Tuamdamtu Chapter-20

 Dampuia POV

" Good morning, Ka nupui duhtak " Min lo nawk ṭalh ṭalh a, thawk kala nghal ham ham, Min deh changte hian awlsam takin ka danglam ṭhin, ahrethiam ngailo thung

" I tho hma " Ati tham ṭiak a, amit pawh ala meng lo hrim hrim, nizana ruahsur vang nge zingkar boruak chu avawt vur a, Duati pawh puansin ṭha sat sat chungin ka kawngah akut lian lemlo tak chu alo rawlh lut ve a

" Fawh i phut deuh emni? " Insiamremin ka kuah a, ka thusawi avang chuan alo meng kawk, nui duh miahlo in mitmeng tak ngal chuan kalo en a, amitchhing leh in ka awmah ahmai nawr vang vang a

" Pasal te chuan nupui te duh leh mamawh te chu sawi kher ngailo in an hre ṭhin " Athusawi chuan min ṭhawng ngang aniang ka khawng awt a, Ahmui lum ther ther a ka hrawk bawk afawh takah chuan chil ka lem khalh

" Iṭha meuh maw " Anui ang vur vur a, Minti danglam nasa lutuk, chet la hmasa turin duh viau mahila adik ber hrih lo

" I rilṭam em? " ṭhutchhuah hluai pahin kati a, Duati chuan nui vur vur chungin min lo en reng 

" Min fawp dawn emaw kati a " Mitmeng nung sarh a min melh chuan, kun hniamin ka fawp nghal ngawng ngawng a. A hmui ka fawh hmasak ber aṭang khan angawl ka vei nghal, duhthawh deuha min chhanlet chang phei hi chuan ka kawchhung hi aso bulh bulh zel, ka ngaihtuahna amang duk a, arai tih theihnghilh ṭhak khawpa chetlak ka chak ṭhin, ka ngaihtuahna avang chuan rum hrawihin ka in la hrang a, Abiangah dawmin ka melh vang vang, ahmui chu ahuh hliam a abiang asen hlar bawk, amitmeng chu afim biklo tih ka hria

" Ka nghak thei che alawm " Ka tih chuan anui seih a, ka nghawngah akut ralwh lutin, ka bengbulah athaw lum ham ham 

" Ka hmangaih che, ka in nghah rei tir tawhlo ang che, ka pasal duhtak " Tukin chu min ṭhawng dawt dawt reng mai

" Mak iti ami? I awih em phei chu ka hrelo mahse, ka hmangaih che, achhan leh avang sawi tur ka hre chuanglo englo... " ati nawi niai a, min kuah nghet sauh bawk

" Ka beisei loh lutuk avang zawk alawm " A bekah ka fawp ṭawk a, ka nui chhuak hawk bawk, hlim lutuk avangin ka thazam hi aṭek chuai chuaiin ka hria

....

" Kanu aṭha ang tiraw? " Tukṭhuan kan ei a, ahmel ngui nghal ruai chu ka hmu chiang viau 

" Vawiin ah kan hmu dawn nia " Ka tih chuan aphur ka rin nen ahmel chu adanglam hauhlo 

" Kapa kha athinrim lutuk a, Min hmu duhlo kanu kha keimah avangin damdawiin ah a awm a, ka hmu ngamlo " Chw eilai ber khera asawi chu ka duhlo takzet

" Duati, chaw eiphawt rawh, eikham ah kan sawiṭha dawn nia, aṭha em? " Ka tih chuan abu nghat a, thildang sawipuiin arilru lakpen ka tum a, athawk vak lemlo mahse, ka hmuh ah erawh anui lui reng tho

" Inu chu kan pahnihin kan va tlawh dawn mi? " Thleng asil laiin abulah ka ding a

" Aih, pawi itih loh chuan nangmahin va kalla " Ati a, ahmel ngui ngiai chuan min ti tawt ṭun mai

" A pawina a awmlo, Nangmahin ilo awm hreh em? " Ka tih chuan, ahreh loh thu in min chhang thuai a, amah chauha dah erawh ka ngaih angam thei dawn chuanglo, Choka chhuahsanin kawtzawl ah ka chhuak a, Mahriati number hmetchhuakin ka call nghal, a 'ring ' ngaithla chungin ka tei kual sek

" Teh mial a " call alak rualin alo ti a, ka nui suk

" Chhunah i duty dawn em? " Ka ti nghal tlawng a, mi han biak kual chiam hi ka thiam lemlo

" Tlai lamah ka duty dawn " atih chuan ka thaw huai 

" Chhunah chhuah lawk ka ngai dawn a, Duati hi ilo awmpui thei ang em? Amah a chhuahsan chi ani silo " ka tih chuan ahman thu leh alokal tur thu alo sawi nghal luam a, thawk khat chu aveng ta, Vawiin chu Papuia biak ngei ka duh dawn

" Mahriati alo thleng ṭep tawh ang " Chhuak turin ka insiam mawlh mawlh a, ka necktie ka pe a, ka awm hniam deuh bawk

" Keimah pawn ka awm thei reng alawm " Ati sep a

" Keiin ka phallo alawm " Melh run chung chuan kati sup, a suih zawh chuan ka ding mar a, kalsawn atum chuan chelhin ka kuah bet hmiah

" I ngaihtuahna ilo kawm chiam dawn tih ka hria, chuvang chuan Mahriati kava bia a, i lungawi loh phah em? " alu athing ve nak nak reuh a

" Alo kal theih te chuan ka lawm daih zawk alawm " ati hliai bawk, kawtzawl thleng min thlah a, kalsan chu hreh teh mahila ka kal ngei angai si, ka tlanchhuah hnuah side glass aṭangin minla enzui reng tih ka hmuh chuan ka nui suk. Damdawiin ka thlen chuan Nupuii cabin lam ka pan nghal a, kawngka ka kik hnuah ka hawng zui nghal, Jenny leh Lawmkima lo awm ve reng ka hmuh rualin ka in seh ruh nghal ṭalh ṭalh  

" Lokal rawh Bawiha " Damdiai in Nupuii chuan minlo chhawn a, Midang ngaihsak zawmlo chuan Nupuii chu ka pan hnai 

" Eng nge i an " Ka tih sup chuan nui var var in aṭhat thu asawi sep a, Hetianga hmuh hi nuam kati lo Rindika thih hnu khan ahriselna atlahniam a, min thlahlel zual bawk keipawn ka theihtawkin ka duat a, ka ngaihsak ve ṭhin. Atir khan thudik hrilh ila hetiang hian a awm kherlo vang mahse, Duati neih loh ka hlau a, mahni hmasial taka ka chet man ka hmu let mek anih hi engkim siamṭhat leh ka tum ang.

" Bawihtei " Ati a, sawi zawm lo in angawi leh vang vang 

" Aṭha, ngaihtuah suh " Ka ti sup, Abiangah ka dawmsak a, achhip ah ka fawp vang vang 

" Papui biak lawk che ka duh " Ding mar vutin ka ti nghut a

" Sawi ta che " Atih hmuk chuan Jenny te lam chu ka en a, ṭawng anneih ka rin tawh loh avangin nimin khan ka ngawi a, an pawrpawrh tulh tulh anih hi, an thiltih man hi an dawng let leh ngei tur ani, Ka hmeichhe hmangaih na tak leh tlawm taka a siam man hi hmeichhia ni mahse, ngaihdam ka tum hauhlo 

" Afalin biak duh viau che mahila, an awm ve pawh hi apawi chuanglo " Ka ṭhen suk a

" Sawi rawh " Ati dam thlap tawh, Papuia hi Pa sual anilo tih ka hria, athu hriatin aṭhawn bakah athil duh loh ber anih bawk avangin athinrim hrih mai chauh ani, awm ka tihpui lutuk 

" Duati naupai saw ka fa anilo ka pha lo bawk, Hemi te hian engthu lawilo nge anlo hrilh leh che u ka hrelo na a, thudik anih erawh ka ringlo, an dawtsawi belhchhah nan dawt dang pawh ani mahna " Boruak chu areh nghal duk 

" Lawmkima hian Duati saw neih atum hauhlo, Nau ti tla tur in ati a, Duati'n nau atih tlak duh loh khan mualpho ahlauh luatah ahming langlo turin ala ti ngam bawk, tuna Naute i duh leh chhan hi ka hrelo turah min ngai suh, ka hrechiang lutuk ania " Lawmkima chu ka melh ngur a

" Ava mak teh nuai ve " Nupuii'n ati chuai raih a

" Ka thusawi hi inring nge ringlo chu ka hrelo mahse, thudik ani, Duati hi ka hmangaiha ahun khirh ber laiin ka nawrlui bawk, tun thil thleng ah hian puh tur leh dem tur an awm anih chuan keimah kani, a nau neih ahnai tawh a, rilru hahdama awm a mamawh zia chu inhriat ka ring " Ka ti dam thlap a, Nupuii hriselna in atawrh kan hlauh vang tih lam chu ka sawi langlo, amah a inthiam loh ka duhlo Duati duhdan pawh ani ngei ang

" Athusawi hi adik em? " Lawmkima en ran chungin Papuia chuan ati nghut a

" Atir khan neih ka duhlo pawh anilo englo..ka.. Ka chhungten nupui nei turin min nawrluih vang ani " ati nawk nawk a, Mipa ah ka ngai ngailo tunah phei chuan ka ngailo leh zual

" Mipa ah ngai che ila chuan i hmai kha hmuhtlak a awm tawh hauhlo ang, hmeichhe kut ka thlak ngai loh avangin inpahnih khan inla him anih hi, in hnathawh ve ve hi ka tihtawp sak thei che u " Kati kha fak a, ka thinrim lutuk hi ka tihrawl hi aza zek zek thei, ka sawi ang khian kati thei a, tih ngei pawh ka duh 

" Nupui, lo inenkawl ṭha rawh, kalo tlawh leh thuai ang che" ka tih hnuah ka chhuahsan a, Office pan a inkhalh chhuah pahin Duati ka call, reilo ah alo chhang a mahriati'n ' Lungleng hma si ' ati ri ka hre nghal bawk

" Min ngai vaklo ani maw? " Ka tih chuan alo nui hak a

" Chutiang pawh anilo, I buailo ami? " a aw zang vah chu hriat anuam riau

" Buai ṭep, Inu ka tlawh zo chiah " ka tih chuan reilo te chhung chu angawi vang vang a

" Eng nge a an " Ati hak 

" Aṭha, angaihtuah lutuk che ania, lo ngaihtuah buai lutuk suh, chanchin kalo hrilh che anih hi, Kalo hawng hma ang" ka ti zung zung a, athaw suai suai chu phone chhan aṭang pawn ka hrechiang viau 

" Aw le, fimkhur la " ati sep a, Ṭhian aneih lai anih avangin be buai reng duhlo in ka dah thuai. Office ka thlen hnuah file pawimawh ka check nghal zung zung a, rilru akal phir lai ani bawk nen hnaah chuan rilru ka seng thei derlo, Mimal buaina leh chhungkaw buaina hi office ah ka ngaihtuah zawm duh ngailo a, Mimal thil leh hna chu ka thliar hrang hram ṭhin mahse, tun ṭum chu ka rilru a kap run a hnathawh chu ahreawm lamah akal. Ning zetin file chu ka khup a, chair ngheng dawtin ka hmai ka tuai puat, ka ka(mouth) in ka thaw chhuak ham ham a, chutia ka awmreng lai chuan, kawngka alo ri rak 

" Nu " Kanu lo lut ka hmuh chuan ka ṭhu ngil nghal awt

" Biak che ka duh " ati ram hmarh a, Nimin thil thleng avang khan ala lungawi lo tih ahriat viau

" Office ah mimal thil sawi ka duhlo tih ihriat kha " kati nghut, kanu ka zah loh avang lam anilo, heichu chu ahma aṭanga ka tihdan ani, kanu pawh hian ahrechiang

" In a kal turin ko che ila ilo kal duh dawnlo tih kan hre ve ve " Ati a, asawi dik min ko pawh nise ka kal kherlo ang

" Eng nge i sawi duh chu " ka ti ta nge nge

" Mapuii te nupa ka va hmu a, An fanu lo hruai turin kati " kanu chu ka melh nghal khui

" Ka nupui hi ṭhen ka tumlo, min chenpui theilo anih chuan kan indang mai ang " Kanu mitmeng ling nghal phat chu ka melh let run a

" Kan hria ang chu " Ti hmakin atho a, achhuak nghal hmak, kanu thil tihdan chuan min ti thinur takzet, Hna ah rilru ka pe thei chuang silo nen hawn mai chu ka tum a, office ka chhuahsan dawn chuan ka phone alo ri a, Duati anih ka rin laiin Mahriati zawk alo ni

" Aw Mahriat " Kati nghal tlawng a

" Udampui, Puipuii an hruai daih ania " Ka ding nghal chawt

" Eng nge i sawi awmzia, tu in nge hruai " ka car dahna lam pan in ka pen pawk pawk a

" Apa in alo hruai " Atih chuan ka phun chhuak hluk, Kanu vang bawk ani

" Aw le " Call chu ka dah a, motor la chhuakin Papuia te in lam panin ka inkhalh chhuak nghal, traffic ala jam khanglang lehnghal rilru hmanhmawh nen stearing chu ka chum leh pawp a, Duati ka call lahin swich off a in ti tlat bawk si, reife hnuah Papuia te in ka thleng ve ta hram, door bell ka hmet a, tuman anlo hawn loh avangin kawngka chu ka beng dawt dawt

" Bawiha " Nupuii'n kawngka alo hawng a, min hmu chu a beisei vaklo ani ngei ang 

" Ka nupui inhruai emni? " Ka inthunun hmanlo ka aw ri chu abung ṭha khawp mai

" Lo lut phawt teh " kawng min kian a, ṭhutkhawmna ah huan Papuia alo ṭhu a, ka pan hnai vut

" Duati hi ṭhen ka tumlo " Ka ti nghal hmuk, Duati chan ka hlauh luatah hlauhthawnba avangin ka thinphu adanglam anih chu! 

" Ahma thei ang berah sum kanlo chhuah ang " Min ngaipawimawh lo zet a atih chuan

" Papui " ka ti ṭhawt ve ta ṭhawt a

" Lawmkima pawn neih ahnial tawh lo achhungte pawn an pawm a, inu te lam an lungdam silo, naute pawh apa diktak bulah piang rawh se " Papuia chu ka melh ngawt ngawt

" Duati hi bungrua ani emni? " Ka ti zuai raih a, Papuia ka hriat ṭhin kha ka hmu tawhlo

" Amah pawn neih ahnial hleinem " Ka kawchhung so bulh bulh chu avawt rawih rawih in ka hria

" Amah ka hmuh hma loh chu ka awih lo " Ka ti sup

" Ahmu duhlo che, tihian in inṭhen tawh lokal tawh suh ang che " Mipa ka nih angin ka tlawm a, Pasal ka nihna ang pawh in tlawm tak kani. Atan theihtawp ka chhuah laiin ani chuan a bialpa hlui neih pawh ahniallo maw! In lam ka pan a, inchhung chu areh a aruak huai maiin ka hria, Duati ka ngai veng veng a alakah ka thinrim viau lai pawn amah ka ngaihna hi areh theilo, Fridge a ka beer dah chu ka la chhuak a, Whiskey kala tel bawk, engmah hrelo a chahthlak hmak ka duh ber.

Karkhat lai aliam tawh a, ka hun hman mek chu amumal lo takzet, Office ka kal ngailo a, inlam aṭangin ka thawk mai ṭhin, zan ah chatthla khawpin zu ka in ziah a, ka hun tawn mek chu harhfim a hmachhawn ka zuamlo, ka phone ka off tlat zel bawk achhan chu tu in emaw 'Puipuii'n pasal anei dawn' tih minlo hrilh ka hlauh vang ani, Chatthla fo mahila ka harhfim leh rualin Lalhlimpuii bawkin ngaihtuahna aluah khat leh ṭhin. Kanu lokal atum fo a mahse, kawngka ka hawn ngailo, Kala tawn ngai loh natna hi pachang takin ka tuar thei derlo, Fim taka paltlang ka ngamlo bawk, Hmangaihna hian mipa pawh minti Mipa zo lo chu anih ber hi! Ka phone ri chur chur chu ka melh ngur a, Ka ṭhianpa Nicholas hming screen ah alang va va bawk

" Sawi rawh " ka lak rualin kati nghut a

" Kawngka lo hawng teh " Alo ti let hluk, phone adah nghal hmak a, ka din chhuah rualin ka pai nghal khut khut, ka lu ka thing nawk a kawngka hawng tur chuan ka phei chhat chhat 

" I awmdan chuan minti lawmlo hle mai " Whiskey bur ruak vel en kual pah chuan ati a

" Ohh " ka tih chuan arum nghut 

" Tun hi harhfim taka i awm hun ani asin " Ati hluk a

" Ka duhlo " Sofa ah chuan ka ṭhu thla dawt, nghenchhan nghengin mit ka chhing vang vang bawk

" Fim taka hmachhawn hi mi puitling zia ani " atih leh chuan meng in rum zetin ka melh a

" Ka puitling lo ani mai " Ka ti let hluk a

" I thil in hian awmzia aneilo tih chu ihrechiang viau ang chu, Ruih areh a ngaihtuahna ngai bawkin min chenchilh a, chahthlak tawp loh chang phei chuan hreawm tih luatah mahni kan inti na ziah " Ati dam thlup a, Asawi hi adik vek bang ka hnek bur bur chang pawh atam

" Fim takin hmachhawn tum tawh rawh, Nang aia puitling lo zawk pawn ka tuarchhuak thei a, nangphei chuan ithei tih ka hria " Ka rilru hneh tum tak chuan ati leh a, Nicholas hi a nupuiin a uire san a, an nupa khum ngeiah aman anih kha! atir khan keimah ang chiah hian atalbuai, keichu min uire san em hleinem

" Aṭha alawm " ka tih chuan ka dar ah hnek zeuhin, anui pah hak a

" A eng zawngin thlir rawh " Ati leh a, Whiskey la bang chu amah nen kan inzo vek, kan in hma in ' Hei hi atawpna ni rawh se, hmeichhe dang antam tiin ka hnem dawnlo che tianga i awm chhan hi hmeichhe pangai nilo in adanglam bik tih ka hriatpui che mahse, chakloh nan hmang lo in chak nan hmang rawh ' ati a, asawt loh zia hretu kani a innawn leh ka tum tawhlo bawk. Office ka kal leh tawh a, karkhat chhung khan ka taksa achhe hman khawp mai, Media lamah nupui ka ṭhen thu an tarchhuak chuai chuai a, kan inṭhen chhan inrinsiak in comment lamah zeldinna thu atam khawp mai, hna ka kallo rei a buaina liantham erawh athlenglo, hming sign tur file a awm ṭeuh tih mai loh chu, nilengin hna ka thawk a rilru la peng tu atan aṭha hle, Zu in lo khan hna lo thawk ṭawk zel ila mizoram in hma kan sawn pui zawk daih ang, ka ngaihtuahna avang chuan ka kiai suk, ka nuih khatzia ka hre thar bawk, tlai deuh takah inah ka hawng a, kawtah chuan kapa alo ding reng 

" Kapa " Motor aṭangin ka chhuk a

" Ilo hawng tawh ani maw " ati dam thluam

" Lut ila " Ka tih chuan alu athing a

" Tah hian in be zawk teh ang " Ati a, asirah chuan ka ding ve run 

" Chanchin ka hria a, Inu pawh ka hauh kha " Ka ngawi reng, sawi tur ka hrelo a sawichhuah ka chak lo bawk 

" Tihian kan inṭhen ani mai " Ka tih chuan 

" Engmah ila hre velo emni " Ati khauh a

" Engchu maw? " Ka ti sup

" Sum anlo chhuahlo " ati a, kapa chu anui pah suk

" Thinrim lai hian thil tih buan buan ṭhin loh tur, thudik chu engpawh nise minti na thei tu pawh nise hriat aṭha, inu pawh athinrim laiin ache buan buan a, nakinah ala inchhir leh dawn, In pahnih thil tih ah khan ka lawm biklo mahse, Puitling inni a intih hnawk chu inthian leh mai tur ani, fim takin awmla i tihtur tlanchhiatsan suh " Ati leh dap dap a, mak deuhin ka thawveng huai mai, kapa hawn hnu chuan inchhungah lutin ka phone chu ka enkual a, Mahriati minlo biak tumna bakah midang pawh atam mai, Nupuii min biak tumna ka hmuh chuan ka call let vat a

" Bawiha " Achhan rualin ati ban charh a, ring ngam chiahlo te pawh a ang

" Nupui " Ka tih chuan hahdam huai ang maiin thawk ala suai suai a

" Biak iva har ve, minti mangang lutuk alawm " Ati deuh ṭiau a

" Ka tihpalh lutuk " Ka tih chuan 

" Nilo e, engkim hi kan thiamloh liau liau ani, i hman chuan naktukah kan inah ilo kal thei ang em? I buai chuan apawi chuanglo a " Inthlahrung taka atih leh chuan ka thaw hawk

" Nupui, inthlahrunna tur a awmlo, Duati eng nge a an " Ka ti nghal tawp a, thusawi tur pehhel kual vel hi ka thiamlo 

" Bawihtei avang ania hmuh che ka duh thil ṭhalo athlenglo ania, phone ah chuan thilsawi ahar, naktukah chuan ilo kal dawn nia " ati zung zung a, phone adah nghal daih ngaihṭha vaklo mahila Duati ka mitthla rualin ka hahdam leh huai huai tawh, ahma kha chuan ka thinrim in ka na ngawih ngawih zel kha ani a, Sum anlo chhuah lo tih ka hriat bakah kapa ber ka lam aṭanga nupui ṭhen ka nilo bawk. hnim pik tak aṭanga chhuah ang vel ani.

Cont...