Saw kawr mai mai avang sawn unau thinrim takin in in hau a, chhungkua a nghawng bawk. Ka sawi ang chuan ti rawh " Thawm areh vang vang, usiami chu room ah alut leh nghal a, ka vahpa erawh in min hnaih ṭalh ṭalh reng a tunah hian anu leh pa te avangin lungawi lo viau mahila, ka vahpa erawh hi chu ka hmangaih reng tho.

Chaw kan ei a, Usiami alo chhuaklo kan chaw ei boruak chu anuam lemlo khawp mai, eng ang pawn lungawi lo mahila chaw ei loh mai mai ka tum teuhlo mai, chaw kher hi chu ka nghei ngailo, thinrimna zawng zawng hi chaw ah ṭuan ila ei nghek nghek ila kan taksa aṭha daih zawk a, tuma pawi kan va sawi tawh chuanglo bawk. Chaw eikham chuan Puii abo hmak a kanu pawh aleng nghal daih 

" Tluangi, Mary pui rawh " Ulawma'n atih chuan 

" Ka hmanlo " ti hmakin ka chhuak a, Sub centre kawtah Damdawia alo awm a, ka chhuak min hmuh chuan 

" Chhehchhawlnu, chaw i ei tawh em? " Nung sarhin alo ti a, anui deuh var var bawk, kan boruak hria se min nuih vur vur miah lo ang 

" Ei leh nghek tawh e " Ka ti kher chu alawm a, anui hak hak 

" Tunlai chu i hmel hmulo in i thawm ka hre reng a " Avan ngeiawm tak, ka ṭhiante nen pawh kan in kawm lutuk lo tunlai chu. Kawr ṭhui tur ka nei neuh neuh a ka rualpawl vak lo mahse, inchhungah chuan ka au tuar tuar a, kanu'n min vin tuar tuar bawk a, chu chu ani asawi chu ka hmel hmulo a ka thawm ahriat chu 

" I ngeiawm e, Enteh " Ka ti hluai a, alo hawi kual nasa

" Eng nge khatia i awm kher a " Lungawilo zetin kati a

" Enteh iti sia, ka zawng kual " Ka melh ram ram a, eng nge maw ahriat ni anui leh hak hak tawh 

" Vawiin chu i inah kalo inchhawp hnawk thei ang em? " ka tih chuan ahrethiam chiah lo a ang 

" Eng nge i sawi awmzia " Atih chuan ka nui a

" I phal nge phallo sawi la " Ka ti daih a

" Phal e phal e " A ti veleh mai bawk

" Nakin deuh ah kalo chho ang, anih phawts " ka kut ka vai zeuh a, ka luhsan nghal daih Umary pawn nau paw chungin thleng alo sil mek a. Choka ah pawh lut lo chuan room ah ka tlang nghal daih a, ka naui pawh khumah alo mu vum thur mai, ka bawh fiam chu 'i rit lutuk ' alo ti chul a, kan unau chuan kan nui dun hak hak asir ah chuan mu thla a, ka phone lo ri ve chiah chu ka la nghal vat

" In duhnu " Vcall ania ka phone screen ah ka ṭhiante anlo lang nghal 

" Awi, khua hmun si inhmuh ava khat ve " ka ti chhuak hliai a, min eilo nasa ropui lutuk 

" I over hret tih hi i chhungten an hre ve tawh em " Uang zetin an lo ti a, kan nui leh uar uar. Ka lungngaihna te ka thinrimna te rilru natna te hi ngaihtuah reng ka duh ngailo, a dam zawngin ka thlir hram ṭhin a mahse, ka hre reng ṭhin 

" Vawiin chu Sub centre ah leng ila " Ka tih Zoremi aphur fal a 

" inva han bengchheng tak, atakah in bengchheng bawk phone ah lah chuti bawk " Ka bula mu ka nau chuan ati nang nang a, ka ṭhiante chuan anlo hre ve ni ngei tur ani 

" Puibawngi alaw " Bawrhsaibea'n atih chuan ka nau ater at

" Bawrhsaibe khatin min ko tawh suh " Bawrhsaibe hian afiam peih ve hrim hrim, an awm tlan pawn an inhnial reng a, fiamthu a 'inla in ngaizawng ang ' kan tih chang hian ka naui hi a ater at zel

" Ipi theihai kha lawh ila " Williama'n alo ti thung a, kan ngaihtuah te hi a in anglo hlawm ania

" Aw kalo dil ang, Ui-a i period dawn ami? " Ka ti chu a duh lo ngang mai, Bawrhsaibea leh Zoremi anlo nui uar uar a

" Keini ṭhianho hi Sub centre kan ti reng mai, Sub centre hrik kan nih hi " Bawrhsaibea'n la nui vur vur chungin ati a

" Kan ni mai " ho deuh deuh sawiin rei vaklo kan inbiak leh hnuah ka out hmasa ber a, ka thawmhnaw ṭhui tur leh ka mamawh chu paper bag ah ka khung mawlh mawlh 

" Unathana inah i ṭhui leh tawp dawn elaw " Ka naui'n atih chuan ka bu nghat nghat a

" Paih ka tum reng renglo, puanthan hi athlawnin kan hmang hleinem " Ka ti hmak a, ka inkhung vek tawh hnuah room aṭangin ka chhuak a

" Pi, i theihai nangma ta bik liau liau khu kan ṭhian ho eitur kalo lawh " Ka nuih tlawn var var a, a Bible chhiar chu dahin atarmit kar aṭangin min melh ralh a

" Pa5 bak lawh suh ang che, ka chhiar vek ania " Bible chhiar reng chungin ala uikawm em em thei ania

" Bible ah khan uikawm rawh tih a inziak ami " Ka tih chuan min melh ralh a, lawh suh atih leh hmain ka tlan chhuak nghal daih, kawmthlangah chhukin theihai chu Pa6 ka lawh hram a, achhinchhiah tak tak ka ringlo

" Khawl nen khan i leng dawn ami? " Kapu in khawl pawm chunga ka chhuak tur chu min lo hmu hram a, theihai te nen ka bawr khawp mai 

" Aw, Alum si Damdawia in khi adai deuh a " ka ti ve mai a, engmah asawi zawm tawhlo 

" Khati rup khan maw " Ka lut min hmuh rualin Damdawia'n alo ti hluai a, mak ati viau aniang zingah khan ka thusawi ahrethiam lo ve alawm 

" Min lo pui la, ka bawr em hi " Ka tih chuan alo tho vut a, khawl chu min laksakin chhuat ah chuan a nghat a ka thil ken bawr laih chu kalo dahthla ve nghal 

" Theihai i ei chak em? Kalo keng a, Sub centre hrik ho pawh anlo kal ṭep " ka tih chuan abo leh hu tawh, kei tak pawh hi ka ṭhiante ang turah hian ka ngai leh ṭhin 

" ka ṭhiante ka sawina " Ka tih leh chuan abu nghat a, thei hai chu dawhkanah dah pheiin chhuatah chuan ka ṭhu deuh nuai a

" Khawl kha ṭhutphahah hian dah kang la, a awlsam zawk lovang maw " Atih chuan kalo bu nghat nghat, amah bawk chuan khawl chu min sawn sak a

" Damdawi, Bialnu i neilo ami? " Ka tih chuan, min en nghal ngal a, tawi te in kalo nui. duhtu aneih loh chu ka ringlo a, bialnu aneilo anih chuan eng emaw tak chhan aneih pawh ka ring 

" Tinge, min bem duh ami? " Mit hmul san ak chunga atih chuan min ti lai ngawt mawle, hawi sawn pahin

" Chutiang lam anilo nasa " Ka lo ti chiam a, ka kawr ṭhui tur chu ka la chhuak mawlh mawlh, ka che te chu ka diklo vekin ania ka hriat 

" Mipa ṭhenkhat anga ngaihzawng neih lawr dun hi nuam kati chiah lo, hmeichhia chu ka belhchian hnuah ka hnaih ṭhin ka hmeichhe duh anih chuan engmi pawh nise ka vuan tlat ang, chutiang chu kala tawnglo " Ahmel ka en a dawt sawi hmel a pu lo a mahse, amitmeng danglam chu ka hmuthiam, athutak run a boruak ati uap churh alawm

" Inla ril vel e " sawi tur hrelo zetin ka ti nang nang a, ka chhip ah alo tuai leh zeuh tawh 

" Fimkhur tur, ka duh miah loh nupuia neih ka ngaih loh nan hmeichhe nazawng ka hnaih ngailo " Atih chuan athusawi awmzia ka hre thiam deuh, an ngaihzawng chiah te pawh nilo sex hmanpui avanga talbuai zuita mipa ka hre ve fo tawh, an duh miah loh mahse hmeichhia arai avanga inneih ngaita te asawina ani in ka hria 

" Ni e, i sawi dik khawp mai mahse, nangchu eng emaw in i rilru akap ṭhin in ka hria " Ka hmuhdan chu ka sawi ta nge nge, anuih reng laite hian amitmeng hi adanglam zawk ṭhin, chu chu kei mi phawsawlh tak hian ka hmuh hmaih biklo 

" Min chik ami? " Atih sup chuan ka nui a

" Ka chik em em che chu ka hre chuanglo, Hmangaihna in asawp chauh vek tawh i ang chuvang zawka hmeichhe hnaih tawhlo chu ini thei em " ka ti let ta zawk a, keipawh hmangaihna in namen lo in min sawp chau a, chuvang chu ani mahna, ṭawng tum ni awm taka a awm laiin kawngka an lo kik a

" Zoremi te ami " Kalo ti hlut mahse, Pari leh aṭhiannu zawk anlo nia

" Utluangtluangi chu, ileng ani maw " Anlo ti lut barh barh a, ṭhutthleng ah tlangnel deuhin an ṭhu nghal bawk 

" in hmuh ang hian " Inpawh deuhin kan titi ve dawn chiah a, anlo kal timing lo ve e Damdawia hian thuruk ril deuh aneih ka ring ve tlat, Damdawia chu an be zui daih a keipawn ka kawr ṭhui tur chu ka ṭhui mawlh mawlh a

An ṭawng bawrh bawrh laiin engmah ka sawi ve tawhlo thung 

" Utluangtluang, ahma khan U rsa nen khan inni ve tawh tiraw? Inni rei viau khan ka hria a mahse, amah lahin nupui anei leh thut bawk si " Eng rilru pu a chu thu chu sawi nge anih pawh ka hrelo e, ka sawichhuah chak loh ber thil ani 

" Naupang hriat chi anilo " An mahni pawh en lemlo chuan kati a, min chhanlet hmain ka ṭhiante anlo lang ve hlawl 

" Nangni pahnih lah hi " Williama'n Pari te en pahin ati a, ka bulah anlo ṭhu thla dial bawk 

" Chhuatah kher ṭhut ve angaih loh kha " Damdawia'n alo tih chuan lu an thing a

" Alum lutuk, chhuat hi adai " anlo ti mai a, Pari te titi kan ngaithla ti ila ka sawisual lovang, Damdawia ka en chuan phone alo khawihsan mual mual a, ka nui chhuak huk lo chauh ani, ka ṭhiante nen pawh zawi tete in thil kan sawi ve mial mial a, Zoremi anui chhuak leh vak ṭhin chu abuaithlak.

" Nangni ṭhiandun khan boruak inhip tam lutuk, boruak lum in thaw chhuak tam bik si " Bawrhsabea'n atih chuan ka insum hmanlo ka nui phuh deuh ṭhawt a, ka nuih pah chuan Damdawia ka en leh hram, ani pawh phone a inhliah chungin nuih alo insum ve nasa 

Cont..