Tuamdamtu chapter-11

Kimkimi tlau

 Ka mutui lai chu eng emaw avangin ka harh kawk a, ka harh hnu a ka pum lo che leh det det chuan min men tir kawk kawk mai, ka pum chu ka dawm a, Naute chuan alo tlawh leh dat dat tawh, thawhphan pawh awm miahlo in ka nui nghal ver ver, a reh leh mai dawn emaw tih laiin naute chuan alo la tlawh uar sauh sauh a, mu mahila ka muhil thei chuanglo, keimah chuan kanui leh vur vur zel. Zawi te te chuan ' naktukah te lo tlawh zawk la, Anu hi i muttir thei lo ania aw ' ka ti sep sep a, ka pum nautei'n alo tlawh lai chu ka dawm a

" Duati " Tham ṭuak a Udampuia min ko ri ka hriat chuan, keimah in ka awmlo tih ka hrechhuak leh chiah

" Kati harh che ami? " Kalo ti thuai a, amu leh mai dawn emaw ka tih laiin alo ṭhu chhuak ve hluai a

" I mu theilo emni? " Dim light hnuai aṭang pawn min ngaihsakna mitmeng chu ka hmuh hmaihlo

" Umm, naute hian alo tlawh nasa lutuk a, ka muhil lai ka harh alawm " ka tih ruala ahmel landan chuan chhungril thleng hian minti hlim thei, atho vut a light pangai ava on chuan ka mit ka chhing nghal sawk, a eng lutuk a ka mengṭha thei hleinem mawle

" Kalo enchhin " A mitmenga phurna langchhuak te leh tuna alandan hrim hrim hi Mipa naupang hlauh ani 

" I hmuthiam tiraw? " ka mu zangthala ka kawr chu ka hlim chho bawk, Nautei'n alo tlawh leh ṭalh ṭalh lai chu ahmu ve ta aniang, ameng awk a anui chhuak hawk bawk, anui ri chuan room chhung aluahkhat vek thei.

" Ava mak ve " ati hulh a, ka pum chu akutphah hlai hlup chuan alo khuap nghal run a, a chezia chu ka thlir reng

" Muhil tawh rawh, naktukah hna ithawk leh char char dawn ania " ka tih pawh chuan amit in ka pum ala hawisan thei miahlo, Afa tak tak pawh nilo laka a awmdan phung ahlauh vek thei hi thilmak ani, afa tak tak paisak ka chak a, ahlim viau lai hian keichu inthiamloh na in min luhchilh leh ṭhin

" I muthei dawn ami? " Ka bulah alo muthla a, Akut chu ka pumah ala nghat run tho

" Thei mai ang, a che rei tawh lo ang " Ka ti ve maia, akut chu ka kham theih turin asiamrem a, inhnaih te a mu in min kuah deuh hlu hlu a, ka bekah afawp leh ṭawk bawk, Naute pawh chu ache tawp ve ta maia, mut duh tih takah ka muhil veleh thei tho. 

Tukṭhuan kan ei laiin Naute chet thu chu asawi chhuak leh a, ka zak chem chem mai, amah aphur em avangin ka khap buai ta biklo a, Kanu leh pa pawh anlo hlim ve khawp mai. Zorina chuan a u phur lutuk chu anuih leh huk huk zel a, a awmdan athlak vek chu amak ani tawp mai

" Bawiha nunphung pawh adanglam vek alawm " ti pahin kapa chu anui hak hak a, kanu pawn alo belh vat, ka hlim viau ṭhin lai hian ka hlauthawng tel leh tlat ṭhin, Ruahthimpui hi ala rehfel loh avang te pawh ani mahna, Tukṭhuan chu hlim leh puar takin kan ei hlawm a, kan eikham ah eina vel kanu nen kan ti fel dun, Kanu hian awmpui lak aduhlo a, amah hian inchhungkhur a enkawl vek, ka hman changin ka pui ve ziah bawk a. Intifai tur erawh kar khatah vawihnih lokal ṭhin an nei thung.

" Scooty keng suh " a hmuh theih loh turin ka ner nang a, Scooty chungchang kanla sawichhuak leh ta miahlo a, min phalsak emaw kati hman asin le

" Ka khalh thiam alawm " ka ti veleh hram a, arum nghut thung

" Ka remti lo chunga scooty ilo la lui saw ka lawm miahlo mahse, iti vek tawha ka thinrim chiam lo mai chauh ani " ati nghat nghat a, alawm loh zia chu ka hre ve reng

" Ka la tawh tho alawm " ka tih lai chuan a necktie chu ka lamah alo lek chhuak leh vut a, ka lungawi chiahlo bawk nen suih pangaiin ka suih sak zawk dawn maw ni 

" Nupuii pawh alungawi lo, tlaiah chaw kan ei phei dawn ania, kanu te ka hrilh tawh " ati leh zung zung a, mak ti zetin ka melh chho kiau mai, kanu te nen tunlai tak hi kan inbe lo a, an thinrim reh hun ka nghah avang ani

" Ati ve mah mah alawm, ka u avangin ka tleirawl chhuah tirh a ka neih bak ka nei leh tawhlo a, a natna avangin athu ka hnial ngailo, ka u a accident avangin kei thlengin min khap bur a, ka it ve tho alawm " ka ti nang nang a, thaw hak chungin ka darah min chelh a, ka hmai bul chetah min en ngur bawk

" I pasal hnenah i ngen thei alawm, Scooty i la saw ka lungawi loh chhan anilo, eng ah mah min rawn lo zawk hi ka lawm lo " ati chang fak a, tim daiin amit ah chuan ka melh leh ve kar 

" I phallo anih kha " ka tih chuan a kiai suk a, ka chal ah afawp leh vang vang bawk

" Umm, ka phallo " Nuihza insum zetin ati a, ngei deuhin kalo melh kar thung, ka sam kara akut zen lutin min pawt hnai salh a, ka hmui ah a fawp leh tawh, ka vawikhat infawhna nilo mahse, ngaiah ka nei thei lo, ka khur ru der derin ka hria

" Kar leh hian Chhim lamah Thingtlang lam kan tlawh dawn a, i kal ve peih ang em? " Ahmui sexy zet chu apet sawi zeuh bawk, ka thawk lak ala dik thei meuhlo 

" Ka..ka hrelo " ka ti hap a, ka mit ka chhing vang vang bawk, Ding mar vutin min kuah nghal thlap a

" Naute tan apawilo ang tiraw? " atih leh chuan ' apawi loh thu ' in ka chhang thuai a

" Ka hna zawk hi " ka ti sep a mahse, kar leh ah chuan nikhatah vawikhat bak ka duty dawnlo, tunkar hi ka duty zing a, kar leh chu tlem in ka hahdam veleh tawh dawn 

" Ka chinfel mai ang " ati leh sup a

" Ka kalve chu apawilo ang maw? " ka ti veleh hram, buaina te ka thlen ang tih ka hlau

" Minister dang ten an nupui te an hruai dawn a, ka nupui hruai ve ka duh alawm " atih chuan ka tum loh deuhin ka nui chhuak hak hak, chutiang anih te chuan ka hnial bik teuhlo, Nupui ka nih angin atan engmah pawh kala tihsak ve hleinem. Inhnuai kan chhuk thlak chuan kanu tih loh anlo chhuak leh diak tawh a, kanu chuan kawt thleng min thlah thlap bawk, Udampuia thu awih in scooty ka keng lo a, aman motor akhalh bawk

" Tinge Driver i nei reng sia " ka tih chuan min en lemlo in anui suk a

" Ka nupui hi ka kutah awm se ka duh, ka hman loh tawpah bak Driver ka phurh tir dawnlo che, i tan chuan hun insiam hram hram ka tum bawk " ati nghet churh a, kalo nuih var var, tunlai kan boruak muanawm zet hi anuam kati, Ruahthimpui sur buan buan laia chhumvar lo lang ang mai ani in ka hria

" Have a nice day Duati " Motor chhungah kan la ṭhu a

" You too, Hubby " ka chhanletna chuan chunglam hawi meuhin anuih tir a, tlem chuan ka lai veleh deuh tho, ka biang asa hat hat mai

" Kal tawh rawh, nilenga ka bula awm turin ka hruai daih mai ang che " atih chuan nuih hak hak chungin ka chhuak a, kut vai zeuh in ka kalsan, Mahlima nen kan intawk leh nawlh tawh, ka hawilet chuan Udampuia alo awm tawhlo a, ka tho huai thei. Kan va awm khawlo pawh anilo mahse, alo hmuh chuan athinrim leh hluai ang tih ka hlau zawk 

" Mood ava ṭha awm vur vur ve " alo ti thuai a, la nui var var chungin 

" Apangai, nang zawk " ka ti let a, ka chhip a tuai zeuh chuan ahmel ka en vang vang a sawi tur nei a ang kati 

" Sawi tawp la " Kan inzui lut a, in entir an tam a, mihring an zi leh nak nak tawh 

" Chhunah ka hrilh ang che " ati a, engmah ka sawi ve hmain min pensan leh daih, keipawh chu duty na hmunah ka kal ve nghal bawk, buai lutuk silo in mawng hung ṭha hmanlo chuan kan buai ve tho a, Doctor ward fang ka zui a, chhuak tur neuh neuh an awm avangin kan buai veleh viau maithei, bill siam te leh an damdawi tur kan buaipui a, chutianga kan tih nek nek lai chuan lunch break pawh alo ni veleh reng tawh, Mahriati a duty loh hi chuan a khawhar thlak bik, be vek thei mahila kawmngeih tak ka neilo thung. Canteen ah chuan thil ka ei duhlo a pawn lam ka pan leh chhet chhet 

" Puii " Min lo titu lam ka hawi chuan ka hlauthawng nghal khawp mai 

" Eng nge hetah ilo tih dawn " ka hawikual nghal ruai a

" Inbengdai teh, mualpho hlau tu zawk ka nih hi, ka hmu fuh che a kalo ko mai mai che " anui hmel te chu ka ngei a, ahmai ah ham bawrh bawrh ka chak, Engtik lai aṭang khan nge amah ka duhna leh ka hriatrengna te ka hmangaihna te khan zawi zawi a min kiansan ka hrelo, tunah chuan amah ka hmuh pawn danglam lutuk a awm tawhlo mahse, rei tak kalo kawp tawh anihna ah amah hmuh chang chuan min ti danglam thil chu a awm, chu erawh amah kala duh avang ani hauh tawhlo 

" Anih chuan kal tawh rawh " ka ti nghat a, keimah zawk chuan kalpel ka tum 

" Alian tawh hle mai, Alo pian hunah i pasal achhun dawn miahlo ania " Ka tha khur nghal der der chu ahruat ka au viau, zam lo ang taka langin ka en ngar a

" Ka pawi tih i ring emni? Lo inrawlh tawh suh ka tih kha, ka thusawi kha i hrechianglo emni? " Au khum chiam duh mahila arem miau loh avangin, ka sehchilh rap rap a

" Oh.. a chhungte chuan pawi anti ang " Beng lo turin ka in thunun hram hram ani, Damdawiin kawta ennawm siam ka duh biklo

" Thil i ei tawh em? " chhanlet leh ka tum lai taka Dr Mahlima lo lang chu alawmawm ah ngai zawk teh ang, kan boruak hre map lo in alo nui vur vur a

" Ei nang kal ang " Lawmkima chu ka ner khum nek a, Restaurant lam panin ka kal zui nghal nal nal 

" Khipa khi ka.. " ka melhrum em avang chuan aṭawnglai atawp chat a, ahmui chu achip nghal hmak, ka inthiamlo leh deuh, kan inkawp lai khan ka hna kal tur min thlah fo a, ahruat loh chhan tur a awmlo mahse, sawichhuah ka peih tawhlo

" Min treat dawn ami? " Menu ka bih lai chuan thawpui ala leh halh ṭhin a

" Treat ang che " Rang zeta min lo chhan avang chuan ka nuih hak a, ahmel hmuh pawh anuamlo, zam hmel apu reng ani mai

" Eng nge i sawi duh chu " Ka thin in atuar leh tawhlo, sawi duh si sawi hreh hmel pu bawk si hmuh reng hi ka ning, ka thil eichakna ati bo vek dawn alawm 

" Englo " ati a, angawi leh daih ṭhin, eitur alo thlen avangin ka ngaihsak chhunzawm lo a

" Min ignore lutuk suh aw " ati hluk ang lawi a, vawiin hi eng nge maw ahriat le

" Eng nge i sawi duh chu, Mahriati i duh ami? " Ka ti hmuk a, mak ti hmel apu nghal bawk

" Engtin nge i hriat " Atih rualin keipawh ka meng nghal kawk, nichin khan ka sawi mai mai kha ania, ka sawi dik tak tak leh nghal, insiam remin ka nuih tet tet a, hepa hian Mahriati aduh avangin min be ṭha vel anih mai mai hi a

" Ka risk " Ka tih chuan tur zetin min melh a, nuih vur vur chungin ka eitur chu ka ei mawlh mawlh 

" Iva han sual e aw, Hey, My name min pui teh " a ṭawngkam naupangchhia lutuk chu ka nuih ati za zawk 

" Engtin nge ka puih ang che, Mipa puitling ṭhankin tawhin hmeichhe pakhat pawh nangmahin i bem ngam lo maw!?" 

Ka mengkual ralh chu, rum deuhin min melh leh ṭhin a

" Ngaihzawng kala nei ngai hleinem, Heta kalo thawh tirh khan ka duh tawh mahse, hmalak dan tur ka hrelo " Atih chuan ka nuih tawp, Ahmelṭhaa, afelin a smart em em bawk, hmeichhe tan duh loh chi pawh anilo mahse, mit a in anglo ve a

" Engtia puih nge i duh sawila, min pui nasa tawh bawka ka pui ve ang che " ka tih chuan thaw huai hmel apu a

" Mahse, phut eng emaw ka nei " ka tih leh rualin min ner khum nawk a

" Eng nge " atih hmuk chuan nui hakin, a eitur chu eiphawt turin kati a

" Karleh ah ka pasal ka zui dawn a, Chhim lamah kan kal dawn a, ka duty vel min thlak kual sak turin ka duh che " ka tih chuan phakar min tih hmel khawp mai 

" Chutiang ringawt te chu " ati sup a, nuam ati chiahlo ani mahna

" Mahriati hmuh reng i duhlo ami? Kar leh te chu i duty ania, ka aia Mahriati a duty chuan in inhmu reng thei dawn alawm " Ṭan chhan neiṭha inti zetin ka nui a

" I va han phakar ngawih ngawih " ati hluk a mahse, anui ve tho hmmmm min hnial dawnlo tih ka hria alawm. Mahriat hnenah lawmthu awm rawh se. Tlaiah chuan Udampuia'n min lo call a, pawna a awm thu alo sawi chuan ka nui nghal vur vur, ka dul puar ve lah tawh mahse, ka infit a buaina kala tawk lemlo

" Ilo thlenna arei tawh em? " Abul ka thlen rual chuan kati zang vah a, ka bag chu min lo laksak nghal vut

" Reilo e " Ati sup a, ka luhna tur kawngka min hawnsak ah chuan ṭhu lutin ka ṭhut fel hnu chuan ka bag chu ka malchungah alo dah a

" I chauh hmel " alo ṭhut luh ve ruala ka tih chuan anui a

" Ka chau mahse, ka hmu che u a ka hahdam leh tawh " ka dul thlek zeuh pahin ati a, sawi mai tur pawh minti hrelo, motor ati nung a kal tlanchhuak nghal

" Vawiin ah Lawmkima alo kal a " Ka tih chuan min lo melh zawk a, hmalam en leh nghal vut mahse, stearing ahum nghet ṭalh ṭalh chu ka hmu reng, zep neih ka duh loh avang a hrilh kani, Nupa nih chuan ho te emaw tih pawh hi inhrilh vek tur, ho te hian thil liantham tak athlen thei 

" Eng nge alo tih " ati chang fak a

" Chhun chawlh khan thil eiturin ka kal chhuak kha min lo ko a " Vawiin thil thleng chu ka hrilh ve niap niap a, ' Naute khan i pasal a chhun dawnlo ' tih ka sawi tel lai chuan a insehruh ngawt ngawt chu ka hmu reng, ka sawi chhuak ta chu aṭullo ka ti leh si a mahse, ka sawichhuak vek tawh tho bawk si

" Ihh englo.. tih thinrim che ka tumlo, kan inhmu tih zep ila ihriat leh si chuan kan boruak a chhe vek ang tih ka hlau a

aaa... ka sawi chu i hrethiam tiraw? " ka ti nawi niai mai

" Min hrilh kha ka lawm mahse, Lawmkima lokal erawh ka lawm hauhlo " ati nghut a, ka chhang tawhlo, Kanu tein kan thlen chuan a motor dahfel ka nghak a, keimaha hmachhawn ka hreh ani ber

" I hlau ani maw? " atih erawh chuan 'ka hlau lo ' ka ti ṭung a, min nuih sukin ka kut avuan a doorbell ahmet bawk

" Lokal ru " Kanu chuan min en miahlo a, ka pasal erawh nui sangin abe thung, kanu luhlul ve zia hi chu aw

" Nupui, ilo buai em? " Ati dam thlap a, sitting room ah kan inzui phei a

" Buai lemlo e, rin aiin inlo thleng hma " Ati luam a

" Nia, kan inpeih hma leh deuh anih hi " Ka awm velo ang maia an awm thei chu ka lungawi lo viau, engmah ka sawi chuanglo a, an titi lai chuan tho chhuakin choka ah ka kalsan daih, tui ka in a let leh ka chak vak loh avangin chair ah chuan kapa te awmna lam hnungchhawn zawngin ka ṭhu thla a, ka phone ka khawih ve ta ringawt, Dr Mahlima msg chu ka nuih ati za, Mahriati Msg pawh alo awm a, ' Bialpa anei em? ' tih min zawhna chu Mahriati hnenah ' Bialpa i nei em? ' tiin ka va zawt chhawng leh a, mak alo ti nasa mai phone call alo lut nghal bawk

" Aw " nui vur vur chungin ka chhang a

" Hetiang zawhna te eng awmzia? " alo ti hliai a, ka nuih kar kar

" Min hrilh mai la " ka tih chuan thawk ala hawk a, ahmel awmdan tur vel ka ngaihtuaha ka nui leh hak ṭhin

" Nei mai mai lo, Duhthusam kala hmulo, ngaihzawng neih hmasak aiin pasal nei tawp chi ka niin ka hria " atih chuan ka nuih leh tawp, chutiang chuan ati duh tak tak ang

" Chu arrange married lam i sawina ami? " ka tih chuan

" Ni chiah e " ati a, thildang dang kan sawi leh ṭeuh hnuah kan dah a, Mahlima msg pawh alo awm leh tawh, msg type hi ka thatchhia a, call anih loh chuan voice ani mai

' Bialpa aneilo aw, ani chuan bialpa aiin pasal neih nghal tawp aduh, pasal neih hnua inngaihzawn vel aduh anih hmel ' ka voice a, ka nui pah hak hak bawk 

' Chu! Palai ka tir nghal tawp mai dawn mi? ' alo ti leh a, chhanlet ka tum lai takin ka phone chu hnunglam aṭangin Udampuia' alo phih hlawk a

" Hey.. eng nge maw i hriat le? " ka ti chiam a, ka inher dawrh bawk 

" Hetah eng nge itih reng " ti hmukin phone chu abih ngur ngur a, laksak kalo tum ve chhen chu ka kut alo man bet hmiah, thil pawitham sawilo mahila midang ahrilh ngam loh min hrilh a, ka pasal in ahriat ve kher angai pawn ka hrelo

" Mi inngaihzawn tirtu ini lo, mipa be tawh suh " Ati hmuk anih chu! tun chiah hi Mahlima nen txt in kan inbia chupawh min lo zawt ve miau a

" Naaa, khate chu ka pui ve mai mai alawm " ka tih chuan ka phone chu a ak hmak a

" Atihpui tu nen an inngaizawng daih duh, Pasal nei tawh inih kha " ati leh hmuk a, kanu alo luh ve tak avangin kan ngawi dun reng, chaw ei ka siampui a min biak loh chuan biak ka tum biklo emai 

" Bawihte, ei ṭeuh rawh aw tunlai i hriselna te aṭha em? " kapa chuan dam dapin ati a

" Ṭha e " ka ti sep, Kanu leh Udampuia te titi kan ngaithla ani ber e, aṭawng mawh mawh nen hian kanu bulah hi chuan aṭawngtam thei lutuk, chaw kan eikham ah reilo te kan ṭhu khawmuang leh a

" Thuawih hi i hreh ve tiraw? " Kanu chuan ati ram hmak a, a insum rei tawh kati reng ani

" I rilru thlak tum ve zawk rawh Nu " Ka tih chuan tur khaiin min melh a

" Ka lung iti awilo mahse, tih theih a awm chuanglo bawk a, fimkhur hle ang che " ati leh hlak a, ka nuih var var mai, reilo te kan ṭhut leh hnuah kan hawng veleh ta chauh a

" Ka phone kha, min pe tawh teh " Kan in lam panin kan hawng mek a, alam ah kut ka phar chhuak da da

" Aṭullo, aṭul ka tih hunah ka pe mai ang che " ati hluk a, hmalam a en ngur chu ngei zetin thawk kala sek sek

Cont..