Lunglawm Tikimtu Chapter-3

 Saipuia chu Dangdaia nen Dorm thleng kan hruai a, Dangdaia'n aluhpui theih avangin Dorm aṭang chuan in lam ka pan ve nghal, atlai ta deuh bawka Lalai chiah alo meng tawh, chanchin min zawt luama ṭha deuh chuan ka hrilh ve mai

" Ṭha deuhin sawi puila, in inkar hi siamṭha rawh u " Thutak deuhin ati a, kan inkar hi siamṭhat ka tum tawh lo thung, naktukah engkim sawifel vek ka duh

Atukah chuan hna ka kal a, ka tlai deuh avangin anlo kim ṭhap tawh

" Morning " U zira'n alo ti vara, nui sen sen chungin ka wish let ve

" Min tih hreawm hi i chak hrim hrim emni? " Bawihtei chuan min lawm hmel vak loh, hmeichhe ze zawi tak emaw ka tih ṭhin kha anihna tak ah chuan hmeichhe rapthlak tak ani, a zia a chhuah ṭan mek chu anih hi

" Engtin ka tih che ka hrelo Bawihte " Dam thlap in kati

" Niminah Meetingah ilo kallo a, Founder te hma ah zak deuhin min siam tih i hria em? " A ti hlak hlak, Lo awmve te chuan kan pahnih chuan min thlir ṭhap tawh 

" Nimin ah khan tel ve chhan tur ka nei hleinem " Thinrim ve duh miahlo in ka ti leh maia

" I sualthiam khawp mai " A tih leh chuan ka ning lek lek tawh

" Sangi, Director in a ko che " Boss lo lut chuan ati a

" Aw le " Ka ding a, Ka kalsawn hma chuan Bawihtei chu ka en leh kher, Kan room chu t n hb chh hbgcbctccccbcṭ Director room lam chu ka pana kawngka bulah dingin ka kik a tlem chuan ka zam ve deuh. 

" Lo lut rawh " Phalna ka dawn rualin kwngka ka hawng nghal a

" Min ko emni Director " Ṭhutna tur min kawh hmuhah chuan rang zetin ka ṭhu a

" I project kha khawih chhunzawm rawh " Ati teh thawr, a sawi ka rin deuh anih avangin mak kati lutuk lo

" Team leader kan inthlaka, mawhphurhna chu Bawihtei kutah a awm tawh alawm Director " Ka tih chuan

" Nang tluka thluak ṭha in team ah an awm chuang emni Sangi " Ka mitah chiang kelh kawlhin min en a, zam map lo in ka en let ve kar, Director hi hmeichhia ania pasal fanau anei tawh bawk, nu tawhkhirh leh fir tak ani a, ahna leh mimal thil a chawhpawlh ngailo, chuvang aniang ami uap anat em em

" Min fak derna ah ka lawm e mahse, ka thiamna hi anni tan mai mai chuan ka hmang lo ang " Ka tih chuan

" Company tan alawm i thiamna chu, Team leader nih chauh ami i dream " Khauh faka atih chuan ka ngawi reng

" I dream ahniam emai, i thluak ṭha tak kha ka ui takzet " Min thamlo deuhin anui kher bawka, ka lungawi lo lutuk

" Khatiang khan tuman minla ṭawngkhum ngailo " Lungawilo deuhin ka ti a

" I hmakhua ka ngaihna avanga ka ṭawngkam ana deuh anih chuan min hrethiam dawn nia " A ti dam leh thlap 

" I sawi tur ka hrethiamlo " Ka tih chuan min nuih a

" Team pakhata leader nih chauh dream reng reng suh, Boss te Director leh a aia sang nih tum ta che, i thluak aṭha a i thleng sang thei, Tuna project hi apawimawha khawih chhunzawm la promotion hmuh tum rawh, in boss hi i ning ani lawm ni i duh phawt chuan a ai i awh thei lutuk " A tih chuan nichina ka lungawi loh deuhna te kha a reh ta duak mai

" Ka thusawi hi midang hrilh ve angai chuanglo, i rilru in vawngla asang ber i thlen hma chu beidawng reng reng suh, hah taka kan neih thil te hi chu kan hlut nge nge ṭhin ania " ati leh a, mood fuhlo deuhin Director room ah ka lut a, ka chhuah leh lam chu ka khi ṭha reng mai

" I ṭha em? " Kan office ka lut leh chu min lo ngaihtuah hlawm khawp a

" Ka ṭha alawm " Ka tih pawh chuan an awih chiahlo a ang, Director hi a khirh a kei takngial pawn ka nel ngailo mahse, nu sual tak anilo tih chu ka hre reng vawiin hian ka hrechiang leh zual

" Anih leh project hi " Miriami'n tim daiin alo ti 

" Ka khawih chhunzawm ang " Ka ti maia, Bawihtei chu Boss room aṭangin alo chhuak ve mek bawk, engmah sawilo ang maiin midang chu an inthiarfihlim a, kan seat ah ṭheuh kan awm leh thlap tawh

" Kalo chhuah veleh tinge in reh duak a " Bawihtei'n ati hlara, tuman kan ngaihsak lemlo

" File ka pek che kha min lo pe let rawh " A hming pawh chuan ka ko lemlo,min er em em tu biak ṭhat reng ka tumlo 

" I khawih chhunzawm dawnlo ani lawm ni " A tih lar lar chuan ngaihsam fe hian

" Min pek loh leh copy ka nei tho, team leader i nia tikhan lo kawl ve mahla apawilo " Ka tih chuan a chair ah aṭhu tau sawka, ka nui ver ver thung asual thlak viau em ka hrelo a mahse, keichuan sualthlak ka ti lemlo. Chhun chawlh lai chuan Saipuia phone call alo lut a

" Hello " Ka ti dam thlap

" Teber, inhmu lawk ila " alo tih chuan sana ka thlek zeuh

" Kan company bula Restaurant ah khan kalo nghak ang che " Ka tih hnuah call kan dah a

" Miriam, ka chhuak lawk dawna chawlh atawp hnua kalo la let loh chuan Bawihtei hnenah khan chhuanlam min lo siamsak lawk dawn nia, ka reilo ang " Ka ti a, hmnhmawh deuhin company chu ka chhuahsan, Restaurant ah chuan Saipuia ka nghak ran a, Amah anglo deuhin alo thleng hma ve lutuk

" Min lo nghak rei em? " Ka hma ah alo ṭhu a anui sang bawk 

" Reilo e " Ka ti maia, anuamlo ti hmel ka hmuh chuan hreawm ka ti veleh tho

" Thil chah ang aw, kan ei zawhah kan inbe dawn nia " A ti a menu aban zui zat

" Aih, thil ka ei hman tawhlo, hna ka ngah lutuk " Ka tih chuan 

" A reilo ang " Ati leh hram

" Sawi hun ani em chu ka hrelo a mahse, inṭhen ka duh ani" Ka thusawi avang chuan a chelai atawp chat a, fiah kelh kawlh in minlo en 

" I lungawi lo tih ka hria alawm Teber, chuvang ania vawiin ah inhmuh hram ka duh " pehhel na azawng tih ka hrethiam, hei pawh ka tan thil thar ani chuanglo

" Sawi nawn ka tum tawhlo, ka ti mai mai emaw itia nge ka ti tak tak ania " Ka ti a, ka ṭang ṭung mai

" Kan sawiṭha leh dawn nia " A tih chuan ka ding hluai

" Sawi nawn ka tum tawhlo ka tih kha, Company ah ka let angai tawh, anih phawt le " Ka sawi zawh rualin ka kalsan nghal daih, Company ka thlen chuan chawlh alo zo chiah a, ka tlai chhe lutuk lo bawka ka hmanhmwh vaklo

" Hun vawndik hi mi puitling zia " Bawihtei chu ka en zawk, engtinmah ka tih loh tehlul nen hian min haw ve em em ringawt

" Chawlh zawh khan Company kalo thleng leh hman " Ka ti ve kher, min chhang tawhlo a keipawn ṭha deuhin ka hna ka thawh chhunzawm mawlh mawlh. Zanah chuan ruah atla cherh cherh a, mahnia awm takah chuan ruahsur ri mai mai pawh hlauh mai a awl alawm le, Chhuatah ṭhu sawp niai in dawhkanah Laptop leh project ka khawih chhunzawm leh tak ho chu ka dah rup a, ngaihtuahna sen ava ngai ṭhin tak, chutia hna ka thawh mawlh mawlh lai chuan kawngka alo ri rek rek a, Password hmanga kawngka hawn tum an awm ani ngei ang. Ka tho chhuak ṭhem ṭhem a choka ah lutin Fianpui chu ka chuh ve tawp a, kawngka a in hawn rik rak rualin Fianpuiin ka tin ve nghal zat, inchhunga lo lut mek chu chechang lo in kalo thlir reng, ani pawh min hmu chu ading dat a, phawk zetin kan in melh reng, ka hmaa ding hi ka beisei loh lutuk mihring Lalruatfela Dangdaia ngei kha ani

" Na...nang maw " Harh chhuak zawkin kati nawk nawk

" I thil ken kha dah teh " Atih hluk chuan ka dahṭha ve maia, vuak tuma intin ur tawh ka nih avangin fianpui ka lek thla kha Dangdaia alo tim chawih mai, ava han nep ve tak e aw

" Kanu ṭhiannu fa kha nangmah maw " Ka tih leh chuan min chhanglo apheikhawk chu ahlip a felfai deuhin pheikhawk dahna ah adah thlap

" Kanu ṭhiannu fa hmeichhia ani tih ka ring pha hleinem" Bah eih lo in ati felfai thlap, kei kala ṭawng bah nawk nawk ania

" Keipawn mipa anih ka ring biklo " Ka tih leh laiin ani chuan inchhung chu a enkual a, nghet deuhin ka mit ka chhing tawp, ka thil eina kawr ruak leh lehkha ka ṭhual mum ho ka paih darh nuai a, in chu ka ti hnawk ani tawp mai 

" Ilo kal dawn tih i sawi lawk silo a " Zawi te in kati a, min chhang tawhlo in a kalsawn, ka bul hnaia ka thil tih hnawk ho chu kalo ti fai sawk sawk

" Kha chu ka " Ka sawi zawh hmain room ah alut a, aluhna lam chu room a ka hman zawk kha ani, reiloteah alo chhuak leh nghal a chak zetin ka awmna lamah alo pen phei pawk pawk

" Ka room saw " A ti a sawi zo lo chuan a ngawi leh det

" I room saw ka room " Ati a adik in ahre chiah lo nge ameng kual ralh

" I room hman ṭhin tih kalo hrelo alawm, zanin chiah chu min hrethiam la, naktukah in aṭang hian ka in sawn chhuak ang " Ka lo tihkhalh zung zung a, ka thusawi chu dik ati nge pawh ka hrelo abu nghat nghat

" In sawnchhuah kher angailo, room chu nakinah kan in change thei " Ati leh maia, awm nuam pawn min awm tir chuanglo, Ka nodless eina thleng ruak chu choka ah ka keng phei a chokah ah chuan thawk kala vak vak Dangdaia bulah khan kalo thi hman ṭep anih hi, Common room a ka phei leh chuan Dangdaia chuan uluk deuhin bawlhhlawh alo chhar khawm, ka thawm ahriat chuan min lo en 

" Ka..ka lo tifai ang " Kal hnaih rawkin, bawlhhlawh chu ka chharkhawm a hmundangah kalkualin chhar tur leh tihfai tur ahre lutuk, ruahsur pawh ka hre chang tawhlo hrim hrim

" Ka va inbual ang " Ati leh thlap, Inchhung kan tifai vek a, ka chau lutuk chu Sofa ah ka ṭhu a ka thaw hle hle 

" Aw le " Ka tih chuan akalsawn a, ruahsur buan buan pawh tunah ka hre veleh chiah, zan zanah min ti hah hrep alawm le, a inbual zo chu thawmhnaw ha fel thlapin alo chhuak a, towel a asam hru chungin ka ṭhutna sirah alo ding a

" Eng nge? Mamawh i nei ami? " Kalo ti thuai, min chhang lem hleilo chuan ahnar alenkual a

" Ka inbual zo tawh, va inbual ve rawh " A ti sup, rang zetin ka inhnim ve nghal a, thlan rim ka nam a ka rimtuilo ve khawp mai, eng rim pawh lo neita ila min tihdan kher chu ka lawmlo lutuk, rum deuhin ka en chho a

" Ka inbual ang " Ti hlar chungin ka kalsan, sual dangdai lutuk mai, Room ah lutin towel kala a hmanhmwh lemlo in ka inbual, Shampoo leh face wash ka dah ho te chu alo felfai thlap a, alo remṭha vek anih hmel, ahma zawng pawn dangdai kati a tunah phei chuan Maksak kati tawh

" Ka va han mawl tak " Darthlalang hmaah ka ner chhe vak, towel chiah ka keng luta thawmhnaw ka keng lut tel miahlo, ka inbual hian hak thlak ka keng lut ngailo ka tih ṭhan ani a mahse, tunah chuan keimah chiahin ka awm bawk silo, towel bih chungin kawngka bulah chuan ka ding a thawm ka ngaithla, ruahsur vang nge engmah thawm ka hre theilo. Thih leh thih dam leh dam ti rilru chungin kawngka chu ka hawng rak a, ka hawikual thuak thuak hnuah Dangdaia ka hmuh tawh mai loh avang chuan thaw huai chungin Bathroom aṭangin chuan ka chhuak den den, tifuh inti zeta ka room ah luh ka tum laiin room pakhat zawk aṭang chuan Dangdaia alo chhuak thut a, ka hamhaih lutuk chu chet mai nachang ka hrelo, Dangdaia'n min hmuh chuan ameng kawk a akhuh nghal bawrh bawrh, hmanhmawh deuha inherin room ah luh mai atum chu kawngka alo inkhar hman tawh sia a in tauh chawrh

" Awi! I ṭha em? " Ti chul chunga buaipui ka tum chuan akut alo phar chhuak a, la khuh bawrh bawrh chung chuan 

" Angailo ka..ka ṭha...roo..room ah lut rawh " Ati bah nawk nawk, keipawh towel chiah ka bih tih hrechhuak thutin ka ding ngil awt a, room ah rang zetin ka lut nghal a, ka zak lutuk hi ṭah vak vak mai ka chak engtin nge Lalruatfela ka hmuh ngam tawh ang, ka inthlak zawh hnuah pawh chuan room ah kala tawm reng a, ka phone leh laptop te pawnah ala awm vek bawk si tim ru deuhin ka chhuak a Fela ka hmuh mai loh avang chuan ka thaw huai. Laptop vel keng chunga room ah let leh mai ka tum laiin Fela chu choka aṭangin alo chhuak veleh chiah a, min hmuh avang chuan a ding dat tui bottle a keng ran, biak mai dan tur hrelo mahila kalsan tawp chu atihchi bawk silo, sawi tur nei niawm takin a ang zuau a mahse, a irh fiak nghal awk ahmui a hup a min be chuanglo chuan room ah alut nghal daih, zanin chu kan che ṭhing dun khawp mai, room a ka luh leh rual chuan kanu call nghal ka tuma mahse, atlai tawh avangin ka call talo. Zingah chuan ka harh veleh kanu ka call nghal a

" Ve teh tlat che chuan " Alo la ti ham ham zui

" Nu, I ṭhiannu fa chu mipa maw! Tinge min hrilh vat loh " Ka ti nghal hlar a, Ka harh chiaha nizana ka zahna kha ka hrechhuak leh nghal

" Ka hrilh lo che emni? " Alo ti duh lek a, min ngaizam ve khawp mai

" Min hrilh nila chuan ka hria ang chu " Ka ti vin ṭhak 

" Vak vak che chuan, a hmelṭha an tia ahmelṭha i ti ve em? " A lo tih leh chuan chhan pawh ka chhang peih tawhlo

" Dorm ah ka let leh dawn, Mipa nen inluah dun ka duhlo " Ka ti a, a ngawi ve vang vang eirawng abawl pah ani maithei

" Chhuah kher angai ami? Dorm ah i awm chuan awm man ato sia " A lo ti nem diai

" Mipa nena chen dun ka duh hleinem " Ka vin tawh biklo

" Ka ṭhiannu sawi dan chuan hmeichhia eng atan mah atilo ati, a chut lutuk a azirlaiah chauh a rilru asawrbing ṭhin " Alo ti leh hram a

" Chu chu ka hria, a chut lutuk tih pawh ka hria amah hi ka hlau pawh anilo, Mizoramah kan awm hi i hrelo emni Nu, Ram dang ah chuan mipa leh hmeichhe chendun hi eng atan mah an ngailo. mahse, kan ramah chuan mi lepchiah ang ah asin min ngaih leh dawn " Kanu chu a ngawi renga call ka off daih, kapa hi mistery ani a vawikhat In chung an chih laiin thing pakhat arah suala atla thlaa chuta ṭang chuan in sak naa in hlawh te pawh ati thei tawhlo, kanu hian arem rem athawk ve mai ṭhin a, kapa pawh in sak naah in hlawh in che zung zung thei tawhlo mahse, zawimuangin tukverh frame te asiam ve a chu chu kan chhungkaw eizawnna chu ani maia, keiin hna ka nei hlauha ka hlawh lah chutianga tam ani silo, dorm ah let leh ringawt pawh ni ila buaina titam tu mai mai ani

" I tho tawh alaw " Room aṭanga ka chhuah chuan alo tho diam tawh

" I tho nuam em? " Ati daih a, min en ṭha ngamlo in a hawi kual ralh ralh bawk, kei ai mahin ala zak zawk anih hmel

" Tho nuam e, thingpui te i in duh em? " Choka a lut pah chuan kati a

" Coffee ka duh zawk " Coffee chu ka siama Choka ah lo lut ve in chair ah chuan aṭhu 

" Vawiin ah ka chhuak ang ka.. " Ka sawi zawh hma hma chuan

" Chhuah angailo, engtin mah ka tilo ang che " A tih hnuah 

" I it awm lo " atih chhunzawm a achil a lem pah khalh bawk 

" Insuan chhuah chu ka duh mahse, kan dinhmunin azir rih silo a " Ka tih chuan ka mit ah chiang deuha min en chungin

" A pawi lo " A ti leh then, coffee chu ahmaah ka hunsak a

" Kan chengdun tih tuman hrelo se ka duh a " Tim daiin ka ti leh, ka duhdan sawi chhuah hi anuam pawh ka tilo 

" Aṭha alawm, i sawi loh chuan keichu min vengthawng suh " Coffee no a chawia akalsawn nghal nul nul, a thin ka tirim ta emaw ka ti dawn alawm, chaw ka chhuma eirawngbawl thiam viau lo mahila ka thiam ve ber artui leh alu chu ka siam. Chaw kan ei dun a ṭawng tamlo tih takah chaw eilai te chuan ka zawhna chiah chiah vek min chhang a, kei erawh duhthusama tam ka ṭawng leh tho. Company ka thlenga min lo be ve neuh neuh tute ka chhanlet zawh hnuah ka seat ah ka ṭhu a, boss hnena report tur ka buaipui nghal zung zung 

" Tea, boss saw a awm em? " a awm thu min hrilh hnu chuan ka kala, boss office kawngka chu ka kik dat dat

" Lo lut rawh " Phalna ka hmuh rualin kawngka chu ka hawng rak, Bawihtei alo awm telve a abiang atai hlar mai

" Boss, hei hi project thar chu ania vawiin tlai hian factory ah ka va buaipui ang, ka tum anga thil akal thei anih chuan kar thar lamah kan tlangzarh thei tawh ang " Fiah felfai deuhin ka ti a

" Aṭhat chu tlaiah chuan Bawihtei nen hian kanlo tel ve ang " File ka pek chu a ban a, ka ner nak hmel chu a hmuh hman loh hram ka beisei

" Pawi intih loh chuan ka hna chu keimaha thawh ka duh, puih ka ngaih chuan ka hrilh hre dawn che u nia " ka ti a

" Team leader ini tawhlo, tlangzarh hunah pawh nang nilo in Bawihtei hi ahming langsar tur zawk ani " Atih chuan ka ngaihdan nilo viau mahse, ka ngawi ta zawka Office aṭang chuan Bawihtei nen kan chhuak rual

" I common name hi thlak teh " Ka tih chuan bangbo deuhin min en a

" Thin itih rim deuh chang pawn Bawihtei ini reng a, A fuh tlatlo, keipawh ka common name atan Duatbiki ka inti ve daih dawn maw ni " Ka tih chuan ka ṭawng ring deuh bawka Team member dangte chu an nui hak hak hlawm, Bawihtei erawh chu titau chungin a kalsawn a, min haw tute hi chu haw let velo in fiam zuk zuk ila an mahni zawkin hreawm anti daih zawk. Tlaiah chuan factory ah ka kal duh talo a, in ah ka hawn chuan chahbi ka kengchhuaklo tih ka hrechhuak veleh chiah, Zingah keimah ka chhuak hmasa zawka kawngka kalhtu ka nilo tlat, tih theih vak a awmlo Dorm ah ka tlang ta ngawt a Fela chu ka msg in a awmna ka zawt bawk. Dorm ka thlenga room ah chuan Lalai chiah alo awm

" I va ngaihawm ve " Ati a, min kuah vang vang 

" In lo leng duh bawk silo " Kan room hi ka ngai ṭhin, ka hun tam tak ka hmanna hmun ani ve ṭhin a, hun harsa leh buaithlak tak ka pal ve tawp tawpna hmun 

" Kan buai ve ṭhin alawm, vawiin chu ka bang hma hlauha" Ati nang nang, ka phone chu ka en seka Dangdaia chuan ka msg a seen reng sia min reply lo reng reng, a in a ka awm a phal tawhlo ani hrim hrim ang

" Puia nen in in hau ami? " A tih tak daihah chuan ka phone aṭang chuan ka mit kala sawn ve chiah

" Hau lo e " ti a kan inṭhen thu sawi tlang ka tum laiin min lo pawtchat a

" Chuti si, tinge Sairengpuia'n min lo tihbuai reng " a ti hlak hlak 

" Kan in haulo kan inṭhen " Ka tih chuan a ang zuau tawh chu a tawp leh hmak

" Chuvang chuan ama chungchang chu ka sawi peihlo " Ka ti leh tawp a

" I ṭhen thei tak tak ang maw? " Uluk deuhin min en vung vung a, za lo deuha nui chungin

" Kan inṭhen loh na chiah kha kan inkar suihzawmtu awmchhun ani, chu chu kan inkar ka sawifiah thiamdan ani bawk. Ka ṭhen theih loh chhan tur a awmlo" Ka ti nghet charh, ka thusawi ah hian ka chiang khawp mai

" I ṭhen theih chuan aṭha " Ati ve mai bawka, ka tana ṭha tur min hrilh leh chiam, a sawi tam ber chu ' mipa pakhat chiah an awmlo ' tih ani, chumi asawi apiang chuan ka mitthla ah Fela alo lang ziah bawka ava buaithlak ṭhin tak. Lunghnur deuhin Room ka chhuahsan a, Fela'n msg a chhang thei bawk silo, Hmeichhe dorm aṭangin ka chhuak a kal maina tur ka hrelo nen ka ding a, chutih lai tak chuan vanneih thlak kati dawn nge vanduaithlak kati dawn pawh ka hrelo Lalruatfela Mipa dorm aṭangin alo chhuak ve nawlh, Luggage a hnuk a min lo la hmu velo aniang, zah pawh dawnlo in ka va kal hnaiha

" Tinge ka msg i chhan loh " Ka tih chuan min en zawk a, min kalpel leh nghal mai atum

" Mawh " A banah ka pawt a ading chawt

" Ka hmulo aniang " Ati sup

" Maw! I seen reng kha " Ka ti hluaia a awmdan danglam lutuk chu ka hrethiamlo 

" Ka hmulo " A ti leh tawp, ka chelhna ka thlah rualin a kal leh nghal a, akal tawh chu ka au leh vak vawikhatna ah chuan min chhang duh miah lo

" Lalruatfel " Ka tih leh chuan ading a 

" Eng nge " Ti hluk chungin alo leh hawi

" I luggage hi " Kal hnaihin a luggage in zip phuilo chu ka zip ṭhatsak a

" Ka lawm e " Tum bur in ati, nuih tur nge pawh ka hrelo e, Taxi in kan hawng ruala in kan thlen hmain ka be ṭawng theilo a, inthlen hnuah pawh kala be chuanglo, ka inthlahrung tawh takzet bawk

" Tun thla chiah min hrethiamla hetah hian ka awm ang, thlaleh aṭang chuan in aṭang hian ka chhuak tawh ang, ka ti tak tak " Room ah alut tur chu alo leh hawi leh

" A ngailo " Room ah alut nghal daiha, chau deuhin Sofa ah chuan ka ṭhu, Bathroom a hman duh ka ringa ka ngaichanga a luh mai loh takah chuan ka lut hmasa leh ta nge nge. Ka inbual zawh pawn biak tur a awm lo. Room ah ka tawm ve char char a, Study table ah ka inchhawp hnawk leh niai tawh. Hna ka thawh mawlh mawlh laiin room kawngka alo ri kauh kauh a

" Lo lut rawh " Kawngka lam chu ka en reng

" Lo chhuak rawh, chaw ei ka peih " Alo ti dut dut, akalsawn leh nghal daih a, ka chhuaklo a ka hna chu ka thawh chhunzawm mawlh mawlh min be duhlo ringawt kha ka hrethiamlo ani. Engtia rei nge hna ka thawh ka hrelo tui in ka tum chuan alo awm tawhlo a, peih lo deuha zi ṭiah ṭiah in room aṭang chuan ka chhuak ve chiah, mi pahnih chiah kan awm bawka areh tlawk tlawk khawp mai

" Chaw va ei rawh " Sofa ah Fela alo ṭhu renga, ka hmu thut chu ka phu ṭep ani 

" Ka ei chaklo " Ti ve hmakin choka ah ka luhsan

" Hna hi i chak vang chauha thawk ami inih " Choka ah Min lo zui lut tih ka hre miahlo, ka chhan hma chuan

" Chak vang chauh nilo aṭul vang zawkin ei rawh, kalo ṭhutpui ang che " Ati dam leh thlap, dam thlapa min biak chang hian ka rilru no a chhuak ṭhin 

" Ka peihlo " Ka tih chuan ka banah chelh in min pawt a, ka ṭan ve hman hmain dawhkan min kil fel tir diam

" Min hmusit suh " Pawr deuh a katih chuan

" Ka hmusit lo che " Ati ve zat

" Ka tet avangin min khawih kual anih kha " Ka ti leh hlar

" Teuhlo lutuk, chaw i ei ka duh vang chauh ani, abak rilru dang ka pu lo " A ban aphar hluai a, ahmel leh a mitmeng zawng zawng nen abuai vek

" Ka chungah i thinrim ami? " Chaw hmeh a chhinṭhat chu ka hawng a, thleng min lo laksak 

" Ka hrethiamlo " A ti daih leh nghal

" Engmaw " Ka tih chuan

" Engvangin nge ngaihzawng i neih? " Mak ti deuhin ka en kiau ringawt

" Hmeichhe dang chuan ngaihsak an duh vangte biaktur an duh vangte khawi ah pawh kalse hruaitu leh thlahtu an duh vangte in ngaihzawng an nei ṭhin a " Min bia pawh nilo in a thil hriat asawi ve mawp mawp hi a ang ber

" Chuan " Ka ti a, chaw hmeh chu ka tem zeuh 

" A ngaihsaklo che a, i tan hun anei ngailo eng nge ngaihzawng i neih chhan ber " A sawi zawh rualin chiang deuhin min en kalh a, a zahthlak veng veng

" Chungte chu keipawn ka tihsak thei alawm " Nui vur vur chungin ka ti a, kan inṭhen tawh tih lam chu ka sawi duhlo, chaw chu a ngaih ṭhat nan tlem te ka ei a, kan boruak aṭha leh ta bawka room ah ka tawm duh tawh biklo

" I bedsheet saw thlak ang aw, bedsheet thar ka nei " Ka tih chuan naupang thuawih tak ang maiin a bu ve nghauh nghauh, a bedsheet ka hlihsaka ka bedsheet phahsak ka tum chuan min lo dang 

" kha kha eng nge " A ner pah nung mai

" Bedsheet anih hi " Savawm hi cute ka tia ka bedsheet leh ka bungrua hrang hrangah hian Savawm lem chuang hi ka thlang ziah ṭhin, tuna bedsheet pawh hi Savawm lem lian deuh chuang ania

" A hlauhawm " A tih hluk chuan 

" I dawih emai mipa i nih kha " Ka ti a ka melh rum vak 

" Lung a siam nilo in hluma siam alawm ka nih, hlauh nei theilo ka nilo " A ti bur a, hahthlak ti zetin thawpui kala hak

" I va dawih mai mai e aw, anih leh bedsheet ngai hi phah ang che " Ka tih pawn min la thlah duh chuanglo

" Ka mu leh theilo ang phah mai rawh kha kha " A kalsawn a, ka phah zawh hnu chuan bedsheet bal chu machine ah ka ṭhuaitir nghal a, Zan rei lamah ka che leh sek tawh 

" I hlauh chuan maimichhing chungin mula, puanin bedsheet te chu i hliah vek thei alawm " Ka tih chuan hrelo ang hmakin a awm, lehkhabu pakhat abih ngur ngur a 

" I la graduate lo ami? " Ka tih chuan

" Umm " Tih chauhin min chhang, midang chu nise ka thinrim leh tawh viau ang mahse, ka bula mi hi Lalruatfela ṭawngtam hlau em em leh chut lutuk tak mai kha ani miaua chuvang chuan engtin pawn min chhang se ka hrethiam. Zingah chuan dan ngaite in ka harh tlai leh khawp maia, room pawn lama Fela thawm ri rak rak chu ka hrethei, peihlo deuhin ka tho a ka hmai hrukna tur face towel ka bat chhuak bawk

" I tho nuam em? " Room aṭanga ka chhuak min hmuh chuan alo tive tehmial a

" Tho nuam, nang zawk " Ka tih chuan abu nghat tikhan azo leh der, Bathroom ah ka luhsan a, ka hmai te ka phih fai vek hnuah bedsheet ka suk ka hrechhuak thut a Bathroom aṭanga chhuah ka tum zet tawh chu ka ṭhulh leh spin naah ka bedsheet suk kha alo awm tawh miahlo a

" Fela, bedsheet kha i pho chhuak ami? " Bathroom aṭanga chhuakin ahma ah kava ding a

" In chungah " In chung a kawk pah zeuh, ka towel pho tho angaih avangin inchungah chuan ka chho a, in chungah chuan Bedsheet in pho ka hmulo hrim hrim

" Fela " thli a thaw vuk vuk a, ka sam a chhem phe hlap hlap

" Lalruatfel " Ka tih leh vak rualin Fela alo lang nghal

" Khawnge i bedsheet pho chu " Ka tih chuan kei ai mahin mak atih hmel zawk

" Ka pho ngei sia " A nghawng a khawih neuh neuh, Kan mi dangdaipa in ka pho ngei atih miau avangin bedsheet chu kan zawng ta a, a bedsheet zawng kun kut kut chu ning zetin kawtzawl lam chu ka hawi thla a

" Fela lokal teh " Ka bulah alo ding a, Kawt a thingbuk lian ve tak kara bedsheet tang chu ka kawh hmuh

" Clip i hmanglo ami? " Ka ti vaka thli thaw in ka sam alo chhem leng ve reng bawk si ka thinrim hlur mai 

" Ka pho laiin thli a thaw lo " Pawisawilo deuhin a ding ngil awt a

" Ava han mak tak, ka vaw zawk dawn che mile " Ka hriat tawk lek chuan ka phun hlak hlak a, chhuatnawhna chhe tawh kuang ka ban lai chuan Fela chu alo awmsawn dawrh 

" Tinge? " Rum deuhin ka melh a

" Min vuak itum anihkha " Ka tiang ken chu a en a, thinrim lai pawn min ti nui leh thei mai dawn

" Ka vaw dawnlo che, Bedsheet khu la ang " Tiang chu ka hmehbela, hmanhmawh deuha inhnuaiah chhukin pawnah ka chhuak tlang ka hnungah minlo zui ve zel a

" Pir chhuah tum rawh " Bedsheet chu ka kawk a, tihdan tur ka hrilhfiah vek hnuah tive rawh kati a, zeilo deuhin a hawlh ve 

" I van zeilo e aw, pir chhuak teh " Hawlh lo mahila amah aiin ka zuang nasa zawk

" Min lo tur sek suh " Ati ta hluk ka nawr sek chu aning ve ta deuh aniang 

" I van tawi tak " Ka ti leh hrama, ka sawi zo chiah Dangdaia che lai chu a tawp ve chat

" Tinge? " Ning zetin Ka ti fan raih 

" Ka tawi lo, ft 6'1 ka nih hi " I tawi ka ti chu ala na veleh khawp mai 

" I sang i sang ber, tunah chuan zuang chungin khilai bedsheet khi pir thla tawh rawh " Ka nuihtlawn var var a, lungawilo deuha min melh ralh chungin tuilo deuhin a han hawlh veleh a, alo pir chhuak ve ta hlauh alo tla thla chu lo dawn ka tuma mahse, keimah chu min khuh zawk daih. Fela'n min nuih a, keipawh ka nui hawk hawk 

" Hey la sawn teh " ti chula in hai hawn ka tum chuan Fela'n min lo chelhbet ve khanglang leh nghal, Fela anui a kei ka rak chul bawk

" Eng nge intih kha " Min khuhtu bedsheet alaksawk rualin Aw lo chhuahna lam chu Fela nen kan en rual a, Kan piah kawngpui aṭangin Saipuia'n min lo thlir reng.

Cont..