Damdawia Chpter 11

 Chhunah chuan hnathawkin an chhuak leh vek a, ka kut pawh ana em em lo, chuvang chuan in awmpui kha angai ka ti lemlo a, Umary chu aleng daih a kapi leh pu nen kan awm ve rak rak

" Inṭhui itum alaw " Ka kawr ṭhui lai ka zawh ṭep tawh chu ka la chhuak a

" Umm,, Urami'n a nghakhlel ve tawh sia, ka kut pawh azia tawh tho a " ka ṭhui lui a kapi te pawn engmah phei chu an sawi tawhlo, Khawl ka khawih hmaa ka kut na miahlo kha ka inṭhui ṭan chiah tih ah, nimin lama a chilhna vel chu alo na thip leh zawk zawk ṭhin mahse, kapi te chu ka hrilh duhlo a kawr chu kala ṭhui lui tho ka kut chu ka en leh ṭhin, a chilh na chat tur ang maiin alawm anat le, kawr chu ka ṭhui zo a adang chu ka ṭhui lui ngam tawhlo, kapi te hriat loh in ka ner leh sak sak ṭhin, ka kut na chuan ka taksa afan chhuak vek in ka hria, ti em em a na hi kala tuar lo. Min ti zawi hnawk in ka hria  

" Pi, ka mu lawk dawn aw min tirh duh chuan min lo kai tho ula " ka tih hnuah room ah ka lut a, vawt in min ṭham er er bawk, ka lu lah chu arit bur bawk si avan nuamlo tak 

Damdawi la tur takngial pawn ka chesawn peih tawhlo, Umary a awm bawk silo. Damdawia ka hrechhuak thut a tihbuai duhlo viau mahila tiang chuan ka awm reng theilo ang. Ka bula ka phone chu la kangin Damdawia ka call a, abuai aniang ala lawk theilo dah leh mai ka tum laiin 

" Aw hello " Pari zawkin min lo chhang chu mak ka ti ngei mai, reilo te chhung chu ka kutna pawh areh hmak in ka hre hial 

" Khawnge, Nathana " Ka ti sep a

" Tinge " Ka zawhna pawh chhanglo a zawhna min zawt let chu na tawrh nen a inremlo lutuk, phone ka off a khur deuh hlak hlak chungin damdawi dahna ka pan a, damdawi ka zawn lai chuan ka kut lo thi ser ser chu ka hmu, thisen ka hmuh chuan ka lu alo hai leh nghal chem chem a, chhuatah ka ṭhusawp deuh hnawk, kapi te ka au chul a

" Awi! Taite Mampuii hi " Kapi chuan ati chul a, tih hlauhthawn ka duh loh tehlul nen ka luhlul rah vek ani

" Khatia ding renglo khan, Thana a awmlo ami? han ko rawh " kapu chuan ati hluk a, kapi atlanchhuak nghal 

" Khumah hian ka kalpui ang che, i tho thei ang em? " Kapu'n ati dam dap a, kalo bu nghat nghat kapu kut ring chunga thawh ka tum lai velin thawm alo awm ṭak ṭak a

" Kapu, kalo ti ang " Damdawia aw ka hriat rualin ka kang nghal lawp a, zawi zetin min tih ang ang chuan ka awm 

" Thisuk aneih avang aniang " Kapi'n ati sap a, an ṭawng te chu ahla leh ruai ruai ṭhin 

" Engtin nge kan chilh na hi athi leh theih " Khumah min nghat a, khum ka deh rualin ka dam huai theiin ka hria, khawl ka khawih tih ahriat chuan alawm ka ring lemlo 

" A inṭhui mawle, inṭhui hrih suh kan tia ati lui leh tlat a " Kapu in ati chuar chuar a, Damdawia chuan eng nge maw tal asawi ka rin teh lul nen athawm areh ṭhiap a, ka mengchhuak riai riai chiang zetin min lo melh run a, tim daiin ka en ve reng 

" I luhlul hle mai " Ati nghut a ka kut chu ati fai mawlh mawlh, engtik laiin nge atihfaina te alo inchhawp pawh ka hrelo e a, athinrim hmel tehlul nen akut chu adam phian lawi a

" Lo inbuaipui ru, Thana kan tibuai hle mai che " Kapu in ati 

a

" Aho lutuk kapu " Dam deuh in ati 

" Mamawh in neih chuan lo sawi mai rawh aw " Kapi in atih ve hnuah an pahnih chuan an chhuak a, an chhuah hnu chuan Damdawia ka melh ngamlo hrim hrim, ka khur leh beuh beuh ṭhin bawk si 

" Luhlul viau hian thilṭha athlen mwh ania, thisuk i nei leh nghal fimkhur zual tur ini. Tisuh ka tih chu tilo ve maila " Ati duah a, ka inthiamlo ve lutuk 

" Urami'n min tur ve sek sia, anuam tawh biklo a midang ṭhui tir rawh ti dawn ila ka khawih hman tawh sia. Hetianga ka awm ka ring biklo alawm " Ka ti sep sep a, ka rimloh deuhin ka biangah alo khawih a, ka melh chho vat akut chu ala sawn leh thuai a, min ti danglam lo ka tih chuan dawt ani maithei ani

" Puan ka sin belh tir ang che, nachhawkna eila " Damdawi leh tui min pe a, kalo ban vat ka kut khur vang chuan min ti khawr zual a, ka damdawi ei te thleng chuan min buaipui, miin min buaipui hi ka duh ngailo a nuam ka tilo heivang hian mi buaipui nih loh hram hi ka tum ṭhin, chhungte pawh ni mahse, anuam ka ti lo 

" I chilh na kha aphelh ami " Tham ṭiak in ka ti a, hmuh nuam deuh in anui leh tawh 

" Aih, thisen achhuak hlek ahlauhawm loh " Puan min sin belh tir a, ka sirah alo ṭhu thla ve bawk boruak lut lo turin ka puansim chu min bilh luh sak ve a, la khur tho mahila ka nuih pah var var, akut lum ham ham in ka chal alo khawih a

" Dam vat vat rawh " Ati cool ruih, ka bu nghat a 

" Damdawia'n min awmpuia ka dam thuai thuai ang " Ka tih chuan anui a, mit ka chhinsan riai riai thung ka bulah Damdawia a awm ve tih ka hriatna chuan min ti hahdam a min ti thlamuang em em bawk. Ka thaw te asat hnuah chuan ka zia leh tawh viau a, Damdawia pawh a hawng chho ve tawh, kapi te chu vawiin thilthleng kanu te hrilh lo turin kati a an aw ve mai na chungin an sawi leh tho chu ka ring. Tlaiah Usiami'n eirwng abawl a Umary chu kanu te lo hawn hma in alo hawng ve chiah, a nunphung hi ka thin ati rim lek lek zel a, ka vahte avangin kala ngawi mai mai ani, mi bula min reldan te kan chhungkua asawi nasatzia te hi ka hre veleh vek ṭhin a, sawi chhuak ve phiar phiar ila chu kan chen ho reng pawh ka ringlo, Chw eikham chuan kapi in vawiin thil thleng asawi tel leh hram a, kanu in min melh rum lutuk ringawt, min hau leh nasa khawp mai 

Nitin Damdawia'n min dressing sak ṭhin a, ka kut pawh adam chak viau mai, ka ṭhiante pawh anlo leng nitin ṭhin a, nun chu afamkim leh hliah hliah tawh ati famkim zual turin kanu'n min hau leh bawrh bawrh ṭhin a, aphun leh rep rep tawh

" I kut chu i dressing tir tawh em? " Kanu'n ati a

" Aih, zingah ka chho hmanlo a ka chho dawn " ding hluai pahin ka ti a, Sub centre lam ka pan nghal khang ni liamta chhung khan Damdawia nen pawh kan inhnaih leh sawt a, Rsa pawn min lo la be reng tho ka chhanglet ngailo a ka block thung, mi pasal nena 'an in be ṭhin' an tih ringawt pawh ka duhlo, Nunhlui leh tun hun sawi kawp reng te hi ka duhlo 

" Utluangi nen hian in in ngaizawng ami? " Pari aw ka hriat avangin kawngkhar bulah ka ding dat a, chhuanlam ho tete siamin Damdawia inah atam tal zing khawp mai, ka mit ti kham ṭhin viau mahse a engmah ka ni biklo a engmah ka sawi ngailo 

" Ngaizawng lo " Damdawia chuan ati chhum hmak a, min ti tim nghal dai thei

" Anel che sia, achang chuan in in ngaizawng a ang kati, aduh hmel che " Ati tel kher chu ka helh a lem ahar viau mai, ka duh awm ka hrelo abula awm chu nuam kati ka phalo chuti khawpin ka zar bik lo ka duh ang maw? Ṭhian aia ril hi kala suangtuah ngailo ka hlauthawng bawk 

" I hmusual anih chu, ka chungah an ṭhaa keipawn ka theihtawp ka chhuah ve, rilru danglam ka pulo " Eng nge asawi tum tak man lo mahila thil min ngaihtuah tir a chu chu Damdawia hian min lo ning viau ṭhin em? tih chu ani, an thusawi ngaithla chhunzawm duh lo chuan kawngka ka kik a, lut tura min sawm hnuah ka lut Damdawia leh Pari chu inhnaih deuh takin anlo ṭhu a, Damdawia chuan a ngaihsak vak loh hmel Pari chuan min nuih sang a

" Zingah ilo kal lo a " Atho nghal vut a, Pari tum nghal hmak chu ka hmu reng, anuam pawh ka tilo e a ka duh tura angai te hi 

" Ka hman lo " Ka ti a, nuih luih pawh ka peihlo hmanrua alo chhawpchhuak a, Pari pawh ala awm ve reng 

" Hmani ah Ursa leh anupui an in hau a " Ka melh zawk a, eng rilru pu a Rsa ti reng nge maw anih le

" Anih chu " Ka lo ti a, engah mah ka ngailo lui tlat, Damdawia'n min leh leh vung vung ṭhin chu ka hrelo der a

" I hming pawh an sawi tel, Inla inbe ṭhin ami? Anupui in a ringhlel a " Ati leh zel a, thawk ka la hap 

" Eng rilru pu in nge hetiang hi i sawi ṭhin, i tana hlawkna lo tur chu sawi vak ṭhin lo teh " ka ti hlak a

" I thinrim ami? Ka thpalh ithinrim pawh ka ringlo a " inla khawngaihthlak zetin ati leh a ka lo nui hak 

" Rilru diklo i put loh chuan aṭha anih chu, nangni ang rual kan nih chuan kan rilru ala thianghlim lutuk silfai loh pawn kan ei theih vek " Ka tih fiamthu chu zalo zetin anuihpui a, Damdawia pawh a kiai suk kawm vak tawhlo ila tih thlengin ka ngaihtuah a, mite hian rilru diklo pui pui an nei ang tihte pawh ahlauhawm 

" Dressing angai tawhlo ang tiraw " Ka kut thlek kual pah chuan kati a, a chilhna vel pawh a chat zo vek tawh a, a dam tur chu athak huam huam ṭhin, chu chu tawrh ahar ber bawk 

" Umm, ngai tawhlo e " ati sup a

" Anih ka chhuahsan ang che u " Nui var var in ka chhuak nghal daih a, Rsa nen kan intawk nawlh chu amak reuh

" I tam riau " Sub centre en chungin ati kher a

" Ka chhuak lai chiah min hmuh ṭhin avang aniang " Ka ti ṭha ve mai a, kan in bul lawk ah eng nge atih ni

" Ahma ka biak ṭhin dan che avang khan ka thpalh " A ti ve tak tak a ang riau 

" Inbiak tawhlo aṭha ber, nupui nei tawh nen a 'an in be ṭhin' an tih pawh hi ka duhlo " ka ti duah a, sawina hun ṭha ber ani in ka hria 

" Hrilhhai deuh a ka siam che avang khan apawi kati " ati leh sup a, sawi mai tur ka hrelo 

" Ka tan chuan mi satliah Ka ṭhianpa U chauh ini tawh, ka haw lo che a I chhungkua phatsan lo turin ka duh bawk che, chu chu hrilhai taka min siam avangin iti ngei tur ani " ka tih chuan abu ve nghat nghat a

" Hmeichhe danglam bik ini ka tih kha tunah pawh ala ni reng, hlim rawh " ateh tawp a, hlim rawh atih avang kher kher chuan ka hlim awmlo e, sawilo pawh nise ka hlim sa hrim hrim keimah leh nuih hi chu a inzawm hrim hrim 

" Nuntluang, nisa a ding renglo khan lo hawng rang rawh " kanu'n ati vin leh tuar tawh

" Kal rawh " tih leh tlan hawn ka rual a

" Rsa ami? " Inchhung ka luh rualin alo ti nghal a, ka bu nghat

" Mi pasal anih kha, fimkhur rawh mi pasal hi chu ṭhian ang pawha biak loh aṭha ber " Ati a

" Ummm,, kan in tawka adinga min be bawk sia hmuh loh der ahar ve a " Insawithiam zetin ka ti zung zung a, engtin mah asawi chhunzawm tawhlo, kan in ngaizawng ṭhin tih an hria mahse kan tawp dan vel engmah an hrelo 

..

" U, Valleyball chu practice ve ila " ka nau in pheikhawk bun mawlh mawlh pahin ati a, ka ngaihven vak lo 

" Ka peihlo, ka kut ala na alawm " Ka ti a, Rsa vang pawh ani tawhlo ka peih tawhlo hrim hrim 

" I duh naah chuan ana tawhlo chiang emai " ati hlak hlak 

" En tur chuan kalo kal ve ang " Ka ti a, Ka chhungte pawh kanu thlengin Valleyball beng turin an chhuak leh vek tawh, Valleyball ngaisang chhungkua kan nia kapi leh pu te chuan TV ring zetin an en thung, Zoremi msg chu ka en a ' Ball beng lo en rawh, pheikhawk lo bun la ' alo ti anih chu, ball beng en turin pheikhawk ka bun ve kher chhan tur ka hrelo e, bun duh lo chuan sleeper nen ka chhuak a

Cont...