Lunglawm Tikimtu chapter -11

 " Ka ṭhiannu innei turte ka tih kha i la hria em? " Chaw kan ei laiin kati a, ka bulah ṭhulo in ka hmaah a ṭhu ve tawha, eng in nge a rilru thlak tir pawh ka hre lemlo

" Hria e " 

" Anlo kal a vawiin chu ka bazar pui dawn " Ka tih chuan min en a

" Engtik nge an inneih dawn kha " A ti ve tehmial

" Thla leh ni10 khi ania, a hnaih tawh khawp mai " Ka ti a, zawhna min zawh belh tawhlo

" An inneih hun chu i kal ve hman ang em? " Ka ti leha

" Ka hrelo le, class kan ṭan leh chuan kan chawl thei tawhlo ang " A ti a, ka sawm zui tawh biklo Karkhat tawp an chawla atan pawh chawlh dil leh kha thilnuam ani dawnlo a, ka hriatthiampui ve reng

" Vawiin chu ila chawl tho sia lokal veta che " Hmun ka phiata thleng asil ve thung, sil suh ti mahila a chuh ve tlat zel

" Duatpuia te nen kan bazar dawna, naktukah class kan ṭan leh tawh anga chumi huna kan mamawh tur lei kan ngaia " Inthiamloh hmel deuhin ati a, amaha inah a awm chuan a khawhar ka hlauh vanga sawm ka nia, tihtur aneih te chuan aṭha zawk animai

" Nangmaha i awm chuan i khawhar ka hlau a chuvang alawm ka sawm che, inthiamlo suh vawiin ah chuan nuam pawh iti lo maithei " Ka ti zung zung a, Nuamlo ati hmel kha hmuh ahrewm tlat

" I duh leh zanah lengah i sawm dawn nia " 

" Angailo, kan chengdun tih an hre dawn asin " Ka tih chuan a bu nghat, thleng asil chhung chu abulah kalo ding ve renga a tleuh fai apiang kalo hru ro nghal zel, kan in ena kan in nuih var vara a mipa zawk si hi alai hma zawkah aṭanga ahawisawn hmasa ziah

" I sawmna ka ti hlawhtling thei silo a, thupha chawi nan eng nge ka pek ang che " Chhuak turin ka inpeih thlap tawha, ani pawh a lo inpeih thlap tawh 

" Angai hleinem, i remchanglo ve ani mai a " Ka tih pawn 'Nilenga nuamlo deuha ka awm i duh ami?' Ti zawngin min nawr a, atawpah chuan Lolipop ka hmuam leh tak vu hi, in aṭanga kan chhuah hmain kan inkuah vang vanga reilo te kan infawp bawk. A tira kan laih dun theih nen tunah pawh la lai tho mahila lai chhe deuh ang kha kan ni tawhlo Zahna pawh kan pal thei tawh viau. Vawiin chu a car akeng chhuak ve miala, ka ṭhiante'n min lo nghahna ka sawi thleng min thlah

" Ilo chhuak ve dawn em? "Kan piahah Liani te chuan min nghak reng tawha

" An hawng hma chuan kan in hmu hman tho ang chu, tunah chuan a tawt emai motor dahna mai tur a awmlo" A ti a, a dik ve tho mai hmanhmawh deuhin ka chhuak a

" Anih leh fimkhur rawh aw " Tiin ka ban ka vai zeuha inla puithu zetin min vai let ve lep kha, uar deuha ka kut vaia ka bye chang pawn, inla puithu fahran hian vawikhat vel hi aban avai zeuha a lungawi nghal tawp

" Sangi " Liandingpuii alo ri nghal chula khawlai tihlam kan care tawhlo kan inkuah chung chung

" Inkuah kha chu duhtawk ru, helai ah hian kan ding rei tawh kalsawn tawh ang u " A pasal tur Malsawmkima'n ati hluk, hepa thinchhiat dan leh ngeiawm theihzia hi chu aw ben hrep ka chak ṭhin. Ka banah a chelh a zawi tete in kan kal det det a titi tui mai sia e

" Tinge Sairengpuia chu alo kal ve mai loh, ava inti thei ve " Atih chuan hrethiamlo zetin amah chu ka en reng

" Tu Sairengpuia " Bo deuha ka ti chu kei aia bangbo zawkin

" Lo thlah tu che kha Sairengpuia i bialpa ani lo ami? " A ti bawrh bawrh, Liani hi Saipuia nen kan inṭhen chungchang vel kha ka hrilh lo a, Fela nen kan in ngaizawng tih pawh ka hrilh lo, tetlai aṭanga inkawm ṭhianṭha tak ni mahila, inbiak reng a theih bik loh a abuai ang chiahin ka buai ve tho, awmdun loh phei chuan chanchin chipchiar deuha inhrilh te hi ahar

" Kan inṭhen tawh alawm " Ka tih chuan kal laklawh laiin min pawt ding dat

" Liani ding thut zel suh " Malsawma'n ati vin leh hlur tawh, Liani hnungah chiah akal a, Liani a din thut khan Liani a su dawt

" Engmah min hrilh ve silo, engtik nge in inṭhen " A ti chula khawlaiah kan awm tih leh sawi hun ani em tihlam hi a ngaihtuah lo reng reng

" Puia nen ahma deuh khan kan inbia a, ngaihzawng i nei leh nghal ami? Alo vui ve nuah nuah alawm " Malsawma ṭhianpa an inneih hunah pawh ṭhiana ahman tur Duhsanga'n ati ve mial, Keiin helama ka ṭhiante chauh ka hrilh laiin Saipuia chuan kan khua a ṭhiante pawh alo hrilh darh nual anih hi ahman bik khawp mai.

" Tak tak ami? " Min kalpel tu ho in min en ṭhap, henu insumtheihna tlachham lutuk hi chu aw

" Sawi hun pawh anilo chhunah kan sawi ṭha dawn nia " Ka tih chuan ban charhin ' Aw ' ati ve hram

" En duh bikna in nei em? mo kawr an zawrhna leh en theihna hi ka hre ve vaklo a, ka ngaihtuah vak bawk silo, inlo kal hma khan lo ngaihtuah teh ti ula chuan kalo zawt kual mai tur ania" ka ti zawt zawta

" Malsawma Cousin in ka thawhna ah lokal rawh u ati alawm, chutah chuan kan kal chhin anga " 

" Aṭha alawm, reng rengah eng te nge lei ngai kan bazar rei viau ang a " Kan ṭhiandun chuan kan ṭawng dun mial miala kan bula kalve mipa pahnih chu kan ngaihsak lemlo, anni pawn thildang ngawt an sawi ve tho

" I kawr tur leh ka kawr tur kan en anga, lawi kawr tur kha chu ka nau in min ṭhuisak dawn bawka, Mipa pahnih pawh chutiang tho chu ani mai lawi kawr tur an ngai velo a " Ti pahin a nui hawr hawr

" In in nei mai tur hi ka phallo, Malsawma tan chuan ka phallo che " Ka tih uan chuan Malsawma'n rum deuhin melh a

" Ṭah aw in min ngen tawh sia, pawm loh theih pawh anilo" A bialpa hi chu a ti bet ve thei alawm, Malsawma huat tur tawk leka thilsawi te hi athiam ṭhin ania

" Liandinpui tikhan sawi ve ziahsuh miin tak tak emaw an ti vek tawh " Malsawma'n a ti hmuk, Kha maw angawih mai mai hi ka ringlo reng ani

" Eng nge adiklo ami? Ka duat hmelṭha enchimloh innei tawh ang, itih sek zel kha eng nge ahunlaiin i zak tawp silo tunah i zak leh deuh ami? " A ti hlak hlak Liani lah hi a duailo ṭhin asin

" Ka ṭah awh kherlo " Lungawi lo deuhin Malsawma'n ala ti ve hram, Kan kal chhungin Malsawma leh Liani inhnial kan ngaithla ani ber e, Kan kal tumna pawh kan thlenga rin aiin anlo lun phian leh nghal

" Lokal ru, tunah tak chuan mo kawr chu entu an awmlo " Malsawma Cousin Rakili'n min lo dawngsawng a, Mo kawr bik an dahna lamah min hruai

" Malsawm eng hi nge ka thlan ang " Liani'n ati a Malsawma lah pek chuan

" I inhmeh vek ang ha chhin nual rawh, i inhmeh ber kalo en ang " Ti ham hamin ṭhutthleng sei anlo hunah chuan an ṭhiandunin an ṭhu a

" Sangi min thlanpui rawh nang i mit alerh deuh thil nalh i hria " Mo kawr inkhai tlar dal chu a thlek kuala, mit lerh hi minti ziah ka awihlo lutuk

" Hei hi a simple alawm va ha chhin rawh, hak chhin tur dang kalo pe zel ang che " Ka tih chuan inthlakna room ah alut nghala, a hak leh tur kalo thlansak ve mial mial

" Aw kha kha analh lutuk, i va chhelo ve " Ding hluaiin Malsawma'n ati hluta, ava ninawm mai mai tak, thil a sawi uar thei si, Panga5 a hak chhinna chiah ania Liani a tum bar tawh, aman nalh atih ve deuh pawh Malsawma'n ' Kha chu a sexy mah mah, kha lai ṭhui kha adiklo ' tih ang rengin a sawisel renga Liani hian a ning leh tawh, dawr ania a azia a thup ve lawklawh tawh avangin Malsawma hi a hniallo mai mai ani

" Rakil, a hawh theih ani lawm ni? Keichu lei kher pawh angai ka tilo, vawikhat bak kan ha dawn silo a " Liani'n ati a, Malsawma te hi an khawsak a pangaia anu leh pa te hi kan khua school ah zirtirtu anni ve ve, Malsawma lah khaw ṭhenawma SBI ah Manager hna ahmu ve tawha, An unaua mipa awmchhun ani leh nghal tlangkam aṭangin an fapa neihchhn nupui neih ni chu tih ropui an tum viau anih hmel 

" Angailo lei ang nakinah kan fate hnenah ila hmuh duh ang chu " Rakili'n a chhan hma hmain Malsawma'n alo tih khalh leh zung zung a kan nuih tawp, Liani hi chu aduh ve hliah hliah ania

" Ka kawr tur chu hawh ang u, fate ka neih ve loh phei chuan tuma hnenah hrilhna tur ka nei ve dawnlo " Ka tih chuan Malsawma berin a lawma

" I va over e " ati a anui pah vur vur

" Sangi leitir rawh, mo ṭhiana ṭang te hi an lengrei duh anti ania, ṭhiana ṭan chuan len tar pawh kan huam ani mai, khate chu i phu lutuk " Duhsanga'n alo ti ve alo ti ve hluta, kan hlim tlang khawp mai

" A pink chu an uar mah mah tawha Cream rawng hi analh iti em? Nge Sky blue zawk " Ka kawr tur ka thlang ve a, Ka hakkual duah peih loh avangin ka mit la bertu chiah chu ka ha a, ka mit alak ang ngeiin ka inhmeh viau pawn ka hria

" Iva in hmeh ve, i nalh lutuk " Min fak te hi chu an thiam ve alawm

" Hei chu lei angailo ania aw Malsawm, Mo kawr kha chu lei pawh ni ula aṭha ka ti reng, ka hak tur hi chu hawh tawp zawk ila aṭha mai " Thawmhnaw hi keima tawkah ka ngah ve a, kawrfual phei chu ka ngah lutuk ka birthday a ka present dawn tamzawk pawh kha kawrfual leh tshirt tih angreng atam a, keima tawkah ka ngah ve khawp mai, ka hman changa ka bazar in secondhand thin ka hrat bawk si

" A ngailo kan lei tel loh ten " Ati bur bawk si hepa leu luau hi chu aw

" Aman a phal phawt te chuan la hmak rawh " Liani'n ati a, Liani kawr leh ka kawr ah pawh a in inseng nual ang. Mo kawr vel kan ei zo a pheikhawk zawrhna ah ka lut leh 

" Sangi eng nge mawi ang " Liani'n pheikhawk ho enkual dun dun pahin ati a

" En zawk rawh keichu ka ngailo " Ka ti a

" Keipawh ka nei ṭha Nutei'n ' Pasal i nei dawn sia ' atia nalh deuh min lei alawm " A ti a mipa pahnih pawn min ngaihvenlo in an pheikhawk bun tur an enkual ve nasa mai

" Keipawn ka kawr hak tur rawng ang chiah kha ka nei alawm, lei angailo atih chi khawp mai " Ka ti a, kan pahnih chuan kan leh awl der

" Lo thlangru a thlang dawrah khuan kan zu lut ang e " Kan ti a, Dawr aṭang chuan kan chhuahsan 

" I bialpa chu min hmelhriatir i tumlo ami? " A ti a, a hriatchak ka ring reng a

" Naktukah thil kan ei ho dawn nia " 

" Aṭhat chu, engmah min hrilh lo hi ka vui lek lek a mahse, awmdun loh hi chuan engkim in hrilh hriat hi a harsa vea ka ngaidam hram ang che " ati a kan inhrethiam chu ani leh mai, Lei tur em em a awm vak tawhlo ti mahse, han kalkual takah chuan kan lei leh nual tho, kan kal kual hah hnap hnuah purple Restaurant view nuam deuh ah khan ka hruai

" Helai hi chu anuam thlawt, ahmun a rem si Aizawl kal ti chakawm tu ani pha tlat " Duhsanga'n atih chuan ka pawmpui khawp aniang ka bu nghauh nghauh

" Nitin hian kal mai ania ka duh, a neitunu lah hi a polite sia e " Ka ti ve chiama mi kan fak ve chiam chu a ka zak zawk e a

" I puan chhawm tur i lei fel tawh ami? " 

" Umm, khatiang vel kha chu kanu'n abuaipui " thawveng deuhin ati a, Liani hi chu a fakawm thlawt a harsatna paltlang zozai te kha sawi vek sen anilo a ka sawi thiam bawklo, kei ni ila ka tuar chhuak ve theiin ka ringlo. Pa Ṭhaa'n zu a in ṭhinlai phei kha chuan an berh ngawih ngawih zu a in apiangin tihbuai tur azawng ziah leh nghala, a chhungkua kha ati rethei zual ṭhin asin. Tunah chuan khatih laia an dinhmun letthawk kha anni tawh, an hausa ka tihna lam anilo a chhungkaw lu Pa berin belh tur dik tak Isua a belh tak chinah chuan malsawmna an dawng nasa a, Nu Piani lahin vawk vulh a tluang si ar nen a vulh a amah ataima bawk. Lawmi pawn paper hmanga pangpar siamin azuar ve thei riaua hlawk lua lo mahse, amamawh leina tur chu a thawkchhuak ve 

" Hahdam deuha thil ei pah hian Sairengpuia nen in thawnthu tawp dan chu min han hrilh teh " Eitur kan order alo thlenga, an ngawi hlen tawh dawn emaw tih laiin Malsawma berin alo sawichhuak

" In ninawm sia, kan inṭhen ani tawp mai chhan dang a awmlo, kan in chhang kham tawh " Nui vur vur paha ka tih chuan an awih loh hmel

" Sawi ṭha mai mai teh " an ti rual dial

" Ka sawi duah chuan insawithiam ka ang dawn emai ka sawi duah peihlo, Saipuia nen chuan khuanu ruat kan nilo chu chuan kan pahnih inṭhen chhan chu a fawm kim ber. Kan inṭhen chiah ngaihzawng ka nei nghallo a kan inṭhen aṭanga thlakhat chuang daihah ka nei ve leh chiah, Saipuia nen khan kan in ngaihzawn rei nen a mizia ṭhing zet hi hmani khan ka hre ve chiah chumi thleng chauh chu ka sawi ang " Ka ti duaha 

" I tuar vaklo ani maw " Malsawma'n khi ṭha chunga atih chuan

" Kan in ngaihzawn lai khan ka tuar tam tawha kan inṭhen tak kha chuan hreawm tihna ka neilo "

" Khuanu ruat loh hi chu eng anga hrui fei tak pawn phuar mahila awmzia a awmlo min tina zual tu mai anni, Kan tana khuanu ruat diktak thung erawh chuan phuartu neilo mahse, kan tana ruat anni miaua kan kiangah an awm tlat ṭhin' anti ngai e " Duhsanga'n ati ve ngial

" I va han sawi dik tak em! naktukah ka bialpa chu ka hmelhriattir dawn che u ania " Ka tih chuan min eilo hlawm khawp mai

" Ka rin aiin i lerh " Malsawma'n ala ti zui, an ngaihdan ah chuan ka lerh pawh ani maithei nia ka hun tawnte hrethiam ve kilh kelh lo tan chuan lerh chan pawh ka chang ang mahse, khang hun chhunga Saipuia nen kan in ngaihzawnna kha hun khawhralna mai ani, thutiam a hlen loh fo te chhuanlam siama min ka kianga hun ahman theih loh changte khan alakah ka beidawnga ṭhen tura ka huaisen tawk loh vang chauh ani kha leh chen kan in ngaihzawn.

" Lerh te chu a thiang alawm " Ka ti a ka nui zui vur vur

" I bialpa chu hmuh a chakawm tawh " Liani lahin ati deuh seka, Malsawma'n a en run run zel. Kan chengdun tihlam ka hrilh lo a hrilh hriat kher pawh ka tumlo

" Ka nau hmu turin in dorm ah kal lawk ila, kan thlah pah che ani mai " An tih tlat avangin kan dorm chu kan pan a, Liani nau chiah hi mipa dorm ah hian a awm ve tak e

" Saw saw Puia ani lo maw? " Mipa dorm kawtah chuan Saipuia te ṭhian thum anlo awm ṭhapa, ka hmuh chak loh nen, Liani chuan a au vaka Saipuia pawn alo hre ve nghal anih hmel

" Eng nge inlo tih a " Saipuia te bulah chuan kan ding a, Liani chuan a nau chu a call a kawta lo chhuak turin a hrilh 

" Kan lo bazar anih hi, kan inneih ni te chuan min lo telpui ang chu " Malsawma'n a chhanga kalsan dan tur ka ngaihtuah rauh rauh

" In innei dawn tak tiraw? Inni pawimawh te chu kan hmaih phal nang, Samu hei hi kan khuaa ka ṭhiante anni hi Liani Malsawma Duhsanga, Liani leh Malsawma hi an innei dawna " Saipuia'n polite takin ati a

" Hei hi ka ṭhiante Samuela leh Lawma " An in chibaia an sirah ning zetin ka ding ve reng

" Thlemsami pawh alo tel ve alaw " Samuela'n nui ṭhaw chungin ati a, nui ṭhaw mahse, min koh dan mei nei zet chu ka hrethiam ve reng

" Samu " Saipuia'n a khap vat, Saipuia zawk tak hi chuan a ruih loh chuan ṭawng anei vaklo aṭhiante pahnih hi ani ninawm em em mai chu 

" Inlo inṭhen diam tawha, vawiin ah kan hre ve chiah leh nghal " Malsawma'n ati leh hrama, ka va ning ngawih ngawih tak

" Nia, kan tawp diam tawh " Saipuia chuan ati veleh mai a

" Kan dawtah inti ve huk ang chu tih laiin " Ala ti hram

" A ho emai chutiang sawi sawi suh u " Liani'n ati hmak Ka awmdan nuamlo zet chu ka ṭhiannu in min hriatthiam pui aniang 

" Sang, I duh leh in dorm ah va kal tawh rawh, ka nau kan hmu anga keini pawh kan kal nghal ang " A ti sawk sawka 'Aw le ' ti a kalsan mai ka tum laiin 

" Dorm ah maw? Khawi dorm ah " Lalawma'n alo ti 

" Hmeichhe dorm ah aniang chu " Liani atih chuan Samuela nen chuan ngeiawm deuhin min nuih kher

" Sangi i bialpa pawh alo kal tak kha, a rualin i hawng dawn lo ami? " Samuela chuan ati kher bawk, Saipuia te ṭhian thum tih loh chuan min en haw a

" Samuel mipa i ni chiah maw " Ka ti ve kher, hetiang em em a mipa ṭawng thei hi ka hre ngailo

" Ve che chuan chutianga min tih ve khanglang chu le " A ti tun tun

" Sairengpuia ka bialpa hlui hian engmah asawi ve ngailo, a ṭhiante kei nena in zawmna neilo zawkin ka chungchang in sawi chiam hi hmeichhe ṭawngthei deuh nen in danglamna ka hre lo " Ka ti fak fak a, zam map lo in an mitah ka en kar bawk

" A ṭhiante kan nia kan rilru natpui ve ani mai " 

" A ho emai Sangi leh Saipuia ber an inṭhen tawh chuan sawi leh chiam pawh angaih loh chu " Duhsanga'n ati khauha

" Samuela Leh Vanlawma khan hre rawh u, in rin thu diklo lutuka min puh kual reng hi sim hmak rawh u, Sairengpuia nena kan inkar ah kher kher kha chuan dem tur ka ni bik miahlo ania, dem tur ka nih loh zia hrechiangtu Sairengpuia pawh a ngawih reng hi. Thutiam zula ti hlawhtling ngailotu chu tunge? ka tana hun neilo aṭhiante leh games khelh nana hun tam tak nei thei bialpa chu tutan nge hlu reng ang, amah avanga ka hun khawhral zawng zawng kha ka ui, Sairengpuia nena rei tak kan in ngaihzawn chhan chu alakah beisei ka nei tawhlo a, a awm ang ang ka enliam theih vang mai mai anih kha, chu chu hre bawk rawh u " Tumah ka zah peih tawhlo 

" Ka ṭhiante fiamthu san zia i hriat kha, ngai haw vak suh " Saipuia'n ati a, chhanlet leh ka tum lai takin, Fela kan bulah alo kal avangin ka ngawi ta rih

" I ṭhiante kha hrilh ngun deuh rawh Sairengpui, ka bialnu in khing reng hi ka hmu ning tawh ania, ka dawhtheih lai hian ṭha takin awm rawh u " Chang bawlin ati nghat nghat, a hmel pawh a dur khup a anelawm loh ngawih ngawih

" Hei a changtupa pawh alo thleng alawm " Samuela'n a kut abeng leh khera, Fela'n a dawh thei ta vaklo nge a ahmaiah a hnek sawk, chawh hi kan ti khawpa Liani erawh a ṭe ṭhat

" Kut min thlak hmasa vel maw " Ti a Samuela'n lo hnek let atum chuan Fela chu a thle zeuha ahnek ṭhelh chiang lutuk, Chiang deuhin Fela'n a hnek leh siaha

" Ka dawhtheih chin pel suh u ka tih kha, ka hrilh chiang viau tawh che u in ka hria " Dam dap chang fakin ati a, Lalawma'n inla pa deuha Fela lo hnaih atum chu Malsawma'n alo dang

" Inti zahthlak hle mai mipa kani chu in inti awm tho sia" A ti ve hmuk

" Liani kan kalsan ang che u, kan in be leh dawn nia " Fela banah chuan ka chelh a, a thinrim ngang aniang a taksa chu asa vek thei

" Aw le, Naktukah chuan thil kan ei ho leh ang chu tiraw? " Lem deuhin min nuih a, thil thleng zut zut hian a ṭhawng ve deuh aniang

" Khaw nge motor i dah " Fela chu ka en chho a amitmeng pawh alo dur ṭha khup khup khawp mai

" Saw tah sawn, khawi kalo khai ang e " A hmel en aiin a aw ri chu a dam leh viau tawha, a inthunun thei tak tak alawm ka thil ken chu ala nawlha midang pawh ngaihven tawhlo in a car dahna chu kan pan

" Min hmek ve suh aw " Tia ka fiam zeuh chuan anui a

" Hnek phal chi i ni emni? " A ti ve ngei

" Enteh an en haw haw che ania " Fela insual hmu ngailo Kan kal pelh ho chuan an en zui vung vung, keipawh hian khatianga a che mai kha mak kala ti

" Mi ka hneka mak anti ve anih kha " Ngaihsam fe in ati, ka luhna tur kawngka min hawnsaka, ka ṭhut fel hnuah alo khar leh dawp

" Ilo chetdan khan min ṭhawng keipawh " Alo ṭhutluh ve rual chuan kalo ti a, engtin min chhanglo chuan min nuiha ka ka biangah a piai nawk, kei kalo ṭeu hlara anuih ka ti za tulh tulh thung. Uluk deuhin motor chu a khalh leh a, uluk deuha akhalh chang hian biakbuai hi ka chak ve tlat zel

" Insual i thiam ve pawh ka ringlo a Samuela khan a hnek ve chawrh ang che tih ka hlau lutuk " Ka tih chuan 

" Min ngai nep viau ṭhin suh " A ti hluk a

" I che ṭha lutuk ania Thluakfingpa " A seat ah ka ke ka hlang chho leh veka, alam hawiin ka kut zungpui hmuh va in ka kutin love sign te ka siam a, Motor a khalh miau avangin reilo tete bawk ka lam alo hawi ngamlo a, ka chetdan naupangchhia zet chuan anuih tir ve hawk hawk mai. In kan thlenga sofa ah ka mu nghal thlawp

" I chau ami? " Ka hmai bul setah alo kun a

" Umm, khatiang boruak kha ka ning " Ka ti sep a, min chhang ta mailo chuan ka chalah a fawp zeuh

" Engtin mah an awm chhunzawm tawhlo ang, mu hahdam rawh " A ti dam thlap, bu nghatin ka mit ka chhin san a, ka lu te hi ana bur maiin ka hria, ka mutdan remlo zet min siamrem sak lai pawh chuan hrereng mahila ka meng peih tawh thlawtlo.

" Bus in kan kal thei tho a, motor a rim iti lo ami? " Kan hna kal tur chu Motor a kal arawt leh tehmiala, hun dangah a ui theih nen

" Motor neih man a awmlo emai " 

" Ahma pawn a hah emai itia nikhat i hman tawh chuan i khalh chhuah phal tawh ngai loh kha " Motora ṭhutluh ve pah chuan ka ti ve ta hram 

" Ahma ni lo in tun hun alawm Princess " A ti ril ruih a, min ti dang leh der tawh 

" I hnial hrat e a " Ka tih hlak chuan a nui hak hak

" Ka ṭhiante khan an hmu ve chak che a " 

" Nimin khan inbiakna hun a awm silo a " A ti sup, nimin khan khatiang tehnuaih kha chu nilo ila inhmelhriattir nan arem tehreng nen

" Nia, chhunah i hman ang em? " Ka tih chuan

" Chaw ei ah sawmla " A ti a

" Nia, kan chengdun tih an hre tawh tho a, ka ṭhiante chuan an sawi chhuaklo ang " Nizanah Liani nen kan inbiaa phone aṭang hi chuan thil zawng zawng sawi hi ahar mahse, ka sawi ṭeuh tho kan inbe rei reng bawka

" Ka tlai deuh maitheia i ban hmat leh ilo bazar anga " Company kawt thleng min thlah a

" Umm, kan bang harlo ang ka ring " Ka ti ve maia, pawisa min pek atum chuan ka hnial tlat

" Ka nei ve reng " Ka ti a, ka thinrim der takah chuan min pe lui lo, lut hmasa rawh atih tlat avangin ka lut hmasa a, Kan in ngaihzawn hnu hian vawi2 tih loh min la thlah char char a, karkhat chhung class an neih loh phei kha chuan ka hna bang pawh minlo lam thlap zel

" Overa'n alo thlah leh che ami? " Kan office ka lut nge lutlo Dari'n alo ti leh nghala, kar kalta khan min thlah in min lam leh thlap zela chhunah nise thil min eipui tur ringawtin alo kal ṭhin bawk nen ka ṭhiante ho nen pawh an in hmu zinga, min ngaihsak thei lutuk hi Dari hian a ei thlawtlo ṭhin Overa atih phah reng a. Ka seat a ka ṭhu chu ka dawhkanah envlope mawi deuh mai hi alo awma hawikual thuakin

" Heihi eng nge " Envlope chu ka lek kanga

" Chhiar ta che " Anlo ti mai bawksi, Envlope ah chuan 'Special invitation ' tih hi alo inziak a, Envlope chu hawngin a chhunga lehkha lo awm chu ka chhiar

" Ehe! Hei hi tak tak ami? " Tlau Fashion company in fashion show an buatsaih turah min lo sawm ve alo nia

" I vannei tawp Kan company aṭang hian mipa5 bak an sawm ngailoa chung te pawh director aṭanga a chunglam zawng anni ṭhin, boss pawn sawmna an dawn loh laiin nang chuan i dawng bik ania " Miriami'n ati leh duah tawh, a sawi hi adika ka vannei ka inti bawk

" Amak e hetiang te chu ka beisei hleinem " Ka ti a, lehkha chu ka chhiar nawn sek

" I vannei lil lel khawp mai " ka ṭhiante chuan min lawmpui thiam lutuk, Boss leh Bawihtei hnen aṭang erawh chuan lawmpuina thu ka dawnglo a ka vui lem chuanglo, break hma chuan boss hmu turin ka kala

" Boss, chawlh dilna kha min pawmsak thei dawn em? " Ka tih chuan 

" Karkhat chhung kha chu a theih ang ṭul bik thil ani a mahse, chawlh tlang chu a theih loh i ṭhiante i puih angai" Inneihna a ka kal angaih avangin chawlh ka dila, inneih hnuah hna pawh ṭan ila ka ṭan leh hnu rei loah Chrismass chawlh kan nei dawna Company kan khar dawn chuvang chuan chawlh tlang ka dila, ka chhungte bula hun tam zawk hman ka duh vang ani pakhat

" Lo ṭan leh pawh ni ila engmah ka ti ve tak tak hman dawn chuanglo a " Ka ti ve ṭalh, ka zin hlanin product te chu an siam zo anga, puih vak na tur ka nei tawhlo

" Karkhat chhung chawlh pek che pawh hi aharsa ania, ka thusawi chu zawm mai teh, I boss ka nih hi i laka ka nem deuh avang hian min pal lutuk suh " A ti nghat a ka ngawi kar, a sawi dik reng ka boss ani a duh aiin ka ṭawng tam leh ṭhin

" Ka lawm e " Tiin ka chhuahsana, break lai chuan Liani te phone in chaw ei tur chuan ka sawma, anlo phur khawp mai minti hrilhhai lek lek dawn alawm. Hna kan ban chuan Liani te bawk ka call leh a

" Kan company awmna kha inhria tiraw? Taxi lo hmang ula lo kal ru bazar ang u " Ka ti a, ṭhutchawlhna ah chuan Liani te nghakin ka ṭhu ve a, kawngkal insul pel suau suau te chu hmuhnawm ti deuhin ka thlir, Liani te lo thlen chuan bazar ah kan kal nghala, sa pawh chi thum lai kan lei pawisa pek ka tum chuan Malsawma'n min pek khalh nulh leh nghala

" Chaw ei ah kan sawi che u alawm, Fela pawn bazarna tur pawisa min pe vek, min lo pek khalh tawh suh " Dawt kan sawi leh tawp hi mahse, dawt muhlum erawh anilo chaw ei a sawmtu kan nia an nin an lei vek te chuan anuam hleinem

" Aw le, sa chauh kha ka lei ang " A ti ve mai bawk, Sa tih loh chaw hmeh dang chu Liani nen kan thlang a, kan bawr khawp mai

" Ava nuam ve alian lutuk silo a, a tawk tiu teu hle mai " In kan thlenga kawngka ka hawn laiin Malsawma leh Duhsanga chuan in bul vel chu an enkual thuak thuak

" Anuam ve lutuk " Ka tihpui ve a, inchhunga kan luh hnuah Liani nen chuan choka ah kan tlanga

" Ka ngai khawlo miahlo che ania Sangi, ka lakah ilo inthlahrung lutuk ang e " Malsawma leh Duhsanga awm loh hlan chuan ati a, ka bu nghat nghat

" Min ring tih ka hria alawm, Fela pawh misual anilo ania aw, nimin kha chu a thinrim tawngkhawng tawh anih kha, a dawh zela chhanlet en ah pawh a en ngailo mahse, Samuela leh Lawma kha an ninawm mah mah a " Ka ti ve duah, Fela an ngaih sual lutuk ka hlauh ani

" Puia ṭhiante kha an ngeiawm ve alawm, ka thin an tihrim dan chu a " A ti bawrh bawrh

" In chhung cheina chu ava maksak hlawm ve " Duhsanga'n ati lawng lawng ri chu ka hrethei

" Fela kha Scientific zir ania, a duhzawng leh a ngaihtuah zawng hi a maksak ve hrim hrim alawm " Eirawngbawl ala hun chiahlo a, Malsawma te awmna ah Liani nen chuan kan va phei ve 

" In ngaizawng tho a hun khawhral vaklo in innei nghal daih mai ru " Malsawma'n thawveng zetin ati leh peka

" Chuti lutuk in inneih hi a awlsam lo ania aw " Ka tih ve chuan

" In mualpho ka hlauh vang zawk, ka ring chhia che tihna lam anilo, in cheng duna kan hriatchian ang che in midang hian an hre chiang velo ang che, an ngai khawlo dun viau thei che u a " A sawi dik fu mai 

" Nia a dik reng keipawn chendun reng hi chu ka duhlo, diktak chuan ka hlawh hi atam hranlo a, Dorm ah ka awm leh chuan awm man a sang ve tho sia, Dorm aṭangin kan company lah ahla si chuvang ania kan chendun reng ni. Mahse, hei kan in ngaizawng ta sia ngaihtuah ṭhat ala ngai" Ka tih chuan min nuih vur vur hlawm

" Alo haw har dawn em? I tan aṭha dawn nge dawnlo tih te pawh belhchian kan duh alawm " An la ti ham ham zui

" A chut ania aw zak deuh te khan insiam ang e, nangni angin ṭawng tur ahre velo a, kawm thiam angai ania " An ṭhian in fiam angin anlo fiam ve leh vak vak ang tih ka hlau, Fela phei chu thil ngai serious hma chi ani bawk si

" Ehhh.. an ṭan nghal em em khawpa " An ti a an nui hawk hawk bawk si, an mawldun asin aw, Eirawng kan bawl ṭana Malsawma leh Duhsanga'n sa an buaipuia Chaw ka chhuang fel deuh chiah Fela alo hawng ve ta nawlha, ka thil tihlai dahin ka buaipui vat

" Ka ṭhiante choka ah sawn an awm " A bag chu ka khai sak, Chair hniamah ṭhuin a pheikhawk ahlip sut sut

" Kal ila " Ding hluaiin ati vut

" An fiamthu asang lutuk a, hriatthiam chin i neih angai ang aw, fiamthu an duh teh mai ania " Malsawma te pahnih mizia hriatchian chuan hlauhthawn loh chi pawh anio

" Hei hi Fela chu ania " Ṭhiante bulah mah nise pangai taka hmelhriat tir dawn chuan laih a awl lutuk

" Khaw maw Lalthansangi chhaithar d chu kan belchiang teh ang che " Malsawmkima han over theih zia hi chu, Hnai deuh ah Fela chu a en khera, Fela lah interview tur ang maiin khawng at in ngawi kurin a dinga

" Malsawm i over thei lutuk " Liani'n Malsawma hnungah abensak pawp, Kan thluangfinga zawk alo phu leh uih tawh, a dawih ve zia hi aw 

" Liandingpuii ka nia Sangi ṭhiannu, hei hi ka pasal tur Malsawmkima anih hi chuan kha kha Duhsanga Malsawma ṭhian " Liani chuan polite deuhin ati zung zunga, Malsawma chu alo ner chhe kual vak vak

" Lalruatfela Sangi Bialpa " An in chibaia Sangi bialpa ati kher chu ka nuih alo za

" Engtin nge thansangi te ilo duh theih, Sairengpuia pawh a beidawng ṭhak ania " Nui huah huah chungin Malsawma bawkin ati

" Malsawmkim, ngawi mai rawh in sa siam lai saw va siam leh tawh rawh u " Liani chuan Malsawma sam ah a keh sak nawk nawk a, chutih rualin Fela chuan min lo hnaih chawih chawih mai

" I hlau ami? " En chho ha chungin kati a, i hlau ami ka tih takah chuan hlau nih aduh lo chu min hlat leh vela Liani chu rapthlak tih hmel zetin a en leh ṭhin

" Fela lokal rawh sa hi siam ho ang u, thurawn ka pe ang che. Liandingpuii leh Thansangi te ngaizawng tur chuan tawrhchhel angai teh ania, kungfu tlem pawh i thiam tel angai ang " Chauh hmel deuhin a aw te chu an ti danglam vela, Liani lahin a ngei ṭhin si

" Fela khan a hlau che ania aw " Malsawma te sa siam naah Fela a awm a, an chethnawk em avangin kan che peih tawh rihlo a, an zawh hun nghakin common room ah kan awm hahdam deng deng, Mipa pathum choka ah an ri ve nak nak a, Malsawma leh Duhsanga a khat tawkin an nui ring vak zel

" Timaw? " Liani chuan bo hu in ati

" Malsawma i ben khan min lo hnaih ruaka, rap hmel deuh in a en zauh zauh che " ka ti chu a anui uar uar

" Uii avan innocent em em " Liani pawn ati tawp, Mipa pathumin an thilsiam an siam zawh chuan keini pawn rawng kan bawl ve ṭana, siam belh vak tur pawh a awm chuanglo, tlai vaklo ah chaw kan ei a kan hlim tlang khawp mai, Helama kan ṭhiante ho anglo takin mei nei deuh deuh thilsawi a awm velo a ahahdamthlak phian

" Naktukah chuan kalo thlah hman lo ang che u, Lo zin hmat ka tum dawn nia, tluang deuhin in hawng dawn nia aw " Chaw kan eikhama rei fe an awm hnuah an hawng dawna

" Fela kan inneih hun chu lokal ve tak tak rawh aw, sawmna card kher i phut pawn ka lo thawn vang vang ang che " Malsawma'n ati phawr phawr

" Aw le " Pakhat lah chuan ati ve mai bawk si, an kal liam thleng kan thlira

" Lo zu lut la thinghnah ho saw kalo phiat fai ang " Tual phiahna leh dusplate chu ka la a, Fela chu aluh ka ringlo a alut lo reng bawk

" Zu lut ta che boruak inthlak lai ania dam loh a awl asin " Ka tih pawn 

" Nangpawh i damlo thei tho alawm " A ti a

" Nang leh kei chu kan in anglo " Ka tih chuan chal chuar tapin min en a

" Eng nge kan in an loh na " 

" Mipa leh hmeichhia kan in ang thei ami? " Sawi fuh inti zetin ka mitko ka san ralh

" Dam loh chungchang alawm kan sawi " Ala ti ṭalh

" Nang chuan damdawi i hlau alawm, thisen lak pawh i hlau a " 

" A zum em alawm " A ngawi duh bik ṭhaklo, Thing hnah ho chu ka phiat khawma ka phiah khawmsa alo rut ve zel

" In bula thing awm hi chu achang chuan aninawm, a hnah hi a hnawk thei lutuk a mahse, thing in min hual vel hi chu aṭha tho a " Ka ti a, kan khuaa kan in bul leh huanah pawh thing lian vaklo a awm thluah, kapa hian thing phun a atchilh a thing phun hunah chuan a phun ṭeuh zel, Thing hnah kan phiah fai zawhah inchhungah kan lut a ṭhiante nen kan ri nawk nawka an awm talo chu a reh ruih in ka hria

" Princess, ka bag ah sawm ka phone min va lak teh " A tih chuan rang deuhin ka tho a, kawngka bula a bag khai ah chuan Fela phone chu ka zawng, a phone te hi a in chhawp ve mai mai ngailo, a bag ah te hian alo dah reng zel, phone ka zawnga phone nilo zawk ka phawrh, Envlope mawi zet hi alo ni a ' Special invitation ' tih a inziaka, ka en chak leh tlat pek

" I sawmna dawnah sawn kal ve itum em? " A phone pek pah chuan kati a, abulah chuan ka ṭhu thla dawt

" Ka chak hranlo " A ti mai, Ka sawmna dawn ang tho kha adawng ve a, engvanga ani tehlul sawm ve nge annih ka hrethiamlo, a ngaihsak zawng leh atuina ani bawk silo a hriatthiam ahar ve deuh 

" Tinge an sawm ve che " Ka hriatchak te hi a khirh ṭhin ania

" Ka hre biklo, lungngai suh ka kal lovang " A kal ka hlau emaw ati aniang

" Kal rawh " Amah pawh en lemlo chuan kati a, kan kal rual thei dawna a tihzia viau 

" Ka kal chaklo " A ti leh then

" Keichu ka kal dawn alawm, i duh leh i kallo thei tho a " Ka ti a

" Kan kal dun anga ani mai alawm " A ti leh maia, inbual ka duh avangin room ah ka luhsan.

Cont