Lunglawm Tikimtu chapter-5

 Vawiin hi ka prooject kan tlangzarhna tur ani a, Team dangte pawn an product an tlangzarh ve nghal dawn, Model ho in runway an nei dawn bawka, zingkar aṭangin hnaah kalin kala buai ve char char, tlankual chiamlo mahila ka buai dan anep bik chuanglo.

" Sangsang, product chu i endik leh tawh em? " U Zira'n atih chuan

" Factory aṭangin anlo dahna ala reilo a, ka va en dawn chiah " Ka ti maia, ka thil tihlai dahin ka kalsawn nghal Product an dahna room ah chuan ka lut

" Kalo enchhin a, aṭhat hmel khawp mai Vun ati dai seng seng thei " Bawihtei alo awm a min lo nuih var var, a nun lem lutuk vang hian nge ahma ang khan ka ngaina thei tawh lo

" Aṭhat hlauh chu, tute tan pawha hman nuam leh hman tlak anih alawm ka duh ber " Ka ti ṭha maia

" Min hua ami? " A tih leh chuan ka thil khawih lai dah meuhin amah chu ka en leh

" Huat chhan tur che ka neilo Bawihte, midang antam hi pangai deuhin awm rawh " Keini lo pawh an awm nuala

" Hall ah Product Launch turte kha dah angai tawha " Staff te anlo lut a Product ho chu Show kan neihna tur lam hall ah an keng phei, Mizoram mai nilo state dang aṭang pawn mikhual an awm nual dawn a kan inbuatsaih nasa khawp mai. Show ṭan hun ahnaih tawh avangin ka insiam ve ṭana, Red carpet pawh ka zawh ve ziai ziai dawn anih hmel

Show ṭan hmain Red carpet zawhna hun hman ani a, Host in zawhna te lo zawt hlawmin Red carpet zawhah show kan ṭan nghal a. Mizorama host kan neih zinga thiam ka tih em em maiin zo tak leh felfai takin show a kalpui a

" Zanina product kan Launch turte hi aṭha dawn em em a, keichuan ka sawifiah vak thiamlo, hman chauh hi kan thiam chu ani maia. " Anui pah har har a, mipui lamin kut an beng dar dar, Kan Company CEO in thusawina hun a nei a, Tlau Fashion Company lam nen zanin hian kan thawh ho dawn avangin Anni lam aṭang pawn an CEO Pu Imanuel Lalhriatpuia pawn thusawina hun ahmang.

" Ahmasa berin Olivia Rose Serum Khuh hawnna min neihsak turin Pu Laldampuia kan sawm ang a, hetih lai hian Product sawifiahna nei turin Miss Lalthansangi kha lo chhuak ve nghal se " Ka ṭhutna aṭangin ka tho a, Ka khur der derin ka hria stage chu ka pan a, Product khuhhawngtu tur Pu Dampuia nen chuan kan chhuak rual chiaha, Kawrfual ka hak avangin Stage ka chho tur chu min pui a

" Hmeichhe hmelṭhatna thil hi mipa hi chuan kan ngaihsak lutuk lemlo a mahse, Ka sawi duh zawk tak chu Hetiang siamchhuak thei mizo aṭang ngeia kan awm tawh hi alawmawm kati. Mizoram hian hma kan sawna, hetiang khawpa Company lian Mizoram chhungah a awm ve tawh tih hriatte hian Zoram hmangaihtu thinlung hi a hlim veng veng ṭhin " A ti dap dap a, a ṭawngkam afelfai thlap thlap khawp mai

" He Olivia Rose Serum hi hmeichhe tam tak mawina thuruk ni leh turin ka khuh hawng e " A tih chuan kut beng dar dar karah nui ri a in pawlh nawk hlawm mai, Kan in chibai hnuah Stage aṭangin a chhuk a

" Miss Sangsangi hian sawifiah duh leh sawi duh aneih ve kan ring a, hun kan pe lawk ang " Mic min pe a

" A hmasa in vawiin a lokal zawng zawngte chungah lawmthu ka sawi a, tun hun hi ka tan hun pawimawh ani a thleng leh ṭhin pawh nise ka hun pawimawh ala ni zel ang. Serum hi ahma aṭangin siamchhuah ka chak ve tawha, chumi tur chuan ngaihtuahna ka seng ve nasa ṭhin, beidawn ṭep ṭep chang ka nei ve ṭhin a mahse, ka beidawn duh loh na khan tun hun hi min hruai thleng ani. Rose Serum hi mitin vun mil tura siam ani a Side effect a awmlo bawk, Hmeichhe tan hmaibawl leh hmai mam lo tetan pawha hman theih vek ṭha lutuk ani " Bahlah miahlo in ka ṭawng ve par par thei chu ka lawm hle ani, kut an beng dar dar a, Stage aṭangin ka chhuk ve nghal. Ka thinphu nasa lutuk leh ka kut vawt thler chuan ka nervous zia ati chiang viau ang. Zai kan ngaithla zut a chumi hnuah Model ho in Runway an nei, Runway an neih zawhah present sawmbik hnenah kan hlan a, Zanin ah hian Tlau Fashion Company nen kan thawk ho ka tih kha, anni in an design thar an pho chhuaka keini'n product kan Launch bawk. Beisei loh deuhin Tlau Fashion Company aṭangin present ka dawng ve nawlh a, zanin hi ka tan zan chhinchhiah tlak tak ani.

Washroom a ka kal tur chu hmeichhe Naupang hian min lo su dawt a, ka inrin lo bawk nen ka petek nawk

" Ka tihpalh " A ti tham chhel a, a inthiam loh hmel khawp mai

" A pawilo, kalna kalo enlo anih kha " Ka tih chuan anui a, ahmel ṭha ser sawr lutuk

" Noah " Mipa naupang alo lang ve zata

" Tlan phut zel suh, Kanu ten min nghak tawh ania " Tak ngalin ati rauh a, an chetla chu a hmuhnawm deuh nge Washroom ah kal ka tum tih ka theihnghilh mai dawn alawm Naupang pahnih chu Washroom ah ka luhsana. Kan team ho in thla kan la a, Director nen pawh kan la Washroom ka kal dawna Naupang pahnihte pawh kha ka hmu leh nawlh. Pu Imanuela fate anlo ni renga, avan hriat loh theih ṭhin em! An fate social media ah hmuh tur an vang ve em a ka demawm lutuk biklo e

Chau zetin in ka thleng a ala tlai chhe em em lo, in chu a reh ruih a Zing aṭangin Fela nen pawh kan in hmulo hrim hrim. Zingah ka tho hmasi ka mutchhuak lutuk ringawt Sofa ah chuan kamu tawpa ka taksa kham lutuk te chu a zia huai huai bawk. Ruah tla cherh cherh riin min ti harh a, ka khumah kalo mufel diam tawh, khua a hnim ruih tawha ruah atla cherh cherh bawk, Common room ah ka mu tawp khan ka hre si a, rang zetin ka tho a hmanhmawh deuhin room aṭangin ka chhuak

" Ilo hawnna arei tawh em? " Choka ah Fela alo che rak rak a

" Rei tawh lutuk " Min lo en zauh a, a thil tihlai bawk a chhunzawm leh, amah hian room ah min pawm lut tihna em niang

" Kalo mutui lutuk a " Ka ti niah niah a, fridge hawngin tui ka in khalh khalh, a thinrim ta emaw tih turin angawi ngul renga

" Sofa ah sawn ka muhil sia, tunge room ah min suanlut le engmah ka hre tawhlo, Nang chuan min pawm zawh ka ring bawk silo " A hriat tur tawk lek chuan ka phun niah niah a

" Kei lo tunge he inah hian awm " A ti ta hluk, nuihza insum deuhin ka en a

" Tinge i tum bar a, i pawi ka sawi ami? " Ka tih chuan lu a thing leh nawk, min biak atum tawh silo tinge maw hmeichhia ang maia a lungawi loh hmat em em mai le, min be duh bawk silo lunghnur deuhin Common room ah ka phei a, Dawhkanah chuan bawm var hi alo awm, ka ta tur nge Fela ta pawh ka hrelo mahse, kut hlei tih takah ka hawng fel leh diam tawh, box chhungah chuan cake hi alo awm a

" Ka lawmpui che " Fela chu plate leh chemte kengin ka ka bulah alo dinga alo kal lai pawh ka hrelo, Cake ah chuan bati a chhi bawk

" Awi leh, ka van lawm em em hetiang te chu ka beisei hleinem " Ka tih chuan Mawi deuhin anui a, cake zaina tur chemte min pe

" Hetiang tihna chang i hria hi amak e, dorm ah chuan la awm ila ka ṭhiante'n min tihsak dawn ngei ngei a, hetah chuan kalo beisei miahlo alawm " Cake ei pahin kati a

" Ka ṭhinpa ka zawt alawm " Ati maia keilah dilchhut tihtak ah

" Tu i ṭhianpa " Kala ti ṭalh

" Google " ati sam et

 ka cake zaisa chu plate ah dahin fiante nen a eithlap, ka eive tur pawh min siamsak thlap

" Ka kutin ka ei mai ang, i ten em? " Fiantea eikual leh vel ka peih velo

" Ten lo " A ti sup. Kan pahnih chauh chuan cake chu kan ei ta a, ani chuan a eitam hranlo ka titi siam siam a min zawm ve zeuh zeuh, Ka phone alo rik chuan ka kut aberh vek vangin kala theilo a

" Fela, minlo pui teh " ka tih chuan rang deuhin phone chu ala a, ka bengah min ngaihthlak tir, chelh turin ka kut a berh miau a Fela chuan min chelh sak alo awn hnai bawk nen kan in hnaih ta khawp mai, Chil alem khalha achil lem zawnga ahrawk bawk che ralh chu ka en reng, boruak hi a uap nghal churhin ka hria

" Lalthansang " Vin zeta kanu'n alo tih chuan ka harh kawk, kanu ka be dawn tih ka theihnghilh hman alawm le

" Eng nge " Ka ti let hlar

" Call hi ila thei ngailo reng reng, tunah lah i ngawi vung vung leh nghal, ka ngaih iti ṭhalo hman alawm " A ti bawrh bawrh a, sawi vak tur pawh ka hrelo

" Vawiin chu ka buai dawn ka tih kha, ka msg te enve ta che " Ka tih chuan

" Msg ka en peihlo, Ramchhana kha chaw hmeh leh thildang kalo thawna, in dorm ah khan ava dah ringawta, va lam mai rawh i address thar kha chu ka hrilh duhlo anih kha " A lo ti a

" Aw le, kava lam dawn nia ka dah hrih ang aw " Ka ti zung zung a, Fela kut akham ka hlauh vang ani

" I kut akham em? " Phone alaksawn rualin kati nghal a, ka hawichhuah rualin kan hmai a insi lo chauh, phone alaksawn rualin a awmsawn daih ang chu tih nak laiin min hnaih deuhin alo la awm reng a. Chutia kan awn vang chu nge ka hrelo a irh fiaka a inla hrang rang lutuk 

" I...i ṭha em " Ka ti bah nawk a, ala irh fiak reng

" Ka ṭha " A ti zo chiah a irh fiak leh nghal a, choka ah tlanlutin ka kut ka sil a, tui keng chungin ka tlan chhuak leh

" Kha heihi in rawh " Tui chu ka pe a, a in nghal khalh khalh tui inreng chungin min en kura 

" Engtin mah i awm velo ami? " Tui a in zawh hnua atih chuan ka bangbo khawp mai

" Engtin maw " Ka ti ha

" i kawchhung a sa ve pup pup em? " A pum a chul a, hah hmel deuhin thawk ala halh

" Aih chutiangin ka awmlo, i cake ei kha i ngeihlo aniang a, pum damdawi ei rawh aw " Ka ti chul a, cake ngeihlo te hi an awm ṭhin 

" Angailo, ka ṭha mai ang " Ati a, room ah min luhsan leh nul nul tawh, a awmdan chu ka hrethiam leh talo khawp mai. Ani hi nichina inhnaih deuha kan awm vang khan tikhan a awm phah aniang a, Hmeichhe allergy anei tak tak aniang.

" Ka chhuak lawk dawn nia aw " Min chhanglo a, kanu thil lo thawn lam turin Taxi in dorm ah ka kalsan daih, inhnaih deuha kan awm lai khan ka lai ṭut tih chu ka hre ve reng mahse, a chetphung kha amak hrim hrim

" Lo call che ka tum lai tak " Room ka luh rualin Lalai'n alo ti a, amah chauhin alo awm

" In lo lak ka ring a, kalo call buai duhlo che anih hi " Ka tih chuan amengkual rulh

" I awmpuipa chu eng nge a an " A ti a, anui pah vur vur leh nghal 

" A pangai mahse, a chetphung hi adanglam ṭhin, alien te pawh a ang " Khumah ka ṭhu a, a eitur inchhawp chu ka eisak leh hmak

" Alien i hmu tawh ami? " Atih chuan

" La hmu chuang nang, film vela ka hmuh bak kala hmulo" Ka ti a Lalai alo chek tlak tlak 

" I va han chhah tak " Atih nang nang hnuah " Vawiin khan i nalh lutuk ania, lo ṭawiawm ve che pawh aṭhat nen hna kan laklawh sia " A tih chhunzawm a

" Apawilo min lawmpui em em tih ka hre tho alawm " Ka tih chuan remlo zetin minlo kuah a

" Midang anlo la let silo a, anlo thleng ṭep tawh ang cake order ila " A ti leh chung chung tawh

" Aih, ka ei tawh ka puar " Ka ti a

" Cake leh thildang a in ang hleinem " Ala ti ṭalh

" Cake alawm ka ei " Ka tih chuan ameng kawk a

" Tunge lei che " Ala ti hram adilchhut theih zia hi 

" Fela'n min lei ve ngei a " Ka tih chuan a rak ṭhata

" Vak vak che chuan " Ka ti hlar

" A mah nen a in remlo " A tih chuan pawmpui deuhin ka bu nghat nghat 

" A awmdan amak thei tawp, Hmeichhe allergy anei an tia, ani tak tak aniang nichinah pawh maksak deuhin a che " Ka tih chuan ring deuhin anui chhuak leh ang lawi a

" Awi! Hmeichhe ngaihsak lo chi an awm hrim hrim alawm, chutiang mihring tawn fuh chu aṭha, hmeichhe allergy chu aneilo ang " A ti a

" Cake ka ei laiin kanu'n alo call a, ka kut aberh vek avangin aman call chu min laksak a ka bengah alo dah hnaih avangin inhnaih deuhin kan awm a, kanu nen kan inbiak zawh ah ' I pum asa pup pup em' ati a, engtin mah ka awm ve bawk silo, a cake ei a ngeihlo anih ka ringa pum damdawi eitir ka tuma room ah min luhsan daih " Vui titih a ka sawi chuan Lalai anui uar uar

" Engtin mah i awm velo maw!? " atih chuan lu ka thing

" In inhnaih lutuk avangin a nervous mai mai aniang " Atih chuan ka nui vur vur

" Min duh vang tihna ami? " Uang deuhin kati a

" I duh zawk ami? " Min ti let khauh, ka in ngaihtuah vang vanga chhan ka tum lai takin Sentei leh Lawmi anlo lut a, Lawmi ka hmuh chuan ka huat vang pawh nilo in biak ka hreh tlat. Ani pawn min be biklo biak ka duhlo anilo a, Saipuia nen an awmdan kha ka thiklo bawk

" Ka va let tawh ang e, Dangdaia'n chaw minlo eisan palh ang " Kanu lo thawn percel lian ve deuh chu ka pawm a, Lalai'n step thleng min thlah

" Lawmi nen khan in in hau ami? Hmani deuh aṭang khan azia adang riau, in in hmuh chang lahin in inbe ngai silo " Min zawh ka rin sa ania, min zawt har ka ti tawh reng ani, thil thleng chu ka hrilh a 

" Biak hmasak dan ka thiam rihlo anih hi, amah ka hua pawh anilo Saipuia lakah chuan ka beidawng tawha kan inṭhen tawh bawk, Lawmi nen chuan Ni liam tam deuh se kan ṭha veleh mai ang " Ka tih chuan Lalai pawn

" Ni e, Lawmi pawh kalo bia anga, hreawm ati ve rih te pawh aniang " Ati a, kan in mangṭha hnuah ka hawnsan. Taxi in ka hawnga in ka thlen hnuah fare ka pe a, Percel rit deuh chawi chungin doorbell ka hmet, kawngka minlo hawn a engmah sawilo in ka percel pawmlai chu zo zetin min laksak nawlh

" Chhuatah khan dah tawp rawh, kalo hawng ang " Kawngka ka kalh zawhah ka phei ve nghal a, Percel chu alo hawng mek, kanu chaw hmeh lo thawn chu kan dah chhuak diat diat

" Mautuai awm hunlai ani reng sia, tinge min lo thawn miah loh" Mautuai alo thawn tel ka ring ania atel miahlo 

" Alo thawn ṭeuh hi " Atih chuan ka melh ralh a, ahawisawn leh nghal daih, chhuatah ka ṭhutsawp nuai laiin chaw hmeh ho chu fridge ah akhung mawlh mawlh a, Serthlum leh nimbu tih ang reng alo thawn tel nual, kanu chu ka call a

" I lam tawh ami? " Alo ti tlawng

" Lam e, tinge Mautuai ilo thawn tel loh " Ka ti hlar

" Kar leh ah kalo kal dawna kalo thawn tel talo che anih kha, lungngai suh kalo keng ṭeuh dawn alawm " Alo ti dam diai aṭawng nem ve lutuk kanu a anglo zawk.

Zanah chuan hnathawk lo in tv ah Masha and the bear ka en a, Ka bulah Fela pawh lehkhabu leh laptop nen a in chhawp ve rup mai

" Room ah hnathawh anuam zawklo ami? " A ringlo in tv ka enthiam silo, a awm ve kura hna athawk bawk si min ti tim vek

" I khuahar ang " A ti maia kan ngawi dun leh vang vang, akhat tawkin ka thil en avang chuan ka nui leh hak hak zel a, Masha and the bear hi chu a hmuhnawm ve thlawt 

" Tui min va lak teh " 

" Maw!? " Ka ti hu, min lo en zauha laptop bawk a en leh

" Tui minva lak teh " Ati nghata, mak ti deuha mengkual ralh ralh chungin choka ah tui kava la, min tir ngailo a min tir thut hi amak ka ti

" kha " Tui ka pe a in ta mailo chuan a sirah a hung daiha

" Hmanhmawh deuhin min tir ve sia " Ka ti hlar a ka ṭhutdan ngai chuan ka ṭhu leh then, uluk deuha tv ka en leh ṭan chiah doorbell alo ri leh

" Ka va kal ang " Thawh ka tum chiah Fela'n min thawh khalh a, tun ang zanah tutak ni ang maw. Aṭhiante pawh anni ve maithei ani

" Lo lut la " Fela'n ati a, an thawm chu ka ngaithla reng

" Teberi ka hmu duh " Ka tho nghal zawk, rang deuhin ka tlanphei a Fela leh Saipuia chu an lo indinchilh ran

" Eng nge ilo tih dawn " Ram hmakin kati a

" Inhmuh lawk ka duh " Ngenngawl deuha atih chuan 

" Kalo chhuak ang " ka ti ta nge nge, chhuah mai ka tum chu Fela'n ka kutah alo chelha

" Ka reilo ang " Ka ti a, min chelhna pawh a thlah ve mai Saipuia chu ka zui chhuak a, pawn boruak chu a vawt tek mai

" Eng nge i sawi duh chu " In kawta thingbuk hnuaiah chuan kan ding duna

" Inṭhen lo ang " Atih chuan hahthlak ti zetin thawk kala halh

" Kan inlaichinna khan awmzia aneilo chu chu i hria, inlaichinna siam nawn leh pawh ni ila ahma ang tho kha kan ni dawn, chuvang chuan kal hrang ila mi thar tawng ve zawk ang " Ka ti a, thli thaw heuh heuh chuan ka hmai a chhem vawt thler tawh

" Ka ngaihsak tawklo che tih ka hria, ka bialnu i nih khan kalo lungawi em em a, i rilru leh hreawm tihna lam kalo ngaihtuah ngailo, min kalsan a i msg dawn tur a awm tawh loh hnu leh hmelhriat loh ang maia min en hnu hian ka hrethiam ve chauh ani " A ti leh a, a thusawi hi adik viau ang, ahma kha chuan engtin pawn awmse ka dawh a inṭhen ka sawi ngailo. Titau ve ṭhin mahila min thlem a ka lungawi leh mai zel bawk, tun hnu hian engtin nge khang hun chhung kha kalo dawhtheih ṭhin le kati, tun ah lah kan inṭhena hreawm tihna leh lunglen veng vengna ang kha ka nei leh miahlo bawk a, ka awmdan hi amak ve khawp mai.

" Ngaia min neih tawh vang anih kha, i ṭhiante avanga ka laka i thutiam i hlen loh fo lai khan ka hrethiam che a, kha kha ngaiah neiin thutiam i awlsam ang chiahin in sawifiah pawh i awlsam, nangchuan pangai vek angin i ngai a ka chan i ngaihtuah ve ngailo, keichuan khami hun chhung kha ka tuar a ka pal zo tawhin ka hria. Nangmah ah hian ka beidawnga inlaichinna siam leh ka duh tawhlo " Chianglo riau hi ka peih velo a, ti hian chiang fakin sawi zel ila ka duh

" Hawng tawh rawh, keipawh ka lut tawh dawn " Inherin ka kalsan a mahse, ka kal thui hmanlo hnunglam aṭangin minlo kuah chuan ka ding nghal chawt 

" Chance min pe leh rawh vawikhat chiah, ka phu iti velo emni Teber, hetianga in kalsan tawp chu a hrilh hai thlak emai " A aw rik dan chu a khawngaihthlak, reitak chhunga ka mipa lo hriat tawh ka bialpa ni ngar ngar hi ka khawngaih a ka chhungril a dek pha 

" Inhmu tura min sawma ilo kal leh loh chang khan hrilhhai lo bikah min ngai emni, ka hrilhhaia ka zak in ka rilru ana ṭhin lutuk. Chance pek phu mihring an awm alawm Saipui, kan thil duh takte chu midangin ngaihsak tura min hrilh kher ngailo in kan ngaihsak mai ṭhin. Keichu i duhtak mihring ka nilo a chuvang zawka min ngaihthah chu ini, misual i nih vang anilo a i tana ruat ka nih loh vang leh kan inkar hi tihtawp angaih tawh vang zawk ani " Ka hmui khur der der chu ka seh a, ka mittui lo luang ngiai ngiai chu hruk buai ka tumlo 

" Min ngai dawnlo ami? Kan hun hman takte kha i theihnghilh nghal vek thei ang maw? " Min kuah behna akut chu ka phelh a, amah hmachhawn zawnga dingin ka din hlat deuh bawk

" Ka theihnghilh lovang che khawi emaw ka hriatna ah hian i cham reng ang mahse, chumi anih avang chuan kan inkar hi tih thar leh ka duh chuanglo " Ka ti a

" Hetiag hi ini ngailo, min hrethiam em em ṭhin ini a tunah lah min hrethiam duh tawh miahlo, kei nilo midang duh i nei tawh tiraw? " Vin lek lek in ati a

" Kum engzat nge kan in ngaihzawn, ka kawp ṭhin che emni? Tinge ṭha deuha ka sawi pawn puh tur dang i zawn tlat a " Ka aw ki pawh anem bik vaklo, ka lungawi lohna zawng zawng te hi sawichhuah vek ka duhlo a, kan inṭhen dawn anih chuan pangai taka in ṭhen ka duh, thu leh awmte in hauh vak kher pawh ka duh lo

" Ruatfela'n a endan che hi ka hmuh hmaih i ring emni? Chuti chung chuan incheng dun a, engmah chamchin min hrilh ngailo. I lungawi lohna chauh i hmu a, ka ngaihdan tur i ngaihtuah bik emni? " Mak ti deuhin Saipuia chu ka en tlawk tlawk, ṭha deuha kan chungchang kan sawifel mai theih ka ring ania

" Engtin nge min en? Kan inkarah Fela hnuklut reng reng suh aw Sairengpui, In enfiah zawk la aṭha ani mai " Ka tih chuan ka darah na zetin ahmer a

" A duh che i hria em Lalthansang Lalruafela sawn a duh che " Min thing pah nawk a, ka zawi hnawkin ka hria

" Min thlah rawh Sairengpui, ilo mak hle mai egntin nge i mize diktak hi kalo hmuhhmaih char char theih chuan, Fela chungchangah i thil hriatchian loh sawi tawh reng reng suh " A rem lai laiah chuan ka nam sawk sawk a, ka tha atlem bawk nen chet pawh a che eihlo.

" Chance min pe theilo hi ka hrethiam biklo che, ka bialnu i ni kha ka hlim ṭhina ka ngaih aṭha ṭhin bawk. Mahse, keipawh hian ka hrechianglo che aniin ka hria " Zalo zetin ka nui hak hak 

" Ka sawi peih tawhlo, kan inṭhen chu chu hria la min lo biak tum tawh suh " Engmah ka sawipui chak tawhlo, hnungchhawnin ka kalsan vang vang, thawmdim deuhin inchhungah ka lut a, Fela chu ṭhutthlengah alo la ṭhu reng, amalah a kut nghatin akut chu hmalam ah asuih a hmalam a en ngur ngur. Reilote chhung chu che chang miahlo in ka en reng a, inthing harh vatin a bulah amah hlat deuh si ah chuan ka ṭhu ve

 " Tinge ahmuh duh che " A ti teh tawng, Sofa ah ka ke ka hlang chho a amah pawh en bik lo in hmalam chu ka en ve ngar

" Chance min pe leh rawh ati a " Ka tih chuan ' I pe leh ami? ' rang zetin ka sawi zawh rual rualin alo ti nghal

" Ka pek leh i ring em? " Ka ti uang a, amah chu ka en a minlo en ve chiah atum bar a, a meng rum ve lutuk

" Zawhna ka zawt che " A ti hluk

" Min ngen a, a ṭap zawih zawih sia ka khawngaih deuh a " Ka tih chuan 

" Chuan " Dawhtheilo zetin ati leh nghut

" Chance ka pe leh anih chuan Saipuia leh kei chu thil bial vir thei chhunga awm ang mai kan ni dawn asin, chance ka pe anih pawn a nundan athlak phah dawnlo a, angai in kan kual kan kual anga chu chu kan hmahun ani mai. Chuvang chuan chance ka pe thei tawhlo " Ka tih chuan 

" Chance a pe tawhlo " Zawi angreng deuhin ati a, bo hu a lam ka hawi chuan alo nui vur vur, serious tawkin thil ka sawi vea alo nui vur vur chu ka lungawi vaklo mahse, a nui reiloa a hrawk thian kharhin nuilo ang maiin a awm leh 

" Atlai tawh nangpawh mu tawh rawh " A tho a ' muttui ' atih hnuah room ah alut bo nghal hmak, phun nuah nuah chungin room ah ka lut ve nghal a, Saipuia'n min ngai diklo vel lutuk kha ka ngaihtuah let hian ka tha ana tlat, naktukah Dorm ah ka kal anga, ka va chhuahchhal hrep zawk dawn maw ni.

A tukah chuan dan ngaite in hna ka kal leh tawha, Fela pawh ka thawh hma daihin a chhuak tawh, ngaia ka neih tawh vang nge ka hrelo zingah ahmel hmuh tur a awm loh hian eng emaw nuamlo tihna deuh hi ka nei ṭhin. Boss in min koh avangin a office ah ka lut a, tenawm zetin alo nuih leh sawng tawh hi

" Rin aiin i Serum siam chu hralh a kal lo daih mai " Alo ti ham ham a, chhan pawh ka chhang peihlo 

" Lungngai suh tihdan ka hre maithei ania " A tih leh chuan

" I hur e a " Ka ti a, Boss pawh a meng kawk alawm

" Engtin maw min tih " Ati rum al 

" Ka fiam che anih kha Boss, thutak run te chu aninawm alawm " Ka nui lui vak a

" Fiamthu i thiam hle mai " 

" Sawitur dang a awm loh chuan ka chhuak tawh mai ang" Ka ti a, a buk nghat hnuah ka chhuahsan

" Boss hian a ko zing riau che " Ka seat a ka ṭhut leh hnuah Bawihtei'n ati 

" Chutia mi? min koh zin pawh kalo hre vak hleinem " Ka ti a, amah pawh ngaihsak zawmlo in phone ka khawihsan daih, Lunch break ani a in eipuar turin kan chhuak hlawm a, ṭhiante nen kan rik nak nak laiin ka phone alo ri

" Hello" 

" In Company kawtah ka awm " Fela'n alo ti teh tawpa

" Chuan " Ka ti leh hram

" I awl lai anilo ami? "

" Ni e, minlo nghak rawh kalo chhuak ang " Ka ti a, call pawh a dah nghal

" Ka ṭhianpa in pawnah min nghak a " Inthlahrung deuhin ka ṭhiante chu ka en a

" I bialpa kha maw " Miriami'n ati leh tawh

" Nilo, ka ṭhianpa " Ka ti chiam a, an nui dar dar leh nghal

" Min lo nghak rei em? " Fela hmaah ka ding tharha, kei aia a leta asan zawk avangin min hmuh ve aduh chuan min en turin alo kun angai ziah

" Reilo e, i hman ami? " 

" Hman chiang mai " Ka tih chuan ka banah a chelh a, min kalsawn pui daih, chutianga a che thut chu mak kalo ti leh em em tawh, Compaany aṭanga hla vaklo Restaurant ah min luhpui a, ka kut a vawn pawh ala thlah lo keimah hi ka inngaihbel nge mi ho chuan min enduh bik riau 

" Eng nge i ei ang? " Ka ṭhutna tur chair te min pawh chhuahsaka, a chetdan chuan min ṭhawng vek

" Ka hrelo, i duh duh kha min order sak mai rawh " Ka tih chuan Menu chu min pe daiha

" I duh duh order zawk rawh " Min en miahlo in thildang ngawt a en kual a, a awmdan chu ka hrethiam ve kiau bawk si, menu enkual pah chuan ka nui tet tet

" Picnic i chak em? " Thil kan ei laiin ati leh khauh tawh

" Chak e, tinge? " Ka tih chuan

" Naktukah kan picnic dawna, i duh chuan lokal ve rawh" Min en kar, min biak reng reng hian min enkar loh chang pawn duhdah deuhin min be ngailo reng reng

" I ṭhiante chu mipa vek anni awm sia " Ka ti a bakah Naktuk chu hnaah ka kal angai

" Ka awm dawn tho a " A tih chuan ka en ha ringawt

" Naktuk chu Company ka kal angai a " Ka thil eilai ka ṭhial pah tuam tuam a

" I hman hunah ani mai " A ti then kan sawizawm tawhlo a, kan thil ei zawhah Company kawt thleng min thlah leh thlap

Tlai ah in a ka hawn chuan Fela alo la hawnglo a, thawmna lo viau mahse, a awm loh chuan areh ruih thei, thawmhnaw ka su a in te chu ka tifai ve ngei, Fela Darlinga'n chhuat ati fai a, mizo ṭawngin ka bia ka bia a ahrethiamlo chiang asin

" Saw lai saw tifai la, i chawl dawn nia. I pa lah hi alo hawng har thei sia " Ka ti a, ka sawi zawh rual chiah in kawngka bulah thawm a awm rak rak, ka hawi phei chuan Fela nen kan in melh nghal sak

" Ilo hawng tawh alaw, Darling i pa alo hawng tawh " Ka ti a, Fela chu a khuh leh nghal bawrh bawrh 

" Iṭha em? " A hnungah ka chulsak a

" Mizo ṭawng athiamlo " A khuhna avangin a mittui tling piau mai

" Ka hria alawm sap ṭawng ka thiam ve silo a, mizo ṭawngin kalo be ta mai anih kha " Ka tih chuan anui a

" Coffee kalo siam ang che aw " Bag khaina a abag khai pahin ' A pawilo ' ati sup, choka ah ka luta coffee chu ka siamsak ka siam zawhah ka va pe a. Common roomah Darlinga alo be leh mual mual tawh, be lemlo in inchungah ka thawmhnaw sukfai sa ka phosan daih, ka pho zawhah thawmhnaw ro tlem te chu ka seng a, Fela kekawrte pawh ka sengsak, inhnuaia ka chhuk leh chuan Fela'n phawk zetin minlo en a

" Eng nge i ken kha " A tih chuan

" I kekawrte " ti pahin ka khai kang, rangzetin minlo chhuh a ahnungah athukru 

" Tinge i...ilo seng " a ti bah nawka, a hmai asen tan tan thei mawle, tiang em em in a zah ka ringlo reng reng

" A ro tawh tho sia chuvang chuan alawm " Ka tih pawh chuan ala ding khawng luah tho

" Ka tihpalh, aremchan laiin kalo seng sak ve tawp che anih kha " Inthiamlo deuhin ka ti a

" Apawilo " A tih hnuah room ah alut, Eirawngbawl turin choka ah ka luhsan ve daih, Chaw chu kan eirual veleh tho a

" Naktukah chuan ka hman aw " Thleng ka sil a, Fela'n hmun a phiat 

" I hna " 

" Ka sawifel thei mai ang " Ka ti a abu nghat 

" I ṭhiante pawh an kal ve dawn " A tih leh chuan ahma zawng aiin ka phur mahse, boss hnena chhuanlam tur ka ngaihtuah char char angai dawn anih hi. Zanah kan ṭhian ho grp ah naktuk lama picnic chungchang kan sawi a, Lawmi pawh alo lang ve char char mahse, keimah nen tak chuan kan inbe chuanglo, hun ka neilo ve a pangai tak pawn inbiakna hun kanla neilo. Zingah chuan ka helhhawlh nge ka tho hma lutuk a, Vawi thum ka zung tawh tukdang zawng aiin Fela lah a mu rei leh nghal a, ka ṭhian te pawh vawithum ṭheuh ka call tawh, anla mu aniang tuman an chhng duhlo.

" I va tho hma ve " Fela alo tho a, a sam chuan chhim leh hmar chhak leh thlang a hawi kim vek

" Ka helhhawlh " Tum bar in ka ti a, ka tho hma bawk nen ka mutchhuak leh tawh 

" Chaw eikhamah an tih kha " A tih chuan 

" Tinge chute chu min hrilh ve loh " Ka ti vak a, sofa ah chuan mu in ka leng vak vak

" Min zawt silo a " Ati anih chu!

" Chanchin te chu min hrilh ve tur alawm " Ka ti hlar a

" Tihpalh, nachang kalo hrelo alawm " Dam dapa atih pawn ka chhang duh tawhlo, Zingah ka tho hma em em a chupawh nizanah Lalai'n zingah kan kal ang atih vang vek

" I thinrim ami? " Ka mutna hrulah alo ding a

" Lungawina chi ami? Mut ka duhdan i hre ve vek a " Ka ti ṭiak 

" I helhhawlh ka ringlo alawm " A tih chuan rum zetin ka en a, a din lohna lam hawiin ka inher hmak 

" Eirawng pawh ka bawl lo ang " Ka ti deuh hmak bawk

" Keiman ka bawl mai ang " A ti duta ka ngaihsak tawhlo mutchhuak in min chiah hneh leh tawh em avangin ka ṭawng peih tawhlo thil ri rak rak ka hriaa mahse, ka harh thei chuanglo.

" Sangi " Fela'n Ka hmingin min ko a, na vaklo in min sawi leh ṭhin

" Kal ahun tawh ami? " Fiah deuhin ka meng kawk a, Hnai deuhah Fela' min lo bih kur avangin ka mit ka chhing leh tawp ka awmdan avang chuan Anui huk a 

" Chaw te kan ei ve phawt loh chuan " Nuihza insum deuhin ati a, min lo hnaih run tawh biklo 

" Khatianga hnaiah minlo bih kher " Ka lai deuh chu sawi tur mai pawh ka hrelo

" Chaw ei ang, min lo lam ṭep tawh ang " A ti a, choka ah aphei chu rang deuhin ka zui lut ve nghal, chaw ei alo siam peih thlap tawh a

" Khawiah nge kan picnic dawn "

" Mafaka te leipui ah " tih chauhin min chhang leh tawh, zingah ka insiam lawk vek tawh avangin insiam ka ngai tawhlo a, kan in kawtah kan ṭhiante nghakin kan ding a. Rin aiin anlo thleng har leh nghal, sun block chu phawrhin ka inhnawih a 

" Lo kunhniam lawk teh " Ka tih chuan 

" Eng nge " Ti pahin alo kunhniam ve maia, sunblock ka hnawih ve chuan hnunglamah a eu dawrh

" Ka duhlo " A ner nung a

" Heichu sun block alawm lokal hnai rawh " Ka ti ve tlat, min en run run a keipawn rum deuhin en ve kar, a tawpah chuan alo awm hnai leh ta zawka

" Khati mai tur kha alawm, ni asa si i hmai te hi alo dum vek palh ang " A hmai lah chu ala mam phian lehnghal ka hnawihsak mial mial a amah lah chu alo meng kur bawk si nuih ati za ṭhin asin.

" Lalai te chu an kal tawh, lo lut ru kal thuai thuai ang u " Ṭiante anlo thleng a, a chhung aṭangin Sentei alo ṭawng nghal zawrh zawrh

" Engtin nge ahnungah mipa li kan ṭhut theih ang " Seat hnungah chuan Saipuia leh Lawmi anlo ṭhu a

" Tihdan a awm mai ang, lo lut rawh u " Saipuia'n ati a mahse, tihdan tur avang ve e

" Ka car in kanlo kal ve mai ang " Fela pawn ati tawp Kan thluakfinga meuh pawn remruat ngaihna lam a hre hleinem

" Fela, Sangi kha ate tho alawm pawm mai rawh " An ṭhianpa mafaka'n atih chuan asawitu tih loh midang zawng chu kan phawk nghal hra

" Iti anglo emai " Sentei'n ati vak a

" Ninawm kan rei tawh alawm " Mafaka'n ati hmuk tawh

" Tukinah chaw a ei hnem lutuk, ka pawm thleng zolo ang, car kava la chhuak ang e " Ka pawm mai ang che te tih khawmawi ve awm, ti pawh nise apawm chu ka duh dawn loh tehlul nen. Midang an nuih hak hak laiin zah vangin ka nui ṭha ve thei derlo

" Lalruatfel hmelchhepa " Akal tawh chu ka au zui a, a hre lo nge a hrelo der tih pawh ka hrelo

" In inhmeh em kha, ni tawh mai ru " Mafaka'n ala ti ham ham zui, engmah lah a hrethiam ve der silo a

" Ka duh che pawh ti ila ' Eng atan ' ati duh lek ang " Ka tih chuan Sentei leh Mafaka an nui uar nasa mai

" Va kal hmasa ru, kan lo zui ang che u " Fela'n motor ati ri ve vut vut tawha 

" Anih chuan min lo zui ve mai rawh u aw, Fela'n ahre tawh tho " Mafaka'n ati 

" Hetah hian lokal zawk la, Fela chu kalo kalpui zawk ang " Mafaka'n motor atih nung vut vut tawh laiin Saipuia'n alo ti ve a

" Aih, Fela kalo kalpui zawk ang e " Ka ban ka vai zeuh a, An tlanliam hnuah Fela alo tlanchhuak ve chiah, amah ka hmuh leh takah phei chuan ka lungawi lo leh nghal tawp

" Kan tlanrei dawna seat kha adjust i duh em? " A tih aawh chuan chhanglo in a seat ah ka ke ka hlang chho a, pawnlam ka thlir san daih

" Dim rawh " Alo ti leh hram, a car hi a duat ve bawk sia akhalh dim thei si 

" Hmalam enla fimkhur deuh khan khalh zawk rawh, ka ke afai vek " Ka ti hlara, kan ngawi dun vang vang akhalh dim si zawite in hla a play a, ka mutchhuak leh ringawt tawh.

Cont...