Tuamdamtu chapter-15

 

" Kalo belo che emaw iti tak tak ami? " Ka tih chuan amitmeng adanglam zawk a, a kamiz chu balbawmah ka vawm luh sak 

" Min lo belo chuan ka hria alawm " Adar achhin ak a, ataksa ruak kang chu en reilo in ka hawisawn a, anui ri hawk thung

" Kalo bia che alawm mahse, Jenny khan call alo chhang a, i buai thu asawi bawk nen Mahriati te rual khan ka hawng ve tawp alawm, Diktak chuan anni pahnih tihbuai kha ka duh bik reng renglo, Mahlima lakah pawh a inthlahrun awm asin " Ka ti sep sep a

" Ka chetdan teh hrep kha " Ati ta hmuk a, a inthiam loh zia hriat hmaih chi pawh anilo, alakah ka thinrim tawhlo achhan chu mihring famkimlo kan ni tih ti chiangtu ah ka ngai

" Apawilo, ka hrethiam che alawm " Ka tih chuan hmuhnuam zetin anui a

" Chan che ka hlau a, thil ho mai mai emaw itih ah hian ka thikthu achhia, nghet deuha inzawmna siampui ka duh hmeichhia ini" Ati sup a, hlim zetin ka nuih var var

" Intifai rawh le, i damlo palh ang " Ka tih chuan thu awih deuhin bathroom ah alut ve mai a, a thawmhnaw hak tur ka lakchhuah sak a, asam chhemro na turin hair dryer chu kala chhuak bawk 

" Inthlak la, i sam chhemro ang i hritlang palh ang " ka tih chuan a bu nghut a, a thawmhnaw ka lakchhuahsak chu aha mawlh mawlh 

" Tah hian ṭhu la " Ka hmaa chair chu ka kawk zeuh a, aṭhut rualin plug chu on in asam chu ka chhemsak a

" Nupui neih nawmna ka pawh dawn ṭan " Ahmaa darthlalang aṭang chuan ahmel ka hmu thei a, anui vur vur vur, ngei zetin asam chu ka ṭham salh a

" Thil hrechianglo in thinrim tawh suh, thil engpawh finfiah hma chuan thinrim buan buan loh tur, kan finfiah hmain kan thinrim em em a, adiktak kan hriat hnuah thinrim pui tham em em ani leh lo ṭhin, ṭullo ah kan inti hreawm mai mai " Ka ti a, Dryer ri aring sia ka aw ki pawh ka ti sang deuh 

" I know, ka nupui" Ati sup a, anuih azat hmel viau, asam ka chhemro hnuah inhnuaiah kan chhuk a, rin loh deuhin Zorina leh Remrema pawh anlo awm tehmial a

" Zanin chu kan kim ve teh ṭhap chu le " Kanu in ati hliai a, ahlim hmel viau, chaw eilai hi kan kim hun ani mai chu pawh kim loh zeuh kan nei ṭhin a. Vawiin tlai erawh kan kim ṭhap mai 

" Chhungkaw awmkhawm tam te hi aṭha, keimahni buai buaiin buai mahila chhungkua hi kan dah pawimawh hmasa ber tur ani, Sum ringawt atchilh a chhungkaw thlahthlam te hi aṭha ngailo, Sum nei ṭun si chhungkaw hlim leh miah lo te an tam tawh " Kapa in ati chuar chuar a, kan lo pawmpui hlawm khawp mai, Zorina'n fiamthu athawh peih leh ber a, kan nui leh hawk hawk ṭhin 

" Naute thil tur ka leisak a mahse, nakinah kape ang che " Remrema chuan ati sep a, ani hi chu aṭawng ve bawrh bawrh ngailo, Udampuia ai pawn aṭawng tlem zawk 

" Ava lawmawm dawn ve, thil leisak vak pawh ala ngailo " nui var var chungin kati sep a, Naute thil tur hi tun aṭangin an inlei hmuh a, dan theih pawh an nilo anuam kati chiahlo ṭhin a mahse, ka pasal in ' an duh dan in tih tir rawh ' atih avangin ka sawisel ngailo, ka tan phei chuan alawmawm lutuk. Rei ngial kan ṭhut khawm hnuah chaw kan ei a, chaw eikham hnuah chuan reilo te ṭhu leh in kanu leh pa te chu Mangṭha in room ah kan chhoh san a

Ruahsur in boruak atih vawh avangin khumah ka mu nghal sawk sawk a, ka chetdan chuan ka pasal nuih ati za khawp mai, puansin hlun chungin ka bul chu ka beng thek thek a

" Lo mu vat vat rawh " Ka tih chuan pa zetin a kiai suk a, ka pasal hi chu engtin pawn awm se *PA* ka ti ve hrim hrim in ka hria

" Ala hma deuh lo maw mahse, mu pah pawn tih tur chu atam " athusawi avang chuan ka hawisawn daih a, ka lai chhe thei lutuk hi abuaithlak, khum a alo lawn rualin ka lu bula innem khalhin min bawh titih a

" Hey, ka mutchhuak ania aw, avawt bawk si " ka tih hlak chuan anui hak a, anuih nghawr rualin ka taksa pawh ache tel ve thei

" Avawh loh dan pawh ka hria " Mitmeng de sar sar in min melh a, ka kawchhung hi asa nghal hut hut mai 

" I rilru ahmul emai " Ka tih chuan ka hmui alo fawp zeuh a

" Ka kuahlum ang che tih ka sawina ania, kei aiin i rilru ahmul zawk anih hmel " Min chhaih tih hriat zetin amithmul ati che ralh a, ahmui hnuai a seh zeuh bawk, ka tih ngaihna hrelo chhanlet dan hre tawh bawk silo chuan ahmai ah nem in 

" I mak emai Laldampui " ka ti ṭung a, ka chal tauh zeuh in ari in anui chhuak hawk hawk, keipawh ka nui ve tho 

" I lai hma lutuk hi a " Ti zawi sup in, ka hmui ah chuan dam leh duhthawh zetin afawp ngawng ngawng a, kalo chhanglet ve vat, reingial kan infawh hnu chuan min thlah ve hram a, thawk kala halh halh, amut zangthal rualin a chungah min pawt kai a ka dul avangin ka taksa zawng zawngin ka delh theilo thung 

" Ka delh che chuan naute in arit ati palh ang " Ati sup a, ka hmui bul teah aphun sup avangin aka aṭanga boruak lum lo chhuak chu ka feel thei, keimah zawk chuan ka fawp hmasa a, anui suk tih pawh ka hria. Atawp thlenpui theilo mahila ka pasal ani a, ka tihsak theih chu tihsak ve vek ka duh. 

Vaukam ah dingin ka hmaa tuipui fawp hlup hlup chu ka thlir a, thli thaw leh heuh heuh ṭhin chuan ka sam achhem phe hlawp hlawp bawk, ka dul puar lah chu chulin ka nui sen sen a mahse, ka mal aṭanga thil lum thla pup ka feel rualin ka hawi thla nghal. Nilo! Engthil nge thleng hi ka naute, phun chhuak sep in ka pum chu ka kuah bet a, ka mittui aluang thla ngiai ngiai bawk, mangang zetin ka au a ka au ri chu boruak ah athamral zel bawk si, mangang lutuk in Udampuia ka au leh a ka hawikual ruai bawk, chu vaukam zau leh tuifawn hlup hlup ah chuan keimah chauh kani, tumah midang an awmlo a, an thawm hriattur pawh a awmlo, mangang lutuk in ka ṭap rawng rawng a leiah ka ṭhu thla nghal hnawk bawk. thisen achhuak tam tulh tulh a ka mangang zual tulh tulh bawk, ka au ruai a puitu tur reng an awmlo

" Duati " Udampuia aw ka hre riai riai a, ka taksa a chet nawk rualin ka meng nghal kawk a, ṭhuchhuak nghal hlawl in mangang lutuk in ka ka ṭap chhuak nghal hlawp 

hlawp 

" Duatte " Udampuia'n min koh leh rualin mangang zetin ka melh, ka hawikual chuan kan room ah ka awm a, anih chuan nichin ami kha ka mumang anih chu! Mumang rapthlak leh ṭihbaiawm tak ani

" Ka naute " Ti ṭiau in ka dul chu ka khawih a, Udampuia chuan a awm khauh ṭang ah chuan min kuah bet a, ka mit ka chhin apiangin ka mumang kha ka hmu leh zel bawk si

" Engkim aṭha vek, nang leh naute pawh inhim ania, mangchhia i mang anih kha " Ka hnungah min chulsak heuh heuh a, ka chhipah afawp ṭawk bawk 

" Naute..ihh ka..naute ka lo chhiat a " Ka hlauhthawnna kha ala reh bawklo nen ka inhnit leh hlap hlap chu duat zetin min kuah hlu hlu a

" Engkim aṭha, min ring rawh naute chu ahim alawm, inthlahdul rawh " Atih sup chuan ka inthlah dul ve riai riai a, ka taksa alo ṭang viau aniang ka chau lutuk, ka taksa te chu ana ṭhum a ahuh hliam bawk 

" Ka hlau, ka muhil ngam tawhlo " Udampuia awm a bei reng chung chuan pangchang zetin ka ti sep a, anui che dat mai

" Umm, hahdam rawh " Ati a, ka mumang khan min la ti ṭim uai uai thei, khatiang khawpa rapthlak kha kala mang ngailo, engkim kha atak a ang vek a, ka au ri boruaka thamral riai riai te khan min ti hit chhuak vek thei, thisen ka mala luangthla ngiai ngiai te kha 

" Duati, hahdam rawh ka tih kha, i bulah ka awm tawh hi " ka mumang ka ngaihtuah avanga ka taksa ṭang ṭung chu ahre rang khawp mai 

" Ka au che a ihh..ka mumangah khan mahse, i aw leh thawm hriattur a awmlo " Ka ti chhuak sep a, min kuah nghet sauhin rit zetin thawk ala a

" Mumang mai alawm Duati, atakram ah chuan min koh apiangin kalo kal ziah ang " Ka darah chelhin min nam hla hret a, dim light hnuaiah chuan ahmel dam thlap leh Amitmeng thlamuanawm zet chuan lungchim zetin min melh a, amitmeng ah chuan ' Min duhna leh min duatna te min hmangaihna bakah min ngaihsakna' ka hmu thei, chu chuan minti thlamuangin min ti hahdam sawng sawng bawk, ka pasal angchhungah chuan ka thlamuang ngang aniang ka ṭawng sep sep laiin kalo muhil leh daih a, zinga ka harh chuan Udampuia kuah chial chungin kala mu reng. Ani pawn ka kawngah akuah ran a, athawk lak zawngin ka taksa chu ache tel ve zel a, tih harh hlau zetin akut ka dahsawn sak a, amuhil nghet ve khawp mai aharh biklo, tho chhuak mailo in ka pasal muhil hmel pawisawilo zet chu ka thlir vang vang a, nizan kha ka mutthilh hnu pawn ala muhil ve mai mai dawnlo tih ka hria, rei tawk tak ka thlir dauh duah hnu chuan ka tho chhuak a, Washroom lutin ka tuktin tih ṭhin ka tih zawh hnu chuan ka pasal mutui zet chu chhuahsanin inhnuaiah ka chhuk thla chhet chhet a

" Iva tho hma ve Bawihte " Kanu chu alo ti zang leh vah a

" Ka tho hma ve mai mai anih hi " chair ah ka ṭhu a, intur ka duh leh duh loh min lo zawt vat, diktak chuan kanu hi thawh khalh zat zat tur leh aduhzawng zawt tur zawk kani a mahse, kanu zawkin min thawh khalh ziah a, ka thawh ve chuan ka duhzawng min lo zawt ziah bawk, ka vanduai viau ah ka inngaih laiin ngaihtuah chian chuan vanneihna tam tak ka nei. Kanu eirawng ka bawlpui zawh a room ka han luh leh chuan ka nui chhuak hak hak, Udampuia chu khumah alo ṭhu chhuak luau a, amit ameng chuang miahlo, ka nuih hak hak chuan ka lam alo hawi vut a, asam hnawk niai leh amitmeng pawisawilo zet chuan ati lang cute

" What " ati ṭuak a, nui vur vur chungin ka pan hnai 

" Eng nilo e, i landan kha mipa naupang mutkham lo i ang reuh " Asam hnawk niai chu ka chul mam a, ka kawngah alo kuah leh hmiah tawh, tunlai kan boruak nuam zet hi chhe tawhlo se kati, ka huntawn mek hi anuam kati a, ka nunah chhimbal fiahlo zetun alang ve ṭan niin ka hria

" Min lo thawhkhalh a " Ka dul chu afawp pah zeuh a

" Nia, i mutui sia ka tiharh lo che anih kha " Ka ti let a, ruah asur tawhlo a, ni achhuak ut tawh mai

" Iṭha tawh tiraw? " Ka pum puar lah ah chuan a khabe nghatin min lo en chho kiau a

" Imm, i bulah chuan ka ṭha " ka tih chuan a kiai suk a

" Inti fai tawhla, hna kal angai si " ka tih chuan ataksa che awk khawpin thawk ala halh kher anih chu! Hepa pui hi tukin chu eng nge ahriat le, min hnial lemlo chuan Washroom ah alut ve hna hna a, ahnunglam ah ka nuih vur vur. Khum chu ka siam a, balbawma thawmhnaw chu suk mai theih turin adik zawngin ka dah thlap bawk, Udampuia lo chhuah rualin Washroom ah ka lut a machine ah chuan thawmhnaw ka su nghal

Chaw kan ei a, eina ka tihfel hnuah ka thawmhnaw suksa chu inchung zawlah ka pho leh te te a, room ka luh leh meuh chuan Udampuia chu alo inpeih thlap tawh mahse, a tie erawh chu ka awrh tir aphut leh tlat aniang, min hmuh rualin alek kang zeuh a. Nui hak chungin ka ban va vat 

" I duty rei dawn em? " Ka hniam avangin alo kun ve deuh a, kan awmdan vel chu a nuihzatthlak viau ang 

" Reilo ang, tunlai chu ka duty rei ngailo " ka ti a

" Hna ka ngahlo vawiin chu kan bazar dawn emni? " Atih chuan ka meng awk a, ka awmdan chuan anuih ati za aniang ka hmai bulah anui lum hak a

" I chau ang " ka tih chuan 

" No, itan chuan ka chau lo, kalo lam ang che " Ti vut in necktie ka suihzawh chuan ading mar vut a

" Anih chuan aṭha alawm " Nui sen sen in kati a, ka chalah afawp zeuh bawk, ka insiam lai chuan khumah ṭhu in ka chetla chu min en ngur a, insiam laklawh laiin ' Hawisawn rawh' kan inti leh hlak zel, ani lah chuan hawisawn chu sawi loh khap miahlo in min en lui kher zel a, ka insiam rei phah vek, room kan chhuahsan hmain duhthawh zetin min fawp leh a, alungawi hmel chu hmuh reng ka duh ang, ka hmuh reng theih nan theihtawp ka chhuah bawk ang. Damdawiin ah min thlah thlap a, Mahriati nen kan inhmuh chuan kan ri leh hlut tawh, ka chhaih chang chuan anilo ang takin alai thei reuh lutuk. Chhun chawlh ah chuan kan pahnih in canteen ah kan kal a, nidang ang bawkin canteen chu alun leh viau tawh, eitur la in ṭhutna ruakah kan ṭhu a

" Vawiin chu Udampuia nen kan bazar dawn a " ka tih chuan kei ai mahin a phur zawk 

" Ava nuam dawn ve, inpa chu rin aiin a Romantic " atih chuan ka nui tawp

" Kan Doctora sawn a atchilh che e " Kan lam pana nui var var chunga lokal phei thauh thauh chu kan en a, Mahriati chu anui hak hak 

" Ka hlauthawng ve deuh a, mipa hi chu rin ang an nilo thei lutuk a " ati a, ka chhanlet hmain Mahlima' kan bul alo thleng hman a, kan hma chair chu pawt chhuakin aṭhu thla ve nghal 

" Minlo kalsan daih a " Ati sup a, Ka ner nang ahmuh chuan ari meuhin anui a

" I bialnu anih hmain ka ṭhiannu ani a, ka duh leh ka hruai kual ang " ka ti leh a

" Iva chimawm reuh tak " ati hmuk a, eitur a order ve nghal, thil ei pah chuan kan ṭwng bawrh bawrh a

...

" I chau em? " Damdawiin kawtah Udampuia alo ding leh luah tawh 

" Chau vak nang, chauh na tham engmah ka tilo " ka tih chuan abu nghut a, kawngka a pawt hawng zawm zat bawk

" Nang i chau em? " Ṭhutluh pahin kati a, seat belt ka hreng nghal rak rak bawk, ka hnar a tawk zeuhin kawngka chu alo nam phui dawp

" Ka chau lo, ka chakna ka hmu leh tawh che a " Driver seat ah alo ṭhu lut a

" I over " ka tih chuan nui datin hnet zetin stearing a herkual a, kan tlanchhuak nghal 

" Eng nge kan lei ang " Ka tih chuan 

" Ka hre mai biklo, lei tur atam loh leh kan lengkual dawn nia" ati a, anui pah vur vur leh nghal, 

" Aṭha alawm, kanu te thil leisak pah ila aṭha ang " ka ti a, kan ngawi deuh vang vang, seat chu ngheng a ka lu chu ka nawrna na hret bawk, ka thaw chhuak suai suai. Ka kawng kham lutuk chu a dam sawng sawng thei, tunlai chu ka kawng hi akham et et zel 

" Ka pawisa ka hmang dawn nia " Kanu te thil ka leisak lai chuan kati a, min hnial biklo mahse, ka thil tur ka lei erawh chuan ama pawisa ka hmang zel thung, aduh dan ani tlat si a kan hnial ngamlo

" Eng nge hetah kan tih dawn " Naute thil zawrhna ah min luhpui a

" I hrethiam mai lo emni? " ati sup a, Dawr nghaktu chuan min lo be ṭha khawp mai, ari deuh hlut a

" I pum chu ava puar lian tawh ve, engtik nge i neih ang " ati siam siam a, Udampuia chuan Naute pheikhawk chu a en a

" Thla4 nghah ala ngai " ka tih chuan thil eng eng emaw asawi a, Nu ṭawngduh ve tak chu ani ang, chhan dan vak hrelo in kalo nui mai zel

" Eng nge i lei dawn " Udampuia chuan a en uluk thei khawp mai 

" Ka hrelo le " ati a, Naute pheikhawk chuan amit ala ngang aniang, ala kang ta nge nge a achetdan chu hmuhnawm ti zetin ka thlir ve reng 

 " Hlimhlim " Ka hminga min ko tu lam chu ka hawi vat a, ka beisei loh deuhin Lucy leh Lawmkima anlo ni

" Awi! Ini tak tak, in bazar ve ani maw? " Anui var var a, ka nuih let lemlo thung 

" Anih hi " Ka ti nghat a, Udampuia pawh ka bul setah alo ding run tawh 

" Inhmuh akhat hle mai " Ati leh a, ka chhang tawhlo Lawmkima chuan ka dul ngawt alo melh a, hlauthawng zetin ka dul chu ka kuah rawk rawk 

" Min hrethiam ru " Ti vutin ka pasal chuan min kalsawn pui a, min chhuahpui mailo chuan Lawmkima te hmuh theih loh chinah min dinpui leh in naute thil bawk chu a enkual leh, hlauthawng viau e tilo chuan ka nui hak, min lo en vut a

" I inhmeh lo lutuk " ka tih chuan a kiai suk a, athil tih lai atih zawm leh nghal tho, Lawmkima'n ka dul a melh vung vung khan ka tiril ati khur dar dar thei, ṭullo zetin ka mumang ka hrechhuak leh bawk a, eng emaw hian min mawlh tlat ani.

Contt...