Tuamdamtu chapter-16

 Ka thil leisak kanu te ka pek chuan an lawm thiam khawp mai, phut miahlo mahila kan thil tihsak engtham mah nilo an hlimpui hi chuan keimah ni tak pawh hi kan hlim ve veng veng zel

" Ka va han hlim tak " ati leh hluai ṭhin a, dawt asawi loh tih lah achiang, An lawmna aho tawh a, eng emaw hleka kan ngaihsakna kan tihlan te hian an lawm tawk ve em em mai ani, ka thil tihsak an lawm thiam lutuk chuan a aia ṭha zawk tihsak leh chakna min pe

" I duhzawng ka hre chiah lo a " Ka tih te chuan mitmeng nung sarha min melh in 

" Bawihte, ka duh lutuk alawm " ati a, anui reng bawk nen Udampuia pawh anui hak hak mai

" A fanu in aleisak ani a, ahlim lo theilo " Kapa chuan alo ti ve hlut a, kan inchhung zau zet ah chuan nui ri akhat

" Kanu awmdan kha, khatiang tur tih hria ila nitin thil ka leisak ang " Kan room a kan awm hnuah kati a, keimah tak pawh hi ka hlim lutuk 

" Akhat tawka tihsak atawk, ngai ah anei palh ang " Ati sam et a, ka ner khum nang mai, ṭha deuhin min sawipui ve ṭhin tur hi ani 

" I sual leu luau si " ti hmakin ka inhersan a, ka ṭawngkam avang nge anui hawk a, a aw athum bik si anui ri te hi athum vekin ka hria, Udampuia washroom aluh laiin kalo mufel than tawh a, towel chiah venga alo chhuah chuan a awm lohna lama ka in let thak chu min nuih leh a

" Ngaiah i nei har mange " atih chuan min hmulo mahse, ka nur nang mai 

" Ngaia ka neih chuan nuam iti lo ang " ka ti let ve kher a, thawmhnaw ka dahchhuak lawk vek a, a in ha ani maithei ari sat sat mai, khum ahniam sut takah chuan alo mu ve tih hai rual anilo, a shower jel hman rim fresh zet pawh ka hrethei, ka ring hnuaiah akut rawlh lutin min kham tir leh a, ka kawngah chelhin amah si chet turin min hnuk hnai bawk 

" Ngaia i neih chu ka duhlo mahse, i lai mah mah zel " Ati sup a, ka beng anul thuak chuan ka mur chhuak vek thei, ka dul ah akut phah lian leh lum vung vung chu anghat a, naute chuan pangtilum chu hre ve ang hrimlo alo tlawh a, Udampuia chu anui chhuak huk

" Ka kut ahre hrang tawh lutuk " A aw ri chhuakah chuan 'Intihtheihna ' atel, ka nuihpui hak hak a

" Zanah hian ache nasa lutuk a, mut ahar ṭhin " Ka ti ve sep sep a, alam ah ka inher riai riai bawk, ka dul avang hian inleh kual zung zung hi ahar ve ṭan tawh

" Naute, Anu hi zanah tihbuai tawh loh tur aw, lo chhuak vat vat la, Apa hian a infiampui chak tawh che ania " Ati thum dut dut a, ka dul chu achul hliau hliau bawk, a hmel awmdan hahdam zet chu ka en reng, Naute abiak dan vel chuan ka thinlung ati hlim veng veng thei. Zanah chuan mangchhia avang bawkin ka harh leh a, ka harh hnu hian reilo te chhung hi chu rilru hi a chiai ngei ngei zel, zan dangah chuan Udampuia'n min buaipui ziah a, zanin erawh tui zetin amuhil thung. Rilru afim ve tial tial a, thawk lak pawh apangai ṭan ngaiah ka nei thei der lo, ka harh hnu pawh hian rei deuh chhung hi ka hlauthawng hluah hluah zel, ka kawnga Udampuia kut chu dim te in ka dahsawn a, achau ve ngang aniang aharh biklo, ka ṭhu chhuak a side table a tui chu ka in khalh khalh, ka phone chu hmet engin dar zat ka en a dar1 apel hlek chauh ani. Ka harh chiang bawk nen khum lu nghenga ṭhu in phone chu ka khawih a, Whatsapp ah ka luh chuan number hlang aṭangin msg alo awm, tun ang hi chu ka tawng fo number hriat loh aṭanga min lo betu hi chu an awm ve ziah a ka ngai serious lemlo, msg chu ka hawnga mahse, ka thil chhiar chuan phone min thlauh tir chiang khawp mai! ' Naute kha ka duh ' tih ani a min lo thawn tu pawh ka hrechiang viau, ka mit sulh a ka khur nghal der der bawk, Mangang zetin Udampuia chu ka en a, ani chu hahdam zeta thawk la suai suaiin amit achhing chial bawk

" Mutduh dun lutuk " ti sup ri avang chuan ka tal ṭalh ṭalh a, Udampuia nui suk ri ka hre zawm zat, zing lamah ka muhil veleh chauh kha ania 

" Atlai tawh viau ania " Ka hmui ah afawp pah zeuh a, rum ṭiah ṭiah chung in ' Ka ha kala nawt lo ' ka ti tham ṭiak chu min nuih leh hak

" Ka pawiti hleinem " ati cool ruih a, ka men siar siar chuan hnai deuh takah min lo en reng

" Hmuhnuam-nu " atih chuan ka nui chhuak hak, min koh dan hi abei maksak thei asin

" Eng nge Vanlalmaksak " ka tih chuan ka hnar apiai zeuh a

" Inti harh la, Dar8 ari dawn hnai ania " atih rualin ka tho kang zawt a, ka awmdan chu anuih pui hawk hawk

" Min va kaitho har " ka ti chiam a, anui hawk hawk chu ka melh ram ram, a beng pawt zeuhin

" Sorry mahse, ka kaitho nasa che tih erawh min hriatsak la, i hmui pawh arim khawp mai " ahmui hnuai seh zeuh pah mit min siai suk a, ka va han beng chak tak! Nghal leh lutuk mai, khum ka thawhsan tur chu min dang biklo a 

" Ikal tawh dawn ami? " Coat suit nen a induang leh zaih tawh

" Umm, Zin ka ngai thut dawn a, hmaichhanah ka hrilh ngei duh che sia ka nghak che " atih chuan ka huphurh lawk, Nizan ka msg dawn avang khan ka awm ala nuamlo a, Udampuia ka mamawh zual lai tak ani bawk

" Tinge? Diklo a awm emni? " ka hmel ah kalo tilang deuh nge min pan ruak a

" Awmlo e, i cham rei dawn em? " Ka ti sep a, lem zetin kanui bawk 

" Ni3 cham angai a mahse, i mitmeng avang hian ni3 chu ka zinsan theilo ang che, ni2 ah inpeih ka tum ang " ka huphurh zia chu ahrethiam aniang

" Thawmhnaw kalo siam ang che " ka tih chuan, ka chalah afawp zeuh a

" Ka siam vek tawh alawm, pawn thleng minlo thlah zawk rawh " Atih chuan ka inthiamlo ang reng, ka pasal zin tur thawmhnaw siamsak hman pawn ka tho lo chu ani sia

" Aw le " Ka ti sep a, kal mai ka tum chu min chelh dingin ka khabe ah achelh a mim kuai dak salh bawk

" Ka hmangaih che, Jenny avangin irilru anuamlo anih kha, ka tan engmah anilo " amitah chiang zetin ka en a, nia Jenny nen an zin dun leh dawn alawm mahse, Ka pasal hi ka ring tawk ani, ka nui seih chuan lo kun hniam in min fawp a, asam kara ka kut rawlh lutin ka thiam tawka uar in ka chhanglet 

" Zin dawna inthlah dan ṭha tak anih hi " ati sup a, in fawp tawhlo mahila kan hmui ala insi tho, lungawi zetin room kan chuahsan a

" I kal tawh dawn maw? " Kanu chuan kan nupa inzui thla min hmuh rualin min lo be vat a

" Umm, ka awm loh hlanin lo duat rawh aw " Min melh zeuh paha atih chuan anakah ka piai nawk a, rum nghatin a eu deuh zawk a, kanu chu alo nui hak hak 

" Nang ai mahin ka duat zawk ang, kal teh nupui i neih aṭang hian i over tlat zel " Kanu chuan a fapa dara ben thak pahin ati a

" Inthlahrunna tur a awmlo ania, ahma zawng pawha i awm tamna ber anih hi " Motor bulah kan ding dun a, hreawm deuha ka awm hi ahlau thei ania 

" Ka hria alawm, kal tawh rawh in tlai lutuk palh ang " Ka nuih var var a, kal ta mailo chuan min kuah leh phawt a, a awmah beiin a lungphu dup dup chu ka ngaithla a, Diktak chuan ka ngai dawn lutuk, kan inkar a pangai aṭangin ala zingchhuak leh miahlo a

" Nangmahin lo ṭap miahlo la, Kalo hawn hunah ka bulah i ṭap dawn nia " Atih chuan a awmah ka chum dawt a

" Ka kal ang aw " min thlah a, min melh vang vang, ka buk nghat takah chuan nui sukin motor ah chuan alut ve ta hram, Atlan chhuah dawnah chuan kut kalo vai a alo vai let ve zeuh, atlan liam thleng ka thlir reng, ka ruak nghal huaiin ka hria. Chaw eikham ah hna kal turin ka chhuak a, Udampuia awm loh chhung chu scooty ka keng veleh mai aniang chu

" Nang maw! " Kawtah Beisei ka hmu nawlh a, mak ka tihzia chu thup chi pawh anilo 

" Min hmu chu mak iva ti awm ve, i hman tawh ami? " atih leh phei chuan angaihna ka hrelo lehzual

" Tinge? Hna ka kal dawn a " ka tih chuan hahthlak min tih hmel zetin thawk ala hawk a

" Ka hria, I pasal in, a awm loh chhunga i hna kal hruai tur chein min ti alawm " ati a, ava han ṭullo ṭhin tak min hrilh lawk miahlo bawk, ka duh arin loh avangin athu in ati leh tawp anih hmel khawp mai, Damdawiin thleng chuan min thlah a, ka chhukfel hnuah ' Enghun ah nge i duty zawh ang ' ati a, ṭha deuh chuan ka hrilh ve mai

" I duty zawh awm ah chuan kalo kal leh ang " ka buk nghat hnuah atlan chhuak a

" Ka msg kha ihmu tih ka hria " Lawmkima ka hmu thut chu phawk zetin ka en reng

" Eng..eng nge ilo tih dawn " Ka ti sep a, ani erawh hahdam zetin anui suk, ka haw lutuk chu ka puakdarh thei mai dawn, ka pum bawk chu a melh leh ngur a, ka bag chuan ka hliah nghal vat

" Naute ka duh " Ka nui chhuak hawk, atira duhlo tu leh ahming lan hlau em em tu khan tunah aduh leh ta vel chu ania

" I mamawh avang zawk anilo maw? " Ka nui tel hak a

" I ngaih ngaih in ngai mai teh " Ahmel pawisak neilo lutuk chu ka rap 

" Atir a duhlo tu i nih kha, lo duh thar leh kha tum lo mai teh " ti fakin ka kalpel a, ka inseh ruh nasa a ka kalpel hnu chuan ka hah vek thei, ka hlauh ang ngeiin thil a thleng dawnin ka hria, nilengin ka awm anuamlo a, Udampuia ka ngaihtuah chhuah phei chuan ka mamawh lai tak ani bawk nen ka ngai takzet

" Thil thleng a awm ami? " Beiseia'n min lo lam leh a, motor ka chuan hnuah zawhna min zawh bak kala ṭawng ve tak tak lo 

" Awmlo e, Tinge? " ka ti sep a

" Zinglam aiin i hmel adiklo a, chuvang mai mai " atih chuan zalo zetin ka nui lui 

" Naute hian min ti hah ve deuh a " ka ti mai a, ani pawh chu aṭawng tawh biklo, ka chau nghal ngawih ngawih thei chu amak zawk ani, hlauhthawnna bawk in min chenchilh leh a, Kanu ka hmuh te chuan amit ah pawh ka melh ngam leh tawhlo, eirawng ka bawlpui hnuah room ah ka chho a, ka chhungril so bulh bulh tihzia awm nan tuivawtin ka inchiah ta ngawt a, Washroom aṭanga ka chhuah chuan dressing table a ka phone dah chu alo eng pap pap, hmanhmawh angreng deuh chuan ka pan phei, Udampuia hming lang va va ka hmuh chuan ka nui nghal var var 

" Eng nge itih " Ka lak rualin ati nghut a, ka nui tawp 

" Ka inbual a " ka ti a, a aw ka hriat ringawt pawn ka hahdam nghal huai thei, ka tana mi Special tak chu ani alawm 

" I rei lutuk " ati leh hluk anih chu! A phone call ka lak mai loh avangin alo mangang hman tihna chu ania, mangang viau mahse, keichu ka nui var var thung 

" Nia, ka inbual rei deuh " Ka ti sep a

" Call i la theilo a, kanu kalo call khan room ah i chhoh thu asawi a, thil thleng a awm em? " Ati duah a, chhan mai ngaihna ka hrelo, vawiin thil thleng kha ka hrilh duh ang em mahse, hna thil ah azin chhuak si a, arilru ka tibuai mai mai ang tih ka hlau veleh tho bawk si

" Duati " Ka ngawih vang vang lai chuan alo ti leh dut a

" Engmah athlenglo, ka inbual rei mai mai aniang bakah ka phone hi ka silent a " ka ti zung zung a, a awih kher ang em ka hrelo 

" Ching tawh suh, phone silent kha aṭul miahlo " ka thaw deuh huai thei, keimah min ngaihtuah em em zel a, hna thil a azin lai lehzel chuan tihbuai ka duhlo. Rei ang reng deuh kan inbiak hnu chuan kan dah ve hram a. Kan boruak nuam zet chuan ka rilru hreawm lutuk pawh ati zia awm ve deuh 

" Lo koh che ka tum a " Kailawn ah kanu nen kan in tawk a

" Umm, kapa te anlo hawng tawh ami? " kan inzui thla a

" Hawng tawh e, Ipa in ṭawngṭai ang u ati a " ati a, choka lama tlang lo chuan inpui ah kan phei a. Ṭawngṭai kan zawh hnuah chaw ei kan siam nghal sawk sawk a

" Inpa nen in inbia em? " Kanu chuan ka chaw hmeh suahsa dawhkana dah zel pah chuan min zawt a

" Umm, ka inbual hlanin alo call a " ka ti a, ka nui pah hak hak bawk 

" Call i lak theih loh ringawt pawn aphi sek zel, A over ania" ati a, anui pah har har bawk

Zanah min lo vcall ngei a, kanu sawidan takah a over reuh lutuk, phone screen a ahmel lo lang chu ka en reng a, ka nui leh sen sen zel

" Ngaihawm-nu " cool ruih a min tih chuan ka nui a

" Vallungleng " ka fiam let ve chuan ari in anui hak hak 

" Naktukah kalo hawng ang " Atih chuan ka meng deuh awk a

" I inpeih hman ami? " ka ti deuh hluai bawk

" Itello a zan khat riahchhuah hi atawk " ati leh nghut a, nuih loh chi pawh anilo, tiang taka min thlahlel tu hi ka ngailo ani bik reng renglo, ka lantir ngam hrih lo mai chauh ani alo hawn hunah erawh chuan nasa deuhin ka la lantir ve ang. Vcall dah ka tum pawh chuan aremti tlatlo a, ka mutchhuak tawh bawk nen ka mutsan ta daih in ka hria, zing ka harh chuan ka sirah phone alet bal a, tho chiah e tilo chuan ka nui leh hak, Udampuia alo hawng dawna ka phur em em mai ani, tho chhuak ta mailo chuan phone chu ka khawih neuh neuh a, whatsapp ah ka luh chuan number ngai aṭang bawkin msg alo awm leh, 'Vawiin ah Paradise hotel ah khan min lo hmu rawh, anih loh chuan naute kha ka fa anih thu ka sawichhuak ang ' tih ka chhiar chuan ka hlimna zawng zawng te kha vawm bo ang hlawk anni, ka hlauthawng a, ka thinrim ṭun bawk. Tianga ti leh tur te chuan atirah khan pawm mai tur ania, tlawm vawng vawng chunga 'Innei mai ang ' ka tih laite khan ti tla turin min ti anih kha! Lawmkima hi mihring pawh anilo Ramhuai siar siar ani. Ka rilru abuai khawp mai, hmuh chu ka duhlo a mahse, ka hmulo anih chuan Lawmkima hian engmah tuh hreh anei dawnlo tih ka hria, hmalam ka pan ve ṭan a ka nunhlui bawkin min tibuai leh chu ani si a. Ka rilru ah Udampuia alo lang a hrilh duhlo teh mahila hrilh ngei chu angai tawh ang, ka call a, a in 'ring' chhung te chuan ka kuttin ka seh neuh neuh reng a ka awm hle hle theilo, 

" Hello " Jenny zawkin call alo chhan avang chuan ka thaw hawk 

" Ka pasal kabe duh " ka ti nghat 

" A be hmanlo che " atih lar lar te chuan ka rilru amangang tawh bawk nen keh nawk nawk ka chak, call chu ka off a, tih ber tur hrelo chuan ka ṭhut ngaiin ka ṭhu reng, Udampuia ka mamawh lai tak ani asin le.

" Eng nge iduh " Ka hmaa ṭhu Lawmkima chu ka melh kar a

" I dawtsawi ka sawichhuah chu i hlau viau ani maw? " anui hmel chu ngei zetin ka melh ngar

" Atira ngaihsak lo tu in tun a i ngaihsak leh tak viau chhan hi naute i duh avang nilo in, i mamawh avang zawk ani tih ka hriat loh i ring emni, Naute hi toys anilo ania aw " Ka ti kha fak a, naute hi pek ka tum hauhlo 

" Ka fa ani a, enkawl turin dikna ka nei " Asawi zawh rualin ngeiawm deuhin ka nui a, arun hmel khawp mai 

" Tum chhin rawh, i hnena naute dah ai chuan naute nen a thih dun ka thlang zawk, i sawi chhuah rual rualin chu thil chu kati ve ang, ka luhlul zia chu i hriatchian kha " ka ti leh nghat a, asawi chhuak anih chuan ka sawi ang hian Kati duh tak tak ang

" Min tibuai suh, anunrawng thlak iti velo ami? Atira titla tura minti tu inih kha, lo inrawlh tawh suh " ka ti zawi sep, ka ngenna hi pawm ngei se kati bawk

" Tihbuai che hi ka duhdan ani biklo, ka nupui arai theilo a kan buai mek anih hi " ati leh a

" Kum1 em pawh inla innei hleinem, aṭhen te chu kum3 hnua nau pai ve chiah te pawh an awm " kan thysawi nawi chho lutuk chu ka hne tawh

" Ka chi achhuak thei tawhlo, i nau pai bak kha fa ka nei ve thei tawh dawnlo " Athusawi chuan min ṭhawng bawk aniang sawi mai tur ka hrelo, dawt min hrilh te ka ring rum rum bawk

" Ka rilru hneh tuma dawt i sawi anih chuan " ka tih laiin 

" Dawt ka sawilo, hmani deuh khan keipawn ka hre ve chiah " Ka en reng ringawt, amitmeng chu azuai ve rawih in ka hria, ka ngaihbel hrim hrim te pawh aniang 

" Naute hi chu ka pe thei chuanglo che, i sawichhuak anih chuan ka awm mai mai bik dawnlo ania " Ti ram hmakin ka chhuahsan nghal hlawk hlawk 

" Puii " Hotel kawtah ka ding a, min lo umzui tih pawh ka hrelo 

" Min tibuai tawh suh ka tih kha " Rum zetin ka melh a, ka hawikual thuak bawk 

" Min khawngaihna i neilo emni " angam pawh hi angam kati

" Ka dinhmun khirh lai ber khan min khawngaih bik chuang lo " Ti hlakin taxi chu ka phar a, ka luhsan nghal hmak, ani nena awmdun reng kha ka duhlo, ka thinphu dup dup avang chuan awm ka dawm leh ngawt ṭhin, eng emaw hian min mawlh a, ka hlauthawng em em bawk ka mumallo ani ber

Cont..