Tuamdamtu chapter-21

 Dampuia pov(cont)

Office kallo in Duati te in lam ka pan a, nidang anglo takin ka phur sarh mai, hmeichhe pakhatin tiang em em hian min sawp kual vel chu ani si a, ani chuan ahre tawp nang

" Lokal rawh " Nupuii'n kawngka min hawn a, ataksa tla deuh kuam ah chuan arilru achawllo tih ahriat

" Room ah atawm tlat zel a " Ka zawn ahria ani mahna

" A damṭha tiraw? " ka tih chuan nui sukin ṭhu turin min mitmei zeuh a

" Adamṭha chuan ka hria " Ati zuai raih, thil diklo a awm tih hrethiamlo turah min ngaih chuan angaisual viau ang

" Diklo a awm tiraw? " Ka tih chuan abu nghat a, ka zawt zui tawh lemlo min hrilh hun nghakin ka ngawi reng

" Heta ilo kal khan hrilh vek che ka duh a mahse, buaina atam mai mai dawnin ka hre leh a" ati a achawl leh dat

" I papuia mizia hi adanglam khawp mai, Bawihtei duh lo chung ahruai lui a, ilo kal hma khan engmah sawilo turin min vo bawk, ka taksa achaklo sa nen khatiang boruak kha ka zolo a, engmah pawh ka sawi talo anih kha " atih chuan thil thleng zel hriat chak na in ka thazam hi aphu uih uih mai

" Khami zan khan luhlul chhuahin Bawihtei room ah khan han kalla kati asin mahse, i hawng leh ta mai si a, i reh zui vang vang bawk nen i call tlang theih loh lehzel a, ka mangan zia chu " Min dem zawngin asawilo tih ka hria mahse, keimah hi ka indem khami zan khan engmah hrechianglo in ka chhuak kha ani a, thinrimna in min hneh leh zawk vang ani, ' I thinrim hma in hrechiang phawt rawh ' Duati khan ati ziah a, ka thinrim hian ka insum hman ngailo, amah atelna anih ngat phei chuan insum theihna leh dawhtheihna ka nei tlem bik ziah.

" Ka han chho thei em? " ka tih chuan 

" Thei lutuk e " Ati var a, min lo hmachawn dan tur ka hrethiamlo, athinrim ang nge ahlim zawk ang rindan pawh ka nei thiamlo, a room kawngka zawnah ka ding a ka kik karh karh, min chhangtu a awmlo a, areh vang vang lai chuan room chhungah chuan thawm ri dawt a awm a, kik buai tawhlo chuan ka hawng nghal rawk

" Duati " Ka pan hnai nghal ruak a

" Engtin nge i awm? " Khum ah aṭhu a, apum dawmin akun ngawih ngawih, thil ri dawt ka hriat kha, khum bul table a light ahun tla ri ani ngei ang, chhuatah alet bal mai

" Ka pum " tham ṭiak a atih chuan ka pawm kang nghal lawp a, a taksa tla kuam pawh hmuh ahreawm tawh nen ana tuar hmel chuan ka kawchhung afan a, thawk harsa khawpin ahreawm

" Awi lalpa! Engthil nge thleng " Kan inpawm thla min hmuhrualin Nupuii alo au chul a

" Nu, Apum ana damdawiin ah ka hruai dawn " Ti mawl tawpin ka ka pen pui pawk pawk a, Nupuii pawn min lo zui chhuak nghal hlawk hlawk

" Ahnungah hian ṭhutpui rawh aw " Duati chu ahnungah dimte in ka nghat lut a, ana ti lutuk hmui pet fan fan chu abiangah ka chul zeuh a, motor ah hmanhmawh deuh a ṭhu lut in ka tlanchhuahpui nghal, ka taksa engkim hi aṭang ṭung a, Na atih luata alo rum chhuah leh halh chang chuan ka inseh ruh ngawt ngawt ṭhin

" Bawihte, iṭha leh mai ang Damdawiin kan thleng ṭep aw " Nupuii chuan asam chulsak heuh heuh chungin aṭawng thlamuan sep sep a, ka rin aiin a chiai lo daih, tuna tan chuan alawmawm viau bawk 

" Nu.. ka thi dawn aniang " Atih zet chuan ka rum chhuak hrawk, tinge Lalhlimpuii hi avanduai em em, Hmeichhe duat phu leh hlim phu ber ani asin.

" Ithi dawnlo " Ka ti hrawk a, ka speed ka san zual sauh bawk, Damdawiin ah ka pawm luh rualin anlo buaipui nghal chuk chuk a, ka tha za lutuk vang chuan bang chu ka hnek dawt

" Bawiha, insum rawh aṭha leh mai ang " Ka pawm luh khan harsa zetin ka biang akhawih a, anui anih kha hrep hian! Kha anui hmel kha ka duhlo, Tumah chanchin hrilh nachang ka hriat loh laiin Nupuii chuan phone in chanchin ahrilh kual zung zung a, ṭhu hle hle theilo chuan ka veikual sek 

" Udampui " Mahriati mit chu asen deuh ram a, aṭap tih hai chi anilo

" Nau neih hun ala ni silo " Mahriati ruala doctor lokal ve chuan ati sup a

" Thla7 naah te pawh annei tho alawm " Nupuii chuan ati thuai a, min melh ralh bawk

" Tinge ka ṭhiannu hian nun hahdam tak ahman ve theih reng reng loh le " Ṭap chhuak hak chungin Mahriati chuan ati ṭiau a

" Aṭha leh mai ang " Doctor pa chuan ti leh in Mahriati chu akuah bawk, kan ngawi ṭhap a Mahriati insut leh hraih ṭhin tih loh chu thawm a awm lo, reilo ah doctor alo chhuak a, kanlo ngaihven vat

" Doctor, ka fanu chu aṭha em? " Nupuii'n ati a, doctor chhanna chu thuphu dup dup chungin ka ngaichang ran

" Apawi kanti takzet, an pahnih nunna chhan ve ve kan duh a mahse, kan theilo ani. Tunah hian kan zai nghal angai dawn a, Naute leh anu ah hian pakhat zawk zawk chiah kan chhan thei, thuthlukna siam vat turin kan duh che u, anih loh chuan an thi ve ve ang " Ka bing chuk chuk a, ka hrawk aro huam bawk, Hmeichhe pahnih chu an ṭap chhuak nghal hawk a

" Bawiha " Nupuii chu ka kuah a, hnem dan tur ka hrelo

" Nangman thuthlukna siam rawh " Atih chuan ka inseh ruh ngawt ngawt, Mipa mah ni ila pachan ahar kati, ka ka in ka thaw chhuak halh a, hun tam ka neilo thuthlukna siam tur pawh ka hrelo, Duati chuan Naute chhan turin min duh ngei ang.

" In thuthlukna chu " Doctor nen kan inhmachhawn ran a, ka hmai Ka tuai puat, ka rilru hi abuai takzet

" Ka nupui chhan rawh u " Sehchilh rapin kati a, Doctor chuan ka dara beng thak in

" Inthiamlo reng reng suh, Naute aiin anu in chance anei ṭha zawk " ati dam thlup a, inherin inzaina room ah chuan alut nghal, Naute ka hmangaih loh avang ani hauhlo, ka fa nilo mahse, ka theihna zawng zawngin ka hmangaih a, ka fa ang takin ka ngai bawk. 

" Pianglo ngaiin an ṭap ngailo anti ngai e " Nupuii chuan ka hnungah achul a, Kanu leh pa bakah Papuia te anlo thlen ve chuan Nupuii'n chanchin ahrilh zung zung a, Kapa chu ka sirah lo ding ve in 

" Naute kha i hmangaih tih ka hria ania " Atih chuan ka melh vut a, Hahdam zetin min lo nuih 

" I inthiamlo anih kha, mahni hmasial ang ah inngai suh " ka darah ahmer nghal vang vang. PAa te chu pa te nge nge, Puitlingin nupui hial nei tawh mah ila ka hahdampuiin ka la thlamuanpui reng a, ka mamawhna akiam phah reng reng lo.

Naute nunna nei tawhlo tih hriat zet chu ka melh tlawk tlawk, Aduk vek a, Mahriati leh Nupuii chuan rawlchhuah meuh in an ṭah rawng rawng

" Naute khawngaihthlak, i tuarchhel tehlul nen tinge ituarchhuak ṭep tawh asin, ka lainat lutuk che " Mahriati thusawi chuan min vilh ngut ngut, ' Naute min ngaidam rawh, i nunna ka tihtawp sak che avangin, nakinah ka lakah hian phuba ila la ve dawn nia ' ka chhungril hi arum vawng vawng, Bawihi chu Cabin ah an dahlut a

" Pastor ko ila Chhunghnai te nen vuina chu hmang ang u, Kan huanah khan kan phum dawn nia " Papuia chuan ati a, Duati tui zeta muhil sak sak chu ka melh vang vang, tinge maw tuamdamtu nilo a natna petu ka nih leh ṭhin le

" Tiharh kherlo mai ang u " Mahriati'n ati a, Aṭhiannu kut chu avuan tlat bawk

" Amah ngeiin athlahliam ve chu aṭha alawm " Nupuii'n ati ve bawk a, athlahliam ve chu duh mahila amita natna langchhuak tur te ka hmu thei kher ang em ka hrethiamlo, an inhnial nak nak hlawm a, kanu chu kil khatah dingin Duati chu alo melh vang vang, tumah ka be mumallo ka be chak lo ani. Doctor in ' Hetiang dinhmun ah chuan tiharh kherlo mai rawh u, Hmeichhia ten anfa an chan hian an rilru ano zual a, insiam rem zung zung te hi an harsat ṭhin, ka sawi awmzia chu a eng zawnga thil thlir an thiamlo ' atih avangin kan ti harh lui lo a, Naute an vui naah chuan kal velo in Duati ka awmpui a, alandan chuan lung hi ati awi thei mawlh lo, avun nung sarh ṭhin kha adang bei a, ahmui sen chek ṭhin pawh hmuh tur a awm tawhlo. Duati chu ni2 naah alo harh ve chiah a, apum akhawih hmasa ber a, athep ta vek chu ahrethiamlo nge min lo en a

" Tui " ati sep, a aw chu azawi khawp mai, hmanhmawh deuhin tui chu ka in tir thuai a

" Naute aṭha tiraw? " Mitmeng de sar sarin min melh a, Chhanna pek harsa kava ti tak!

" Duati, hahdam phawt rawh " Ka ti sup a, Nutei chu a inthiarfihlim nghal daih a

" Mahse, naute ka hmu chak tawh alawm " Nui sangin min en a, ahmel pawisawi lo lutuk ah hian mittui atla leh dawn tih ka hriatchian lutuk na hian min vilh ngut ngut.

Hlimpuii Pov

Beisei nei zetin Udampuia chu ka melh a, mitmeng hriatthiam har lutukin min melh ngur 

" Udampui " ka tih leh chuan, akiai suk a ka chal ah afawp leh te te

" Ka hruai ang che, chumi hma chuan in sawiselna inei em? " Min ngaihtuah zia hai chi pawh anilo, na sawitur ka neilo a, ka ṭhat vek thu ka hrilh vat

" Doctor kava bia ang e, Nupuii kalo luh tir ang " atih chuan hlim zetin ka bu nghat nghat, achhuah hnu lawkah kanu alo lut a, ahmel chu adik miahlo ṭap zo hlim a ang

" Nu, i ṭap ami? " Ka tih chuan lu athing nawk nawk a

" Teuhlo mai, eng nge i an " ati a

" Ka ṭha, in sawiselna ka neilo " ka tih chuan ka sam achul hliau hliau a

" Nu naute chu ahmelṭha em? I haw lo tiraw? " ka tih chuan, min kuah chawt a, atha a khur dar dar mai

" Nu " ka tih leh chuan a in sut hraih a

" Thil thleng a awm ami? " ka tih chuan min kuah reng chungin lu athing leh nawk nawk

" Engmah athlenglo, Doctor in aphal chuan kan chhuak ang a, ni2 lai i awm hahdam tawh a, i chhuah theih mai ka ring " ati zung zung a, asawi lai mek chuan Doctor leh Udampuia anlo inzui lut a

" Nu, lo insiam la kan chhuak thei dawn " Udampuia chuan ati charh a, kanu pawh a che zui mawlh mawlh, Doctor chuan ka taksa dim tur leh thildang dang ka hre seng tawhlo asawi ṭeuh mai. Damdawiin aṭanga ka chhuah chuan ka hahdam sawng sawng thei, Udampui chuan kan in lamah min hruai a

" Tu in nge naute chu awmpui, Kanu lah alo kal ve bawk si " Motor aṭanga chhuah pah chuan kati a, tuman min chhanglo ve ve, an hmelah chuan hlim leh lawm hmel pawh alang lo, inchhungah lut talo chuan in hnung lamah min hruai a, angaihna hrelo zetin ka zui ve zel 

" Eng nge hetah kan tih " Ka hmaah chuan lei vung tharlam deuh hi a awm a, heta kan dinchhan ka hriat loh ang chiah in ka thil hmuh chu ka hrethiamlo

" Naute, Inu in alo tlawh ve tawh che ania " Kanu in atih zet chuan engkim ka hrethiam ta, ka naute chu athi, keihian ka pum chhunga naute chu chhanhim zolo, ka kaihza azawi a, ka tlu tur chu Udampuia'n minlo dawm vat

" Ka naute " Ka mittui asur zung zung a, ari ka ṭap hlap hlap, nghet zetin Udampuia'n min kuah a, ka chhungril na leh tawt lutuk chu ka tal leh nawk nawk ṭhin, chutianga ka awm chuan nghet leh zualin min kuah a, ' Rohluzuala ' ka fapa hming intar chu ka sawi chhuak sep, Udampuia hnenah khan ' Fapa ka neih chuan Rohluzuala nise ka duh a, hmeichhia anih chuan Lalropeki ' ka ti kha ania, Ka duhdan te alo theihnghilh lo tih ka hriat chuan ka lawm takzet, duhtawka ka ṭah hnu chuan ka zawi zual a, Udampuia tha ringin ka ding ve hram hram ani.

" A chau lutuk, pawm lut mai rawh " Kanu in ati ri chu ahla tulh tulh a, engkim chu areh nghal duk. Thum zawi deuha ṭawng leh bul bul ṭhin chu ka hria a, ka mengchhuak siar siar bawk, ka pum bawk chu ka khawih leh a, mumang anilo atakram ngei ani, Ka naute a awm tawhlo tih ka hriat leh rualin ka mittui aluang leh ngiai ngiai tawh

" Duati, i ṭha em? " Udampuia chu ka melh vang vang, ka chhanglo a ka chhang chaklo bawk, ka hun tawn thim lutuk ah hian puh tur leh dem tur ka duh a, anih loh chuan ka ipik lutuk hi thawchhamin ka thi thei mai ang

" Duati " Atih leh sup pawn ka chhang chuanglo, ahmel chiai zetin min melh ngal a

" Iṭha miahlo " Ati ta nghut a, ka biang akhual nghal run bawk 

" Ka naute kha i thah ani " Ka tih rualin amitmeng a inthlak hlawk a, min thin nek ka rin tehlul nen engtin mah minti lo

" I rilṭam em? " thudang daih asawi te chuan ka thin ati ur zual a, ngei zetin ka melh ngawt ngawt 

" I hma i sial lutuk " Ka tih chuan, arum hrawih a ka ip nghal chawih 

" Umm, adik vek i lungawi hma chu min ankhum rawh, i duhtawkin min beng la min kek la mahse, kalsan tur che chuan minti suh " Ati ṭuak a, amitmeng ngenngawl zet chu ka melh rei duhlo

" Khawnge i kal dawn " Thawh ka tum chuan min chelh rawk rawk a

" Hetah ka awm duhlo " Ka ti hmuk, he in he room ah hian ka awm reng chuan ka a thei mai ang, Kapa in ka room ngeiah hian min kalh hnan a, Lawmkima pasal ah nei tura min tih lai te ka ngaihtuah thlen phei chuan he room hian thawk ati pik zual ngawih ngawih, Min hruaichhuak tura ka rin ber Udampuia areh vang vang a, Kanu chanchin ka zawh lahin ' Alo kal ṭep ang ' tih chauhin min chhang ṭhin, zantin ahming lamin ka ṭap a, ka naute nen khan kan mamawh ngawih ngawih asin, kapa ka haw zual a ka naute an hmu mawh lutuk te kha ka lungawi theilo

" Aw le, ka hruaichhuak ang che, kan pahnih in ah kan kal ang, aṭha em? " Ati dam thlup a, ka hnial buai biklo mahse, ani pawh hian minti na ngawih ngawih, ka dinhmun in azir lo a, kapa te bul ah ka awm peih loh chuan abulah ka awm angai tlat

" Eng nge intih dawn " Kan inzui thla kanu in min hmuh chuan ngaihṭhat loh hmel fe in min melh a

" Kan in lamah let aduh a, kava hruai hawng ang e, lo ngaihtuah su " Ati vut a, tuman engmah an sawilo, kan in kan thlen hnuah ka mu nghal hmak a, ka rilṭam em tih min zawh pawn ka chhang duhlo, zanah ka bula lo mut atum chuan ka ṭeu hlar a

" Ka bulah lo mu suh " ka ti hmuk

" Duati, engtin mah kati dawnlo che ka kuah mai dawn che alawm " Dam thlapin ati sup a

" Ka duhlo, khumah i mut chuan sofa ah sawn kamu ang " ka tih chuan athaw hawk a

" Aw le, mu rawh " Atho ṭuah ṭuah a, Sofa a muttir chu ka khawngaih leh deuh bawk si

" Min si hlek suh ang che " Ading dat a, min en vut chuan ka en duhlo lui tlat, rang zetin khumah alo lawn leh nghal thak a, ka sawi ang in min hlat deuh takah amu, Rilru mangang leh baihvai zeta ka awm lai khan, akuah te athlamuan te kha ka mamawh a, alo kal hun ka nghak reng ṭhin anih kha, chungte thlenga ka ngaihtuah thlen rualin ka mittui bawk alo tla leh tawh mittui pawh hi ka ngah zozai lutuk, ahriat hlau zetin ka ṭap a, thawm anei nghal rak rak a,eng nge atih dawn tih ka ngaihchan laiin min lo kuah a

" Ka tihpalh " ati sup, min kuah takah chuan lungchhe zetin ka ṭap chhuak hlawp hlawp a, haw ve viau ṭhin mahila amah ah hian ka hahdam ṭhin, ka ṭah chhung min kuah a, akhat tawkin ka chhipah afawp leh vang vang zel. Zinga ka harh chuan ka mit athip urh a, nizana ka ṭah khan ka inṭap muhil ani maithei, ka mitmen chu anuam lo khawp mai, Udampuia a awm tawhlo a, ceiling melh vang vangin ka mu reng, chutia ka awm reng lai chuan kawngka alo ri rak a, lolut tur ka hriatchian em avangin ka enbuai duhlo

" Nimin ah thil i ei miahlo ania " Tray alo chawi lut a

" Ka rilṭam lo " Ka ti hmuk, Hmuhnuam zetin anui a 

" Min hua ani lawm ni, i chak angai ania, chakna i neih loh chuan keimah bawkin ka puih che hi " Ka huat tura thil sawi athiam si, ngei zetin ka melh ram a

" Ei rawh le " Ka ṭhu a, ka malchungah tray alo dah, chak lo deuh chuan ka ei ve tho a, tuilo lutuk chu anilo 

" Vawiin ah in check up tir ang aw " Min en reng tih hre mahila ka thil ei lai chiah ka ngaihtuah lui tlat

" Ka damlo in i hria ami? " Kati hmuk, aw ki pangai a biak ka thei thlawtlo

" Nilo e, i kawchhung en angai alawm " Ati churh a, ka hnial tawhlo, ka hnial zel anih chuan sawi loh tur tur ka sawi leh ang, nimin a ka thilsawi te kha ka inchhir, thinrim laia ṭawng duah chu ahnu leh ah kan inchhir dan ahreawm bik

" Office ah ikal dawnlo ami? Keimah pawn ka in check up tir thei " Damdawiin ah min kalpui atum chuan ka hnial a

" I pawimawh ber " ati sup a, chhan dan tur ka hre tawhlo, khuma ka ṭhu ka tho thut chu ka lu ahai a, ka mit athim nghal vek chhuatah ka tlu hnawk ang chu ka tih laiin Udampuia min lo dawm leh hman a, ka luakchhuak et et bawk nen ka inrin hmain ka uak ṭhat a

" Tah hian luak mai rawh, apawi lo " ati a, chhuatah chuan ka luak ta nghek, ka thil ei ve te chu an chhuak leh vek, ka mitmeng apangai tawh a, ka luhai erawh ala reh fello, chu chu mitmen ati hreawm zual, min pawm kang nawlhin Washroom ah min luhpui a, ka kamṭhuahna tur tui min pek chu kalo la vat

" Lo mu hahdam rawh, i bp a che ani maithei " Ati a, ka mit ka chhing nghal bawk, Udampuia chuan thawm anei leh zeuh ṭhin, eng nge atih hriat tuma ka men siar siar chuan chhuata ka luak kha alo tifai mek anih chu! Ati fai zo adinchhuah ruai ruai takah chuan ka muhil der a

" Duati " Ka mit ka men chuan hnai zetah minlo melh a, ka meng phawk vak ahmuh rualin a kiai suk

" I luhai azia tawh em? Damdawiin ah kal ila " Ati cool ruih a

" Umm " ka ti tham ṭiak, ka tho tur chu min pui a, ka bag chu min lakkhalh leh bawk

" I kal thei ang maw " atih leh chuan ning zeta thaw hak chungin ka kalsan a

" I bp ahniam a, i hb pawh ahniam mahse, hlauhawm lutuk erawh anilo e, thil eiṭhat angai a thisen siam thei thil eitam angai bawk ang " Kei ai mahin Udampuia chuan angaithla uluk zawk

" A kawchhungah fello a awm ang em? " Udampuia chu ka melh dawrh

" Naute kha apangai tawh a, fello chu a awm ka ringlo mahse, induh ṭalh chuan kan check thei tho a, thisen hlawm chu nise tihfai angai ang " Doctor in ati chuar chuar a, Udampuia chuan min lo en zeuh a

" Angai kherlo " Ka tih sep chuan min hnial biklo, Doctor in vitamin tih ang reng min chawh ṭeuh a, Damdawi alei laiin abulah kalo ding ve reng

" Puipui " Ka leh hawi a, Mahriati'n min lo nuih var var abulah a bodyguard rinawm Mahlima ading ve run bawk 

" I duty alaw " min kuah chuk chuk a, nui hak hak chungin ka kuah let

" I chungah kala lungawi lo ania " Udampuia chu a melh rum lui leh vel a

" I lungawi hma chu I bialpa kha kuah mai rawh " Udampuia atih chuan Mahlima alawm hmel vur vur khawp mai

" I mei ani ringawt " A bengbulah ka phun sep chuan za zetin anui chhuak a, mipa pahnih chuan ngaihṭha lo zetin min en dun

" Thil atih ruk theih loh " atih sar sar chuan ka nui hak hak, coffee in turin kan inzui chhuak hlawm a, kan in zawh hnuah Damdawiin ah an let leh a, keini pawh kan in lamah kan let ve nghal, ka belo a min melh leh zawk ṭhin tih loh chu aṭawng biklo. 

Cont..