Tuamdamtu chapter-8

 

Kan inneih aṭang pawn thla1 lai aliam veleh tawh a, thil buaithlak leh harsa lutuk ka tawnglo, Kanu leh pa bakah Udampuia unau te pawn min duat em em vek a, ka eiduh tur angte min lo leisak ziah zel, naute thawmhnaw tur te pawh anlo lei ve ziah a, khap hleihtheih pawh an nilo. Hetih lai hian keichu thinlung takin ka hlim theilo, dawt sawi ka nihna hian min ti tim a, naute chungchang an sawi lan phei chuan ka awm anuam ngailo. Ka dul pawh apuar ve ak tawh mahse, over size thawmhnaw ka hak ziah avangin tuman anla hmu chiang pawn ka ringlo. Udampuia pawn min duat a, hetiang bak bak hi chuan tuman an nupui an hmangaihte chungah pawh anti lovang, chu chu ka chiang lutuk tlat. Ka hna kala ṭan leh lo a, Zamtei ka ai ala kal reng mahse, kar kalta khan hotute lam aṭangin call ka dawng a, chu chu Zamtei awmdan chungchang ah ani, khatiang thil ngaihthlak zahthlak zia kha ngaihtuah zawng pawn kala zak thei

" Thawh chhunzawm kher angai emni? " Hna kal turin a insiam a, keipawh ka insiam ve tho, Zamtei an sawisel nasa a chuvang chuan kal zawm tur reng ka tumlo, keimah thlengin ka hmingchhe tel a ka hna in atuar ka hlau, hmai chhanah kala hau khawp ang

" Bansan chi ani hleinem, sawrkar hna hmuh ahar zia i hre ve reng awm sia " Lungawi lo ru deuh in kati a

" Ok, ka ngaihtuah avang zawk che in ka sawi, i dul apuar ve ṭan tawh a, form pawh i tawt tawh ang " ati tel kher a, asawi tum ber pawh ka hre mai mai lo 

" Ka len belh lutuk hleinem, ka tawt em lovang ka dul pawh alian lutuk lo " Ka dul chu ka khawih zeuh a, thawmhnaw lose lam hlir ka ha a, apuar tih pawh ahriat vak loh bakah, chuti lutuk in ala puar lian lo 

" Thawmhnaw lian deuh deuh hak kha sim teh " Ati leh hluk a, tukin chu athusawi hi a in millo thei lutuk 

" Tinge, hak anuam alawm " Ka ti ve mai a, hak anuam a mahse, ka hak chhan zawk tak chu anuamlo katih avang ani, ka dul puar ahmu anga ani chuan chiang takin afa anilo tih ahre dawn, ka lakah aṭha a min duatin min ngaihsak bawk mahse, tisual tu nih miau chuan ngaihngam leh hahdam taka awm hi aharsa ve ṭhin 

" I hahdam ve thei lo ami? Ka laka inthlahrung reng reng a i khawsa hi ka hrelo emaw ti suh " ati leh nghut a, Necktie chu ka hma ah alek kang a, rang deuha laksak in anghawng ah chuan ka suihsak ve mawlh mawlh

" Ka ṭha alawm, i bulah te chuan ka hahdam " Ka ti a, tawi te in ka nui bawk, ka kawngah ahmer salh a  

" Nangmah chiah nupui neih ka tum " Ati ril ruih, ka ring a keimah ka inrin aia nasa in Udampuia hi ka ring zawk

" Kanu ten ' Thil kan leisak ang che, tun ṭum bak chu thil liantham kan tihsak thei tawh lovang che ' anti a, Scooty min lei ru ka ti dawn asin " Hmani a kan len phei khan kapa in asawi a, Udampuia chuan phone ahman avangin ahre velo, ka thilsawi avang chuan arum nghut a, tim daiin amit ah ka en 

" Angai lo khawp mai, Nau pai chung khan scooty i khalh ang maw? Ateuhlo nasa mai " Ati chhum hmuk a, aṭawng uar vel lutuk chu ka nuih aza mahse, ka nui duhlo lui a ngenngawl zetin ka en 

" Hna ka zawm dawn a, taxi hman reng chu abuaithlak, kan in aṭangin ka hna kalna tur ahla si " ka ti nang nang a, a necktie ka suih zawh chuan ka inla hrang nghal bawk 

" Taxi hmang rawh kati reng renglo, i pasal ka awm hi ka thlah thei che " Ati leh nghut nghut a, hmmm a thinrim turin ka sawi pawh ani tawp silo a, thinrimna tur a awm loh teh lul nen 

" Hna ah i buai a, zin chhuah thut te i ngai ṭhin a, bakah meeting leh eng emaw te avangin tlai deuh chang i nei a, min thlah reng hmanlo " Ka ti ve hmak, Scooty ka neih chakna arei tawh lutuk kanu te khan two wheeler hi khalh an phallo a, achhan pawh ka u kha accident a athih avang ani, tunah chuan neih ngei ngei ka duh tawh, ka dul pawh puar over ala nilo bawk a

" Driver a awm, ka hman loh changin athlah mai ang che " ati leh nghat a, min thunun atum lutuk chu ka ngaihdan ani ta vaklo 

" Induh na avanga innei pawh kan nilo, min thunun vak tum suh " Ka sawi zawh rualin ka inchhir nghal, Udampuia hmel chu adanglam zawk a mahse, areilo hle thung 

" Kal tawh ang " Ti sup in a chhuak nghal a, achhuah hnu chuan ka hmui hnuai lam chu ka seh vak ringawt

' Ivan mawl tak, mi a nu ' ka inti mawlh mawlh a, ka bag la in ka chhuak ve nghal, Kanu chuan min lo be leh bawrh bawrh a, fimkhur turin min chah chamchi bawk, Pawnah chuan motor bulah Jenny leh Udampuia anlo ding dun a, ka kal phei chu min hmu ang pawn a awmlo, khatianga ṭawngkhum tur ka ni miahlo mahse, ka sawi zo vek tawh bawk si 

" Ahma ah khan ṭhu rawh, Jenny nen sawi dun tur kan nei" Min en map lo in ati a, Jenny chuan chan ṭha inti zetin min nek deuh salh pahin ahnung kawngka chu apawt hawng a, ka hrilhhai chu chet mai nachang ka hrelo, taxi hmu remchang ngat ila chuan he motor ah hian ka chuang miahlo ang, Driver in motor atih nun takah chuan ahma ah chuan ka ṭhu lut a, ka awm ve tih hrelo ang maiin an pahnih ngawt chuan an ṭawng a, Jenny thusawi chu Udampuia'n alo sawi belh ve bul bul zel, ka tawt tup tup a ka awmdan chu ka sawifiah thiamlo, Driver nen chuan kan ngawi ngawt ngawt reng a, Damdawiin kan thleng har lutuk chu ka thinrim ṭun theiin ka hria

" Kan sawi zo tawh tho sia, kan inṭhut thleng dawn mi? " min ti el zeta Jenny in ati chu chhan en ah pawh ka enlo 

" Angailo, kan thleng ṭep tawh " Udampuia chuan ati nghat a, tawi te in ka nui tawp aduh chuan alo sualthiam ve hi mawle, ka phone arik chuan ka phu deuh zawk thei, screen a kanu hming alan chuan ka nui var var a

" Hna chu iṭan dawn ami? " Alo ti dam thlap a, a aw hi ka ngai tawh lutuk 

" Umm,, Nizanah Zamtei pawh ka hrilh tawh kha " ka ti ve mai a

" Ini alo ang chiam a " Atih halh chuan keipawh ka thaw hawk mai, kani hi chu fate ṭan tlat ṭhin chi kha ania, afanu dik lohna lam aiin keimahni min dem leh daih zawk ang 

" Darkar2 vel ka duty anga, hunawl ka nei dawn alawm kalo kal ang, kani te pawh chu ka hrilhfiah dawn nia " pangai tak chuan kati a mahse, ṭha taka kan in hrilhfiah theih pawh ka ring chiah lo

" Khatah khan kalo chhuk ang " Damdawiin thlen chhoh hma deuh ah chuan kati a

" Tlang rawh " Hnunglam aṭangin Udampuia'n ati nghut 

" Ding rawh, khutah khuan eitur ka lei dawn " Ka tih ram hmak takah chuan Driver chu ading a, hawi let map lo in ka chhuk nghal vat, min tlanpel mai lo chuan anla ding a ka kalsan hmawk hmawk thung

" Hlimhlim " Ka ding leh dat, Dr Mahlima nen kan la inhmu zui

" Ikal ve chiah alaw " Ka ti khawmawi a, nui var var chungin athlen ve chiah thu leh thil lei atum thu asawi 

" Keipawh thil ka lei dawn " ka tih chuan ' kal ila ' ati sup a, hnial lemlo chuan ka zui ve vat, Udampuia te chu an kal tawh nge tawhlo pawh ka hrelo

" Pasal neih i ngeih hle mai " atih chuan ka nui hak hak a, ka thil ei atui ṭan a, ka taksa pawh aṭha leh ṭan tawh, eitur kan lei hnuah Damdawiin ah kan inzui chho a, Udampuia alungawi lo tih ka hria a mahse, midang bula tianga a khawsa kher kha aṭul biklo, rilru nuamlo zetin ka duty a, Mahriati chu Enmergency ward lamah a duty thung, Zanah kan duty dun leh ang. Ka duty pui ho chuan Zamtei nungchang vel an sawi sap sap a, hnar alian duh khawp mai, engtin nge tiang teh hrep chuan hna athawh theih ni, ka hauh loh chuan amak ngawt ang, Nurse kan nih chuan kan damlo enkawl te tana hmuh nuam smiling face kan pu reng thei tur ani, mimal buaina leh harsatna te avang mai mai a damlo te chunga thinrim leh hlim lo hmel hmuh tur kan nilo, Damlo beidawng te beiseina siamsak tu tur leh enkawl tutur kan ni tih hi Nurse tam tak hian an hrelo ṭhin, Thingtlang lam aṭanga lokal te hi an han hrawk khar khar zel a, hetiang te hi ka duh ṭhak lo. Eng ang mi pawh nise athlawnin damdawi kan pelo a, an sum an seng a, kan sum ahek lo bawk, ṭha deuha dawngsawng tur kan ni. 

" I buai em? " Dawhkan lo kik ri kauh tu chu ka melh chho vat a, Dr Mahlima nen kan in melh ran 

" Buai lo e, thil ei kalo tum a " Ka ti ve mai a, tun hnai mai aṭanga min nel thar anilo ahma kha chuan Lawmkima kha athikthu achhia a, khavang khan a inthiar fihlim daih ṭhin, Lawmkima khapa khan ka lakah thikthu a pe chhe ve khanglang a, zaklo lutuk mai ka thinrim nghal ṭun thei

" Va eichhuak tawh ila, ahmasa khan min hnial tawh a, tum ṭum chu ngei ngei angai " Ati a, anui pah vur vur bawk, hnial anuam tawh bawk silo ka 'aw' ve ta ngawt a, Pasal nei tawh kani a, kan inneih chhan chu engpawh nise mipa lo chhuahpui chu kan inkarah engmah awmlo mahse, anuam kati lo mi ho hi an ṭawng thei si. Kan inzui chhuak ve hnak hnak a, thil ho deuh deuh asawi a ka nuihpui hak hak

" Naute aṭha maw " ka dul thlek zeuh pahin ati a, nui var var chung aṭhat thu kalo hrilh

" Tinge a " Akal lai chu ading dat a, ka kalna ngawt kalo en a, a ding dat chu hrethiamlo zetin ka melh 

" Naute hi kala hmelhriat velo a " Min en chungin Ati sup a, ka dul lam chu a en nghal ngar

" Hey, naute nu hmelṭha leh fel deuh i tana engpawh tih huam i nei dawn ania " Atih hnu ah akut chuan ka dul alo tawk zeuh a, a chetdan chu mak ti zetin kalo melh reng, min ṭhawng lutuk tlat, min lo en a anui suk 

" Ka hnunglam saw en rawh " Ka hriattham lek chuan ati a, ka hawi phei chuan ka inchhir nghal, Udampuia chuan Mahlima nen kan che zia chu chik leh tak ngur in min lo en reng a, ahmel landan aṭangin alawm lo tih ahriat

" Awi leh! " ka ti halh ringawt ka inthiamlo viau dawn a mahse, zinga a khawsak dan khan min run ve tlat a, tuna min hmuh dan pawh chu ka hnem chawp ve mawlh mawlh 

" Hlauthawng suh " Mahlima chu ading mar vut a, Udampuia chuan kan lam chu alo pan phei pawk pawk, ka zam a ka hlau bawk, theih selang chuan lei hnuaia pil vang vang ka chak. Ka hma zawnah tak ading a

" Lalhlimpui " ati vawt raih bawk, sawi tur reng reng ka hrelo

" Pu dampui, i dam maw? " Mahlima chuan nui hmel pu reng chungin ati leh a, Udampuia hmel landan leh Mahlima hmel landan chu in anglo tak ani 

" Ka nupui taksa tawk tur kha ini hauh lo " Ati thum chhak a ka ip chawih thei, a aw chhuak chu ahlauhawm ve em ani 

" Oh.. Naute kalo fiam mai alawm " Dam dapin Mahlima chuan ati a, anui chhuak pah kher bawk, Udampuia run tawk atling khawp ang mahse, zinga a awmdan kha ka lawm biklo

" Aṭullo ber " Ati nghut a, kawngkal ten min en hrek hrek bawk si

" Eng nge ilo tih dawn? " Ka tih chuan chiang zetin min melh a

" Ka nupui kalo hmu chu thil thianglo emni? " A awmdan naupangchhia zet chuan thawk min lak tir halh mai

" Va kalpui rawh, i pasal saw ka chhaih mai mai alawm " Ka beng bul deuhah Mahlima chuan alo ti ser ser a, hepa pui pawh hi mi tih thinrim ahrat ve hrim hrim

" Mahse " ka tih chuan min nuih var var a

" I pasal alawm " ati fan raih a, Thinrim meng tur khaiin kan hmalam ah Udampuia ading ve run bawk si, Bu nghatin Udampuia lam chu ka pan leh ta nge nge

" Kal ang " ka ti sep a, zinga a awmdan ka ngaihtuah phei chuan ka be chak hrih hlawl lo, zak leh tlawm lutuk a min siam kha ka haw hlur 

" Khapa bulah kha chuan i nuih var var kha " Ati hluk a, ling hlar in ka melh thung, ani erawh a kiai suk a

" I P.A nen khan eidun mai te che u, eng nge minlo tihbuai kher " Ka ti ram hmarh a, Dr Mahlima nen a thil eichhuah ka duh avang ani hauhlo, ama lakah hian kala lungawi loh avang zawk ani 

" Khapa nen a hun thawl in neih theih nan maw? Teuhlo lutuk " Ati chhum hmuk a, kal pah chuan kan inhnial, ka hnial reng chuan kati thinrim tulh tulh ang tih ka hlau ve tho a, chuvang chuan ka ngawi ta zawk. Ka ngaihtuah a, tianga thinrim khum tur hi kani miahlo, engtin pawn khawsa in nung mahse, keichuan ka enliam mai mai tur ani, achhan chu ka tana athiltih te hi atam lulai lutuk. Kan ngawi dun reng a, ahmaa kan eina ah bawk kan lut leh order asiam ve tawh thung a, inhma tawn in ṭhu mahila ka melh lo hrim hrim, ani erawh chuan min en reng aniang ka taksa hian ahrethei tlat, order kan nghah lai chuan a phone ari a

" Sawi rawh " ati hmuk anih chu! Ami biak hi kani ang tih ka hlau 

" Ka tello in inti theilo emni? " A aw chu ala nem chuang miahlo, leh lam ṭawng ri chu ka hre fua fua mahse, eng chiah nge asawi ka hre thei lo 

" Kalo kal ang " Ati leh hmuk a, ahmel chu chiang zetin kalo en reng, rit deuh in thawk ala leh hawlh a, eitur pawh alo thleng ve chiah, min en a, amitmeng ah chuan inthiamlo na ka hmu tel thei

" Duati, Hna lamah enmergency a awm thut a " Ati chhuak halh a, ka rin sa ni mahse, asawi chuan engtin emaw ka awm tho

" Umm mahse, tlem tal ei la, ihh.. ka.ka sawi awmzia chu i rilṭam palh ang " Ka ti deuh niai a

" Ka kal nghal angaih hmel khawp mai " Ati leh sup a, eng nge tih zawh hma hauhin ading nghal vut a, nuih luih chu aharsa lutuk mahse, ka ṭhen lui sak a

" Bill kava pe ang e, lo ei zo vek rawh aw " Ati a, lo kun hniamin ka chhipah afawp vang vang, chumi hnuah akalsawn vut a, a che vel chu ka en reng bill apek zawh chuan ka lam alo hawi leh a, tawi te in kalo nuih. kawngkhar lam apan nghal vut a, ka hrawk ro hulh chuan ka thawk lak ati harsa hret ani, thawk kala hrawk a, min kalsan leh dawn tho te chuan lo kal loh law law tur ania, eitur eichakna hlawl ka neih loh avangin ka chhuak ve nghal a, Ka duty zawh tawh avangin taxi in kan in lam ka pan

" Bawihte " Kanu in min hmu chu min lo nuih var var a, za lo zetin ka nuih lui ve var var tho, kanu hi hlim lo hmel a hmachhawn ka duh miahlo

" Kani te chu i call em? " Ka ti a, sitting room lamah kan inzui phei dat dat 

" Lo leng phei ru kati a, anlo thleng dawn tawh ang " Ati sep sep 

" Thinrim hluai suh aw, nau pai tirh chuan thinrim hluai te hi aṭha ngailo " Atih chhunzawm leh a aw leh aih pawhin ka chhanglo. A chhan chu ka thinrim lo ang tih ka sawi lawk thei miau lo, kanu chuan thingpui leh ahmeh min chhawp a, kan eitur ve te kha engmah ka eilo a, ka rilṭam ta deuh nge ka pum ari rak rak mai, kanu chhang chhawp chu ka ei zo vek a

" Engmah ila eilo emni? " Kanu mitah chuan min lainatna thuk deuh ka hmu thei

" Umm, ka duty zawh veleh kalo kal nghal a " ka ti a, dawt tlem chu ka sawi tel leh kha, dawt liantham deuh ka sawi a dawt dang sawi chu alo awl ta deuh pawh ani mahna le

" I pasal in angaihsak che em? " chhang ei tur alak belh a, ka bula aṭhut leh hnuah chik deuhin min melh ran 

" Ngaihsak e, Udampuia te chu afel alawm " nui hak hak chungin kati a, a awih ve ta aniang hahdam huai hmel apu, chhang ka ei mawlh mawlh laiin door bell ari a, kanu chu hawnsak turin atho a, anlo ri lut bawrh bawrh mai, sitting room anlo thlen a min hmuh chuan Kani te nufa chu an meng deuh awk a, ka chhang eilai chu kala ei zawm mawlh mawlh thung

" Hlimi chu! Hetah ilo awm ani maw? " Nem duaiin kani chuan ati a, ka chhang lemlo ka thil eilai chu ka eilai ngawt chu ka ngaihtuah a

" Eng nge nita, leng turin min sawm tehmial a " Kani chuan hawikual zawk pahin ati a

" Eng nilo ve, Zamtei'n Bawihtei ai akal vel kha mawle " Kanu chuan zahngai takin ati a, Zamtei pawh aṭhu mar nghal at alawm 

" Uhlimi ai chu ka kal duh tawhlo ania, tiang teh tawp a in tih kha kala lungawi lo " ati nghal hmarh hmarh a, ka nuih aza zawk ani kal tir leh ai chuan raipuar lung chung pawn ka kal zel mai ang 

" Lungngai suh, kaltir che chu ka ngaihtuah lo, atir pawh khan ka ngaihtuahlo kanu zawkin asawi a, kanu ka hnial duh loh avang zawkin i kal mai mai anih kha " Ka tih fak fak chuan ling hlarin min melh a, min keh hrep achak hmel khawp mai 

" Hlimi, i ṭawngdan mai mai chu " Kani in ati ram hmarh a, ka hlau ikhaw lo mai 

" Vawiin a ka koh chhan che u chu, mi bulah min rel nasa lutuk a, kanu in ahre veleh a chuvang zawk chu ani, Zami, ka ai ka kaltir tawh loh chhan che kha i hnathawh dan aṭangin i hrethiam zawklo emni? Mi bulah min rel chiam kha sim tawh ru " ka ti leh fak a, ka thinrim ṭun tawh 

" Sawrkar ah hna i hmuh avang hian i inti thei deuh emni? Ipa sawipui na avang mai mai anih kha, inti thei vaklo maiteh " Kani zawkin ati leh a, ka thaw hak, tun ang laiah sawipuitu neilo in sawrkar ah hna neih ahar lutuk, sawipuitu neih chu thil pangai tak ani zawk tawh alawm, ka zak teuhlo

" Intih theihna tham ani ve alawm, kani " ngeiawm lutuk in ka nui tel kher a

" I fanu hian engvangin nge Nursing hi atraining aw kati, amizia leh nurse hi a inrem lo " Ka tih chuan Nunzami a che thut a, ka inrin hma in ka sam ah min kek nghal a, kanu a ṭe ṭhawt 

" Lalnunzam i u kha thlah rawh " kanu chuan ati vin leh ṭhawt a, kanu ahlauh avang nge min thlah a, ka awmdan arem loh avang leh ka inrin loh avangin ka che ve hman derlo, ka hmai te chu athip sep sep a, ka sam chu kanu in min lo chul mam sak thuai

" Engvangin nge ka fanu kut ithlak " kanu chu ka hma ah ading lah a, ti em em hian athinrim ngailo, anatna avangin thinrim chiam chi anilo, kanu kutah chuan ka vuan a

" Umapui " Kani in atih pawh chu engtin mah a chhang lo, Nunzami chu a eng ngar a

" I u hian nangmah avangin ahna achan ṭep tih i hria em? I u thusawi kha dik loh na pakhat mah a awmlo, Nurse chu maw damlo te tan biak nuam leh damdawiin a lo kal hrim hrim tan biak nuam anni tur ani, tumah an vin vak athianglo mahse, nang chuan i hna leh i nihna i hrelo " Ati hmarh hmarh a

" Nu atawk tawh, inbengdai teh " atir a thinrim vaklo tura minti tu zawk kha bengdaih angai ta chu ania, ka lu lei ana ṭhum a, ka hmai athip sep sep bawk 

" Hawng rawh u, Ka lungawi miahlo ania " ati leh hmak a, De pawh ti ngamlo in an nufa chuan an inzui chhuak a, thaw kala ham ham mai 

" I ṭha em? " Kanu in ati dam thlap a, ka sam a chul heuh heuh bawk, ka ṭhat thu ka sawi a, kapa awm hunah thilsawi ka duh avangin kala awm ve ta reng a

Cont...