Tuamdamtu chapter-7

 

Kimkimi tlau

Inhnuai ka thlen ve chuan, a P.A nu nen khan anlo ding dun reng a, henu hi eng nge alo tih dawn le

" I hman tawh maw " ati sup a, abul ka thlen chuan ka kawngah min kuah in alamah min pawt hnai deuh salh bawk, a P.A chuan min nuihsang mahse, amitmeng verther zet chu ka hmuh hmaihlo, buaina min thlen athiam ngawt ang

" Duati " ka phu deuh zawk, Udampuia chu ka en vat a

" Eng nge ni " Kati sep, ka ngaihtuahna ka kawm nasa leh lutuk ṭhin 

" Engmah anilo, kal ang " ka kawng a chelhna chu athlah a, ka darah min kuah leh tho

" Jenny, Kha chu ka nupui ṭhutna tur alawm " Udampuia chu ka en kawk, Jenny chu za lo zetin anui a ahnung ah alawn zui nghal, anuam lo duh khawp mai mahse, ahmaa lawn atum nghal ringawt kha, hmeichhia ṭheuh ṭheuh kan in anglo takzet ani, kei ni ila ka tih ngam loh tur thil ani bawk, Ahma kawngka min hawn sak ah chuan ka ṭhu lut ve nghal a

" Shooting neih i duh em? " Alo ṭhut luh ve rualin ati a, min thlek zeuh bawk

" Ka hrelo le " ka ti sep a, ka chak em em chu ka hrelo mahse, cousin ten min phur pui a shooting neih te kha an chak a, ka hnenah pawh an sawi nasa ve a, ka duh dan dan a lo awm ringawt kha ka ti vui ang tih ka hlau ve tho 

" Sir, hunawl i nei lo " Hnunglam aṭangin Jenny in ati a, ka thaw hak

" Jenny, thil hmanhmawh thlak anih loh chuan hna lam sawichhuak tawh suh " Ati nghat a, aṭawngchhuak aṭangin hnial chi anilo tih ahriat keipawn ka hria anih chuan Jenny phei chuan ahrechiang khawp ang 

" Vawiin ah chuan kan hmanlo ang, naktukah kan ti mai dawn em ni ang, Jenny lo buaipui rawh " Ati leh nghat a, tumah kan ṭawng tawhlo, Jenny hi awm ve kherlo se Udampuia hi thil sawipui ka duh ania, Udampuia tein kan thlen leh chuan inleng anlo awm leh nual tawh a, kan pahnih min hmuh rualin min lo be hlut hlawm, Mahriati pawh alo awm leh reng tawh min hmuh rualin min lo pan vat 

" I chau em? I hmel avan diklo ve " Min en thuak hnu ah, Jenny chu a melh ralh a

" Ka ṭha alawm " Ka ti ve vat 

" Kan lut dawn mi? " Udampuia'n atih sup chuan Mahriati pawn min chelhna chu athlah ve mai a, inchhung kan luh chuan kanu leh pa te chuan inleng ho chu min in chibai tir a, ka hmelhriat an awmlo hrim hrim

" Mo thar thingpui pek an duh kher si a " Kanu(Dampuia nu zawk) chuan ati a, anui har har bawk Udampuia chu an bulah aṭhu a, Mahriati nen choka ah kan phei thung 

" Awi, ka khur vel ania " Thingpui chu sem theih mai turin tray ah an rem thlap tawh a, thingpui lo siamtu tleirawl chuan min nuih hak hak, am zetin boruak ka hip lut a, tray chawiin khur der der chungin Ṭhutkhawmna lamah chuan ka phei a, Udampuia chuan chiang zetin min lo melh a, inleng ho chuan min fiam a an nui leh dar dar ṭhin, Udampuia thingpui ka pek ve chuan ka kut chu atawk pah zeuh a, rang zeta ka en chuan a kiai suk thung. No ka seng fel leh thlap hnuah inchungah Mahriati nen kan inzui chho a, room chu ala hnawk ṭha viau mai

" Iṭha tak tak maw? " Ati leh ṭhin a, ka lo nuihsan mai mai thung

" Ṭha e, tinge " Jenny ahmuh tel ve avang khan ani maithei 

" Jenny kha tinge inrualin alo kal theih " Ati chiah reng a, chik fe in min en reng bawk 

" Nia, ka hre biklo zinga ka harh khan Udampuia nen an lo inbia a, eng nge an sawi ka hre biklo " Ka dar ka chhin ak laiin athaw hak a, engah mah ka ngailo lui tlat thung

" Naktukah shooting kan nei dawn a ang " ka ti hluai a, kan thusawi lai thlak ka duh avang ani

" Aṭhat chu, kar leh ah hna ka ṭan angai leh tawh dawn a " ati a, thildang dang sawiin kan nui leh hak hak ṭhin, ka thuamchhawn chu azawng zawng rem zo theilo mahila a zualpui chu min rempui vek a, chaw ei tura min lo koh avangin inhnuaiah kan chhuk a, mikhual an la awm ve ṭeuh a, kan chaw ei te chu kan ri nawk nawk mai, ka chaw ei atui ve ṭan bawk nen ka ei nasa lutuk

" Pasal neih i ngeih dawn " Udampuia cousin ten min fiam zeuh zeuh a, tawi tete in ka nui leh ngawt zel, I pasal antih te chuan ka ip chawih ṭhin, ka pasal atan ka pawm lo nge ka dawtsawi hian min ti hreawm ka hrethiam chiah tawh biklo. Nilengin room kan ti fel a, tlai anih meuh chuan room pawh afel thlap tawh, Zanah present hawnna kan nei a thil kan dawng ṭha hlawm ngei mai, Kan mut ve dawn meuh chuan dar11 ari thuak tawh, kan pahnih chiaha kan awm leh takah chuan ka zam thar leh em em tawh, a inbual hlan chuan ka mu fel leh diam tawh a, alo chhuah hnu pawn ka muhil der tlat 

" I muhil der thiamlo lutuk " Khum ahniam sat a, min man chiang thei lutuk chu ka nuih pawh aza lo, ka muhil der tih ahria anih pawn hriat loh der ve mai tur hi ania 

" I ke kalo hmeh dawn che ami? " Puan alo keu chuan ka ṭhu chhuak hluai a, ka ke ka tawm nghal bawk, ka chet dan chu mak ti zetin min thlir reng a

" Ka..englo hmeh angailo " Ka ti bah nawk nawk a, chiang fahranin min melh ngur 

" Duati, i hahdam thei em? " Duati ti a min koh chang hian ka vai ruai a hmeichhia ka nih angin ka famkim ngawih ngawih in ka hre ṭhin mahse, ka ngaihtuahna afim a ka dinhmun ka hriatchian leh chang chuan ka awm chhung hi ana nget nget thung

" Khati khan min ko suh " Ka ti thlawt, Duat ka mamawh a min duat a min ngaihsak reng chuan alakah rilru ka pe ang tih ka hlau ani

" Duati " Ati nghat a, rum zet a ka melh laiin hahdam deuhin min en run 

" Mu rawh, ka ṭha in sawiselna ka neilo " ka ti a, amah pawh enlo in ka meng kual ralh ralh a

" Hahdam ṭhin teh, ka ei lovang che " Ati nghet charh, keipawh chu ka inthlahdul ve ta deuh a, a awm loh na lam hawiin ka mu meng kar, ka ke chu ka tum loh deuhin kati che leh zawk ṭhin a, puan kan in sin ṭawm bawk si ahria ang tih ka hlau, dim te in ka hawi phei a, amuhil ni ngeiin ka hria ka ke chu ka dahchhuak leh zal zal a, nizan ang khan asa lo a mahse, aza thung, tum loh deuhin ka ti che leh ṭhin, thawh leh ka tum lai tak chuan Udampuia chu alo tho chhuak nawlh a, engmah sawilo in closet lam apan a, mak ti zetin a chezia chu kalo enreng ringawt, Rizai pakhat pawm chungin alo chhuak leh a

" I muhil tawh emaw ka ti a " Ka ti sep a, ka ti harh zawk anih ka ring deuh, ka inthiamlo ngei mai 

" Ka " ka tih laiin ' Duati ' ati deuh hluk a, ka thusawi tur ahre lawk ani mahna

" Min ti harh lo, ka muhil der zawk anih kha, ka muhil lo tih i hriat chuan hreawm ituar reng dawn a " Ati leh nghat a, athinrim avang anilo tih ka hria, min ngaihtuah lutuk te chu ka hnukulh ṭeuh mai, tunlai ka rilru no lutuk hi a aninawm

" Fb ah khan min troll ve ringawt a " sawi tur ka hrelo lutuk chuan kati chhuak phawng a, Vawiin ah fb ka luh zuai lai khan ka hmu a, ṭawngkam an duhtui lo si a eng ber kha nge min troll chhan ka hrelo ' An inla changkang lutuk, sawrkar sum hmang mai mai ' tih ang reng in anti duah hlawm a, ' Sap ho tihdan an la lutuk ' tih ang reng te ani nuk hlawm, Udampuia phei chu sawrkar sum eiru ang hialin an sawi hlawm anih kha

" En tawh suh, an duh duh sawi rawh se, fake ac hmang mai mai " Ati mai a, kan puan sinlai chu atheh hlim a, ka ke dahna turah chuan rizai chu adah bawk, eng nge atih dawn tih hrelo in bangbo zetin ka en reng a 

" Hetia ke dah san hian ke za azia ṭhin anti, mu rawh le" ati sup a, hnial buailo chuan ka mu a, rizai ah chuan ka ke ka kham bawk, azia nghal phei chu ka hrelo, Kan puan sinlai chu min sin ṭhattir a mahse, ka ke erawh akhuh tello thung, bathroom ah alut a alo chhuah leh chuan towel te hi alo keng tel a, mu chungin kalo en reng 

" Angai lo " Towel huh a ka ke alo deh takah chuan ka che phat a mahse, ka ke a chelh hman tho

" Awm ṭha mai mai rawh " Atih hmuk chuan ka inthlahdul a, Towel a deh pah chuan ahmet neuh neuh bawk, kan inneih dawn khan hetiang hi ka beisei phalo hrim hrim, ka mualpho loh nana min nei tur ringawt pawh kha ka tan chuan atawk lutuk, hetiang hi chu atih ka ring phalo

Ka beisei loh ang vek a thil athleng chu dawnsawn ka thiamlo ani, ngai ah ka neih mai ka hlau a beisei na awmze neilo zet ka neih ka hlau bawk 

" Udampui " Ka ti ṭiak a, ka hrawk athip hlar mai ka dang aro hulh bawk 

" Sawi rawh, Duati " Ati sup a, ka ṭhu chhuak chu mitmeng dam thlap in min lo melh run, chhuat ah a ṭhingṭhi a ka ke ngawt chu a buaipui

" Tinge hetiang hi itih " Ka tih rualin ka biangah mittui aluang thla nghawi zawih a, ka hru nghal thuai. Ka mittui tla ahmuh chuan athaw hrawk a

" Ka nupui inih hi " Ati nghet charh a, mitmeng dam thlapin min la melh ngur, eng ang rilru nge maw aput bik le, mipa dangin an theih ve miah loh tur thil atih reng bik le

" Azia tawh ania, lo mu tawh rawh " Ka aw chu atham chhel mai, min hnial lemlo chuan alo tho chhuak ve ruai ruai a, towel huh chu khum bul drower ah adah a, khumah alo lawn ve nghal, min hnaih deuh takah alo mu a, ka ṭhu lai chu dim deuhin min pawt mu riai riai, aban min kham tir bawk 

" I duh chuan i ṭap thei alawm " ati dam thlup a, a awm ah nghet deuhin min kuah bet, hetiang reng reng hian kala thlamuang ngailo, tuman tiang taka hahdamna thlen khawpin min la kuah ngailo bawk, Lawmkima ni e Lawmkima pawh khan min kuah fo a mahse, ka hahdam ngawih ngawih ka hre ngailo, Lawmkima pawh chu engvanga ngaihtuah chhuak fo nge maw ka nih le. 

Zinga ka harh chuan alo eng ut tawh a, Udampuia chu ala harh lo tih hriat takin thaw sak sak chungin minla kuah run a, dim deuhin min kuahna chu ka dah sawn sak, nizanah keimah avangin ameng rei a, kala ṭah khum hrep zui kati buai ve ngawt mai, kan pahnih inkar boruak chu rin aiin azia phian, Washroom ah ka luhsan a, ka chhuah leh chuan khum ah sam hnawk niai chungin alo ṭhu a amit achhing tlat bawk, ka thawm ahriat takah chuan a meng chhuak ruai ruai a, a landan chu a 'Pa' ngawih ngawih

" Morning " Ati ṭuak a, nuih hak chungin kalo 'morning' let a ani pawh a kiai suk tho

" Va inti fai vela, mut i khamlo viau em? Shooting chu kan tilo mai dawn mi? " Cream inhnawih mawlh mawlh chungin darthlalang aṭang chuan ka en reng a

" Ṭhulh lo ang, ka ṭha " Min en nghal run a, darthlalang chhanah chuan kan in melh ran 

" Ka chhuksan dawn che nge kalo nghak ang che " Angawi ngul a min en reng bawk si

" Min lo nghak rawh ka reilo ang " Amit pawh ala sawn veta alawm tho vutin Washroom ah alut a thawk kala nghal ham ham, boruak hi ahip tam bik ṭhin aniang. Ka sam chu ka ṭawn ṭha mawlh mawlh a, darthlalang ah chuan ka hmel chu chik fein ka en reng, adanglam vak pawh ka hre chuanglo 

" I hmelṭha alawm " Ka phu zawk, ka leh hawi vat bawk a towel keng chungin ka sirah alo ding reng

" Min ti phu " Ka ti hliai a, towel chu kalo laksak vat, lungawi hmel deuhin min en, Balcony a tlakdal ah chuan ka va zar pharh a, Ka luh leh chuan alo kawr alo thlak ve mek a, asam chu athawh hlim ang chiah khan ala thur sang mai, pan hnaiin dingdihlip ak ak in asam chu ka han ban a, ka tih tur ahrethiam nge a awm hniam ve thuai a, dingdihlip tawh lo chuan asam thur sang chu ka chul mam sak a, ka kawngah akut anghah leh rualin ka thaw hak, min khawihna hi ngaiah ka nei thei miahlo 

" Chhuk tawh ang " Ka tih chuan alo 'Aw' ve mai, inhnuaiah kan inzui thla a, thawm ri nawk nawk pawh kan hre chawpchilh nghal, ala tlai chhelo dar6 apel tawh thung ang, nizan kan mut har ngaihtuah in kan tho hma leh viau a. Min lo hmuh takah chuan Kanu chuan min lo be nghal hlut, ka muṭha thei em tih te min zawt siam siam a, Udampuia pawh a unau ten an fiam deuh hlut, an ṭhutna khawm na ah chuan aṭhu ve nghal, kei erawh kanu in choka lamah min hruai lut thung. Choka ah chuan Udampuia cousin hmeichhe ho an lo awm a, rin aiin an tho hma 

" Kan tho hma ngailo ania, shooting naah kan kal ve duh sia, tukin chu kan tho hma ve mai mai anih hi " Ka ngaihtuahna hria ang maiin an zinga sang ber hmel felfai zet chuan alo ti zung zung a, chair chu pawtchhuakin ka ṭhu thla ve nghal, ka awm nawm lohna lam thilsawi an nei ngailo a, keipawn ka ngaina hlawm viau. Shooting neih kan tum avangin chaw kan ei hma a, chaw eikham ah reilo te chawlin shooting na tur Udampuia te huan kal turin ka insiam sap sap, chaw kan ei laiin Mahriati alo thleng a, ka insiam pawh min pui leh vek, Udampuia motor ah Kei leh mahriati Udampuia leh Aṭhianpa Nicholas te nen kan kal a, midang pawn car in min lo zui ve sap sap mai, ka cousin te pawh anlo kal dawn a, kan tam dawn khawp mai 

Shooting chu kan ṭan chho a, Ka zeilo si min nuih leh hak hak ṭhin a, Udampuia pawh a kiai ve suk suk mai. Kan pahnih bikin min laksak nasa a, Udampuia pawh hian aning tawh viau ang

" In fawp ru le'm " an tih chuan phawk zetin anlam ka hawi a, an nui hlawm bawk silo anti tak tak aniang, an hmuhlai a infawh te chu ka duh hleinem bakah, Udampuia nen leh nghal ka thinphu rang nghal dawt dawt chu ahre thei hrim hrim ang 

" Tih tak tak angai ami? " Ka kawngah akut pakhatin a chelh a, leh lam in ka khabe a chelh bawk, amah en turin min kuai dak deuh salh a mitmeng thuk raih leh hriatthiam har zetin min melh run, ka khur thei hialin ka hria. Ka tha te chu azawi vek a Udampuia hi awmlo se ka tlu thei hrim hrim ang, min pawt hnai sauh a, alo kun hniam rualin ka mit ka chhing tawp, Ahmui nem thep lum vung vungin ka hmui atawh rualin ka taksa ah hian current kal chhuak vek ang maiin ka ṭek chuai a, mipa ka vawikhat fawhna ani miahlo mahse, tiang taka danglam hian kala awm ngailo, ka chhanglet lo a ka awm ngaiin ka awm tawp, kut an beng dar dar ri te chu hla tak aṭang a ri ang maiin ka hria. Min thlah dawn chuan ka hmui hnuai a pet zeuh a, ka ip nghal chawih thei, nui ri sukin a in la hrang a, am deuhin thawk kala ham ham. Thim thet thet ah in kan thleng veleh chiah a, ka chau bawk nen ka inbual fai hnuah kanu te chanchin ka hrilh a, rei vaklo kan inbiak hnuin khumah ka mu thlawp a, puan sin tur pawn ka che peih tawhlo, mutthil bawrh bawrh ka chak ber

' Iva chau awm ve, Ka nupui " Ti sup ri chu ka mang hriat ruai a, ka mutdan min siamsak te chuan ka meng thei hlawl lo, ka bulah alo mut rualin alam ah ka inlet a, meng hleilo chuan

" ka mutchhuak ania " Fiah lo deuhin ka ti niah niah a, ka kuah nghal bawk, anui hak a ani pawn nghet zetin min kuah let, ka chhip ah afawp a ' Tui deuh in mu rawh ' ati sup ri chu ka hriat hnuhnun ber ani.

Cont..