Tuamdamtu chapter-14

 

Zinga ka harh chuan Ka pasal kut lukhamin kalo mu reng a, hnunglam aṭangin ka kawngah min kuah run a, athawk lakdan aṭangin ala muhul tih ka hria, pawnlam ah ruah atla cherh cherh a boruak adai viau bawk. Dim te in alam hawiin ka inher riai riai a, tui zeta muhil thaw sak sak chu ka en reng, Kei lo hmeichhe dang aphu kala ti tho a mahse, ka kalsan thei tawhlo ahmasial thlak tih chu ka hria, Jenny nen ka hmuh dun chang hian ka thik ṭhin a, ka awm anuam ngailo, ani telin alak rilru ka pe telh telh a tiang reng anih chuan ka hmangaih thei mai ang, Lawmkima kha ka hmangaihin ka hria a nge ka hresual pawh ka hrelo, Ka kut a ahmai ka khawih lai chuan alo meng thut a, Phu vak chunga ka kut kala sawn tur chu ahum hnan leh hmiah, pa zetin a kiai suk a zing thawhhlima hmuh atan chuan thil hreawm tak chu anilo

" Zing thawh a hmuh atan chuan i ṭha mah mah " A aw chu a tham deuh ṭuak a, ka nuih hak hak mai, kan rilru in ang lutuk chu 

" Udampui thil ka zawt ang che " Ka tih chuan amithmul akan zeuh a, ka kut ahum hnan chu athlah bawk, asam buk lek lek phir sang chu ka khawihsak neuh neuh a

" Min chhang duh ang em? " ka tih chuan anui suk a, amitmeng cool zet chuan min ti lai lek lek 

" Duati, sawi rawh chhanna pek zel theih che ka tum ang " ati thum sup a

" I inchhir ang em? Ka..englo.. ka sawi awmzia chu min nei hi " Min en ngur avang chuan ka ṭawng bahlah leh nuai tawh, amitmeng chu ka chhiar thiamlo 

" Inchhir lehna turah thuthlukna ka siam ngailo, Ka neih dawn che khan ka inngaihtuah loh i ring emni? Rei tak chhung ka hmeichhe atchilh nei tur khan ka nawr mah mah tih pawh ka hria " mak ti zetin ka en reng, athusawi kha ka hmel landan avang nge aṭhen sak a

" Mak iti emni? Hmeichhe lian lemlo takin min tihtauh khum ve bar bar changte, a u ai maha ka laka thil duh sawi tam ṭhin tu hmeichhia lakah khan ka luangliam alawm, dak vaha min en chunga anuih var var ṭhin khan ka chhungril hi ati che pha ṭhin, ahmel hmulo chuan ka nikhat hun hman anuamlo pha tlat zel " Aṭawng lai chuan ahmui chu ka melh ngar a, athusawi mal tin chuan min deng dawt dawt maiin ka hria, Udampuia hian min lo duh reng ṭhin tih chu rin aharsa ani Udampuia ka rin loh avang anilo, amak ka tih avang zawka rin harsa ti kani 

" Min duh maw? " Ka ti chhuak sep a

" Ka hmangaih che " Ka mittui hnai kuar chu ka khap let sak sak a, min hnaih hratin ahmui chuan ka chal anawr vang vang, athaw chhuak pah suai suai bawk

" Hmangaih lo che ila Nupui atan ka nei kherlo ang che, I unaupa avangin ka ngaihsak tho ang che mahse, tianglo deuh hian. nang chu ka hmeichhe Hmangaih ini a, neih loh che ka hlauh luatah ka nawr deuh che tih pawh ka hria " 

Atih leh sup a, sawi ve tur pawh ka hrelo 

" Ka..englo " Sawi chhuak theilo chuan ka chawl leh dat a, sawi ber tur ka hrelo zawk ani 

" Min hmangaih let ve nghal rawh ka tilo che, Khapa avanga i natna te leh i thinlung kehsawm te kha ka tuamdamsak ang che, chumi hunah chuan ka phutlet miahlo in min hmangaih ve tawh ngei ang, chu chu ka ringa ka beisei bawk " A mitmeng thuk raih ah chuan dawt asawilo tih ka chiang viau bawk, He mipa lak aṭanga Hmangaihna dawng tur hian engthil ṭha mah ka tilo asin, min fawh atum chuan ka hmui kalo hup a

" Ha kala nawtlo ania aw " Nichin aṭang khan ṭawng pawh ka ṭawng ṭha ngam tawhlo 

" Aho " Ti hmukin ka kut chu aphih thla hlawk a, min fawp nghal chat, keiin a awm ah ka nam dat dat a, a inla hrang veleh thuai 

" I mak kati " Ka ti hlak a, anui mai mai leh nghal 

" Vawiin chu kan in awm nileng mai dawn mi? Ruahsur dan hian khuma mut a chawh tlat " Mitmeng chimawm zeta min en reng chung chuan ati a, ka ngei tak tak ani 

" I over leu luau emai " ka tih chuan, anui ri hawk a

" Ṭawngkam nei maksak nu " ati halh, aṭhu chhuak luau bawk 

" Vawiin chu ka duty dawn " thawhchuuah pahin kati a

" I rit tawh, Ai kal tir leh la " ati sup a, ka ngaihtuah ve lai tak ani

" Aih, reilo te la kal leh ila Nau neih chawlh ka lak angai dawn tho a " ka tih chuan min melh vung vung a, bathroom ah ka luhsan daih, inhnuai ka chhuk chuan kanu in ei arel leh ṭan tawh a, ka pui ve vat 

" I mutui em? " Kanu chu tukdang ang bawkin min lo nuih leh var var tawh a

" Mutui lutuk zawk, Nangni in mu thei em? " ka ti zang vah a

" Mutui khawp mai, zun zunga ka thawh bak hi chu ka harh ngai manglo " Ati siam siam a, kanu nen ṭawng dun mawlh mawlh chunga eirawng kan bawl lai chuan Ka pasal chu alo lang ve hlawl mai

" Coffe i duh em? " Udampuia lo lut chu kalo be thuai a, chair pawt chhuaka ṭhut thlak dawt pahin abu nghat a, coffee ka siamsa chu ka thlit chhuah sak vat 

" Pu sangliana kha eng nge chanchin " Kanu chuan Udampuia melh zeuh pahin ati a, Udampuia chu hahdam deuha ṭhu in Coffee chu a dawt khalh a

" Atan loh pawn ahmingchhe tawh alawm, ka ngaihven lemlo " Ati maia angaihven loh hmel tak tak, Pu sangliana chu CM ani a, eiruk thubuai anei mek in ka hria

" CM meuh chu atang dawm mawni " kanu chuan ati niah niah a, Politics chungchang hi chu amual bo in ka bo

" Tang dawnlo e, eiru mahse sawimawipui an awm leh tho ang " ati khauh a, Alu vel pahin an nufa thusawi chu ka ngaithla ve kar a

" Nangchu in ham buai miah suh ang che " Kanu in atih leh chuan Udampuia aphun hluk a

" Ka hlawh bak ka beisei ngailo, Ka line ah hian keichuan zoram hi hmasawnna tamtak thlen ka tum, ka mimal sum pawh ahek, ka line lo ah erawh inrawlh ka tumlo " ati nghat a, anu thusawi chu ahaw ve ngang aniang 

" Teh hluai che chuan, Nupui i neih aṭang hian i ṭawngtam sawt riau " Kanu chu afiamthu chhunzawm leh daih a, Udampuia pawh anui leh suk suk tawh. Eirawng kan bawl reilo a, tukṭhuan kan ei khamah hna kal turin kan insiam leh a, Zorina leh Remrema hi chu chaw eilai bak hian kan inhmu ngai meuhlo

" Store room ah khan nihliap a awm, keng rawh u ruahsur buan buan in nan tir aiin, atla cherh cherh in nan tir hian dam loh a awl zawk " Kan nupa a kan inzui thla chu kanu in alo ti zung zung a, ka chet hmain Udampuia ache leh vut a, Nihliap pahnih keng chungin alo chhuak a

" Hei chu i bag ah khan ak rawh i mamawh ang " Folding nihliap inthlep ṭha thlap chu min pe a, ' Ni hman nuam kanu ' atih sup hnuah min kuah chhuak a, anihliap ken chu pharhin motor awmna garage ah kan lut a, motor kawngka min hawnsak leh thlap hnuah alo ṭhu lut ve a

" I rilru kawm vak vak suh aw " Damdawiin kawtah ading a

" Lutuk tlat " Ka nuih var var a, Ka nihliap ken ve chu kapparh in car aṭang chuan ka chhuak a, ka tih ziah danin Damdawiin ka luh hma chuan hawilet in kut ka vai leh zeuh

" Mood ava ṭha awm ve " Min hmuh rualin Mahriati'n min lo fiam nghal zat a, ner nangin abulah ka ṭhu thla

" Tunlai chu aṭha mah mah " ka tih chuan anui vak a

" I hlim hmel hmuh hi anuam, i rilru hah hmel hmuh reng kha chuan ka hah ve vek zel " Atih chuan ka kuah chuk chuk a, ani tluka ṭhianṭha hi an awm leh pawn ka ringlo. Chhunah chuan Mahlima alo lang nawlh a

" Thil in ei tawh em? " atih dut dut chuan ka nuih vur vur a, Mahriati chu alai deuhin ka hria, an inbe tawh chiang alawm 

" Keimah nge amah hi i zawh " Ka tih chuan nghal min tih hmel khawp mai, Mahriati lah ahma zawnga ṭawng zat zat zel kha angawi ṭhiap a

" Sawi duah lo maiteh, Raipuar-nu " Atih nghat chuan ka nui chhuak hak hak 

" Ka rilṭam tawh lutuk, kal ang Mahriat " ka tih chuan alo ding ve vat a, Kan pathum chuan kan inzui chhuak hlawm, keimah chu ka ṭawng tam ber a, an ngawichawi vel lutuk chu ka fiam chak. Mahriati hi azah hlau viau lo ila chuan Mahlima hi ka fiam chiang ang chu aw, Ruah ala tlak cherh cherh avangin pawnlam panlo in canteen ah kan lut a, eitur order turin Mahlima akal 

" In inkar ah eng nge awm? " ka tih sep chuan min melh kawk a

" Ka hre vek ania aw " Ka tih leh chuan zalo zetin anui a

" Eng nge i hriat " Ka mitah pawh min melh ngamlo chuan ati a, ka ṭhen lui vak

" Engtik lai aṭang khan nge ka lakah zep i neih a " Ka tum lui bar a, ahmel awmdan avang chuan nuilo turin ka insum nasa viau 

" Hey, nakinah ama awmloh hunah " Ati sa sa a, Mahlima lokal ahmuh avang ani maithei aṭawng zawi sep sep emai, hnial buai ta biklo chuan eitur chu ka eisan a, Mahlima'n min mitmei leh zeuh ṭhin chu ka hrelo der tlat a

" Ana " Mahriati'n atih vak chuan

" Tinge? Eng nge na " Ka ti nghal vat a

" Ka ke " ti sepin akun a, Mahlima ka en chuan tur khaiin min melh a, ka ke chhuih atum chu ani ve ngei awm sia 'kal tawh teh ' ahmui phun chuan ati a, ka nui vur vur hepa tih thinrim hi ahar miahlo 

" Ka puar, Washroom hman lawk ka duh, kava kalsan ang che u " Min chhanna pawh nghaklo chuan ka kalsan a, Ka ṭhiannu tan Doctor Mahlima hi ka duhpui a chu chu nilo se ka tihpui miahlo ang

" Ngaihzawng anei reng emaw tih laiin Pasal anei daih a " Washroom toilet ah ka awm a, hmeichhe ṭawng ser ser chu duhlo mahila ka hre thei tho

" Chu chu alawm, Sum vang bak anilo ang mahse, abialpa te kha an rethei miahlo ania " Tu chanchin nge an sawi ka hrethiam chiah biklo 

" Computer zirtirtu ai chuan Sport minister chu a iai awm loh zawk alawm " An tih chuan ka chanchin ansawi ngei tih ka hria, hetiang em em a chiang hian ka chanchin an sawilai ka hria ang tih ka ring phalo, ka awmdan chiah chu ka hrethiamlo ka lum pup pup maiin ka hria ka zak bawk

" A naupai te hi abialpa fa kha anih ka ring, abialpa kha a iai anga midang apuh daih aniang " An tih leh chuan ka mit ka chhing tawp, anla ṭawng ser ser reng a ka beng ka hup tawp, an chhuah hnu chuan ka chhuak ve chiah a, Darthlalang hmaah chuan ka ding vang vang, ka hmai chu ka phih a, ipik zetin thawk kala leh halh ṭhin 

" Engkim aṭha em? " Duty na kava thlen leh chuan Mahriati'n minlo bia a, chik zetin min melh bawk 

" Ṭha e, ka hmai ka phih a " ka tih chuan a awih chiah loh hmel viau a, engmah min zawh chhunzawm tawh biklo. 

" Ka thlah ang che u " Mahlima alo lang leh nawlh a, anui vur vur bawk 

" Kan va inhmu zing ve " Mitko san ralhin ka hmui ka seh zeuh a

" Nghal viau ṭhinlo teh " ka chhip atuai a, ka ṭeu hlar thung

" Scooty i kenglo ami? " Mahriati chu ka en a, Zing aṭangin ruah atla cherh cherh tawh a, aken ka ring lemlo 

" Kenglo, Mahlima nen kan kal rual a " atih chuan ka nui sen sen, ka rin aiin hma an sawi daih thinlung takin ka lawmpui bawk 

" Anih chuan Udampuia ka call mai ang, inruala ka hawn ve chuan tu emaw in min hnek palh ang " Ka ti a, Mahlima aphun hluk 

" Ngailo lokal ve rawh " Atih tlat avangin ka hnial ta biklo, Udampuia te chu nichin khan ka call tawh, abuaia a P.A khan call pawh alo chhang nghe nghe, athu lo sawi tel kha chuan rilru aluah rauh rauh thung

" Min thlah hmasa ru " An rual chuan ka hawng ngei a, ahma ah an pahnih in an ṭhu a, ahnungah keimahin ka ṭhu 

" Kan in ahnai zawk alawm " Mahriati'n atih pawh chuan

" Aih, min thlah hmasa rawh " Ka ti lui tlat a, Mahriati min melh ram ram na chu ka hmulo der hmak, kan in kawtah motor ati dinga Nihliap kapparh hmasa tete in ka chhuak a

" Ka lawm e " Nui var varin ka kut ka vai zeuh a, an tlanliam hnuah gate chhunah ka lut ve nghal

" Ilo hawng tawh maw " Kanu chu choka aṭangin alo chhuak a, nihliap vel ka dahfel avangin ka chhang lawk lo

" Aw hawng tawh e, Ilo buai em?" Ka indahfel hnuah kanu lam chu pan pheiin azawhna chu ka chhang chiah a, ilo buai em tih ka zawh chu ' buai teh nang, eirawng ka bawl ṭan chiah ' ati bawrh bawrh a, nghah nei ang maiin adinna ngaiah chuan ala ding reng 

" Bawiha alet leh nghal ami? " Ka hrethiam mai, Udampuia'n min thlah aring aniang, min thlah ziah ṭhin a, a awm ve reng 

" Tum ṭum chu ka ṭhian pakhatin min lo thlah a, Ruah atla reng bawk nen Udampuia chu ka tibuai duhlo anih kha " ka ti sep a, ka han inthlak lawk ang tiin inchungah ka chhoh san a, Ruah chu ahma aiin atla uar, ka inbual ta tho. Ṭek atla a khawpui arik loh chuan ruahsur laiin ka inbual ziah, Kalu chu tuam lo in ka ti hul nghal a, room ah tawm reilo in kanu pui turin ka chhuk leh vat 

" Nu, eng nge kan siam ang " Choka a luh pahin kati lang lang a, kanu chuan Mai an a tlaka uluk deuhin a chawk bawk

" Mai te kha lo chhum mai rawh, eirawng bawl vak angailo" min lo en zawkin ati a, athil chhuan bawk chu achawk leh nghal, kanu hi chuan eirawng hi abawl uluk thei ania, a chawhmeh siam pawh tui thei tak ani, Mai chu ka buaipui ve nghal a

" Bawiha'n alo call a, call i chhang theilo ami? " atih chuan ka thil tihlai chawl detin kanu chu ka en a, min en ve lemlo 

" Bag ah ka phone kala dah daih aniang " ka tih chuan anui hak a

" Minlo call a, ilo hawn leh hawn loh min lo zawt a, call i chhang thei lo a, a ngaihtuah khawp mai che " atih chuan ka nui seih a, Gas ah Mai chhumna bel ka chhuankai hnuah kanu in ' Coffe in ila ' atih avangin Coffee ka siam leh nghal a, door bell ari ral ral bawk, kal ka tum chuan kanu zawk achhuak hmasa a

' Ehe! tinge nihliap i keng emaw kati a " kanu in ati lawng lawng a, Kapa anih ka rin avangin coffee chu ka siam chhunzawm a

" Room ah lo chho teh " Udampuia aw ka hriat thut avangin ka phu deuh dawrh a, choka luhna ah ading run bawk, ahnungah kanu alo lang ve nghal zat a, engmah ka sawi hmain Udampuia chu inherin akalsawn leh nghal vut 

" Han chho rawh, ahuh leh nghal " Kanu chuan ati sawk sawk a, hnial ta lemlo chuan ngaihṭhalo fein inchungah ka chho ve nghal, ka pum apuar len ve tawh deuh avangin kal zung zung te hi aharsa ve tawh a

" Diklo a awm emni? " Room ka luh rualin kati nghal a, Udampuia chuan a coat hlip in dimlo zetin bal bawmah chuan avawm lut a, a tie phelh atum chuan ahuh vang nge aphelh mai theilo chuan apawt vak a, thaw hak chungin ka pan hnai vat

" Tinge? Thinrimna inei emni " Ahmaah ding in a tie chu ka phelh sak a, a kamiz kilhna phelh ka tum chuan ka kut avai per lawp anih chu! Mak ti zeta meng kawk chungin ka melh reng a

" Min fiamkual hi nuam iti em? " Atih hluk chuan sawi mai tur ka hrelo, tuna a awmdan hi kala hmu ngailo a dawnsawn dan tur ka hrelo

" Udampui, eng nge i sawi awmzia " Ka tih sep chuan, che vutin ka darah chuan hneh zetin hmer nghal a, kana ti chu ka ṭe deuh ṭhat

" Hrelo der vel suh, keiin ka ngaihtuah em em lai chein nang chuan khapa kha i inthlah tir a, call a min hrilh aharlo mahse, iti lo. ka call pawh i pick lo bawk, ka dawhtheihna hi fiah miah suh " Ataksa aṭang ṭawlh ṭawlh a, min hmerna ati nghet sauh bawk, ana lutuk chu chet pawh ka che ngam tawhlo, ka biang alo lum thla nghal pap bawk 

" Ana ania " Ka aw chu ari che che a, min thlah rualin am zetin thawk kala kawk kawk 

" Khapa kha i eng nge anih " Ati leh hrawk a, asawi zawngin ngeiawm zetin aner nawk bawk, tiang mizia hi Udampuia'n aneih ka ring lo

" Ka ṭhian mai chauh alawm anih, Ruah asur a ibuai ka hlau sia an rual khan ka hawng ve mai ani " Ka dar chu ala na nget nget a, nghet lo zeta ding chungin ka melh chho ran bawk, hrechiang hmasa lo a min tihdan teh tawp chu ka lungawi lo takzet

" Ṭhian Huh! " Atih leh hluk chuan thana fe in thawk kala halh a

" Min en rawh, hetiang dinhmun ah hian mipa dang ka buaipui theih iring emni? Udampui sawi teh, Keimah pawh ka inrin zawh loh lai hian mipa dang ah rilru ka pe ang maw? Min hmuhdan leh min ngaihdan hi ka hre reng tawh ang " vin zet ka tuma mahse, ka theilo zawite in ka ṭawnga ahrethei tih ka hre bawk, angawi ngul a pawnah ruah asur buan buan bawk

" Ka thik " Inhera chhuahsan ka tum chu athusawi avangin ka ding leh dat a, ka inher rualin amitmeng ah chuan hlauhthawnna ka hmu nghal bawk

" Tu chu maw? " Ka ti lui ve kher a, sawi hreh hmel zetin thawk ala hulh a

" Kha doctor pa kha, Mipa dang i duh ka hlau " Ati ṭuak, a aw ri a natna lang chhuak tel chu hriat hmaih chi pawh ani lo, Mahni inringtawk leh mipa ani tih hairual loh a Pa em em hian mipa dang ka hnaih ahlau anih chu! 

" Kan pahnihin kan ni reng renglo, Mahriati atel ve Mahriati aduh bawk " Dam dapin kati a, ahmel landan pawr fap leh cool ruih chu hmuh ahreawm rualin ati lang 'Hot' takzet, ka ngaihtuahna avang chuan ka lu ka thing nawk nawk a

" Doctor in athlah che tih chiah ka hria, Mahriati atel ve tih ka hre tello, Ka tihnat che avangin ka tihpalh, ka duh loh em em i mittui pawh ka ti tla bawk " Ati halh a, alandan mipa naupang zet chu hmuhnuam kati, palian pui siin aṭawng ve nuah nuah reuh a

" Tuin nge hrilh che " Ti pahin ka pan hnai leh a, asam te chu ala hnawng chap mai, a kamiz chu ka phelhsak a min dang tawh lo bawk 

" Jenny " atih hmuk chuan, Ipik zetin ka thaw hawk a

Contt..