Tuamdamtu chapter-12

 

In kan thlen chuan Udampuia chu a chho tlang a, kei erawh chu Kanu te bulah ka awm khawmuang thung, kanu chuan kanu leh pa te an dam leh dam loh te min lo zawt a, thildang dang sawi kaiin ka awm rei ve ta phian a, ahnu deuhah chuan Ka pasal chhuanlamin inchungah chuan ka chho ve ta hram a

" I inbual hman elaw? " Towel aveng a, kawr aha bawk silo ka hmai hi asa nghal hat hat in ka hria, a awm lohna lam ka hawi nghal daih a

" Hei hi eng nge awmzia " Atih nghut takah chuan alam chu ṭi dakin ka hawi leh a, ka hmai bulah ka phone chu a keng lang a

" Englo.. Duty hun min thlak turin kati a " ka ti hliai a, Dr Mahlima chuan ' Duty hun chu ka chance vek tawh ' tih min lo thawn chu alo hawng anih hmel khawp mai, ahmel lah chu ṭo haw tur ang maiin athim khup a

" Ka tifel ang kati ani lawm ni? Min ring thei thlawt lo ami?" A hmel landan aiin a aw ki chu adam zawk a

" Ka ringlo che kati miahlo, vawiin khan sawi arem em a ka sawi lang mai chauh ani " Ka ti a, rit deuhin thawk ala hawk

" Mipa dang bulah engmah dil tawh suh " Atih nghut chuan chhan pawh ka chhanglo, eng ber nge athinrim chhan pawh ka hrelo e a. Kalsawn ka tum chuan che vutin kawngkhar ngheng dawtin min nam bet a

" He..hey " ka tih chul laiin ani erawh anui suk 

" Min chhang rawh, Mipa dang bulah engmah i dil tawh tur anilo, i hria em? " Chiang fek fawka atih leh chuan ka bu nghat a, lo kum hniamin ka chalah afawp vang vang a, min khuap hneh si thinphu dep dep in ka ding a, ka hah vek thei in ka hria, Ka chal aṭangin ka hmuiah dam dapin afawp leh, ka chhanlet dawn veleh a inla hrang daih zui! ngei zeta ka melhna chuan ati phur tih hriat zetin a mitmeng a nung nghal sarh thei

" Ka fawp leh dawn che " atih sup hnuah duhthawh deuh min fawp ngawng ngawng a, ka kut chu asam buk lek lek kara rawlh lutin ka ṭham salh a, duhthawh zetin ka fawp let ve, akut anghal sawt viau a ka awm bawr alo dap chat mai, aṭham deuh salh chuan ka fawhna thlahin ka thaw hak a, nui sukin chimawm deuhin min melh nghal run, amitmeng avang chuan kalo zam chhe leh viau tawh. Akut in hnuailam athlen takah chuan ka dang vat a

" Udampui " tham chhel a ka tih chuan, min fawhna thlahin thawk ala hrawk hrawk a, inthunun atum zia ka hria, ka chal chu achalin atauh dawt a asa vur mai, a biangah chuan ka dawm sak a, amitmeng zet chuan min ti zam chhe leh lek lek ani! Zawi zawiin athawk apangai a, ka kut abiang ka dawmna a vawn hnan chuan ka kut chu ahup bo hneh lutuk

" Hmelṭhanu " Atih sup chuan lai zetin lei ka chhuah a, tuna kan awmdan kha ka ngaihtuah let ngamlo ka zak

" Lai hma lutuk " ti nghutin min pawm kang lawp a, ka ṭe ṭhat chu anuih pui suk leh nghal.

Vawiin hi kan zin hun ani tawh a, Nizan lamah ka insiam lawk avangin ka che buai lutuk lo, ka dul puar ve ak tawh hian kun zung zung hi min ti harsa ve deuh a, abakah chuan insawiselna ka nei ngailo, kan zin tur chu kanu ten min ngaihtuah khawp a Udampuia Nu phei chuan ' kallo mai rawh ' ati ṭung mai, kei lah kal ve ngei ka tum bawk si a, atawpah chuan lungsi zanlo in fimkhur turin min chah chiam kha. Ni3 bak kan cham dawnlo a, thawmhnaw ka keng tam lemlo

 " I P.A kha alo kal ve dawn em? " Ka hmai a sun block hnawih mawlh mawlh pahin kati a

" Kal chu atihtur alawm " Ati sup chu Darthlalang chhanah ka melh nghek

" Anih chu " ka ti nghat a, ka ding chhuak vat bawk, ka kawrfual hak ka pawt mar mawlh mawlh a

" Ka nupui inih hi, hmeichhe dang ka mamawh lo " Ka hnung lawkah ading tih ka feel thei 

" Oh, engmah ka sawi loh kha " Alam hawi chungin ka ner nak a, anui suk suk leh nghal 

" Umm, mahse, i rilru in asawi alawm " Inti thei fe in amit hmul ati che ralh a, tih ngaihna tak pawh ka hre tawhlo. Kawtah kan kalna tur motor ading tawh a, Driver kan hruai dawn bawk, in aṭanga kan chhuah rualin Jenny hmel pawh ka hmu nghal alawm, alo nui sang a Hmeichhe hmelchhia chu anilo, mipa duh chi tak ani bawk ang mahse, mihring hi chu kan mizia hi kan hmel te chu ati chhe hneh sawh lutuk, kan nungchang anat poh leh kan hmelchhe ting ani mai. Hmelṭha lem lo mahila kan nun kan uluk ve tlat chuan mite hian min hmu mawi ve mai ṭhin. 

" I pasal chu i ring zo ta chiah lo ani maw? " Ati lar lar a, amitmeng verther zet avang chuan ka nui lui ve sang mai, Udampuia leh driver chu kan piah deuh ah an ding daih a

" Ka ring zo mahse, nangmah hi ka ringlo che, lungngai suh ka pasal in kal tura min duh avang zawk ani e " Ka hmui ka pet sawi tel zeuh a, hmeichhe fel tak ka nilo, school ka kal lai phei chuan insual ka hrat lutuk, ṭawngkam thlawn ka ba ngailo a, ṭawngkam mei nei zeta min ṭawngkhum tute ngawihsan hi ka thei ngailo mahse, kan puitling chho a kan nundan te kan thlak ve hret hret a, insum angaih changte a awm ṭhin bawk, ka tetlai ngaihtuah chuan tunah hian ka dawhtheiin ka insum thei tawh viau bawk, Jenny erawh insum chunga ngawihsan mai ka tum teuhlo 

" Ka hlimpui theih loh chuan i hlimpui bik lo ang " atih chuan mak kati zawk, hetiang rilru pu tlat hi kani ve ang tih ka hlau, midang nun an tichhia emaw an intih lai hian an mahni nun an ti chhe zawk reng si a, chhan enah pawh ka en tawhlo, Mi pangai en in ka en tawh tlat lo

" Duati, kal ila " Dam thlapa Udampuia' atih chuan ka bu nghat a, jenny chu kalsanin ka luhna tur ka Pasal in min hawnsak ah chuan ka ṭhu lut zui zat a, alo ṭhut luh ve hnu chuan ka pum chu lo khawih zeuh in ' Thu awih tur aw ' ati sup a, chu veleh naute chuan 'Aw le' ti ve ang hrimin alo tlawh dawt a, Udampuia pawh pa zetin anui hawk mai. Traffic jam ah kan tang leh a ka ning leh hman lutuk, Aizawl kan chhuahsan chuan a tlai leh duai tawh alawm

" I duh chuan muhil rawh aw " ka kut ahum bo vek a, a dar ka ngheng chial mai, ka lu kati che det a ṭawngka in ka chhang lemlo, mitchhing vang vang chung in ka hun tawn mek chu ka ngaihtuah rauh rauh a, chhum dum chhah tup tup ṭhin kha chhum varin alo thlak dawn tak tak anih ringin ka hahdam ve huai huai thei mahse, mak ka tih chu Udampuia awmdan hi ani, kan inneih tirh khan hetiang hi ka beisei phaklo hrim hrim. Alakah hian zawhna tam tak ka nei a, chhanna ka duh vek bawk hun thawl kan neih hunah kala zawt vek ang. Jenny nen chuan hna thil an sawi a an inbe reng, Jenny ṭawng no lui leh lutuk chuan ka luak ati chhuak zawk. Lunglei ah kan riak dawn a nilengin motor ka chuang bawk nen khumah ka let thla tawp a, Udampuia chuan min nuih sukin bathroom ah alut nghal a, ka ke leh taksa te hi ana ṭhem ṭhum mai 

" I chau viau ami? " Akut vawt thlerin ka hmai alo tawk a, ka zi mar ṭalh ṭalh chu min nuih leh tawh

" I zo tawh ami? " Tham ṭiakin kati a

" Va intifai vela, kan inhnawh puar anga kan mu dawn nia" Atih sup chuan peih lo zetin ka ṭhu chhuak a, towel min lo pek chu la in bathroom ah chuan ka lut nghal, tui vawt a inbual chu kan harh kawk kawk mai alawm, thawmhnaw hak tur ka keng lut miahlo a, ava han buaithlak tak tihian ka chhuak mai aniang chu

" I mit kha " ka tih hlak chuan a kiai suk a, Towel ka venga ka malte thlrng chiah akhuh pha, bathroom aṭanga ka chhuak kha min lo melh ngur a, tui vawta inbual zo chiah ni mahila amit fukna lai chu asa ham ham thei

" Raipuar itawm tak ini " thaw hawk chunga atih chuan ngei zetin ka ner khum a, Khumah chuan ka mamawh tur alo chhawp chhuak vek tawh

" Min en kur kher suh, Laldampui " ka ti hlar a, inthlak laia lo inen kur te chu tumahin nuam anti bik lovang 

" Thinchhe hlir hler-nu " Nui ri hak in ahawisawn ve hram a, ahawisawn veleh hmanhmawh deuhin ka inha ve nghal sawk sawk 

" Heta ei nge eichhuah i duh? " Towel chu chair nghenchhan ah ka zar pharh a

" Ka kalchhuak peih tawhlo " Ka tih chuan tu emaw hi abia a, ka ngaihsak si se tawhlo

" Zingah meeting kan nei dawn a, Bazar te i duh em? " Khumah ka ṭhu mu a, khum tlangah aṭhu ve thung

" Duh lemlo, i hman loh chhung kalo hahdam ang " ka ti mai a, Bazar te hi ka chak vaklo

" Kan reilo ang, I bazar dawn loh chuan min zui vela ka duh a, Tukṭhuan kan ei nghal bawk ang " Asawi zo deuh chiah room kawngka alo ri dat a, in tha zo zeta ding chhuak vut in, kawngka lam chu apan phei nghal pawk pawk, ahawn rualin thil rimtui deuh ka hre nghal bawk, kan chaw eitur ani ngei ang, rang zetin ka tho chhuak a ka pum pawh ari rak rak mai 

" Eitur rim chuan apawt na hle mai che a " Dawhkanah kan eitur chu alo rem mawlh mawlh a, abul ka thlen rualin min lo fiam leh zuk tawh 

" I ninawm " ti hlar in ka ṭhu nghal a

" Ei ṭeuh rawh, naute pawh arilṭam aniang " ala nui cheu a, a mood chu aṭha ve khawp mai, inbe lemlo chuan kan ei mawp mawp a, heti reng reng hian ka eitam ngailo 

" Naute chu apumpui alian hle mai " Ka dul chul hauh hauh pahin kati a, thatchhe zetin chair hnung ka ngheng bawk, ka thusawi avang chuan anui huk a kanui ve tho, eitam deuh pawn Naute kan puh daih zel a atihzia ve hrim hrim. Mu tura ka intintuah laiin Laptop hmaah ṭhuin phone ala hmang kual zak zak mai, ka mutchhuah tawh avangin ka menglui theilo a, puan sin hlun chungin ka mutsan, kut lum vung vungin ka kawngah kuaha alam a min hnukhnai salh chu ka mang hriat ruai ruai, ka bekah fawpa ' Ka hmangaih che ' ti ri te chu mang lamah ka luhpui leh riai riai.

Zing a ka harh chuan keimah chauhin kalo mu tawh a, Udampuia chu meeting turin akal tawh aniang, akal lai pawh hrelo a ka mutui chu a zialo lam ani, ka mut men kar lai chuan room kawngka an lo kik a, peih lo zetin ka tho chhuak, kawngka ka hawn chuan hotel hnathawk ni ngei tur hmeichhia nen kan in hmachhawn ran a anui sang bawk 

" Kapi, i tho tawh maw? Eitur kalo keng a " Aluhna tur kawngka ka kian a

" Lo dah rawh, kava inti fai ang e " ka ti sep a, Dawhkana eitur a chhawp mawlh mawlh chu towel nen bathroom ah ka luhsan a, ha nawt faiin ka hmai te ka phih a, ka chhuah leh chuan Nula pawh kha alo awm tawhlo, ka phone la in dawhkan lam chu ka pan a ' ava tlai reuh ve ' kati chhuak halh, dar8 alo ri reng tawh a ka rilṭam tawh bawk nen eitur chu ka ei mial mial a, ka phone ari a Udampuia hming alang va va bawk 

" Aw " kati mawl tawp a

" Itho thei maw? I mutui lutuk a ka kaitho talo mai che " alo ti dam thlap a

" Umm, thil ka ei mek a " ka tih chuan thawk ala ham ham ri chu ka hre thei

" Ka lo let ṭep, ei chhunzawm rawh " ati a, adah nghal bawk, Nizan khan ' ka hmangaih che ' ti ri ka hriat kha Udampuia aw ri ngei ani in ka hria mahse, ka hriatsual pawh ani maithei, ka zawt ngam tawh der silo a bakah, min hmangaih ka ringlo hrim hrim. Asawi ang tak takin alo let harlo a, alo let hnu rei vaklo ah Lunglei aṭangin kan chhuak leh nghal a, Jenny pawh ahma ah aṭhu a, engmah asawilo ve teh tlat.

" I mawng akham em? " Atih sup chuan ka en vat a, lu ka thing bawk

" I chau zawk em? nizanah i mengrei a, zingah i tho hma leh bawk si " ka ti duah a, mitmeng dam leh lungawi zeta min melh vang vang hnuah anui a

" Chau lo e, i awm chuan ka chau lo, chuvang alawm lokal rawh ka tih hram ni, a hahthlak tih hre tho mahila " ati duah a, chau lo ti mahse, ahmel chu a chauh hmel tho, remlo zetin a ka kuah a, hreawm atih ringa inlakhran ka tum chuan amah zawkin min kuah nghet sauh 

" A hreawm lo emni? I ṭhutdan siamrem la, ka dar ngheng hian muhil rawh " Ka tih chuan, min awm hlat hlekin mutkhamlo hmel deuhin min melh run a, ka nuih var var thung 

" Oh. Khumah i bula mut ka chak hle mai, hetiang remlo lutuk ah nilo hian " ati hmuk a, ka chhan dawn lai chuan ka biangah khuapin min fawp ngawng ngawng a, kan pahnih chiahin kan awmlo bawk nen, a awmah ka nam dat dat chuan min thlah ve mai bawk

" I a thei lutuk " ka ti hmuk a, ka biang atai hlarin ka ring

" I biang asen ania " min chhaih leh tawh tih ka hria, a banah ka beng dat a, anui chhuak hak mai

" Kalo kuah ang che, i dar kham tur chuan i dar hi ahniam deuh mah mah " atih chuan huat enah pawh ka en tawhlo, amah a palian a kei lah nulian ka ni lemlo bawk nen, atih ang chuan ka awm ve mai

" Kawng a chhe ṭan hle mai " Driver in ati sup a, asawi dik ang, kan insawi leh nawk zel

" Jenny glass up rawh " Udampuia'n atih chuan Jenny chu ka en vut a, ṭha deuh chuan glass a up ve mai 

" Awi! Helam a awmte hi an khawngaih thlak tiraw? a khu si fur ah ahreawm ngawt ang " Udampuia'n minla kuah reng a, kawng khuar lai kan tlante chuan min hmer nghet salh zel

" Nau nei tura chho te chuan helai kawng an tlan lai hian an hring nawlh zel ania aw " Driver in atih chuan ka nui a, ka kuah mek taksa pawh chu ache ve dat mai, anui ve ani ngei ang 

" Engtin nge i hriat " Awih vaklo chuan kati a

" Kan kalna tur khaw bul chiah hi kan khua alawm " ati leh mai a

" Ka rin loh deuh " ka ti a, Driver nen chuan kan ṭawng dun ta reng a, Udampuia chu amuhil ani maithei athawk lak dan adam emai. Khua awm apiang ah kan ding zeuh zeuh a, Lunglei South bialtu MLA kan ṭawiawm ve pah avang ania mahse, rei deuh kan chawl ngailo

" Kan khua kan thleng dawn " Driver in atih chuan ka ṭhu ṭha vat a

" Glass hi down teh " Ka ti thuai bawk, Udampuia pawh aṭhu ṭha ve ruai ruai a

" Udampui, helam ah hian ikal tawh ṭhin em? " Ka tih chuan

" Kal ve zeuh tawh e " ati sup a, in alo lang ṭan 

" Saw saw " ka tih chuan Udampuia'n motor chu khalh muang deuh turin ati sup a

" Tui pump anih saw " ati nghal zat bawk, kawngsir ah chuan naupang ho in tui anlo dawh a, aṭhen an insu bawk

" Ka hre tawh ṭhin " ka tih chuan anui suk a, hmuh kim loh hlau deuhin ka hawikual vel nasa khawp mai, Thingtlang ah hian ka kal ngailo a, hei hi ka vawikhatna ani 

" Beisei, khutah khuan ding rawh aw, min lo hmuak sia reilo te chu kan chawlh angai ang " Jenny chuan ati a, Lunglei kan chhuahsan aṭanga aṭawng sei ve ber aniang, thilmak tak zawng ani bawk, in lian pangai ve tak kawtah chuan motor dang pawh alo ding nual tawh, Ka sam chu ka tuai mam thuak thuak a, Udampuia chu a chhuk hmasa a akut min pe vat bawk, lei ka rah rualin ka kawrfual hak chu min siamṭhat sak a

" Inlo tluang maw? " Udampuia chu anlo be nghal luam a, an chibai rualin keipawh min chibai tel ve zel a, inchhung kan luh hma pawn min chibai tu kan nei nual 

" Inchhungah chuan kalo lut lo mai teh ang " ka tih chuan min melh vut a

" Timaw? " Min melh run a, ka nuih vur vur

" Ka vawikhat kalna ania ka enkual duh, ka kal hla lovang bakah inchhungah chuan nuam pawh ka tilo " Ner nang chunga ka tih chuan 

" Beiseia bulah lo awm reng ang che " Ati a, aluh hmain ka chhip achul zeuh bawk

" Ilo hawng elaw " Kan lam panin Rawlthar pa3 vel anlo kal a, Beiseia anbia tih ka hrethiam mai 

" Hawng chiah lo, Kan tlang leh dawn, in beng dawn mi? " Beiseia chuan ati nghal zung zung a

" Umm, Sport minister motor ami i khalh sak " anti leh zel a, Beiseia pawh chuan a chhang ve zel, hei hi ti paha min kawh zeuh chuan ka nuih aza zawk, an mizia frank hlawm lutuk chu ka lawm zawng tak ani, an sang ṭha hlawm ang reng sia

" Minister Nupui Duatlai anih hi " Beiseia'n atih chuan an ner nghal nung hlawm a

" Hmani ah kan valleyball net achhia a, Kan club hruaitute'n Minister chu an hmu ve dawn a " An ti leh a, hmundang ka ensan daih, An inkawt chu hnim lutuk ti a sawi tur a awmlo a, afai mah mah zawk ani, khawlai pawh chu afai sar hlawm a, inhnaih lutuk lo ah Bawlhhlawh bawm a awm bawk

" Hlimhlim, Valleyball i en ve ngai em? " Ka hawikual vual vual lai chuan Beiseia'n min lo be thut a

" En ngai e, Sport ah chuan ka tuina tak alawm " ka ti zung zung a

" An practice dawn asin, khaw fan kual pahin kan kal ve dawn mi, Pu te chu anla rei maithei ani " Inchhung thlek zeuh pahin ati a, ka phur zawng tak alo nive bawk nen kalo bu nghat a

" Kan kal hmain, i Pasal khu zu dil phawt la " atih leh si chuan ka ner nang a, a phakar ve e Valleyball a ben ve duh avang maiin hmanrua ah min hmang ve deuh anih hmel khawp mai, kal kual chak lo ila chuan aduh angin kati miahlo ang mawle

" I phakar hle ani " ka tih chuan anui vur vur a, Min nel nghal lutuk hi amak zawk ani, hreh zetin inchhungah chuan ka lut a.

Cont..