Tuamdamtu chapter-9

 

Kimkimi tlau

Tlai chhe lutuk lo ah kapa alo hawng a, kanu in vawiin thil thleng vel alo hrilh malh malh, kapa pawh in ' Kalo hau ang ' ati sup a, inthlak tura room ah aluh chuan kanu pawn azui lut ve nghal, ka room ṭhin ah chuan ka awm a, dresing table ah ṭhu in ka hmaa darthlalang ah chuan ka hmel chu ka en reng, Nunzami khan ka sam chiah a kek emaw kati a, ka hmai pawh a ham pilh niai mai, ka hmai pilh ka hmuh chuan ka thinrim thar leh thut ṭhin. Inhnuaiah ka chhuk leh chuan sitting room ah ka tlang ve nghal a, kapa thil sawipui ka duh 

" Pa " ka ti a, a ep chiah ah ka ṭhu thla nghal bawk 

" Eng nge nita, ka thilsawi kha ilo ngaihtuah em? " Ati nghal zat a, kanu pawh kapa bulah aṭhu a, ka thusawi tur chu an ngaichang reng 

" Scooty ka duh, Udampuia tein aṭangin ka hna kalna tur ahla si a, Taxi hman reng ai chuan Scooty min lei rawh u, ka khalh thiam ve tho a " ka ti zo deuh chiah 

" Ateuh lo lutuk, Scooty lei maw aih ka remti lo " Kanu chuan ati nghal bawrh bawrh a, aphal ka ringlo hrim hrim mahse, ka dil lui ve tho ang 

" Pa, ka duh duh min leisak itum kha, scooty ka neih avangin ka accident ve dawn pawh ni hlei lo " ka ti ve ṭalh a, kanu chuan rum deuhin min lo melh, a hlauhthawnna hi a awm kati lutuk, an neihchhun liau liau kani tawh miau alawm 

" Hmingsang, ka remti lo " Kapa chu a melh ralh a, keipawn kapa chu ngenngawl deuhin ka melh, chutia kan boruak ṭang awt lai chuan doorbell alo ri leh a, kanu chu atho nghal tharh 

" Pa, khawngaihin, hei bak chu dil tur che u ka neilo " kanu kal hnu chuan kati vat a, kapa chuan eng nge angaihtuah pawh ka hrelo

" Inu hi nitin nangmah ngaihtuah reng turin i duh emni? Hahdam amamawh ber tih i hria tiraw? " Kapa chuan ati ta sup a, hah zetin thawk kala hap, kanu leh Udampuia ṭawngri ka hriat rual phei chuan ka rit zual ngawih ngawih, reilo ah kan awmna anlo thleng ve nghal a, Udampuia chu ka melh duhlo lui tlat thung 

" Ka duh lo mahse, Scooty chu ka duh " Ka ti nghat a, Udampui chu athaw chhuak halh mai, ka piah ah aṭhu a kanu pawh kapa bulah aṭhu veleh nghal 

" Lalhlimpui, aṭullo ka ti ani lawm ni " kanu chuan ati hlak a

" Ka duh alawm, atir khan 'i duh duh sawi rawh ' minti ani lawm ni, tun ataka tianga insawi nawi leh " Ka ti ve nghek, tiang hian kanu leh pa ka ṭawngkhum ngailo mahse, ka u a accident avanga scooty neih an phallo tawp hi adik biklo 

" Duati " Udampuia chuan ati khauh far a, melh pawh ka melh duh chuanglo

" Papui, engmah tihsak angailo " Ka thinrim lutuk hi ka thaw sek sek tawh, ka nun hi kanu leh pa bakah UDampuia hian an duh duh danin an ti kual ni maiin ka hria

" In nupa in sawifel ula aṭha ang, Chaw ei tawh teh ang u " Kapa chuan ati a, ka mittui lo lum thla pap chuan ka hmai pilh chu ati thip zual a, ka kut in ka mittui chu ka tuai hul nghal thuak, eng ang pawn phallo mahse, ka nei awm tho emai 

" Chaw ka ei dawnlo, ka duty ahun dawn " Ti hmakin ka tho a, room ah ka bag kala a ka chhuk leh chuan an awmna lam hawi map lo in pawnah ka chhuak nghal

" Duati " Ka kuta min chelhna chu ka thing nghak nawk a mahse, a chelh nghet lutuk

" Min thlah rawh " Seh chilh deuh in ka ti a, amah pawh kala en lo

" I chetdan naupang chhia lutuk hi bansan tawh teh " Atih chuan ka en ve ta nge nge a, ka hmel ahmuh ruala amitmeng danglam hlawk chu ka hmu thei, keipawn hriat chhuah ka nei nghal hawisawn leh ka tum rualin ka biang alo chelh hman a, chiang fahranin ka hmai bulah alo kun hniam a, ahmel chang nghal ṭawlh ṭawlh chu ka hmu reng 

" Tinge i hmai hi " Ati nghat a, kan in hnaih em avang chuan aṭawng zawngin ka hmai alum hak thei

" Engmah anilo " min chelhna phelhsak ka tum chuan ati nghet ve sauh a

" Ti nei nuai hian i hmai a pilh a, engmah anilo maw? Tunge hetiang thil hi ti " ati leh hrawih a, mit ka chhing tawp chutah dam deuh zawkin ka hmai chu alo khawih a, thawk ala deuh ham ham bawk, ka beisei loh lutuk a ka hmui alo tawh rual chuan chet nachang pawh ka hrelo phawk zetin ka meng a, ani erawh mit chhing reng chungin anui suk, duhthawh zetin min fawp a, akut pakhat chuan ka kawngah chelhin min hnuk hnai salh bawk, awmdan tur thlawt ka hrelo, min fawh dan chu thlakin dam leh ngengnawl deuhin min fawp leh a, hetianga min fawh hian ka feel ṭhin, thaw hak chungin ka mit ka chhing a, anghawngah ka kut pahnih suih in ka thiam ang tawkin ka chhanglet ve, ka thinrim na leh ka chhungril rit ngawih ngawih te ngaihtuah theilo khawpin min fawhna hian min hneh a, ka chhanlet avang chuan aphur sauh tih hriat takin a duhthawh sawt a, rei ngial kan in fawh hnuah kan inthlah ve hram, thawk kala halh halh a, ani erawh chuan lungawi fe in min melh reng thung 

" Duati " ati tham ṭuak a, amitmenga thil lang chhuak chuan min ti ip chawih thei, ka ngaihtuah chu ahria tih hriat takin pa zetin anui hawk a, keipawh kanui ve tho

" Hlauthawng suh " ka bengbul ah alo ti sup a, lai zeta hawisawn ka tum chuan ka biang a khuap run bawk si 

" Chuan hei hi engvang maw? " Ka hmai pilh lai chu a kut in dimte in anul a

" ka " ka ti hman chiah 

" Dawt ka duhlo tih i hriat kha, ka lakah engmah zep suh " alo ti leh hmiah a, zep ka tum pawh ani tawp silo a

" Nunzami min ham na anih hi " ka ṭhen sak a, ahmel chu atak leh nghal run tawh

" Engthil nge thleng " ati hmuk a, ka chungah athinrim lo tih hre mahila ka ip chawih thei, thil thlen dan vel chu kahrilh sep sep a, ka hrilh zawh rualin athaw ri hrawih 

" Ka ṭha tawh ania, ka hmai hi aham tel tih ka hre miahlo " ka ti nghal zung zung a, thinrim insum tih hriat deuhin thawk ala ham ham, ka chal ah a fawp ṭawk a

" Hawng ang " Atih vut chuan kalo dang thuai 

" Ka night dawn alawm " Ka tih chuan ading deuh chut 

" Ihna teh hrep hi " Ati hluk a, ka nuih var var thung

" Kha doctor kha atel dawn em? " Atih hmuk chuan amah chu ka en dawrh a, Mipa naupang titau ang maiin atum deuh hmak bawk nen, ka nui hak hak chu hrethiamlo zetin min en a

" What! Duati, nuihzat tur ka sawi hauhlo " ati leh hmuk a mahse, ka nuih zel takah chuan a kiai ve suk suk tho

" Dr Mahlima kha maw? Ani nen chuan chhun ah bak kan duty dun ngailo " ka ti ve ta nge nge, hahdam huai ni awm takin thawk ala leh a, hepa hi athik ti dawn ila athik ka ring silo a, a awmdan hi ka hrethiamlo chu mai nilo kan awm mek dan te nichin thil thleng te pawh kha ka hrethiamlo, tinge min fawhna kha kalo chhanlet ve ngawt chhan pawh ka hrelo, motor chhungah chuan kan ngawi reng a, ka kut ahum reng thung, gear thlak angaih changin a thlah zawk a avuan leh nghal zel, Damdawiin kawtah motor ati ding a

" Lo chhuak ve tawhlo mai rawh, Vawiin ah i chau dawn si " Ka ti a, ka kuta ka hmai hup in ka ham bai bai a

" Chhunzah i mu miahlo " ati sup a, tawi te in kanui 

" Ka ṭha mai ang, enmergency em em a awm ngailo a, Duty room ah mutna a awm alawm, Mahriati nen kan duty dawn bawk a " Ka tih chuan angaih aṭha ve deuh aniang

" Naktukah kalo hruai ang che, i tello chuan mutthilh ahar dawn hle mai " Cool zeta atih chuan ahmel zawng zawng nen, ka zak lutuk leh lai bawk si chu ka meng kual ruai ringawt

" Ka kal dawn ania, Tui deuhin mu rawh aw " Asam ah ka tuai sak zeuh a, ka chhuah hnuah pawh ala ding reng damdawiin chhung ka luh dawn chuan ka hawilet leh a, ka kut ka vai zeuh chu alo vai let ve vut, mood ṭha zeta night duty chu adan adang deuh ang.

Zanah chuan Mahriati'n ka ai a awh zo leh khawp mai, ka beisei aiin ka mu tam bawk, alakah a inthlahrun awm thei khawp mai

" I chau em? " Ka bula alo ṭhut rual chuan kalo ti vat a

" Chauh na tham engmah ka tih loh kha " ati mai a, ka tana ahlutzia hi, atan hian ka tih theih engpawh a awm chuan tihsak vek ka inhuam, kan laka ṭha te na na na chu huat emaw an laka rilru kawi put ahar mahse, kan laka rilru ṭha pu ngailo te hi chu an laka ṭhat der pawh hi ahar ngawih ngawih, Mite hi kan chungah ṭha se fel se tih kan duh chuan an lakah ṭha ila fel ila chu chu kan chungah pawh alet veleh ṭhin, Damlo te laka kan nui hmel kan hmuh ringawt pawh hian nuam anlo ti ve ṭhin, an rilru te a hahdam ve phah bawk a. Nurse hna ka thawh hmasak ber dawn a kapa min hrilh chu ' nui reng rawh, aharsa deuh anih pawn hmel hlim lo ai chuan nui lui mai rawh, i hriat miahlo in i nui hmel khan midangte ati hlim thei a, beiseina hial pawh ape thei ' ati a, chu chu ka vawng reng ṭhin, nuih aharsa ka tih em em lai pawn ka nui lui hram hram ṭhin bawk

" I ngaihtuahna kha chhuahsan teh " Mahriati chuan ati hlak a, ka nuih tlawn var var

" Inpa nen inṭha meuh maw? " atih chuan kalo bu nghat a, kan inkar boruak nawm lai tak ani mahse, dawt liantham tak sawi chung chuan thinlung taka hlim hi ahar lutuk, engtik ah nge anhriat chhuah ang tih ngaihtuah reng reng in hun ka hmang a, lo piang ta se Udampuia achhun dawn miahlo chuti chung chuan afa tiin huai takin dawt kala sawi ngam ang em ka hre tawhlo

" Min thlak tu tur anlo thleng tawh asin, kan chhuak dawn ami? " Atih chuan kalo tho ve tharh a, Ka phone la chhuakin Udampuia ka call mahse, swicht off a inti tlat bawk si, ka thaw hap a

" Udampuia'n alo hruai dawn che em? " Mahriati'n atih chuan lu ka thing a, tunah alo la kallo a ka call atlang thei silo, ani hi tawhsual te hi atawk aniang a tih te thlengin ka ngaihtuah hman vek 

" Call atlang theilo a, thawh ahai ve te pawh ani maithei " ka ti sep a, min hrethiam deuh in abu nghat

" Ka thlah dawn che ania " Ati leh mai a, hetiang hunah hian alawm Scooty te chu nei ve ila keimah pawn ka hawng ve thei maitur

" Hriat, Scooty min enpui teh a " Ka tih chuan min en haw a, ahrethiam vaklo aniang, lei ka duh tih ka hrilh a kanu ten an phalloh thu te pawh ka sawi tel 

" Inu ten an phalloh chuan ti lui lo la kati mahse, i duhna pawh kha ka pawmpui tho che " Ati a, Mahriati hian lei lo mai rawh ti ve tlat selang chuan ka ti lui ṭalh tawhlo ang, achhan chu kanu leh pa bakah Udampuia ten an phallo a, Mahriati leh zelin a phalloh chuan lei lui pawh ni ila ka rilru anuam chuanglo ang tih ka hria

" Umm, mamawh thut hun ka nei ṭhin a " ka ti a, abu ve nghat nghat mai, ka dul puar ve deuh tawh chu alo khawih zeuh a

" Naktukah Show room ah kan en mai dawn mi? Vawiin chu i chau ang mu ṭeuh phawt la " atih chuan kalo pawmpui khawp mai, kan inthleng min thlaha lut ve tura ka sawm chuan ' ka chau ve deuh ' ati a, ka sawmlui tlat duh biklo, keimah avangin ahmaa a duty aiin a hah zawk tih ka hre ve miau alawm 

" Bawihte, ilo hawng tawh maw? I chau em " Kanu(udampuia nu) chuan min lo be sawk sawk a, ka nuih var var

" Chau lutuk lo e, Nu ilo buai em? " Ka ti ve vat a, Kanu thleng hian ka hmu hreh ka nel ṭhin nen, tunah chuan ahma ang khan ka awm ngam tawh lo

" Buai teh nang, i rilṭam em? Thingpui kalo pe dawn che ami? " Ati leh siam siam a, kalo hnial vat thung Tunah dar8 ari dawn hnai tawh a, inchhung chu areh ruih tawh

" Nu, Udampuia hi ala mu ami? " Inchung en zauh pahin kati a

" Nizanah lunglei ah ankal alawm, ahrilh lo che emni? " Kanu thusawi avang chuan ka meng phawk viau ang, mak kati em alawm, Damdawiin aṭanga ahawn pawh khan Lunglei akal tur thu engmah min hrilh lo a, zingah kalo lam ang che ati zawk anih kha

" Ahh.. nizanah khan asawi tak e, kalo theihnghilh leh pek anih hi, arem chuan mutthilh lawk ka duh a " Ka ti nawi niai a, ka nui lui pah hak bawk

" Pawi teh nang, i duh chen chen han mu rawh " ka nuih lui leh sang a, step ah chuan ka chho chhat chhat mai, a phone a off tlat a, engmah chanchin min hrilh lo, ka lungawi lo ru ve ringawt chu duh lo zetin ka lu ka thing leh nawk nawk ṭhin. Room chu alo ruak huai a, za lo zetin ka nui hak towel la in bathroom ah ka lut a, tui vawtin ka inphuh tir sar sar, ka inbual zawh chuan, kawrfual lian hnek hnawk ka ha a, chau zetin khumah chuan ka let thla hnawk, ka phone chu ka hmet eng a, Udampuia areh hmak mai bawk si ka khuahar veng veng thei mawle

A no chu hmetchhuakin ka call leh a, ka nui hak tun ṭum chu a *ring* ve tal alawm mahse, ka beisei loh lutuk in Jenny zawkin call alo chhang a, ka ṭang nghal ṭung mai 

" Udampuia ka be duh " ka tih chuan anui a

" Abuai, abe hmanlo che ani chuan hna adah pawimawh ber ṭhin " Ati lar lar a, ka thin chhung hi asa pup pup in ka hria

" Nizanah pawh engmah ahrilh loh che kha, atan i pawimawh tawklo " alo tih leh lai chuan call chu ka dah a, thawk kala halh halh mai, ni e ka pawimawh lo keichu atan hnawksak mai chauh kani, rilru kawm melh melh chung chuan kalo muhil ani maithei ka phone ri chuan min ti harh a, hming pawh en mang hleilo chuan kala a

" Umm " harh chiah ka ni bawka ka aw chu ari chang chang ani

" I mutui lai kalo ti buai che ani maw? " Thaw chhuak suai suai chunga titu aw ka hriat avang chuan ka meng deuh kawk mai, ka phone chu ka en nawn leh ngat a, Udampuia hming alang va alawm 

" Eng nge iduh " ka tih chuan, arum nghut a

" Ka nupui ka bia anih hi " alo ti hmuk, tawi te in ka nui a

" I lungawi lo, adik em? " Ka ngawih reng lai chuan alo ti leh a, ka chhanglo

" Lunglei ikal daih a " ka ti sep a, chuthil pawh chu engvanga sawi nge maw ka nih le, rit deuha athaw la ri chu phone mah nise ka hrechiang viau mai 

" Nizan ka thlah hnu che khan kal angai thut a, ahmanhmawh thlak si a ka kal nghal, Ka thlen hunah kalo hrilh ang che kati a mahse, meeting ka neih bakah ka phone battery a low a chuan " ati fan ruih a, anui pah hak hak bawk, eng ber nge anuih ni

" Eng nge, nuihzat tur a awm emni? " ka ti nghat a

" Kanu tih loh Hmeichhe dang bula ka insawifiah hmasa ber ani, insawifiah ka thiam lo mahse, nang chuan thiam lo chung chung pawh a insawifiah lo theilo in min siam, i hria em? I sipicial zia hi" ka lei ka chhuah zeuh ringawt, a inla ṭawngkam thiam ve lutuk te chu ben hrep ka chak, rei vaklo kan inbiak hnuah phone kan dah a, Fb ka luh chuan ka pasal thil tih leh lunglei akal chhan pawh alo lang leh kuau tawh alawm, amah pawh khan min hrilh tho, Abula Jenny nui sanga ding ka hmuh chuan en reng nuam kati hauh lo.

" Aharsat i ring em? " Show room ah Scooty lei turin kan kal dawn a

" Ka ṭhianpa ka bia a, ka book fel vek tawh alawm " alo ti then a, ka lawm tak tak ani 

" Avan lawmawm tak, heta ṭangin taxi hmang ila chuan ka scooty in kan let anga " ka tih chuan alo bu ve nghat a, taxi chu a phar a kan ṭhut luh hnuah kan kal duhna ahrilh nghal zat a, ka tih buai ngailo hian min buaipui zung zung zel 

" Kan tihtur kan tihfel hunah bazar lawk ila " ka tih chuan alo ' aw le ' ve leh mai a, Show room kan thlen chuan thawktu ten min lo welcome ṭha khawp mai a, kan enkual chu hnathawk pakhatin min vil ran, kan en chian deuh apiang chu alo sawifiah zung zung a, afak ti zawk teh ang. A tawpah chuan ka duh chu ka hmu ve ta a, tihfel ngai kan ti fel zung zung a an fel khawp mai, rain coat leh helmet min present a, lawmthu hrilh mawlh mawlh chungin kan chhuak ve leh ta.

" I khalh ang nge ka khalh ang " atih chuan khalh hrih zawk turin kati a, licence vel chu ka nei vek tawh ahma in ka khalh ve tawh ṭhin a. Tshirt kan en hmasa ber a over size vek ka lei leh in kawrfual pathum ka lei tel bawk, Mahriati pawh kawrfual simple deuh pakhat ka leisak a, ahnial viau na in ka tilui ve tlat a, kan in eipuar hnuah kan hawng. Damdawiin ah peng leh in Mahriati chuan a scooty akhalh a keipawh ka scooty thar ngei mai chuan kan inlam ka pan a, kan inthlen hma kawng reh lai deuh ah ka ding a scooty aṭhu chung chuan stearing ka vawn lai chu thla kala a, ka chetdan naupang chhia zet avang chuan keimah in ka nui leh hak ṭhin, in ka thlen hnu chuan garage ah ka dahlut ve thlap a, in chhung ka luh chuan adan ngaite in kanu chuan min lo be leh siam siam a, ka inthlak hnuah chhukthla leh in eirawng te kan bawl dun a, scooty thar ka neih chu ka hrilh ve ngei bawk 

" Bawiha'n aphal emni? " ati hliai a

" Phal e " Ka ti ve leh ngawt, ahriat hunah chuan min thing nek duh ang

" I duh te chuan ka scooty pawh a awm reng a, adang lak kual ai te chuan " ati niah niah a mahse, thildang ka sawipui ta daih, eirawng kan bawl zawh hnuah ka inti fai a, kapa te pawh anlo hawng tawh, inhnuai ka chhuk leh hma chuan tlaia ka thlalak chu sts ah hmangin ' Mahni thawhchhuah ngei a neih chu anuam dangdai ' tih ka caption a, phone chu charge in inhnuaiah ka chhuk san daih, Chhung inkhawm kan neih zawh ah chaw kan ei a, mipa pahnih pawh an ṭawng ve hlek zel, an ngawichawi dun ania. Scooty ka lei pawh kapa te chu ka hrilh veleh a, min lawmpui thiam khawp mai, anni chuan Udampuia phal leh phal loh min zawt ve lemlo. 

Cont...