Tuamdamtu chater-10

 

Kimkimi tlau

Chaw eina vel ka tihfel hnu chuan room ah chho mai lo in kanu te bulah chuan ka awm ve ta reng a, Kapa chuan naute chungchang te min zawt sup sup a, kanu nen an intawn dan te leh Udampuia tetlai chanchin nuihzatthlak deuh deuh an sawi a, ka nuih pui hak hak mai 

" Tlai khat chu a school bang alo hawng a, dan ngaite in TV a en leh a, keiin anau ka buaipui a kalo ngaihsak vak hman lo amah in alo awm ve mai ṭhin a, anau ka awi mu inchhung ka luh leh chuan tv chu ala in on a mahse, Bawiha ka hmu ta mai silo a, ka auh lah in min chhang thei silo room ah te ka en a, a awm bawk silo, kawt vel ka en lahin ka hmu chuang lo a, apa phone ka tum a, choka a ka phone la tura ka va luh chuan fridge kan hunna kilah Bawiha chuan Sunglass dum alo bun a dawhkana bawnghnute phut ka dah chhuah kha alo ei ru a, ka hlauhthawn hman teh lul nen minti nui nasa ania" atih te chuan ka nuih ati za a

" Tinge Sunglass abun kher " Ka tih chuan kapa alo nui hak hak a

" Sunglass vuah te chun adum vek zel hi, khami abun khan adum vek sia, kan hmu theilo turah angai " atih leh lek phei chuan ka nui nasa lutuk ringawt, tuna a mizia nen kan ngaihtuah ṭhin a, ka nuih aza telh telh. Dar9 rik dawn chuan night tur ka nih avangin kanu te chu ka kalsan a, min ngaihtuah khawp mai mahse, Scooty chu ka kenglui ta tho a, Duty na tur ka thlen chuan ka Duty pui tur pahnih anlo awm tawh a, ka tlai ber lo Mahriati alo la thlenglo

" Ka tlai hle mai " ka tih chuan ' kan thlenna ala rei biklo ' anlo ti ve luam a, kei aiin an nau ve ve ang, pakhat phei chu mi ai kal ani ve tho a, Mahriati pawh ka thlen hnu lawkah alo thleng ve a, a chauh hmel khawp mai. Damlo an tam ve a an natna a in anglo ang chiahin an treatment lak pawh a in anglo a, aṭhen chu zanlaia damdawi ei ngaite anni, Damdawi pek hun ka en a, drip khai tur ka la chhuak a, ka buaipui mawlh mawlh bawk, Mahriati chu tui zetin amuhil a ka kaitho duh biklo, Chawitei nen kan meng a, Ely leh Mahriati chu an mu bawrh bawrh mai

" Uhlim, kalo va ti zawk ang " Ati sep a, kalo hnial vat 

" Hei chu ka ti thei, lo hahdam rawh " ka tih laiin Duty room kawngka chu alo ri a, Chawitei chuan a hawng vat

" Kanu saw a pum ana a " Tleirawl te hian alo ti a, ahmel aṭangin a hlauthawng tih ahriat, a awmlo lemlo ala nau ve deuh ani, Chawitei chuan alo dawngsawng a keichu Damdawi keng chungin ward chhungah ka lut thung

" Zanlaia drip khai hi aninawm, ka mutui lai ka harh ziah mai, i kut lah adam silo " Pa valai lam ani a, ala tar chhelo Anupui ni ngei tur chuan alo khap a

" Kapu, ka kut te chu adam anti vek asin " ka tih chuan chiang zetin min lo en a, kalo nuih var var 

" Venflon hi ani maithei " ka ti leh sep a, drip chu ka khaisak a, ala phun nuah nuah tho 

" Nau i pai elaw? " Anupui zawk chuan ati hliai a, ka form hak hian ka dul ati lang chiang tawh a, hai chi pawh anilo 

" Umm, thla4 ani ve tawh " ka ti a, ka nui sang bawk 

" Anih chu, ihmelṭha si a i naute pawh ahmelṭha viau ang " ati leh luam a, lawmthu ka hrilh hnuah ka kalsan 

" Awi! Ka mutui lutuk a, nizanah ka harh mang pawh ka hrelo " Ti lang lang ri chuan min ti harh a, ka ke chu ka ti che lawk theilo, Chair ah ṭhu in dawhkan bawh chungin ka muhil a, ka ke amu churh churh mai

" I hah em? " Ka bulah Mahriat lo ading vang a, nuih var var chungin kalu ka thing, ka ke chu ka hmet nawk nawk a reilo ah apangai veleh mai 

" Imu ṭhalo anih kha " Ati a, thildang ka sawi pui daih thung, ka intihfel a pawn kan chhuah meuh chuan ham bai bai chungin ka zi mar ṭalh ṭalh a

" Khutah khuan in eipuar ila " ati a, kalo pawmpui khawp mai ka rilṭam ve tawh em bawk ani

" Kalo tel ve in phal em? " Dr mahlima kan hmaah alo ding vang a, anui leh sang tawh 

" Lo tel rawh, ril aṭam tawh si kal thuai ang u " Mahriati chuan ati a, thil ei laia ṭawng vak chi kani lo a, ngawi renga ka ei laiin Mahriati leh Dr Mahlima chu an titi bawrh bawrh thung,  

" I hawng nghal dawn mi? " Kan scooty hunna ah kan ding dun a, Mahlima chuan min kalsan tawh

" Aih, Ka incheck up ni ania " ka tih chuan 'Ni tak' ati hluai a

" Vawiin chu ka van hman loh hmel " Inthiam lo hmel deuhin min en a

" Apawilo, keimah in ka kal thei alawm " ka ti a, anuam tilo hmel chu a khawngaih thlak zawk

" Hey, tiang hmel kha pu lo teh i hmelchhe emai " ka tih chuan anui hak hak a, atlan liam hnuah keipawh in check up tur chuan ka kal ve leh ta a, ka kal hma in hming ka ziak lawk tawh a ka thlen chuan doctor ber alo la thlenglo a, Ṭhutna awl ah chuan ka ṭhu thla ve hnak, Nizan kha zan dang zawng aiin ka che tam ve a, zinglam ah chiah ka muhil bawk tlem chuan ka chau deuh, thil ei lamah insawisel lo mahila ka rilru ka kawm nasa lutuk hian ka taksa ṭha tur pawh ati chhe leh ṭhin kati lo theilo, ka bag aṭangin earpod kala chhuak a, ka bengah vuah in ka phone nen ka connect a, nizan ah ka phone ka khawih miahlo Missed call leh pvt msg alo awm nual a, Missed call chu kanu leh Udampuia hnen aṭang vek in ani. Msg ho chu ka ṭhian hlui ka school kalpui ṭhin te anni ve thung a, min lo lawmpui hlawm khawp mai, kanu chu alungawi dawnlo tih ka hria a, tun ṭum hi ka hriat ve theih aṭanga athu ka hnial ṭalh awmchhun ani maithei, A natna avang hian athu hnial a aduh loh zawnga awm kha ka hlau ani tawp mai. 

' Sport minister nupui kha anih hi ' ṭawng leh ser ser avang chuan ka beng ka chhi kar a, earpod chu Connect mahila engmah ka ngaihthlak loh avangin an ṭawng chu ka hre thei, ka mit chhingin hrelo ang hmakin ka awm thung 

' Keichu a P.A nen khan in hmeh kati zawk ' ka hrelo emaw tiin ka chanchin an sawi chiam chu ani si a

' An sawi dan chuan, anupui hian azar buai lutuk anti alawm, Sport minister hian angaihsak chhan chu aṭhianpa thi ta vang ania, chu chu remchang ah la in azar buai reng anti alawm, hmeichhia in azir miau a arai ta aniang. Kan sport minister hi mipa diktak ania duh lo mahse, afa anih chuan mawhphurhna alak angai a, keichu afa anih pawh ka ringlo ' ka thaw chhuak em pawh ka hrelo, ka awm ve reng laia timna nei miahlo a ka chanchin an sawi chu mak kati, ka tih ve theih ngai loh tur thil ani. Kei hian Udampuia ka zar buai maw!? Ni lul lo 

' Lunglei ah pawh a P.A nen chuan Hotel ah an thleng dun anti, ahming chauh in anupui aniang, a P.A hi aduh hmel fe zawk ' anla ti leh zel a, kek bawrh bawrh lo turin ka insum ṭang ṭang, nau pai lai phei chuan mood a in chance kual nasa a, rilru no thut chang te thinrim em em chang te, chhan awm miahlo a ṭah chhuak ngawih ngawih te, heng ho hi ahreawm, tunah pawh hian a pathum chuan ka nei vek, ka thinrim a ka ṭah achhuak bawk. Ka pum chu ka khawih a, thawk kala ham ham bawk ' Doctor alo thleng ' an tih avang chuan ka meng chhuak a, ka mittui ka biangah aluang thla nghal pap, ka hru hul thuak a thawk kala deuh hliai, ka awm reng laia ka chanchin sawi fak fak ngam te chu ka melh kher bawk a, chiang fahrana ka melh chuan an mitmeng chu apha nghal dai, ka nuih anti za zawk e a, an hmel en reng reng in anla nau tih ahriat viau bawk 

" Duati " Ka beisei loh lutuk a Udampuia min ko ri ka hriat chuan ka hawi nghal a kan piah deuh ah alo ding a, Hmeichhe pahnih pawh chuan an en rang khawp mai, an insik ru zeuh zeuh chu ka hmuh hmaih lo nasa mai 

" Ilo hawng maw? " Ka bul alo thlen chuan kati deuh halh a

" Phone call ila theilo " atih chuan sawi mai tur ka hrelo

" Ila lut lo emni? " Doctor ṭhutna room hawi zeuh pah chuan ati a

" Aw, alo thleng chiah a, tinge hetah ilo kal a " ka ti nghal zat a, lo kum hniamin ka chhip ah a fawp a, ka zak chem chem mai He hmeichhe tleirawl pahnih runluih hi ka chak ve hrim hrim a ka dang buailo

" Ka nupui in check up ka kalpui dawn ani mai alawm " ati awlsam et a, ka nui ta tawp kan inhau dawn tih ka hre lawk thei, scooty ka la tih ahre daih tawh ang. ka hming an lam chuan ading vut a, ka chelh turin akut alo phar chhuak bawk, ka ding ve rualin ka dul a khawih zeuh a ka ip nghal chawih thei

" Naute hi ahrisel em ang chu maw " Ti sup in room lamah chuan min hruai phei a, ka vawikhat kalna anilo bawk a Doctor chuan minlo be nghal siam siam a

" Hei hi i pasal maw? " atih chuan ka chhan hma in Udampuia'n min lo chhan khalh a

" Kan sport minister ini tih ka hria alawm, hmeichhe huaisen lutuk hi i nupui alo ni reng a, Naupai tam tak kalo en ve tawh a, aṭhen chu tihtlak tum tawpa lokal te anni, Inupui lo kal hmasak ber khan atihtlak mai ka ring ve hial asin, naute chungchang ka sawi laia amitmeng hnual nghal rawih rawih leh hreawm ti zeta thawk alak te kha ka la hre reng" Doctor chuan ati bawrh bawrh a, ka nui tawi tak tak khawp mai, Udampuia pawh athaw chhuak halh a, Ultrasound kan tih lai chuan ala awm ve zel 

" Naute lungphu in ngaithla duh em? " Doctor in atih chuan, ka lu ka bu nghat a, Udampuia chu abo hmel khawp mai, Naute thinphu ri ka hriat rual chuan ka ṭah nuih hak a, tiang reng reng a thil ri mawi hi kala hre ngailo, ka naute thinphu ri chuan ka chhungril hi afan rawih rawih thei, ka mittui in ka mit achim vek avanga phe ruai chungin Udampuia hmel chu ka han en a, mak ati hmel leh amitmenga phurna leh lawmna chu ka hmuhsual emaw kati hial, min lo pan hnai rawk in nghet zetin ka kut ahum vang vang a, Amitmenga ka thil hmuh chu ka hmuhsual emaw kati hial ani mahse, chiang deuha ka en pawn amitmenga lang chhuak kha ala bo hauh lo. Chu chuan min ti hlim zual ngawih ngawih ka chal ah alo fawp vang vang a, ka mittui chu min hruk sak bawk, Doctor room aṭanga kan chhuah chuan ka kawngah achelh run a, Naute lungphu ri kan ngaihthlak laia Pa zeta anui hawk ri kha kala theihnghilh lo ka theihnghilh phal ngailo bawk ang. 

" Ihhh " Pawn kan chhuah rual chuan kati hliai a, Scooty ka keng a, engtin nge ka sawi tak ang 

" Minlo pe rawh " Ka hmaah akut lianpui chu alo lek chhuak a, angaihna hrelo zetin ka melh reng, ahmel ah chuan thinrimna ka hmulo a, diktak chuan amitmeng ah engmah alan chhuahtir lo zawk ani 

" Engmaw " ka tih chuan

" Scooty chahbi " ati hluk a, ka bag aṭang chuan ka phawrh ve mai 

" Motor ilo kenglo emni? " ka tih chuan alu athing vut a

" Scooty khalh tumin kalo kal " atih leh then bawk, a awmdan chuan min ṭhawng vek ani tawp mai, athinrim viau ka ring asin mawle. Scooty a start a, abulah chuan ka ding ve reng, ' lo chuang rawh ' atih sup chuan rang zetin ka chuang kai a, Scooty khalh chu amah a palian si a inhmeh vak lemlo, Bullet khalh se a inhmeh zawk daih ang, akawngah tim daiin ka kuah a, ahnungah ka bei nghal then, in kan thlen chuan kanu ten chanchin min lo zawt a, ultrasound thlalak kan hawn leh hawn loh min zawh chuan ka tim ru tlat a, an tupa tak pawh anilo a ultrasound thlalak hmuh chu ka theilo ani 

" Aih, Doctor kha kalo dil theihnghilh daih a " Ka tih chuan kanu hmel ngui nghal riai chu ka hmuh hmaih lo

" Ka hmuh ve chak nen aw, apawilo e " ati chuai raih a, chhuanlam siamin room ah ka chho thuai, Udampuia leh kanu chu anla ding dun reng a, room ka luh hnu chuan hah zetin thawk kala halh halh, dawt hian min eiral vek thei ang, Step a Udampuia lo pen chho ri ka hriat chuan ka bag chu dressing table ah ka dah a, Balcony ah ka chhuak nghal daih, room kawngka alo inhawng a, ke pen ri in ka lam alo hnaih zel tih pawh ka hria

" Tinge kanu kha i hmuh loh " Dam diai a tih pahin hnunglam aṭang chuan min lo kuah a, talhran ka tum chuan nghet zetin ka kawngah avuan nghal run

" Kanu ka hmuh chuan ahlim dawn asin, ahlim hmel ka hmu ngamlo " Ka tih chuan min kuai her a, amah pawh en ngamlo chuan hnuailam ka bih ngar 

" Duati " Rit deuh in ati halh a

" Udampui, Kanu chu ahlim dawn alawm achhan chu i fa emaw ati anga mahse, tuna hlimna tam tak kan thlen sak hian nakinah natna ril ber athlen dawn asin, Zantin kala ngaihtuah ṭhin, kan thil tih atthlak zet hi " Ka ti a, hawi chho in thuk zeta min en run tu chu ka melh chho a, ka mittui chu ka biangah aluang ngiai ngiai bawk

" Ka fa kati ani lawm ni? " Ati chang bal a, ka mit ka chhing tawp, ka khabe ah ahmer salh a min kuai dak deuh bawk ka mitah chuan afawp a, ka mittui chu akutin atuai hul bawk 

" Ka inthlahrung a, ka dul i khawih chang te hian inthiam lohna leh mahni hmasial anga ka in ngaihna hian min ei zo vek dawn in ka hre ṭhin " ka tih chuan arum hrawih a, nghet zetin a awm ah min kuah hlu hlu 

" Duati, Chutiang rilru pu lo tur chuan engtin nge ka awm tir theih ang che " A ti ro halh a, a aw ri buai ru zet chu ka hriat hmaih biklo 

" Areh thei pawn ka ringlo " Ka ti chhuak halh a, nghet lutuk in min kuah vang vang, engmah asawi lo a keipawh ka ngawi reng, rei fe kan inkuah hnuah min thlah ve chauh a

" Ngaihtuah tir loh dan che chu ka thiam maithei " Zawi fiah deuha atih sup chuan ka en dawrh a, amitmeng ka hmuh rualin ka sa nghal pup pup thei

" Kal teh aw " A mit chu ka hup sak, Udampuia erawh anui rah rah a

" I lai hma hle mai " Thutak deuhin ati sup a, ka nui tawp ve riai riai Udampuia chu hnungchhawnin tlak dal chu ka chelh a hmalam ka thlir vang vang, Ka bialpa lakah ka thianghlimna ka hlauh a, ka tleirawl chhuah tirh aṭanga ka bialpa ani a, athusawi te kha hnial ahar kati ṭhin kum ala nau a thil pawi tur pawh kala ngaihtuah chiang thiam meuhlo, amah ka duhna khan min hneh lutuk avang te pawh aniang. Ka bialpa bak mipa hnaih ka nei ngailo. Mipa hmaah ka lai hma hrim hrim bawk, Sawn paiin Udampuia hian min neilo se, mite min hmuhdan chu akhawlo viau ang, ti chung pawh hian min ngai khawlo tawh ania, tawnhriat ngah ka nilo a, Udampuia mitmeng khan min ti lai em em bawk, Pasal anih angin vawikhat mah min la beiseilo hrim hrim, min beisei se ka tihna lam ani chuanglo.

" Insit lutuk te hi bansan teh " Ka hnunglam aṭangin min lo kuah leh hlun a

" Ka hlauthawng " ka ti halh a, ka hlauthawng takzet alawm, Kanu hian a fapa fa ka pailo tih hria se, a enliam dawnlo tih ka hrechiang a, Keima nu in ahriat phei chuan ahrilhhai luatah Damdawiin kan lut hial maithei ani, Kapa te ve ve awmdan tur ka ngaihtuah thiamlo a, tun thleng hian ka kawng zawh mek hi adik em tih kala inzawt ṭhin. Diktak chuan Ruahthimpui sur buan buan na ka hringnun ah hian kawng dik hriat ahar athim mup mup mai ani.

Chaw kan ei lai chuan naute chungchang an sawi a, thawk pawh ka thaw ṭha ngamlo, hlim zeta kapa nui leh huah huah ṭhin te chuan min tina veng veng tho, ka kut chu ka malchungah dahin nghet zetin ka kawr chu ka ṭham ngawt ngawt a, nui lui ve mahila aza thlawt bawk silo ka hah hluah hluah, ka kut hum ruh ngar ngar chu Udampuia'n alo hum hnan a, meng awk chungin amah chu ka melh, nui sang chungin kapa te chu abe mawlh mawlh tho

" Bawihte, chaw kha ei ṭeuh rawh aw " Kanu in atih chuan kalo bu nghat nghat a

" Inthlahrung suh, Bawiha nen innei lo mah ula kan fanu i ni tho a, i inthlahrung thei lutuk hi aṭhalo " Ati leh bawrh bawrh a, chhan ngaihna pawh ka hrelo, thildang an sawi ve ta hram a, ka thaw huai huai mai alawm 

Cont..