Tuamdamtu chapter-17

 

Udampuia chu areh vang vang a, call emaw txt takngial pawh min thawnlo, a chungah thil thleng a awm anih te ka ring thul, ka hahdam hlawl lo ani ber e, hnathawkin ala buai pawh ani maithei tiin ka call duh lo a mahse, ka rilru anawm theih loh avangin ka call leh ta nge nge, reilo te a in 'ring' hnua a off daih chu angaihna hrelo zetin ka phone chu ka en ngawt ngawt, rilru a phir a ngaihtuah ber tur pawh ka hrelo, alo hawng thei dawnlo anih pawn min lo hrilh thei reng si a. Zingah phak deuhin ka tho, Zanah ka muhil theilo a, zing lamah chauh ka muhil ve anih kha, Phone ka en hmasa ber a, Udampuia erawh ala reh vung vung, ipik zetin thawk kala leh halh.

" Inpa hi vawiin lamah alo hawng thei tawh dawn em? " Eirawng kan bawl laia kanu in min zawh te chuan chhan dan tur ka hrelo 

" A sawi chianglo a " ka ti sep, ka pasal chanchin pawh ka hriatchian loh avang chuan nep ka inti ru ngawih ngawih bawk, kanu chuan thildang asawi kai ta daih a, ka lawm ngei mai 

" Ava rimtui ve " Zorina choka ah alo lut ve teh nawlh a, ahnar alen kual nasa mai 

" Ve teh nawlh che chuan, coffee kalo siam ang che aw " kalo ti thuai a

" Apawi miahlo " ati ve mai bawk, chair ah chuan ṭhuin thil ho deuh deuh asawi leh tawh a, kanu nen pawh kan nui leh hak hak ṭhin

" Ehe! Bawiha chu " Kanu in ati hluai a, keipawh ka phawk ve hra tho, Zorina fiamthu kan nuihpui hak hak laiin Udampuia alo lang nawlh a, kanu in mak atih ang chiah in keipawn mak kati 

" Udampui " ka ti a, min melh zawkin kanu chu a en leh a

" Kalo hawng tawh e " Ti supin akalsawn leh nghal a, rang deuhin ka zui ve nghal, room kan luh chuan a bag chu chhuatah a nghat deuh chawrh a, biak mai dan tur hrelo zetin ka ding reng 

" I chau em? " Ti sep in a bag chu lakang a

" Keimahah hian i lungawi thlawtlo ami? " athawmhnaw dahchhuah ka tum chu ka tawp chat, athusawi chuan minti bangbo takzet bawk 

" Eng nge i sawi awmzia " Ka bangbo zia chu ka aw ri aṭang pawn ahriattheih ang, min phun khum hlukin akekawr ipte chu azen rak rak a

" Hei hi eng nge " A phone chu ka hmai bulah alek kang a, ka thil hmuh avang chuan ka meng phawk viau ang, amak ve em alawm nimin lama Lawmkima nen kan inhmu lai kha ani a, kan ṭhut lai leh hotel kawta kan dinlai ani

" Englo..ka..ka sawifiah thei " Ka dangawk hunlo lutuk chu ka haw hlur mai, Udampuia hmel landan ah chuan min rinna pakhat mah aneilo tih ka hrechiang lutuk, hetiang reng renga pawisak neilo hmel hi Udampuia hmelah kala hmu ngailo

" Min zuam emni? ka hmangaih che ka tih avanga min zuam anih chuan iti sual viau ang " Ka darah chelhin min thing nawk anih chu! a reilo min thlah leh hlawk a

" Ka..ka zuamlo che Udampui, ka thusawi ngaithla phawt rawh, ka sawifiah thei " Ka ti a, akut ka chelh chuan phun hluk chungin ala sawn leh nghal daih, hrilhhai leh hreawm ti zetin ka en a, ani pawh apangai bik lo tih ka hria, thawk ala hrawk hrawk a, amit asen deuh ram bawk 

" Ka ringlo che, Abialpa hlui fa paitu ini tih kalo theihnghilh hman ani, Ka hmu duh duh hrih lo che " Ati nghut nghut a, athusawi ai mah chuan ka pum en ran chunga ten hmel zeta ahawisawn lai khan min ti na ngawih ngawih zawk, bang chu ahnek dawt a kalo ṭe ṭhat, room chu a chhuahsan nghal vut. Ka thiltawn mek chuan min tina ngawih ngawih, Tui hawk tam tham zetin alen ang mai kani, ṭang turin ṭan chhan tur ka neilo a, ding turin min pawt ding tur an awm heklo, Ruahthimpui chhum dum chhah tak tak thlaka chhum var lo lang ve ṭan te chu Chhum dum chhah tup tup in atuam leh a, Ruahthimpui bawk alo sur leh tawh. Lawmkima avanga ka natna tuamdamtu khan tuamdam tur natna min pe leh anih hi. Chaw ei dawn pawn Udampuia alo hawng lo a, kanu ten akalna min zawh pawn engtin tin emaw ka chhang liam kual ta vel mai maiin ka hria, ka mumal thlawt lo, chaw pawh chu engtham mah ka eilo a

" Keimahin ka kal thei ang " Beiseia'n min hruai leh dawn chuan ka hnial vat a

" Tinge? Inpa ka ngam hleinem " Nui ṭha chunga atih chuan ka nui ve seih a

" A haulo ang che, vawiin chu keimahin ka kal mai ang " min hnial viau mahse, ka tih luih tlat avangin min kalsan scooty chuan ka kal ta ngei, tlan pah chuan ipik zetin thawk kala leh halh ṭhin a, ka hun tawn mek hi pangai taka enliam ahar ani, Lawmkima vanga ka natna kha tuamdam ani ngei mai mahse, tunah hian chhan tam tak avangin ka na leh mek ani

" Tukin chu driver inei na nge " Ka hnunglam thlek dak dak pahin Mahriati chuan ati a, abulah Mahlima pawh alo ding leh ran tawh

" Nei talo mai, scooty saw ka khalhchhuak khat lutuk a " kati ṭha ve mai a, kan inzui lut dat dat, an pahnih a an inhnial leh bap bap ṭhin chu za lo deuhin ka nuihpui a

" Ihmel adiklo ania aw " Mahlima kalhran hnu chuan ja bengbulah Mahriati chuan ati sar sar a, ahriatthiam ka ringsa hrim hrim, dawt hrilh pawh ka tum chuanglo, thurawn ka mamawh lai tak ani 

" Ka hrilh ang che " ka tih chuan abu nghat a mahse, damlo damdawi pek ahun chiah avangin kan ngawi dun leh hrih, kan buai chhunzawm ta zel a, sawidunna hun pawh kan nei leh talo. Ka pum apuar luah tawh bawk si rilru a ipik tup bawk nen Damlo te bula nuih luih pawh aharsa takzet

" In hman tawh em " dan ngaite in Mahlima alo lang leh tawh a

" Kan hman mahse, kan pahnihin kan eichhuak dawn " Ka chhan hmain Mahriati'n alo chhang a

" Ka tel ve duh " Naupangchhia zetin Mahlima chuan ati, Mahriati'n amelh rum khawp mai

" Hlimi nen sawidun tur kan nei" ti hmakin min kai dawr dawr a

" Hey, keite chu nakinah pawh a tih theih alawm, iti hrilhhai e anuam lo " Ka ti nang nang a

" Ani nen te chuan zantin kan inhmu a, scooty ken a phallo a tlai tin arualin ka hawng bawk, ngaihtuah suh " ati hlak hlak a, ka nuih leh hnuhnawh 

" Nuilo mai teh " ati hmuk a, Canteen ah pawh chawllo in pawnlam ah kan inzui chhuak leh a

" Sawi ṭan tawh la " Eitur kan nghah lai chuan chiang deuhin min en leh tawh 

" Ka rilru a hah lutuk " ka ti hmasa tete a, sawi zawm zelin Lawmkima nen kan inhmuh thu leh Udampuia awmdan vel chu chipchiar deuh in ka hrilh a, ka sawi zawh rualin thawpui kala halh 

" Lawmkima remruatna vek anih dawn chu " atih chuan ka bu nghat a, kalo mawl em ani mahse, ka dinhmunah khan duhthlan tur leh kawngdang neiin ka inhre silo ani.

" Ka hrelo " Ka ti zuai raih, eitur anlo dah chuan kan ngawi ta kar a

" Udampuia pawh i insawifiahna tal ngaihthlak ve tur ania" atih leh chuan ka nui ringawt 

" Athinrim chu ka ring a mahse, ten hmel zeta ka pum amelh kher kha chu ka na ngawih ngawih " ka tih chuan Mahriati chu aphun hlak hlak, tuilo zetin eitur chu ka ei a, zingah chaw ka eilo tluk ani a, ka rilṭam pawh ka hre chuanglo, Mahriati pawh chuan min hnem dan vak ahre lo a thawpui ala leh halh ṭhin, insawi thawlna ka nei hrim hrim hi ka lawm tawk viau.

" Bawiha chu eng ber nge abuaipui " Chaw ei laiin kapa'n ati khauh a, ka chaw bar lai ka tawp chawt, chhuanlam tur ka hrelo takzet ani, zinga achhuak bak kha kan inhmu leh tawhlo hrim hrim

" Ka hre bik chiah lo " ka ti sep a

" Kalo bia ang e " ti nghutin atho zui nalh a, kapa hmel rum ul chu hmuh anuam lo, Zorina leh kanu bakah Remrema te chuan thildang an sawi ta hlauh a, hrehawm ka tih an hlauh avang pawh ani maithei. Chaw kan eikham fel hnuah eina kanu nen kan tifel leh a, ka dul puar luah chuan thlengsil a chet zung zung pawh min ti harsa ve tawh. Damdawiin lamah pawh duty ve ziah mahila chet ka harsa ve tawh a, chawlh ka buaipui ve mek ani, hna ka thawh tirh aṭangin chawlh kala ngailo a, tum ṭum a chawlh ka dil pawh aharsat lutuk ka ringlo

Zanah pawh Udampui areh vang vang a, khumah chuan ka mu mengkar, ka sawifiahna vawikhat pawh min ngaihthlak saklo a min ringlo tu ngaia intih hreawm reng chu duhlo viau mahila ka thei chuanglo, biak leh mai ka chak rualin ka chapo na in min la khap ve tlat thung, Naute a chet ruala phur em em ṭhin leh nui hawk hawk ṭhin khan ka naute hi ten zetin a melh anih kha, Nu tan chuan thinlung kehsawm vek na tham ani. Whatsapp msg alo rik ral chuan beisei nei zetin ka en thuai a mahse, ka beisei erawh ka hmu chuanglo, Number hlang aṭangin thlalak ka dawng a, thlalak chu Udampuia hnathawk lai ani, ' Ka bulṭanna chauh anih hi, i thuruk engkim ka hre vek ania ' tih a inziak tel bawk, Jenny anih ka ring a, thik lam ai mahin nuih ati za zawk, chhan let enah pawh ka enlo. 

Zinga ka harh rualin ka sir ka dap nghal a, aruak huai ani tih ka hriat rualin ka nui hawk, eng nge kala beisei chuang le? nimin thil thleng te kha mumang mai nise ṭhan harhsan daih ka chak a mahse, ka harh leh hnu pawn alo la pangai reng

" Iva nawm loh hmel ve " Choka ka luh chuan kanu in minlo bia a, chik deuhin min en bawk

" Nizan kamu ṭha lo deuh a " ka ti mai a, fridge hawngin tui ka in nghal khawlh khawlh 

" In in hau deuh emni? " Ati leh sep

" Umm, kan thu a in hmulo deuh " ka ti ve mai

" Thil pangai alawm, nupa inhau ngailo te aiin inhau ṭhin leh in tihtauh khum tam apiang hi an nghet duh anti ngai, ngaia inneih hi a pawi ber. Nupa ngaia inneih tawh te hi chu an thil tih engpawh an in enliam sak thei tawha inhauh chhan tur an nei lemlo chu chu apawi em em bawk, uire na thlengin athlen thei, i rilru ti hreawm lutuk suh, Bawiha thinrim hi chu fianrialah awm aduh tlat ṭhin a, athinrim reh hunah aṭha leh vek mai ang, dawhthei takin nghak rawh " Ati seuh seuh a, ngun deuhin kalo ngaithla reng. Tukṭhuan kan ei a, tukdang angin kan ṭawng tamlo, Zorina awm loh avang pawh ani maithei

" Chawlh chu i la thei ta emni? " Kanu in ati a

" Umm, vawiin chu kal leh tho angai dawn a " ka ti let sep, ka chaw ei atui loh em avang chuan ka thawhsan thuai a, hmun hnawk tihfel pui ka tum chuan kanu in alo phallo khawp mai mahse, ka tilui ve tho a ka tihfel pui zawh ah inchungah ka chho a, Udampuia a awm loh chuan aruak ngawih ngawih. nikhat lek mah nise min duatna te min ngaihsakna te kha ka ngai takzet. 

" Vawiin bak ilo kal tawh dawn silo a, bazar ila " Mahriati chuan ati sar sar a, kalo bu nghat nghat

" Fb ah i lut ngai em? " ati leh a

" Lut zeuh zeuh " ka ti a, asawi tum pawh ka hria, Jenny leh Udampuia thlalak vel an troll nasa a, hmuh tur pawh atam, in ngaizawng ang hialin an chhuah a, comment ṭhenkhat ah chuan ' Annu in ati lawm zolo aniang ' tih te ani, ka enrei duh ngailo, Udampuia ngaihzawng anei chu ka ti hauhlo mahse, uire kan hmu mawi tlat te kan sawi mawipui tlat ṭhin hi chu aṭhalo, an nupui emaw pasal ten an zir loh hi chu a awm teh meuh mai mahse, aṭhen hi chu lerh avang hrim hrim leh an duh avang reng ani, chuta kara atuar tu zawk dema a uire zawkte sawimawi hi ka ngei zawng tak ani.

" I ngaihdan siam nghal tawp lo la " atih sep chuan ka nui a

" Ka hria alawm, Keimah ka inrin na aiin Udampuia ka rinna atam zawk, chuvang chuan ka ring, athusawi ngei leh keimah ngeiin ka hmu anih loh chuan, thu leng mai mai hi ka awih lem lo " Ka ti ta duah a, Mahriati pawh abu nghat nghat mai. Duty kan zawh chuan kan bazar dun ta ngei a, lei tur em em neilo mahila teikual ka chak hrim hrim, kalna tur ahria a dawr ah min luhpui zing lutuk, ṭullo deuh deuhah pawisa kan khawhral ani ringawt, kan awmdan chu Mi hausa fanu duatsual te pawh kan ang. 

" Ka chau " Thil eitur in Paradise hotel ah kan lut a, Hotel mah nise Restaurant atel a hotel a thleng kherlo te pawh kan chawl ṭeuh zel, menu an nei sial thei bawk

" Nau i neih ahnai ve ṭan a, exer anih kha " ati liam puat leh nghal

" Mizo mipa hot theih zia hi, Ram dang mipa kan mamawh tawhlo ve chiang e " thil eituam tuam pahin ati a, ka nuih hak hak 

" Nia, an hmelṭha a, an sang bawk si " ka ti ve chiam a, Mizo mipa chanchin sawiin kan nui leh hak hak ṭhin

" Gu junpyo pawh kan mamawh tawhlo " ati tel leh kher chu, nuih loh chi pawh anilo

" Inlo chawl ve alaw " Kan nui lai chu kan tawp chiang khawp mai

" I hriatsa te min zawh, Ṭhu mai mai turin kan lut bik dawn ami? " Ka chhan hmain Mahriati'n ati chang fak a, Jenny chu zalo zetin anui, aṭawngchhuah apiang hian ka tana thu lawmawm asawichhuak ve ngailo

" In pahnih chiah in maw? " Atih lar lar laiin Udampuia alo lang ve nawlh a, reilo te ka en zeuh tih loh chu ka kun nghal daih 

" Tunge lo tel vese itih, i hmel fai veng kha ka tihchhiatsak hma che in kal mai teh u " Mahriati chuan ati hlak hlak a, Jenny ṭawng atum leh laiin Udampuia zawk chuan achhuahpui a, tha na zetin ka thlir liam 

" Zaktheilo lutuk mai " Mahriati'n ati hmuk a, sawi tur ka hre velo thung, ka zak a ka tlawm ngawih ngawih bawk 

" Tlanbo daih mai ka duh " ka tih chuan phawk zetin min en a, nui miahlo in kalo en let ve kar

" Chutiang ngaihtuah suh " ati a, a hmel chu abuai deuh nak mai 

" Naute nen hian thi law law zawk ila " ka tih leh ngat phei chuan ahlauhthawn hmel nasa mai, atir kha chuan ka fiamthu ngei mahse, ka thilsawi hi thleng tak tak pawh nise tuna ka awmdan ah hi chuan pawi tihna ka neilo 

" Lalhlimpui, khatiang thu kha sawi tawh miah suh, Naute nen hei leh chen i tuar tawh, i tuarchhuak ṭep tawh ania " ati deuh nawk nawk a, tawite in kalo nuih 

" Ka fiamthu anih kha " ka tih hnu pawn amitmenga hlauhthawnna chu ala reh lo. In a hawn pawh ka chak lemlo, Keimahni inlam ah zawk chuan ka kal a, kanu in min hmuh chuan alo phul hlut mai 

" Ilo kal dawn tih i sawi lawk silo a " ati a, min kuah vang vang bawk

" Nia, kalo peng kawi anih hi " Ka ti ve mai a, kan ṭhut hnu chuan ka thil leisak te chu ka pe 

" I hmel ava diklo ve, I nu nen kan inbia a Bawiha nen inin hau deuh emni? " ka sawichhuah peih loh ber thil ani  

" Kan thu a inhmu lo deuh mai mai " ka ti a, kanu pawh chuan asawi chhunzawm ta biklo, naute chungchang kan sawi a kanu phur lutuk chuan ka ṭah ati chhuak ngawih ngawih

" Zanin chu hetah ka riak dawn, Kanu chu keiman ka hrilh mai ang, midangin ka awmna an zawh che chuan hrilh suh aw, hetah kalo kal tih an hriat ka duhlo, kanu chu keiman ka hrilh ang " ka tih chuan kanu a meng phawk khawp mai 

" Ava mak dawn ve " ati hluai a

" Ka tih ang chuan min tihsak rawh, mahni a awm ka duh, chaw eitur pawn min lo ko duh suh " ka aw leh ka mitmeng aṭangin ka ngengawl dan chu ahrethiam ve ani mahna abu nghat a. Ka khum ah chuan ṭhu mu in thil tamtak ka ngaihtuah a, akhat tawkin ka mittui atla leh ṭhin, ka hnar athip hlar tawh a ka mit pawh akham urh tawh, ka phone ri ral ral chu peih lo zetin ka la kang a, screen a hming lo lang ka hmuh rualin ka ṭhen sak, la ta lemlo chuan ka flight mode ta daih a, Kanu pawh chanchin ka hrilh lo, tihbuai hrim hrim ka duh avang anilo, ka ngaihtuahna hi amang a, mahni a awm ka duh hrih ber. Zanah chuan ka rilṭam avangin inhnuaiah ka chhuk a, choka ka luh chuan lawm loh in ka nui hak, kanu chuan dawhkanah eitur alo dah diam alawm, akhuhna chu hawngin ka ei nghal bawrh bawrh, a ṭam tawngkhawng tawh aniang engpawh chu atui vek, ka eizawh hnuah tifel sawk sawkin room ah bawk ka chho leh a, whatsapp ah lutin sts ah chuan ka lut a ' Pialralah khian buaina abo ang em le? ' tih chu ka type a, ka up nghal bawk. Naktukah ka tifel vek ang, rilru buai leh hlauthawng reng reng hian ka awm tawh lovang, athleng tur chu thleng vek rawh se.

Cont...