Young Lady and Gentleman Chapter-4

 " Eng nge awmzia " Ka tih chuan Dandani chu a nui a

" Kapa leh Pa hruaia saw unau an nia, a nihna diktak ah chuan U Ima te nen cousin kan ni tihna anih chu " A ti a, a sawi zawh rualin anui uar uar leh nghal

" Chungte chu min hrilh ve vat ta che " Ka ti hlar a, a nui reng pawh chu ka ngei, min ṭhawn thut a tum ve chiang alawm, midang ho pawh hian an hrelo nge an thup pui ni

" Kan in a ka hruai che kha hrilh che ka tum a mahse, ṭhawn thut che ka chak leh thut a " A ti then leh nghal

" Midang hian an hrelo ami? " Ka tih chuan

" Hria e, sawi lo turin kati alawm " Ala ti zui, a hnungah ka beng pawp, dawt min hrilh man. Midang ho kan pawh leh thuai a, Dandani a awm chu nuam ka ti phian a, kan pahnih chuan naupang ho kan veng a, tui hleuh ka thiam loh bakah tui ka hlau a, Dandani'n tui cheng ang atih pawn ka hnial tlat, ka chen duh loh avangin Dandani pawh chuan a cheng ta biklo kan pahnih chuan pool sirah kan ṭhu

" Saw nu sawn eng nge alo tih dawn " Zomuani leh nu ho nui dar dar chu kan thlir dun a, ka hre biklo tih lantir nan ka dar ka kan ak

" U Ima neih tum reng reng in a khawsa a " A ti hmarh hmarh, a haw ve ngang ni tur ani

" A ho mai mai, U Ima in a duh loh te chuan " Ka ti a

" Ehhh, nangpui hi " Min nuih vur vur a, a over ṭhin ania

" I ninawm " Ka tih chuan a nui uar sauh a

" Ka awm hi, U Ima te zawng kan chhai thlu thei em em ang, nupui a neih hma pawn mipa lerh ani ngailo, nupui a nei ve te kha amak kan ti zawk ania " A ti zui luam a

" I ninawm, chhai thluk chi pawh anilo " Ka tih chuan a nui kar kar a, kan pahniha kan awmdun hian ahran pa in midang kan rel ngailo, intih hlim nan kan rel ve mai mai ṭhin

" Au, tui ka cheng ve duh " hmeichhe Naupang pali chu kan bulah an lo ding ṭhap a, Noah chu a te ber a hlim tih hriat lutuk in anui sang reng bawk a

" A hlauhawm " Ka tih chuan a ner va nang reuh a

" A hlauhawm loh, naupang pool bik an siam alawm " Dandani chuan a ti a, tui ka hlauh avang hian midang tui cheng tur te hi ka lo hlauhpui vek zel

" Noah kawr " Sam chuan Noah kawr chuan min lo vawm a, ka dawng ve chat ani pawh a cousin te nen an awm chuan nuam ati ve khawp mai, Noah thawmhnaw chu ka thlaksak a

" Phone call kan hmang lawk aw " Dandani'n atih chuan ka bu nghat nghat, Noah ka thlak fel vek hnu chuan an chenna tur bik ah chuan ka kalpui a, tui a chen chu nuam an ti tlang khawp mai, naupang chenna tur chu a thuk hranlo, an hlim tho a tiin Dandani nen kan ṭhutna ah chuan ka phei leh a, phone ka khawih ve mai mai Kan khaw ṬKP grp ah chuan ka lut a, an hnatlan lai thlalak te, ṬKP day an hman zawh hnu a an thlalak ho te chu anlo dah, khua a ka awm chuan ka theihtawkin ka inhmang ve ṭhin a, ka lungleng ve veng veng mai, ' tel ve ava chakawm ve ' tiin ka comment a, grp ka chhuahsan a pvt msg pakhat chuan ka mit ala chat, min ti danglam tawh hranlo a mahse, ngaihtuahna ati kalthui ṭhin, phone ka bih ngur ngur lai chuan 

" Imanuel te awmpui kha i ni maw? " Ti tu chu ka en chho a, a din miau avangin kei ka ṭhu a en chhoh angai ani

" An in ah ka awm zawk " Ka lo ti ve mai a, Zomuani hi ka be chak hranlo

" Eng nge Family picnic ah te i lo kal ve " A ti leh a, min tih vel dan chu min thamlo ka ti dawn nge min hmusit ka ti dawn pawh ka hrelo, ka zaidam hranlo a, min ṭawngkhum fek fek tu te hi ka dawh mai mai ngai biklo, an chawm an hrai ka nilo a, zah phu a an awm loh chuan zah vak pawh ka tum hranlo.

" I kal chhan ang chiah kha ani mai " Ka ti sam et a, ani lakah hian ka insawifiah vak chhan tur ka hrelo emai 

" Thingtlang nula tih takah manner i hrelo hle mai " Zuk han ti a! boruak a hip sang bik khawp mai

" Khawpui nula tih takah i chapo hle mai " a ṭawng thluk ang deuh chiah in ka ti fan deuh a, ṭhu reng tawhlo in ka ding ve tawh

" An awmpui mai mai inih kha, Imanuel te hi ilo beisei ve ang e, ilo beisei vang ami a fate in ngainat tir phet itum? " A ti leh hlawih hlawih a, a hmelṭhat nen a chhungril kha lutuk chuan a hmel pawh a ti kha vek tawh, changkha ang chiah in ka hmu tawh, a mah tawp hi a kha fek ang, sa ni ta se sa hanglo leh tuilo deuh ang tur kha

" I pawi ka sawi awm ka hrelo, min ṭawngkhum ve vak vak suh, kei ai chuan i zirsang in i hausa pawh ani thei mahse, mihring ten kan neih ṭhin zahawmna leh chhia leh ṭha hriatna i nei miahlo ania " Ka ti ve kher a, min melh rum ngang mai, Mihringte neih ṭhin zahawmna leh chhia leh ṭha hriatna neilo anih hi

" Hnawksak suh ang che " Min su pah kher in min kalpel a kan dinna chu a nal deuh bawk nen, a rak ṭhat a ka chelh hman hma in pool ah a tla, chhan turin tui ka hlau si 

" Min pui ru, Zomuani tui ah atla " Ka ti vak a, ka awm chhung chu a su dup dup mai, kan thawm hria in an lo kal khawm ṭak ṭak a, hmeichhe lam chu an ṭe chul mai, U Ima chuan tui aṭangin ala chhuak a, a tlakna ala reilo bawka ala thi dang hmanlo, ka hlauthawng hman lutuk chu ka tha te a khur ve thei maw le

" Engvangin nge ka ṭhiannu tui ah i nam thlak " Hmeichhe pakhat hian ati ṭhat a, awm ve ho mit chu keimah ah a fu ṭhap in ka hria

" Ka..ka nam thla reng reng lo " Ka ti bah niai, tui lam kher kher ani bawk nen ka tha ala khur a, ka la normal theilo inbengdaih tum in thawk kala leh ham ham 

" I namthla ka hmu reng che " A va han daw thei ngawih ngawih e aw, ka chiai na aawh a ti reh vek thei alawm le

" Namthla ila ṭanpuitu ka ko leh kher dawn emni, reng reng ah chutia min hmu chiang anih te chuan, ka namthlak nilo in min su a amah zawk in a balance hlauh in, tui ah a tla tih chu i hmu chiang khawp ang chu tiraw?" ka ti ve ta nghat a, a mitmeng a pha nghal dai alawm, daw heh lutuk mai

" I va zaklo ve, i namthla chiang lutuk " Ka ṭang laklawh ati deuh aniang aṭan na ngaiah ala ṭang ve ṭang ṭang, Puitling lam chuan ' tihpalh anih kha ' an ti a, an kal kiang deuh tawh, Zomuani pawh ngaihtuah awm ani hranlo

" Zomuan, henu hian a namthla che tiraw? " La ta hram hram chuan, ka chhan hma in U Ima chuan alo khap a

" Sangpui, ngawi tawh rawh, Ruatpuii hian Zomuani namthlak chhan tur aneilo " A ti hmuk a, an hlau ngang aniang an ngawi ṭhiap mai, U Ima in ka lam aṭang chu anuam ka ti veng veng, Sangpuii a tih nu leh Zomuani kalsawn tur chuan min han su leh hram a, kei lah kalo inring biklo kan dinna ah tui a huh bawk nen, ka pai khat khat a, tui ah ka tla ngei dawn niin ka inhria, ka rak vak chak a ka aw a chhuak theilo mahse, tui ah ka tla lo a, ka kawngah kut lum vung vung in a dawm tih ka hriat leh meuh chuan U Ima awm ah ka bei hle hle tawh, ka thinphu erawh ala normal lo ka hlauh vang aniang, ui ru deuh a inlak hran ka tum chu ka kawnga akuahna chu ati nghet sauh a, tim daiin ka melh chho U Ima erawh mitmeng rum ul chungin kan piah deuha Zomuani te chu alo meh run mai

" Duhtawk rawh u ka ti ani lawm ni? " A ti ṭhawt, a taksa ṭang ṭalh ṭalh chu a taksa ka deh miau avangin ka hre thei

" Kan tihpalh anih kha, tinge i thinrim vak a " Sangpuii zawk in ati lar lar a

" Zosangpui, i tihpalh miahlo i nungchang fimkhur tawh ang che " A ti chang leh bawl mai, a thinrim tak tak ka hmu ngailo bawk a, tuna a awmdan hi ka ṭih ru riau, a bek a thisen zam pawh apawng ṭalh ṭalh mai

" Eng nge i chhan em em a " Vin ṭhat in Sangpuii bawk in ati a, kan thawm chu a ring leh ta viau nge, puitling lam an lo kal leh ṭan a, ka kawnga ka kuahna a thlahdul takah chuan keipawh ka inla hrang ve nghal

" Eng ni ni leh ta, vawiin chu in in tihbuai reng a " Nu ho in an ti chul a, Luhlul zetin U Ima chu a ding ngal awmdan mai tur pawh ka hrelo

" Awi! Eng nge thleng a " Ti chungin Dandani alo lang ve nawlh a, ka lawm dan chu kuah chung chung mai ka chak, U Ima ka lamah ṭang mahse, a hmel awmdan hian min hnem lo ve em ani

" Zomuani kalsawn pui ka tum a, Amelia hi kan su palh a U Ima hi alo thinrim vak anih kha, ngaihdam pawh kan dil reng " Sangpuii chuan ati zat zat a, min su palh lo tih ka hrechiang mai sia

" A tawk tawh kan tih kha, Hun danga kan picnic in hetiang hian kan ni nuai nuai ngailo, mihrang kan awm vang te pawh aniang " Nu pakhat cher ṭhing ṭheng hmui mawilo deuh hian ati zet zet a, min khei ran a ṭawng chu athiam ve khawp mai, ka kal ve ta kher kher chu ka inchhir

" Diki, i ṭawng chuangliam mah mah, Bawiha a thinrim mai mai ngailo, a thinrim chinah erawh thil mai mai ani ngailo " Nu Saii'n ati ve fak fak a

" Zomuani hi kan chhungkua ani bik lo " Dandani chu ka sik ru zeuh, ala hrelo der hmak leh nghal

" A hma pawn alo kal fo alawm, buaina a chhuak ngailo " Sangpuii bawk ani

" Thisen zawm kher hi chhungkua ani ngailo, thisen zawm rilru chhe deuh chhungkua neih ai chuan thisen zawm lo rilru tluang pangai chhungkaw neih ka thlang zawk, vawikhat mah Family picnic rawt tawh suh u " U Ima in atih leh chuan tuman ṭik pawh kan tilo, Pa hruaia te phei chuan min kalsan leh daih tawh

" I mak lutuk Lalhriatpui " Sangpuii ati vak a, naupang ho lah kan boruak hre lek lo in an rak chul reng a, kan indaih hlawm khawp mai 

" Ruatpui, naupang ho hruai rawh motor kalo la chhuak ang " Min en chungin U Ima chuan ati a

" Aaaa...aw..aw le " Ka ti nawk nawk, kalsawn mai ka tum laiin Dandani'n min chelh bet tlat a

" In hawnglo ang, duh leh Zomuani leh Zosangpuii hi hawng rawh se " Dandani chuan ati ve hmak a, tui lai rap in ka awm eng nge tih tur pawh ka hrelo

" Dansang, Ai upa zahna i va tlachham ve, i u aiin khanu lam kha i ṭang maw! " Hmui nalhlo zet nu khan alo ti a, Dandani anui hak

" Ni e, Zomuani leh Sangpuii kha hawng rawh u, Rali nangpawh i duh chuan i fanu te rual hian i hawng thei ang, Amelia hi nawmnah deuha in ṭawngkhum tur anilo ania, tun thil thleng ah hian ka lawm miahlo bawk " Nu saii chuan ati ve leh fak fak a

" Usai, he nula hi tinge i ṭan em em a " A tih leh laiin Dandani chuan min kaisawn daih a

" Na i nei em? Ka insualpui chakzia kha " Pool aṭang a hla ve deuh thingbuk hnuai pipu ah min ṭhutpui a

" In family picnic ka tibuai vek alawm, anuamlo e " Ka ti ve sep

" A ho, khami te pahnih khan buaina an duh ve hrim hrim, an mahni khan an tibuai zawk alawm, atir ah awm ve ila aw " Ka nuih tawp, a thinrim ve ngang ni tur ani, awm ve ila a ti deuh reng mai

" A tawp lamah chiah ilo lang a " Ka tih chuan ' Nia, khatiang a thlen ka ringlo alawm ' ati leh mai a, kan buaina sawilo in thildang kan sawidun ta daih, a rei deuh hnuah chuan inchhung ah min luhpui a, Kitchen lamah chuan an lo ri nak nak a, mi hmuh chuan mak ti ang leh min en hrek hrek tu an awm velo, min be bawrh bawrh hlawm a, nichin thil thlengte chu tuman an sawichhuak lo. 

Noah chuan a unaute bula mut ve atum a mahse, an mut dawn tak tak ah chuan ka bulah tho mut atum, midang ho chuan ' Noah tih mawh teh lul nen, Amelia chu a ngaina hle mai ' an ti a, hriat nualo tak chu anilo. Tlaiah khan a riak ve theilo tur an hawng a, a tam zawk kan la awm tho, Dandani nen room khatah kan awm a, Noah nen kan pathum chuan kan mu ṭhap, tui deuh a Dandani leh Noah an mut laiin ka muhil ve leh thei mailo a, thawmdim deuhin ka tho ṭhem ṭhem, pawnah ka chhuak a, inchhung boruak leh pawnlam boruak chu a dang daih, thawm a reh duk a, thingkung a tam bawk nen ka hlau leh deuh, ka chhuak ta kher kher chu ka inchhir lek lek ani mahse, inti huaisen luiin ka kal zel a, Pool sir a U Ima ṭhu ka hmuh chuan ka ding dat, ka va pawh anga lawmthu ka hrilh ang nge ka va pawh kherlo zawk ang, ka hrethiam chiah biklo. A thinrim khan amah kha adanglam vek a, ka hriat ṭhin U Ima kha anna anei pawn ka hrelo, Zaidam thinthawk chu an rapthlak an tih kha, U Ima pawh Mipa zaidam tak ani a, vawiin kha chu a thinrim ve ngang tih ka hria

 " Lokal ta che, ka seh lovang che " Pawh kher tumlo a kalsan ka tum laiin alo ṭawng thut a, ka phu dawrh thei, a hnunglamah mit a nei aniang

" Chutiang pawh anilo " ti sep in ka pan hnai a, a bulah chuan ka ṭhu

" Min hlau ami? " Light eng chuan a hmel chiang deuhin a chhun a, a mitmeng dam thlap leh a hmel pa zet chu thlir reng mai ka duh

" Hulk i ang " Ka tih chuan, a beisei loh thil aniang a nui chhuak huk a, ka nui ve lem lo 

" I va maksak reuh tak " A tih chuan

" Hulk chu a thinrim in a hring vek a, nangpawh i thinrim chuan i danglam daih alawm mahse, ka lawm e aw ka lam i ṭan avangin " Ka tih chuan a nuihza hmel a bo leh duak tawh a, thutak deuh in min melh run

" Engpawh nise dikna tluka ṭan phu a awm ngailo, i dik chhung chu keichu i lam ṭang ka ni reng dawn " Ka darah a chelh chuan ka phu uih a, min la nuih ruh ruh leh nghal, reilo te ah a thlah veleh mai a, in belo chuan kan ṭhu dun reng, inhnaih taka ṭhu dun in inngaizawng te ramri ang thleng pha hrih lo mahila, tuna kan awmdan inhlat taka ṭhu chunga thla eng thlir dun hi a romantic ka ti ber. 

Zing aṭangin kan thawm ana nghal viau a, naupang rak ṭeng ṭung nen mutrei theih pawh anilo, Noah thawh lai pawh ka hrelo ka harh ve meuh chuan a mutna alo ruak huai tawh, kei aiin Dandani ala harh hnuhnung zawk leh nghal, Ka hmai ka phih vel laiin alo lut ve a, ala ham bai bai mai zing tho hmel chu pe ṭha vak biklo

" Lalruatpui, eng nge min nuih suk suk a " A ti nghal hlar

" I hmelkha maw le, a ṭha kati " Ka tih chuan ka lu ah min nam dawt, zingah hawn antih avangin kan insiam peih nghal thlap a, insiam vak pawh angai hranlo

" Dandani zing tho hmel chu'h hmangaih ngawih ngawih tu tan lo chuan ava hmuhnuam lo ve " Kitchen kan luh chuan an lo awm leh nual tawh a, Dandani chu anlo fiam zuk zuk, U Ima ka va en chuan a bula chair awl chu a beng thek a, nui var var in ka ṭhu nghal thak

" I mutui em? " Midang hriat ve loh tur chuan ka beng bul te ah ati sup a, ka mur chhuak vek theiin ka hria, a mah en chungin ka bu nghat a, ka sam ah min chulsak leh tawh

" Tlankual vak vak su, in tlu palh ang " Naupang tlankual chiam chu an hau pah bawk

" Dandan, Ruatpuii hi lo thlitsak ve rawh " Dandani'n coffe a thli a

" Ka hre reng, sawilo mahla ka thlitsak ang " Dandani'n ati hmak a, lo awm ve te chu an nui dar dar, kei lo ang takin ka zak ve deuh 

" I ṭawngthei reuh sia " U Ima aawn tih ngaihna a hre vaklo ani

" Hetah inlo awm ṭhap ani maw? " Nu saii alo lut hlawl a, upa lam chu common room ah an awm hlawm kha ania

" Mamawh in nei ami? " An lo ti thuai, Dandani'n ka coffe tur min pe a, mit min la siai zeuh zui henu hi a nghal takzet 

" Neilo e, ruahsur leh hma in kan hawng hlawm dawn mi kan ti, nizan lah kha a sur nasa si a " A ti bawrh bawrh a, an pawmpui tlang aniang

" Ni e, nakinah karkhat vel cham turin kan picnic leh dawn nia " An ti a, Nu saii chuan ka mutui em tih te min zawt a, ka muttui thu ka hrilh hnu ah a chhuak leh mlnghal mai.

Zingkar a hawng nghal tur kan nih avangin an insiam hlawm a, naupang hruai te phei chu an lo inzam hman viau aniang an phusa sek hlawm mai, Noah thawmhnaw kala khungfel loh avangin room ah ka chho a mahse, naupang ho mutna room ka kalpel lai chuan 

" Sam, i insiam peih tawh em? Insiampui i ngai em? " Tih ri ka hria a, eng nge ka ngaituah pawh ka hrelo room ah chuan ka lut ve nghal tawp, Sam chu a kil lam deuha a bag alo siam ve mawlh mawlh a, a cousin dang te erawh chu an nu te an siampui vek, ka khawngaih lutuk chu ka mittui a parawl nghal kuang thei maw le

" Sam, khawi kalo insiampui ang che " Ka tih chuan min pe ve mai a, a hmel te chu a ngui lap mai

" Amelia i va fel ve, anlo inzam hnawk hman lutuk a, kan lo la buaipui hmanlo anih kha " Nu ho chuan anlo ti var a, a pawi loh thu ka lo hrilh ve mai

" I nau bag kala siam lo a, kan room ah kan phei dawn mi?" ka tih chuan min hnial lo teh tlat a, a bag khai chhuakin a banah ka kai bawk a

" Ka lawm e " a tih chuan ka kal lai ka chawl det

" Sam, ka lakah inthlahrunna tur a awmlo, lawmthu pawh min hrilh a ngai hleinem? " Ka nuih var var a, room ah ka luhpui, Noah inthlakna vel chu a bag te ah ka dah luh sak a, Dandani alo lang ve nawlh

" Sam, au chu a fel iti em? " Alo ti lut bawrh bawrh a, Sam pawh a bu ve nghat, kan bag khai in kan inzui thla leh diah diah, Naupang ho chuan ' hawng hrih lo ang u ' an ti sek hlawm a, nuih te pawh an ti za

" Amelia, kan inah te lo la leng rawh aw, Bawiha ilo la hruai dawn nia, Saii'n a chhuang bawk che a i fel khawp mai " Nu pakhat hian ati a, fak na lam hi chu nuihpui loh theih pawh anilo, ka beisei aiin an bula awm chu anuam daih mai

" A hma ah hian lo ṭhu rawh, an unau in a hnungah ṭhu mai rawh se " A hnung a ṭhut leh mai ka tum laiin U Ima in a phal leh tlat lo, hnial buai lo chuan ka ṭhu ve mai a, Noah leh Sam chu a hnungah an ṭhu a, dan ngaite in Noah chu a ṭawng leh siam siam a, Sam pawh alo zawm ve zeuh zeuh.

" Naktukah Test a awm leh ang a, chuta ṭang chuan grp tin aṭangin mi pahnih thlanchhuah inni ang, chung mi te chu Company buatsaih competition ah in tel ve thei ang" Ma'm in a tih chuan ka phur ngei mai, Dandani nen chuan kan in en a kan phur ngang a niang kan khisang reng mai

" Duhsak bik te hi kan awm leh ang a " Ma'm chhuah hnu lawkah kan grp ami pakhat Sangzeli a maw ni, chu chuan min tiel zetin ati ve khanglang a

" I inringtawk lo ami? " Ner nak in kati ve kher, min chawmlo a min sawisel reng tur ani lo chiang emai

" Lo inringtawk viau mahila duhsakna hi chu a dang daih alawm " A ti veleh kher a

" Liansangzel, ka hrilh ang che, Zirna lamah pawh zirtirtu te duhsak bik ni tur hian lehkhathiam thei nih angai, chutiang chiah in Designing ah pawh hian a thiam lo na na na chu duhsak ngaihna a awmlo " Dandani'n alo ti ve hmak hmak, ka chhan ngailo hian alo chhang ziah a, a lawmawm. Sangzeli pawh chu a ṭawng zui tawh biklo a, Dandani nen thil thleng hrelo ang hmakin thildang kan sawi leh daih tawh, kan inkawm hrang anilo a, min kawm duhlo te kawm tlat hi kan tih tur ani hranlo, ka phone khawih a Whatsapp ah ka luh chuan number ngai aṭang bawk in msg pahnih lai alo awm leh tawh, ka hawng a thawpui kala halh Dandani thilsawi awh ka ngaihtuah thei meuhlo

" Eng nge, tinge thawpui i lak reng a " Ka phone enlai chu min lo bihpui ve vat a, ka dahsawn duh biklo 

" Ehe! Tunge a? " A ti ta sep a, min melh chiang ngang mai

" Ka first love " Zawi te a ka tih chuan, chiang deuha min en reng chungin a chesawn miahlo

" Dansang, i mawl ami? " Kan ti ve leh chhawng a, ka nem dat dat bawk

" Nangmah leh first love neih kha a inhmeh lo " A ti leh tawh, ṭawngkam te hi a duh rualrem lo thei sia

" I ninawm e " Ka tih chuan anui hak hak a, Ma'm in naktuk test tur atana inbuatsaihna hun min pe a, keini lah hetiang mai mai hi kan tih chu ani si

" Engtik nge i chanchin min hrilh dawn " Hawng turin kan chhuak dun a

" Hrilh i ngai ami? " Ka tih chuan min melh rum vak a, ka lo nuih vur vur

" Ka hre chak, i reply mang silo a, a tih tur alo hrilh thlap thlap bawk che sia, bakah nangma ṭhen chu anilo tih ka hrechiang mai si " A ti mawlh mawlh a ka nuih leh tawp, nunhlui sawichhuah te hi ka duhlo ṭhin mahse, Dandani chu ka ṭhianṭha ti a ka chhal ngam ani a, ka la hrilh ngei chu angai ang

" Test hmachhawn tur kan nih hi, hun remchang dangah ka hrilh ang che, test tur ah chauh i rilru dah rawh " Ka ti ve mai a, a bu ve nghat nghat

In ka thlen hnuah ala hma deuh avangin ka inti fai a ka room te chu ka tifai pah bawk, chu ti vak chuan abal lo. Ka inpeih fel thlap hnuah Emily puih tum in choka ah ka lut a, chaw hmeh siamtur dawhkhan ah alo chhawp hnawk niai mai, ka lut min hmuh chuan min lo nuih var var a

" Eng tin nge kalo puih ang che " ka tih chuan siamtur ho chu min hrilh siam siam a, ka thiam ang ang chuan ka pui ve nghal 

" Emm, thil ka zawt ang che aw " Ka tih chuan min lo en ve vat a

" Sawi la " A ti sep bawk

" Tinge Naupang pahnih hi ahran in chaw an eitir kher a, amak kati deuh mai mai " Ka ti a, a tir khan mak kati daih tawh mahse, han zawh tlawng kha nuam ka tilo mai mai ani

" U zosangi damlai chuan an kil ho vek zel a mahse, a thih hnu lawk aṭang khan an ei hran tir a, ka vil ve reng zel chhan em em a awmlo, Pu hruaia hi chuan ' An felfai hma nge nge ' ati a, nikum khan ani in ka hria an bulah eitir leh an tum a, naupang pahnih hian an duh tawh tlat lo, a hrana chaw ei kha nuam an ti ta tlat a " A ti ve ta duah a, a ho ka ti ang reng naupang ka khawngaih tlat

" A van ho em em " Ka ti ta tawp a, min nuih hak hak 

" I awm a, an rilru pawh i hmin thei maithei asin " A ti a, ka en dawrh laiin ani erawh chuan a thil sil lai ringawt alo ngaihtuah tawh. Noah te anlo thleng a inthlakpui tum in inchung ah ka chhoh pui ve vat, Noah chuan vawiin lama an thil tih a sawi siam siam a, Sammy pawh a hma ang kha ani tawh biklo, Picnic zawh aṭang khan azia hi a danglam hret chuan ka hria, ka ngaihbel nge pawh ka hrelo. Naupang pahnih pawh a pi te bulah an awm avangin Emily bulah ka awm leh a, eng emaw kan sawi neuh neuh a

" Emily, in in peih tawh chuan chaw ei insiam mai dawn emni? Bawiha leh Zuali chu an tlai dawn anih chu " Nu Saii alo lut a, keipawh ka ding zat dawhkan a tui bottle chu ka la sawn nghal a

" Nu sai, Sam te hi kan bulah an ei ve mai theilo ami? " Nu saii chhuah tum chu ka be ding leh hrih a, ka thusawi chu a beisei vaklo aniang min chhang lawk lo

" Pawi lo ve, an mahni hian an duh lo ve tawh a, kan bulah eise tih chu duhthusam alawm " A ti sam then a, ka thaw huai mai, tianga hmun danga an ei reng chuan naupang ṭhanglai an nia an rilru te a kalkual diklo ang tih te pawh a hlauhawm. Nu saii a chhuak a, Emily nen chuan kan che nghal zung zung 

" Sam, kan bulah ei rawh u " Sam chaw thleng chawi tum chu ka lo khap a, min melh kiau mai ka zam ve lek lek nia!

" Saw ta ei anuam zawk alawm " A ti a lungawi lo hmel a pu hranlo

" Kan bulah in ei khan a nuam ve alawm " ka tih tlat takah chuan a hnial lem lo, chhungkua ve lem naupang nih avanga chaw eihran kher chu a ṭullo ka ti em ani, Noah in kan bulah chaw a ei tur chu nuam an ti fal khawp a, a ṭawng leh siam siam tawh. U Ima lo hawng har chuan min kap ve reng mai, Zanriah kan eikham hnuah Emily nen kan ti fel leh nghal a, thlengsil erawh Emily ka ring deuh tawp, ka lo sil chhawk ang che ka tih pawn a duh ngailo, chutiang na nã na chu ka tia ka ti lui ngai talo

 " Amelia, hei Noah hian a notebook a ti thler a, i leisak peih em? " Choka aṭangin ka chhuak a, Common room ah ka phei ve chu Nu saii'n alo ti zung zung a

" A pawi hleinem, ka va kal ang keipawn lei tur ka nei " Ka tih chuan a ip te a zen rak rak a

" Noah chu awm itih ang lo leisak tawp rawh, pawisa kha lo kir angailo aw, i thil mamawh pawh chu i lei tel dawn nia " a ti zung zung a, hmansak tumlo mahila ka hnial chuanglo, awmzia a awm chuanglo em a, kekawr bul ka hak avangin room ah kekawr tlawn ka ha leh te te a, ka mamawh leina tur pawisa ka la nghal bawk. Noah chuan lo kal ve angen leh a mahse, a pi in a thlem zan boruak chu naupang chhuahpui na chi a nilo bawk, hmanhmawh deuhin ka chhuak a, Nu saii te in aṭanga hla vak lo ah hian Lehkhabu dawr a awm a, an lun ve viau mai

" Avan hunlo e aw " Ka phun sep, Lehkhabu dawrah ka mamawh ka lei a ka hawng leh mek, in ka thlen hma in ruah alo tla seng seng a, Noah avangin ka hmanhmawh deuh bawk nen nihliap kenna chang ka hrelo leh nghal, a tla tam telh telh a, ka thil lei saranga ka khai chu a huh hlau in ka pawm bet a, In lam pan in ka tlan dawr dawr, gate ka lut tur chu U Ima lo chhuak tur nen kan in tawk chat, coat suit nen ala in duan zaih a mak ti zet in ka en

" Ruatpui, eng nge itih " Nihliap min zawn a

" Naupang ho lehkhabu la leisak a, bakah keipawn mamawh ka nei a " Ka awm a ka lehkhabu pawm beh chu ka ti che zeuh bawk

" Min lo nghah tur alawm, khawi " Ti nghut in ka lehkhabu lei chu ala a, kal tura min mitmei takah chuan ka kal ve mai, nihliap in zawn chungin gate ah kan lut a, kan awmdan chu nuam ve deuh mai ania mahse, a sang si ama tawka nihliap a ken chuan ka huh zawr vek dawn in ka hria

" I sang si, ka huh vek dawn " Ti vak pahin a ban ah chuan ka chelh a, ka kuai nghal vak alo inring biklo nge duh ai in ka kuai hniam, hnai zet ah kan in en ran a, eng nge ka hriat pawh ka hrelo, U Ima chu hnaih hret in a hmui chu ka tawk da da, ka men kiau avangin U Ima meng kawk chu ka hmuh hmaih lo, ka thil tih atthlak zia hrechhuak in ka inla hrang a, che lo in U Ima chu ka melh reng, ani pawh aṭhawng ngang aniang a che eih biklo, remlo zetin ka kawih kun ang chuan ala awm reng, rei vaklo ah harhchhuak thut ang maiin a awm hla dawrh a, nihliap min khumtir siin ani erawh ruahsur hnuai ah a ding

" Engthil nge i tih kha " A ti sup, chhan mai dan tur ka hrelo ka thil tih kha ka chiang biklo em ani

" Ka...englo..ka hre biklo " Ka hmui khawih pahin ka ti nawk nawk a

" Ruatpui, thil thleng lo tur anih kha " A ti ta nghut, ka hrilhhai bakah ka zak bawk, a mitah pawh ka melh ngam tawhlo, min hnaih cheta lo ding leh in a kalchhunzawm a, keipwh chuti tho mahse, kan inbe tawh lo hrim hrim. Inchhungah chuan Noah in min lo lawm chung a, a thil ka leisak chu ka pe, Sam pawh la leisak a beisei loh deuhin a nui ve var var mai, U Ima chu inchhung kan luh rualin in chung ah a chho tlang nghal, ka inthiamlo bawk si ka zak bawk si..si hlir ani.

A tukah pawh chuan U Ima chu tukṭhuan eilo in a kal a, a hma zawnga min thlah ziah khan min kalsan ta nul nul si, nizan thil thleng vang ani tih ka hria a, mut naah pawh ka ngaihtuah nasa, khathil avang maia min pehhel nghal lutuk chuan min ti hnual ngawih ngawih thei, min duh lo viau ah ka ngai a, min duh ve anga ka rinna te kha beisei bo vek an ni tawh

 " Ka lo thlah ang che " U zuali'n ati a, hnial ta lemlo chuan ka chuang ve mai

" Class a hreawm em? " Kan ngawih dun vang vang hnuah ati ve tehmial a

" Hreawm lo e, a pangai vek animai " Ka ti ve mai, U Ima avangin ka mood hi a off ngawih ngawih ani ber e, mipa avanga tianga han awm mai chu'h nep ka inti ru ve ngawih ngawih 

" Ala harsa chho zel maithei, i thiamna avang liau liau a chan ṭha i chan hunah pawh nangmah itsik em em tu te tan chuan duhsakna vangah an puh zel dawn, i tuarchhel ve hle angai ang, a tir khan sual pawh min ti maithei ka fel hranlo mahse, midang hmusit leh diriam chi ka nilo ania, tumah duhsak bik ka neilo a, ṭan bik ka nei ngailo bawk, a tir pawh khan midang sawiselna pumpelh hram la ka tih avanga thil hrilh mai che kha ka nia " A ti dap dap a, U Ima ngaihtuah reng lo chuan U zuali thusawi chu la ngaithla uluk ve khawp mai, amah anglo takin a ṭawng tam phian bawk

" Ka lo hre reng ang chuan ka haw lo che ania U zual " ka ti ve sep a, nui seih in a bu deuh nghat, Company kan thlen thlengin kan ṭawng leh ta lo, kan test hun tur ni mahse, ka va phur lo tak em min ti phur tu an awm thlawt lo ani, Dandani chuan a chhan min zawt sek a, a fal a kan awm veleh keipawn ka hrilh ve mai

" Pathlawia chu ava sual ve " A ti hmak a, a bak sawi tur a nei bik chuanglo kan test a, rilru a buai nuai nuai chuan thil mawi deuh a design chhuah theih bik aw kawng lo mai, hreawm ka ti takzet bawk ani. Harsa tak chung chuan test chu kan zo veleh ta hram a  

" Competition ah hian winner inni thei anih chuan in hmahun pawh a hril thui dawn a, In zirchhuah veleh Company ah hian hna a hranpa a dillo in inthawk nghal thei dawn ani " Ma'm chuan ati a, nidang chu nise ka phur leh dawn tehlul nen, Whatsapp ah lah min be sek tu a awm a, ka mood chhe lutuk chuan ka hne kual vel vek mai ani.

" I mood a chhe emai lokal rawh, thil ei dun ang ansiam tui deuhna ka hria ania " Kan class bang hawn mai ka tum laiin Dandani'n min pawt leh dawr dawr tawh, henu tak hi chu aw khawiah nge min hruai atum ni, a scooty chuan kan tlan ve leh ang lawp lawp a, kan tlan vuk vuk takah chuan ka thawpik lutk pawh ka zia huai in ka hria

" Khawilai nge heihi " Restaurant ni ngei tur hmun fal ve ang reng deuh pakhat hma ah min dinpui a, a fal ka ti tak na a chawl chu an tam ang reng, a hmun vel leh engkim chu a mawiin a dangdai takzet ani, hetiang renga dangdai simple hi kala hmu ngailo, a pawnlam landan vang rigawt pawn a chhung hmuh ka chak tawh

" Ka ṭhiannu school kalpui ṭhin dawr anih hi, a tihvel dan hi Idea anei ṭha tiraw? A hawnna pawh ala reilo mahse, miin an hre chak lutuk " Dandani chuan ati bawrh bawrh a, Sum a awm loh chuan Idea neih ṭhat ringawt hi a tawk zo lo

" Eng nge kan la din reng " Ka tih chuan ' Awi nasa nu ' ti vak in ka banah a chelh a, min luhpui nghal 

" Ehe! Dandan, in lo chawl ve dawn elaw? " A nei tunu ni ngei tur hian alo ti hlut a, chawl ve dang an tam sia min enṭhap in ka hria, dawr luh tirh chuan min lo dawngsawngtu an awm a, Dawr neitunu chuan kan lut lai min hmuh avangin min lo pan ani, a hmelṭha in a nui mawi reuh hle a, a hleitling em em bawk mahse, ala upat loh hmel khawp mai

" Anih hi, min lo be duh bawk silo a " Dandani chuan ati ve mai a

" Awi! Ka buai ve zia aw, kapa in ' I dunthlanna ania, bulṭanna tur ka pe tawh bawk che a, nangmah in in hai kaw rawh ' ati tlat bawk sia, keimah in engkim kati vek kanu hian min khawngih a, min buaipui ve zeuh zeuh a " ati mawlh mawlh a, kan ṭhutna tur te min kawhhmuh in kan bulah chuan alo ṭhu ve tharh, amah a fel hmelin a nui sang reng a, a sual ka ring lemlo 

" Tunge ilo kalpui hi? Dansangi hi chu a fing var lo e, inhmelhriat tir pawh a tum leh lo " A ti bawrh bawrh a, ka nui ka nui ringawt

" Ni dawn tak, Amelia anih hi, Amelia hei hi Pari anih hi Malsawmpari " A ti ve ta zung zung a, Pari chuan a kut alo phar chhuak a, ka vuan ve vat aman min be sawm peih bawka keipawh ka tlangnel sawt khawp mai, eitur kan chah a Sawmpari lah chuan ' Ka treat ang che u, keipawn ka eive nghal ang ' ati a, kan pathum chuan kan ei tak ṭeuh hi

" Pa Dampuia te an damṭha maw ? " Dandani chuan ati a, nel tawh viau mahila han sawipui vak tur ka hre velo

" Umm dam e, Ka U hruaizela pawh Doctor a training mek vellore ah, ka u chiah erawh kapa dawr a enkawlpui a " a ti ve siam siam a, an chhungkua chu an puitlin hmel bik khawp mai (Tute chhungkua nge inhria emle?) Rei mawitawk kan awm leh hnuah Dandani nen chuan kan hawng veleh ta a

" A pa chu maw Sport minister pawh nive tawh an fak deuh ṭhin kha, sport lama mizoram in hma kan sawn em em na chhan bul an tih ṭhin kha ania " Dandani chuan hawn kawngah ati lawng lawng a

" Sport minister Pu Dampuia kha maw!? " Ka ti vak a

 " Umm ni e i hria ami? " Dandani'n ati leh

" Hre ve lemlo, kan khua ah hian an sawi ve nasa, ka pian hma daihin anlo kal ve tawh aniang, a nupui khan Kan khua volleyball khel kha a en tui lutuk a antia a, kapa sawi ka hre ve, amah avangin kan khua ami U Sanglura pawh India ai awh a khel thei zingah atel ve phah alawm " Ka ti ve sep sep

" Pa dampuia chu a fel alawm, Pari nen kan inkawm tirh chuan keipawn ka star" A ti veleh mai a anui pah hak hak, vawikhat chu la hmuh ve ka duh ani, in kan thlenga Dandani chu lo penglo in a tlang nghal, gate ka luh chuan Nu saii'n pangpar tui alo pe mek a

" Ka lo pek pui ang che " ka tih chuan min lo en vat

" Ilo hawng tawh ani maw? Ka pe zo ani mai tihpui ka ngailo e, zuk inti fai zawk rawh " A ti seuh seuh a, keipawn ka hnial biklo

" Naupang ho anlo la banglo ami? " Luh ka tum zet tawh chu ka ding khawmuang leh a

" Lo bang tawh e, An pa ho in Zosangi pa piancham lawm naah an kal ve anih kha " Zosangi chu U Ima nupui hlui ani, eng nge ka hriat pawh ka hrelo ka kawchhung hi a ni nuai nuai in ka hria, Zosangi pa piancham ah chuan Zomuani pawh atel ve ngei ang, innei tura an nawr reng ani bawk, kei min duh loh luatah neih mai pawh ahnial talo emni tih te ka ngaihtuah a, ka na nget nget thei, ahma zawngin Zomuani nen sawi kawp theih in an awmlo ngaihbel tur ting in nizan thil thleng kha a awm ve bawk si mahse, ka inhnem a Piancham lawmna mai mai alawm te ka ti leh thul, ka inbual ve te chu ka fai pawh ka ring neklo.

Contt...