Lunglawm Tikimtu chapter-7

 A khawsik a reh hnuah chaw kan ei a, a ka atui vaklo aniang a ei tam hranlo, a damlo ringawt chu ka mangang nghal em em a, damlohna lamah hi chuan ka hlauthawng hma hrim hrim

" I lu te ana em? " Ka tih chuan

" Ana deuh " A ti a, a pang ka dehsak leh tawp 

" I khawsik ava zing ve " A pang chu alo sa leh vur tawh

" Ka ṭha mai ang " A ti a, a sawi avang ringawt hian aṭhat phah dawn tawp silo

" Nachhawkna eila muhil hma rawh, hnathawh te kha i tum ang e " Ka ti hlak hlak, Damdawi chu ka laksak a ka pek rualin a ner leh nghal nur

" A khwhar thlak " Nachhawkna a ei zo a, room ah a lut duh mailo

" Ka awmpui ang che, nachhawkna ei chuan thlan tih tlak ngei ngei tur " Ka ti zat zat a, a room ah chuan kan inzui lut Khumah chuan a mu nghala, chair hnuk hnaiin a bulah ka ṭhu, a mit a chhing ve nghal maia puan chu ka sin ṭhattir

" Ti khan i ṭhu char char dawn ami? " A muhil dawn tawh ang chu tih naklaiin

" I khawsik zia hunah ka kalsawn ang " Ka awm ve chu nuam ati leh chiahlo nge maw ni

" Min kalsan dawn maw " A ti hu a, amit a sen ram bawk si 

" Aw kalsan dawn " Ka tih chuan lungawi loh hmel deuh hian

" Min kalsan ten engtin nge ka awm ang " A ti nghat

" I bulah kalo mu ve ringawt thei hleinem, i khawsik azia hunah chuan room ah ka mut phei ve loh ten " Ka ti zeka, inla hrethiam deuhin abu leh nghat nghat 

" I duh chuan ilo mu ve thei reng, engtin mah ka tilo ang che " Anui pah vur vur leh nghal, zanin hi eng nge ahriat le

" Nang hi i thluak i hmang nasa lutuka i a ṭan dawn aniang a " Ka ti tawla anui tawp chat

" Mipa chut deuh i duh loh thu i sawi kha " A tih chuan ka ngawi hmak, chutiang ka sawi pawh ka hre tawp silo a

" Chutiang ka sawilo e a " Ka tih chuan anui leh vur vur 

" I dam loh hma leh i damloh hian i zia adang riau " Ka ti ta nge nge, a khawsik khan ati danglam ami le

" I duh chuan lo mu ve rawh " a ti leh a, chek hlaka amah ka en chuan amit alo chhing fel diam tawh

" Zanin chu boruak i ngam ve khawp mai maw, i bula mu tura min sawm chhen le, ka pawngsual zawk dawn che mawni. Tihdan tur pawh i thiam awm tawp silo a " Ka ti zo chiah Fela chuan min pawt thuta a mulai chu ka bawh rawk rawk

" Eng nge i...itih a " Ka ti nawk nawk a, kan hmai a insi lek lek bawk si, kan in en kiau mai hetianga hnai hian tu mipa mah kala en chiang ngailo

" Tihdan tur ka thiamlo ang maw? " A ti sup a, a ṭawng zawngin ka hmai a lum hak thei

" Ka fiamthu alawm " Chil ka lem khalh a, ka kawngah ala chelh ta deuh deuh

" Tunah hian ka fiamthu lo " Tak ngalin min en a, ka ṭang ṭung tawh ahreawm

" Ka fiam che alawm, muhil tawh rawh " Ka nuih tlawna anui ve duh miahlo leh nghal mahse, ka kawng a akut adah chu ala sawna rang deuhin ka tho nghal, ka sa chhuak vekin ka hria.

" Muhil rawh " A uap churh a, alum pup pup in ka hria

" Min ṭhutpui ta che, a khawhar thlak ka tih kha " Lalruatfela hi ben sawk sawk mai ka duh, thuawih deuh chuan ka ṭhu leh a, min chhaih zawmlo in amit a chhing veleh nghal mai chu ka lawm lutuk, ahnu rei vak loah chuan muhil tih hriat deuhin a hahdam deuhin thawk ala a, reilo te ka awmpui leh hnuah ka chhuahsan. Mut ka tuma ka muhil thei reng renglo leh nghal a, ka mit ka chhin apiangin Fela hmel alo lang zela hnaih deuha kan in en laite ka ngaihtuaha ka thinphu arang nghal dawt dawt zel.

" Lalruatfel hmelchhepa " Ring vaklo in ka ti chhuak leh ngawt a, ka muttheih phah chuang derlo khumah chuan ka tal vak vaka ka harh tulh tulh, zingah pawh ka hmu zak vek tawh dawn anih hi.

Zanah ka muhil thei talo a zingah chuan thawh ka hai reng bawk, ka harh veleh ka tho thut a alo tlai duai tawh, hmanhmawh deuhin room aṭangin ka chhuak a

" Ilo tho tawh alaw " Choka ah Fela alo awm a, amit ah pawh ka enṭha ngamlo

" Umm " Tih chauhin min chhanga, nizan thil thleng kha ala hre reng angem le, zu rui pawh anilo a ahriat loh chu ka ring bawk silo

" I khawsik a awm leh tawh em? " Thingpui siam rak rak chungin kati a, ahmel kala hmu ṭha ngam lo hrim hrim

" Tinge min hnungchhawn tlata " A tih chuan ka insiam chhe vak ringawt

" Thingpui ka siam hi " 

" I chawk rei tawh emai " Ala ti ve hram, insehruh ṭeuh chungin alam chu ka hawia min lo en kur bawk si ka lai leh nghal em em a, ka awmdan chu a hreawm lutuk 

" Nizanah i thin ka tirim ami? " Mawlmang deuha atih chuan ka thaw suai suai, engmah ahre tawhlo ani chiang mai

" Neilo e, nachhawkna i ei a imuhil nghal " Ka tih chuan abu nghauh a

" A vawt iti ve em? " A tih chuan ka lu ka thinga

" I thawhna arei tawh em? Tinge tshirt mai mai i hak" Ka chhuah tirh khan ka zaka ka en ṭha ngamlo a, tunah chuan chiangkuang tawkin ka hmu ta a tshirt leh pyjama nen chauh a awm

" I khuasik leh dawn aniang " ka tih chuan a pang a dek a, angawi vung vung

" Ka khawsik chu asanglo, nachhawkna ei kher angailo ang" A ti a, choka aṭangin a chhuak nulh

" Thluakfinga tih awm tawk lek ani " Ka hriat tawk lekin chuan ka phun sep, Choka aṭanga ka chhuah ve chuan sofa ah alo ṭhu a alo inthuam lum thlap tawh, a ep ah chuan ṭhu in ka bawp ka khawkher at

" Puan kalo sintir ang che aw " Ka tih chuan lu a thing a

" Hna i kal dawn em? " Ka ti leh a

" Kallo ang " Min chhang tawk thiam ṭhin ania

" Aṭha alawm, hahchawl ve rawh " Ka ti a, phone ka khawihsan ve daih, Nizan lama kan ṭhian grp a ka thilsawi anlo chhang ve chiah a, Fela awmdan mak lutuk kha ka hrethiamlo em ani, Lawmi'n ' A pang sa ṭawng duh mai mai anih chu ' alo ti a, Lalai pawn ' Khawsik laia ṭawng duh deuh an awm alawm ' alo ti vea. A khawsik vang a nih chu ka ring ta ber 

" I thisen test tir ila " Ka ti a, amah pawn ka en lemlo

" Eng natna ṭhalo mah ka kailo " ati mauha

" Natna ṭhalo lam anilo, malaria emaw dengue te pawh ani thei a " Ka tih pawh chuan 

" Khawsik satliah anih hi " Ati tlat ka be zawm peih tawhloa room ah ka luhsan daih. Chaw kan ei a tlem te chauh a ei, ka eipuipa berin a eitui silo a keipawn ka eituilo ve vek thei. Hna ka chawl ngawt thei silo a 

" Lo hawn hmat ka tum dawn nia aw, i ngaituahawm lo ang tiraw? " Hna kal turin ka insiam peih vek tawha

" Chu te chu min ngaihtuah leh tuah loh ani mai alawm " A ti deuh hmuk, a awmdan hian min hawi tir lawl lawl zel 

" Ka ngaihtuah dawn che e, lo hawn hmat ka tum dawn nia" Ka ti a, min chhang duh tawh derlo rilru nuamlo deuhin company ka thleng a, office chhungah pawh Fela ngawtin rilru aluah 

" Eng nge i ngaihtuah vung vung " Dari'n min lo nghawk zeuha

" Ka awm anuamlo " Ka ti a, ngaihtuahna ṭha deuh ka nei 

" I khuasik ami? " Min ngaihtuah zeta atih chuan

" Ka lu hi anuamlo lutuk a, ka taksa te hi ana " Nat der te zawng ka thiam emai

" I period dawn anianga " Ati hluta thawm dim turin kati vat

" Boss hnenah min lo sawisak mai dawn emni, ka chau riau" Ka lu ka dawm kual vela 

" Aw le, kalo sawi ang nangmahin i hawng thei dawn mi? " A ti zung zung 

" Hawng thei ang, taxi ka hmang mai ang " Ka ti a, dim deuhin ka tho ṭhem ṭhem

" Ka awm anuamlo emai ka hawng mai ang, boss hnenah min lo sawisak mai ru " Bawihtei a awmlo a, khawiah nge akal pawh ka hrelo

" Engmaw itih dawn " Ngaihtuah lai laiin alo lang veleh nawlh alawm

" Team leader ka lu anuamlo riau, ka hawng thei ang em? " Ka ti a, Ringhlel deuhin min en vang vang

" Aṭha alawm " Ban charhin ati a, nui sakin ka kalpel Bawihtei hnung aṭang chuan ka ṭhiante chu ka bye bye lauh lauh a, Tea leh U Zira an nui sun sun. In ka thlenga alo reh ruih mai, ka room ah ka indahfel hmasa tete a chumi hnuah Fela room ah thawm dim deuhin ka lut 

" Rilru nuamlo deuhin min siam thiam si " Khumah tui deuhin a muhil a, ti harh talo chuan zingah chaw a eitlem sia ka tia buhhawp siamsak ka tum mahse, vawikhat mah buhhawp hi kala siam ngailo a, siam ṭan dantur ka vai khawp mai. Ka thiam ang ang chuan ka siam ve ta a 

" Awi! Min ti phu " Buhhawp ka siam zo ka inher chu Fela choka luhna ah alo ding kur a, min ti phu chiang lutuk ka buhhawp siamah rilru zawng zawng ka pe aniang athawm pawh ka hrelo hrim hrim 

" Tinge ilo hawn " A ti hmuk a

" Ka ngaihtuah che " Ka tih chuan 

" Ka ṭha " A ti a anui pah suk

" Hei buhhawp ka siamsak che a atui viau ang, Inpui ah lova phei rawh, kalo pe ang che " ka tih chuan thu awih deuhin akal ve maia, Ka buhhawp siam chu chhuang deuhin bowl ah ka suaka chi nen ka keng phei

" Artui ka kan sak ang che i duh em? " Ka tih laiin Doorbell alo ri a

" Inleng i nei dawn ami? " Kan ti rual a, kan han nui leh rih

" Ka neih dawn pawh ka hrelo " Ka tih chuan ' Keipawh ' ati maia

" Kava hawnsak ang e " Ka ṭhiante hi min hrilh lawk lo in anlo kal leh ringawt ang tih ka hlau, kawngka ka hawnga ka beisei loh ber Pawnah chun alo ding, ani pawn min beisei lo tih ahmel aṭangin ka hria

" Lo lut rawh " Harhchhuak thutin kawng ka kian a, ani pawh alo lut ve nghal, mim kalpelin inchhungah alut tlanga

" Senior " Fela'n atiri chu ka dinna aṭangin ka hre phak, kawngka ka khar fel leh hnuah an bulah chuan kava kal ve a

" Eng nge i an " Dam diai in Seniori chuan a zawta

" Ka ṭha " Tih chauhin a chhang

" Eng nge i ei duh ka hre silo a, ka duh duh kalo kensak tawp che " Dawhkanah Sarang lian lutuk lo chu a nghat a

" Ka lawm e " Ati leh tawp a

" Ṭhu rawh u, intur kalo pe ang che u " Kan la ding veka kan inhmu thut hlawm chu mak kanti tlang ngang aniang 

" A ngai hleinem " Ati a mahse, Intur laksak turin choka ah ka lut tho

" Chaw te i ei thei em? " Choka ka luh hnu chuan ka ding ngawi renga, an thusawi chu ka hre thei vek

" Ei thei vaklo hei buhhawp ka ei dawn " 

" Kalo siamṭhat sak dawn che mi? Heite chu buhhawp pawh anih loh hi chaw nem pangai anih hi " Seniori'n ati zat zat 

" Angailo, adanglam chuanglo " Fela chuan ati leh maia, Common room a ka phei veleh chuan Seniori chuan alo ṭhuthnaih khawp mai

" Kha heihi in rawh " Theitui chu ahmaah ka hunsak a, an piahah chuan ka ṭhu, an hna chungchang vek an sawia ka awm ve tih an hre changlo hrim hrim, Seniori'n theitui a in zawh chuan ka tho tharh a, Fela tana buhhawp ka siam nen chuan ka seng tel vek, silhmunah buhhawp chu paih vekin room ah ka luhsan hmak. Amah ngaihtuahin ka hna aṭang pawn damlo der meuhin ka hawng hmaa, ka awm ve tih hrelo ang hmaka a awm thei kha ka ngaihdan anilo, ka theihtawpa ka siamsak buhhawp lah eina chang reng reng ahre bawklo, ngaihsak angaih loh leh ka hahdam ting ting mu hmak ila ani mai ti rilru chungin ka mit ka chjing nghal hmak. Ka phone ri ral ral chuan min ti harha khuma ka mu kha kalo muhil tak tak anih hmel

 " Hello " Ka ti lawi rut

" I damlo ami? " Kanu in alo ti a

" Dam e, ka mu a i phone riin min ti harh " Ka tih chuan a chek tlak tlak

" Mut hi iva han duh ve tak " Ati leh hlaih hlaih tawh

" Mut te chu ka ta bik liau liau alawm " Khum lu nghengin ka ṭhu a, engtia rei nge ka mut ang le Seniori kha a hawng tawh ang em aw

" I nau in nupui aru ve ringawt a " Lehlam aṭanga kanu in alo tih chuan ' Eng a? " Phawk zetin kati hluaia, ka harh chiang kawkin ka hria

" I nau in nupui aru, hei nizanah alo ru ve ringawt a ati zahthlak tak tak ani " Kanu chuan ati bawrh bawrh

" Hmangaihhlua chu ava zaklo ve, nupui aruk ve ringawt " Ka tho chhuak a, phone hmang reng chungin room aṭangin ka chhuak

" Hauh hrep a pangai thei ani tawh silo a, ka hlap chak tak tak ani " Kanu hi phunchiarin min hau hlak hlak ṭhin mahse, thil a hrethiam a kapa ai maha athu a puitlin zawk chang atam. 

" Nu, engpawh nise a hmeichhe lam chu " Ka ti a, Seniori kha ala hawnglo hrim hrim, ka thawm hriain anlo hawi ruala an bul hnaiah pawh awm peihlo in choka ah ka lut leh daih

" Kan khaw ṭhenawm ami ania, a fel thu an sawi vek keitak phei chuan ka belchiang ve lemlo a hmeichhe lam chu thuhran nise amah hi ala naupang lutuk, engtin nge a chawm ang hna pawh nei hleilo " A ti bawrh bawrh ka nau nen hian kan inbe khata msg chuan kan inbe ve zeuh zeuh ṭhin, unau in ngeihlo tak kan ni ngailo kan awmdun khata kan in hmuh chhunah chuan kan inthlahlel ve ṭhin lutuk

" Engpawh nise athleng tawha Naua pawh hauh chiam angailo ania, nakinah kalo be ve hrim hrim dawn nia, a reng reng ah an puk lawk ami? " 

" Puk lawk khanglang e mawle " Kanu ṭawngkam hi chu a nem lo ve ṭhin ania

" Chu, tu mawng i beng ṭep tawh alawm " Tia ka fiam chuan a duhlo lutuk

" Tu mawng ben chu ka chak mahse, i nau hi chu ala hma mah mah alawm, kei aiin i pa in ahrethiam leh lo zawka " Ka rindan vel ani, kapa fapa rangkachak kha ani ve a 

" Khawvel ahmanhmawh tawh a anni pawh an hmanhmawh ani ve mai, engpawh hi adam zawngin thlir rawh u " Ka ti a kan inbe rei tawhlo, in a awm lah Seniori ala awm ve reng bawk si a, street food ei mai mai tumin in chu ka chhuahsana mahse, rilru a thawveng thei chuanglo.

Reife chu khawlaiah pan bik neilo in ka teikual a, dawr ah lutin an thil zawrh ka enkuala lei lemlo in ka chhuak leh a, dawr neitute khan min ngei ve thei ngawt ang, an polite sia min lo be ṭha thei si. Keilah lei lemlo in ka chhuak leh daih zel sia, chutiang chuan thim thet thet thleng ka kal kual Ka hah tawh hnuah taxi chuan in ka pan veleh chiah, eitur ka lei hawng nual bawk, ka lungawi loh deuhna chu eiturah ka ṭuan ani leh ringawt, hawn lamah chuan ka pawisa hmanral te chu ka ui leh hnuhnawh lutuk, Lalruatfela ka dil leh vek ang. 

" Khawiah nge i kal " Ka pheikhawk ka hlih laiin ka hmaah alo ding a, ka enlo lui tlat

" Sangi " Ka pheikhawk chu a dahna ah ka dah thlapa chapal bunin amah pawh ngaihsaklo a ka kalsawn chu min au leh a

" Eng nge " Vin deuhin ka ti a, ka hawilet sawk

" Ka zawhna i chhanglo, ka buhhawp eitur pawh i paih daih" ati a hahthlak ti zetin Ka mengkual ralh 

" Ka kalkual nasa lutuk sawi vek sen pawh anilo, buhhawp kha chu theihnghilh rawh buhhawp pawh anih loh kha " Ti hmakin choka ah ka luhsana, minlo zui lut ve zel leh nghal 

" Eng nge min zui zel " Choka ah ka thil lei ho ka dah sawka, a phu leh zawk thei mawle ava han dawih tak

" Street food a hrisello " Ka thil lei bih duk duk pahin ati a

" Kei ka hrisel alawm " Ngei zetin ka ti ve kher

" I chhuahna ah chuan Sakei sa i ei ami? " Min la nuih zui, fiamthu ka thawh emaw ati anih hi

" Khawia sakei sa nge ei se min tih " 

" Ka hre chuanglo, i bakhlar sia sakei sa i ei nihmiang kati " Chhan pawh ka chhang peih tawhlo

" Seniori khan kan chengdun em tih min zawt a " Tak deuh deuh chuan, Seniori ka nin vanga leng chhuak ka ni a, Seniori bawk a sawi leh chu ka hne

" Seniori chu va riah chilh law law rawh Lalruatfel " Ti chiamin ka thil lei pawh dahṭha talo chuan ka chhuahsan, ninawm lutuk mai Seniori seniori ti reng. Ka khumah ka ṭhu tum vuau a, ka awmdan chu aninawm ngawih ngawih. Lalai ka call ta ngawta

" Hello police station " Mi mah mood off naklaiin minlo la fiam khanglang a

" Lalremruat, hmelchhenu " Ka ti bak hlar

" Euuu, i mood ava ṭawih ve khatiang kha chu ka dawngsawng theilo ang " Ati lar lar 

" I ninawm " Ka tih chuan a aw athian kharha 

" Eng nge nita, i mood ṭawih em em chhan chu min han hrilh ta che " A ti dam diai a, ka awmdan chu ka hrilh ve mual mual 

" I duh anih chu " Ka sawi tam tehreng nen heite chauh hian min chhanglet

" Ka duhlo ang " Ka tih chuan 

" I chawh anih chu Lalthansang " Vin zetin alo ti 

" Ka a lo chauh tawh " Ka ṭap der vela

" Seniori chu i thik anihkha, reng rengah i a kati Puia nen kha leh chen in in ngaizawnga engtin nge duh i neih leh neih loh i hriat loh theih, i thik tih pawh i inhrethiamlo maw? " Alo ti a mak min tih hmel khawp mai 

" Saipuia lakah thik tur ka hmuh pawh ka hre ngailo " ka ti a, ani tak tak bawk Saipuia kha thik turin a awm pawh ka hre ngailo, games a atchilh lutuk kha ka buaina ber ani ṭhin 

" Coming soon-a chu i tih tauh khum ami? " Nui har har chungin alo ti a

" Seniori a sawi tel leh a, room ah ka luhsan daih " Ka tih chuan ahma ai mahin alo nui uar zawk

" In cute dun e, nakinah kanlo la leng ang Kan thluakfinga bem thlukdan tur kan ngaihtuah dawn nia " Alo ti ham ham Henu han mawlzia hi chu aw

" Mipa bem ka tum bawklo e a " Ka tih chuan

" Khawvel kalphung alawm, mipa chut lutuk chu min duh ve deuha kan hriat chuan hmeichhia zawk pawn bem tawp mai tur " Henu biak hian awmzia aneilo be rei tawhlo in call ka dah a, ka kalkual nasa bawka ka thlan in min ti rimchhia. Towel leh hakthlak keng chungin room aṭangin ka chhuak a, thil rimtui deuh ka hre nghal Ui ang maiin ka hnar ka lenkual nghal vut vut, Thawm dim deuhin choka chu ka pana lut mailo in ka bih dek dek, Apron hrengin Fela chuan eirawng alo bawl surh surh a, hnunglam aṭang pawn a che vel chu a hmuhnawm em em tho, inthing harh vatin bathroom ah ka lut a, Ka inbual lai chuan kei anglo takin ka hun hmanral tak te ka ngaihtuah let a, ka hun hman mek nen. Fela hi ka duh niin ka hriaa Saipuia nen lah kan inṭhen chauh bawk si, ka awmdan hi hmeichhe nikhualo deuh ang ah ka in ngai deuh tlat. Ka inbual zo a rin aiin ka inbual rei daih, ka inthlaka kawrhnuai ka ha zo kekawrte ka ha leh tur chu chhuat nal vang nge tukhum leh ngum sawh zawtin ka tlu, ana lutuk chu ka ṭhen chawk chawk a thawm erawh ka chhuah theilo. Fela auh ka duh a mahse, kekawrte em pawh kala ha hman silo, harsa deuh chuan kekawrte chu ka ha hrama, ka tukhum pawh ana nget nget mai

" Fela " Min chhanglo a, bathroom hi a phui lutuk a, a chhung aṭanga in auh te hi pawnlam tan hriat ahar ve ṭhin

" Lalruatfel " Ka aw neih zawng zawngin ka au leh tuar, ka au zo nge zolo thawm ka hre nghala 

" Min ko ami? " Bathroom kawngka ari nghal dawt

" Ka tlu, ka tho thei tawhlo ania " Mangang deuhin kati a, bathroom kawngka lah kalo kalh ve bawksi, hawng tur pawn ka tho thei tawhlo

" Tinge i tluk? I na em? " Kei ai mahin a hlauhthawng leh tawh zawk

" Chutiang inzawh hun pawh anilo, kawngka kha herh chhe mai teh " Ka ti hlak hlak ka tukhum leh ka ngum na lutuk tawh chuan min fan chhuak vek maiin ka hria

" King kong kani lo a, kawngka ka ti chhe thei ngawt hleinem " A ti nui nui chu ka hre thei tho, na tuarlo ngat ila chuan ka kek nawk nawk tawh ang, beidawng zetin ka awmdan pangai chuan ka awm reng a, Fela lah a thawm areh vung vung bawk si. Zawi zawi chuan ka che hret hret a ka towel chu ka ban thei hram, towel in ka in khuh fel hma chuan kawngka ari rawp a Fela alo tlanlut nghal, min hmu chu a ding chawta phawk leh fiah deuhin min en vung vung, ka taksa hi asa chhuak vekin ka hria. Kawrhnuai leh kekawrte nen chauha mipa hmachhawn chu ahreawm ngar ngar lutuk

" Min en reng suh " Ka vin ṭhawt a, harhchhuak thutin a leh hawi rang lutuk

" Ti..tikhan tinge i..i awm " A ti nawk nawk a, ka duh vang renga tianga awm ah hian min ngai em mawni

" Ka duh vang rengin ka awmlo " Ka ti hrawka, ka ṭawng ring tehchiam tawhlo

" Tianga min awmtir renglo hian min hruaichhuak teh " ka tih chuan alo hawi zawka a hawilet leh vat

" Aih " A ti tlat bawk si, bei hi avan ti dawng tak ala irh fiak uk uk leh nghala

" Anih leh ka room ah ka phone min va lak teh, ka tukhum hi ana lutuk tawh " Harsa deuhin towel chuan ka in khuh ve hram hram

" Tunge biak i tum? " 

" Ka ṭhiante " Ka tih chuan ka lam alo hawi a

" I ṭhiante ah chuan Saia atel ve em? " 

" Aw aṭul leh ani pawh ka ko mai ang " Ka tih hlak chuan

" Angailo, ka lo pawm ang che " A ti zo chiah a irh fiak leh awk, sirlam hlir en chungin alo kal hnaia, min en mang hleilo in min pawm atum leh ngawt tawh, ka taksa a khawih fuh chuan a phu uih a

" Ka pui che anih hi " Ti nghatin min chawi kang lawp, ka tukhum na te kha ala rehlo hrim hrim

" Ka tibuai che a ka tihpalh " Khumah min mut a, puanin min khuh nghal sawk sawk

" I ṭha em? " A ti daiha, min ngaihtuahnaa khat mitmeng in min en vang vang

" Ka ngum leh ka tukhum hi ka sawha ana deuh "

" I tluk tirhin i nui vak vak em? " A ti mauha mengkual ralh chungin

" Nuilo " ka ti ve mai

" Ngum sawh chuan an nui vak vak a, an thi daih duh anti" zuk han ti a mawle, avan mawl chawllo tak a banah ka ben sak sawk, alo phu leh uih a 

" I ṭhing lutuk hmela, nachhawkna minlo lak teh " Ka tih chuan akalsawn nghal vut, tui leh nachhawkna min pe a

" Bathroom ah khan ka hakthlak tur ka kengluta minva lakchhuah teh " thuawih deuhin ka tirhna ah akal ve zel, thawmhmaw min pek hnuah room aṭang chuan a chhuak a, achhuah hlan chuan ka inthlak vatvat

" I khawsik ala awm em? " Amah adamloh ve laiin keilah kalo tlu na veleh kher bawk si

" Tlemte, min ngaihtuah suh na i la nei em? " Ati dam thlap 

" Nachhawkna khan min chhawk aniang, ka tukhum na pawh azia riau " 

" Aṭhat chu muhil rawh i theih chuan " Ati a, min chhuahsan mai dawn emaw ka ti a mahse, a chhuak miahlo

" Va mulum ve rawh " Ka tih pawn min chhang mailo

" Muhil rawh, ka duh hunah ka chhuak mai ang " A ti tlat a, ti lui chiam pawh ni ila a duh hun te loah chuan a chhuak dawn chuanglo tih ka hre ve kur. Ka muhil dera athawm erawh ka ngaithla pah reng.

Ka pumah hian eng emaw rit nulh hian min delh a laksawn ka tuma ka thei mailo, ka in letkual thei miahlo leh nghal, ka nghawng chu a na leh nget nget tawh bawk, ka puma min delhtu puan emaw ka tih kha puan ani miahlo, peihlo deuhin ka meng a, ka puma min delhtu chu Fela kut ani, nizanah khan ka muhil der kha kalo muhil tlang daih aniang mahse, tinge Fela hi ka khumah alo mut, lo mu satliah pawh anilo min kuah chial leh nghal, tih harh hlau zetin akut ka dahsawn a ka taksa nat zia chu pui tak ani. Ka mawng bawr leh ka tukhum ka ring thlengin ana vek tawh, tui deuha Fela mu lai chu ka thlir a

" Ve ringawt che hian " Ti hlakin room aṭangin ka chhuak a, ka kalzawnga ka ngum na leh zawk ṭhin avangin ka ṭhen leh sak ṭhin. Eirawng chu ka theih ang angin ka bawla Fela lah alo tho har zek, ani hi a damloh leh zawk nge mawni.

Room ah ka lut leh a ka thil hmuh vang chuan ka nui hak

" Good morning " Ka ti a min en kiau chungin abu nghauh, khumah a ṭhu a asam ala pawr pheng bawk, amit anuai chat chata hetiang em em in mipa zing tho hi anlo cute ṭhin ani maw nge Thluakfinga chiah hi a cute zawk

" Ka bulah ilo mu ve daiha " Ka tih chuan min en duh miahlo

" Ka damlo a, ka room ah ka kal hman tawhlo " A ti ṭiak, a thophang aw chu analh ru zek leh nghala

" A pawilo ka hlau hleinem che " Ka tih chuan rum deuhin min melh a

" Mipa angin min enlo tihna ami? " A ti khauh a, a zawhna lah hi a khirh thei sia

" Mipa ini alawm tinge ka en loh ang che " Ka tih chuan

" Mipa ka nih vang chauh nilo in " A ti leh zel a

" I..i gay tihna ami? " Phawk zetin ka en a, hlauhthawn vang nge ka lungphu a su dup dup mai

" Theihnghilh rawh " Ti hlukin room aṭangin chhuah atum a

" Min hrilhfiah dawnlo ami? Gay chu ini tak tak maw? " A chhuak tur chu a banah ka chelh leh hram, gay anih vaih chuan a chi dawn loh lutuk, ka chalah min nam sawkin min chhuahsan nul nul. Tunlaiah gay an tam si ka bula a irh fiak ziah te hmeichhia ahnaih ngailo te hi awiii..ka ringhlel zo vek tawh, ka hnual rawih rawih theiin ka hria

" Hna i kal dawn mi? " Chawlh dil reng ka inthlahrun avangin tukhum leh ngum na urh chungin hna kal turin ka insiam tho a

" Ka kal loh chuan " Ka ti a, ani chu hna kal ala tumlo aniang a insiam velo emai

" I damloh kha " 

" Ka ṭha tawh, hna ka kal ngei ngei angai " Gay emaw kati tlat tawha abulah hian ka awm peih hrih lo, Kawngka ka hawnga ka chhuak zet tawh chu ka hawi let leh hrih

" Gay chu ini lo tiraw? " Ka ti ṭha leh, gay ni tur chuan ka phal thlawt lo

" Thansang i mawl ami? " Ati hluk a, a meng rum ve lutuk

" Sawi ṭha ve maila " Ka tih chuan atukhum a dawm vang vang a

" Gay ka nilo, kal thuai thuai rawh " A ti chang bawla, ka hahdam huai huai thung min duh velo mahse, mipa laka hlauh ai chuan hmeichhe lak ah ngei hlauh ka duh zawk, rilru nat ro ro ah pawh anatdan azia ang

" Phakarnu " kan office ka lut nge lutlo Dari'n min lo kawk nghal a, ka nuih vur vur

" film chang ve tawh rawh " ati hmuar hmuar

" Ka tihder loh che chuan Tuman an awih dawnlo asin " 

" Film indutry ah te hian zuanglut ve rawh, i thiam emai " U Zira' alo ti ve a, Bawihtei leh Boss anlo luh erawh chuan kan ngawi leh hmak hlawm

" Meeting a awm a nat der chu atih chi tawhlo ang, Company hmakhua i ngai ve anih chuan " Bawihtei'n ati a, ka ngaihsak lemlo ka tukhum na nget nget chu ka dawm a

" I hmakhua ngai zawk rawh " Tih chauhin ka chhanga, ka serum siam chu order an la tam hle a, chu chuan ka mood ati ṭha em em. Mahse, ka ngum leh ka tukhum na chuan awm ati nuamlo, Break hmain kan meeting a chair hnung ngheng ar ar in ka ṭhu a, midang thu leh hla chu ka ngaithla 

" Miss Sangsang, sawi duh te i nei em? " Boss in hming bila atih chuan 

" Nei lemlo mahse, hming bila min sawm takah chuan Dari sawi kha ka awn deuh, fur a zo dawna Ber thla thlasik kan chuangkai leh mai dawn, chumi hun atana mitin mamawh tur product siamchhuah chu thil tih chi tak ani " Felfai deuhin kati a

" Anih chuan vote kan lak angai dawn anih chu, rawtna pakhat pawh kha thil ṭha tak ani tho, tum ṭum hi team dang nena kan inel na tur ani a, thil ṭha tak kan ngaihtuah chhuah angai " Boss in ati, Ahma mi kha chu keima signatur a chuanga achhan pawh team work ni mahse, a buaipui ber tu ka nih vang ani. Tun ṭum erawh kan team anga kan product khawihho tur ani leh thung

" Team leader Miss Bawihtei rawtna ah khan vote kan la hmasa ang, mimal induhsakna awmlo se company tana thil ṭha ngaihtuah chungin rilru ngil tak put tur " Rilru lai deuh angin aṭawng ve vela amah hian Bawwhtei hi aṭan ru leh awm tho sia, sawi tura min sawm ta kher chu a inchhir viau maithei ani, ka ngaihtuahna avang chuan ka nui seih. Vote kan la a Bawihtei rawtna chu tuman kan thlawp lo U zira chuan hreawm atih ahlau aniang ban alo phar pui a 

" Dari rawtna chu atlu anihkha, theihtawp in chhuah dawn nia, tumah awl bik emaw zelthel deuhin in awm bik tur anilo. Meeting chu tikhan a zo e tihtur a awm tawhlo a, chaw hnu lam chu chawlh ka pe ang che u " Boss chu kuah nawk nawk ka nap, mut hahdam ka chak lutuk tawh

" Yesss " Boss a chhuak nge chhuaklo ka au chiam a, Bawihtei tih loh chuan min nuih hak hak

" Tunlai hi company nuam iti lo riau, ahma in tlai tak tak thleng hna i thawk ziah ṭhin sia " Miriami'n ati leh tawh, Bawihtei chu a chhuak ve nghala, min huat reng hian amah zawk a inti chep mai mai ani sia, kei lahin ka haw ve duh der silo

" Nizanah Ka tukhum leh ka ngum sawhin ka tlu a ka taksa ana lutuk " Ka tih pawn 

" Aaa kan awihlo " Anti teh tlat

" Eng nge khatianga min en reng " 

" Ka cousin nen khan inni ami? " Tea'n ati nawlh

" Teuhlo mai tinge kan nih ve ringawt ang " Rang fe in ka chhang 

" Nia ani te chuan Puia anei alawm " Dari'n alo ti ve vat, kan inṭhen tih kha anla hrelo tak

" Saipuia nen kan inṭhen daih tawh " 

" Tak tak maw? " Anti hluai a

" Tak tak e " Meeting room aṭang chuan ka chhuahsan a, ka hnungah min lo zui ve dat dat hlawm

" Sangi, in i luah tawh tiraw? " Hawng turin kan team ho chu kan inzui chhuak a

" Luah tawh e, tinge? " Ka tih chuan 

" Ala hmasi kalo leng dawn " Miriami'n ati a, phat dan tur ka ngaihtuah nghal char char

" Ka in ahnawk lutuk, nakinah inlo la leng zawk dawn nia " Ka ti ta ringawt a, lo len an tum ṭalh ang tih ka hlau Fela a awm ve kur bawk si mipa nen kan chengdun tih an hriat chuan apawi dawn lutuk. Ṭhiante nen kan invai liam a, in ka thlen chuan Fela chu tv enin alo muhil a, thawm dim deuhin room ah ka lut tlang, ka taksa na ṭhum hi min malis tu awmse kati, Ka ṭhiante ka ngai veng veng abikin Lawmi. Min malis tu rinawm ania, ka taksa anat deuh chang chuan min malis ziah zel, ala hma angreng sia fridge ka hawnga eitur ka enkual dan dan, atawpah chuan Nodless bawk ka chhum leh a, Spicy souce thak deuh ka telh, choka a ei rak rak ka peih loh vangin Inpui ah ka insawn a, Fela chu ka thlek zeuh alo mu kawm chial chu ngaihṭha vaklo chuan tim daiin a chal ka zu dek a, a pang alo sa leh tak tak tawh

" Fela " Ka vawikhat kohna ah alo harh nghal, a mit asen rama 

" I khuasik a, nachhawkna eila " Ka tih chuan a chal dawmin amit achhing leh vang vang

" Nachhawkna eila " Ka tih pawh chuan a che eihlo 

" Room ah tal va insawn rawh " Ka tih leh chuan min pawt leh thuta

" Min pawt thut zel suh " A pang alum a, azia athlak leh tawh dawn aniang ka ti rilru

" Tiang hian ka pawt tawh che em? " A chal adawmna akut ala sawna, chiang deuhin min en

" Pawt lo " Ka tih chuan anui a

" Ka pawt tawh che " Ka kut avuan a, akut lah chu avawt thler leh nghal

" I pang lum ṭan vang mai mai anih hi, naktukah te chuan tuna i awmdan hi i hre leh tawh teuhlo ang " Ka ti a, ka biang asa leh up up tawh 

" I hmelṭha " Zawi supa atih chuan sawi ve tur ka hre tawhlo

" Muhil rawh " Lawi ratin kati a, ka kut vuan reng chung chuan amit achhing nghal hmak, ka kut laksawn ka tum lah chuan ala vuan nghet em em lehnghal a, dawhkana ka thil eitur chu ka thlir reng ringawt. A mutthilh tak hnu chuan ka kut kala sawna, puan lum sintur room ah ka laksak a ka sintir thlap, ka eitur chu adai vek tawh a ka eiduh talo law law, hepa hian min va han ti buai ve tak ka rilru atihbuai chu thuhran, ka taksa lehzel pawh ati buai min ti hah thei lutuk. Tihtur awm bawk silo Fela mutna piaha sofa ah chuan ka mu ve ta ngawta, ka muhil thei silo Ig ah reels te ka enkual a achang leh Youtube ah te ka lut thul ṭawngpui tur awmlo phone khawih ringawta ka awm chuan ka mut alo chhuam leh ṭana. Ka bula thawm ri rek rek ṭhin vang chuan ka zi ṭalh ṭalh pahin ka meng a Fela mutna ka en chuan alo mu tawhlo hrim hrim, ka puansin tir kha keiman kalo sin daih tawh leh nghala

" I thlan atla ami? " Zawi deuha kala mut reng laiin Fela alo kala

" Ka inbual zo chiah " 

" Tinge i inbual " Ka tih chuan

" Ka rimchhia alawm " A tshirt chu pawtin ahnim dun duna

" Chu pawh nise i damlo a, tlai lama inbual chu a chi loh "

" Ka inbual zo tawh " A ti leh maia

" I khawsik a zing sia, Saw lai Damdawi dawrah sawn thisen test na a awm asin va test tir ila " Ka tih chuan amitmeng adanglam zawk

" Alu ka kanga Artui kan chhum dawn mi? " Thildang asawi daih, pehhel atum tih ka hreve kur bawk si

" Damdawi dawrah chuan va kal ila " Nuih vur vur chungin ka ti lui leh ngata

" Ka va chhum ang e " Tiin a kalsawn nulh, hmanhmawh deuhin ka zui ve nghala

" Fela " Ka tih pawn thildang asawi leh daih zel phakar ve ngar ngar asin

" Min kalpui peih loh leh keimahin ka kal mai ang " Choka aṭang chuan chhuah ka tuma ka inher zet tawh

" Eng nge itih dawn " Atih avang chuan ding datin ka nui seih a, inti mitak luiin alam chu ka hawi leh

" Damdawi ka lei dawn " Ti hmakin choka aṭang chuan ka chhuak, rilru nuamlo deuha siam chu ka thiam ve emai, room ah ka lut a ka chhuah leh chuan kawngka bulah alo ding vang tawh

" Eng nge itih dawn " Ka ti khera min en run run hnuah

" Kal ang " A ti hluka kawngka ahawnga a chhuak mai dawn emaw tih laiin ka chhuahna tur min kian leh tete, tifuh inti zetin ka chhuak a, ka nuih var var laiin a tum bar mai.