Young Lady and Gentleman Chapter-12

 Tukṭhuan kan ei a ngawi rengin ka ei mawp mawp, Zomuani a ṭawng lang lang reng a, Noah lwh Sam chu chaw hmeh asuah sak deuh reng, Noah chuan boruak diklo a hriatthiam ve vak loh laiin Sam erawh chuan a hrethiam ve vek tawh. Zomuani'n Sam chu chaw hmeh a suah sak leh a

" Kut ka nei a keimahin ka insuah ve mai ang " A ti ve hmak

" Sam, tikhan i nutei ti reng reng suh " Nu saii'n alo tih chuan a ngawi ve hmak a, U Ima leh Pa hruaia chu an ṭawnglo hrim hrim, U zuali a zin a vawiin hian alo hawng dawn a, Emily nen chuan nuamlo kan tihdan a inzat vel maithei ani. Ka kham vat a ka kut silin choka chu ka chhuahsan vang vang, tih tur leh kalna tur pawh hre chuanglo chuan inchungzawl ka pan a

" I awm ka ring reng a " U Ima ani, ka en lo a hmalam chu ka en lui char char

" Ka chungah i lungawi lo emni? " Ka bulah alo ṭhu a, ka kut alo vawn takah chuan ka en ve ta hram

" Lungawi loh chhan tur ka nei hleinem, tlemin thil thleng hian min shock deuh a " Ka ti ve mai, U Ima lakah hian lungawi lohna ka nei hranlo, Zomuani lo awm tur hi a duh biklo a, tukin ah pawh khan Nu saii a vin nghe nghe anih kha

" Keipawh min ṭhawng khawp mai " A ti ve sup a, ṭawng chhunzawm lo in kan ṭhu ngawi reng

" An kham hlawm tawh ang, Emily ka zu pui ang e " Ka tih chuan a ding ve nulh a, kan pahnih chuan kan chhuk rual ka kut ala thlah duh miah lo leh nghal

" Hetah ilo awm daih a " Zomuani nen step ah kan intawk a

" I awm chhan hria la, min hnaih tum buai suh " Ti nghutin U Ima chuan min kal chakpui sauh, Emily ka puih chhungin kan bulah alo ding ve reng a, min veng te pawh a ang alawm. 

" Ate min siam ka duh, ka thawmhnaw khawih ve tawh suh" Sam in ati vak ri ka hriat avangin an room ah ka lut a, chhuatah thawmhnaw alo awm hnawk niai

" Keipawh au siam ka duh " Min hmuh rualin Noah pawn ati ve nghal a

" In nutei ka nih hi, kei ka awm laiin ani mihrang leh nghal hi i lam zawk maw " Zomuani avin ṭhat a, zaktheilo hi kan ti khawp a

" Thunei viau ah in ngai suh, nauoangte hi vin phar reng tur an nilo ania " Ti ve hmakin Sam thawmhnaw chu ka chhar a, ka hak tir mawlh mawlh 

" He in aṭang hian i chhuak khawp ang " Ti hlar in room chu a chhuahsan a, khanu khan Naupangte hi a hmangaih ang maw! Ka ringlo lutuk naupangte hi a hamṭhat nan bak a hmanglo, U Ima hnaih na hmanrua ah hman atum mai mai ani. Company kan kal a U Ima nen pawh kan inbe lo tluk ani, kan kalhran dawn ah kan inbe ve chauh. Dandani hnenah thil thleng ka hrilh vek a, ka thawl leh deuh huai 

" Nu saii pawh chu avan ti mak em em " A ti ve ringawt a, sawi belh vak tur a hre biklo aniang

" A ho emai, ka u in inluah tur a hmu tawh a, kapa te pawh en turin anlo kal dawn, ka insawn chhuak ṭep tawh " Ka ti a, thawveng deuh ang in lang mahila ka thawveng vaklo, chhun chawlh anih chuan Dandani thil eitur in Cafetaria ah a kal a, kei erawh engmah ka eichak loh avangin kan building piah ah chuan ka teikual mai mai, Kawrsir ah chuan hmeichhe naupang Noah aia te deuh zawk tur hi alo ṭap hliam hliam a, chhun vanglai tak ani a mihring kan reh ruih bawk si 

" Hey, Naute " Ka tih chuan la insut hlap hlap chungin min lo en a, a mitmeng a fiah kak a amitmu alian reuh bawk si 

" Tinge i ṭha a? I tlu ami " A mah chen turin ka ṭhuhniam a, a taksak vel chu ka enkual. ka zawhna lah min chhan atum lo nge a ngawi reng a, kalsan daih lah atih chi siloh

" Rosy " Kan hnunglam a ṭanga tiri a hriat rualin Naupangte chuan phur zetin 'Apute ' ati vak a, ala au ring em em leh nghal, min tlanpel rual chuan ding ngilin ka hawilet ve a, Mipa kala hriat ngai pawh nilo chuan Naupangte chu alo pawm kang nawlh 

" Ka zawng che alawm " A ti a, naupang chu a duat hle tih hmuh hmaih chi pawh anilo, eng nge maw ka hriata an pahnih chuan ka en ve vung vung ni, Engmah ka ei loh chuan ka rilṭam ve thut ang tih ka hlauh deuh avangin dawrah chuan thil ka lei a, Dandani'n a ei veleh duh ka rin avangin ka lei kep ve bawk

" Kan lo nghak che a " Nichina Naupangte lo awmna ah khan Naupangte leh a putea kha anlo ding reng a

" Keimah maw " Ka tih hu chuan a kiai suk, ka sawi zawh vek hnuah ka zawhna atthlak zia ka gre ve leh chiah, min en kur chungin ' kan lo nghak che ' ati a, keimah maw lo la tih hu kha ka at hmel viau ang

" Ahh..eng..eng nge nita " Ka ti bah niai a

" Ka tunu ilo awmpui avang khan lawmthu sawi ka duh a, a bo emaw ka ti a ka hlauthawng hman teh asin " Mipa inhmuam uo deuh anih ka rin nen, rin aiin a ṭawng tam ang reng phian a

" A ho emai, helai velah hian ka tei kual a kan inhmu fuh mai mai alawm, lawmthu sawi angailo " Ka ti a, Naupangte chu lolipop ka lei chu ka pe ve a, alo nui sen sen mai.

" Tibo ila chuan a nu in min that ve daih duh ang " a tih leh chuan a fiamthu tih hria in ka nui a

" Thihna i pumpelh ani maw " ka ti ṭha ve mai

" Helai ah hian i thawk ami? " Company building lam chu a en zeuh a

" Aih, kala zir mek zawk, tun thla chiah zir angai tawh " Ka tih chuan a bu deuh nghat

" Anih chu, kan chho dawn ami? motor kan dah a keini pawh chhoh veleh a ngai dawn tho a " A tih chuan ' A pawi hleinem ' ka ti ve mai a, Rosy chu a lutea bulah chuan a ṭawng zat zat reng a, ka biak ve chuan min chhang ṭha duh miahlo. Naupang ah hian mize dangdai deuh deuh an tam a huatah ka la chuanglo, Company compound kan thlen rualin Zomuani leh U Ima ka hmu dun leh a, reilo te ka en bak ka melh nawn tawh lo

" Robert " Mi hausa ho hi chu anlo in hrekual vek hlawm anih hi, Zomuani leh U Ima te chu kan bul anlo thleng a

" I dam maw Zomuan, inhmuh akhat hle mai " Robert chuan ati a, engvanga awm ve reng nge ka nih pawh ka hrelo

" Min hmu duhlo alawm " Zomuani chu a nui har har

" Ka kalsan ang che u " ti mawihnaiin min chhanletna pawh ngaichang tawhlo chuan kan building lam ka pan mawp mawp a, Tinge Zomuani leh U Ima hi ka hmuh dun reng. A rual pawh chuan ka hawng duhlo a, kei aiin in athleng hmasa zawk leh nghal, pawi chai hleinem ahmaa hawn ka chak ve ṭhin nen chakna ka nei tawhlo. 

" Ilo hawng tawh ani maw " Rin loh deuhin Nu saii'n alo ti dam diai a, mizia a ngah ve ngawt mai 

" Umm " ka ti a inchungah ka chhohsan nghal daih, a duh hun hunah min be ṭha duhlo a awm nuam lo rawkin min siam, a hnu lawkah engmah thlenglo ang hmakin a awm leh a, hetiang hi ka hrethiam velo. Ka bag vel ka dahfel hnuah Emily pui turin ka chhuak nghal a, choka ka luh dawn chuan Zomuani ṭawng ri avangin ka ding dat

" Sa kha i siam dawn chuan kang ro ṭhap teh aw, ka ei chak lutuk chuan salad i siam kha a al mah mah " Chaw hmeh a sawisel zawt zawt a, a duhdan a sawi zaih zaih bawk, choka ka luh ve chuan a awm ve tih ka hrelo der hmak, ka kut silin Salad chan tur chu ka buaipui nghal a

" Salad kha ti al lutuk tawh su aw " Ala ti leh hram a

" I chhiahhlawh kan nilo ania aw, i duh duh sawikual vel lo teh, i eitur chu chi al loh kan lo dah hran sak dawn che nia" Ka tih chuan

" I van zaklo e " A ti hlar a, eng atan mah ka ngai der silo 

" Ka bula awm te zirin ka in mizia ka her danglam ṭhin " Ka ti ve kher a

" He in a kalo awm ve hi i lungawi lo anih kha, ka thusawi apiang i hua a, min chhanglet zawt zawt zel " A ti a, chhan en ah pawh ka en lo

" Emily, plate minlo pe " Ti paha ka hawichhuah chuan U Ima lo ding ve run chu ka hmu ve chiah a, en zawkin Emily lamah ka kut ka phar chhuak a

" In be lawk teh ang " A tih pawh chuan ka hrelo der hmak, Zomuani chuan alo be buai ve reng bawk a, kan indaih tlang e, ka kutah min chelh a min chhuahpui dawr dawr pawh chuan ka au lo a min thlah tur pawn ka tilo, in chungah kan chho a ka room kal pelin a room ah min pawt lut nawk nawk, engmah sawilo in a ding leh vung vung bawk sia, ṭawng hmasak ka tum bik derlo 

" Lalruatpui " Engmah a sawi loh avangin chhuah ka tum a, min ko leh tho sia

" Sawi tur i neih loh chuan ka thil tih lai min tibuai tawh suh " Ka ti ve hmak

" Zomuani kha ka duh reng vanga kalpui ka nilo, ka pawi a sawilo a ka tan lo hnar reng anuamlo, engtin mah kan awmlo ania " A tih chuan min deng ve dawtin ka hria

" Nei law law rawh, i tan hnar reng anawm loh chuan nei mai ta che " Ka ti vin ve ṭhak, rum deuhin ka melh bawk

" I ngai kawi anih kha, ka pawi a sawilo a ka tan lo huat ngawt atheih loh ka ti mai alawm, ka rilru i hrechiang a nangpawn hmumawh suh, a awm awm in awmtir la ala beidawng ve mai ang " A mitmenga ngengnawlna chu hmulo ka nilo mahse, a thusawi maltin hi ka hawi fai vek

" I rilru ka hrelo, ka rilru pawh ka hriatchian hleihtheih loh lai hian i rilru ka hrechiang ang maw!? Mipa rilru hi chu maw hriatchian theih anilo, mipa hi hmeichhe tawnah chuan mi chaklo tak inni vek " Ka ti ve salh salh, U Ima ka rin em em na ṭhin kha khawi ah nge an thlawh bo zawh pawh ka hrelo, Hmu mawh anga min chhuah pawh hi ka lungawi lo

" Emily chu zu pui hrih mai rawh, tun atan chuan engmah kan sawi kaw lovang " A hmai tuai thuak chunga atih chuan

" I sawi avang hrim hrim hian ka pui lovang " Ti hlakin room aṭang chuan ka chhuak a, ka room ah ka lut nghal daih ka kalh nghal hmak bawk, engmah ti chuanglo in room ah chuan ka tawm ngat ngat. Zanriah ei hun awm ah chuan ka chhuak veleh chiah a, Noah ṭawng lang lang ri pawh ka hria Nu saii'n chaw ei alo rawt ve mek a, choka ah ka tlang nghal daih

" I buai em? Kalo chhuk tawhlo mai anih kha " Ka tih chuan min hrethiam leh khawp mai, chaw ei ka siampui a Sam leh Noah anlo lut hmasa ber, Noah in min hmuh chuan ka ke ah alo kuah chat a, midang pawh anlo lut ve nghal, tumah chu ka en lo a Noah chu ka buaipui daih

" Eirawng bawl laiin room ah itawm reng a, Emily abuai si Zomuani awmlo selang chuan a hah viau ang, Eirawngbawl vel chu pui ve ṭhin rawh " Nu saii'n a tih chuan ka thil tih lai ka tawp chat a, chhanlet ka tun loh laiin 

" Pui ve ang hmiang, Amelia puih tur bik ani hleinem, a inah nilo in mi inah a awm tih inhre rawh se " U Zuali'n ka thlavang alo hauh veleh a

" A pawi hleinem kalo hre reng tawh dawn nia " Ti sep in choka chu ka chhuahsan a, chaw ei ka tumlo hrim hrim, kanu leh pa bakah kapi leh ka u te ka ngai zual ngawih ngawih. Pipu ah ka ṭhu a ka ngaihtuahna ka kawm veng veng, U Ima nen kan inkar hi hrui in kawkalh nuai ang mai ani, a hnawk vel vek a siamṭhat ṭanna lai tur pawh ka hrelo.

" Ate, i rilṭam em? " Ka bulah Sam alo kal ve a

" Ṭam teh nang, vawiin ah thil ka ei nasa alawm " Ka nuih var var a.

" Ate, anu kha kan bulah a awm tawhlo a, kan thih hunah kanla inhmu leh dawn a, Anutei hi anu tur atan chuan ka duhlo " A tih chuan Sam chu ka en vung vung ringawt 

" Sam, engkim aṭha leh mai ang " Sawizui viau dan tur ka hrelo a, engkim aṭha leh mai ang ti mahila ka tan hian engkim aṭha leh ang em ka hre biklo, Sam nen chuan kan awmdun reng laiin Noah chaw eikham alo chhuak ve a, Sam nen chuan infiam in an in chhaih rak leh chul tawh. Pa hruaia pawh alo chhuak ve nulh mai

" Amelia, chaw va ei rawh " Ka bulah alo ṭhu ve a

" Aih, Pa hruai ka rilṭam lo " Kalo ti a

" I lo awm tirh khan ka ngaina che a, ka fanu ang maiin ka ngai che, Bawiha nen in in ngaizawng tih ka hriat khan ka lawm teh asin " Pa hruaia chu ka en hau ringawt, nui var var chungin min lo en ve zawk a, chutiang thil a sawi ta mai chu rinthiam ahar 

" Mahse, kan fapa tan hi chuan i ṭha mah mah ani, i nu saii pawn pawm lohna che aneilo a, Sam leh Noah te pawn angaina che mahse, thil zawng zawng hi kan duh ang vekin athleng silo a. I nu saii awmdan teh thut hian a ṭhawng che tiraw? I hriat duh chuan a chhan ka hrilh ang che " A tih leh chuan 

" Eng nge i sawi awmzia " Ka ti sep a, ka bangbo khawp mai

" I chhungten bawiha nen in in laichinna hi an pawmlo tih kan hria alawm, lung loh ah kan la lo a i pa rilru pawh kan hrethiam lutuk, Sam te kan ngaihtuah a nu tello a awm reng chi an nilo, nang inih loh chuan Sam teh hmangaih pui thei ber tur Zomuani hi neih tir kan tum ani in inṭhen mai angai dawn a, i nu saii hian hreawm ati lawk em em a, inin ṭhen chuan i hua in i belo turah angai tlat a, i biak ṭhat duh loh ahlauh avangin aman a be ṭha duhlo ringawt che anih hi, hrethiam hram rawh " A ti leh chuar chuar a, Pa hruaia thilsawi chuan min ti hreawm zual ngawih ngawih, U Ima nen kan inṭhen anga Zomuani nupuiah anei ang maw!? Engtin nge chutiang thil thleng lai chu dam takin ka hmachhawn theih ang. 

" Kapa mit tlung turin hma ala ve dawn chauh a, chu pawh ngaichanglo in midang neih tir in tum maw " Ka inring hmanlo ka duh aiin ka aw ki a ring

" Ipa luhlul zia chu keini aiin i hre zawk ang chu, nangchu hmeichhe fel leh rilru thianghlim tak ini a, mipa ṭha tak tlangval ngei pasalah neiin i pa mittlung ni tura beih chawp ve ngailo mipa ṭha leh fel ila tawng leh em em ang" Pa hruaia chuan ati leh a, a aw rik dan chu ka sawifiah thiamlo, a khauh a zawm loh ngam loh khawpa khauh ani berin ka hria. Pa hruaia nen hetiang chungchang hi kan sawidun ka ring pha ngailo reng reng.

" Bawiha pawh kan la hrilh lo, nakinah i bangbo lutuk loh nan ka hrilh lawk che anih hi, pangpar kuh mum zawng zawng hi a parchhuak kher ngailo ania Amelia " Tiin min thawhsan a, a tute chu koh in a rik pui ve hlut mai min kalsan mahse, a thusawi te chuan min chenchilh a, kapa biak ka ngai ani. Emily pui tura inchhung ka lut tur leh Nu saii lo chhuak ve chiah chu kan su ṭep a, be lemlo chuan a sirah ka kalpel nghal daih, Emily chu ngawi rengin ka pui a min biak na chu tawi te te in ka chhang, a chang phei chuan athusawi hrelo ṭhak khawpin ka ngaihtuahna ka kawm a, ka awmdan avang chuan nuamlo atih hlauin keimah zawk ka inthiar fihlim. Room ka luh hnu lawkah U Ima alo lut ve a, tun atan chuan ka be chaklo 

" Eng nge i lungawi loh na, ṭha deuhin sawi dun teh ang " Ati a, ka biak chak loh em avangin ka hrelo der hmak 

" Amelia, hetianga i awm hian ka tan ahrehawm ania, i pa mittlung nih tumin theih tawp ka chhuah a, nang lah ka rilru ti nuamlo zawng hlirin i khawsa bawk si. Inlungrual leh in ngeih taka kan awm hun anih hi " A tih leh chuan lungawi lo deuhin a mitah tak chuan ka en a

" Ka awmdan hi ka duhdan anih bik i ring emni? Zomuani lo awm ve hi ka huphurh reng renglo, nang hian ka awmdan hriatthiamna pakhat mah ineilo ani, i lakah chiah ka inbunruak theia mahse, nang chuan ka awmdan te hreawm ka tihna hmuh kanin Zomuani i ṭan reng a ka thlavang hauh na chang pawh hrelo, rilru kawi pu leh Zomuani huphurh ang ah min chhuah leh daih a, chuti chung chuan ka lungawi loh na min zawt vel maw? Lalhriatpui thlawk bo mai teh " Ka ti tawn tawn, Lalhriatpuia chuan min en tlawk tlawk a, engmah asawilo boruak arit in thawm a reh vung vung.

" Ka tihpalh " A reh vung vung hnua a tih chuan, ngeiawm deuhin ka nui lui vak

" Ka u in inluah tur ahmu tawh, ka insawn chhuak dawn a Zomuani chu neiin chhungkua chu din rawh, Kei ai chuan Zomuani hian i fate hi a hmangaih pui zawk ang che, kapa mittlung tur chuan bei duh tawh suh, kwng rualrem tak a awm laiin tinge kawng rualremlo khawkrawk leh buh boh deuh chu i zawh luih kher ang, ti hian tawp tawh mai ang " A tawp ber a ka thusawi chuan keimah zawk hi min vit ngut ngut, ka duh em em mipa nen kan inkar ah keimah zawkin tawpna thu ka sawi ang tih ka ring pha ngailo.

" Engvang chuan maw kan in ṭhen ang " A ti nghut a

" I pa ten Zomuani neih tir che an tum hi " Ka ti ve hlak

" Chumi vang chauh chuan maw Ruatpui, Awlsam takin kan inkar hi i titawp dawn emni? Zomuani hi neih ka tumlo a, nang ka nei thei dawnlo che anih chuan Kawppui ka nei tawhlo mai ang " U Ima chu ka en tlawk tlawk, a hmel ah chuan fiamthu na reng reng ka hmulo

" He in aṭang hian ka chhuak phawt ang, Zomuani i neih leh neih loh chu ithu ni rawh se " Ka ti a khumah ka ṭhutkai san daih

" Nei ta ila i rilru ana ang em? Nge min lawmpui zawk ang" Eng zawhna atthlak nge min zawh hi, Ka mipa hmangaihin midang nupuiah nei ta se ka rilru ana lo ang maw? Chuan ka lawmpui bawk ang a. Hnailo lutuk chutiang khawpa mi rilru ṭha ka nilo, khum hrulah alo din chuan khumah ding kangin ka kuah a, ka thinrim em em lai khan kan inkar tawpna kha ka siam a mahse, ka sawi zawh rualin ka inchhir nghal anih kha, Eng ang harsatna pawh tawk dawn ila aman min thlaha min kalsan te anih loh chuan kalsan chhan tur ka nei biklo. 

" Aih, nei suh. a na dawn emai " Ka ti ṭiau, ka hrawk a thip hlur bawk. Nghet deuhin min kuah let a, ka hahdam suai suai in ka hria 

" Zosangi a thih khan ka nunah hmeichhe dang lakluh leh ka tum tawhlo a, ka lakluh leh theih pawh ka in ringlo. Mahse, ilo lang a hmeichhe dang aia i danglamna kha hmuh hmaih chi pawh anilo, hmeichhe buaipui tum tawh lo khan nang tereuh hi ka buaipui leh em em che a " A nui pah ruh ruh a.

Zanah Noah te ka bulah an mulo a, ngaihven deuh ang in ka awm duh biklo, U Ima in min chhuahsan hnuah ka mu ve nghal daih a, Kanu te nen pawh kan in be khat ang reng. Zingah chuan ka tho hma vak lemlo a ka harh laklawh a ka mu nawn leh bawk nen chuvang chu ani. Kailawn a ka chhuk laiin U Ima thinrim aw ri ka hre nghal a, ka ding deuh chat

" Ka nupui tur ah chuan ka duh ka thlang tur ani, Zomuani hi neih ka tum reng reng lo, bialnu ka nei a nangni leh zel chuan buaina min siam suh u " Ni chin ai khan a aw ki pawh a hniam ta deuh 

" I tih luih tlat chuan I nu leh Amelia nu inṭhianṭhatna pawn atuar thei tih i hria em? Puitling zawk kan nih hi, kan ruahman ang chuan awm mai rawh " Pa hruaia pawn ati ve hluk mai

" Ṭhen ka tumlo, aman min kalsan a min hlat anih loh chuan kalsan ka tumlo " Khauh deuhin ati leh a

" Bawiha, a nu hi anu tak tak anilo tih i hria ang tiraw? A pa in a fanu tan a atawrhna te kha chuti maiin kan namnul theilo ang, Keini pawn Amelia hi monu atan kan iai reng renglo kan ngaina mahse, apa lo enkawlna te a thil tawn te i hre ve vek a, ti lui tlat lo zawk teh " titu chu Nu Saii ani tun ang zingkar a an in hau mai chu amak ka ti deuh

" Ka hrechiang lutuk, A fanu hi infiam nan ka hmang reng renglo, chu chu fiah ka tum bawk. Ruatpuii hi ka hmangaiha chan mai ka tum lo " U Ima in ati ve leh hluk a, an chhungkaw buaina ah chuan telve ka tumlo room ah chhoh leh mai ka tum laiin 

" Anu tak tak pawh i hre ngei ang, anu diktak hnaih takah engtin nge apa in a fanu a awmtir reng phal ang " Nu saii'n ati a, ka ding leh chiang asin. Kanu diktak maw! Tunge kanu diktak chu ni ang. U Ima pawhin a hria a kei hian engmah kalo hre ve reng reng lo. Ka room ah hmanhmawh deuhin ka lut a, kanu ka call nghal.

" Nu, tunge kanu diktak chu i hre ve tiraw? " Call a chhan rualin ka ti nghal tawng a

" Eng nge i sawi awmzia " Alo ti let hu 

" U Ima te laina hnaiah kanu diktak a awm emni? Kapa hian U Ima a duh loh vang hrim hrim nilo in kanu diktak hnaiha ka awm aduh loh vang tiraw, U Ima nen inṭhen tura min tih " ka ti zui mawlh mawlh a, Nu saii ten engkim an hriat chuan kanu hian a hriat loh chhan tur ka hre biklo 

" Hrilh ta che ila i tan eng nge hlawk ang, i nu dinhmun chu ka luah zo lo ang tih chu ka hria mahse, ka theihtawp chu ka chhuah asin " A lo tih zuai raih chuan hreawm kati

" Ka tan chuan kanu diktak hian ṭangkaina leh awmzia aneilo, engmah sawi angailo " Ti sawk sawkin call ka dah nghal daih, engmah ngaihtuah chianglo hian ka che leh buan buan zel hi a buaithlak. Room aṭanga ka chhuah chuan U Ima nen step ah kan in tawk a, ahmel chu ala dik chiah lo 

" I va nguai ber bur ve " Ka ti sep a, tawite a min nuih in 

" Ka ngai che a " A ti sup a, a awmdan vel chu a lawmawm ani tawp mai

" Keipawn ka ngai che " Ka ti let a, ka sawi zawh rualin lai deuhin ka nghawng ka khawih leh neuh neuh tawh

" Zan riakin ka Treehouse ah khan kan kal dawn mi, Noah leh Sam te kan hruai ang a " a tih chuan phur zetin lu ka bu nghauh nghauh a

" Remchang hmasa berah kan kal dawn nia, room ah hnathawh tur ka nei lawk a " A tih chuan a ka bu nghauh a, Ani room ah a kal a kei Choka ah ka lut ve thung

" Ilo buai em? " Ka ti lut a, Nu saii alo awm ve kur mai

" Buai nang mahse, salad hi kei aiin i siamtui zawk a " Emily chuan ati a, keipawn fridge hawngin Salad tur chu ka la chhuak ve nghal

" Emily, pawnah Sam te kha an awm a, va ngaihven ve lawk ta che " Nu saii'n ati a, Emily pawn ' Aw le ' tiin choka a chhuahsan ve nghal

" Amelia " Emily chhiah hnuah ati deuh hluaia, ka en dawrh ringawt

" Eng nge nita Nu sai " Ka en reng a min biak chhunzawm bawk silo

" A ngai leh lo mai " tiin a chhuak daih a, min ti hrilhhai alawm maw le. 

Kapa te pawh Aizawl anlo thleng ve tawh a, Nutei tein ah an in nghat, zanah U Ima nen kan va kal a, kapa chu a lawmlo tih ka hmuthiam ve reng, U Ima pawn a ahriat ve ka ring. Ka u chuan ṭha deuhin a bia a, Kapa chuan biak pawh a be eihlo U Ima in a biak ve pawn arul tawk lekin a chhang a, ka tana a nawm loh zia leh U Ima ka khawngaihzia chu pui tak ani. room ah aluh laiin ka zui lut ve a.

" Pa, iti ve mah mah ani, ṭha deuha abiak che chuan ṭha deuhin chhanglet ve mai ta che " Ka ti a, kapa chuan chiang kelh kawlh in min en a

" Ka thu zawmlo a min pal luih khan tuna ka awmdan tur hi ngaihtuah thleng tur ini alawm, Ze hrang hrang ka nei velo, ka lawm loh chuan ka lawmlo ani mai " A ti bur bawk si

" Tunge kanu diktak chu, U Ima i duh loh vang ngawr ngawr anilo tiraw, Kanu diktak vanga U Ima te nen inhnaih duhlo ini tih pawh ka hria " Ka ti veleh zel a, kapa chuan thawpui ala halh 

" Hriat tur chin bak hriat belh tlat tum ṭhin suh, i tana ka tawrhna te zawng zawng kha I hrethiam phaklo anih pawn zah veta che " A ti vin hluk 

" Ka zah che asin mahse, kan duhdan a in ang theilo anih hi. Min enkawlna avangin i duh duh danin ka nun hi ka hmang ang a ka nun chu ka thu nilo in ithu ani ang maw, chutiang a awm tur chuan min duh takzet maw? " Ka ti ve kher, a ngawi hmak tawh a, chutiang na na na chu tiin chhuahsan mai ka tum lai chuan 

" I nu ang kha inih ka hlau, nu leh fa hian in anna tam tak an nei ṭhin, hmeichhe rilru nghet lo leh thlemsam tak inih ka hlau " Kapa thusawi chuan min ti hrilhhai a, ka lungawi lo takzet bawk

" I fanu hi mi rilru nghetlo leh thlemsam tak ang in min hmu maw!? " Mak ka tiin ka van hrilhhai tak

" Ka hlauthawng mai ani " a tih leh chuan chhang tawhlo in room aṭang chuan ka chhuak nghal hmak. 

" Hawng ang " Ka bag kala a, Ka u leh U Ima bakah Nutei te nupa chuan min en hau mai

" Ruatpui " U Ima chuan midang mitmei aven vang nge ati sup a

" I hawn duh loh leh Keimahin ka hawng mai ang " Tiin ka kalsan a, U Ima in Nutei te a mangṭha thawm chu ka hre hman vuai

" Bawihi " Motor bulah ka ding a, U Ima pawh alo thleng chawpchilh nghal

" Tinge i thinrim, i pa nen khan in in hau emni? " Ka kut alo vuan a, ṭah chhuah vanga hrawk thip ṭun chungin U Ima chu ka en ngawt ngawt, ka mittui avangin ka hmu phei riai bawk

" Hetianga i awmte chuan engtin nge i pa rilru kan hneh theih ang, chak taka kan awm dun tlat angai ania. Min biakṭhat loh vang te min hauh vang mai maiin kan lunghnur tur ani hleinem " Min kuah a, min hnem mawlh mawlh pahin ka hnungah a chul hliau hliau. Kapa thusawi chu ka sawi chhawng duh kherlo a, U Ima chuan kapa in a biak ṭhat duh loh avanga lunghnur leh ṭap ah min ngai a, sawifiah kher pawh ka tum chuanglo. In kan thleng a Zomuani leh Nu saii chu common room ah anlo la ṭhu dun a

" In va reilo ve " Nu saii'n min biakna chu U Ima zawkin a chhang a, Nu saii hi ka va hua anilo a min ngaina tih ka hria mahse, a zia a thlak thut ṭhin kha ka ngaina lo a, ahma ang tak khan ka pawh lutuk thei tawh tlatlo, chu chu U Ima pawh hian a hrechiang. 

" Noah te pawh an mu tawh, An room ah an mu ve duh tawh a atihzia khawp mai " Atih leh laiin keichu step ah ka chho mek, Sam te room ah chuan ka lut a, an unau chuan an mutui dun khawp mai, an muhil hmel chu ka thlir vang vang, anni hi keichuan ka hmang ṭangkai velo, an pa hnaih nan ka hmanglo a, U Ima ka ngainat hma daihin an unau hian ka ngaina tawh.

" I mit a tla ang e " ka bulah alo ding ve khup a

" An bulah ka awm reng theih nan ei daih ngata se, an bula ka awm reng theih nan anih chuan ka lem daih duh sng " Ka tih chuan a nui a, ka darah min kuah in alamah min hnuk hnai hret

" Ka lawm e, ka fate i hmangaih tih ka hria " A ti a, min kuah nghet salh 

" Hulk aiin Dinasour unau hian min hneh hmasa zawk alawm " Ka ti a, lungchim deuhin Naupang pahnih muhil lai chu kan thlir dun reng. Lungkham nei run lo a chhungte phalna thlapa an pafa thum enkawl hi ka chak. 

" Zan riakin Ka treehouse ah khan kal kan tum a " Tukṭhuan ei laiin U Ima in a asawi chhuak nulh a

" Tute nen maw " Pa hruaia'n ati nghut

" Ruatpuii leh naupang pahnih nen " A tih chuan boruak a reh duk mai

" A tih chi loh ang " Pa hruai'a ati leh 

" Zan riaklo in kal zawk rawh u " Nu saii'n a ti ve thung a

" Ka riak duh, Apa kan kal tak tak dawn ami " Noah a phur leh khawp mai.

" Ni e, keipawh riahchhuah ka chak " Sam pawh ati ve sup

" Thilmawi ani hleinem, Amelia chhungte an zahawm, hreta se apa alawm hauh dawnlo, khawlo deuhin in awm dawn tihna lam anilo, fimkhur taka in awm hun anih hi " Pa hruaia'n ati chuar chuar a, Zomuani chu a ngawi ve kar mai. Zomuani nei turin an nawrlui tawhlo a, Zomuani pawh tunlai tak hi a hnawksak vaklo.

" In sawi loh chuan a hrelo ang " U Ima lah chuan ati leh then a, a chaw thleng chawiin a kham nghal daih, ka kham ve hnuah U Ima bulah ka kal a

" I fate i fuihpawrh ani maw " Ka tih chuan a nui chhuak huk

" Noah i kheuh zeuh kha ka hmu vek " Ka tih leh chuan phat ngaiha hrelo deuhin a ban a phar hluai ringawt, Chaw ei laia Noah ṭawng dawn khan U Ima hian a kheuh zeuh tih ka hmu ve kar alawm, hepa hian a fate a hmang ṭangkai anih hmel.

" Fate hi duat hlawm tawp loh tur, hmantlak ni tura chhawr thiam te hi an ngai " A tih chuan ka nui ve tawp, a thu lakdan tehdaih chu nuihpui loh chi aawh anilo 

" Treehouse ah chuan kal kherlo mai ila, Pa hruaia ten an phal bawk silo " Ka ti a, ngaihtuah chian chuan kal hi a finthlak berlo, kapa rilru hneh a ngaih hunlai tak ani bawk si

" Kan Pali chauh in ani hleinem, Dandani leh ka ṭhianpa an tel ve dawn a, ka sawitel duhlo mai mai anih kha " a tih chuan ka hmui ka ti pawrh vak ringawt

" Midang an tel ve tur chu i lawm leh chiah si na nge, lungngai suh duatna hun che chu a awm lutuk ang " A ti leh ham ham a, chhan ngaihna pawh ka hrelo ve.

" Inva inhmeh ve " Dandani leh U Ima ṭhianpa Sanglura te an lo thleng ve chiah a, Dandani a nerchhe nasa mai

" I hmelchhia, Lalhriatpui hmelchhepa pawh saw aṭhianpa min lo lamtir kher angailo ania " A ti hlak hlak a, U Ima te chuan a phun thawm an hrelo hrim hrim, Sam leh Noah te chu Insir lamah an awm a, tui an chen loh leh an infiam a, an bengchheng khawp mai. 

" in inhmeh alawm " Ka tih chuan ka tukhumah min nam a, ka inringlo bawk nen hmalam ah ka bu dawrh

" Chance in neih duh vang hian min hmang ṭangkai tih ka hre ve vek ania " Ati hlar a, ka nuih tlawn var var reng

" A lum emai, Naupang ven pahin tui cheng ve ila, eitur siam ala hun bawk silo " Dandani'n atih chuan tui ngaina vaklo mahila inchiah daih chu ka chak ve tho. Kekawr bul chhing teu leh bahder ka ha a, hetiang anga chhing leh themhlep ka ha ngai bawk silo a ka ni deuh huih in ka hria.

" Amelia chu tinge i en vung vung a, Sam " Sam te bula kan kal ve chuan an unau in min lo en vung vung 

" I inhmehlo " Sam in ati hmuk a, Noah in pawmpui zetin a lu a bu nghauh nghauh 

" Awi! Hemi te unau hi i lakah thikthu an pe chhe vel tawp " Dandani lah chu ring deuhin anui uar uar a, Sam leh Noah an tum bur bawk si 

" Thikthu lam pawh anilo " Ka tih chuan

" Enla i hak ang tho ka ha a, keichu engtin mah min ti velo, nang chu i thawmhnaw hak ah ringawt pawh an lungawi lo ringawt ania " A tih chuan ka nui ve ringawt, Dandani leh Noah chu tuiah an cheng a, keichu ka ngam ve vaklo ka ke ka chiah a, ka bulah Sam a ṭhu ve kur bawk. U Ima te chu khawnge an awm tak pawh ka hrelo. 

" Hei ti miah suh " Ka sawi zo hman chiah Dandani'n tuiah min pawtthla a, Noah a rak ṭung a Dandani nen anla in high five zui 

" Sam lo lut ve rawh " Ka tih chuan alo zuang lut a, tui a intheh in kan rak ṭeng ṭung mai. 

" Chhun thil ei chu a hun tawh viau asin " Tui aṭangin ka chhuak a, U Ima alo lang ve nawlh, ka ke aṭanga ka chhip thlengin min en chhuak vek a, ala tum hmuk zui 

" Aw, ka inthlak anga kalo siam ang " Ka ti sawk sawk a, towel chuan ka intuam sawk sawk

" Khatiang tiu teu ha tawh suh, a huh phei chuan amawilo" A tih chu keimah aiin Dandani'n alo chhang leh hmasa zawk

" Tunge tui cheng dawna kekawr tlawn leh tshirt ha ṭut ngai, Pathlawi thikthu chhe lutuk mai " A ti hlak hlak a, U Ima in rum deuhin a melh run 

" Lo chhuak la, eitur chu buaipui rawh u, tui chen chu a hun tawhlo " A ti leh hmuk, ve ber bur hian a

" I chhe ber bur, kal mai teh " Dandani lahin ala ti zek zui, kan inzui lut a room ah pawh alo lut ve zel, ka inthlak a bathroom ah ka luhsan hnuah a chhuah mai ka ring ania, ka inthlak fel vek hnuah pawh alo la ṭhu kur a

" I chhuak daih tawh emaw kati a " A bulah chuan ka ṭhu ve a, min lo kuah khawm nghal hlun

" Ka ngai che " Ka bengbulah a ti sup a, ka en chho(h) rualin ka hmuiah ah a fawp nghal chat, ka chhanglet a kan infawp khat ati deuh nge a duhthawh khawp mai. 

Zanriah kan ei a, U Ima ṭhianpa U sanglura pawh aṭawng duhin Dandani a fiam zuk zuk reng mai, Naupang pahnih erawh tui an cheng nasa a an infiam chau ve deuh nge zanriah eikham hnu rei vaklo ah an chatthla der a, khumah kan mutfel hnuah pawna thingbuk hnuaiah chuan kan ṭhu a, Boruak a lum deuh avangin Cold drinks kan in a kawchhung a dai thla hawk hawk thei, mipa pahnih in an duhzawng an sawi a, Dandani nen kan duhzawng kan sawi bawk a, ṭhutlang ṭheuh si kan thusawi a in anglo khawp mai. 

" Spicy zu siam ila, ala hma si mut nan chuan " Dandani'n ati sar sar a

" A pawilo " Ka ti ve mai

" Eitur kan zu siam lawk ang aw " Ka tih chuan U Ima chu abu nghat

" Inla thu vel e, tihian innei nghal mai ru ipa ten phallo mahse, in in ruk miau chuan an phal ve mai ang " Dandani'n awlsam zetin ati a, a ngaih ang hian thil a awlsam ringawt bawk silo, hrilhfiah vak dan pawh ka thiamlo e a, Spicy chu Dandani'n a buaipui a, abulah chuan ka awm ve reng, ka siam thiam ve vaklo a en tawp lo chu tih theih a awmlo

" Amelia " Pawn aṭanga ti ṭhawt tu an awm avang chuan Dandani nen kan in en kawk sawi kher lo chuan inthurual deuhin pawnlam kan pan a.

" Pa " Kapa leh U Ima te chu anlo in dinchilh ran

" Lalruatpui, min ti lawmlo khawp mai, tunah min lo zui hawng rawh " Min lo pan a, Kapa awmdan chu mak ti deuhin kan thlir ṭhap 

" Pa, eng nge i sawi awmzia " Ka kutah min pawt sawk a, ka harhchhuak zawkin ka hria

" I in ruk tir vel ani lawm ni, ka thu i pawisa lo chu ka hrethiam thei mahse, i kal thui mah mah ani. In inkawp hi ka phallo, zanin aṭang hian Saii tein ah pawh i awm thei tawhlo ang " Min pawt kal deuh nawk a, kapa thuhriat chu a dikloh zia sawi tur pawhin ka ṭawngchuak hleitheilo

" Kapu " U Ima alo inrawlh a, kapa hmaah tak alo ding

" Ka lawmlo khawp mai, Imanuel " A ti hluk

" Kan inru lo, i hriatsual anih hmel. Zanin hian kan ṭhiante pawh an awm ve hi " A tih pawh chuan kapa chuan luhlul zetin min kalpui a, ṭang ve ṭang ṭang mahila kapa tha chu hnehlo tak kani.

Cont..