Tuamdamtu chapter-19

 

" Nu i chhuak dawn emni? " An room aṭangin kanu chu inchei deuh takin alo chhuak a

" Chhuak lawk dawn, ka reilo ang nangmahin ilo awm hrehlo ang tiraw? " ati zung zung a, nui hak hak chungin ka awm hreh loh thu ka sawi ve mai 

" Anih ka kal ang aw " pawn thleng ka thlah a, kanu hi ala ṭhalai a akalchhuah duh pawn scooty in a inkhalhchhuak ve mai ṭhin, kanu kal hnu chuan Udampuia'n alo call a

" Eng nge itih " Ka lak ruala alo tih sup chuan ka nui hak hak a

" Duati " atih fan raih chuan 

" Engmah ka tilo, i buailo emni? " Kan in zau zet chu ka melh kual a, mahni a awm chuan areh ruih si nuam pawh ka tilo 

" Buai tawhlo " Ati leh sup a, thildang dang sawiin rei fe kan inbia a, ahnuah chuan alo vcall leh nge nge, sawi tur hrelo dun viau ṭhin mahila call dahtu zawk nih kan hreh a, ahnathawh lai te hi ka thlir reng ṭhin ' i buai ang ka dah ang aw ' ka tih changte hian a thinrim a atitau ve bur bur zel, chuti khawpa min thlahlel tu chu tiin keipawn ka dah ngai biklo, kan awmdan chu anuam a leh lam zawng tak phei chuan a nuihzatthlak, over min ti tawk an awm maithei mahse, keini chu inngaizawng sa a innei kan nilo a, kan inneih hnuah kan inngaizawng ve chauh a, kan awmdan hi a lutuk ka ti ve lemlo. Meeting aneih dawn chuan ' Kalo hawng hma ang ' ati a, kan dah ve hram. Ka theih ang ang in inchhung chu ka tifai ve a, chuti vakin abal lemlo, Thawmhnaw bal tlem awm chu machine ah ka ṭhuai tir a, chumi pah chuan room ka tifai bawk, kanu chu rin aiin arei phian a, ka insuk zawh vek hnuah pawh alo la hawnglo. Aleng khat ve a achhuah chhunah hi chuan aleng rei ve ṭhin. 

" Nang maw? " Doorbell ari a, kanu anih ringin ka hawng a Jenny lek alo ni 

" Min beisei vak na nge " Anui a, ka nuih let lemlo 

" I ring dik " ka tih chuan, anui hmel chu areh chiang khawp mai 

" Min lawmlo mahla, kawng min kian ta che " ka tawlhsawn ve mai, alo kal thut chhan ka hrelo

" Eng nge ilo tih dawn " Tlangnel fahranin ṭhutkhawmna sofa ah chuan aṭhu a, ahawi kual valh valh bawk, phone a kan inbiak aṭang khan ni tam ala liamlo a, thil ṭha min hrilh tur chuan alo kal ka ringlo bawk

" I nu kalo hmu dawn " Ngeiawm zetin anui a, keh nawk nawk ka chak zia chu pui tak ani, ka bulṭanna dawt anih miau avangin ka huaisen lui ngamlo, a chan chhe zawk kani tlat. Dawt hi chuan minti huaisen zo lo a, kan zahawmna zawng zawng pawh ati hniam rawih rawih thei, hlauhthawnna in min kiansan thei tak tak lo bawk 

" Aleng chhuak, lo nghak rawh " Ka ti a

" Inthlahrunna i nei miahlo ami? " Min tih chuan ka en vang vang a, chhan mai dan tur ka hrelo 

" Engvang chuan maw? " Zangkhai thei ang ber chuan kati a, ka nui pah seih bawk 

" Midang fa pai chungin pasal i nei a, dawt liantham lutuk i sawi chung hian ila hlim thei hi i fakawm thlawt " A thusawi chuan min ti danglam chiang khawp mai, engtin nge ahriat tihlam zawh ka tum buailo 

" Itana thil ṭangkailo buaipui hi i sim thei thlawtlo emni? Hethil hi sawichhuak pawh nila Udampuia hian aneih phah hauhlo ang che " Engah mah ngailo ang chuan kati a mahse, ka tiril hi a khur der der 

" I hlim bik dawnlo " Amitmeng chu aling hlar 

" Kanu ten min ngaihdan tur chu ka hrelo mahse, Udampuia'n ahrevek tho alawm " Ka dul chul zeuh pah chuan kati a, boruak areh duk lai chuan kan lam pana ke pen thawm ari chhat chhat, ka hawilet rualin kanu mitmeng fiah zet nen kan in melh nghal sak a, ka mitmeng chu abuai viau ang

" N..nu " Ka ti bah niai a, kanu mit ah chuan min huatna leh thinrimna bak hmuh tur a awmlo, ka tiril chauh khur kha tunah chuan ka taksa che dat dat khawpin ka khur tawh, ka vawt vekin ka hria

" I nu angin min ngai chiah maw? " fiah fakin ati a, alawm loh zia chu a aw ri aṭangin ka hailo 

" Nu " Ka ti leh tawp, ka dawtsawi hi hriat hun anla nei dawn tih ka hria mahse, Jenny hmaah kher chuan hetiang hi athlen ka ring phalo

" Min ti thinur takzet tih i hria em? Dawt ka huatzia pawh ihria tiraw? " Dam dap mahse, chang fak siin ati leh khauh a, ka awmdan chu a mumal thlawt lo 

" Inu te pawn hria se aṭha ang, zanin hian kan in hi chhuahsan ang che, dawtsawi hmang nena chen dun ka duh tawhlo " Atih chuan ka tliak hnawp in ka hria

" Nu, khawngaihin ka sawifiahna tal ngaithla vela " ka tih ṭiak chuan min en kalh a

" Dampuia nen in khawsak dan hi ka hua tih hre ru, naute pa khan naute enkawl turin dikna anei afa ani bawk " atih chuan ka hrethiam lo takzet

" Eng nge maw i sawi le " Ka tih chuan 

" Naute pa in inneih aduh a mahse, nang hian naute chu Dampuia fa angin i sawi a, Naute pa chu i kalsan anih kha" Dawt chiang lutuk anih avang nge thinrim ai mahin nuihzat lamah akal zawk, Jenny ka en chuan chanṭha inti zetin kut kuangkuah atin min lo en a, ennawm hmuhnawm tak thlir ang maiin mawle

" Dawt hmang chu kei nilo in, i thu hriat hrilh tu zawk che kha anih hmel " Ka tih rualin ka biang asa nghal ham ham, kanu in min beng! Ka biang dawm chunga kanu ka en chuan amitmeng danglam zawk chu ka hmu hman mahse, thinrimna bawkin athlak leh nghal 

" I zaklo hle mai, reilo te chhung pawh ka hmu peih tawhlo che " Ati hlak a, a phone a khawih zui mawlh mawlh, athil tih tur chiang takin ka hria a mahse, dan ka tum buailo ka inti tlawm zual mai mai dawn, tun hi an hriat hun diktak pawh ani maithei 

Dampuia Pov

Ka nupui hmuh hlan nghakhlel zetin meeting zawh veleh kan in lam ka pan nghal a, ka nupui pum puar lah ka mitthla rualin ka khi leh suk zel, Heti tak hian ka nun athlak danglam thei hi thilmak ani, Hmeichhe dang ngaihtuah thei reng renglo in min siam a, mipa dang nen ka hmuh dun changin insum thei leklo in min siam ṭhin, engthil ah pawh rilru fim put hram ka tum ṭhin mahse, Duati leh mipa dang ka hmuh dun chang hian ka kawchhung hi a saw bulh bulh a, ka duh loh dan deuhin ka che chhuak leh ṭhin. Inṭhenawm kan nih bakah school kan kal tlan avangin Rindika nen khan ṭhianṭha tak kan ni a, an in ka chuankai apiangin Naupang cute zet khan min lo nuih sen sen zel a, ka bulah a awm chawt zel anih kha, anui hmel hmuh kha anuam kati a ka hahdam ṭhin bawk, kan in upat hleih em avangin alak ka rilru put diktak pawh min huat ka hlauh avangin hrilh lo in ka nghak a mahse, ka tlai ta ani. Ka tana hunṭha lo inherchhuah dan kha ka beisei dan ani bik hauhlo, Bialpa anei tih ka hriat khan ka na lo anilo ka beidawnglo thung, arai thu min hrilh khan ka chhungril hi ana veng veng a, khatiang taka na kha kala tawng ngailo, mittui tla zawih zawih chunga 'Engtin nge ka tih ang ' beidawng zeta a tih khan ka inrin hmain ' Min nei rawh ' ka ti a, ka rin ang ngeiin min hnial, khatih lai khan keipawn neih kha kala duh takzet em tih ka hrechiang biklo, ka a chhuih a ka chawmawlh ve vek tho, ka kawnchhung hi aso bulh bulh a, abialpa ka sawisak chakzia kha pui tak ani bawk, mipa ang takin en thei ila chuan ka sawisa khawp ang.

Kan inkawtah motor ka ti thi duk a, ka nupui lo chhuah hun ka nghak ran mahse, ka nupui hmel reng reng ka hmuh tak loh ah chuan ngaihṭha chiahlo chuan motor aṭangin ka chhuk a, kawngka pui lo inhawng deuh avang chuan doorbell hmet buailo chuan ka lut tlang, Coomon room a Kanu leh Duati lo indin chilh reng bakah Jenny ka hmuh tel ve avang chuan thilṭha athlenglo tih ka chiang khawp mai

" Eng nge thleng " Ka tih nghut chuan min lo en vek a, Jenny mitmeng pha nghal dai avang chuan ka rum nghut

" Ilo hawng chu aṭha e, I nupui nen hian inṭhen ru " Kanu chuan ati hmuk a, ahmel landan aṭangin athinrim tih hairual anilo, Duati chuan min lo en zawkin hnuai lam abih nghal ngar a, thil thleng chu hrilh hriat hranpa ka ngailo

" Thinrim laiin thil ti buan buan suh " ti dam thlapin ka pan hnai a

" Min bumtu hi chenpui reng ka tum hauhlo, Anu te pawh ka call tawh lo la chhuak nghal rawh se " Kanu thusawi chuan minti lawmlo takzet

" Ka nupui anih hi, ka hriatpui loh in engtin nge Papuia te chu ilo call " Ti chhum hmukin ka phone ka phawrh a

" Dawt liantham tak min hrilh dawn khan min rawn bik emni? " kha fakin kanu chuan ati leh a, ban phar hluaiin thaw kala ham ham, Duati chu ka pan hnai a, chhut a bih tlat thung

" Duati " Ka tih pawh chuan alo hawichhuak lo, a khabe ah ka dawm chuan aṭang ve ṭung a mahse, ka kuaidak lui tho

" Kanu " Ka ti chhuak hrawih, Duati biang sen hlar chu ka en a ka inseh ruh nghal ṭawlh ṭawlh 

" Kut ithlak maw! " Duati chu a inhnit hraih a, aṭap chak tih ka hailo, kanu hi nu tawhkhirh leh thil dik taka tih duh ṭhin ani a, athu hriat avang chuan athinrim dawn tih ka hria ka demlo mahse, ka nupui kut athlak kher erawh ka lawmlo hul hual, inthunun tum zetin vanva dakin thawk kala ham ham a, door bell ari ve chiah bawk, Duati'n ka kut alo chelh nghal rawk rawk a, a awmdan chuan min rum chhuah tir hrawih thei, athlaphang hmel chu khawvela thil hmuh nuamlo ber ani, kanu chuan kawngkhar ava hawng a, Papuia te lo lutin kan ding ṭhap min hmuh chuan an hawihai khawp mai 

" Ramte, eng thil nge thleng, min ko hmanhmawh si a " Tham chhel a Nupuii'n atih chuan, Duati chuan ka kut chu ahmer ngawt ngawt a

" Hlimpuii hi ka fanu ang chiahin ka en tih chu inhria ang mahse, Dawt hi chu ka duhlo, ka palzam thei lo bawk " Duati bulah chuan Papuia te chu anlo ding a, Kanu thusawi chu an hrethiam vaklo tih ahriat

" Sawi chiang teh " Papuia chuan ati sup a, inrawlh ka tum hrih lo, an hriattur chu hre zo phawt se thil sawifel dan a awm zawk ang, Duati ka khawngaihna avang chuan ka chhunglam hi a ni bulh bulh mai, kan inneih tirh aṭang khan a inthlahrung reng a, ka lakah engmah beisei anei ngamlo bawk, tunah anun pangai anei chho veleh chiah a, hetiang buaina hi a hmachhawn leh nghal angai bawk si

" Hlimpuii nau pai kha Ka fapa fa anilo " Mit ka chhing a, ka sam ka tuai puat bawk 

" E..eng nge awmzia " Nupuii bangbo lutuk chu akhawngaih thlak zawk 

" Adik em? " Papuia chuan ati hluk a, Duati chu a melh ngur bawk, Duati abuk nghat rualin Papuia chu ache hrut 

" Papui " ka ti ṭhawt a Nupuii pawh a ṭe ṭhat, Duati pai deuh nawk chu hneh zetin ka kuah bet a

" Bawihtei pa insum teh " Nupuii chuan ati khur dar dar a, Duati biang chu dawmin ka inseh ruh ngawt ngawt, Ka hmeichhe hmangaih leh ka ṭhianṭha ber pa nilo se zawng ka hmangaih kut athlak avang hian insum hauhlo in ka khawih let ve ang

" Dampui, thil awmdan chu sawifiah teh " Mitmeng vawt raihin Papuia chuan min melh a

" Naute pa nei duhlo in ka fapa anei anih hi " Ka ṭawng hma hauha kanu in alo tih avang chuan ka melh hrawk a, min hmulo der hmak thung, athu hriat adik hauhlo bawk chu erawh sawina hun ala awm ang

" Nu " Duati chuan ati vak a, Nupuii tlu lek lek buaipui atum chuan Papuia'n aphal hauhlo

" Lalhlimpui min lo zui rawh, Dampui, min lo zui suh ang che, nakinah biak che kala duh dawn ania " ti hmukin Papuia chuan Nupuii chu a hruai chhuak a

" Hahdam rawh, engkim ka siamṭha ang " Kaltir hreh viau mahila Papuia thin ka tihrim zual ka hlauh avangin ka kaltir mai ani, Duati kalsan ka tumlo a ṭhen phei chu ahnailo lutuk.

" Zanin ah i banna lehkha hmun kalo in beisei ang " Duati te an chhuah fel rualin, Jenny chu ka melh ngur a

" Thudik sawitu chu i hmu duh ta vak na nge " Kanu in ngeiawm zeta atih chuan ka ngaipawimawh lo lui tlat

" Ka mit itih khamna arei tawh hetiang thleng thleng i thlen ka rin loh avangin ka enliam che mahse, i kal thui hret ani " Ka ti leh hluk a, Melh pawh min melh ṭha ngamlo 

" Lalhruaitluang, i hria tiraw? Hmeichhia ini hi lawm hle ang che, i sawichhuak anih ro ro te chuan diktakin sawichhuak zawk la aṭha tur, thil thleng avang hian Min hnaih tum buai suh chu ai chuan Psychatrist pan zawk ang che " Ti leh hlukin ka kalsan a, Kanu thu hriatdik loh chu hrilhfiah duh mahila tun atan chuan alakah ka lawmlo a, ka hmachhawn chak lemlo, Room ka luh rualin bang ka hnek dawt a, ka kut na ṭalh ṭalh chuan ka kawchhung so bulh bulh hi ati dai pha derlo, ka hnek nawn leh a thaw kala leh hrawk ṭhin. Naute pa in neih atum anti emni kha, Kha mihring laktlak loh lutuk khan amawhphurhna pawh a hlen ngamlo anih kha, atir aṭanga tuar tu in tun thlenga ala tuar zel avanga tha natpui zetin bang chu ka hnek leh. Ka phone arik chuan phun hlukin ka phawrh a, Screen a Duati hming ka hmuh chuan thawk la ham hamin ka la 

" Khawnge Duati " Aṭhiannu zawkin call alo chhan avang chuan ka ti hluk a

" Udampui, tunah damdawiin ah lokal rawh " Chiai zeta alo tih chuan ka thinphu arang nghal dawt dawt

" Engthil nge thleng " Room ka chhuahsan fel leh der tawh

" Nutei nikhaw hrelo in a awm, Puipuii lah a... " A sawi zawh hmain call chu ka dah a, kailawn ah chuan hmanhmawh zetin ka chhukthla

" Eng nge itih dawn " Ka chhuak ṭep tawh tih a kanu in min lo biak chuan ka ding leh hrih

" Nupuii nikhaw hrelo in atlu " Ti supin ka chhuahsan nghal a, ka speed pawh asang khawp mai, reilo ah Damdawiin chu ka thleng a

" Lalrinsangi hi cabin engzat naah nge a awm " Nurse chu ka melh ngur 

" Kan en ang e " ati a, dawhtheilo zetin ka che sek tawh, reilo ah cabin number chu min hrilh a, chumi lam chuan ka kal leh nghal

" I awmpui angailo, hawng rawh " Cabin kawngka ka hawn rualin Papuia ṭawng ka hre hman thuak, ka thawm hria in ka lam anlo hawi ṭhap, Nupuii chu khumah amu bam a, Papuia leh Duati bakah Mahriati ten anlo dinchilh 

" Dampuia kha va inthlah tir rawh " Min melh zawkin Papuia'n ati hluk a, Duati hmel dang lap chu hmuh hreawm tak ani 

" Puipui, chhuak phawt ang " Mahriati chuan ati sep a, Duati pawh chuan ahnial lemlo mahse, Anu chu kalsan ahreh tih ka hria, kan chhuah hma chuan a melh leh vang vang a, anu kut chelh tuma akut alek chhuak chu Papuia'n alo dang leh hmiah, chuti lutuka a che chu ka ngaihdan apel takzet

" Pawnah minlo nghak ru " Mahriati te chu ka melh a, Duati chu kuah vang vang ka chak tawh takzet

" Papui, i chetdan kha iti mah mah ani " An chhuahfel rualin kati hmuk a

" Anih in chetdan ve kha " Atih hluk chuan ka thaw hawk

" Nakina i inchhirna turin thil ti suh, chu chu tuna tana ka hrilh theih che ani " Ti sup in ka chhuak ve nghal a

" Scooty ka keng, eng nge thleng tih chu ka hrethiam a, enkawl ṭha ang che " Mahriati chuan ati zung zung a

" Ka lawm e " Ka tih chuan ka darah abeng thlawp

" Lawmthu sawi angailo " ati a, Duati chu azawi ngiai a, kan tih ang ang chuan a awm ani ber, motor ah ka ṭhutluh tir hnuah

" Anih kan kalsan ang che aw " ka ti a

" Aw kal rawh u, Enkawl ṭha rawh aw, ka khawngaih emai " Duati thlek zeuh pah chuan ati sep sep a, angaihtuah ve zia chu ka hriatpui 

" Ka enkawl ṭha ang tih ring rawh " ka tih hnuah motor ah chuan ka ṭhu lut ve a, ipik zeta thawk alak leh ṭhin avang chuan stearing chu ka hum leh ngawt ngawt zel, an in lamah nilo in ka in lamah ka hruai a, motor ka tih thih duk rualin alo hawichhuak ve chiah a, kan awmna chu hre ve chiah tih hriat takin ameng phawk khawp mai 

" Tinge hetah min hruai " Ati hliai a, akut aphar pah hluai bawk, a chetdan lawmawm zet chuan min nuih tir lo theilo

" Ka nupui inih hi, chu chu hrereng rawh, ṭhen che ka tum hauhlo " ka ti nghet charh a

" Kanu kha athinrim bawk sia, inṭhen turin min duh bawk " Akut khawih niap niap pah chuan ati a

" Ka nupui alawm inih " Motor aṭangin ka chhuk a, motor chu kal hualin aṭhutna kawngka chu ka pawt hawng

" Mahse " Atih leh rualin ka pawm chhuak a, ṭe ṭhat chungin ka nghawngah a in chelh ve ṭai reuh a

" Eng nge mahse? Puitling kani a ka nunah chuan thuthlukna ka siam ve thei " Hnai zetah ka bih a, ka hmui ka petsawi zeuh bawk, alai tih hriat takin amengkual ralh a, lai hma thei reuh lutuk mai

" Min thlauh vaih chuan aw " Ati ṭung a, Naute nen anni bawka pawm zen zen chi chu ani dawnlo anih hi, ka ngaihtuahna avang a ka nui suk suk chu, ngaihṭhat loh hmel deuhin min melh leh ṭhin

" Eng nge i nuih a " Kawngka ka hawn chhung chu ka dahthla a, ka nui reng chu alawm hlawllo tih hriat lutuk in atum bar bawk 

" Naute nen khan inrit reuh lutuk a, ka kawng atliak mai dawn, ke in lut tawh maita che " Kawngka hawn paha ka tih chuan a ṭeu nghal hlar 

" Laldampui, engtik laiin nge min pawm rawh ka tih che" Ti ṭhatin min su pah kherin inchhungah chuan alut a, kan hun tawn mek hi ngaihtuah renglo se ka duh avanga arilru lakpen tum kani, ka hlawhtling in ka hria, inti neitu zeta kailawna alawn chho ve ṭiah ṭiah chu ka en reng, Kailawna tlakdal chu avuan ve ṭai reuh a, a chezia chu hmuhnawm kati, Min duh thu min la hrilh ve hauhlo na chungin amitmengah ka hmuhsak thung, asawi hun nghakhlel ve viau mahila ka sawichhuak duh lo, nakinah ama duhthu ngei in minla hrilh ve mai ang.

Cont..

"