Lunglawm Tikimtu chapter-8

 " I kal duhlo emaw ka tia " Kan kal ruala, a ṭawng duh bawk silo a ka ṭáwng leh zat zat tawh

" Min nawrlui ziah alawm " A ti nghuta ka nuih ringawt

" Lokal ve rawh pawh ka tih tawh loh kha " Ka tih ve hmak chuan akal lai ading thuta

" Eng nge " Pawisawilo deuhin dak vahin ka en chho kar

" Engmah kal ang " Sehchilh deuhin ati leh a, eng hi nge maw ahriat ṭhinni, Damdawi dawr kan thlenga kan mamawh minlo zawt vat

" Thisen test ka duh a aremchan chuan " Ka ti a, a remchan thu an sawi hnuah ṭhutna tur min kawh hmuh zung zung

" Result ahriat nghal theih ang tiraw? " Ka tih chuan

" Theih e, areilo ang " Dawr nghaktu lah chu afel zek a, Fela lah ka sirah a ding renga ṭhutna awl a awm reng chungpawn a ṭhu ve duhlo, ka kut an vih lai te chuan kei ai mahin hreawm alo tih hmel zawk, keiin phut eih ka neih loh laiin amah zawk alo phu uih a

" A remchan em hi i thisen te chu test tir vela " Ka bula ding zuar chu ka en chho a

" Eng atan " Ati leh hmuka a hawikual pah rulh rulh

" I khuasik renga Malaria te emaw ilo ni theia " Ka tih pawh chuan 

" Angailo " A ti bur tawh

" Anih chuan Mahni inhriatchian tluk a awm hleinem HIV te test tir la " Nui vur vur chungin ka ti a Ka runluih ve tawh hrim hrim

" Thosi puar ben pherh vanga ka kai te anih loh chuan kai chhan tur ka neilo " Ati hluk ka fiam mai mai ani sia arilru hi ate reuh tak tak ani, Malaria te chu thosi puar benpherh aṭang pawn akai theih ka tih khum chiam dawn mawni mahse, thisen lak ahlau tih ka hriat ve kur avangin ka sawi zawm duh talo. Ka test result chu aṭha a engmah an hmuh ka ringlo hrim hrim, Fela'n test aduh ve nan ka tia ka test tir mai mai ani, ani lah chu tih luih chi ani der silo. Nachhawkna chu ka lei ta tho a Fela tan dawr nghaktu chu ka rawnsak bawka rin aiin alo hre phian lehnghal atihzia tak tak ani, Fela lah chu pawnah ading tlat tawh a, damdawite ka leifel thlap hnuah ka chhuak ve chauh 

" I thinrim ami? " Ka tih chuan 

" Thinrimlo " Kan kal lam aṭang khan pangai deuhin minla belo reng reng

" I tum bur renga " Ka ti zo nge zolo lem zetin anui nghal a

" I va han over tak " Ka ti hlak, Thisen test tir duhlo mahse, damdawi hi chu ka va han eitir awm chiang e aw 

" I test result chu aṭha em? " In kan thlen hnuah chiah min zawt

" Ṭha " Tih chauhin ka chhang a, damdawi ho chu dawhkanah ka dah tawp

" Damdawi ava tam sive " Ner nunga atih chuan

 " Kan ei nghek ang chu " Nui hakin kati a, roomah ka luhsan daih, chhuak ta mailo chuan phone khawih pahin ka mu a. Fb ah chuan leak out thar anti leh deuh sek tawh, leak out a awm renga, en chak lah an kat nuk, comment lama min lo thawn ve kalo inbox ang che ti ṭang ṭang pawlte an awm a, a hmaa mak kan tih kha tunah chuan tur ve renga ngaihna kan nei ka ti dawn nge kan kal pah mai mai tawh. Intih larna atan an hmang ani ringawt tawh alawm, kan tunlai khawvelah chuan hmeichhe naupang ai mahin mipa naupang ven uluk te an ngai ṭan a, Hmeichhe naupang kum tlinglo pawngsual a runthlak tehlul nen mipa naupang pawngsual phei hi chuan hnuk hi a khawih tel tlat. Ig ah lah nise sexy deuh deuhin an live a, mipa hawklak laklawh ho lahin an live hun chang reng rengin zan khaw tairek thlengthleng an men phah fo, hengte hian an aia nau te an ti khawlo a, hmania ka hmuh pakhat pawh hnute um tir chauh siin ig live ah ahnute te ati lang ngam mawle! Kan mipa ho lahin comment ah an bawl kual a ka rap zawk, kan in entawn vek si a rual u te hian kan zir ava ngai tak. Hetih mek lai hian changkanna lamah pawh hma kan sawna Mahni kutkawih ngeia sumdawnna bulṭan te pawh kan tam, hemi kawngah hi chuan intihhmuh tur diktak kan intihhmuh ani in ka hria, hei hi ka ngaihdan ania midang hian engtin nge an ngaih ve tih chu ka hrelo, kan kal sual kual lutuk hi chuan rilru hi akap ve ṭhin

" Sangi " Fela'n min ko a room kawngka ati ri dat dat bawk, chu chuan ka ngaihtuahna aṭangin min ti harh zawka, khumah ngaihtuahna kawm veng veng chungin kalo la mu reng

" Eih " Ka tho nghal sawk sawk a, kawngka kava hawng 

" Chaw ei ang " A ti dam thlap, choka ah kan inzui pheia chaw ka chhuma abak chu aman eirawng abawl vek, Ka awmpuipa hi a chimlim in a che felfai sia heivang hi aniang keipawh ka che felfai ve ṭan tawh, hetiang lamah hi chuan bul ami ten an zir vang chu ka ti dawt ngamlo. A chhan chu kanu te bulah ka awm lai pawn keimah chiah ka phawsawlh ka nau leh kanu leh pa te chuan ka sulhnu an chhui ṭhin, Dorm ah lah nise ka ṭhiante pahnih an chet felfai thlap ṭhin laiin kei leh Lawmi chu an mahni let thawk kan ni mahse, Fela bulah ka awma atir lamah kha chuan hreawm kati ṭhin tunah erawh ka zia sawt viau

" Tinge mizoramah kher Zirna i chhunzawm, i zirlai phei chu phai ah anih loh pawn foreign ah pawh zirla i thei awm reng sia " Ka ti a, hei hi chu ka hriat chakna arei tawh, an professor hi a thiamlo ka tihna lam anilo a mahse, foreign ah te pawh zir se a pa ahausa tho a an thei awm reng sia

" Mizoramah ngei hian zirchhuah ka duh, Professor neilo ila chuan i sawi ang ah te chuan ka zir mahna " A ti, a thil zir leh amah hi a inhmeh ngawih ngawih

" I thil zir leh nangmah i mizia te hi a inrem vek " Ka hriat tawk lekin ka phun sep

" Nangpawh i hnathawh nen in in hmeh " Ati ve khauha

" Eng nge kan inhmeh na " Ka tih chuan

" I hmelṭha " Ka antui hawp lai ka hak nghal bawrh bawrh, ka hnungah beng dat dat in tui min chhawp hnai vut bawk

" Min ṭhawng thut zela " Ka hnar athip vek

" Ahma pawn ka sawi tawh " A ti leh mai bawk si, kan chaw eite hi kan chhangchhe thei ania. Zanah chuan damdawi eitur nen a tv enna bulah kava kala

" Damdawi ei rawh " Ka tih chuan bangbo deuhin min en 

" Thisen i test tir ve duh silo a, hei damdawi an chawh che " 

" Nangman alawm damdawi eitur " A ti hu a

" Keichu ka ṭha natna ka neilo, ka tukhum tih loh na ka neilo " Tui leh damdawi chu ka hmehbela, ka kalsan leh nal nal.

Dam chuan ni te hi aral ve zung zung a, Fela nen pawh thla thum dawn kan chengdun ve tawh, ni telin kan inpawh ve tulh tulh a, kan chengdun tih hi kan ṭhiante tih loh chuan hria an awmlo. Lawmi leh Saipuia te inzui ka hmu zeuh zeuh a mahse, Saipuia'n akhat tawkin in lo la be reng tho, Lawmi tan hian ka duhpui emem lo a Lawmi bula sawi lah thil tih chi tak ani bawklo, nakinah Saipuia hi hmuha chiang kelh kawlha hrilhfiah ka duh. Vawiin ah kanu alo zin dawna lam turin Sumo counter ah ka kal a, ka thlen hnu rei vaklo ah kanu te pawh anlo thleng ve nghal

" Bungrua i ngah em? " Kanu ka hmu chu ka hlim lutuk

" Ngah vak se minti ami? Pem tur pawh ka nih loh hi " A ti leh pek, mi an tam si aṭawng a dim thiam bawk silo min ti zak thei lutuk

" Chutianga tih chiam angai ami " Zak deuhin ka ti sep, ka hawichhuak ngam tawh dawn hleinem, Driverin kanu bag alo hlanga 

" Taxi in kal ang " Kanu bag chu ka khaia Taxi stand pan pui mai ka tum 

" Ke in kal zawk ang, pawisa a hek mai mai " Ati leh tlat 'Helai aṭanga i ṭhiannu te in chu ahla lutuk ' Tih chiam mai ka duh tawh

" A hla asin ke te chuan, taxi fare tur ka nei tho a bakah ruahsur ang tih ahlauhawm " Ka tih pawh chuan 

" Aizawl hmuh akhat alawm, ke in kal ve hrim hrim ang, ka kal loh na chen pawh ka hre tawhlo. Taxi chuan kan tlan pur pur dawna engmah ka hmu chiang hmanlo ang " A ti a ava han khirh thei tak

" Min ngaih vang pawh nilo i Aizawl hmuh chak vang ani maw ilo zin " ka ti nghat

" Kal phawt teh ang, kal pahin kan titi dawn nia " A bag lian vaklo chu ka keng a, ani pawn bag pakhat a khai ve bawk kanu duh ang ngei chuan ke in kan kal ta a

" Nu, i inthlahrung ami? Taxi fare neilo pawh ka ni hleinem, pawisa te chu hman turin alawm kan thawhchhuah " Thui vaklo kan kal tawha, kanu chu ka khawngaih tlat

" Inthlahrung teh nang " Ti mahse, taxi chu ka hmang lui tho

" A ṭul loh nen " Kan tlan pur pur tawh lai pawn ala ti zela 'aṭul' Ka ti ve tlata, kanu pawh anui ve tawp

" Ke a i kal peih loh vang mai mai anihkha " ala ti daih zui amah ka khawngaih vang ani reng sia

" Fela a awm ve a min hau vak vak suh aw, a zahthlak ve ṭhin nichin pawh khan ka zak lutuk, mi an tam ṭhin sia i aw ki aring si " Ka tih chuan anui mai mai lehnghal, kanu kuah chial chungin ka ṭhu a, engmah thawklo a hahdam deuha siam duh mahila tunah chuan ka hlawh tlemte bak kala pe theilo chu ania. In kan thlen dawn a ruaiah ruah chu atla leh sep sep a ngeiawm ve ṭhin asin, atlak tam hmain ka inchhungah kan lut hmana mahse, kan hnawng chap tho.

" A len dan vel chu a tawk tiu teu hle mai " In chhung chu a enkual a, keiin a bungrua chu room ah ka dahluh sak, pakhat zawk dah luh leh ka tum chuan 

" Kha kha chu chaw hmeh leh thildang anih kha dahlut suh " Ati a 

" Mautuai chu ilo keng em? " 

" Ka fanu chaw hmeh duh berte chu engtin nge ka hmaih phal ang " Ka nui var var, mautuai hi chu atui ve thlawt alawm, Bazarah lei tur te pawh awmve mahse, a to thei lutuk a hmani khan Fela'n alo lei hawnga keimah chuan ka lei ngamlo hrim hrim

" Fela hi alo hawng har ṭhin ami? " 

" Har vak ngailo, alo hawng ṭep tawh ang " Ka ti a, kanu chaw hmeh lo ken ho chu fridge ah ka dah lut a

" Fela chu eng nge a an " A tih chuan

" A fel " Ka ti liam puata

" Chutiang nilo in i duhzawng ani em? " A tih tak zelah chuan kanu chu ka en kawka

" Eng nge maw i sawi le " Ka ti vak athil min zawh dan chuan minti hamhaih

" Tetei khan a chut lutuk ati a, in mizia a in ang silo in chendun rei theih ka ringlo ania mahse, rin aiin in chengdun rei tawh riau a " Chik deuhin min en reng a, min ti lai hu mai

" A chut a kei ka thawveng em em a, kan buai buai in kan buai bawka " Ka tih chuan a ngawi ve maia

" Nangmah chuan awmla in hi hmuh tlak pawh anih ka ringlo " Ati leh tawh Ngawi rei love asin 

" Chuti em em in ka che hnawk biklo " Ka ti hlar, kanu ṭawng leh hmain Fela alo hawng ve ta a, kanu ahmu thut chu a ding chut

" Kanu alo thleng tawh a " Kalo ti sawk sawk a

" Chibai nute " Polite tawkin kanu lam hawi chuan akun a, nuihza insum zetin ka hmui ka pet bet

" Chibai le, i va sang em em ve " Kanu in atih chuan alawm hmel vur vur khawp mai, i tawi ka tih kha chuan atum bur kha ania

" Ka lawm e, nute " Ati leh thlap

" Nu, va inbual rawh Fela khan inbual aduh ve ang " Coffee ka siam a kanu leh Fela chuan ka nuih anti za tlat

" Ka hmanhmawh hleinem, i duh hun hunah i inbual dawn nia Nute, keichu min vengthawng suh " Ka inrin hmain ka nui chhuak hawk, min lo en ve ve avang chuan ka hmui ka hup nghal vata

" Intihfai hmat pawh apawilo " Kanu chu room ah alut a, Fela pawh aṭhu ve ta chiah

" Tinge i din reng khera " Nui pat pat chungin Fela chu ka bia 

" Ka ṭhu emaw ka tia " Ati a anunphung hi alawmawm, aṭhen laiah chuan a khawngaihthlak bawk sia

" Ka bula i awm ang hian awm ve tawp rawh, kanu kha zah lutuk suh, ani pawn zah taka biak aiin nel taka biak aduh zawk ania " Ka tih chuan abu nghat nghat, choka ah ka pheisana chaw ka chhum, choka a alo luh ve chuan alo inthlak diam tawha, dawhkana mautuai kheh loh ka dah chu a lek kang vava 

" I kheh thiam em? "

" Thiam ang " A ti ve maia, chem leh mautuai kawr dahna tur thlangra ka chhawp a, chaw hmeh dang ka siam laiin Fela pawh ari ve rak rak mai, a khehthiam tak tak pawh ka ringlo

" Puih i ngai em? " A kheh ṭeuh tawh ang chu tih naklaiin panga vel lek alo la kheh a

" Ngailo " Chem ka chhawp ve em em a chem pawh a hmanglo, kheh pangngaiin a kheh tak meuh meuh ani

" Tiang khan ani hleinem, tihian chemin helaiah hian i hlawi thla anga tichuan heti hian kheh anuam tawha achang lai ala awm leh paih leh mai tur ania " Tihdan tur ka hrilh a, ngun deuhin ka tihdan chu a en ve kur

" I kut silfai daih rawh a me si, kalo ti zo tawh mai ang " ka tih chuan akut chu a sil ve mai, Mautuai ka kheh zawh hnuah tui ka tihdan ber kan turin ka chan a, kanu pawh inbual fai sarin choka ah alo lut

" Kava inbual ve ang e " Tiin Fela chu a chhuak nghal daiha

" A va zakzum ve " Kanu pawn Fela chhuak lai thlir pahin ati, chaw hmeh kan siam ho chu a enkual dun dun a

" Thawmhnaw pho ka han seng lawk " In chungah ka chhohsan a, Fela kekawrte chu ka sengtel sak duh tawhlo, a titau leh ringawt palh ang. Inchung aṭanga ka chhuk leh chuan thil ri boh boh hi a awm a

" Eng nge ri boh boh chu nu " Sofa ah thawmhnaw chu ka dah tawpa, kanu lah chu awlthawng deuhin sofa ah chuan alo ṭhu bawksi

" Fela'n Chengkawl tung a chhu anih kha " Min en mang hleilo in ati a

" A inbual dawn emaw ka tia " Ka tih chuan 

" Tih ka tum lai khan minlo hmu a, kalo ti ang e ati tlat anih kha " A ti a

" A thiam dawn ami? " Tiin Choka ah ka lut phei ve nghal, Fela chuan chengkawl chu ṭhutchilhin uluk deuhin a chhu veleh kauh zel 

" Va inbual rawh, khawi kalo chhu ang e " Inla thiam deuhin chem chu ka chhuh a, Chengkawl chu ka chhu ta alawm ka chengkawl chhut chu ka chhu na deuh nge a keh vek

" Mautuai kheh nen chuan a in ang vaklo anih hi, va inbual rawh " Chem min chhuh pahin ati deuh khera, a duhna ah hi chuan ngeiawm ve thei tak ani, inla confi tawkin ka chhu vea ka chhu keh vek bawk sia zak deuh zak anga lang hreh si chuan

" Ka chhu na deuh mai mai alawm " ka ti ve tlat a

" Ni e, tha hrui i ngah deuh ani " Nui ruh ruh chungin ati a, ka ṭawng leh chuan ahma aiin ka zak leh zawk ang tih ka hlaua ka kalsan nal nal.

" Fela, Sangi hi awmpui a hreawm viau lo maw? " Chaw ei laiin kanu'n ati leh peka

" Harlo e, a fel lutuk achak bawk si " Rum zetin Lalruatfela chu ka en kalh a, min hmulo der hmak leh nghal, ka bulah lem in hmachhawn zawngin thil ka ei thiamlo ati a, chaw kan ei pawn ka bulah hlir aṭhu ziah. Tunah lah inhmachhawn zawngin kan ṭhu tho a, hmun danga a ei pawn midang nen an in hmachhawn ṭhin tho dawheh lutuk mai.

" Kan tibuai ngawt mai che " A ti leh hram

" Tibuailo e Nute, i duh chen chen i cham dawn nia " A ti dam dapa an pahnih hian ka eilo dun vel tawp. Zanah chuan kanu bulah Common room ah Hna ka thawka, Fela pawh a laptop nen alo ṭhu chhuak ve tehmial, kanu a awm sia room ah atawm char char ka ring ania

" In thawkrim mah mah lo maw? " Kanu'n ati hluaia

" Thawhrim angai alawm " Ka tih chuan

" Inkawmna hun awm leklo chuan hnathawh loh tur Indah rih ru, Thei kalo zai ang tv en pahin kan ei dawn u nia " Kan chhanna pawh nghaklo in a kal nghal daih

" Room ah zu awm daih rawh, kanu bulah chuan hna athawh theih loh ania, min biak buaina tur ahrethei lutuk" Hna pawimawh deuh te anei anga a khawih loh phah ringawt ang tihte ka hlau

" Hna ka nei hleinem " Laptop a khup thaka dawhkanah adah fel diam, kanu chu Apple leh serthlum tih angreng keng in alo let a

" Inkawm tam te hi innelna zel ania, hna in thawh reng chuan inkawmna hun pawh in nei nang " Apple vel pahin ati hlak hlak, Fela chuan serthlum chu a kheh puia, kei erawh kan ṭhian ho grp ah ka nawi ve leh zuk zuk, kan ṭhian ho pawh kan inhmu khawm khat lutuk, ka ngai riau tawh ani. 

" I tetlai khan vawihnih vel chauh ka hmu che a, i pa hna vangin in insawn kual reng bawk si, i hmel awm ang tur ka ngaihtuah phak tawh reng reng hleinem, hmani ah i thlalak ka hmu a, thlalak aiin atakah i hmelṭha daih zawk lehnghal " Kanu'n ati siam siam a, kanu ṭawng siam siam laiin a Apple zaisa chu ka eisak mial miala

" Thansang, lo eizo zel suh Fela pawn ala ei loh kha " Ka kut ah a beng pah fawka

" I sual ve sia maw, min beng kherlo khan sawive maita che" Ka ti pawr hlar

" Kha heihi ei rawh " A serthlum khehsa chu Fela'n min pe a, rang zetin ka ban vat

" Mahni eitur pawh kheh peih loh " kanu'n ala ti ve hram, tiang chuan kan awm ve nak nak a, kan meng rei phian leh nghal, kanu'n sawi tur ahre si Fela'n anin ka hlaua ka signal ve pawn ahrethiamlo. In mutchhuak tawh em? Atih chang in Fela chu ' aw ' ti turin ka mitmei a, hrelo der hmakin ' Chhuaklo e nute ' Ati daih zel, aman anin loh phawt te chuan eng nge ka buai viau ang.

" Sangi, tho tawh rawh " Kanu'n min sawi nawk nawk pahin ati a

" Ala hma " Meng mang hleilo im ka inlet thawk

" Ar pawh a khuang tawh, tho tawh rawh " A aia na zawkin min sawi leh a

" I tho a anih chu hetah ar khuang tur a awm velo, lo mu leh rawh " Kanu kut chu ka pawt nawk nawk a

" Khaw maw min pawt khawlo dawn, tho mai teh hna kalte i ngai ani lawmni eirawngte bawl ang " Ka puan min pawh hlimsak a, ka ṭah a chhuak lutuk

" Fela'n a bawl mai ang " Kala mului ngat ngat, zing thawh kher hi chu ka peih thlawt lo

" Mipa te eirawngbawl ah rin tur ani ngai ami? Zingah tho la nangman bawl vek ta che, Fela te chuan i siamsa te a ei ve ang chu " A ti hlaih hlaih a, tinge maw kanu hi athawh hmat theih em em bikle, min kaihthawh dan te hi rapthlak theisi

" Tinge nupui fel leh ṭha tak ang chuan ka awm ang " Ka ti ṭuau tawh

" Ava mak e aw Thansang tho rawh, tinge zing thawh hi i hreh theih em em le " 

" Ka alarm pawh a la rilo, Min5 chiah " Kati ve ṭang ṭang a

" Tho mai teh " Tiin Min tung tho lawpa, kanu chu ṭahkhum bawrh bawrh ka chak

" Min that zawk mai rawh, Tuna thawh ai chuan min that law law rawh " Ka ti chiama kanu a chek tlak tlak

" Tho mai teh " Ti ram hmarhin ka hnungah a beng thlawrh a, room aṭangin a chhuak ve hram achhuah hnu chuan ka mului leh ngata mahse, ka mu thei tawh ṭhaklo lungawi lo deuhin ka tho a, Room aṭanga ka chhuak nge chhuaklo

" I hmai phih faila, Sangha hi lo kang ve rawh, Behlawi te pawh chan angai " Alo ti nghal zung zung a

" Kal dim ve deuh rawh, thawm aring hma Fela ala mut kha " Atih chuan ahma zawng aiin ka kal ring, Fela harh ahlau em em a keichu min kaitho char char si. Ka hmai ka phih zawhah room ah ka lut leh a ka che muang lui ve hrim hrim, chhuak ta mailo chuan phone te ka khawih kual leh rih, kanu chu athinrim leh tawh viau ang. Choka ka luh chuan ka phu zawk thei, Fela chuan dawhkanah Behlawi alo chana a chan mai pawh anilo a teh thlap thlap mawle 

" Eng nge itih " Ka ti a kanu zawk ka en daih, ani pawn nuihza insum deuhin Fela chu a en ve renga

" Behlawi ka chan " A ti a, chan uluk mai bawk si ka tibuai zui ta biklo

" Inch1 vela seiin kati a, thildang ka tihsana kava hmuh leh chuan tisawn scale in alo teh thlap thlap " Rilo in anui kar kar

" Mi dangdaia alawm ani te chu " Sangha kan tur chu ka buaipuia a chetdan hi amaksak ṭhin khawp mai. Hna kal turin Fela nen kan chhuak ruala, kanu'n in alo nghak dawn ani

" Zingah kan bengchheng hma sia hreawm iti em? " Zingah khan kan thawm aring dun a, room a inhnaih bawk si ahriat vek ka ring

" A ngaihnawm khawp mai " Tiin min chhang a, kei dawntawi hian ka hrethiam leh peklo

" Engchu maw ngaihnawm " Ka ti hu a

" I nu nen in thawm kha " Mak ti deuhin ka en reng ringawt, Company ka thleng a Vawiin chu ka hma ve khawp mai mahse, ṭhiante chu an thleng leh vek tawh tho

" Sang, hei hi kan enchhin teh " Dari'n file pakhat hi min pe a

" Eng nge " Ti pahin ka ban ve mai bawk

" Project thar chungchang kha ania " A tih takah chuan en duh lo in

" Team leader hnenah endik tir zawk rawh " Ka ti a, Bawihtei pawh alo thleng ve chiah

" Bawihte, hei hi enchhin teh " A seat ah aṭhut rualin Dari chuan ati nghal vat a

" Eng nge ni " Ati dam diai, a mood a fuh ve hmel khawp mai, tunlai tak hi hna kan ngah lemlo a order confirm order list Factory lama thawn leh bak hi kan ti meuhlo, Bawihtei chuan min be sawm leh peih ta viaua ahma ang khan ka pawh thei tawhlo thung ka be chhia erawh ani chuanglo. Vawiin chu Boss room ah pawh alut zing vaklo a vawi hnih vel chiah alut, Boss pawh tunlai tak chu a ninawmlo riaua ngaih anti ṭha tlat. Computer ka khawih mawlh mawlh lai chuan ka computer chu alo chianglo thut a

" Ka computer hi amak lutuk " Ka ti chul, Ka ṭhiante anlo kal hnai vat hlawma Tea chuan enkual vel

" Ava mak ringawt ve, Ka hrethiam bik miahlo " Computerah hian file pawimawh pdf in ka dahṭha nuala achhia anih vaih chuan atih chi miahlo ang

" Siamthiam ko mai ila " Miriami'n atih chuan ka bu nghat, koh tur erawh ka hre chuanglo

" Ka ṭhianpa kan ko ang e, hlauthawng lutuk suh Sangi, achhe lo ang " Tea chuan min ṭawng thlamuan ve a, ka hahdam phah lutuk chuanglo, ka khawih lai renga alo chiang lo ringawt chu amak pawh kati

" Amak e " Ka ti leh ringawt zel

" Thil thleng a awm ami? " Bawihtei'n ati lar lara, Dari'n alo hrilhfiah

" Avan zialo ve, Nichina ka hman kha chuan aṭha vek bawk sia " A ti a, ni dawn tak Bawihtei hian nichin khan a computer a chian loh thu sawiin hman min dil tak e, ka lakah a rilru a chhe lutuka ka ringhlel nghal mahse, thil chiang a awmlo a chuvang chuan engmah ka sawi duhlo

" I hman sak maw " U zira ati nghuta, ani pawn a ringhlel ve deuh ani maithei

" Hmansak e Ka computer a chianglo alawm " A computer chu a kawk a

" Anih leh tunah aṭha tawh ami? " A ti leh zela Bawihtei chu chik zetin ka en kar

" Ṭhalo, Siamtir turin boss kava ko alawm alo chhuak ṭep tawh ang, Sangi nangpawh siamtir vela " Ati zung zunga 

" Tea Siamtur chu i ko em? " Bawihtei pawh chhanglo chuan Tea chu ka be ta daiha

" Ko e, alo kal nghal dawn areilo ang " 

" Boss chu ka siamtir velo ang " Bawihtei en kalh chungin kati nghat, thinrim lai hian ṭawng buan buan ka duh velo, Bawihtei hian inrawlhna anei anih chuan chiang taka ka hriat hunah ka rapthlak viau ang, Boss alo chhuak a en pawh ka en peihlo

" Engtin nge a awma " Bawihtei ka bulah chiah aṭhut avangin an phe sek chu ka mitsirin ka hmu vek thei

" Ka hrelo tukina ka on khan alo chianglo nghal ringawt a" An ninawmlo angaihṭhatthlak ka tih mek laiin, thawm neilo in min tihbuai dan an ngaihtuah reng anih hi maw, an inbe sep sep reng a

" Amak e in pahnih Computer chiah a chhia a, a chhiat dan ala in ang em em leh nghal " Dari'n atih chuan Bawihtei leh Boss ṭawng lai chu an tawp chata

" Nia, tihpalh thil thu a chhia anih ka ring lemlo " Ka tih mek laiin ' Inlo thleng maw ' Tea'n ati ve chiaha, Computer siam turte chu anlo thleng tawh aniang, Computer siamtura lo kal pahnih zinga pakhat chu Lalruatfela ani a, amak ngawt mai Computer siam ṭhin anih awm ka hre silo

" Tunge siamtur " Ati leh mauh peka, Tea leh midang chuan an nuih vur vur, alo kalpui pa pawn anuih tho

" Sangi saw siam angai a " Khi ṭha chungin Miriami'n ati a, Fela chuan min lo en ve chiah 

" I siam ve thiam ami? " Ka bula alo din chuan kalo zawt a, min en rum ve lutuk

" Engtin nge a awm " A ti nghat a

" Ka khawihlaiin tikhian alo awm ringawta, thildang ka khawih thei tawhlo " Ka tih chuan a bih hnai vut

" Tah hian ṭhu rawh " Ka chair chu ka nawr hnaihsaka

" Hmannia kan hmuh kha ini maw? " Bawihtei'n atih chuan hrelo ang hmakin athil khawih lai ngawt chu abuaipuia

" Ni dawn tak, hmuh tawhna ka neiin ka hre renga, Technician ini alaw " Ngaihsan hmel fe in Miriami'n ati a, chu pawh a chhang chuanglo, Miriami leh Dari bakah U zira leh Tea te chu thil ei turin an chhuak a, Fela lo kalpuipa pawh kha akal tel ve daih, Pakhatpa lah chuan a ngaihven lo bawksi a thil khawih laiah ngawt chuan a rilru adah leh tawh a ang

" Ṭhu rawh " A bulah ka ding ve reng a, hreawm ka tih ahlau nge atho a, Chair chu ka lamah alo nawr hnai

" Angailo keichu ka ding thei alawm " Ka ti ve tlat asiamtu pawh ni hleilo nuam deuha lo ṭhut kha ka duhlo, Tuna a awmdan hi a hreawm hmel zawk daih

" Ṭhu mai rawh " A ti hmuka

" Ṭhu rawh Tea chair saw kava la mai ang " Ka tih chuan lo hawiletin min en run run a, ṭawng sual ka nei ta emaw ka ti

" Ṭhu rawh " Ka hnial ngam tawhlo, chair ah chuan ka ṭhua

" I siamṭha thei meuh nange " Boss in Ka computer lo thlek zauhin ati a, an awm ve tih ka hre leh chiah

" Ka siamṭhat theihna arei rawh " A ngawi mai dawn emaw ka tih laiin a chhnglet ve tehmial, Eng emaw a hmetkual leh zung zunga chumi hnuah Computer chu a ṭha nghal vek. Phawk zetin Fela chu ka en a, Bawihtei leh Boss te pawh an phawk hra mai

" Siam sak in ngai ve em? " Ngeiawm rawng kai lek lek in Fela chuan ati ve khera

" Ka siam thei " Boss chuan ati hmuk Fela awmdan vel chuan nuih ati za, a ngeiawm thiam ve reuh lutuk 

" In rin aiin ka fing daih ang, In hnaah chauh buai ula midang tibuai duh su " A ti khawl khawl, anui lo a tak ngalin Bawihtei leh Boss chu a hmachhawn

" Computer chhiat chungchangah hian min puh deuh tihna emni? " Bawihtei chuan mengkual ralh ralh chungin ati a, a confi lo tih a hriat ngawih ngawih

" In hre zawk ang chu " Tih chauhin a chhang leh lawia

" I wallpaper chu'h " Bawihtei leh Boss ngaihven chhunzawmlo zetin Keimah zawk min be leh daih, Wallpaper ah Korean boy band BTS te kha ka hmang miaua 

" An hmelṭha tiraw? " Ka tih chuan a ner nang

" An rai pawp ang tih a hlauhawm hle mai " A ti khera ka nui tawp chiang asin

" Engzat nge ka pek ang che " Ka ti daih

" Thil ve ei zawk teh ang "

" Aw le " Kan chhuah hma in Fela chuan Computer a off hmak, a chetdan chu Boss te tan a ngeiawm ve khawp ang

" An mahni khawih chhiat kha ami? " Kan office aṭangin kan chhuak tawha

" Virus an thun mai mai anih kha, thil pawi ani lemlo " A ti thena ho ka ti leh viau si

" A va ho ve " Thawveng halhin kati, atira ka hlauhthawnzia mai kha

" Ho lo e kei nilo, in boss khan siam selang chuan i file pawimawh eng emaw chu an ruksak daih maithei che ani " A ti duaha chutiang chu ka ngaihtuah thlenglo reng reng

" An mak ve e " Ka ti hliai ringawt 

" Fimkhur angai anih kha " Atih chuan pwmpui deuhin ka bu nghat nghat. Kan ṭhiante kan pawha thil nihna zawng zawng ka hrilh lo Fela pawn engmah a sawi lemlo a, siam man pek ka tum lahin an duh bawk silo, Thingpui cial deuh ka inpui a, rei awm tawhlo in an kal leh thuai

" Bialpa i nei cial e " Office kan pan leh mek hlawma, Dari lah hi a ṭawng phawng phawng zel

" Ka bialpa anilo e a " Ka tih chuan ' Ehhh ' an ti rual vek

" In mawl ami? Ka bialpa anilo " Ka tih chiam pawn nui tet tet chungin ' Ni e i bialpa anilo ' anti a, an nghal ve ṭhin ania

" Bawihtei ka ringhlel e, i computer chhiat thut dan hi amak " Zawi tein Miriami'n ati a

" Ni e, a awmdan vel kha a rinhlel awm mahse, engmah sawi angailo ania inveng rengin awm mai tur, Boss a lamah aṭang tlat bawk sia " U Zira'n ati ve bauh bauh a, keipawn chhal ka tum hranlo

" Keini aia chungnung bak kan awt ngai hleinem, thingkung lera awm tawhin ahnuaia mi a hawlh a hawlh peih dawn emni? Kan chunga mite tih tlak tumin alawm kan hawlh zawk ṭhin le " Ka tih chuan 

" I va han sawithiam ṭhin, lehkhabu te hi chhuah ve la " Anti a kan nui ho dar dar Ka teammate te hi chu an fel ve thlawt. Hna bana in ah ka hawn chuan kanu'n kawta thing hnah tla chu alo phiat a, hna ban a kanu han hmuh chu a hahdam thlak ngawih ngawih

" I awm mai mai thiam thlawtlo tiraw? " Ka ti hlak hlak a, anui ringawt

" A tla nasa lutuka ka mit ati kham alawm " 

" Lut ang thingpui hmeh ka lo hawn che ania " Ka tih chuan ' Zu lut rawh ka phiah khawm hi ka rut anga kalo lut ang ' ati leh ṭalha, hnial talo chuan ka luhsan thingpui chhuangin room ah ka inthlak sana, ka chhuah leh meuh chuan alo so bawrh bawrh tawh, ka siam nghal a inchhung aṭang chuan kanu chu ka au lawng lawng

" I au ring lutuk, in ṭhenawmte hian an ning ṭhin ngawtlo che maw " Alo ti lut bawrh bawrh a

" Teuhlo tunge kan nih tih pawh an hrelo ang, chuti khawp chuan kan in pawh lo " Thingpui ka chhawp a, thingpui hmeh tur ka lei hawnsak chu ka phawrh bawk

" Khawpui mi hi chu an buai lutuk a, ṭhenawn khawveng pawh an in pawh thei tawhlo " 

" Aṭha daih zawk, Fela nen kan chengdun tih an hriat ka hlau teh ania " Ka ti a kanu pawn min nuih tawp

" I a lutuk emai, mihring hian engtik lai pawn a chhe ber kan tawk thei, chumi hunah chuan ṭhenawm khawvengte hi an pawimawh teh ania " A sawi takah chuan adik ka ti tho, nu te nge nge chuan thil anlo ngaihtuah thui zawk hle ani

" Takin Nu, Mampuia chu palai kha intir ta em? " Ka hrechhuak thut, ka nau in nupui aru tih pawh kan theihnghilh thei mai dawn alawm

" Teh hluai che chuan, chanchin te kha kalo hrilh tawh che emaw ka ti a " 

" La hrilh nang, kalo theihnghilh leh daih alawm " Nui ṭha chungin ka ti

" I va ngaihvenlo ṭhin tak, i nungmawl ve tawp anih mai hi maw " Sawi ṭhat ve mai awm min zilh leh phawt atum aniang

" Sawi maila " Ka tih chuan 

" Palai kan tira min rem duh tlat lo, i nau bialnu lah khan ka nei duhlo te alo ti veleh aniang, vawikhat palai kan tira kan kal nawn tir duh talo anihkha " Ka rin loh lam daih ani

" Ava ti anglo ve a inruk tir tho bawk si, chutianga nei duhlo leh tur si arai tho bawk sia " Ka ti a, Kan khuaah ka awm lohna arei tawh bawka ka nau bialnu pawh ka hre velo hrim hrim 

" Chu chu ania i nau pawh a rilru ana khawp mai, a bialnu kha a ṭawng duh reuh sia aṭawng kan hre leh ṭhin bawk si" 

" Engtin nge ṭawng aneih a, ava zaklo ve achan chhe zawk ani tih a in hre na nge " Eng amah hmain ka lung a awilo nghal em em mai ani

" An in ah ka lawi peih lo, A mawiah ka inruk tir ve mai mai alawm te alo ti vela, ati zahthlak khawp mai " 

" Eng nge in zah ava zaklo zawk ve, sawn man pe ula in hnamhnawih reng reng suh u, Mampuia pawn mawhphurhna lak tum tawh suh se, rengrengah Mampuia fa pawh anilo aniang chu a " Ka ti hmuar hmuar, ka thinrim lutuk ringawt 

" Tlai khaw hnua lo thinrim te chu a, chutin mi fanu te an puhchhe ngawt ngailo " Kanu lah chuan ati dam thluam lehnghal a

" Min hrilh loh ten engtin nge ka hriat ang, chunu chu kum engzat nge rengreng a, Hmangaihhlua pawh chutiang hmeichhia te lo ngaihzawng reng reng " Ka ti hlak hlaka, kanu a chek tlak tlak 

" Kum pawh ala tlinglo, mi mo ah ka ṭang duhlo te atia i nau pawn a ngaihven zawm duhlo. mite'n an fa paina te duhlo chung neih an tum hram ani ngaia, a a khawp mai naupangtea arai kha ka lainata i nau in alo hruai hawn pawn ka theihtawpin ka duata ka rilru ati let hlauh " A ti ve taa kanu hi chu thinrim mahse, a ang buan buan ngai lemlo ṭawngsual hi a hlau ṭhin a, ka chungah tih loh midang chungah hi chuan a zaidam vek, keimah ber hi min hau peih em em a ani mai.

" Aw achawh anih chu, naute pawh lo piang se ngaihven suh u " Ka ti leh hram, Nau pai zawk si pasal ka nei peihlo mo ka ni duhlo te han tih, ka ngaihtuah chian hian ka thinrim tulh tulh, kan chhungkua min ti tlawm lutuk chu ka ngaihdan anilo tulh tulh bawk

" I in ang thinrim dawn, no hi va silfai rawh ahlawk zawk" Ati daiha 

" Sawn hi ka pai ve dawn mawni Nu, fa pakhat ka nei anga a school kal tur scooty ten thlah vel ṭhin ila, sts leh ig story velah te hmang kur diam ṭhin ila " Nui ar ar chungin kati a

" I va han zaklo e aw, fa neihte hi a awmzia in hre tak tak silo a, anawmlai chauh hi in ngaihtuah phak chu ani sia maw " A ti a

" Tawn loh chu hriat ahar alawm, ka fiam mai mai che anihkha " Ka ti leh zat zat

" Tv hi minlo chhuah teh kalo en teh ang " Tv chu ka chhuahsaka Mu chungin a en, hmun danga ṭhu talo chuan a mawnglamah amah si chatin ka ṭhu a, a ke chu ka malah dahsakin ka hmehsak.

Cont..