Lunglawm Tikimtu chapter-4

 Comon room ah ngawi rengin kan ṭhu ṭhapa, Sana chek ri chu thawm ring ber ani

" Inlo chengdun reng a " Saipuia'n ro halh in ati a, ka chhanglo

" Nizan aṭang chauh in " Ka chhan loh avang chuan Fela'n alo chhang a, nuamlo atih hmel ve khawp mai

" Engtin nge engmah ka hriat loh theih " A ti leh hluk chu ngaitheilo in

" Hre turin tunge i nih? " Ka ti ve fak 

" Teber " A tih chuan

" Kan inkar kha ka peih tawhlo a chiang tiraw? " Ka sawi zawh rualin thawm a reh leh tlawk tlawk

" Min ngaihtuahna chhete mah i neilo emni? min ngaichang miahlo in inṭhen ang iti a, mipa dang nen inla chengdun zui. Ka lawm bik hleinem " Vin zeta atih chuan rum zetin ka melh 

" Kan in ang chiah anih chu, i lawm loh leh min ṭhen vela ani mai alawm " Ngaihsam fe in ka ti let a, a awmdan ṭhinte min ngaihsak ngai loh zia te kha sawi vak ka peihlo, a ngaih ang ang in min ngai mai rawh se 

" Lalthansang eng nge i hriat a " Ati vin ṭhawt Ka ngaihsak vaklo chu alawm leh tawhlo aniang

" Dim deuh khan in hau rawh u " Lalruatfela'n inti fel deuha ṭhu chungin alo ti a, ka inrin hmain ka nui chhuak Saipuia chu ala meng dur khup tho

" Ka ngaih ang hmeichhia ilo nilo " Ner nawk chunga atih leh takah chuan ka ding hluai

" I ṭawngtam mah mah Sairengpui, inṭhen ka rawt zawk avang hian kawp turah che min ngai suh " Ka ti hraka

" A dik chiah " Lalruatfela bawkin alo ti leh

" Lo inrawlh lo teh " Saipuia'n ati hluka

" A in ah kan awm tih i lo theihnghilh ang e, kal tawh zawk rawh " Ka tih chuan 

" I va ṭan ve " Ala ti hrama hram hram hian Huiham

" Ka in pho dawn " Bedsheet keng chungin inchungah ka chhohsan daiha, engtin tak in chhawn zui ang maw ka ngaihtuah peihlo, inhnuaiah ka chhuk leh chuan alo awm tawhlo a Fela pawh hmuh tur a awmlo, Chaw ka ei chak loh avangin hna kal turin ka insiam a, Saipuia vangin duh aiin ka tlai Company kal hmain Factory va tlawh ka duh ania, ka product siam thar pawh kala test lo hrim hrim.

" Chaw ei ang " Ka insiam peih thlap hnuah ka chhuak a, chhuah tlang mai ka tum laiin min lo be leh hram

" Kal hmat ka ngaia " Ka tih chuan a ner nang 

" Chaw lo ei phawt rawh " ala ti tho, a hmel landan vang nge tho hawkin choka ah ka lut leh nge nge a

" I van luhlul ve tak " Ka ti hlak Chaw chu ka bar tau sawk a, min nuih min nuih leh nghal

" Thu i awih phah tal alawm " Ti sam et in ameng kual ralh a, ka kuk fawk chak tak tak ani

" Kar tharah product ka launch dawna, min lo telpui ve rawh aw " Phur deuhin kati a

" A hun te lo thleng phawt se " Ati dam thlap

" Tinge, ilo kal chak vaklo ami? " A mizia en in alo kal peih vak ka ring lo

" Chulam anilo, kan hmalam hun ka hrelo a kalo kal ang ka tih chuan ka hman leh lo thut thei " A ti a, sawi ve tur ka hre tawhlo.

" Min thlah dawn maw!? " In kawtah car dum nalh zet mai alo ding a, inti neitu zetin a hawisang vah

" I duhlo ami? " A tih chuan rang deuhin lu ka thing a

" I car ani tak tak ami? " In sirah garage a awm tih chu ka hmu tho a mahse, car aneih ka ring phalo hrim hrim

" Lo lut rawh " Amah chu driver seat ah alut tharh a, front seat ah ka ṭhu lut ve nghal

" Dim rawh aw, na deuha i khar chuan a rilru ana palh ang" Kawngka ka khar tur pawh ka ṭhulh leh rih ahnu deuhah chuan dimte chuan ka khar ta khap a, a motor khalh te reng reng chu a nawmnah velo reng reng ngil deuhin a ṭhu a hmalam a en ngur ngur

" I van khalh uluk em em " Nui sen sen chunga ka tih chun

" A ngai alawm, fimkhur angai " Tih chauhin min chhang

" Olivia factory awmna kha i hria em? " Ka tih chuan abu nghat

" Khatah khan min hruai teh, kal hmasak ka ngai " ka ti a, ngawi rengin kan chuang dun ta reng, a khalh uluk sia lo biak buai ve sek kha anuamlo

" Ka lawm e aw, i car a chuan pawh anuam khawp mai " Ka chhuk pahin kati a, min chhang leh chuanglo alam ka hawi chuan car aṭangin alo chhuk ve mek a

" Eng nge ilo tih ve dawn " Bangbo deuhin ka ti ha

" Taxi hman tur avang, hetah i tihtur ti zo la Company ah ka thlah leh ang che " A ti a, building chhungah min luhsan daih, hmanhmawh deuhin a chhungah chuan ka zui lut ve a

" Ka rei maithei asin " ka tih pawn ' Ka hmanhmawh vak hleinem ' ati zela a awmdan hi ka hrethiam mai mai lo e a, Factory a hnathawk te chuan min lo be ve luam hlawm a, ka kalpuipa chu an en duh khawp mai, Fela lah chuan factory chhung chu uluk deuh a enkual.

" Test ilo nei leh tawh dawn emni Sangsang " Pi Mary in atih chuan 

" Anih hi, ka mamawh ho kalo la khawm ve maiang min lo buaipui lo mai ru " Ka ti leta, ka mamawh tur ka lakhawm sawk sawk

" Ka lo pui ang che " Arit deuh ka chawi chuan min lo pui leh vat a, ka mamawh ho dawkanah ka dahkhawm fel vek hnuah product thar tur siam tumin hmanrua chu ka pawlh ṭana uluk a ngai bawk si, Fela ngawi renga ding kur chu ka khawngaih deuha 

" Saw laia an siam mek saw Ngo na ania, i duh ve em? " Ka tih chuan tum bur chungin

" Duh mai mai lo " A ti hluk, nui kar kar chung chuan ka thilsiam bawk ah chu ka ngaihven leh a, alo awm ve kur sia ngaihsak loh reng kha anuam bik tlat lo, Zingkara kal ka duh kher chhan pawh Director khan ' I thuak anga ṭha chu nei se tunah hian project hi i khawih chhunzawm tawhlo ang, chuvang chuan fimkhur la an lakah hlauh miah suh' tiin min hrilh a, ka siam dan leh ka tihdan an hmuh ve ka duh loh vang ani

" I ning tawh em? " Ka thil siam lai chu uluk deuhin min lo la en reng a, kan rei tawh si min kalpui chu a inchhir maithei ani

" Ka nin chuan ka hawnsan mai ang che " A ti maia ka be zui tawh lemlo, Ka laka ṭhat a chhuah chang hian nuam ka ti ṭhin, ka va duh lam anilo a ka nau tih loh mipa dang lak aṭanga ngaihsakna ka dawn khat vang pawh ani maithei ka awmdan hi adanglam huih zel. Saipuia chu ka ngaihtuah peihlo zawk, ka ngaihtuah chhuah chang hian engtin nge khang hun zawng zawng khan kalo dawhtheih le, midangin min faklo mahse, keimah hi ka infak ka dawhthei ka ti ngawih ngawih

" Ka zo ta " Ka zi mar ṭalh ṭalh a, Fela pawn aring alo ti che kual nasa mai

" Pu Fak, Ka sample siam hi min lo dahṭhatsak leh ta che u, Keimah nilo chu tumah lo entir su aw " Ka ti a, Ka kal tih an hriat chuan kan mihring khawlo pahnih kha an kal ve leh dawn tih ka chiang

" Aw le, lo ngaihtuah suh " Pu Faka'n alo ti dam thluam

" Kan kal tawh ang e " Fela nen kan inzui chhuak leh ta hnak hnak a

" I naute hi i khawngaih tawh em? " A car bul kan thlen chuan ka fiam zauh a

" An siamdan ang a ahmunah a awm chuan aṭha vek, ka khawngaih lo " A tih chuan ka hmui ka ti sawi zeuh a

" Anih leh enng nge a hmuna awm lo chu " Motor ati nung vut vut tawh a, min chhan atum leh tawhlo aniang

" A accident hian " Ati a, amah ka en chuan hmalam en ngur chungin anui vur vur a

" Enteh Fela " Kan ngawih tak rengah chuan insum theilo in ka ti leh hluaia, Ngawi renga awm mai mai hi ka thiam hlawl lo

" Hmalam bak thildang ka en theilo " Uang deuhin ati leh kher a

" I ninawm e, en kher angai lo " Pawr deuha ka tih chuan

" Enteh iti kher sia " Amah a nui char char a, ka tum bur tawh

" Sawi tawh rawh le " Ka ngawih tak tlatah chuan nuamlo ati eh deuh aniang

" Ilo uang zel a " Ka ti a, vawiin hi eng nge ahriat ni a uang ve lutuk

" Sawi rawh kalo ngaithla ang " A tih pawh chuan ka sawi peih tawhlo

 " Ka sawi tur iti bo " Ka ti tlat a, min zawt zui tawh biklo Kan company kan thleng a adin rualin ka chhuk nghal vat, ka chhuk hnuah kangkhara dak luh leh in 

" Min thlaha ka lawm e, i let leh lamah fimkhur la nihman nuam " Ka sawi tam ati deuh nge min en vung vung

" Nangpawh le " A kal hmasa zawk a, a tlanliam hnuah ka lut ve nghal

" Boss in ahmu duh che " Kan office ka lut nge lut lo U Zira'n alo ti nghal a

" A thinrim lutuk " Miriam'n alo ti sar sar a, Bawihtei pawh a seat ah aṭhu tum vuau mai. Boss office kawngka chu ka kik dat dat a ' Lo lut rawh ' Pawr zeta Boss in atih chuan phurlo deuhin ka lut

" Boss, min ko emni? " Dam diai in ka ti, ngei ṭhin viau mahila Boss ani ve miau bawk sia

" I hna chu i zo dawn tawh em? " A ti hluk a

" Kalo kal hma khan ka enchhin a, tlai lamah ka kal leh dawn. Ka tumdan anga ka awm thei anih chuan kar tharah chuan kan tlangzarh hman ang " Ka tih chuan abu nghat nghat

" Tlai lamah chuan Bawihtei pawh akal ve angai dawna, min lo nghak la kan pathumin kan kal dawn nia. Team leader in a hriatpui loh che chuan adik hleinem tiraw? " Ngeiawm deuhin min nuih kher a

" In tih dan dan alawm mahse, Ka signature chu in tibo thei chuanglo ang. Chu chu inlo hre ve dawn nia, sawi belh tur a awm loh chuan ka kal ang e " Ka lu ka kun zeuh a, inhera chhuahsan mai ka tum laiin

" I inchhir em? " Ka hawilet a, Boss chuan a chair nghenchhan ngheng ar ar chungin chapo arh in min lo en a

" In chhir chhan tur ka nei emni? " A mitah en let kar chungin kati a

" I duh phawt chuan i nihna ngaiah ka dah let leh thei che" Atih chuan luak khum bawrh bawrh ka chak, mahni nihna ah pawh chiang hleilo hi kava han ngaisang lo tak

" Duh ta ila eng nge i phut let ang " Nui lui sangin kati a, Boss mitmeng chu adanglam nghal vek thei

" Aharlo ang, i chhelo ka tihna arei tawh alawm " A ti ham ham

" Ka ten che, he company hi chhuahsan ngai dawn mahse, i offer ṭhing leh tenawm zet hi ka pawm ngailo ang " Ka Ti hlak hlak, thinrim ṭun in room chu ka chhuahsan. Film a thleng ṭhin atakah a thlen pawh ka rin ngai loh kha tunah ka chungah athleng mek chu anih hi a

" Iṭha em? " Ka seat ah ka ṭhu chiah Miriami'n min lo hnaih nghal ruak, midang pawn ka chhan hun an ngaichang vek

" Ṭha tehreng mai, Boss te chu afel alawm " Ka ti lang lang a, Bawihtei hriat tur khera sawi kani

" A thinrim sia alo hauh hrep che ka hlau alawm " Ka nui ringawt, Min kalsan hnuah hna ka thawk a ka phone chu ka en leh zeuh zeuh zel, msg tone a rik chang chuan rang deuhin ka hmet eng nghal vata mahse, ka chan ber msg anih ngai loh avangin ka hnual leh rawih zel.

" Kan bulah lunch ei ve tawhla " Tea leh Darkimi anlo kala, an hnungah Miriami'n alo zui ve bawk

" Umm, heihi kan dahfel lawk " Dawhkana lehkha ka dah hnawk niai ho chu ka dahfel sawk sawk a

" I phone kha nichin aṭang khan i hmet eng sek a, thil chan i nei ami? " Darkimi'n ati a, ka hmet eng zing tih chu ka hriaa min lo chik ve tih erawh ka hre lemlo 

" Nei lemlo e, Dar zat ka en ṭhin a " Ka ti maia, awih awm loh viau mahse, adang min zawh chhunzawm tawhlo. Cafeteria ah thil ei tura kan ṭhut ṭhap tawh lai chuan ka phone msg tone alo ri leh tlang a, rang deuhin ka hmet eng leh nghal, hming lo lang avang chuan ka nui nghal vur vur thei ' Eng nge maw ka hriat le, Lalruatfela msg ve mai anih hi ' Ka hriat tawk lek chuan ka phun sep, inla mi tak lui chungin Fela msg chu ka hawng a 

' Chhun chawlh in nei tawh em? ' Tih ani

' Kan ei dawn mek, nang? ' tiin ka reply a, min lo reply let hun nghak chuan phone chu ka en ran

' Aṭha tui deuhin ei rawh, Keipawh ka ei. ' Chhanlet dan tur avang ṭhin asin

" Sangsang, i eitur adai vek dawn " Miriami'n atih takah chuan reply lo in phone chu ka dah ta zawka, Miriami leh Darkimi titi chu ka zawm ve zeuh zeuh

" Sangsangi hmel hi adanglam tawp, nichin lawk kha chuan a tum bura, phone a en char char hnu hian ahmel ahlim sawt " Tih mai mai asawi a, ka nui ka nui ringawt, sawi belh tur avang ve em ani. 

Tlaiah chuan midang an hawng sap sap a, Kei leh Bawihtei chu kanla ṭhu reng, kalna tur kan nei miau a. 

" In hman tawh maw? " Tha tho zetin Boss in ati a, an bula awmte motor khata chuan ho te hi ka chak hlawl lo, kan inzui chhuaka Boss leh Bawihtei hmaah ka kal a, hnunglamah eng nge an sawi ni an nui leh hak zel

" Fela " Kan Company kawtah Fela alo awm reng a, ka hmu thut chu mak kati

" Ilo chhuak har hle mai " A ti dam thlapa, min lo nghak char char tawh anih hmel, engmah min hrilh lawk silo.

" Nia, Boss leh Team leader te nen hian Factory ah kan kal dawna " Min lo nghak ve char char tawha, amaha let tir leh pawh chu anuam pawh ka tilo

" Ka hman alawm " A ti leh maia, Boss leh Bawihtei pawh anlo lang ve tawh

" Fela rual hian kalo kal ang " Ka ti a, an bulah ka kal peihlo bawk nen Fela lokal chu ka lawm

" Factory ah duhduh an kal ve thei ngawt lo " Boss in ati hmak

" Kan hruaite chu an kal thei, in pahnihin lokal ula keini pawh kanlo kal mai ang " Ka ti chang fak, min hnial ngaihna ahre tawhlo nge a ngawi hmaka

" Hun i nei tak tak maw? " Ka luhna tur kawngka min hawnsak thlapa, a polite ṭhin ania.

" Ka nei ka tihkha " A ti a, Boss te hmaah kan tlan a, ngawih mai mai ka thiam loh avangin ka ṭawng char char, Fela chuan min zawm ve zeuh zeuh a, ka zawhna min chhang ani zawk mah. Factory kan thleng a hnathawk an buai hlawm viaua, bungraw pck leh thawnchhuah tur order ho endik te an buai ve nuai nuai khawp mai, Keini ho inzui lut chu Pi Mary bawkin min lo dawnsawng. Sample ka siam kha ka duh ang takin alo awm tawha, tihi chuan tlangzarh chiah ka hmabak tawh.

" I siamdan leh hmanrua te kimchang takin report ang che" Boss in ati a

" Ka hming thup intum anih chuan ka ngawi dawn miahlo ania, kei aiin i nihna asang pawh ani maithei mahse, ka hlau lo che " An hriat loh hlau takin Ka ti fak fak a

" Thansang chapo viau suh " Bawihtei'n atih chuan

" Ka hahpui em em hi nangin hahdam deuhin hmingṭhatna i chang ang maw? Chtiang em em a rilru ṭha chu ka nilo ania Bawihte " Ka tih leh laiin Fela'n ka kutah alo chelh thut a, ka phu uih mai

" I zawh tawh chuan kal tawh ang " A tih chuan ka bu nghat nghat. Boss leh Bawihtei chu kan kalsan a

" I boss kha siam loh dana awm anihkha " In lam pana kan hawn leh laiin ati khauha, ka inrin hma in ka nui chhuak phut

" I thusawi chhuahdan hi amak ṭhin " La nui vur vur chung chuan kati a, kan in kan thlenga motor a dahṭhat chhungin inchhungah ka luhsan a, ahma ai thlawt chuan kan in pawh ve tawh alawm. In chhung ka luh veleh ka pheikhawk ka hlip a, inchhunga bun tur chapal chu ka inthawlh nghal, Fela chapal pawh bun awlsam turin ka siamsak a, ka bag ka khai fel zawhah inchungah thawmhnaw pho seng turin ka chho leh nghal

" Bazar angai anih hi " Thawmhnaw tam vaklo chu thleh fel turin sofa ah ka daha, choka ah chuan kava lut ve 

" A tlai tawh e, naktukah kan bazar dawn nia, ka doy off alawm. I hman loh pawn keimahin ka bazar mai ang " Fridge ah chuan Alu tlem te leh Artui pum thum chiah a awm, thlai hnah eng hnah ber nge pawh ka hrelo chutiang chu tlem a awm bawka.

" Ka hman ang " Artui chu ala chhuak a, engtin tak siam leh dawn ang maw

" Keichu Nodless ka ei chak zawk, nangmahin ei mai rawh " Ka tih pawh hrelo ang hmakin a awm leh tawh, ngei deuha ahnunglam melh ram ram chungin chhuara ka nodless dahṭhat chu ka la chhuak ve rak rak.

" Artui nen i hmeh tal dawn nia " Ala ti ve hrama, chut viau mahse, midang ngaihtuahna a ngah a abula awm hi ninawm ani theilo, chut deuh bula awm hi nuam ka ti ngailoa mahse, Fela erawh adanglam ve tlat. Zanriah chu kan ei ve nawk nawk a, chaw pangai tak a ei laiin kei chuan Nodless ka ei thung, thleng ka sil laiin Lawmi'n min lo call a

" Kan lo leng dawn? " Ka lak rualin alo ti nghal lawng lawng

" Ringawta " Len ka phallo pawh anilo, Fela a awm ve reng sia inleng neihte alo duhlo mai thei 

" I awmpuipa kha i vengthawng ami? " Lawmi'n alo tih leh chuan ka mengphawk deuha mahse, Saipuia nen an inbe ve ṭhin tih ka hriaa mak ka ti tawh vaklo

" Kalo dil chhin anga kalo txt leh dawn che nia. Tunah chuan thleng ka sil " Ka tih chuan anui vak a

" Eng nge i mawl ami? " Vin deuhin ka ti let

" Thlengsil dan te i thiam ve ami? " La nui kur kur chungin alo ti leh a, avan nghal ve ṭhin tak

" I zaklo emai, thlengsil te zawng maw ka englo thenna alawm " Ka tih te hlei hei chu a lawm zual a

" I va han ngampa tak, kanlo leng dawn ania. I awmpuipa pa kha lo dil rawh " ati ham ham

" Ka awmpui lo aman min awmpui " Ka ti vat a

" Engpawh nise ka sawi ang chuan kan lo kal dawn " A tih leh laiin ' Tu nen maw ' ka ti a mahse, call a off hman daih, Thleng ka sil zawh chuan Common room ah ka phei a. Fela chuan lehkhabu alo bih leh ngur ngur tawh

" I laklawh em? " Ka ti hmasa tete 

" Ka ngaithla thei che " Min en zawkin a laptop bawk a bih leh nghal

" Ka ṭhiannu in lo len atum a, i phal em? " Ka tih chuan min lo en leh a

" Vawikhatna tur ani bawka rem loh na aawm hleinem " Ati a, be zawmlo in room ah ka luhsan, ka mamawh tur ang te ka lak hnuah inbual turin Bathroom ah ka lut a, ka inbual mek laiin doorbell alo ri 

" Fela, lo hawnsak mai teh " Bathroom aṭangin ka au lawng lawng, reilo ah thawm a awm hluta, Bathroom aṭang hian ṭawngri hriat ahar, Lawmi chu amah mai anilo tih ka hriaa tunge tih erawh ka hre theilo. Ka inbual zo a Thawmhnaw hak tur ka keng lutlo tih ka hrechhuak leh chiah, Kekawrte leh bra chiah ka keng lut, ka tih ṭhan ania kalo theihnghilh leh ṭhin. Fela bathrope lian leh sei zuar chu ka ha ta ngawt a, ṭhiante'n min nghak ve reng tawh bawk si Bathroom a tawm reng pawh anuamlo. Towel in ka lu ka tuam a, Bathrope lah ka tan chuan alian mah mah

" Surprise " Lawmi'n min lo nuih var var a abulah Saipuia aṭhu bawk, an piahah chuan Fela chu kut kuangkuah at in aṭhu a, keimah chu chiang deuhin min en ngur ngur. A bathrope ka ha chu a lawmlo anih ka ring 

" Ka thawmhnaw ka ken luh theihnghilh daiha " Ka ti ta nge nge a, min en reng sia anuam miahlo

" Apawilo " A ti a

" Minlo nghak ru, kava inthlak lawk ang e " Biak bik pawh neilo in kati a, room ah ka luhsan ka inthlak sawk sawk a, ka sam chu towel a hru ro leh sawk sawkin towel leh Bathrope chu chair nghenchhan ah ka dah deuh tawp. Room aṭang in ka chhuak a, Lawmi alo ṭawng leh barh barh tawh

" Thingpui in in duh em? Coffee pawh a siam theih " Ka tih chuan Lawmi'n Beer can min hmuh a, tawite in ka nuia Fela bulah chuan ka ṭhu

" Keichu ka in duhlo " Ka ti nghal a, Lawmi aner nang nang mai 

" I in loh ten, Beer te chu apawi hleinem " A la ti ṭalh

" Aih, nangmahni'n in rawh u, ka in chaklo e a " Kapa in ruihhlo laka fihlim turin min hrilh ve lawm lawm a, ka nau pawh rawlthar sual rual lek nisi in ruihhlo ah a fihlim ve tlat.

" Fela " Saipuia'n Zu pangai chu Fela pek atum a

" Coffee kanlo in zawk ang " Ati nghut a alawm vaklo ani maithei, rang deuhin ka tho a choka ah coffee ka siam nghal rak rak, ka siam zawhah Kan pahnih in tur chawi chungin ka phei leh a, Saipuia pawh a lem tam tawh deuh nge a ṭawng leh bual bual tawh. Lawmi chuan nuamlo ti hmel pu mahse, Beer chu a lem ve hlek hlek tho a

" Spicy kanlo keng asin, kan siam dawn ami?" Lawmi'n atih pawh chuan ' Ka ei chaklo ' Nem fahranlo in kati a, a nuamlo ti hmel ka hmuh leh chuan hreawm kati leh bawk si, zanin hi engkim adiklo vel vek. Lawmi chu ka txt ta tawpa, Saipuia chu hawnpui tawh turin kati

" Lawm, i phone kha ari " Ka ti a, ka mitmei chu ahrethiam nge a Phone chu a en ve vat, Saipuia chu a ṭawng bawng bawng renga, engtik lai aṭang khan nge ka duhna te kha an thlawh bo zawh tak pawh ka hrelo, ka engah mah a thawklo ka tih chuan ka tisual maithei hetianga ka hmuh chang hian hreawm kati mahse, amah ka duh vang chu ani tawhlo.

" Lalai'n lo hawng tawh rawh alo ti anih hi " A ti hluai a

" Puia " Saipuia chu a rui tawh bawk si, a sawi nawk nawka chatthla chu ni chiahlo mahse, a chatthla ṭep ang

" Sertui kan neih kha, kava siamsak ang e. Areilo ang " Fela'n ati a, tho nulhin choka ah alut nghal

" Hetiang em em hian a ruih ka ringlo a, i thin kan tirim anih chuan min ngaidam rawh " Lawmi'n ati nghal zung zunga

" Apawilo, Fela mitmei ven kha ana ve lutuk a " Ka ti a Lawmi thilsawi tuma a an zuau laiin ' Sangi, minlo pui teh' Fela'n ati a Lawmi thusawi tur lam pawh ngaihtuah tawhlo chuan choka ah ka tlanphei

" Eng nge tih ngai " Ka en chho a, a sang rauh bawk sia 

" Sertui kan nei tawhlo, Nimbu kha ala awm em? " Ati a, fridge hawngin Nimbu chu kala chhuak, amah vekin asawr a puihna tur a awm chai bawk silo

" Puih i ngai tawp silo " Ka ti nang nang a

" Nimbu ilo lakchhuah kha " Ati sam et

" Kha chiah kha maw? Hetah ka awm ve renga " Ka tih leh chuan

" Lo awm reng rawh ka tih loh kha " Chiang deuhin min en a, rum zetin ka en ve kar

" Hmela " Ti hlakin ka inher tau sawk

" Ka fiam che anih kha, hei ka zo ania va intir rawh " No chu akut aṭangin ka phih sawka ' I ti bua ange, sawr a hautak ania ' Ati chul, rum deuha ka en chuan ahmui a chip leh hmaka, choka aṭanga ka chhuak chu ka hnungah minlo zui chhuak ve nghal

" I ngeiawm thiam ve e " Ka ti pah bawrh bawrh a ka no kenlai ngawt chu ka en, ka kal ṭha hle hle lai chu hnunglam aṭangin min pawt ding thuta ka no kenlai ka thlauh ṭep

" Eng nge " Ti hlar chunga hawilet ka tum laiin Ka hmalam a thil thleng chuan ka mit ala zawk, Saipuia leh Lawmi anlo infawp a ka thil hmuh chuan min ṭhawnga, chet mai nachang pawh ka hrelo. Infawp ka tih kha ka sawi uar deuh maithei an hmui a in si a, Lawmi'n Saipuia awm ah anam, chutiang khawp chuan ka hmu chiang, Fela'n a aw athian kharh a kan hma mite chu rang deuhin an insiam ṭha sawk sawk. Lawmi chuan hnuailam abih tlat a Saipuia'n min hmuh chuan phawk zetin min en 

" Sertui hi inla inhawng dawn nia zan arei tawh " Ka no kenlai chu min chhuh a, Saipuia chu a pe ani pawn alo ban ve maia, min hmuh aṭang khan a hahrfim hmel tawh Sertui pawh kha amamawh tawh kherlo maithei ani. 

" Teber, nichin thil thleng kha ka.. " A ngawi leh dat a, Lawmi chu alo la hawichhuak ṭha ngamlo

" Aṭul berlo, Hawng tawh zawk ru " Ka ti nghat a, Lawmi chu rang zetin atho a kawngka lam apan nghal, Saipuia pawn muang changin a zui vea.

" Ka inah hian zu in ka phallo a, tun ṭum chu inhriat loh vangah ka ngai ang, a dawt leh ah chuan thleng tawh suh se " Kawngka bul thleng kan thlah a

" Kan tihpalh ani " Saipuia'n zuai raihin ati, zanin teh hrep chu tute tan pawh zan nuamlo tak ani vek ang ka ring. Lawmi te hawn fel hnu chuan an tih hnawk vel ka tifai a, Fela nen chuan kan inbe tawhlo, thupha chawi ka duha mahse, amah room ah atawm tlat tawh bawk si, msg hi thupha chu ka chawi tawh mai ang. Inchhung ka tihfai vek hnuah room ah ka lut ve a, Lawmi te awm chhung zawng khan ka ṭang tluan ṭhakin ka hria, ka chau rawih rawih thei khumah ka mu tawpa ka hnung kham lutuk pawh adam suai suai alawm, Phone khawihin Fela msg tur ka type a, a last seen chu tlai lam daih kha ani. A online khat ve ṭhin khawp mai, zanin ah kher a hmuh loh pawn apawilo ti rilru chungin msg chu ka thawn a mahse, min3 pawh aral hmain alo online nghal va a ka msg kha aseen nghal bawk, Whatsapp kala chhuahsan loh avangin chung thil chu hrethei chauh kani

' I thiam loh a awmlo, mu tawh rawh ' Tiin min lo chhanga, ka type thui tehlul nen min chhan tawi thei si, phone chu lukham hnuaiah hnawhlut in ka mu ṭha sauh sauha, a msg vang mai maia ka lungawilo ru ve ringawt ṭhin hi ka inhrethiamlo. 

Zingah chuan Fela ka thawhkhalh a, chawhmeh siamtur aawh a awm tawhlo, chaw ka chhumsaka keichuan Nodless ka ei leh mai aniang chu, chaw ka chhum hmin fel diam hnuah alo chhuak ve chiah a, tho phang deuha hmuh ka inrin laiin pangai deuhin alo chhuak, tho phang hmel pawh a pulo

" Zingah bazar ila, chaw hmeh pawh kan nei tawhlo ang " Fridge a hawnga tui a in khalh khalh

" A pawilo, chaw ka chhum tawha kava inthlak ve lawk " Kekawrbul leh tshirt tlawng ka ha a, tiangte chuan chhuah chi pawh anilo, ka inthlak laiin nizana a bathrope ka haksak chu ka hmu veleh chiaha, ka towel nen suk turin ka kengchhuak

" Kha kha engtin nge itih dawn " Ka thil ken chu alo kawk a

" Ka su dawn " Ka tih chuan

" Suk kher pawh angai hleinem " Ati a, ngaipawimawh lemlo chuan machine ah ka ṭhuaitir. Bathroom aṭanga ka chhuah chuan alo inpeih thlap tawha, Bazar bag a keng thlap 

" Ke in kal ila, exer ani mai alawm " Car chahbi a ban tur chu kalo ti a

" A pawilo " Kan inzui chhuak a, kan tribal ke chuan bazar kan pan dun

" Street food saw eive ang aw " Kawngsira street food chu ka kawk zeuh zeuh a, a rim te chuan ka chil ati put

" A hrisello " A ti nghut, kan bazar zawh hunah ka ei awm tho emai, Chaw hmeh zawrhna bikah kan lut a keiin ka duhzawng chu a ti eh to loh lam ngaihtuahlo a ka lak tawp tawp ṭhin laiin Kan mi dangdaipa erawh hi chuan aṭhutchilha uluk deuhin athlek kual tete a, ning zetin abulah ka kal ve det det.

" An hnah kha chu lei vak suh ka siam thiamlo bakah a chhe hma " Ka tih chuan behlawi hnah alek kan va va chu adahthla nghal daiha thu a awih bawk si aṭha nge ṭhalo pawh ka hrelo. 

" Vala i bialnu thu i va awih ve " Behlawi hnah vel zuartunu chuan nui har har pahin ati a, Lai deuhin Fela chu ka en a ani pawn min lo en ve chiah, sawifiah atum silo a ka sawifiah peih ta biklo mahse, kan awmdan chu kan lai ṭut tawh

" Hey.. eng nge ila tih dawn " Electronics dawrah alut a, chaw hmeh athlang uluk si kan rei lutuk, chaw hmeh zuartu te pawn an nuih tawp zel. Tunah lah aduhna ah chelh hman rual loh in alut leh a, zui ve zel angai bawksi ka rilṭam tawh si ka ning tlat

" A to " China product in tihfaina khawl chu a lek kual a

" A ṭha alawm " Ati sup a, min ngaihsak map lo in khawl ringawt chu a enkual

" A to alawm " Ka tih leh chuan 

" Pawisa ka nei " Thawpui kala hluaia

" Ka thawhpui dawn miahlo che ania, khatiang ho mai maiah pawisa khawhral angailo " Ka ti hlak hlak

" Abiak theih alawm Mami " Dawr nghaktu chuan atia, Dawr nghaktu ṭawng zawh rual rualin Fela chuan ka lam alo hawia

" Chu i hria em abiak theih ania " Naupangchhia zetin ati a

" Keipawh ka biak theih tho alawm " Ka ti hmaka, dawr aṭang chuan ka chhuahsan hmak, Kan thil lei pawh a khai turin ka dah daih, Street food chu ka kalpel thei nganglo a, Fela nghak pahin ka ei. Inkhai bawr deuhin Fela lo phei chu thil eituam tuam chungin kalo en reng

" Hei hi atui, kha eive rawh " Ka thil eilai chu barh ve ka tuma alu athing nak nak

" Vat " Ka mengrum lui a, hreh zetin aka a ang de de ka barh a tuilo zetin aṭhial nuap nuap 

" I duh leh em? " Ka tih chuan, a thil khai vel chu a nghata

" Keiman " Ka barh chu aduh vak tawhlo aniang, nui vur vurin kalo pe ve a

" Hetianga thil ei chang hian tu zawkin nge eiman pe ṭhin" Kan ei zo tawha, fiam ka chak ve hrim hrim

" Eitura sawmtu zawkin " Ati khauha, kan thil eina nghaktu chuan min nuih hak hak

" I satellite lo si " Ti nui nui in pawisa ka phawrha pek ka tum chuan min pek khalh leh tho sia, kan ei bakah in a eitur tlem ka pck tir bawk

" Hmuh in nuam dun hle mai, hun dangah pawh lo ei leh ṭhin ru " Pawisa kir min pek pah chuan ati a, atui thu ka hrilh luam hnuah kan kalsan, midang siam ho pawh kha ka eichak a keimaha ka kal leh hunah ka ei leh ang

" A dangte pawh kha ka ei chak " Taxi in kan hawng a, kal lam ngaihtuahin kan bawr khawp mai

" Eng ber kha " A ti a

" A vai khan " Uar zeta ka tih chuan min nuih a

" I ei senglo ang " A ti daih hmmm hepa hi chu aw.

In kan thlenga kan thil lei ho ka dahfel mawlh mawlh laiin ani chuan a khawl lei thar ngawt chu abuaipui a

" Kha kha chaw ah i ring dawn mi? I inah hian thil maksak deuh deuh atam si " Ka ti hlar tawh, min puih atum velo reng reng

" Ni tak, ahma khan ka in hi ahran duh hmel iti tiraw? " A ti hlut a, ka ngawi nghal hmak atir khan a in ani tih ka hrelo a ahran duh hmel te ka ti vel anih kha. Eirawng ka bawla ka chet tam peih loh vang hian eirawng te hi ka bawl peihlo mai mai alawm, eisiam te zawng ka thiam lutuk.

" Lab ah i kal dawnlo ami? " Chaw kan ei a, in hmatawna ei athiam miau loh avangin ka bulah a ṭhu 

" Tlai lamah ka kal ang " A ti a, ngawi rengin chaw kan ei chhunzawm mawlh mawlh, chhunah chuan tukina towel leh Bathrope suksa ka tleuh a ka spin zawh thlap hnuah ka thawmhnaw bik ka su leh, chumi chhungin inchungah suksa ka pho a

" Fela, thawmhnaw suk tur i nei em? " A room kawngka ka kik dat dat, ka kik hnu rei vaklo ah alo hawng rak

" Keimahin ka insuk mai ang " A ti a

" Ka insuk lai tho ania, kalo suksak ang che " Ka ti chung pawn a phal ṭhaklo, atawk chiah animai ka hahdam ting ting. Ka insu zo a ka pho zawh vek hnuah sofa ah ka mu zal a, Lalruatfela chu lehkhabu keng chungin a vak kual chhen leh nghal

" Eng nge itih " Nem fahranlo a ka tih chuan ading a

" Chhuat kan tifai " A thil lei thar chu a kawk zeuh 

" In in hmeh dun hle mai " Ka ti hlak, kal kual pah chuan a ṭawng pah sup sup a ring lo mahse, thawm dang a awm loh chuan a ninawm

" Ka va ning tak " Ka ṭhu chhuak hluaia

" Enteh abiak theih " Phur zetin alo la ti zui, a thil lei thar chanchin chu a sawi a thumal chuti zat chu a chhanglet thei tih te mai mai ani asawi

" Engzat in nge i lei tak " Ka tih chuan amitmeng anung nghal sarh

" Sing 6 " A ti hem mai

" Chaw hmeh kan lei lai khan i in ren hle sia " Ka tih chuan anui a

" Chaw hmeh te chu nikhat thil thu a kan ei zawh mai mai ania, Hetiang te chu adan adang alawm " A ti ve tlat ohakar ve tak chu ani

" Online ten chah la, a tlawm zawklo ami? " Ka ti veleh hram, a to kati a Chhuat tihfaina mai mai chutiang zat insen chu ka tha ana

" Online chuan real a kan belhchian angin kan belchiang theilo to deuh mahse, tihsual aiin aṭha zawk " A sawi takah chuan adik veleh tho, A pa in sum tamtak anei tho a kalo renpui chiam a ngailo emai

" Aṭha alawm, tikhan titi pui char char rawh " Ka mu a phone ka khawih san daih, ani pawn a robot chu a biak chhunzawm leh a

" Mizoramah lei tur a awm hi amak " Amah pawn a ṭawng aṭawng peih mawle

" Sangi " A tih hluai chuan ' Eng nge ' ka ti hlar

" Eng nge ahmingah kan phuah ang " Thutak deuhin ati anih chu! Hepa hian min ti a zo mai dawn

" Kha adum anih kha Black belt timai rawh " Ho ti viau mahila aphurna anih miau avangin tih hnual chu ka duh biklo, ka thusawi vang nge lawmlo deuhin min lo en a

" Eng nge? " Ka tih chuan

" A rilru ana ang " A ti hmuk

" Adang phuah la " Ka tih chuan akhabe khawih neuh neuh chungin angawi vung vung 

" Hnawmtinphura tila emw hnawmtinphuri " Ka tih leh chuan rum eltiangin min melh tawh

" I ngainat loh avang khan nuihsawh suh " A ti hluk, min ti hrilhhai lek lek tawh

" Duatpuia ti rawh " Ngawi ta mai biklo in ka ti leh hram

" A ṭha ang, Duatpuia ni rawh se " A ti ta hlut, huiham atawpah chuan anui ve ta hram alawm, mihring pawh ni hleilo chuti taka han atchilh nghal mai chu'h

" Duatpui " A ti dut dut a

" Mizo ṭawng a hrethiam hleinem " Ati leh hmuk Ka nui tawp tawh, amah pawn a in hnial peih

" Darling ti mai rawh " Nui vur vur chunga ka tih chuan min chhang duh tawh miahlo, ka nuih lah chu aza tulh tulh bawk si, Lalruatfela lah a tum ang bar leh nghal a.

Cont..