Damdawia-Chapter 8

 " I zaklo emai, nang alawm boruak hip tam, i hnarkua azau si " Pari ṭhiannu zawk chuan ati hlak hlak a, Bawrhsaibe lahin eng atan mah angai silo 

" In nihna anih loh chuan nuihpui mai ula " Meizial azu khu chum chum bawk a, angeiawm ve e an thimrim tak tak ka hlauh avang chuan Bawrhsaibe chu ka nghawk zeuh a

" Theihai ei ang u, Zorem va siam la Pari ei ve ru aw " Thudang ka sawi ta daih a, mi zak deuha siam hi ka duh ngailo, engmi pawh nise zak deuha siam tur kan ni bik lo

" Aw, kava siam ang " atho ve mai, ka thil tih lai alaklawh deuh avangin ka pui ve kher duhlo, Mipa ho chu an ṭawng hlut a. Pari te anlo inrawlh leh zeuh ṭhin 

" Tluang, i phone ari ania " Williama'n ka phone ahmang a

" Tunge " Tih pahin ka va ban a

" Number hlang " tu tak ni ang maw, pawimawh te anih takah ka tia. Kala ta tho a

" Nanun " Aw thawp sup in alo tih chuan ka meng kawk,, hetiang hian amah bakin min ko ngailo, hrilh nawn ngailo in Rsa ani tih ka hre thei 

" Aw, sawi rawh " Ti sep in ka tho a, choka ah ka lut phei ve ta daih Zoremi'n min hmuh chuan mitmeiin ka mi biak chu min zawt a, kalu kalo thing

" Tinge ka msg i chhan duh loh " Ka nui ro hak, Rsa hian hmani aṭang khan Whatsapp ah min biak aching a mahse, mi pasal ngaihzawn hi ka suangtuahna ah atel loh avangin vawikhat mah ka chhang ngailo, Ka ṭhiante bulah pawh ka sawi duh talo kha ania

" Ka phone ania ka thu thu bakah, nupui fanau nei lai inih kha tuna i thil tih hi thil mawi anilo, sim hmak rawh. ti mai mai hian nung suh " ka ti deuh hlak hlak min zuam lutuk leh a huangtau lutuk chu ka thinrim deuh hlur, ka lakah huangtau lutuk tur hian engtin ka awm ka hre silo a, Zoremi chuan min melh leh zeuh ṭhin chu ka mit sir in ka hmu reng

" Ka ngai che, itello chuan ka ruak ngawih ngawih " alo tih leh chuan vuakhlum ka chak, hetiang mipa hi ka ten a ka haw hluah hluah

" Enteh, ka lakah hian huangtau vak suh, kalo duh viau ṭhin che tih chu ka hai lo mahse, ka duh ṭhin lai che kha chuan tlangval ila ni, tunah chuan ka duh tawhlo che mipasal ngaizawng duh tur khawp a hmu zolo ka nilo, tiang zawng hian min lo be tawh miah suh. I chhungte ka hrilh tawh ang " Ka ti deuh hmarh hmarh a, phone chu ka off nghal hmak bawk, ka thinrim lutuk chu thawk kala halh halh a

" Tunge " Zoremi chuan alo ti vara

" Hmani deuh aṭang khan Rsa'n min lo be ṭhin a, ka chhanglet ngailo ama chungchang chu ka hrilhbuai talo mai che u anih kha mahse, kha tunah call in min lo be vel mawle azah loh zia kha ka ten lutuk " ka ti deuh chiam a, ka ten tak tak Zoremi pawh alo chek tlak tlak a. Theihai azai pah mawlh mawlh bawk 

" Avan zaklo em em ve, Bawrhsaibea hrilh la au chu hauh tir rawh, Hmeichhia hi chu kan hmingchhiatna aho a. Inngaizawnglo mah ula mite hian thilsawi belh an hrat si i thiam loh pawh nilo ah i hmingchhe viau thei " Ati ve hmarh hmarh, ani pawh alungawi lo tih ka hria kei ai mah hian athinrim zawk ṭhin, Bawrhsaibea hauh tir chu ka tum tak tak hau kherlo pawn hrilh se ka duh 

....

Tlai ah te chuan kan chhungkaw boruak inlumlet chu ala nuam theilo, Alh chhuak thut thei dinhmunah kan la ding vek a, keimah bak nui peih an awmlo keichu thinrim reng te hi ka thiamlo a, Thinrim reng hi ahrisel thlak kati taksa aṭang ṭung reng a hrisello tan chuan athinrim reng theih loh, Damlo thinrim reng kala hre ngailo hrim hrim thinchhia hi chu thuhran nise 

" Vawiin inu titau chu kan hlawkpui khawp mai " Kapa chuan chaw ei laiin ati a, kalo nui vur vur kanu leh ka u hi chu an tihtauh tawh chuan thil hi an ti vak vak a avanneihthlak, titau mu hmak ang chi kha chu nise abiaithlak dawn a

" Pa, tinge " Kanu'n min lo melh rum na chu ka hrelo der hmak

" Vawiinah Thlam bang tur mau a chik zo vek a " Mipa lam chu nui ring ngam silo in an nui tet tet a, kei pawh ka bang lo, kan boruak pawh apangai ta viau mai kanu pawh la tum vuau mahse, athinrim em em tawhlo tih ka hria Usiami erawh thla thum hnuah pawh ala ter at thei ang chuti khawp chuan a luhlul a 

" In in hauh lai khan engmah ka sawi duhlo a, achhan chu thil reng reng a sarhu laiin thu dawnsawn dan a in anglo ṭheuh ṭhin avang ani. Tunah chuan in dawngsawng dik tawh turah ka ngai a " Kapu chuan ati dap dap a, kan in hauh chiam ṭhin hian kapu a ṭawng ve ngailo a mahse, kan lungawi leh hnuah min zilh vek ṭhin. Athusawi ngaichangin kan ngawi ṭhap a

" Lawma, i thinrim laiin thil iti vut ṭhin hei hi sim i ngai, Insumtheihna hi neih harsa tak kan neih ngei ngei tur ani. Mary pawh he in hi i in ang taka i en theih hma loh chu engkim hi i ngai diklo vek ang, i ta angin engkim enla i pasal unau te pawh i unau ang takin enla iduh loh dana an awm anih pawn i pasal hnena thlen hmasa lo in hau maila, inu leh pa te pawh an awm chu chu vawng reng rawh, Siami chu iṭawngkam ana ṭhin thinrim lai chuan ngawih chuh zawk ṭhin hi afinthlak, adik an fate i enkawl dan chu kan hmuh hmaih lo thinrim laia sawichhuah fo erawh aṭhalo. Ka tunu cial erawh ka fak dawn, inhriat miah loh chu Mampuii hian Mary athlim reng renglo, Siami pawn athlim lo bawk kan unau in atih khan Mary atel Mary khan ahre fuhlo zawk ani, Mampuii'n kawr aṭhui tirh khan ka zawt a, In pali kawr tur anih thu asawi nghe nghe. Atawp berah chuan Nangni nupa hi inzir in ngai nasa, in fate hriat ah ṭangrual ula in ngaihdan anih loh pawn infate hriata insawisel lo in, in pahnih a in awm hunah insawisel ṭhin ru, indik lohna leh thiamlohna te inhrilh in infate zah theih tur che u in ṭangrual tlat rawh u, nupa ṭangrual lo hi anfate'n an zah tak tak ngailo " Kapu chuan asawi tam bawk a, asawi zawh chuan chaw ka ei puar hman tawh, min fak avang erawh in ka nui leh vur vur ṭhin a

" I chhe e " Ka nau in ati a, midang anlo nui hak hak, chhungkua chu chhungkua nge nge thinrim engphiarin in hau ṭhin mahila kan thinrim rei thei tak tak ngailo, Hmangaihna ah chuan chhungkaw inhmangaihna hi ka ngaihlu a, a duhawm kati 

....

" Thana, ramah kal an tum kha i hman te chuan kal ve mai mai la " Kapu tak hi chu aw, Nathan tih ve mai awm Thana ati ṭalh.

" Tih tur chu ka nei lem lo, Thlam bawk kha mi " Ṭhutthleng sei a ṭhutthlak pahin ati a

" Ummm, Ipa hian arel lian lutuk a kan pum har anih hi " Kanu chuan ati hlak hlak a, Damdawia hian kanu te hi Nu Pa ati ve aw

" Chhehchhawlnu, i kal ve dawn mi? " kan thingpui kentur vel ka siam a

" Kal ve dawn, lokal ve rawh " ka tih chuan min ner khum a

" Bike in kal ila " Atih chuan nasa deuh in lu ka thing a

" Ka chuang thiamlo " Ka tih chuan anui huk huk, angeiaem ve ṭhin ania 

" Chuan tawp aharlo emai " ati leh zel a, ka chhungte lah an phu sek a engmah anti tak tak chuanglo Kanu lah a ang pah bawrh bawrh a

" I phe sek a, kan thlen hunah pakhat tal theihnghilh i nei leh tho ang, ṭhu la ngun deuh in ngaihtuah zawk teh " Uchhana(kan upa ber)chuan chem tat hliau hliau pahin ati a

" Nathan lokal chu i tum em? " kapa chian ipte pui ak ṭha mawlh mawlh chungin Damdawia chu amelh a

" Damdawi alo thlenga ka rem lawk angai dawn a, lokal pawh a chakawm ve tho " Ati ve niah niah a, amah nen a inrem lo vel lutuk 

" Mampuii nen inlo kal dawn nia, I bike aṭha tiraw " Damdawia chu alo bu nghat a, Kapa chu ka melh hrep ringawt 

" Naaa " Fan raihin ka ti a

" Naa tilo khan lo nghak rawh, Damdawi te chu han rempui la, Vawiin te chu Thlam sak zawh kan tum leh nghal, Nathana pawh kan chhawr hrep ang " Usiami chuan nui chungin ati ve ngei a, an hmelchhe hlawm mange 

" Nia, vawikhatmah kala puilo che u a " Min lo en chuan hmui phunin 'i over ' kalo ti a, anui hak hak, Vahpa lah chuan ka ruala kal aduh leh tlat a, kanu te an kal liam hnuah Damdawi ka rempui a

" Hei te hi i duh em? A expire ṭep " Ka hmaah test kit alo keng va va a, lungawi lo zetin ka en 

" Eng atan nge ka tih ang " ka ti vak a 

" Fiamthu " Ati leh sup, kan inhnaih ang reng si alum bawk si ka hmai asa deuh hat hat mai, a awm ah nam in ka nam hla deuh a, mak ti zeta min melh chuan 

" Alum a " Ka tih sep chuan anui suk a, min hnaih lehnghal ruak chuan ka tawlh hnung a mahse, min chelh hman tho ka kawnga achelh avang chuan ka khawng deuh awt in ka hria. Angaihna hrelo zeta ka en chuan mitmeng thuk raihin min melh a, alo kun hniam deuh chu tih ngaihna hrelo zetin ka ding khawng reng ringawt 

" Thawnthu ngaihnawm leh lungchhiatthlak tak i nei ve tho tiraw? " Ka beng bula atih sup chuan ka mut chhuak vek in ka hria, asawi zawh rualin a in la hrang nghal bawk a 

" Eng...englo " Ka dang aro hulh a, sawi mai tur ka hrelo 

" Hmeichhia ka belchiang ṭhin ka tih kha " Ati leh sup a, athilsawi chu engmah ka man thiamlo vawiin hi amah a anglo

" Eng nge i sawi awmzia " Ka ti a, engmah ka hrethiamlo anilo mahse, ka hrilhhai 

" Ka hnaih che " chiang zetin kan in melh a, sawi tur avang lutuk kan boruak uap churh te chu khawlum nen hreawm tak ani 

" Khawlum i rui ani maw? " Za lo zeta nui lui chungin kati a, ka nuih laiin anui ve miahlo ami tak deuh run ti ila ka sawisual lovang, kan ngawi dun reng a damdawi chu kan rem dun mawp mawp 

" Kan rem zo e, bawm chu kalo dahchhuak ang. I ken tur zu la la, kan kal dawn nia " engmah amah ah danglam a awmlo, kei erawh ka che reng reng ka ṭi duk a ka tim dai bawk. Ani engmah thlenglo angin a awm a, eng nge maw ka zam viau bik ang le tiin ka infuih mawlh mawlh a

" Vahpa, kan kal dawn ania " Kan inah chhukin Vahpa thil eitur te chu ka zu la a, Tv tui zeta a en chu ka ko bawk 

" Ahmaah hian i chuang duh em " Kan bulah alo ding a, ka vahpa chu a phur ṭha khawp mai. A chet ran bik zia hi alo inthlak leh diam tawh

" Ngailo alaiah ṭhu mai mai rawh se " Ka tih chuan ka vahpa zawkin aduhlo a, ahmaah chuan aṭhuttir leh ta nge nge Bike chuan ka zeilo ka tih kha chu ka ti mai mai anih kha, Bike chuan te zawng ka confi lutuk Williama leh Bawrhsaibea'n an nei a, kan chuang ve ziah

" Hey " A lukhum min lo khum tir a

" I lu ana ang, tunlai nisa hi ahlauhawm " ati ngial a, kalo ner nang nang Bike ah chuan ka lawn a

" Nangpawh i lu kha thir ani bik chuang hleinem " ka ti pah a, anui suk 

" Mipa alawm ka nih " Atih chuan adarah ka piai a

" Mipa nih avang maia " Ka ti hmak, atlanchhuak a ka vahpa aṭawng barh barh a kan nuih pui leh hawk hawk 

" Inlo thleng thei maw " Min hmuh rualin ka nau in alo ti a

" Min hmuh chuan kan lo thleng chu ani mai a " Ka tih chuan min beng thlawp na tak ani, Kapa ten hna an ṭan mawlh mawlh laiin kanu te chu daihlim ah anlo la ṭhu ṭhap a, Damdawia pawh bike adahṭhat hnuah kapa te bulah akal 

" Api vaimim ka ei ve duh " Kanu'n Vaimim chi amal a, chu chu Dika'n alo eichak khawp mai 

" A chi alawm ala ei theih loh, a ei theih veleh i ei ṭeuh dawn nia " Kanu chuan dam deuh in ati mial a, a tupa lakah hi chuan Lalnunnemi ani ringawt, amal sa tlem sarang ami chu min lo pe a

" Khang kha saw lai ah sawn va tuh rawh " Ati zung zung a, ka awm mai mai hi ahmu theilo reng reng 

" Nini, kalo eipui ang che aw " Ahre pha chin chu kan nui vek, A ei chak ve tak tak aniang ka khawngaih reuh lutuk, ka malchungah ka ṭhuttir a

" Saw tah sawn kan tuh ang a, alo len hunah i ei dawn nia" ka tih chuan abu nghat nghat a, chem hmawr zum chu la in thlanglam ah chuan kan inzui thla hnak hnak, ka tuhna tur chhakah zel alo ṭhu a, chem pawh duh angin alek theih loh alo ṭhu tung deuh ut bawk si ka nuih ati za, kan innuih leh ṭhin. Bi thum vel ka cheh hnu chuan 

" Nini, ahmin tawh em? " alo ti heu mai ah! chhan ngaihna pawh ka hre hleinem maw le

" Aih, kan tuh chiah a " ka tih chuan abu veleh mai a, Vaimim tuh ringawt pawh chu ka hahpui reuh mange, ni asa si alum bawk si hreawm tih piahlam ani, ka ding a Kangvar chu ka thlir kual, ral hla deuhah chuan thlam pathum lai alo awm tawh, Chhungkaw hausa nilo mahila hetiangah hian hna ka thawk ngai biklo, ngaihtuah mai aiin ataka tawn chiah hian ram hnathawh hi alo hahthlak ani, ka thlan lo luang ngiai ngiai chu ka kawr chhunglamin ka hru leh thuak a, ka vahpa pawh vaimim a ei theih loh tih ahria a nichin khan apu te bulah ahan ṭawng leh lar lar tawh mai 

Cont...