Young Lady and Gentleman Chapter-9

 U Ima chu ka be duhlo hrim hrim a, ka bul hnaia alo din pawh chuan ka hrelo der hmak, ka thil eilai ka ei zawh chuan tho tharh in silhmun ah ka sil rak rak a, a thak lutuk tihzia nana intur kan lei tel chu ka in khalh khalh bawk

" I lungawi lo ami? " Atih pawh chuan ka la hrelo der hmak 

" Lalruatpui " Thleng ka silfai zawh hnu chuan choka chhuahsan ka tum a mahse, ka kutah alo chelh hman

" A thak ania, alum bawk si " Ka kut chu ka phih sawk a, ala chelh nghet em em mai lehnghal

" Ka zawhna chhang phawt rawh " A tih nghut chuan rum zetin ka en chho a

" Ka lungawi, atawk em? Min thlah teh " Ka tha neih zawng zawngin ka kut chu ka phih leh a, alo thlah ve mai. Chak deuha choka aṭanga ka chhuak chu Emily nen kan intawk a

" Han mu daih rawh " Atih chuan ' Muttui aw ' ka ti ve mai a, step ah chuan atlan in ka tlan chho, ka tai ana riai riai bawka ka awmdan chu anuam lo vel vek, ka room ka luh rualin engdang mah kati theilo khumah ka mu nghal hnawk a, vawiin lama ka teikual nasat lutuk vang nge ka taksa te chu a kham vel vek, mahni tawka lungawi loh nak laiin Lalhriatpuia chu room ah alo lut ve zel a, ka biak chak loh avangin ka muhil der nghal hmak

" I muhil lo tih ka hria ania " Khum bulah ading tih ka hria mahse, kala meng duh chuanglo a, ka thil eina avanga ka hmui sa huam pawh chu ala rehlo 

" Aṭha e, ka duh ang in ka che ve mai ang " A tih nghat rualin ka hmui ah alo tawk nghal zat a, ka mengchhuak chiang teh asin, min fawp reng chung chuan ala nui suk leh nghal a.

" I hmui athak " A inlakhran hnu ah ati deuh hluk a, a hmui chu atuai nghal nawk

" Spicy thak deuh ka ei kha, keipawn ka hmui ala sa huam kati a hreawm ka tih naklaiin " Ka nuih vur vur a, khum lu nghengin ka ṭhu a ka ke ka thluang duai bawk

" Eng nge i lungawi loh na, Zomuani vang kha emni? " A tih sup chuan 

" Nilo, lungawi lohna ka neih pawh ka hrelo " Ka ti a, ka ham zui bai bai 

" Sam vang anih chuan inthiamlo suh, nangmah vang anilo " Nichin khan heng thu te hi sawi se tiang tak khan ka rilru ahreawm lo tur ania

" Ka mutchhuak " Ka sawi chhunzawm peih tawh loh vang ani

" I sawi loh chuan i lungawi loh na ka hre thei dawnlo ania" Ngenngawl deuha atih leh lai chuan ka tai alo na zawk zawk a, thup hleihtheih pawh anilo na riai riai ang kha ani velo a, alo na zawk zawk a ka phu zawk zel

" Na i nei ami? " U Ima pawh a hrethiam ani ngei ang

" Neilo, ka ṭha ka mu duh zawk, Noah leh Sam chu ka bulah anlo riak dawn em? " ka ti a, ka tai chu na deuh in ka nem ngawt ngawt

" I luhlul mange aw " Ka tai ka nem na ka kut chu alo dawm a, ka phu deuh zawk mai 

" Noah chuan i bula mut aduh leh ngei ang, Sam erawh Kanu in mutpui rawh se " A ti a, min en vung vung bawk si min ti lai zo leh vek tawh

" Awi " Ka tai chu alo na leh zawk a, ka inrin hma in thawm ka chhuah, anat dan hi a ngeiawm chi ania na ngawt ngawt ni bawk silo ana zawk zawk kher a

" I tai ana ami? I period dawn aniang a " Na neih pawh a sawi theih loh ka nui chhuak hak a

" Eng nge, ka sawi diklo ami? " a mitko ati che ralh a

" Aih, i hre lutuk zawk a " Ka tih chuan ka chal ah a fawp zeuh a

" Pathlawi kani tih i theihnghilh ang e " A tih chuan ka nui uar sauh a

" Ka hria alawm, I tawnhriat ngah dan hi ka duh chi " engtik lai khan nge ka lungawi lohna te kha athlawh bo zawh pawh ka hrelo

" Ve lutuk ṭhin che hian " Ka hmui a fawp zeuh a, keilah ka lungawi loh na ka hrechhuak leh tawh bawk si, ka tum ṭha leh vel a

" I lungawi lo tih i hrechhuak leh vel ani maw " Ala ti zui! Ka bialpa chu ani ve sia, kan in man chiang thei khawp mai. 

" I ninawm " Ka tih chuan anui ruh ruh a, keipawh ka tum rei thei bik chuanglo.

...

Kapa pawh a in check up leh a, ṭhat loh na anei talo bawk a, inlam an ngaihtuah ve tawh nen naktuk hian an hawng tawh dawn a, an hawng ni turah hian Competition finale round kan ṭan hun tur ani ve chiah bawk a, Vawiin lamah ka leng phei dawn a, Noah leh Sam ten kalve an duh tlat avangin ka hruai ve dawn ani. Sam pawh a dam fel tawh a, kapa lah aṭha tawh bawk a rilru anuam huai huai tawh mai. Nu saii pawh khami zan tih loh kha chu a pangai leh vek tawh. 

" Ka drop che u ang a, meeting pawimawh ka neih avangin ka awm ve thei dawnlo a, Naupangte hian an tibuai lovang che maw? " U Ima in min hruai a

" Min tibuai lo, ngaihtuah suh kanu pawn asawi ve reng a naupang angaina lutuk alawm " Ka ti siam siam a, a inthlahrung ṭhin leh lutuk hi abuaithlak

" Kan reilo ang, kalo hruai leh dawn che u ania " A ti a, ka malchunga ka kut dah chu alo hum vang vang a, nui var var chung a ka en phei chuan min en lo in hmalam a en ngur thung, min enlo mahse, ka nuih var var tho

" Au thu lo awih tur aw, tlaiah kalo hruai leh ang che u " Noah leh Sam chu an bu nghat nghat a, Kanu in Sam te unau chu inchhungah ahruai lut a, U Ima nen kan la ding dun ran

" Kal tawh rawh, itlai hlauh ang e " ka tih chuan a che hrut a

" An awmhlei chuan lo hau hreh lo la " Tiin ka chalah a fawp zeuh a, khawlai ah kan awm bawk si min awmhlat rualin ka hawi kual nghal thuak a, Lalhriatpuia lah chuan min la nuih mai mai zui

" Khawlai ah kan awm hi " Ka tih hlar chuan 

" I hmui ah ka fawh nghal loh, ka kal ang e " Ti vut in motor ah alut nghal daih a ' Lalhriatpui hmela ' ka tih vak chuan motor chhung aṭangin min lo bye bye vel a, nghal deuhin fly kiss te min lo pe vel khanglang, a awmdan vel chu lo fiam letin a fly kiss min pek te chu kalo man der a, leiah vawm in ka rap sawk sawk bawk, ka fiamletna chuan za zetin anuih tir a

" I nghal emai " A tih hnuah a tlanchhuak ve ta a

" Ka kut pawh hi lo zen lut ila min seh lovang a " U beiseia chhuak tur leh ka lut tur chu kan intawk a, kalo nui reng nge min fiam leh tawh hi

" I chhuak dawn ami? " ka tih chuan a bu nghat a

" Zanriah te eive nghal ula aṭha ang " A ti a, ka chhanlet hma in min kalsan nghal nulh ka enzui vung vung ringawt. Inchhung chu Noah nuiri in akhat ani ber a, Sam chu kapa bulah felfai deuhin aṭhu hle hle thung, kapa chuan thil ahrilh a eng nge ahrilh chu ka hre phak chuanglo, uluk deuhin Sam chuan a ngaithla ve kar. Rin loh deuhin Dandani alo lang ve nawlh a, kapa tan thei leh eitur thildang alo kensak nual bawk, ka van tluklo ṭhin tak em

" I inbuatsaih ṭha tawh em? " Kanu in ati a, Dandani leh Noah infiam chu kan thlir dun 

" Inbuatsaih vak dan pawh ka hrelo, buaithlak deuh chu maw Model an awm dawnlo a, kan design kan ha ṭheuh dawn tihna anih chu, zanin ah ka inpeihfel chu ka ring mahse, ka pian hi a mawilo ve ropui sia " Kanu bulah chuan ka inla naute leh tlat ṭhin

" I pian te chu a nalh ber alawm, i dul a kiar bawk silo " A tih ziah danin kanu chuan ka hnual loh nan min fak leh nghal vat a, ka pian a mawilo ka tih chang apiang in ' I pian analh loh na a awmlo, i dul pawh a kiar lo a ' ati ziah zel

" Nu, i hrelo anih kha ka dul pawh hi a kiar tawh lutuk, finale kan neih dan tur ka hriat aṭangin kain diet char char" Ka tih chuan kanu a chek tlak tlak a

" In kutchhuak alawm an en dawn, miss thlanna pawh ni hleilo, chutiang chuan ti tawh reng reng suh. I hrechiang em? " A ti hlak hlak, in diet tih vel support miahlo kanu kha ani miau a

" Mahse, ka pian a mawi loh chuan ka design kha alang mawi dawn hleinem " ka tih lehzel chuan thawpui la hak in ' I hnial hrat emai ' ati hmak a, Kapa leh Sam te bulah min insawn san daih. Noah leh Dandani te pawh an chau ve tawh aniang ka bulah anlo ṭhu hnawk a, Noah chu ka malchungah alo lawnkai nghal

" Noah bula awm chu ka hah thei lutuk " Dandani ati nang nang a, Noah chu ka awm a bei thlap chungin anui ve sen sen

" Ani pawh a chau ve aniang " Noah chu ka kuah ṭha sat sata a zawi ve ngiai mai, a inhlei bawk a zawi ve ngawih ngawih tur chu ani, Sam ai pawn a inhlei in ven uluk angai zawk.

" Chhun thil ei ahun tawh, eitur kalo ken kha kava siam ang " Ati a, atho nghal tharh

" Kalo pui ang che " Ka tih chuan 

" Kha i naute kha amuhil tikhan lo ṭhu zawk rawh, Ka chettir ve che chuan boss in min hau ang " A ti tel leh hram a avan nghal ṭhin tak, choka a luh pah chuan ' Nute eitur siam ila ' ati pah lang lang bawk, Nutei hi nute ati ve maia kanu leh kapa te pawh ka koh ang vekin a ko ve, hetiang kawngah te hian ka tluklo fai vek, keichuan a nu te pawh pangai takin kala ko lo hrim hrim. 

" Kha chu ava mutui ve " Phone ka khawih mual mual laiin Kapa ka bulah alo ṭhu a, U Ima msg pawh reply tawhlo chuan kapa chu kalo en kalh a

" Nia, a chau ve aniang " Ka lo ti ve mai, pa te bulah meuh chuan laih a awl khawp 

" Tunge lo thlah che u " A ti leh sup a, min en chuanglo in tv ringawt chu a en thung

" U Ima " Ka ti ve mai a, Noah sam chu ka khawihsak neuh neuh 

" In in ngaizawng emni? " Kapa chu phawk zetin ka en a, ani pawn fiah kalh in min lo en ve run

" Aw " Zawite in kati sep a, phat kual vel kha awmzia a awmlo, kapa hian thil a chik ṭhin a ahria pawh hi mak kati em em lo

" Fa nei tawh nena inlaichinna siam chu karah neuh neuh atam anti ṭhin asin " Hmalam a en leh ngul tawh a, kapa thusawi lehzel tur ka ngaichang reng

" Imanuela pawh mipa fel leh ṭha tak ani ngei ang tih ka ringhlel lo ve mahse, pathlawi ani a keini lo iai ve theih chu ani hauhlo, chutiang anih rualin ka fanu pasal atan chuan pathlawi chu ka beisei miahlo " Ati nghet charh charh a, sawi ve tur reng reng ka hrelo

" I duhlo tihna ami? " Ka aw chu a ri che che chauh ani

" Inla kalthui lovang ṭhen ang che, fa pakhat mai pawh nilo pahnih lai anei a, i fate nilo chu hmangaih takin i enkawl reng thei dawn emni? I la naupanga i hmahun i ngaihtuah thui lo mai mai ani " A ti leh dap dap, thinrim in asawilo tih ka hria a huat tur a awm lo bawk

" Kanu pawn tun thlengin hmangaih takin min enkawl tho alawm " Ka tih chuan kapa chu a rum nghat a

" I nu tak tak ani, engvanga khatiang thu kha sawichhuak ziah nge inih " A ti ram ta hmak a

" Pa, kanu leh kapi sawi lai pawh ka hre ve reng, dawt min hrilh phet tum tawh suh " ka ti ve hlar a, ka aw ki alo ring deuh nge Noah chu a tal ṭiah ṭiah a, ahnungah ka chul nghal hauh hauh 

" Chutiang lam sawikual vak pawh angai hranlo, Intihsiakna hi zo se, lo hawng ang che " Hamhaih deuha ka awm laiin min thawhsan a room ah alut bo nghal daih. A vawikhat nan U Ima nen kan inkar ah buaina kan nei ve ta chu ania mahse, kapa chu ka hmin mai theih ka ring, rilru thlak kual zung zung mi ka nilo, chu chu ka hmuh tir ngei ang. Noah chu ala mutui si a, tih harh hlau deuha sofa a ka mut hnuah, choka ah chuan ka lut phei a, Dandani thilsawi ho mai mai anlo nuihpui mek ani

" I mut ami? " Min hmuh rualin kanu'n min lo be thuai a

" Umm, ala mutui sia sofa ah ka mut " ka tih chuan

" Uii! Chute ilo kalsan, sofa ate si alo tlathla ang e " Ti sawk sawkin choka aṭangin a chhuak nghal a, Sam chu chair ah ṭhu in phone a lo en mual mual

" Ka ar ka han en ve lawk ang e, tui te anlo nei leh tawh lo palh ang " Nutei pawn min chhuahsan vel nghal daih a

" Min hua an ang " Ka ti sep a, Dandani'n min nuih vak vak 

" An haw deuh che aniang, ilo luh veleh kalsawn na an dap nghal chung alawm " Alo la belhchhah ve thei zel a, Dansangi pawh ni tawhlo in Danzaui ni tawh se aṭha ang, thil sawitur ahria in a hre zau thei bawk si. 

" I inpeih tawh em? " Sam bulah ka ṭhu ve a, thatchhe deuhin dawhkan ka bawh hnak 

" Aw, ka siam zo ṭep " a thil chhuan lai a chawk leh rak rak a, ka zawhna a hresual chiang lutuk chu ka nuih a za

" Tinge i nuih? Hmeli " A ti ve hlar a, keilah ka nuih aza zual sauh bawk si

" Naktuka mi tur alawm ka zawh che " Ka tih takah chuan ani pawh anui ring ber ber ah aṭang leh tawh

" Kala inpeih fello, rilru ah alut mawh lutuk " A ti ve niah niah a, keipawh kala inpeih lo ka ti ve vat a, a awm nawm loh ka hlau ani.

Tlaiah chuan U Ima in minlo hruai a, motor chhungah Noah chuan ahun hman dan apa bulah a report leh zaih zaih a, U Ima pawn a fanu ti phur tur zawngin zawhna alo zawt let ve zauh zel a, Noah a phur thei khawp mai. Kapa thilsawi vel chu ka hrilh duhlo a, rilru erawh a kap ve deuh.

..

" I pian pawh analh lutuk " Company kawtah kan ding dun a, chimawm zetin ka taksa chu a enkual dan dan

" I chimawm emai Lalhriatpui " Ka ti vin hlar, mahni tawkah nervous ve nak laiin, in kan chhuahsan aṭangin min fiam zuk zuk reng a, kan in melh no tawhlo viau 

" Ka hmingpum in min ko lawl lawl zel suh Bawihi " A tih chuan a hmui ka hupsak rang teh asin, min kalpel ho ten min en leh hrek hrek zel a, Lalhriatpuia lah a ṭawng ring reuh si

" Tikhan ṭawng ring vak suh " ahmui ka hupa ka kut chu ka lasawn a

" Saw, innu alo kal ka kalsan ang che, zam lutuk lo la ṭha deuhin iti dawn nia " Ka biangah a piai zeuh a, Innu atih chu Dandani ani, U Ima in min kalsan hnu ah Dandani' ka bul alo thleng ve nghal a

" I zam ve em? " Ka bul alo thlen rualin ati sar sar a

" Zam tak kani, keimahni'n kan ha kher tur te hi ka huphurh " Ka ti niah niah a, ka khur chhe zo dawnin ka hria.

" Nangte chu judge ah I bialpa leh i bialpa nau an ṭhu dawn a " Zuk han ti a! 

" Chutiang ani ringawt lo, induhsakna avanga chak ka duhlo, ka theihna ngeia chak ka duh " ka tih chuan abu leh ang lawp lawp a, a nervous lutuk hi a chiang thlawt lo anih ber hi. 

" Lokal rawh lut tawh ang, darkar2 vel chiah inbuatsaihna hun kan nei tawh ania, kan kawr hak tur te pawh kan dahchhuak ve anga " Ti mawlh mawlh chungin min kai dawr dawr a, Dresing room ah chuan kan kawr design chu kan khai chhuak a, Sangkimi te pawh anlo thleng ve chiah 

" Tu emaw in a thiamthil a hman loh chuan kan tan pawh chance aṭha ang chu " A ti leh hram a, ngawih mai mai hi athei thlawt lo

" Vansangkim, i ṭawngchhuah apiang hian midang khei ran zelin ṭawng ṭhin suh " Dandani'n ati nghat a, Sangkimi chu a din hnaih sauh bawk

" Tumah ka tihchhan bik hleinem, inlo in ngaihbel anih te chuan indiklo ani mai alawm " A ti leh then tawh

" I tihchhan khawp alawm, Thiamthil tello in kha thil kha i design chhuak reng reng lovang, ngawi chip cham tawh ang che, Ka ṭhiannu hi khatiang ṭawngkam meinei leh ngeiawm zeta i ṭawngkhum leh anih chuan i chaklo khawp ang " Sangkimi pawh a ngawi ran a, dressing room a awm ve dang pawh tumah an ṭawng tawhlo, kan tihtur kan tizo tawh tho a, Dandani chu ka chhuahpui ta daih a

" Ani te chu engah mah ngai suh, azia ve reng alawm. Duhsak kani bik ang tih ahlau anih kha, angaih ang in ka awm der silo a " Ka ti pah mawlh mawlh a, ka chungchang thuah hian keimah ai hian a thinrim hmasa ziah

" Engah mah angaih loh theih loh, a ṭawngkam hi ka tuar dai theilo " A la ti hlak hlak

" I lungawi lo emai, ṭan hma in kawchhung va ti dai teh ang " Tiin ka kai dawr dawr a, Dawr ah Cold drinks kan in mawlh mawlh laiin Sangkimi te ṭhian ho pawh anlo kal ve a, Dandani chuan melh pawh a melh eih lo.

" Inbuatsaih tawh ru, ṭan ahun dawn hnai " Staff pakhatin ati lang lang a, Dandani nen pawh kan tho nghal zawt, huphurh deuh takin dressing room ah kan lut leh a, rilru ṭawngṭaina ka nei pah mawlh mawlh, Dressing room ah chuan min chei tutur te anlo awm diam tawh, Sangkimi te anlo la luh ve loh avangin Dandani nen chuan min chei hmasa a, min chei tunu chuan ka hmai amam thu leh chei ka nawm thu asawi deuh reng a, ka confi sawt in ka hria. Kan hmai an chei mawlh mawlh laiin Sangkimi te ho pawh anlo lut ve a, finalists pa5 chauh kan ni tawh bawka inchei chhung pawh a rei lovang, min chei zawh hnu chuan ka kawr hak tur chu ka va la a mahse, ka kawr sir lam lo ṭet hawk ka hmuh chuan ka rak nghal ṭhat

" Eng nge a " Dandani'n min lo hnaih ruak a, chhan pawh chhang theilo chuan ka kawr chu kalo hmuh 

" Ehe! Eng nge awmzia kan khai chhuah te chuan hetiang hian a ṭet bawk silo " a ti ve chul a, ṭhui ṭhat na hun a awm tawh bawk silo, hetiang chung chuan hak luih chi pawh anilo, ka inbuatsaihna te ka ngaihtuaha ka ṭah a chhuak ngawih ngawih

" A van zialo em em " Lo awm ve dangte chuan anti sap sap a, ka rilru abuai zual ting ani mai

" Ava pawi ve " Sangkimi'n alo tih ve chuan rum zetin ka melh a, pawi ati tak tak lo tih ka hre ve reng, hrechianglo a ngaihdan siam chu duhlo mahila amah bak hian alo khawihchhiat ka ringlo.

" Ṭan ahun dawn a, inpeih tawh ru " Anlo tih leh te chuan ka hah ngawih ngawih

" I tel loh chuan ka tello mai ang " Dandani'n atih chuan lu ka thing nak nak

" Aih, tel rawh tihdan kalo ngaihtuah ang, Host hnenah khan ahnuhnung bera min ko chhuak tur leh kalo lan lawk loh chuan min5 hun min pe turin min lo hrilhsak dawn nia" Ka ti mawlh mawlh a, Mamawh hun atana hman turin dressing room ah hian khawl pakhat leh khawl la tihte mamawh tur an dah tel a, idea la nei chiahlo chung chuan khawl chu ka ṭhutchilh ran, Dandani lah tih theih nei silo hreawm ti bawk siin a lo teikual ve sek a, Sangkimi te chu an chhuak tawh

" Vansangkimi bak a nilo lovang " Atih hlak hlak chuan kalo khap a

" Thil kan hrechianglo a, rindan in midang kan puh chhe ngawt theilo, nangpawh va chhuak tawhla, idea ka neiin ka hria " Ka ti a, hreh zetin a chhuah ve tak kha, a chhuah hnu chuan ka kawr chu ka en a, beidawng zetin thawk kala halh

" Puih theihna che ka nei em? Azialo emai " Min cheitunu khan min lo dinchilh a, pawi ati ve tak tak tih ahmel aṭang chuan ka hre thei

" Tihdan ka hre mai ang, ka lawm e " Ka ti sep a, kalsawn ta mailo chuan ka bulah ading ve reng a, keipawn ka kawr chu ka buaipui ve nghal mawlh mawlh.

" Ehe! I van idea ve analh lutuk, a original pawh kha analh a mahse, tuna mi pawh hi a cial tawp " Ka kawr siamṭhat en chungin min cheitunu U Biaki chuan ati chul a, midang awm ve te pawn min lo fak ve mawlh mawlh 

" Min5 a ral mai dawn, hmanhmawh rawh " An tih takah chuan ka inthlak nghal sawk sawk a, ka hmai chu U biaki'n a thual nawn zuai a, inring tawklo zetin stage lam chu ka pan veta

" Min5 kan nghak tawh a, alo la lang thei bawk silo tunah chuan hun kan titawp " Host in atih lai mekin Stage ah chuan ka chhuak ve nawlh a, sawm bikte an awm ve nual a, ka zam nghal em em mai ani, mahni infuih mawlh mawlh chung chuan ka kal zel a, Judge te hmaah chuan ka ding ta vang, U Ima ka en hmasa ber a amitmeng ah chuan min ngaihtuahzia hai chi anilo, kan mit a intawng chat a, tawi te in minlo nuih takah chuan ka inringtawk leh sawt in ka hria.

" Amelia Lalruatpuii " Judge zinga nelawm loh deuh nu pakhat chuan ati fiah kalh a

" I tlai chhan i sawifiah thei ang em? " A tih chhunzawm a

" Ka kawr ka khaichhuah kha dressing room kan chhuahsan lawk hlanin tuin emaw min lo tih thler sak a, adang ṭhui nan hun ka nei tawhlo a, ka ngaihtuah chhuah theihdan ṭha berin a ṭet lai chu ka pawt chuar a, duh aiin alo chhing ta deuh anih hi " Bahlah miahlo chuan kati zat zat a, U Ima leh U zuali an ṭhu ve kur bawk si, ka khur der der tawh.

" I thluak aṭha hle mai " A ti a, U zuali chuan aw athian kharh a

" Tu tih nge i hria em emaw rinhlelh i nei em? " A tih chuan ka hamhaih ang reng a mahse, ka insiamrem leh vat

" Ati tu ka hrelo a rinhlelh pawh ka neilo, ka fimkhur tawk loh vang ani. He thilah hi chuan tumah rinhlelh ka duhlo a, hmelma insiam belh ka duhlo bawk, tu emaw min huatna tizual tura hmalak pawh ka tum hranlo, tunah hian engmah tilo a tlak tawp ai ah kalo inlan mai chauh ani e " Ka tih chuan competition lo chhim tu te chuan kut an beng dar dar a

" Keichuan sawi tur ka neilo " U Ima chuan ati sup a, engmah asawi velo chu ka lawm ngei mai.

" U Ima khan i mal ngawt a en ania aw " Stage kan chhuahsan leh rualin Dandani a fiamthu leh hlut tawh a, nichin lawkah a mangan ve tehlul nen khan

" Tiang bak chuan tihdan ka hrelo alawm " Ka ti niah niah, keipawn ka kawr chu chhing kati a, ka inpawt leh neuh neuh zel. Sangkimi te hmuh tur an awm talo a ahahdam thlak huai mai, Zan lamah result puan ani dawn a, zawi deuhin dressing room a sofa ah chuan ka ṭhu thla hnak

" Intur kava lei ang, tumah an awm loh hi lo hahdam rawh" Dandani chuan ka kut a chelh vang vang a, Ṭhian nih hi chu a tlin ve thlawt ani. Dandani chhuah hnu lawkah kawngka alo inhawng leh nghal a, tunge lo lut tih pawh ka en peihlo, pen ri khup khup chu ka bulah a tawp chat a, min en reng tu an awm tih hriat deuhin ka hmai aza mer mer bawk, ka meng chhuak ta riai riai a

" Nangmah maw " U Ima in min lo nuih vur vur a, ka ṭhutdan ka siamrem nghal sawk sawk

" I chau viau emni? " Ka bulah alo ṭhu ve a, min kuah nghal hlun bawk, tun atan chuan min kuah hi ka thlahlel takzet ani 

" Ka hah ngawih ngawih " Ka ti ṭiak a, U Ima awm ah chuan ka hmai ka nawr na sauh 

" Ka zawngchhuak ang, khatiang thil anti ngam kha a let leh pawh an tuat ngam ngei tur ani? " Ka hnunga chul hliau hliau chungin ati vawt raih a

" A ngailo, mite hian min duhsak bikah an ngai zel si abuaithlak " Ka ti halh a

" Nangmah pawh nilo mahla ka ti tho ang, company hmingchhiat theihna thil ani a, bawhzui chu ka hna ani " A tih chuan ka hnial buai tawhlo, a awma ka bei chial chu min nem hla deuh a, a coat chu phelh sawt sawt in ka mal lang hiang chu alo khuh bo nghal vek

" Ka duhvang anilo ania " Ka lo ti nghal vat a

" Ka hria mahse, mipa dang hmuh atan chuan ka phal tawhlo thlak thuai teh " a ti hmuk a, a thikthu a pe chhe vel reuh lutuk chu ka nuih sen sen

" Thikthu chhe deuh chu kan awm ani " Ti a ka fiam chuan 

" Keimaha achhe lai ber chu ka thikthu hi ania " Tiin min fiam let ve zat a, ka fiam chang apiang hian adang duh ngailo reng reng

" I nghal ṭhin " A chhip sam buk lek lek tawh ah chuan na vaklo in ka kek a

" Tling zo lo mahla hnual phah suh aw " A dar nghengin ka ṭhu awn a, ka kut a khalh niap niap 

" Ka tlin ka ring hleinem mahse, tawpsan tawp hi ka zia ani velo a, kalo inlan mai mai alawm. Engpawh result nise ka pawm vek " Ka ti a, rilru chu hreawm viau mahse, pawmthiam zir hi mihringte tihtur ani miau si a

" Hmelṭhanu " Ti sup a ka hmuiah a fawh vang vang chuan lai tak kani

" I lai hma si " ngawih liam mai mai hi athei thlawt lo, Pathlawi ṭawngthei tak ani. 

" Mi anlo lut ang " In kuah chiala kan ṭhu dun chu thil hrechhuak zawk a inlakhran ka tum chu U Ima in hneh deuhin a lamah min pawt let leh a

" Kawngka ka kalh tumah anlo lut lovang, Dandani hnenah pawh i bula ka awm tur thu ka hrilh diam tawh " A ti a, a khabe tuai sak neuh neuh pahin ka en chho a, min lo en thlak ve chuan kalo nuih sen sen

" Duhawm viau suh " Ti nghutin min fawp leh a, keipawn ka thiam ang tawka in kalo chhanglet ve, akut nghal lutuk chuan ka mal a khuhna coat chu ala sawn a akut lum vung vung chuan ka mal a chul kual nghal ruai, ka sa chhuak nghal pup pup in ka hria, ka kawchhung te hi ani nuai nuai mai. A kut a nghal tak viau hnu chuan akut chu ka man bet a, min fawhna thlahin a chal chuan ka chal alo tauh dawt, thawk kan la dun halh halh a

" Min hlau suh " A ti khur hluk a, ka mal pawh a coat khan a khuh ṭha leh tawh

" Ka hlau lo che, ka lawm e min nawrlui lo a " Ka tih chuan ka biangah piai zeuh in

" I inpeih hma chu ka nghak thei che " A ti nghet charh a, thil hriatnuam tak ani

" Inneih hmaa nuam chen viau hi ka duhdan ani velo a, inkuah leh infawh te chu apawi ka tilo mahse, atawp thlen chu ka duhlo " Ka ti ve sep sep a, ka thusawi chu uluk deuhin alo ngaithla

" Ka fawh che hi chuan ka insum theihna hi a tlahniam rawk zel " A tih chuan ka nui chhuak hak, a inla ṭawngkam thiam ve lutuk chuan ka nuih ati za. Zan lamah result puan anih dawn avangin tumah kan hawng lo a, zanriah pawh Company lamin min order sak thlap a, puar ping peng a kan ei hnuah darkar2 vel kan chawl leh a, tunah chuan result puanna hmuna kal turin kan insiam leh mek tawh. Ka che ṭhalo tih ka inhria a ka phur teh chiam lo, Sangkimi te pathum erawh an nui har har reng a, dinhmun in a zir loh chuan midang hlim nui ri te hi bengchheng mai anni. 

Host in Stage ah min koh chhuak a, thawmhnw ngai inbel leh angai a ka kawr hak chhing lutuk avang chuan zo thuai thuai ila kati ngei mai

" Kan finalists te hi an mawi khawp mai, an kutchhuak hi nalh bik a awmlo a nalh lo bik pawh a awm chuanglo mahse, intihsiakna ani miau a pakhatna an awm ngei ngei a ngai bawk si, kan judge te pawh hi an rilru a buai ve ngawtin ka ring " Host in ati a, mipui lamin kut an beng leh dar dar

" Lawmman hi pathum thleng a awm dawn a, pathumna aṭangin kan puang chho ang " A tih leh chuan thin a phu dup dup tawh

" Tumṭum competition buatsaiha lawmman pathumna dawngtu chu, Miss Dansangi " A ti zo chiah Dandani chuan min lo kuah chawt a, ka thinlung takin ka lawmpui takzet ani

" Kan puan zawh hian lawmman chu a rual khaiin kan in hlan dawn nia " A tih zawh ah result chu a puan chhunzawm leh a

" Lawmman pahnihna(Runner-up) dawngtu chu Miss Vansangkimi " Sangkimi chu ka en vat a, a dinhmun aṭhat tehlul nen hlim hmel apu miahlo, a mawi ah anui ve mai mai ani. Beisei kan neihsan lutuk chuan kan beisei anga thil athlen loh hian kan hreawm ngawih ngawih ṭhin.

" Tunah chuan Lawmman pakhatna dawngtu kan puang tawh ang a, in hre chak tawh em? " Host chu anui har har a, amah hrim hrim azeiin a zahawm si hmuh anuam khawp mai, U Ima ka va melh zawk chuan min lo en ve kur a, ka en ve tih ahriat rualin a nui suk

" Lawmman pakhatna dawngtu chu Miss Amelia Lalruatpuii " Ka beng hi hnawh phui mup ang maiin a reh nghal ṭhuap a, ka thu hriat chuan min ṭhawng takzet ani

" Amelia, ka lawmpui che " Dandani'n min kuah chung chung takah chuan ka beng pawh a kaw hawk a kut beng dur dur ri pawh ka hrechiang ta viau

" Tling zo velo te pawh hnual phah lo ula, in hun alo la inherchhuak ve ngei ang " Ati a, Lawmman hlan turin judge te chu a ko chhuak nghal bawk

"Mr Imanuela hi Mipa awmchhun ani a Pakhatna lawmman hlan turin ka duhsak teh ang kati ania mahse, Madam Sawmi hian ahauh tlat a chuvang chuan Pakhatna lawmman hlan turin Pi sawmi kan sawm e " a tih chuan an nui dar dar a, Host in stage laia kal tura min tih chuan zam deuh takin ka kal phei a

" Lawmman han hlan tawp chu ka ui deuh, ka chuh deuh tlat chhan pawh thilsawi ka duh vang ania " Ati a amah chu anui pah hak hak 

"Amelia hi ahma in ka hre ngailo a mahse, ka hmelhriat thri hi ka lawm ani ka duhna em em chu, hunkhirh tak a tawng chung pawha idea ṭha tak ala nei thei kha ani, thiamna ringawt hian thui tak min thlen tir theilo, hun chep tak kar ah pawh idea nei zung zung harsatna paltlang thei tura pianpui finna hman thiam te hi keichuan pakhatna ni tlak ah ka ngai ṭhin, judge ah hian kalo ṭang ve fo tawha tuna ka tehna hi hmun dangah pawh ka tehna ani ṭhin, Ka ṭhian te nen hian kan tehna a in ang dawnlo viau emaw kati a mahse, kan tehna kan ngaihdan alo in ang hlawm khawp mai " A ti dap dap a, Lawmman semna kan neih zawh hnuah thlalak ho na te kan nei leh a, U Ima nen pawh kan pahnih in kan lak dun ve ngei kha. Dandani kan thlah kawi a, an in a kan drop hma min fiam reng a U Ima nen an inhnial tawk ṭhin khawp mai, in kan thlen veleh meuh chuan a tlai duai tawh a, U Ima nen pawh inbe tawh lemlo in room ah kan lut nghal ve ve, Khum a Noah lo mu bam ka hmuh chuan lawm loh in ka nui ver ver, inti fai turin bathroom ah ka luhsan a, ka intih fai zawhah Noah bulah chuan ka inthawlh ve sat sat. Atlai tawh deuh avangin kanu te chu ka be duh talo law law a, mut hma chuan sts ka updated ve ngei bawk, zanin kan thlalak a huho a kan lak leh U Ima nen chauha kan lak chu ka up a, vawiin lamah ka chau bawk nen ka muhil harlo.

Zingah chuan ka phone riin min ti harh a, meng mang hleilo chuan ka phone chu ka dap rak rak a, screen ah kanu hming alang va va, Noah alo tal ve ṭalh ṭalh a aharh mai ka rin laiin a in let thawka a muhil leh nghal daih

" Aw nu " Ka ti hman ṭawk 

" I sts kan lo hmu a, ava lawmawm ve " Alo ti nghal nawk nawk a, harh chiah e tilo chuan ka nui hak hak

" Nia mahse, ilo bei hma ve e " ka ti nang nang a, U Rsa'n 'a tho chiah aniang' ati ri pawh ka hria

" Nizanah atlai tawh sia kalo call buai duhlo che u anih kha" ka ti a, Noah tih harh ka hlauh avangin khum chu ka thawhsan a, tukverh hawngin balcony ah ka dingchhuak, chhum a zing chiai a boruak chu a dai phian, zing boruak thianghlim zet chu ka hip vang vang a

" Ni e, zingah i sts kha kan hmu a, alawmawm tak tak ani " Kanu in alo ti leh a, tiang taka min lawmpuitu chhungte ka nei hi ka tan chuan thil hlu tak ani

" Ka tunu hmelṭha chawlh te in nei em? I pi hian ka ngai tawh che ania " Kapi in alo ti ve a

" Karkhat kan chawl dawn alawm, lo hawn dan kalo ngaihtuah ang " Kapi hi keipawn ka ngai ve takzet

" Kan huanram ah thlai kan nei ṭha ve a, I Nu saii pawh Ni1 chama lo kal turin ka sawm kha, sawipui ve leh chhin la naupang pawn fanghma te vaimim te hi an lawm ve viau ang " Kanu in atih chuan ṭha dawn riau in ka hria, inbe rei tawhlo in kan dah thuai a, lut leh ta mailo chuan balcony ah chuan kala ding reng. Noah in min koh chuan ka lut ve ta chiah a, Noah chu khumah sam hnawk niai chungin alo ṭhuchhuak 

" Good morning naute, I ha nawt ang aw " Ka pawm a, ka awm ah fel deuhin a bei leh thliam, Bathroom ah luh puiin ha ka nawhpui a keipawh ka inti fai ve nghal, bathroom aṭanga kan chhuah rualin, ka room kawngka alo inhawng a Sam alo lut ve mek 

" Good morning Sam, iva tho hma ve " Kalo ngaihven vat a, a sam phir sang aṭangin athawhna ala reilo tih ahriat

" Ate " A tih ṭiak chuan bangbo deuhin

" Engmaw? " Ka ti a, Sam chu ka en kar

" Ate, ka intifai dawn ka thawmhnaw min lo lakchhuah " A tih leh takah chuan ka harhchhuak zawk, min koh dan chuan min ti hamhaih em ani, atir khan au pawh minti duhlo a min mawl biak ziah ṭhin tunah lah Ate ati leh mai bawk si, ka hamhaih lutuk pawh kha amak hranlo

" Aw le, hetah intifai mai rawh toothbrust thar pawh a awm kha, i thawmhnaw chu kalo va la ang " Ka tih chuan anui sen sen a, bathroom ah chuan alut nghal

" Naute, hetah hian lo awmla au thawmhnaw kava laksak ang aw " Noah chu khumah ka ṭhuttir a, ha lang vek a nui sen sen chungin abu lap lap, Sam thawmhnaw keng chungin room ah ka lut leh a, an inpeih thlap hnuah inhnuaiah ka chhukpui a, phir tih takah in anna tam tak an nei a, Noah hi tlem in a sawngnawi deuh a mahse, a harh ṭha viau thung

" Eng nge in ei ang " Emily alo tho leh diam tawh a, choka kan inzui lut diah diah chu min lo nuih vur vur leh nghal

" Kalo siamsak ang " Ka tih chuan naupangte chu a be leh ta daih a, keipawn Sam te eitur chu ka siamsak mawlh mawlh, eitur ka siam zawh chuan an bulah ka ṭhu ve a, tui ti deuhin an ei tuam tuam

" Ka duatte pahnih chu inva tho hma ve " Nu saii alo luta a ri nghal hlut mai 

" Nu sai thingpui i duh ve em? " Ka ti a ' a pawilo ' atih chuan thingpui ka siam sak ve nghal rak rak

" Kanu in kan huanram ah thlai kan nei ṭha ati a, I Nu saii khan a peih chuan lokal ula ati, Vaimim leh fanghma vel pawh anei ṭha aniang, Sam te unau hmuh atan a it ve deuh a " A remchan lai tiin dawhkana thingpui hunsak pah chuan Nu saii chu ka hrilh mawlh mawlh a

" Ni dawn tak min lo hrilh alawm, Bawiha hi hman se Ni1 cham chuan kal ve ila apawilo " A ti ta hlauh a ka lawm ngei mai, Noah lah hrechiang hleilo in a phur ve em em a

" Amelia intihsiakna ah khan i chak tiraw? I kawr hak kha analh kati min pe daih la " Emily in ati a anui pah var var

" I duh phawt chuan i nei dawn nia, atira ka design ang kha ani lo a, ka tumloh dan deuhin ka awm " Ka ti niah niah a, Emily lah alo phur em em lehnghal 

" I kawr lo khawihtu kha an hrechhuak tawh em? " Nu saii'n alo ti ve a

" Ka hrelo, mi huat neih ka duhlo a hrechhuak pawh nise hriat ve kher ka duhlo, U Ima kha chuan chhuichhuah ngei chu atum a " Ka ti mai a, Nu saii chuan asawi chhunzawm nual a ka hre vek senglo, nu ho hi chuan an sawi leh duah zel. Chaw ei laiin kan khaw lama zin chu Nu saii'n a sawichhuak a, Pa hruaia pawn ' Aṭha alawm, Amelia pawn a chhungte angai ve tawh ang, nangni chu in cham rei theilo anga Amelia erawh an chawlh chhung chu cham rawh se ' A ti hlauh a, Nu saii pawn a pawmpui ve khawp mai

" Naktukah hian kal ula ani mai alawm, zingah in chhuak anga, inchhuah tlai lutuk chuan ruahsur leh bur bur ang tih te pawh a hlauhawm " U zuali ati ve nawlh a, chutiang asawi chu mak kan ti tlang deuh nge kan en ṭhap a, kan en reng tih ahriat chuan

" Eng nge? Teh ṭhap che u chuan, chaw ei ru " A ti hlar a, kan hawisawn nghal suau mai, U zuali hi chu a ngeng ve reuh e, Independant women an tih ang chi kha ani.

" Winner i ni bawk sia, eng nge min lei ang " Kawtzawl ah naupang school kal tur ka thlah a, vawiin chu Nu saii'n ahruai, an kal liam chiah U Ima alo chhuak ve chhek chhek 

" Eng nge i duh, spicy eite i duh em? " ka tih chuan ahmui a petsawi zeuh a

" I lengchhuak chak vaklo ani maw? Apawilo spicy chu ei mai ang " a ti sup a, pipu ah chuan ka ṭhutsan daih 

" Kan khua kal chu i hreh em? " Ka hmaah a ding a, ka en chho vah 

" Ka chak alawm mahse, min intih theih san ang tih chu ka hlau " A ti ve ngei a

" I over, intih theih chhan ka nei anih chuan nang leh i fate vang hi aniang " ka tih chuan lo kun vutin ka hmuiah a fawp zeuh a, inla hrang leh nghalin ka chalah a tawk leh zeuh, kalo nui var var a abulah hi chuan ka hahdam huai huai ṭhin.

Cont..