Young Lady and Gentleman Chapter-6

 Ka rilru ah engdang a lut hleithei lo, U Ima te pafa za chu ka ngaihtuah a, Zanriah pawh eng tham mah ka eilo, chuti khawpa ka lo vei hman chu nep ka inti ru a, min duh ve mai tura ka lo ngai te chu mahni tawkah ka zak viau. Min biak dan te leh min ngaihtuahna te khan beiseina min siam a mahse, ani chuan nau ang leh a fa ang maia min en avang a min ngaihtuah leh ngaihven mai chauh ani tih ka ring thiam, zanah pawh chuan room ah ka tawm char char a, a khat tawkin an thawm ka ngaithla ru reng tho, ka thil draw laiah chuan ka rilru ka pe theilo a, paper pawh ka ṭhual hlawm a chhuatah ka paih hnawk niai tawh, chutia ka awm reng lai chuan thawm a awm nak nak a, ka beng ka chhi nghal kar

" Mu tawh mahse, Amelia bulah muttir mai la, zanah aṭhanharh hunah alo ṭap vel ang e " Nu saii'n ati lang lang chu ka hria

" A ngailo, a muhil tawh a aharh tawh mai mai lovang " Titu chu U Ima ngei ani, ka awm chhung hi a che dat a, eng emaw na veng veng hi ka feel, titak hian mipa ka vei ang tih ka ngaihtuah ngailo, a fanu mutpui pawh a phal tawhlo chu anih kha, khatiang thil thleng vang maia a in la hrang ta vek chu mak kati a, ka chapo na a kaichhuak takzet. Kha leh chen a tello in ka awm a, ka nun pawh hlim takin ka hmang, tun a taka ka theih loh chhan tur a awm lo ti a infuih mawlh mawlh chungin khumah ka mu kai a mahse, ka mu thei chuang der lo. Mipa lamah hian ka tluang dawnlo aniang ti dawn ila ka nunah mipa pakhat bak kala la lut lo. Ka muhil thei lo bawk nen ngaihtuahna a kalthui a, ka nunhlui hre thar in ka hun kal tawh ka ngaihtuah le. Papuia kha, ani kha ka tleirawl chhuah tirh aṭanga ka bialpa kum2 zet kan in zui bawk mahse, inhauh na pawh awm miahlo in inṭhen a duh thu asawi a, kan inṭhen aṭanga thlakhat pawh ral hma in kan khaw ṭhenawm ami ngaihzawng anei leh nghal, ka tuar natzia kha aw...engtin nge hmalam ka pan theih ka inti, tuar anga lang duh silo khan ka tuar, luhlul in tum hle lo i lang chuan tun dinhmun hi ka thleng kher in ka ringlo, class10 pawh ka fail ta reng. Ṭhalai ah kan inhmang a, Papuia lah ṭhalai hruaitu ani bawk si hlazir ila conductor ani leh zel a, hmuh loh tum kha thil theih loh tluk ani. Nunhlui chuan lunglenna mak tak a kaitho a, ka lungleng veng veng mai, kum pawh aliam tawh a ngaihzawng ka ngaihsak ngai tawhlo mipa hi ṭhian ang bakin ka en thei tawh meuh lo ani mahse, U Ima alo lang a ani erawh chu Pathlawi ani chuti chung chuan min hneh a, ka inhung bikna bang kha engtik laiin nge a ṭhiah ka hrelo.

Zingah pawh chuan thawh ka hai a, ka thawh chhuah chuan dar7 a ri va tawh, inphih faiin ka inthlak nghal mawlh mawlh, kalna tur hrelo mahila U Ima hmel hmuh loh hram ka duh, mipa ka nunah lak luh ka duh tawh lo hnuah mize danglam deuh U Ima ka tawng leh a, a mizia hi ka ngainat chi tak anih avangin ka duh emaw ka inti mai mai ani, hmu tamlo ila ka duhna hi a reh thei ngei ngei ang, hmeichhia kan mak ve deuhna chu tu emaw avangin kan na viau a, ngaihzawng ka nei tawhlo ang kan han ti thla rawk zel a mahse, chutiang chu thil theih loh tluk ani, keipawh mipa ka hnaih duh tawhlo a ka in hung tlat ṭhin, mi danglam deuh tawn chuan kan awn leh duai duai tho

" Ehe! Kal hmat iva tum ve " Nu saii'n a ti chul a, za lo zet in ka nui ringawt

" Nia, tihtur ka nei a " Ka ti ve mai a, nizanah ka nunhlui ka ngaihtuah nasat lutuk avang nge ka awmdan hi amak tlat, ka sawi thiamlo ka rit ngawih ngawih 

" Bawiha te pawh anla kal silo, a hmanhmawh thlak viau ami? " a tih lai mek chuan kawngka pui alo inhawng a, Noah te pafa thum chu anlo lut ve mek, U Ima hmel ka hmuh chuan ka zak thar

" Au " Noah chuan ka kut a vuan leh nghal chat a, harsa deuhin tawi te chuan ka lo nuih

" I mutui em? " Ka ti a, naupang bula ka mood chhe deuh tihlan a rem chiah silo 

" I bulah ka mulo a, ka mutui lo " a ti ve ngei reuh a, Nu saii chu alo nui hak hak 

" Noah tihtur ka nei a, ka kal tawh ang aw, tlaiah kan infiam dawn nia " Ka tih chuan a ke a per dat dat a, ka kut pawh ala thlah lo

" Eng nge tih tur i neih " U Ima in alo tih ve chuan ka ngawi reng a, chhan ka chak lemlo 

" Keiman ka hriat chuan a tawk mai, Noah ni hman nuam aw, Sam nangpawh " A pa bula ding sammy chu ka melh ve zeuh a, Noah min chelhna ka kut la sawnin, in chu ka chhuahsan 

" Buaina i nei ami? " Gate ka hawng tur chu ka hmaah U Ima alo ding a, min lo zui tih ka hre hauh lo, a hmel chu a thutak run leh nghal

" Nei nang " Ka ti mai a

" Anih chuan engvang in nge tukṭhuan eilo a kalchhuah i tum? " a ti leh nghut, i thu lo tih nghek ka chak a, ahmel ka hmuh phei chuan ka kawchhung hi a tawt up up thei, duhna lo nunrawn zia hi, chhungril ti chhe vek thei khawpa na leh hreawm ani. Hmangaihna erawh a thlum e antih ngai kha

" Min lo dang lo teh, inhnial leh insawifiah mood ah ka cheng miahlo ania " Ka ti hap, ka chau ngawih ngawih chu keipawn ka hrethiamlo, nizan ka mut ṭhat loh vang ani maithei, engmah asawi tak loh ah chuan ka kalpel a, ke chuan pan mai tur hrelo in ka kal zel, ka awmdan chu a naupanchhiat thlak tih ka hria mahse, kala upa lutuk chuang hleinem, ka phone a ri a screen ah Papuia hming alang ve mai lak loh ka tum a mahse, ni theiin ka hre biklo ka la a

 " Biak iva har ve " A lo ti nghal tawng, chhan ngaihna pawh ka hrelo, ani hi chuan pangai takin min be ṭhin a keimah hian ka be hleithei tlat lo, ka duh awm ka hre tawh silo a, hmalam ka la pan lo ang ah a ngaih ka hlauh avangin be chaklo chung pawn ka reply ve ṭhin 

" Har ami? " Ka ti let mai a, biak vel dan tur ka hrelo

" Inhmu ila, vawiin ah i buai dawn em? " Zangkhai deuhin alo ti leh

" Eng nge kan tih ang " Ka tih chuan alo nui huk a

" Ka ei miah lovang che, inla hrang tlat teh suh, hotel ah ka hruai dawn che pawh ni hleilo " A lo ti leh khauh, kei aiin kum5 dawn in a upa ang chu, hnathawh em em anei lo a mahse, music lamah a tui thung ama pualin studio te pawh aneih ve tawh tak kha, track asiam sak ṭhin bakah aman hla aphuah ve ṭhin bawk nen alar ve viau alawm. Kan in ngaihzawn lai khan hla aphuah a 'i tan' ati ve ngei mahse, release hma hma in kan inṭhen leh ta daih sia, inṭhen tawh hnuah alo release a anuihzatthlak miah loh. Kan in ngaihzawn laia keima hla nisi kha kan inṭhen a, a release chuan a bialnu thar tan ani leh daih, a hlawhtlin chhoh tak veleh min ṭhen kher kha ka lai ana ve tlat a, hmelchhiat thlak lutuk

" Class kal ka ngai a, dar1 ah kan bang ang " Ka ti ṭha ve mai, ka thusawi chhuah leh ka rilru in millo lutuk chu ka nuih a za, kan ban hun tur ka hrilh thlap chhan hi ka hmuh chak vang lam anilo, lo induh tlat bik kha anuam lo ve a. ka tei kual ka tei kual a class ṭan dawn hnaih ah chuan Company ka pan ve nghal mai, Dandani ka nghak a ani pawh alo thleng harlo

" I va hma ve, U Ima nen inlo kalrual ami? " A ti nghal bawrh bawrh a, ka chhan chak loh ber ani

" Kalrual lo " ka ti hmuk a, a ngaih aṭha vaklo nge ding dat in hnai set sawt ah min en a

" Awi, i mawl sia maw " a chal a nam dat in ka melh rum vak a

" I mood avan chhe em em, tunah tak hi chuan sakei rilṭam bula awm nen ka in tehkhin " A ti leh hram, min la nuih vur vur zui

" U Ima in zahngaihna tel hauh lo in a hnawl che ani maw? " A nui pah hak hak nia! Henu hian min ngaihtuahna chhete mah aneilo anih hi

" E " Ti hmak in ka kalsan vuk vuk a, ka hnungah la nui hak hak chungin min lo um dat dat, ka ban a vawn te chuan ka phih sawk sawk a, kan awmdan naupangchhiat dan hi.

Class ban chuan Dandani nen kan inzui chhuak a, Papuia chu ka zawngkual ve deuh

" Saw alo kal saw " Dandani'n atih chuan a hawina lam ka en ve a, U Ima leh Zomuani an ni, tunah kher chuan an mahni saw ka zawng lo khawp mai 

" An mahni saw ka zawng lo " Ka ti a, U Ima leh Zomuani chu min belo in kal tlang se ka ti kher mai

" In bang tawh ami? Imanuel nen hian lunch eidun kan tum a, lo tel ve ula " Zomuani chuan ati a, a nui var var bawk 

" A pawi khawp mai, tui deuhin va eidun ru keichu ka hman lo tlat " Ka ti zo deuh chiah Li-a ti a min ko tu an awm avangin chumi lam chu kan hawi rual vek 

" Tunge a " Dandani'n ati a, Papuia chuan kan bul alo thleng chawpchilh nghal

" Kan khua ami ka ṭhianpa anih hi, Papuia " Ka ti a kalsawn daih ka chak 

" Anih chu kan za vaiin ei ho ila ani mai alawm " Zomuani chuan ati leh lar lar a, phih lip vek ka chak hliah hiah, U Ima lah chu ngawi ngul in a ding a, Zomuani a haw viau ṭhin khan ka hria a nge ka lo hresual zawk. Ni e huat chhan tur anei lo hrim hrim

" A pawi khawp mai, Li-a hi hruai duhna ka nei a " Papuia chuan ati a, Papuia hian Amelia tia min ko kher lo in Li-a min ti ṭhin a, tun thleng in min la ko ta reng anih hi 

" Li-a maw? Ava dangdai ve " Dandani chuan ati sar sar a

" A special alawm " Papuia'n alo ti leh hmanhmawh

" Va kalru, keipawh kanu a damṭha lo ka hawng dawn " Dandani'n ati a, U Ima melh leh zawkin Papuia chu ka zui ve dat dat, heti chingchivet nuai hi hringnun chu ani si a, ava hahthlak ngawih ngawih tak

" Msg i reply ṭha duh ngai silo " Ke in kan kal a, a bula ka awm hian a hmaa nuamlo tihna zam ruk riauna ang kha ka nei hran tawhlo a, keimah pangai ang takin ka awm thei tawh, ka lakah nghawng anei tawhlo ka ti thei ang chu

" Ka online vak ngailo alawm " Ka tih chuan thudang asawi ta daih a, a hla thar tihchhuah tur lam daih ani kan sawi ni, fiamthu a duh ve bawk a rin ai chuan ka nui tam daih leh nghal, Restaurant ah te chawl in kan kal kual nasa khawp mai, thil min leisak atum chuan ka hnial ve tlat a

" Hmun fal nuam deuh i hria em? " Min tih chuan Dandani ṭhiannu dawr kha ka hrechhuak a

" Ka hria alawm, ka hruai ang che " Phur deuh in ka ti a, Pari dawr chu kan pan vang vang

" A va nuam tak ve, a chhung luh hma pawn anuam tih ka hrethei " Phur deuh in ati ve ngei a, a hmel hi chu aṭha ve mawle hettt Amelia chutiang ngaihtuah suh 

" Dandani ṭhiannu kha i ni maw? " Pari'n min lo welcome a, anui duh reuh si a fel tak tak ani

" Aw ni e, I dawr hi nuam kati lutuk a " Ka ti ve hlut a, ka fakna chu alawm tih hriat takin anui var var

" Ka lawm e, hun nuam deuh hmang ru " Dawhkan min kawh hmuh a, a kil lamah chuan inhma tawn in kan ṭhu ve ran, Waitress in kan duh tur min lo zawt thuai a, Restaurant dangah kan in eipuar tawh avangin Juice bak kan chah lo

" A hmun chu anuam hle mai " Papuia chuan ati leh ṭhin, kan ṭhutna aṭang chuan pawnlam a hmuh chian theih a keipawn ahmun hi chu anuam kati khawp mai.

" Nunhlui sawichhuah i duh tawhlo tih ka hria a mahse, vawiin hian thilsawi ka duh a, chumi anih avang chuan beisei ka nei leh tihna pawh ani chuang lo ania " A tih chuan ka en zeuh ringawt, Nunhlui sawichhuah hian awmzia aneilo tih ka hrechiang mahse, a sawi duh anih phawt chuan sawi rawh se 

" Sawi rawh, mi in ah ka awm a hun ka nei rei lo " Ka ti ve mai bawk a, chutah min en vang vang in anui suk a

" Ka duhthusam hmeichhia ini mahse, kan kum inthlauh zia chu i hria a, min duh ve mai te kha keichuan mak ka ti ṭhin, ka bialnu inih lai pawh khan ka ngaihtuah nawn fo, kan hmahun ka ngaihtuah erawh in ka rilru abuai ve takzet, i pa in min duhlo tih sawi ri ka hre ve ta zauh zauh a, kei lah hna mumal neilo ka ni bawk nen, i pa pawh ka dem hran biklo, nang lah zirlai mai chauh ilo ni bawk si i zirlai ah i rilru i pe theilo ṭhin ang a ka hriat leh lek phei kha chuan, kan inkar kha kalpui reng aiin titawp ila kan pahnih tan aṭhat zawk ka ring ta ani " A sawi zawh chuan juice chu a lem khalh a, keichuan a thusawi te chu pawnlam thlir chungin ka ngaithla

" Chuvang chuan nupui nei rawh, i bialnu pawh kha a hmelṭha alawm, mi pakhat vang a natna hi khuarei hian aliampui thei khawp mai, Kapa'n a duh loh che kha chu i chhuanlam mai mai ani, nangte chuan mi ka aṭang chauh in i hria mahse, keichuan chaw ei lai leh hunawl apiang in ka hre ṭhin, chuti chung chuan nang ṭhen ai che in i lakah ka nghet sauh a, kan chhungkua erawh kan nghing lawih ṭhin, Kapa thu ka hnial fo a tun hnu a ka ngaihtuah let hian pa te thu hnial nan chuan i rintlak loh mah mah tih ka hrechhuak, U Papui keini chu kan kawng zawh a hrang lutuk tawh, inhmelhriat satliah chauh kan ni " Ka ti ta duah a, hun rei tak sawi ka chak ka sawi chhuah theih loh chu ka sawichhuak vek tawh a, ka hahdam huai maiin ka hria

" Ka kawp lo che ania " a tih chuan ka nui a

" Inkawp nen a danglamna ka hrelo, in in be fo tih lah hriat reng reng, nunhlui chu duhtawk tawh ang, a ninawm tawh riau, iti velo maw? " Ka tih chuan anui ve mai a

" I danglam chak takzet " A ti ta sup a, ka thil in lai ka chawl det

" Midang kan ti danglam theilo anih chuan keimahni hi kan danglam angai " Ka ti ve sep, vawiin kan inhmu hi a sawtna pawh ka hrelo mahse, kan khua ami ka hmu leh hrim hrim pawh ka lawm, ka lunglen ve deuh vang pawh ani maithei bawk.

" Ka lawm e, engtik nge i hawn leh ang " In thleng min thlah a, luhsan mai lo chuan lawmthu te kan hrilh leh vel hi 

" Karkhat vel chu ka cham ka ring, kan la inhmu leh dawn nia, i lakah rilru danglam ka pu tawhlo, min be hreh tawh suh " A ti a keipawh chu ka bu ve nghat nghat, gate ah ka luh hma chuan kal hmasa tur in ka ti a, min hnial lo in a tlanliam zui nghal 

" Tunge khapa kha " Gate ka lut chiah chu U Ima alo lang ve nawlh a kan in su lo chauh ani

" Min su thlu ṭep alawm le " Rum deuhin ka melh a, ani pawn rum deuhin min en, keichuan en rum chhan ka nei a, ani erawh chuan Min en rum ve ngawt chhan tur a neih awm pawh ka hrelo

" Ka zawhna che chu " Tunah hna ban hun pawh ala nilo ania, in ah alo awm teh nawlh chu amak ka ti

" Ka chhan kher che angai ami? " Ka ti ve hmak a, a ngaihdan anih loh hmel ngang mai

" Lalruatpui, min runluih kual miah suh " A tih nghut chuan 

" Nangpawn Zomuani i lenpui ve tho alawm, eng nge mipa ka chhuahpui pawh chu ilo ngaihmawh ve em em? " Ka ti hlar a, rum eltiang in ka melh nghek bawk

" Zomuani nen tehkhin suh " Ta hram hram chuan, a ṭan vel lutuk te chuan ka kawchhung hi a ti so bawrh bawrh in ka hria

" Min ti buai suh " Ka ti ve hmak, kal pelh ka tum chuan min lo dang zel bawk si 

" Lalhriatpui, Hmelchhepa " Ka ti ṭhat a, a necktie ah chuan ka pawt deuh vak

" He..hey, ka necktie ah kher chuan pawt suh " A ti nawk nawk a, ka thlah duh bik ṭhak lo nizan lama ka thinrimna te chu ka hrechhuak thar a, duhtawk leh theihtawk piah lama sawisak hrep ania ka duh

" I va kawlh reuh e " Kan din mar leh hnu chuan hah deuhin kan thaw dun halh halh, Ka sam chu a thur viau maithei ani, Lalhriatpuia pawh a necktie a sawi khawp mai

" Ka lut dawn nia, min lo dang tawh miah suh " Sehchilh deuh in kati a, min melh run reng ringawt 

" Khapa kha ka thik " Lalhriatpuia thusawi avang chuan inher a ka kalsawn zet tawh chu hneh deuh a pawh din lawp ang maiin ka ding chawt a, a thusawi chu ka bengchhe ri emaw tiin ka beng ka chhi kar bawk, chutah muangchang in ka inher riai riai a, ka thu hriat ka bengin a hriat kha adik em? Ani hian tun ang khaw en laiin khatiang thil asawilo ang, ka hriatsual ani maithei asin

" Sawi i nei emni? " Kan in en ran a, kan mit chu tu ve ve mahin kan khap eih lo, ka kawchhung hi a za nuai nuai in ka hria, ka phurna vang nge beisei loh thil ka hriat vang nge ni a ka hlauhthawn vang pawh ka hrelo e 

" Ka bulah bak i nui mawilo, mipa dang bulah nui tawh suh, an hlau ang che. Predator i ang si " A ti anih chu! beiseina sang tawk nei chungin ka hawilet a, min chhanna mai mai chu'h.. min hmusit ni ta ber in ka hria

" Aw i hmelchhia, Hulk-a hmelchhepa " Ti hlar in ka inher san leh hmak a, inchhung ah chuan thinrim deuh in ka lut tau nghawng nghawng.

Inchhung ka luh chuan Nu Saii'n min lo be leh nghal bawrh bawrh a, Ani hi chu sawiselna tur kala hrelo ani e, kanu hian ṭhian athlangthiam hle niin ka hria

" Bawiha nen khan in in hmu em? " a tih chuan ka titau tih ka hrechhuak leh chiah

" Hmu e, kawt ah alo awm a min su thlu lo chauh alawm " Ka ti nang nang a, Nu saii lah anui kur kur leh nghal, Lalhriatpuia pawh chu Company ah alet leh aniang alo dik dak lo emai, ka inbual fai hnu chuan Eirawngbawl alo hun veleh der tawh a, Emily pui turin inhnuai ah ka chhuk thla veleh a, thawm areh duk a Naupang an awm loh chuan areh tlawk tlawk khawp mai, Nu saii pawh a tu te hruai turin a chhuah bawk

" A van reh tak, i khua alo har em? " Choka ah ka lut a, Emily chu chair ah ṭhu in phone alo khawih ve mial mial, ka ṭawngri ahriat avang chuan alo hawichhuak a anui pah sang bawk

" Har tak ani, Nu Saii nen ringawt chuan sawi tur avang si " A ti ve a, a ni thei viau in ka ring 

" Naupang ho an awm loh phei chuan ahreawm anih hi " Ka tih chuan min pawmpui zet in alu abu nghat nghat mai

" Eng nge siam ngai, tih tur ka neilo kalo pui leh ang che " Ka tih chuan a tho nalh a, fridge chu ava hawng rak

" Chaw hmeh ṭhing rin leh hi an duh vaklo a, chuvang chuan chaw hmeh siamtam angai vaklo mahse, eirawng bawl apiang in athar siam zel angai ṭhin hi, a chang chuan a peihawm loh ve ṭhin ania aw " Chaw hmeh lo lak chhuah pah chuan ati barh barh a, ka lo hriatthiampui lutuk Kan khua ang ah chuan zingah eirawng kan bawl hian tlai ami tur kan hisap tel zel a mahse, Nu saii te hi chuan a ṭhing rin hi an duhlo.

" Kan khua ah chuan aṭhing rin hi kan intih hmuh, ngaihtuah chian chuan a hrisel vak lo maithei ani, chhuanglum leh ṭhin tho mahila mahse, kan tih ṭhan ania ngai ah kan nei a, aṭhat loh na vak pawh ka hre chuanglo" ka ti ve niah niah a, reilo ah Noah te pawh anlo hawng a, Noah chuan a rilṭam thu asawi a, eitur ka siamsak chhungin an unau in inthlak turin an chho a

" School anuam em? " Choka ah anlo lut a, Noah chu chair ah ka ṭhuttir vat

" Nuam lutuk, Miss pawn i fel ber i nui mawi si min ti " Inti thei deuhin ati lang lang a, Emily nen kan nui hak hak 

" I ha abal a i nui hmelṭha theilo hrim hrim, i ṭah ahlauh vang mai mai anih kha " Sam chuan alo ti ve leh hram pek, ka melh rum na chu hrelo ang hmak in a awm thiam mawle, eirawng kan bawl zawh hnu lamah pawn ah ka awmpui a, Sam te unau chuan ball an pet dun Noah pawh a rak chul mai. Noah mak veleh deuh na chu barbie vel hi alawm ve vaklo lawmlo hlawm tawp chu ani bik chuanglo, mipa toys pa deuh deuh ang chi hi alawm daih zawk

" Sam, gate pawnah kher ball kha pet chhuak tawh suh " Gate pawnah ball a petchhuak kher zel a, motor kawng kan hnaih si ka hauh na lamah ka ka reh te hi a thler mai dawn in ka hria, khua a hnim ruih tawh a ruahsur ahnai deuh a ka hriat avangin inchhungah luhpui ka tum a, ka ṭhutna aṭanga dingin Noah leh sam chu ka ko, Noah chu ṭha deuhin alo phei ve mai a, sam erawh chuan ball a pet lui leh kher a Gate pawnah a chhuak leh, thli a thaw vuk vuk tawh bawk si Sam gate a chhuak chu ka um ve nghal, Sam chuan motor alo tlan em tih lam ngaihtuah miahlo in ball chu chhar atum, motor ri ang deuh ka hriat avang chuan 

" Sam " Ti vak in ka tlanphei a, car pakhat alo tlan ve mek bawk, ka hlauthawng lutuk chu ka thinphu a su dup dup a, kalsawn pui na hun a awm tawhlo tih ka hria, Sam chu kuah in keimah ka indawh ta tawp a, ka mit ka chhing vak bawk, Motor chik tuar ri ka hriat rualin ka tlu hnawk a ka hlauh lutuk vang nge ka taksa hian engmah a hrelo

" Au , au " Sam in mangang zet a min koh ri ka hriat chuan ka harh kawk niin ka hria, ka hnung leh ka ke bakah la kut na nget nget chu ka hre nghal a, lei ah chuan ka mu thla hnawk

" Mami, i ṭha em? " Driver ni ngei turin min koh ri pawh chu ka hria mahse, ka taksa na ṭhum chuan men pawh ati harsa

" Eng nge thleng " U Ima aw ka hriat rualin Sam in ' Apa' a ti nghal ṭiau a

" Ruatpui " U Ima ṭawng ri chu ahla riai riai ni maiin ka hria

" Damdawiin ah kal angai, Kanu Naupang ho hi lo buaipui rawh " Engkim chu a reh nghal duk a athim nghal mup bawk. A chang chuan ṭawng leh nak nak ri ka hria a, a reh leh nghal duk a ahnu lawkah ka hming a min ko ri ka hre leh a mahse, chu pawh chu ka chhang theilo.

Mi pahnih ṭawng sep sep ri ka hria a, ka taksa na ṭhum chu ka feel nghal bawk

" I harh ami? " Ka mit ka men rualin U Ima in hnai set ah min bih run chu ka hmu hmasa ber a, ka meng kawk in ka hria, ka meng tih ahriat chuan a ding mar leh vut a, ka hawi kual chuan ka awmna chu damdawiin tih pawh ka hria, cabin ala ni leh ta nghal a

" I lo harh tawh maw? " Dandani'n min lo hnaih ruak a, ka lo nuih var var

" Na i la nei em? " U Ima bawk ani

" Ka ke khu ana deuh, ka rawl vek in ka hria " Tlawm ngai taka na lo tih lam alang lo, ana miau a 

" I kut ruh kha a pelh deuh a mahse, hlauhthawn tur a awmlo, i ke erawh vanneihthlak deuhin a pilh tih loh chu ruh tliak a awmlo " A ti nghal zung zung a, thil thleng vel ka ngaihtuah let a, engtin nge khatiang khan ka va indawh ngam pawh ka hrelo, ti leh dawn ila ka ti ngam tawh miahlo ang.

" Ti hian ka awrh reng dawn ami? " Ka tih chuan nui suk in abu nghat a, ka hmui ka ti pawrh tarh mai

" Hmmm, ka awm ve tih in theihnghilh ami? " Dandani'n atih chuan a awm ve tih ka hre leh chiah

" Theihnghilh lo " Ka tih chuan min ner chhiat khum a, ava han ngeiawm ve tak

" Anih chuan damdawiin ah ka awm kher angai nang " ka mutdan siamrem hlek in ka ti a

" Ngai, Dandani'n a awmpui dawn che " Lalhriatpuia leu luau chuan ati leh nghut

" I harh tawh bawk a kava hawng ang e, anih loh chuan gate vengtu in min chil nek palh ang "ati leh a Hmmm, a fiamthu ve ngei em maw ni, Dandani chu a nui ang vur vur leh nghal a, a chhuah dawn in ka sam alo chul leh zeuh a, vaisawn sak lawp duh mahila ka ti chuanglo

" Tinge cabin ah kher min dah a " Lalhriatpuia chhuah hnu ah ka ti a, a ṭullo ka ti takzet alawm

" U Ima duhdan alawm, a mangan zia mai chu maw, tunah pawh awmpui lo tur tan hawn ahun daih tawh a, a hmelhriat doctor abia a awm adil lui anih kha " Dandani chuan ati mial mial, min hmu duhlo hle khan ka hre si a

" Min peh hel char char tu ani sia, min ngaihsak vel lutuk hi ka eilo " Dandani bulah chuan ka ti deuh chiam, a la nui hak hak lehnghal

" U Ima hian a duhlo che ni pawn ka hrelo " A nui tawhlo a ahmel chu a serious ve vel lutuk

" Midang in mi hnawl dan min zawt ta se U Ima chetdan hi ka hrilh ang " Ka ti ve nghat, a pa len len nen a rilru pawh len ve tur ania, awm nuamlo lutuk in min siam reng a, a awmdan hi ka ngaithei biklo

" Awi! I thinrim laklawh anih kha muhil rawh, Nachhawkna ila rui ani lo maw, i ṭawng tam lutuk " A sawi zawh rualin ka bulah alo lawnkai nghal thak, keipawh chuan ka mutdan ka siamrem a, hmeichhe lian lutuk kan nilo bawk nen kan leng tawk viau mai. 

" Naktukah chuan chhuah dil ang aw, ka awm peih tawhlo" Ka ti leh hram a, Cabin ah kher ka awm bawk si, a nuam pawh ka tilo

" I ke vel chu ana em? Na i neih chuan sawila, i neih loh chuan muhil rawh " Ti duah in a saisir nghal daih

" Mi mutchhuak lo ve te, mu rawh intih vang ngawtin a muttheih ami? " Ti niah niah in ka mu ngawi ve ta kar a, Dandani chu a muhil nghal em maw ni, a thaw sak sak mai ahnar pah deuh ten ka hria, kei lah la harh tulh tulh leh nghal.

Zingah chuan Ring deuha Dandani ṭawng leh lawng lawng avang in peih lo zet in ka meng a, khua a eng ut tawh mai

" Dar engzat nge " Ka taksa chu a sil ṭhum maiin ka hria

" Dar7 ari tawh " Ati a, a thawhna arei tawh nge amitmeng a fiah in a thar vuk mai

" A va tlai tawh ve " Ti sep pah in ka ṭhu chhuak ve a

" Ka hnung hi asil vek mawle, ka kut hi chu ana pawh a awm lo, ka khup hnuai ka sawh pilh erawh a thip ve a " Ka ti niah niah

" Khawi teh i ke lam kalo en " A tih chuan ka puan ka lo hlim chho a

" A van mak, i ke chung vel hi a vung lak mai " A ti a, a hmet aniang a na zawk 

" I hmeh te chuan ana ve alawm " Ka ti hlar a, a nui mai mai leh nghal, Nu saii leh U Ima ten chaw min lo pe a, U Ima in ka ṭhat leh ṭhat loh min zawt sek chu ka melh rum nghek zel

" A zialo tak tak ani, na te ila nei em? Sam pawh a inthiamlo lutuk a " Nu saii chuan ati a

" Nu sai, chutiang sawi suh u ka nat em em loh hi bakah, nangmah ni bawk alawm ka tihbuai leh che u " Ka ti let ve, miin lawmthu min hrilh te min fak te hi thil lawmawm tak ni mahse, dawnsawn dan hi ka thiamlo ka ti mai keimah hian ka dawngsawng thiamlo.

" In rual in hawng ve mai ka duh, ka ke pawh ana tawhlo a, ka kut chauh ani tawh mai " Nu Saii chuan kan sir a U Ima ṭhu ngawi run chu a melh zeuh a

" I ban an phelh hun nghak law law rawh, i ke chung pawh a vun lak hi, chhuak hrih lovang " A ti sup a, a in la thu vel lutuk chu keh nawk nawk ania ka chak, Naupang an ngaihtuah avangin an hawng leh thuai a, Dandani nen chaw te eiin kan awm ve rak rak

" I buai lo ami? Ka ṭhat em hi awmpui pawh ka ngai tawh lovang " Ka ti sep a

" Class ka kal dawnlo, amak emai inthlahrung vak zel suh " A ti hluai a ka nui lh tawp. Reilo ah Doctor alo lut ve nawlh a

" I mu thei maw? " Nui sangin ati leh a, ka lo aw ve mai

" Imanuela'n ka enkawl ṭhat loh che ahlau bawk sia " A ti a amah chu anui ruh ruh bawk, chhan vak ngaihna pawh ka hrelo

" Doctor ka kut tih loh na em em a awm silo a, kan chhuak theilo ami? " An chhuak tur chu ka be ding leh hrih a

" Theih loh thu chu a awmlo, Imanuela khan i kut phelh hma chu awm hrih tur khan a duh che a, i kut phelh kha chu aharsa lo " Imanuela chugah nasa deuhin ka lawm lo takzet ani

" Min chhuahtir rawh, heta awm reng chu ka peihlo, arem chuan " Ka saelwi zawh rualin Dandani'n min lo khap vat

" Aw i duh chuan i chhuak dawn nia mahse, tlai lamah aw" A tih chuan ka lo bu nghat nghat a

" Tinge chhuah itih kher a " Doctor te an chhuak chiah Dandani'n min chhuahchhal nghal a, ka nuih tlawn var var

" Hetah ka awm reng peih teuhlo mai " Ka ti a ka chalah a nawr sawk ringawt, Kanu ten min lo bia a kapi phei chuan min lo ngaihtuah lutuk, ka ṭhat thu leh vawiin a ka chhuah tur thu te ka hrilh a, kanu te nen kan inbiak zawh chuan ka mutchhuak lutuk a ka meng thei thlawt lo, Dandani ṭawng ri te chuan min awi in ka hria ka mutthilh san daih, Engtia rei nge ka mut ka hrelo Dandani'n min ko ri avang in ka harh a

" Ka van murei awm " Ti ṭiak in ka mit ka nuai a, ka kut leh lam che theilo chuan min ti hreawm min kam run maiin ka hria

" Mu rei khawp mai, kan chhuak thei ania " Dandani'n atih Chuan ka ṭhu chhuak hluai a, min nuih vak vak leh nghal

" Chhuah pawh chu i van chak awm ve " a ti a min la nuih cheu 

" Damdawiin hi ka ngaina lo " Ka ti ve sep a, ka ke vung chuan ka chapal pawh min tawt tir a, rah zawngin ana ve zawk zel mahse, na ti ang in ka awm duhlo hrim hrim, Dandani nen kan chuan kan inzui chhuak a

" I mut hlan khan, Papuia khan alo call che a, ka lo chhansak che, vawikhat na kha chu ka chhanglo a mahse, alo ti nawn sia pawimawh tak ah ka ti a " A tih chuan a pawi loh thu ka hrilh ve mai

" Li-a " Hoapital kawt ah Papuia alo lang ve nawlh

" Ehe! Eng nge ilo tih dawn " Ka ti a, ka mak tihzia ka thup hman biklo

" Damdawiin ah i awm sia, lo kan che ka tum a " A ti ve mai a, Dandani'n call a chhan tak kha mawle

" Umm ka ṭha tawh alawm, hei kan chhuak thei tawh a " Ka ti a, Dandani chuan tunge abiak pawh kan hrelo kan piah deuh a ava ding sawn a

" Engtin nge i intih nat theih a " Papuia chuan min lo pan hnai a, min thlek kual thuak 

" Ka kut bak hi na tih tur a awmlo " Min ngaihsak lutuk chu nuam ka tilo, ka ding hlat deuh hlek bawk a, ṭawng leh tuma a ka a an zuau laiin 

" Au " Noah min koh ri avang chuan engmah a sawi chhunzawm lo, Noah chu kan bul alo thleng a, ka kut na lo lam chelh in min si chetin a ding leh tawh

" Tu nen nge inlo kal a " Ka sawi zawh rualin U Ima leh Sammy te ka hmu ve nghal a, U Ima chu a meng rum ul mai, a duh hun hun ah hian a mengrum ve ringawt zel a, Hulk hmelṭhapa hi

" Apa te nen sawn " Noah chuan a pa te chu a kawk va a

" Hei hi tunge? " Papuia chuan Noah chu a en a

" U Ima fanu anih hi " Ka tih chuan U Ima leh Sam te lo kalphei chu a en ve vung vung a

" I luhlul hle mai " Kan bulah an lo din ve rualin U Ima chuan a ti nghut a, ka nui ringawt

" Ka ṭha tawh alawm, Noah te ka ngai ve tawh a Damdawiin ah ka awm reng peihlo " Ka inla pangchang vel lutuk chu ka in ei hlawl lo, U Ima bulah hi chuan ka heti leh tlat zel

" A pawilo ni rawh se, Khawnge Dandani " A ti puat a

" I ṭhat chuan aṭha e, ka kalsan ang che, lo inekawl ṭha rawh " Papuia chuan ati zung zung a, nuamlo ati deuh ani maithei ani

" Aw le, min lo kan vang vang a ka lawm lutuk " Ka ti ve luam a

" Khapa bawk kha " A kalliam hnu ah U Ima chuan ati hluk a, chhan pawh ka chhang peihlo

" I ban kha ala na em? " Sam chuan ka ban ka awrh chu a en reng a

" Teh nang, ka awrh mai mai alawm " A inthiamlo tih ka hria chuvang chuan a awm nawm nan ka nui var var bawk, Dandani a inpeih chuan kan hawng a, Dandani an in thleng kan thlah hnuah In lam kan pan ve chiah a, U Ima a ngawi run a kei lah in sawitur ka hre bik silo, Noah titi kan ngaithla ani leh tawp, Motor a dahfel chhungin Noah te nen inchhungah kan lut a, Ka kal bai leh euh ṭhin vang nge Sam chuan ka hnungah min veng ve deuh a, Noah pawn ka kut ah akai leh tawh, Kan hawng min hmuh chuan Nu saii'n min lo buaipui thuai a

" Han hahchawl phawt teh, Eirawngbawl angai lo ania aw " A ti sawk sawk, keipawn ka hnial vaklo na lutuk tih tur nei silo in ka taksa hi a sil ṭhum mai, step ka kal tur chu ka huphurh ve deuh a ka sawi lang chuanglo

" Ka lo pawm ang che " U Ima in ati a, engtik laiin nge kan bul alo thlen pawh ka hrelo, ka kang nghal nawlh a Noah chuan a kut in a hmai a hup ve deuh ngei, kan va indaihzai ṭhin tak

" Min pawm kher pawh angailo " Ti sep in ka tal deuh a

" Tlak i duh loh chuan tal vak suh, i kut na te kha kan ti na zual leh palh ang " A tih chuan ka tal tawh biklo

" Sam i nau kha inthlakpui la, Au hi a muhil dawn a I pi bulah zu awm ru " Hmmm, ka mutchhuak tawh teuh lo mai, a sawi avang hrim hrim hian mutchhuak pawh ni ila ka meng ngar ngar duh ang

" Ka mutchhuak lo e " Khum a min nghah rualin ka ti hlar a, min nuih suk leh nghal

" Ka thil tih tum hi ka fate'n an hmuh ve ka duh hleinem " A tih chuan bangbo deuhin ka en reng a

" I hmelchhia " Ka ti vak ringawt, Lalhriatpuia lah ala nui hawk hawk leh nghal

" I laih leh i zah apiang in khathu kha i sa

wi ziah " A ti sup a, melh ram chunga thawh ka tum chuan min lo dangin khumah chuan a taksak rihna zawng zawng tello in min bawh a, ka hamhaih leh mak ti lutuk chu ka meng kawk kawk mai

" I duhawm zia hi i hria em? Hnar char char tur che ka ni tih ka inhria a mahse, midang tan ka phal chuanglo che, hmasial thlak pawh iti maithei, ka neih nan che anih phawt chuan mipa duham leh hmasial ber pawh ka ni mai ang " A aw ril ruih chuan min fan hneh takzet, a thusawi mal tin chu ka tan chuan hlim vanga au vak na tham atling vek, kan inhnaih ang reng sia, awmdan mai tur pawh ka hrelo, ka hmui a a fawh ngat phei chuan ka kawchhung hi a za uai uai thei mawle.

Cont...