Damdawia-Chpter 9

 " Nisa a ding vung vung lo khan, lo chho rawh " Mi mah ngaihtuahna puitling deuh nei intih ve nak laiin, Phunṭihi hi chu aw

 " Ka duh leh ka ding ve bawk ang chu, engkimah hian thu neih i tum bik a " Ti hlak chungin ka chho veleh tho a

" I lukhum te kha khawi aṭanga ilo lak chhuah leh nge, hmani a ipa ka leisak te kha anilo maw " Kanu in atih zawh rualin apiah lawka ding, Damdawia chu alo nui hak hak a keipawh ka banglo, thil asawi phawng phawng zel a

" Damdawia lukhum anih hi aw, Zahna boruak hi hip ve ṭhin teh " ka tih chuan min chhang tawh biklo Damdawia dinna bulah chuan ka va ṭhu tharh, ka kutin ka inzap a athaw lo ve chiang ania

" Lukhum hi khum ve tawhla " ti pahin ka hawi chho a, min lo en thla ve chiah 

" Angailo, Nisa ah awm tawh hrih suh i biang atai vek tawh" Thutak deuhin ati sup 

" Inzir na alawm, Pasal ram hnathawk ka neih chuan ka tihtur vek ania " Uang zetin ka ti a ka nui pah hak hak bawk 

" Pasal i nei thiam ve dawn mi? " Alo ti zet chu ka nui tawp hmak, tumah an lawm bik lovang 

" Pasal te neih thiam vak angai mi? Tuman pasal an neih hmain an inzir ngailo hrim hrim " Ka tih hlaih hlaih chuan ka bulah alo ṭhu ve a ka tawlh hla nghal hrat 

" Aṭhen chu an inzir lawk alawm " Rum zeta amah ka en chuan alo nui ruh ruh a, eng chu hria ni maw

" Pasal neih zir lawk pawh ka hre ngailo " Ka tih leh laiin thil ka hrechhuak, Damdawia thilsawi hi chu ngaihtuah fe hnuah lo chuan ahriat theih ngailoh reng reng, Inneih hmaa mutdun asawi na ani tih ka hrethiam veleh chiah ani 

" Thil te hi hriat awl deuhin sawi vela, i thilsawi hi ngaihtuah fe angai ṭhin " Ka kawr a ka thlan hruk mai ka tum lai chuan Romawl min lo pe a, ka hnial dawn zet a mahse, hnial talo chuan kalo hmang ve mai 

" Hriat awl deuh a thilsawi chu miin an ngaihtuah chiang ngailo, Ngaihtuahna sen ngai thil kan sawi hi hriat reng a awl alawm " ati mai a, kalo bu ve nghat nghat 

" Rindik, awi khatah khan kal suh" Usiami'n ati ṭhat a chutah " Lo chho rawh ni asa, khatah khan chhuk suh " nilengin ti hian an in ko reng mai ani

" Kha thingpui " Ka nauin thingpui alo sem a

" Ava nuam reuh e " Thingpui lak pahin Damdawia'n ati a

" Eng chu maw " ka lo ti var

" Thingtlang nun hi a hahdam thlak kati, chuvang ania hna ka neih tirh aṭanga thingtlanga awm ka thlan char char ṭhin " Ati ve duah a, kalo nuih vur vur 

" Diktak chuan khawpuia zin te hi ka ning ṭhin, kan khua hi khaw tetak te niin mihring chengte hi insawi sep sep reng ṭhin mahila anuam ka ti tho tho, ala nuam e thingtlang chu ṭhenawm khawveng kan la inpawh a, chaw hmeh insuah kan la ngaihlu em em bawk a " ka ti sep sep a

" Adik alawm " atih chuan sawi tur pawh ka hre tawh chuanglo, ngawi rengin ka ṭhu a ral leh lam chu ka thlir vang vang 

" Hei hi kan theh anga, thlai chi ka keng vaklo nakinah kal leh hunah ani mai " Kanu'n atih chuan ka ding hluai a

" Eng nge theh tur, khawi kalo theh ang " Ahmaa din pahin ka ti a

" Mai hi tuh rawh, Siami Tinum hi sawlai ah swn va theh la" Kanu'n atih chuan 

" Tinum chu eng nge, Atui em? Keiman ka va theh ang " Usiami anui a kanu pawh anui tho 

" Ei chi anilo, Pangpar anih hi " Kanu sarang ken lak pahin Usiami chuan ati a, ka nui tawi tak tak khawp mai. Mi hrelo ve te pangpar ka ngaina thlawt hleinem 

" Mi hrelo ve te " Ka nghawng khawih neuh neuh pahin kati a, Damdawia alo nui hak hak hepa min nuihsawh peihzia 

hi

" Nang te chuan Pangpar leh hnim te chu thuhmun ah i ngai alawm " kanu chuan ati leh hlak a, Mai chi chu ka kutah ahmehbel bawk, ka melh rum chu hrelo ang hmakin a tupa akai a, kapa te bulah an kal daih 

" Thingpui lo inphawt rawh " Chem la a ka kal tur chu Damdawia'n ati a 

" Ngawi lawk " Ti sep in ka kal lui a, chetchhiatna hi ka ta emaw tih mai tur ani, Lei ka lai tur chu lei a chang si kei ka kun hniam ve tawh tho bawk si chem fawngin ka chal ka tauh leh anih chu, Nalo chu anilo min hmutu an awm nge awmlo ti a ka hawi kual chuan Damdawia bwkin min lo nuih leh tawh, min en reng ṭhin emaw ni mak lutuk mai. Atho nulh a ka lam alo pan phei pawk pawk abawp asei si pen zau tak ani tawp 

" Khawi kalo ti ang, thlai chi kha ilo thlak dawn nia " Ati a engmah ka sawi hman hmain chem min chhuh a ka bulah alo ṭhu hniam ve nghal, hnehsawh zetin lei chu alai a, tha thawh hmel pawh apu lo 

" Aw atawk " Ka tih chuan a chawl a, thlai chi chu thlakin ka chhilh leh thlap ' ka ngaihlu bik ang ' ka rilru in ka ti sep 

.....

" I zei khawp kha " kan inkawt a ka chhuk rualin ati a, ka nui hak

" Zei min ti maw " Uang zetin ka mit ko ka san a, alo kiai suk 

" Alum emai " ati sup a

" Han inti fai rawh, Chaw chu kan lo chhum kep ang che " ka tih chuan alo umm ve mai inchhungah ka lut ve nghal a, inbual phawt loh chuan alum emai, boruak han uap dan chu pui tak ani

" U, i inbual dawn ami? " Ka nau in atih chuan ka aw liam puat a, bathroom ah ka lut nghal tite chuan khawlum avanga thih ahla lo khawp mai, Vawiina Damdawia thusawi te ka ngaihtuah lo thei biklo a, eng nge asawi tum chiah ka man lo bawk. Min duh chu ka ringlo bawk a keipawn ka duh awm ka hrelo mahse, abula ka awm chang chuan boruak hi ani churh zel a hei hi chu khawlum avangah angaih theih ang, vawiin a athilsawi te pawh kha khawlum leh boruak uap churh aruih avang ah ka ngaihsak ta mai, khawlum tuar ṭhanglo ania arui ve deuh aniang. Ṭhian hi an hlu zawk a, ṭhian aia thui thlen chin ah chuan neuh neuh atam tlat tawh ṭhin 

Zanah chuan ka mu hmaa, vawiin nisa ka tawrh ve vang nge ka mutchhuak ngei mai, phone khawih lama ṭhahnem ngai mi ka ni bawka ka mut hmain ka ṭhiante chanchin tlangpui ka hrilh a, Sts ka view leh hlek bawk. Damdawia'n sts alo nei ve ngei a ' A danglam mahse ' tih hi alo ni, ka mut a chhuak tawh a, eng nge awmzia tih lam ka ngaihtuah thei tawhlo, ka chhingmit kawpza arul tlat

...

Zingah chuan ka harh hmaa, ka vahnu tah vang ani tunlai chu aṭap tlem ve deuh a kan lawm ve tawh tehlul nen, aṭap zing leh tulh tulh dawn anih hi. Ṭap lo tawp se tihna lam nilo in Sawmtluangi em em hi chu sawi ngaihna a awmlo, anu chu ka khawngaih ve deuh avangin mutchhuak deuh chung chuan ka han tho a

" Khawi kalo puak chhawk ang che " ka pua a hla ngaihthlak tirin ka awi hliau hliau a, aṭap rei tawh biklo boruak lum nen hreawm ati ve te pawh aniang. Nausen tan phei hi chuan ahreawm dawn lutuk ringawt, anu pawh chuan min mutsan daih a, ati anglo ve ṭhin e. Ka mut chuan aṭah leh ka hlau ve tho sia, Amu nghet deuh ni a ka hriat hnu chuan ka hnungah ka pua a, nau ṭhut mut pui hi ka thiam velo a, ka bawkkhup pui zawk ṭhin khumah chuan rem zetin lukham vel ka dah a, dimte in ka bawkkhup riai riai reilo te ka ngaichang a chumi hnuah ngaihngam deuhin ka muhil veleh ta a

" Awi! Utluangi tlin zia hi " Ti hlut ri ah chuan ka meng siar siar a, ka kut amu cherh cherh mai peihlo zetin ka meng a, ka nau puak pawh ala mutui khawp mai ka tal deuh avang chuan alo tal ve ṭalh ṭalh a 

" Iva bengchheng ve " ka thla ala mawlh mawlh a, keipawh ka tho kang ve ṭuah ṭuah 

" Min lo pui teh " Ka tih hlak chuan min lo pui ve mai a, ka taksa hmalam chu ana deuh ṭhum mai, ka vahnu ṭaptheii pawh alo ṭap leh tawh a, anu alo lut ve chiah bawk nen anu chuan ala a, khumah ka mu leh hnawk 

" Ka taksa ana lutuk " Khumah chuan ka leng vak vak a

" I thlalak ka nei ṭha mai sia, Kan khaw group ah hian ka post dawn amaw ni " Ka nau in ati lang lang a, kanu kan room ah alo lut ve a

" Rohlupui, eng nge i au leh chiam a " Thinrim chak deuhin alo to leh tawh

" Uii, i hretlai ve e, nge ni a i rilru achak lo ve hrim hrim " Kan unau chuan kan nui hak hak a, kanu hi chu thil reng reng ahriatchhuah chang chang hian athar thawh leh hluai zel

" I au hlut lai khan ka hmanlo a, tunah kalo kal " alo luh tirh ai kha chuan aṭawng pawh adam deuh

" Utluangi han style dan chu maw, athil tih reng reng hi a common lo thei asin " ka nau in ati mawlh mawlh a

" Eng nge, Nuntluangi chu engtin nge a awm leh " min melh rawm chungin kanu chuan ati ṭha leh a, ka lo nuih tawp 

" Nau apua a, mite chuan an ṭhut mutpui ve mai ṭhin a Utluangi chuan bawkkhup in amutpui mawle " Au hi min rap emaw tih tur in min melh alawm e, amak vak pawh ka hre silo a, kanu takngial pawh anui uar uar alawm 

Room aṭanga kan inzui chhuah chuan sitting room ah Damdawia alo ṭhu vang tawh a, avan tho hma em em ve mawle

 " Unathan thlalak ka hmuh ang che aw " Nui pat pat chungin Hlupuii'n ati a, kalo melh rum nasa

" Over vak lo teh Rohlupui " ka ti nghut a

" Puipui min lo entir rawh, i u kha chu hlau suh " Damdawia chuan alo ti ve a, Puii'n entir atum chuan phone kalo laksak thut 

" Min lo pe teh " Puii a ṭe chul a, delete ka tum lai takin ka hnung aṭangin Damdawia'n ka phone ken lai min lo phih thlak sak thut a, Rohlupuii nen an kalsawn nghal hmak

A en hnuah za zetin Damdawia anui chhuak hawk hawk a, Rohlupuii chu ngei zetin kalo melh ngar ngar thung, kan awmdan chu midang lawmah atla a, an vaiin min nuih vek titau nghawng nghawngin bathroom ah ka lut a, ka phun pah nang nang bawk, ka kalsawn dawn a ' Puipui, min lo thawn ve rawh aw ' Damdawia'n ati chu ka hre leh hman tho 

....

" Ka van peih tawh lo tak " Ka taksa ana ṭhum a, rama kal pawh chu ka chak lo lutuk, Vahpa hi aharh ber a aphur ber zel bawk, Vawiin chu Damdawia arawn kal ve dawnlo a Vaccine an pek dawn avang ani. 

" Phun phun suh, i zelthel ber zel " Kanu inmin ti deuh zek a, motor hnunga ka chuan tawh hnuah Damdawia'n sub centre tlang aṭangin min lo ko a

" Lalcial, fimkhur rawh aw Commonlo nu " Ati tel leh hram, he mihring hi ka rin aiin anghal daih dawn anih hi a

" I chhe emai aw, Damdawi " Tum bar in ka ti a, fly kiss te min lo pe vel, anghal ful ṭhaks mahse, ka thinrim tak tak chuanglo hetia infiam vel hi nuam kati. Ram kan thlen chuan daihlimah ka ṭhu nghal hmak a, Thlam kha nimin ah sak zawh an tum viau a mahse, achung an tizo hman lo a vawiin ah chuan an ti hman turah ngai ang 

" Utluang, I vahpa duati'n i vaimim tuh a kher chhuak " Hlupuii'n ati chiah chu ka tho deuh zawk in ka hria

" Rindik, engvangin nge i kher a " ka ti ram hmak a, Puii alo nui hak hak thung 

" Nui suh " Ka tih chuan anuih aza zual sawt a

" Afinzia hi, ' Ani vaimim tuh kha ahmin tawh ang em le ' ati a alo kher mial mial " keipawh ka insum hman meuhlo, awi chutiang rilru te engtin nge aneih theih ni 

" Nu, I tupa in ka vaimim tuh akher chhuak ania " ka ti vak a, Vahpa chu apu te bulah atlanchhe nghal daih, Puii'n Dika tihdan asawi chuan nuilo pawh kan awm lo, vaimim a kher chhuah chu ka phum ṭha leh a

" Thlam kan buaipui chhungin, luang saw va sat zo ve tawh ru. Hal turin dahkhawm ula " Kapa'n ati a, chem la in ka kal ve vat a, Puii pawn min lo zui ve nghal, Usiami erawh hna kal angaih avangin alo kal ve tawh lo, ni asa ṭha vawl vawl bawk si hahthlak tak ani. Chhunah thingpui in a kan chawlh zawk hnuah luang bawk kan sat leh a, chawhnu her ah chuan ni pawh aduai ṭan a tlem chuan azia ve ta deuh

" Ana " ka hriat tham lekin ka ti sep a ka kut chu ka thing pah bawk, ka luang sahna zum ka chum a na tak ani, tuman min lo ngaihsak lem loh avang chuan ka sawi kher duhlo a, sawi pawh ni ila kanu'n ' Luang sahna zum lo chum tur atam nen ' ati leh daih anga min hau leh daih zawk dawn tih ka chiang, nimin ata tawh ka vannei theilo reng reng, ka kut chu apilh sung a athi ser ser hlawm bawk. chem pawh chu ka hum nghet thei tawhlo a mahse, ka thiamloh zawngin kala sat lui hram a, luhlul man hmuh belhin ka kutna lam kut hnunglam chu ka sat kak leh a, thisen achhuak nghal zur zur bawk. Thisen ka hmu chu keimah zawk ka talbuai leh a, ka au nghal chiam chiam 

" Awi leh! Nu, Utluangi'n akut asat ania hmanhmawh ru, thisen achhuak nasa lutuk " Ka lu ahai nghal muai muai a, ka khawng vek in ka hria, khatiang em em atam thisen chhuak kala hmu ngailo. Buaipui ngaia ka awm lai chuan ka thisen ka ui zia bak ka ngaihtuah lo, ka ui ve em alawm, ka chhungten'n min buaipui luai luai a, kanu pawh amangang tih aṭawng dan aṭangin ka hria, ka kut ka sahna chu anat pawh ka hrelo ka lu ahai a ka meng ngam tawhlo hrim hrim 

" Iva han hnaisailo, engtin nge hengte hi a pilh nuai theih " Kanu chuan ati hlak hlak a

" Nu ka lu ahai " Ka ti zawi sep thung

" Lawma, i nau hi hawnpui rawh Puii emaw Inu emaw kha tel ve se. Lokal leh ang che " Ka kut thisen chhuak chu an titawp tawh a, arit thar thutin ka hria ka tha khur pawh areh theilo, kanu'n min ngihsak lutuk leh min ngaihtuahna khat mitmeng ka hmuh chuan ka mittui atling pam nia mawle, ka ṭah khat tehlul nen anu mai mai chu'h 

Cont...