Young Lady and Gentleman Chapter-8

 An thawm a reh ta diak a, Emily pawh abuai ngaiin abuai leh tawh, kala inthlak loh avangin ka pui hrih lo a, choka aṭanga chhuakin inchungah ka chho hnak hnak 

" Ehe! Min ti phu alawm " Ka room ah U Ima alo awm reng a, ka hmu thut chu ka phu zawk thei

" Mamawh i nei ami? " Min be lo in min en ngur a, ka zawhna a chhang bawk silo, eng chu hria ni maw

" U Ima " Ka ti fan raih a

" Engtik lai aṭang khan nge Dandani chu mipa alo nih tak " Fiah fak a atih nghut chuan ka dang det, ka dawtsawi min man chhuak chiang hle mai

" Kanu te ka tlawh kawi a, Dandani vel kha chu englo " Sawi belh tur leh sawi zawm tur pawh ka hrelo, dawt ka sawi a insawifiahna tur pawh ka neilo

" I nu te tlawh turin dawt i sawi kher angai ami? chutiang ti tur khawp chuan ka dang chep che ami? " A ti nghut nghut, a bek a thisen zam chu apawng ṭalh ṭalh a, ka ṭim uai uai mai. ka lakah a zaidam in a dawhthei a, tianga athinrim hi picnic lai tih loh kha chu ka hmu ngailo, amah pawn en ṭha ngamlo in hnuailam ka en ngar ngar

" Chutiang anilo, ka thiamlo ani " Ka ti thlawt, U Ima chuan min thing nek duh hmel, che hrut a ka darah alo vawn takah chuan tim daiin ka en ve ta nge nge a

" Ka dah zalen ve viau che chuan ka hria asin, engkawng ah mah ka khap lo che mahse, dawt kher min hrilh hi ka lungawi lo " Atir ai chuan a aw pawh a zia ta deuh mahse, a nelawm chuang lo 

" Kanu te ka tlawh kawi duh ka tih chuan min hruai itum leh tlat dawn sia, Sam adamlo si Dam loh lai chuan nu leh pa te hi kan ngai zual bik a, chuvang chuan dawt ka hrilh ta maiche ani, min hruai i tum chuan ka hnial hneh loh che ka hlau a " Ka ti sep sep a, nghet deuhin ka mit ka chhing vang vang bawk

" A vawikhatna leh a tawpna ni rawh se, engpawh tawk la dawt hmangin thup emaw sawi mawi tawh suh " A ti dam ta thlap a, a mah si chet a min pawt hnaiin min kuah zui vang vang, keipawn kuah let in a awm khauh ṭang ah chuan ka bei hle hle

" Min ṭawngkhum nghut nghut chang hian ka khur der der zel " Ka tih chuan anui che dawt a, keipawh ka nui ve tho

" Khapa nen in in phur chhuak ka hmuh khan ka lungawi lo a, call i chhang thei bawk silo " A tih hmuk chuan a thinrim tawhlo tih ka hriat avangin ka nui var var

" Ka duhna che tilang hmasa tu zawk ka nih kha hrereng rawh, ka vawn tawh ka thlah leh mai mai ngailo, hmeichhe rilru nghet lo lutuk ka nilo ania " Ka ti ve duah a, nghet leh zuala min kuah in ka chhip ah ahmui anawr si vang vang

" Zomuani alo kal a, Sam a damlo tih alo hre veleh anih hmel " Ka kawr chung ka hlip a, ala awm ve kur bawk si ka duh ang pawn ka inthlak theilo

" A unaunu fate an nia, a ngaihsak tur te anni alawm Zomuani chungchangah chuan ka buai miahlo ania, kan inhriat hma pawha alama rilru pelo tu hian ka bialpa inih tak avanga Zomuani i duh chhan tur a awmlo emai " Ka tih chuan a nui a

" I mizia hian alawm min hnaih tir ṭhin che, i in ringtawk ṭhin lutuk hi ka ngainat chhan che ani " A tih chuan ka hmui kalo ti sawi zeuh a

" Tunah khan hmeichhia ang maiin i ṭawng ania, ka duhlo" Ka beng ka hup a, ka ner chhe kual vel

" Ohh, anih ka sawi tawh lovang " A ti ve hlut a, kan pahnih pawh chuan kan bengchheng ve hle mai. Intihfai ka duh avangin min chhuahsan a, keipawh muangchang lo in ka intifai ve nghal, ka room ah U Ima lo awmlo selang chuan ka inti fai zo daih tawh ang mawle.

" Apa, au alo hawng tawh em? " Ka intifai zo room aṭangin ka chhuak a, step ka kal thlak laiin Noah ṭawng lang lang ri ka hria a, ka ding deuh dat

" A inbualfai aniang, alo chhuak ṭep ang " Dam thlapa U Ima in a chhan chuan step tawp ber ka thleng tawh

" Sam hi Hospital ah hruai chi anilo maw " Zomuani ṭawng no hluak avangin Common room ah chuan ka lut phei duhlo a

" Ka awm hi ka buaipui mai ang " U Ima chuan ati nghut 

" Ka unaunu fate chu Ka fate ve tho an ni, tinge ka lak aṭang hian i dah hran em em " Kanu te an awmlo aniang a ṭawng huai pap pap emai

" Beisei nei tlat lo la chuan hetiang hi kani bik nang, i beiseina chaurau deuh kha timit tawh rawh, tunah chuan hmeichhe buaipui ka nei tawh " A tih leh nghat nghat chuan ka nui sen sen tawh, ka lawmna hi a va ho tak. Common room a lut talo chuan choka ah ka tlang ta zawk a

" I inpeih tawh ami? Rin aiin ka intifai rei a " Emily chu chair ah ṭhu in phone alo en tui khawp mai, ka ṭawngri ahriat chuan alo hawichhuak vat a

" Inpeih fel diam tawh, puih ka ngai hleinem " A lo ti ve zung zung 

" I nu chu a zia zel maw? Tunlai hi damlohna atam leh lutuk a, kapa te pawh in entir in anlo kal alawm " chair pawtchhuakin ka ṭhu ve a

" Zia zel animai, damdawi ei hi a hreh thei lutuk a " A tih chuan ka nui hak hak, kapa chauh in damdawi ei a hreh lo anih hi

" An luhlul tlat zel a " Ka ti a, thildang sawiin kan titi melh melh a, a ṭawng duh a sawitur ahria in nuihpui tur thil ahre hnem si, a bulah hi chuan a khawhar thlak lutuk lemlo, Choka a tawm reng chi ani silo a, Common room ah chuan ka phei ve ta nge nge, Zomuani bulah chuan Noah alo ṭhu a, an ep ah Sam te pafa an ṭhu ve kur bawk. Sam bulah chuan ka ṭhu thla ve tharh a

" Nichin khan Emily kha abuai lutuk a, i awm reng te chuan pui ve ta che " Zomuani'n inla fel deuh in ati lar lar a, A va ṭawngtheih thlak tak

" A nih chu " Ka ti a, ka be chak vak hranlo min ngaina lo tu na na na biak ṭhat hurh ka tum lemlo ka ba lo bawk. 

" Sam eng nge i an " Sam chu a pang ka dehsak a, alo dai dak tawh 

" ka ṭha tawh " A ti sep a, Noah chu ka bulah lokal in min bawh leh chung chung tawh

" Ka va hawng tawh ang e, Naktuk zan chu ka ring dawn che ania " Zomuani chuan ati ve hlauh a, muangchangin a ding chhuak riai riai bawk

" Min ringlo mai rawh, Ka hman ka ringlo " U Ima chuan ati sup a, Zomuani chu a chawh kati lutuk min tihel chu atum ve ngei awm si a

" Sam, lo damṭha zel rawh aw, min hmuh duh hunah min lo ko tawp dawn nia, intan chuan hun ka nei reng " A ti dam leh thluam 

" Ka lo hrereng ang Nute " felfai deuhin Sam pawn a chhanglet a, Noah chuan a ngaihsak tawhlo hrim hrim

" Noah, bye bye aw eichak i neih chuan min lo hrilh la " A ti leh hram a, Noah chuan ka phone ngawt a en a, Zomuani'n a biakna chu hria ang pawn a awmlo

" Noah, I nutei'n a biak che chu, chhang rawh " Ka ti a, keimah zawkin nuamlo kati, Noah chuan Zomuani chu en in a bye bye ve mai a mahse, phone bawk a ensan lehnghal, Zomuani chuan keimah ber chu rum deuhin min melh a, a eng pawi nge maw ka sawi ni. 

" Nu saii hi avan reh em em " Zomuani chhuah hnuah ka ti a, in ka thlen aṭangin kala hmulo reng reng

" Kapa nen an inti thiam vaklo a, room ah anla awm ngaihtuah suh " U Ima in atih laiin Nu Saii te room kawngka chu alo inhawng ṭhuai a, Noah nen kan phu chiang lutuk

" Min dang reng reng suh, ka chhuak dawn " Nu saii'n ati ṭhat a, suitcase nen room aṭangin alo chhuak a, ahnungah Pa hruaia'n alo zuichhuak bawk, Sam leh Noah U Ima leh kei chu kan hamhaih in kan bangbo khawp mai

" Kanu eng nge i sawi awmzia, eng nge awmzia " U Ima chu a inthingharh hmasa ber a, Nu Saii chu a panhnai vut

" I pa hian ' ka ṭhiante' a ti ve ziah a, zanah pawh tlai tak tak thleng a chhuak a, a ṭhiante ah chuan hmeichhia te an tel a, kei min bum in ngaihzawng anei anih hi " Nu Saii'n atih hlak hlak chuan ka phawk nghal hra

" Naupang an awm ve hi insum ṭhin teh, reng reng thu ah thil i hrechiang lo a, min puh chhe ngawt zel suh, min en la ngaihzawng neikual chi pawh ka nih tawh loh hi " Pa hruaia pawn ati ve chuar chuar mai, Nu saii lah a thinrim hmel si awmdan tur pawh min ti hrelo

" Thluam thluam che hian, i tlangval lai aṭangin i lerh kawh hrim hrim, ka chhuak dawn " Ti leh hlar in Nu saii chu a chhuak a

" Ka va umzui ang " U Ima in umzui atum chuan ka lo tlan khalh a, Pa hruaia chuan engmah a sawi tawhlo

" Nu sai, min lo nghak teh, lo ding lawk " A thinrim ngang aniang a kal chak emai, a um in ka um a kawt ah kan in umphak ve chiah, a kut ah ka chelhsak a ka thaw hlawi hlawi mai, ka hah bakah ka hlauthawng 

" Amelia, min thlah rawh I Pa hruaia hmel saw ka hmu peih tawh thlawt lo " Pa hruaia a biak lai ai chuan a aw pawh a dam ta deuh alawm 

" I tello ten engtin nge ka awm ang, i awm loh chuan he inah hian awm ve chhan tur ka nei tawh hleinem " Ka ti a

" Awm lo mahila i awm thei alawm, min dan tum duh suh" A tih pawh chuan kala thlah duhlo 

" Kanu ṭhiannu i ni a, Pa hruaia te chu kanu ṭhian ani ve hleinem, i awm loh ten engtin nge ka awm theih ang, bakah Sam te unau pawh ngaihtuah la, in chhungkhur nu ber ini a i tello chuan i fate leh i tu te i pasal pawh engmah an ni lovang, i hlu teh mai ania aw " Ka ti zung zung, engtin nge hetiang zozai sawi tur ka hriat pawh ka hrelo, ka rilru a lang hmasa apiang ka sawi tawp tawp mai ani

" Nu sai, lokal rawh lut ang, Pa hruaia pawn ngaihzawng aneilo ang, thil hriatsual i nei mai mai aniang, ngaihtuah chiangla in upa ve ṭan tawh si inṭhen chi pawh in ni lo " Ka tih leh chuan Nu saii hmel pawh a dang ta deuh a, a suitcase chu laksakin inchhungah kan inkai lut leh dat dat, engmah asawi lo angawi reng, ka kut lehlam in suitcase ka hnuk a lehlam in Nu saii ka chelh bawk, ka indaih lo vel lutuk

" Inlo inhruai lut thei chu ava lawmawm ve " Pa hruaia alo ti nghut a, Sam leh Noah chu anlo awm tawhlo 

" Nu, kapa pawh athiamlo ang mahse, kapa hian ngaihzawng anei tihna ani chuanglo ania, chuvang chuan inbengdai la in pahnih in inbe rawh u " U Ima chuan ati dam diai a, Nu saii chu room ah alu tlang daih, a lungawi lo ve viau aniang, Pa hruaia pawh engtin nge alo awm reng reng ni, Pa hruaia chuan Suitcase chu khaiin room ah chuan alut ve nghal daih a, U Ima chu bangbo deuhin ka en a, min lo nuih vur vur anih chu! 

" I chhe ver vur " Ka ti hlak a, sofa ah chuan ka ṭhu thla dawt

" ka hlauthawng hman lutuk alawm, tinge ipa pawh chu Nu saii rinhlel tura a awm reng reng ni " ka ti hlak hlak a, U Ima pawh ka bulah alo ṭhu ve leh thak tawh 

" Kanu hi a thikthu a chhe ve hrim hrim alawm, kanu rilru pawh ka hriatthiampui tho, kapa hian kan tetlaiin ngaihzawng neih a ching ve a " A ti bul bul a, ka kut a khawih pah niap niap bawk

" Fa te'n an pa te an chhun duh anti sia, nangpawh hi i lerh ve zek ang a " Tum lui bur a ka tih chuan ka chalah nalo te in a pen zeuh a

" Kanu na lai leh hreawm lai ka hmuh ṭhin khan thu ka intiam a ' Nupui ka neih ve hunah chuan ngaihzawng ka nei ve lovang ' ka ti ṭhin, a chhan chu nupui nei chungin ngaihzawng nei ta ang ila kanu awmdan kha ka nupui awmdan tur ani tih ka hre miau a, ka awmdan kha ka fate awm ve dan tur ani tih lah ka chiang bawk, chuvang chuan tun thlengin ka intiamna kha ka vawng reng ṭhin " A thusawi chu uluk deuhin ka ngaithla a, Lalhriatpuia hi ka chhuang takzet ani, ani chuan a hun tawn te hmangin a nun a uluk hlauh a, mipa dang tam zawk chuan hetiang rilru hi an pu pha teuhlo mai. An hunkal tawh ah Pa hruaia'n ngaihzawng nei mahse, zah lo tak leh thamlo deuhin a ṭawngkhum ka hre ngailo a, Nu saii pawh chuti tho, hemi aṭang ringawt pawh hian an rilru puitlin zia chu a hriat theih mai, kei ni veta ila kapa chu ka haw reng maithei ani.

" I ngaihtuahna ramah min chensan daih zel suh " U Ima in atih hluk chuan ka harhchhuak zawk a, ka nuihtlawn ver ver

" Sorry, chuan Sam hi entir lam te i rilruk em? " Ka ti zung zung a, phakar min tih hmel lutuk

" Thudang sawikai hi i thiam kati, Lo thlah tu che pawh kha tunge ila sawilo ania " a ti ve kher a, a sawi tawh dawnlo emaw ka ti asin

" Nutei fapa anih kha, Sam chungchang ka zawh che kha thildang sawi tawh suh " Ka ti hlar a, tumah an awm loh vang nge min kuah deuh hlun a, a aw a thian kharh bawk

" Zanin ngaichang ila, zanah a khuasik leh chuan naktuk lamah entir ila ka ti deuh a " A tih sup chuan ka lo thlawp khawp mai, a hma lama in entir tluk hi a awmlo

" A ṭha alawm, naktuk te chu class kan kal dawn chuanglo a, ka kalpui dawn che u nia, a rem chuan " Ka ti ve mai a, lo inrawlh ve chhen pawh anuam kati chuanglo, ka awmdan hi alai kual vek maiin ka hria

" Kan awmdun chang hian ka fate chanchin sawite hi nuamlo ka ti ṭhin, i nin te ka hlau a, chuvang chuan kan awmdun hian ka fate chanchin hi sawi loh hram ka duh ṭhin " A tih takah chuan U Ima chu ka en kalh a

" Nangmah aiin i fate hi ka ngaina hmasa zawk ania aw, chutin ka lakah inthlahrung suh ka tan anuam miahlo ania, diktak chuan kalo inrawlh ve sek hi amawilo em aw ka ti zawk a, min nin te ka hlau ṭhin " Ka tih chuan anui suk a, ka nuih let lo chiang ania

" Kan va inveng tawn ve, kan kum inthlau lutuk hi lo dahṭha ta ila, pathlawi ka ni a kan inkar hi chu neuh neuh ala awm ang mahse, chutiang chu ka ngaihtuah duhlo " A tih zuai raih chuan sawi ve mai tur ka hre tawhlo, Pa hruaia te anlo chhuah ka ring tawhlo bawk a, U Ima chu nghet deuhin ka kuah a, ani pawn nghet zetin min lo kuah let ve, ka nghawngah a fawp zeuh a, ka za ti chu ka lo eu deuh zawk

" Nghet deuha min chelh chhung chu ka thlah dawnlo che, min thlah pawh tumla ka thlah chuanglo ang che, kei nilo hmeichhe dang min pansan anih erawh chuan ka kaltir mai che nilo in ka nam kal dawt dawt ang che " a bengbula ka tih sar sar chuan za deuhin anui chhuak a, keipawh ka nui hak hak.

" Sam zanin chu ka bulah lo mu ve rawh " Amah chauha Sam muttir chu ka ngai ngamlo

" Aih, ka duhlo " ati ve tlat leh nghal a

" Ka mutpui mai ang, ngaihtuah lutuk suh " U Ima in atih pawn ka ngaih angam chuanglo, Nu saii lah ama tawkah a rilru a hah ve reuh sia, tihbuai chu ani hrih lo. An pafa ringawt chuan an ngaihtuahawm ve alawm. Zanriah ei laiin Nu saii leh Pa hruaia kan nuih tet tet a, Pa hruaia'n Nu saii abiak changin Nu saii alo hawisan hmak zel a, chaw kan ei tih pawh a sawi theih loh U zuali a nui tet tet reng a, U Ima pawh a insum thei meuhlo.

" I zei bawk silo, in pafa ringawt chuan in ngaihtuahawm" Ka ti ve tlat a, naupang room ah kan awm a Noah mutchhuak lah alo rak ve reng bawk si

" Zuali pawh a awm alawm, min ngaihtuah lutuk suh " A ti leh then a, U zuali pawh naupang ngaina lo chi ani a, a vahte hi a hmangaih loh vang pawh nilo in a chhawnchhaih hi ka hre ngailo, thil a lo leisak tawp a a be lumlam ngai meuhlo

" Sam ka bulah lo mu mai rawh, Noah alai ah amu ang a " Ka ti leh hram a, rin loh deuhin Sam chuan abu ve ta nghat 

" I duh maw? Anih chuan lokal rawh room ah phei ang " Ka ti mawlh mawlh a, Noah chu ka pawm a ka darah a bei nghal thlap tawh

" Va inhruai phei ru, Sam chu kalo hruai ang " U Ima in atih chuan Noah chu ka chhuahpui a, Noah khuma ka mut hnu reilo teah Sam te pafa pawh anlo in zui lut ve a

" Hetah hian lo mu rawh, a hreawm lovang tiraw? " Sam chu kalo be thuai a, Noah sirah chuan alo mukai ve nghal, kan chetla chu U Ima in min lo en reng a, min ti lai mai dawn alawm

" Nangchu ka sawm velo che, va mu tawh rawh " Kan mutfel hnu chuan U Ima ala awm ve reng a

" I va nghal tak, zanah a khuasik emaw inbuai chuan minlo call rawh aw " A ti a, tiangte chuan min ngaihtuah lutuk avangin a muttheih pawh ka ringlo

" Aw le, va mu tawh rawh " Ka tih sep chuan alo kun hniam a, a fate mutna lam a en zeuh hnuah ka hmui alo tawk zeuh a, inla hrang leh nghal in ka hmai bul setah 

" Tui deuhin mu rawh u " A ti sup a, nui var var in ka lu ka ti che zeuh, room a chhuahsan hnu chuan ka ruak huaiin ka hriat chu le, muhil mailo chuan Sam chu ka ngaichang ve deuh, damlo bula ka awm chuan zanah hian ka muhil ṭha thei ngailo reng reng.

Zanlai ti ila zinglam zawk mah aniang Sam chu a khua alo sik a, nachhawkna te eitir in puan ka sin belh tir a, mutsan ta mailo chuan a sirah ka ṭhu ve ta reng, khawsik pangai hi chu tawrh pawh azia deuh a mahse, tlun kher hi chu hreawm kati ṭhin, Sam pawh a khur beuh beuh a, naktukah chuan a taksa a sil vek maithei ani, ka tlun apiang in ka taksa ana vek zel, minute engzat nge chutianga a awm ka hrelo. A hnu ah chuan a muhil tih hriat zetin a thaw sak sak a, keipawh ngaihṭha deuh chuan ka mu veleh mai bawk, U Ima chu ka hrilh buai duh talo a, ka mutchhuak ala reh lo bawk nen ka muhil harlo.

" Ruatpuii inti harh ang, bengchheng lo ula " Ti a phun sur sur ri chuan min ti harh a, ka mengchhuak riai riai mahse, room chhung eng ut avang chuan ka chhing leh nghal sawk a

" I pi atho tawh, inhnuaiah chhuk ang u " U Ima bawkin ati leh a, ka muhil der ta reng, an thawm a reh diak hnuah ka meng veleh chiah a, ka harh laklawh vang aniang tukdang angin ka harh kak lo ka lu arit bur mai. Peihlo deuha tho chhuakin Bathroom ah ka inti fai a, room chu ka chhuahsan ve nghal, step tawp ber ka thlen rualin Nu saii nui har har ka hria a, awm anuam veng veng thei, a tum bur chuan kan nguai ve vek alawm

" I lo tho tawh maw? Thingpui i in duh em? " Choka ah ka lut a, Emily in min lo be nghal sawk sawk

" Kalo inthlit mai ang " No la in thingpui chu ka inthlit a, chair pawt chhuakin ka ṭhu thla dat

" Salad siam angaih chuan dawhkan ah hian lo dah chhuak rawh, kalo siampui ang che " ka ti a

" Aw, siam angai alawm in zo phawt rawh " Ati var a, a chawhmeh chawh lai a chawh chhunzawm rak rak, uluk deuha thingpui ka in laiin Nu saii alo lut a, min hmu thut chu a meng ve kawk mai

" Bawiha khan ila tho lo ati a, nang lah choka ah ilo awm leh diam tawh sia " nui hak hak chungin ati a, ka nuih let ve var var

" Kalo chhuk ve chiah alawm " ka ti ve mai a

" Emily, thingpui kha min lo thlit teh a " A tih chuan 'Keiman kalo thlit ang che ' ka ti a, ka che nghal sawk sawk ka thlit zawh chuan dawhkan ah ka hunsak a

" Vawiin chu Sam hi Damdawiin ah i kalpui ve hman ang em? I remchan loh pawn apawi chuanglo a " a sawi zawh rualin thingpui a in khalh a

" Ka hman alawm " Ka tih chuan hahdam huai hmel a pu, ka chungah a ṭha em em reng a, min mamawh naah tlanchhiat ka tum biklo, atir khan mi in a han awm kha ka hreh a mahse, ka vannei a hreawm ti reng reng in hun ka hmang lo, U zuali hi hrawn a har ve deuh a ani lah inah a awm ngai manglo, midang hi chu ka chungah an ṭha vek.

Tukṭhuan eikham ah Damdawiin kal tur chuan kan insiam a, Noah lah Sam in school akal loh chuan kal duh bau lo, tuman kan tilui lem lo. Nu saii'n kawt thleng min thlah a, Sam chu amah anglo deuhin a zawi ngiai mai, au damlo chu Noah in atuar ber, Sam awm ang zelin awm atum ve a, kan nuihpui leh hak hak ṭhin

" Hawn lamah Inu te kan tlawh kawi dawn nia, naktuk hi an in checkup leh hun kha ani tawh tiraw? " U Ima chuan ati sup a

" Tlawh kawi kher pawh angailo, an inti thei emai " ka tih hlak chuan U Ima anui hawk hawk a

" I kum in ala phu e " A tih chuan athusawi awmzia ka hrelo lutuk

" Eng nge awmzia " Ka ti a, ka en kiau bawk

" I vui ve nuah nuah kha mawle, i kum in ala phu " A tih chuan 'hmmm' ka ti nghat a, ka be zui tawhlo. Naupangchhia minti tih ka hre vek, inlak puitlin vak hi ka thiamlo, a chang chuan ka mizia hi a nin te ka hlau ve ṭhin.

" Naupang ṭhanglai ah hian khawsik te hi a awm duh a, Entirnan ṭawng an zir lai te hian an rilru an hmang ve nasa a, kha khan khawsik a kaichhuak ve ṭhin, school a kal tawh ang tiraw? " Doctor in atih chuan ' aw kal tawh e ' ka ti sep a

" School an kal a an rilru an hman nasat lutuk te, lehkha an zir nasat lutuk te hian an khuasik ve ṭhin a, hlauhthawn tur a awm lo " A tih leh takah chuan ka hahdam suai suai mai, Class10 ka exam dawn khan ka ṭang ve bawk sia, zanah rei deuh deuh lehkha ka zir a zingah lah hma deuha tho in ka zir leh nghal ṭhin, ka damloh phah a kapi in ' I rilru i hmang nasa lutuk a chuvang anih kha ' ati mai a, ani ve tak tak aniang, nikhat hahdam deuh a ka awm khan ka khawsik pawh a kiang ve leh mai kha ania.

" Doctor chuan engtin nge alo tih " Kan chhuah rualin U Ima in chanchin min lo zawt nghal, Sam nen doctor kan hmu a Noah leh U Ima in pawnah min lo nghak

" Test result chu aṭha vek, A hlauhthawn awm loh ati, rilru a hman nasat lutuk vang ati a " Ka ti zung zung a U Ima pawh a thaw chhuak suai suai

" Damdawi a chawh em? " a tih chuan doctor lehkha chu ka pe a, Noah nen damdawi lei turin an kalsawn nghal, Sam chu kan piah a ṭhutna awl ah chuan ka ṭhutpui a

" I chau em? Ka pua ang che aw " Ka tih chuan a ner chhe lutuk

" Mipa ka nih hi " A ti ve hmuk a, a damlo chung pawha ala inla pa vel lutuk chu ka nuih vur vur

" Anih chuan hetah hian Ipa te nghak mai ang " Ka tih leh chuan abu nghat a, U Ima te pawh an reilo

" In a awm ngawt ngawt chu areh thei si, leng kual ila " Ka ti chu Noah alo phur ber a, a zuang auh auh mai

" Sam i damlo tak, i peih loh pawn a pawilo ania " Sam adamlo tih ka theihnghilh leh hman alawm le

" Ka peih alawm " a tih chuan Noah nen kan au chul a, kan awmna khawlai ani tih ka hriatchhuah rualin ka hmui ka hup nghal chawt, U Ima te pafa thum chuan min nuih hak hak a

" Au chu a naupang e " Noah chuan ahmui hup ṭat chungin ati ve ngei a, nuih loh thei pawh anilo

" Kal duhna i nei ami? " U Ima chuan ka sam a chul leh zeuh tawh

" Aih nei chuanglo " Ka ti sep a, Aizawl ah hian ka awm ngailo a, ka zin ngai lo tluk ani, tunah thil zir in ka awm chawt a, kala leng chhuak ngailo em em zui 

" Anih leh kan lengkual mai mai dawn nia " A tih hnuah Motor ah lut turin min mitmei a, Sam te unau pawh ahnungah an ṭhu fel leh diam tawh, motor a tlankual reng arem loh avangin motor chu arem chang laiah a hung a, ke in kan kal kual a, khawlaia an eitur zawrh te chu kan ei a, atui thei em em lehnghal. Park ah te kan lengkual a thla kan la ho chiam bawk, chutiang chuan nileng hun chu kan hmang ho a, anuam kanti in kan hlim tlang khawp mai. Tlai lutuk lo ah in lam kan pan veleh a, kanu te chu kan tlawh kawi lo, naktukah arem leh ka tlawh leh ang a.

" Sam i va chau awm ve " An room kan luh rualin khumah amu thla nghal tap a, kal hnaihin a pang chu ka dehsak

" In kalkual nasa lutuk a, ka ke akham vek " A ti bui bui a, Noah chuan alo nuih leh tawh, khawsik a awmlo a ka lawmzia chu, kan leng hrep sia akhuasik leh ta se nuamlo kati viau ang. An thawmhnaw te ka thlakpui a, Sam pawn ka phawrhsak ang ang chu a inbel ve thlap, U Ima avangin in ngainat tir ka tum ngawr ngawr anilo a, an dinhmun ah hian ding ve thei reng kani, tuna kanu hi kanu tak anih loh avangin engthil emaw avangin nu neilo ka ni thei tih ka chiang a, chuvang chuan naupang pahnih hi ka theih ang tawkin ngaihsak zel ka duh.

" Duatte, au te nen a lenkual chu anuam em? " Zanriah ei laiin Nu Saii'n ati a, Noah chuan phur deuhin a lu abu nghauh nghauh a

" Kan lenna ah khan midang pawh an leng ve a, ahma chuan apa te nen kan pathum chiahin kan leng ṭhin a mahse, au alo tel ve tawha anuam kati, anuam bik " A ti siam siam a, Noah thusawi chu an nuihpui a

" Au bula awm chu anuam viau ami? " Pa hruaia'n alo ti ve khauh 

" A nuam bik ka tih ka tih kha, apu chu min zawt nawn reng a" A ti nang nang a, apu in a zawt nawn chu a lungawi vaklo ni ngei tur ani, kan nuih hak hak a kan zanriah ei boruak pawh anuam phian. Kan eikham fel hnuah Emily chu eina vel ka tihfel pui a

" Zanin chu Spicy Nodles ei ila " Emily in atih chuan ka lo aw rang khawp mai

" Kan record anga Youtube channel te hi kan siam ve mai dawn mi? " ka tih chuan a nui vak a

" Siam tak tak ila aṭha ang, in kan tifai lai te hi dah ve ila, en peih tawk an awm leh thovang " A ti a, thleng pawh sil hleitheilo in anui, anui za lutuk chu kalo nuih leh chhawnga

" Thawmhnaw sexy deuh i ha tel ngei ang a " Ti a kalo belhchhah chuan anui uar sauh a, a ke a chip pah chawih chawih

" Hey, sawi belh tawh suh, zun ka cheh mai dawn " A ti chul a, a zunchhuah vang anih dawn chu ake a chip chaih chaih ni. Thleng asil zawh hnuah dawrah kal ang ati a, pawisa la turin room ah ka chho ve nghal, ka room ah lut in pawisa kala a, chumi hnuah naupang room ah ka tlang leh

 " A khuasik leh alaw " Sam chuan puan alo sin hlun a, Nu saii leh U Ima bakah Noah te chuan anlo dinchilh ran

" Umm, apang alo sa leh deuh anih hi, khawsik sang pawh anilo " Nu saii'n alo ti thuai a, U Ima chuan engmah asawi velo, ahmel landan zawng zawng nen a ngainatawm loh vek, vawiin a lenkual rawt tu ka nih avangin ka inthiamlo nghal em em bawk a, ka lakah a lungawi lo anih te ka ring rum rum

" A van zialo em em " Ka tih sep chuan

" I thiam loh anilo ania Amelia, ilo inthlahrung ang e " Nu saii'n atih chuan U Ima pawn min lo en ve zawk, za lo tih hriat zetin a nui a, a nuih aza hlawl lo tih hrethiamlo rual pawh ka nilo. Engmah sawi tawhlo chuan ka chhuak a, rilru khingbai deuhin Emily nen dawrah kan kal. Emily bula ka awm leh takah chuan ngaihtuahna ka seng hman meuhlo a atihzia khawp mai, 3x spicy chu kan lei a mittui tla zawih zawih in ei ila ani mai alawm, a hmeh tur thildang pawh kan lei tel a, kan hawng lam chu naupang thil thar nei ang maiin, ka thil lei chu kan vai kual a kan nui leh hak hak zel. 

" Emily i chhuah dawn chuan i kalna tur min hrilh tur alawm, chhuah ringawt tur ani ngailo, Zomuani alo leng a coffee emaw thingpui han pe rawh. Naupang room ah an awm " Inchhung kan luh rualin Nu saii'n ati hlak hlak a, a tum hmak bawk si ahreawm dan chu hreawm tak ani, eng thu mah in asawifiah zo lovang. An in a ka awm tirh aṭangin hetianga a thinrim hi ka vawikhat hriatna ani, Emily a hau na in keimah chu ka inthiamlo ngawih ngawih, keimah vang vek ah ka ngai bawk

" Aw le, kalo pe dawn nia " Emily in tim dai a atih chuan min kalpel nghal vut a

" A va thinrim hmel ve " Choka kan luh hnuah ka ti sep a, Emily chu tawi te in alo nui

" A ho lutuk " A ti mai a mahse, ka inthiamlo tawh hrim hrim

" Keimah vang aniang, vawiin ah ka lenkual pui a, adamlo tih ka hre reng tho a, Sam lah tunah a khuasik leh tawh bawk si " Ka ti sep sep a

" Ani lovang, inthiamlo suh " A ti a, coffee siam in a buai leh rak rak tawh

" Tianga a awm kha ka vawikhat hmuhna ania " Ka tih chuan anui hak a

" Ila awmrei tawklo anih chu, a sual ka tihna lam nilo se, khatiang kha chuan a awm fo mai, keipawn atir chuan hreawm kati ṭhin a mahse, arei a ngaiah ka nei tawh, chhan vak a awm ngailo tikhan min vin hlak hlak mahse, reilo teah min be leh siam siam mai ang " a ti leh then a, Nu Saii zia chu a hriatchian hmel tawp khawp mai

" Chaw hmeh ṭhing ka chhuang a aso hunah lo off rawh aw. Coffee hi ka han pe lawk ang " a tih chuan ka bu nghat a, Emily awm loh hnu chuan ka ngaihtuahna ka kawm veng veng, U Ima hmel landan te kha, Nu saii thinrim thut te, tun hnai hian Zomuani alo lang ngun bawk si.

" Amelia, vung vung che chuan " Emily ṭawng hlut ah chuan ka harh zawk a, chaw hmeh lo en rawh atih pawh kalo hre chang tawhlo reng reng, amah chuan a off a gas ahru fai nghal mawlh mawlh

" Ka lo theihnghilh leh daih a, tihpalh lutuk " Ka ti sep a, nuamlo ka ti lutuk chu ka nghawng ka khawih neuh neuh ringawt, nghawng khawih neuh neuh hi ka tih ṭhan ania, hreawm ka tih changte ka zah chang te hian ka khawih ve ziah zel.

" Aho lutuk khatiang hmel kha pu suh, Chaw kan eina ala rei silo a, nakin deuhah Spicy chu kan ei dawn nia aw " Ati zung zung a

" Aw, ka la eichak lutuk lo " Ka lo ti veleh mai, Choka chhuahsan ka chaklo a, room a chhoh phei chu ka chaklo lehzual. Phone chu ka en ve neuh neuh a, Papuia msg te chu ka chhang ta vel mai mai, Dandani nen kan in txt bawk a, midang chu ka be lemlo. U Rsa call alo lut ve nawlh a

" U " Ka ti nghal tawp a, min lo nuih huk leh nghal

" U min tih hmasak chang hian eng emaw buaina i nei ngei ngei zel " Min va hrechiang tak

" Ka buaina hi maw aho lutuk a, sawi chi pawh ani chuanglo " Ka ti a, Emily pawn vcall a hmanga min ngaihven lemlo

" A ho lutuk kha alawm ka hriat chak, ka nau duhtak thilsawi ho mai mai kha ka hre leh chak " Ka khap fak fak ringawt, zanin hi eng nge ka hriat pawh ka hrelo, ka rilru a no em em mai ani.

" U, nakum chu helam ah hnathawh tur zawngla, kan pahnih in inluah ve ila " Ka ti ta daih a

" Chutiang daih chu maw? Tinge? Anuam iti lo ami? nge an hau zawk che? " Alo tih mawlh mawlh chuan Ka nui hak

" Aih, engmah chutiang a awmlo " Ka ti leh tawp a, ka mittui tling pam chu ka khap let sak sak 

" Kanu in min lo bia a, Ka nau hmelṭha, ka nau duhtak ini a ini reng dawn, khatiang ngaihtuahna ṭhalo lutuk kha paihbo daih rawh, i hria tiraw? " A ti dam leh thlap a

" Ka hria lawm, U Emily nen spicy kan ei dawn a ka dah hrih ang aw " ka tih chuan ' aw le ' alo ti a, call chu amah zawk in adah, ka mittui chu alo luang ngiai ngiai tho, hmanhmawh deuha ka mittui ka hrul hul sawk sawk laiin Zomuani alo la lut ve zui

" In awm mai mai tho sia, no te chu lo ngaihven ta che u " A lo ti lut hlar a, biak chu sawi loh ahmel pawh hi ka ning hrih

" Phun tur tho te chu lo kenthlak loh mai tur alawm, kan lo la thei reng " Ka ti ve hmak a, insual pui buan buan tur ka duh

" I van ngampa ve, nangmah vang anih khi Sam pawh a khuasik, damṭha lo tih hriat reng lenkual pui angai ami? " A ti leh kher chu ka ngaihdan ani vak biklo

" An peih lo chung ka hruai chhuak ami? Min mawhpuh lo mai teh " Ka ti ve hlak a, kan in melh rum dun khawp mai 

" Naupang hmang ṭangkaia Imanuela hnaih i tum anih chuan duhtawk ang che " Ati leh hram a

" I hriatsual hlauh anih chu " Ka tih laiin U zuali alo lan ve hlawl chuan, ka ngawi nghal hmak 

" Zomuan, kan inchhungah thu neih lo tum vak suh aw " A ti chang fal a, ka lam aṭang chu ka lawm ngei mai

" Chutiang lam anilo, vawiin ah Amelia hian Sam te a lenpui a, a damlo tih ahre reng sia " Zomuani sawi zawh hma chuan U zuali chu alo nui hak a, Zomuani tan chuan a huatawm ve ngawt ang

" In thusawi abul aṭanga atawp thleng khan ka hre vek, Naupang hman ṭangkai tum chu nangmah ini, Zosangi damlai khan naupang hi ilo ngaihtuah ngai em? Teuhlo mai. Zosangi a boral a i eng beisei hi nge Naupang i ti reng a, ilo lawr sek zel bawk. Bakah kan in a awm te hi ilo hauh kual ve chhan tur a awm miahlo ania, Sam damloh chhan khi Amelia vang anilo bawk " A ti fak fak a, Zomuani chuan de pawh ati tawhlo, a sawi zawh hnuah fridge hawngin tui bottle ala a, a chhuak leh nghal hmak, nula senior tawhkhirh chi ani bawka Zomuani pawn a chhanglet ngamlo reng reng

" Amelia, spicy chu ei tawh ila " Emily in alo ti hlauh a, Zomuani pawh engmah sawi tawhlo in a chhuah tak kha

" A pawi miahlo, mut hmat ka duh " Ka tih chuan aui vur vur a

" U Ima nen hian in in ngaizawng tiraw? " A tih chuan zep lemlo in ' Aw ' ka ti ve mai

" In in hmeh kati, diktak chuan U Ima afel sia Zomuani hi chu ka duhpui thlawt lo " A ti siam siam a, ka nuihpui ringawt, amah chuan eitur chu abuaipui vek a, ṭhu chungin a chetla chu ka en reng ringawt

" A sat laiin ei zawh vek tur aw, a daih chuan atuilo " Dawhkan ah alo chhawp a, a rim aṭang ringawt pawh hian athak viau ang, inbe zawm tawhlo in kan eiṭan a, hmui asa nghal ham ham mai

" Awi! A thak lutuk " Ka mittui a tling piau tawh, Emily pawh chuti tho, si hlarh hlarh chungin kan ei dun zel a atui bawk si thak bawk si.

" Eng nge in tih? " Lalhriatpuia ṭawng ri ah chuan kan hawichhuak a, Choka luhna ah alo ding run mai, chhan pawh chhanglo chuan ka ei chhunzawm zel a

" Keichu ka ti thei tawhlo, ka hmui hi a ling dawnin ka hria" Emily in ati a, a tho nghal tharh

" U Ima mamawh i nei ami? " Ati nghal zat bawk

" I ei tawh loh chuan Naupang te room ah tui han keng chho ta che " A ti sup a, Emily pawh a che nghal rak rak

" I pum a na ang e " A tih pawh chuan ka ngaihven lo lui tlat a, a lakah hian ka lungawi lo a ka be chak hlawl lo bawk.

Cont..