Lunglawm Tikimtu chapter-9

 Kanu ke ka hmeh nuap nuap lai chuan Fela alo hawnga, kanu chu alo muhil daih tawh, tv en man hi awmlo ṭhin ania. Fela chuan engmah sawilo in choka ah alut tlang daiha Dimtein kanu ke chu ka dahsawna Fela chu ka zui lut ve

" Nidang aiin i hma in ka hria " Ka ti a

" Kan test a " A ti maia, a bag aṭanga uite alo phawrh chuan ka meng phawk vak

" Uite maw? " A kut aṭang chuan ka laksak vat, ahmelṭha reuh em em lehnghal

" Seniori'n enkawlsak lawk turin minti a " Tim daiin ati a, Seniori hming arik leh avang chuan uite chu dawhkanah ka daha mahse, khawngaihthlak deuha min en ve kiau avang chuan tuar thei nganglo in ka pawm kang leh

" A hming " Ka tih chuan 

" Vara " Ati a be zawm tawhlo in choka aṭang chuan ka chhuak, kanu ke lamah ka ṭhutpui a mihring nilo mahse, uite hi chu ka be char char peih Uite vulh hi ka tluang lo a chuvang ania chak ve ṭhin viau mahila uite ka vulh duh loh

" Khawia uite nge " Kanu alo harh a, uite ka pawm ahmuh chuan mak atih hmel viau

" Fela'n aṭhiante uite a enkawlsak lawk dawna " Ka tih chuan engmah a sawi zawm lemlo

" Ka ke i hmeh khan anuam lutuk a, kalo muhil daih alawm le " A sam ṭawn ṭha mawlh mawlh pahin ati a

" Zanah ka hmehsak leh dawn che nia " 

" Kalo pawm ang, choka a ri rak rak chu Fela ani lawmni va pui rawh " Ka uite pawmlai chu min chhuh leh daiha

" A ho e, amah pawn ati ve thei alawm bakah eirawng abawl lo " Ka tih chuan ka hnungah min beng leh thlawp tawh, peihlo deuhin ka tho a choka ah bawk ka lut leh

" Kalo dahfel ang va intifai rawh " Eng em em nge alo hawn ni

" Uite ka lo hawn saw i lungawi lo em? " 

" I in alawm i duh duh ilo hawn thei ka sawi ve tur a awm hleinem " En mang hleilo chuan ka ti a, a thil lo hawn lah chu a ho hlawm em em mai lehnghal Nodless leh spicy tih ang reng alo lei tel nual mai, fridge ka khar lai chuan ka banah alo chelh a

" Sawi tur i nei " A ti a, hrethiamlo zetin amah chu ka en

" Ka in ni mahse, sawi tur i nei ka thu berlo " A ti leh a

" Ka hria e " Ho tete a ka lungawi lo ve ringawt ṭhin hi duhlo viau mahila ka inveng hman ngailo

" Kalo dah ang " Chhuara Spicy ka dah tur chu min chhuha hnunglam aṭangin min lo dahsak, ka tan chuan a han sang ve deuh ani. Kalsawn ka tum lahin min uap run bawk si khawng deuh chuang ka ding ve reng ringawt

" Ka lawm e " A awmsawn hnuah ka ti chhuak ve hram, min uap run lai khan thaw chhamin ka thi lek lek ṭep alawm le

" Eirawng kalo bawl ang " Dawhkana a bag la in a chhuak a, am deuhin boruak ka hip lut vak, Saipuia ka star lai ai khan tuna ka awmdan hi adanglam zawk daih, Saipuia sawi takah chuan titaka ka theihnghilh awlsam hi mak ka inti, hrechhuak ngailo chu ka nilo mahse, duhna leh lunglen veng vengna ang sawi tur ka nei tawhlo, Fela awm vang pawh hi ani maithei. Chaw chhuan ka siama gas ah ka chhuangfel deuh chiah Fela alo lang ve leh nghala

" Coffee nge thingpui i in ang " 

" Thingpui kalo in ang " Fridge a hawnga, chawhmeh siamtur alo phawrhchhuak

" Siam vak pawh angai dawn mi, a ṭhing a awm ve neuh neuh a " Thingpui siamsak rak rak pah chuan kati a

" Hei chiah hi ka siam ang " A tih mek laiin Common room aṭangin kanu'n ' Sangi, thingpui hang min lo thlit ve teh ' alo ti vak a

" I au ring thei sia " Ka ti hlak, Fela thingpui chu dawhkanah ka hunsaka

" A thlum i duhlo ami? " Kanu thingpui ka pe a, Uite pawh kha kanu malchungah alo mu ve reng

" A thlum chu a hanglo emai " Khi ṭha chungin ati ngeia

" I over sia " ka nui pah tho, Uite chu ka pawm a choka ah ka phei leh

" Lo hruailut suh " Choka luhna ah ka ding chawt

" Timaw? " 

" A hmul atla eitur siamna ah chuan lo lut lovang " Ati bura 

" A pawi ami? " Ka tih chuan

" Chhuatah khan nghat rawh " A ti tlat a ka nghat ve mai

" I pawm reng chuan a sawngnawi vek ang " A ti kher chuan ka lai ati na tlat

" Ka pawm tawh miahlo ang " Lungawi lo deuhin kati ve hmak, a bulah pawh awm peih tawhlo in room ah ka luh bosan a, ka study table ah chuan bawm lian vaklo hi alo awm ran, Kanu dah ani awm silo a. Ka room a lo awm na na na chu ka tia ka hawnga achhungah chuan No cial deuh bear lem chuang alo awm, Fela dah bak anilo ang, bawmah bawk chuan ka dahlet leh tunah hian nasa takin a chungah ka lungawilo.

Chaw kan ei thleng pawh chuan ka lungawi theilo a, Uite ka hmuh te chuan ka pawi sawilo ber si ka melh kha kha a, Tv kan en laia kanu'n a pawm sek te chu 

" Nu pawm vak vak suh, I pawm sawngnawi vek ang " Ka ti a, Laruatfela a khuh nghal bawrh bawrh

" I ṭha em? Tui hak hi ahreawm ve ania " Kanu'n a hnungah a chulsak a, ahrawk hi aṭhalo aniang athil ei te hi a hak bawrh bawrh zel, Kanu te inbuaipui chu ka thlir reng ringawt

" I hrawk ava ṭhalo tak " Ka ti chu kanu'n rum zetin min en a, ka hmui ka chip nghal hmak

" Nute ka ṭha tawh e " 

" Ui mai mai pawh i thik hi abuaithlak " Kanu'n ati hlak hlak

" Ka thik lo e, engvangin nge ka thik ngawt ang " Ti chiamin room ah ka lut, Ui kha ka thiklo Lalruatfela'n min tihdan kha ka lungawilo mai chauh ani. Chhuah leh ka duh tawh bawk silo tih tur awm chuang silo Lalai ka vcall a

" I hman sia maw " Alak rualin alo ti nghal tawng

" Ka hman vang pawh anilo " Ka tih chuan 

" Tinge i hmel te chu Coming soon an ahau che mi? " Nui ar ar chungin alo ti 

" Sawi pawh sawi suh " Pawr zetin ka ti a

" Seni hei Coming soon an a hau anih hi, lo en ve teh " Lalai'n atih chuan Seni alo lang ve nghal zat

" Awi ka va khawngaih che ve " Aṭap der vela kan ri hlut mai

" Han sawi teh Coming soon chuan engtin nge atih che " Lalai chuan inla thupui fun fahranin ati a, Seni anuih chiam laiin a inla nui duhlo tlat

" A seniori ui alo hawn a Uite chu ka pawma ' Pawm pawm suh iti sawngnawi ang ' ati khanglang anih kha " 

" Huat tur pawh a awm loh chu, i duh lutuk tawha Seniori uite anih avangin lungawi lohna i zawng ve hrim hrim anihkha " Lalai chuan ati daiha, min ṭan te ka rin ve tehlul nen

" Lalruatfela in ṭan ve hrim hrim tiraw? " Ka ti hlar tawh

" Chutiangin kan ṭan ringawt lo, i lungawi lohna kha anuihzatthlak alawm, keini in khatiang khan tive ta che ila i lungawi loh phah miahlo ang, Fela sawi anih vangin i la na ve hrim hrim anih kha " Anlo tih pawn ka chhang duh tawhlo, ngawi rengin an mahni chu ka en a

" Heyy, i lungawi lo ami? I thinrim chiang mai " Anlo tih pawn ka chhang duh chuanglo

" Duh hi ka duh miahlo, Kan chendun vangin ka ngaina mai mai aniang, dorm ah khan kalo insawn leh daih dawn" Ka ngaihtuah chianga tinge min duhtu nilo ka duh chauh ka tawn, ka mittui a tla ringawt leh nghal

" I mittui atla alaw " Anlo tih chuan camera ka off a, ka mittui chu ka hru sawk sawk

" Aih, ka thlan atla " An awih dawnlo tih ka hre tho 

" Naktukah kan inhmu dawn nia, Dorm ah lokal rawh " An tih chuan ka bu nghauh a kan inbe rei vak tawhlo, Ka ṭah a chhuak tulh tulh a, ka mittui lah alo luang ve sek bawksi mittui hi ka ngah bik lutuk mai. Kanu alo luh chuan ka mufel diam tawha

" I titau hma thei lutuk, Fela Pawh iti hrilhhai " A tih chuan ka chhang duhlo

" Ka duhdanin ka awm bik hleinem " Ka ti a, ka ṭawng ring lemlo 

" I tetlai ang khan i mitmengah hian i thil duh kala hrethiam ṭhin " Ka bula alo mut rualin amah si chatin ka tawlh hnaia

" I ti awihawm loh e " 

 " Fela hi mifel tak ani, i kum pawh a naupang zawk zawk tawh biklo a, mipa fel tak tawngla ka duh " A ti charh charh 

" Pasal nei turin min duh deuh tihna ami? " Nui hak chungin kati a

" Ummm, Makpa atan Fela hi ka duh bawk " Zuk ti a mawle, kanu hian eng nge maw ahriat ni 

" I ti anglo emai, abulah te ilo saw reu reu ang e "

" Ka fiamthu mai mai anih kha, i duhtak Pasal ah i nei ang chu Fela te chu mipa fing fel tak ani ka ti mai alawm " Kanu hmel chu ka en vang vang ani erawh chuan ceiling a en vung vung thunga thil thui tak ngaihtuah hmel apu.

" Nu, zep i nei ami? " Ka ti ta nge nge a

" Neilo e " A ti mai bawk si, nghet deuhin ka kuaha ngaihṭhat lohna riau ka nei tlat hi ka hrethiamlo

" Naktuk chu la cham leh rihla " Naktukah hawn atum tawha, ka ngai dawn lutuk

" Ipa te an ngaituahawm ve alawm, i nau nen ringawt te chuan an khuahar lutuk ang " 

" Keipawh ka khuahar ve thei tho alawm " Ka tih chuan

" Nangte chu Fela a awm alawm " A ti uang ve ngei.

A tukah chuan kanu chu Fela nen sumo counter thleng kan thlaha, kan let leh lam chu phurna ka neilo ka zawi ngawih ngawih mai ani

" Ka lakah ilung ala awilo ami? " In chhung kan lut a, room ah tlang mai ka tum chu min chelh ding a

" Ka lungawi "

" I lungawilo anih kha " Ti nghatin min pawt a keilah kalo zawi bawk si a awmah ka lu ka tauh dawt, ka kawngah min kuah nghal runa, phawk zeta men kawk loh chu tihtheih vak ka neilo

" Engtin mah ka tilo ang che " Ka beng bulah alo ti supa, ka mur chhuak vek theiin ka hria, engtin mah ka tilo ang che ati a tunah min kuah a ka kawngah akut ala rawlh lut zui

" Min kuah reng hi " Ngawi duh biklo chuan kati a

" Zanah movie en ila " A ti daih

" Eng movie, In ah maw kan en ang" Tiin a awm ah ka nama min thlah ve hram 

" Ni mai ang chu " Mr Beana nuih in anui leh tawh a, keipawn ka nuih ve tak vur vur hi min kuah ngawt chhan kha hrethiamlo mahila thil nuamlo tak zawng anilo e. Mood ṭha deuhin hna ka kala, Bawihtei hmel pawn ka mood ṭha lai ati chhe phalo

" Kan chawlh hmain kan team bil hi picnic ila " Tea'n break laiin ati a

" Nia aṭha dawn lutuk, ka phur tawp " Dari'n ati nghal chiam

" I phur hma lutuk " U zira'n ati hluka

" Ka phur loh te chuan nuam inti nang " Ati ve tlata, a dik leh fu bawk si, Damlohna avanga hna alo kal loh changte hian areh tlawk tlawk zel

" Tuna kan project khawihlai hi kan zawh chuan tun kum atan chuan hna hautak kan nei tawhlo ang " Ka ti a, kum tawp lamah hian project kan khawih tam lutuk tawh ngailo, Order erawh kan la nasa ṭhin thung. Hna banah Ka ṭhiante tlawh turin Dorm ah ka kal a, Seni leh Lalai chiah anlo awm

" Khawnge Lawmi class ala nei ami? " Ka tih chuan

" Hmani aṭang khan hna anei thar alawm " Lalai'n ati a

" Eng hna tinge engmah min hrilh veloh a " Lugawilo ru deuhin kati, hna aneih te chuan mimal pawn minlo hrilh ve tur ania

" Detective hna anei thar alawm " An tih chuan ka phawk hra tawh

" I rilru tluangtlam lutuk hi chu ila natpui fo dawn ka tih reng kha " Seni'n ati tak deuh deuha 

" Eng nge inhriat a, insawi awmzia ka hrethiamlo ania aw, ka hriatthiam theih turin sawi ta che u " Zaidam lemlo tih takah ka vin leh hlak hlak tawh

" I hnu a chhui ve zel anih hi " An ti a, an sawi awmzia kala ngaihtuah char char

" I mawl sia'h, Sairengpuia bulah a awm reng zel alawm, I sulhnu a chhui " Pawr zetin Lalai'n ati a, an sawi awmzia ka hreve chiah

" A ho e, a duh phawtte chuan " Saipuia duhna ka nei tawhlo a, Lawmi nen chuan lo in zui kualin in ngaizawng mahse, pawi tihna ka neilo

" Eng anga ka mi duh pawh nise ṭhiante bialpa hlui kher chu ka pawm theiin ka ringlo, Lawmi mizia hi amak kati tulh tulh, In inṭhen aṭangin anin zui nghal char char a in inṭhenna rei tawh selang chuan ka hrethiam mahna " Seni'n ati nghat nghat, an pahnih chuan an lungawi hmel loh khawp mai

" Saipuia chu eng atan mah ka ti tawh hleinem, ṭhianṭha inkar tihzau nan chuan hmanglo ang u " Min thinrimpui chu ka hrethiama mahse, Saipuia vanga buai leh vel ka peihlo

" Lawmi hi i rin anga hmeichhe rilru ṭha anilo ania, tianga kan sawi chuan rel chan kan changa sawi vak pawh ka duhlo mahse, i hmakhua ngaitu i ṭhatna duhtu ṭhianṭha anilo. Chu chu ka sawi tel hram ang " An thilsawi leh awmdan chuan ka ngaih ati ṭhalo zo vek tawh, min ti hlauthawng

" In awmdan hian min ti hlauthawng " Ka ti a, An ni pahnih lah chuan minla en uluk em em lehnghal

" Kan picnic a kan hawn tukah khan Lawmi phone ka khawihsaka, chutah chuan thlalak pakhat ka hmu a chu thlalak chu Sairengpuia nen in anniversary a in lendun lai kha ani, nang chu chiang takin ilang velo a mahse i kut erawh alang. Aruka lak tih chiang lutuk Sairengpuia thlalak kha tinge Lawmi'n akawl ang, tun hnai mai aṭanga duh anilo in in ngaihzawn lai reng pawh khan a thli thlai reng che u tih hriat reng reng " Lalai'n ati a Kan ṭhian ho hian phone kan in khawihsak fo a, tuman kan haw ngai biklo 

" Ahma pawn kan khawih fo sia, thlalak pawh kan en ziaha, chutiang thlalak ka hmu ngai silo " Lawmi chu rin chhiat ka duhlo ni berin ka hria

" Chu erawh ka hrelo le ka mit ngeiin ka hmu miau a, i awih loh leh i thu thu alawm, Lawmi hi huatna kan neilo ania huat chhan tur kan neilo, thil nihdan kan hrilh ve mai chauh che ani " Pangai takin an ti leh tho

" Ṭhian alawm kan nih Saipuia vanga buai leh chu aho sihsah emai, Bakah ahma ṭang daih tawhin lo duh ve mahse, kan inkar ti chhe turin hma ala chuanglo a, kan duh thu ngeiin kan inṭhen a, engmah buaina a awm tawhlo turah ngai ang " Ka tih chuan

" Chanchin i hriat kan duh vang kan tih kha, hua la kan duh vang pawh anilo " 

" Ka hria lawm, Kan duh berte neih tluk a awm hleinem, Lawmi pawh lawmpui thiam ang u " Keima tawkah ka sawi ṭha ve lutuk

" Ni e, nangpawn chhailai d i tawng nghal tho a " An ri leh phawr phawr tawh, thil kan vei zui vak ngailo hi kan ṭhian ho ṭhat vena tak ania

" Sawi takah chuan engtin nge ka awm dawn pawh ka hrelo " 

" Eng nge ni vak, a endan che kha a haw biklo che tih ka hre thei " Seni'n ati leh zung zung tawh

" Min haw turin a pawi ka sawi reng hleinem " Ka ti chu ka chal ari fawk

" Ana Lalremruat " Ka ti vin ṭhata

" I mawl chawllo lutuk hi engtia tih chi nge maw i nih le " A ti vawng vawng

" Fela a maksak iti i tia, nangmah zawk anih hi maksak zawk " Seni'n ati hlak hlak, ka chal chu kala dawm vang vang thung, Lalai kut ran zia hi chu akutthlak ana thei bawk si 

" Zanin ah movie en ang atia " Ka tih chuan ' Taktak maw!?' An ti rual ṭhawt, ka bu nghat nghat a

" Bem che atum tihna ami? " Zawhna mawlmang leh maksak deuh deuh hi min zawt ziah mai

" Engtin nge chute ka hriat ang beiseina neih vak pawh ka duhlo beisei anga athlen loh in a hreawm duh emai " Lalai khumah ka mu, chair pawt hnaiin khum hrulah anlo ṭhu ve ve

" A buaithlak Kum 40 i tlin hunah nangmah leh nangmah i innei ve mai dawn nia " Anti a min nuih chiam

" Eng nge min nuih min nuih ve, nangni pawn ngaihzawng in neih tawp loh kha aw, Single tar tur innih kha " Ka tih ve chuan an nui tawp a, keiin ka nuih ve char char

" Nihna hre leklo a ṭawng ṭhin an tih chu keini ngei hi kan ni " An mahni leh mahni an in sawisa a mittui tla phungin ka nui 

" Ngaihzawng nei emaw ka inti leh ṭhin " Seni'n atih phei chuan khum aṭangin ka tla tawp tawh

" Thansangi nasatzia hi " Ka tla chu an lawma kan nui tawp hleitheilo, Ka mawlpui te bula rei tawk tak ka awm hnuah ka hawnsana, ka hawn hmain Spicy thak tawk kan ei a, Room aṭanga ka chhuah hnu pawn ka hmui ala sa ham ham thei

" Ilo kal alaw " Saipuia leh Lawmi te nen kan la intawk zui

" Umm, Ilo awm silo a " Ka ti ṭha ve maia

" Kalo hawng ve chiah sia lo let leh la " Anui sang renga

" Nidangah kalo leng leh zawk ang, Eirawngbawl a hun dawn tawh sia " ka ti a

" Fela nen inla chengdun ami? " Saipuia'n ati a

" La chengdun zel e " Ka ngaihbel nge Lawmi chu a nui lem ta riauin ka hria, min thik ti dawn ila Saipuia ka duh tawh lohzia ka hrilh chian ber ani si a

" Ka kalsan tawh ang che u " Kal nghal mai ka tum a

" Zanah kalo bia ang che " Saipuia'n ala ti ve hram

" Ka online vak hmanlo a " Chhan loh tawp anuam silo, angailo tih tlawng lah thilmawi aniin ka chuang silo, thildang asawi leh hma in ka kalsan nal nal, ka kalsan hnuah chuan ka chhan dan chu ka inchhir leh deuh ' Min lo be tawh suh ' Tih tlang mai tur ania midang hmaizah ka tina lutuk hi chu kala buai phah fo dawn anih hi. In ka thlenga in kawtah chuan Fela leh Vara anlo awm, Min hmuh rualin Vara chu a bauh ve ṭhat ṭhat a

" A ngai tawh che aniang " Lalruatfela'n ati ve ngeia

" Min ngai suh se, nakinah i seniori khan alo la leh vat dawn sia " Ka ti ve kher a, Vara chu ka pawm tho

" Seniori ka sawichhuah apiang hian i lungawi lo ziah " Vara pawm chunga inchhungah ka lut tur chu athilsawi avang chuan ka ding leh chawt

" Lungawi lohna engmah ka neilo " Inher ka tuma min si cheta ka hnungah alo din avangin ka ṭhulh leh

" A dik chiah, lungawi loh chhan tur i neilo " A ti thliam bawksi, in chhunga ka lut chu ka hnungah minlo zui ve zel a

" Kalo ti ang " Vara ka pawm avangin ka pheikhawk ka hlip theilo a

" Ka ti thei tho alawm " Vara chu Chhuatah ka nghat a, Ṭhutna hniamah ṭhu a pheikhawk hlih ka tum chuan Fela'n min lo chetkhalh leh

" I hawnna arei tawh em? " Lai zetin ka ti ringawt, Zing aṭang tawhin a awmdan hi hriatthiam a har tlat zel

" Rei vaklo " Ati maia ka pheikhawk ahlip zawh hnuah pheikhwk dahna ah adah leh thlapa, ka sleeper min chhawp bawk

" Pheikhawk ka bun uih em? " Ka tih chuan a kut a hnim sut sut, Ka inbual vel laiin eirawng abawla ka inpeih meuh chuan alo peih fel diam tawh

" Fela " Uite chaw tur a siamsaka, Vara pawh Fela ke bulah a che kual ve sek

" Umm " Min lo en zawka

" Bialnu i nei ngai em? " Ka tih chuan chiang fahranin minlo en, ka zak leh deuh bawk si chu ka kutin ka hmai ka hup a

" Min chhang leh suh, Duh deuh kha i nei tak " Alamah ka kut ka phar chhuaka

" I va a mai mai e aw " A ti bul bul, a duh deuh chu tunge ni ang keihian beisei ka nei ve ringawta zaklo ka inti. Kanu pawn minlo biaa tluang taka kan khua athlen thu min lo hrilh, nizan mai te kha chuan inhnaih takin kanla awmdun a, tunah chuan kan inhlat leh lutuk tawh kanu chu ka ngai veng veng.

" Movie chu kan en tak tak dawn mi? " Ka thlengsil zo chu common room ah ka phei a, Fela chu tv bulah a che hrut hrut reng

" Ka tih tak tak loh tur ka sawi ngailo " Tv hnung te chu a bih duk duk a, eng tak ti leh ang maw

" Tunah kan en nghal dawn mi? " Ka dilchhut ve ṭhin sia, min nin chu ka hlau ve tho

" Aih, ka inbuatsaih lawk mai mai anih hi " Vara chu pawm in Sofa ah chuan ka ṭhutpui a, Fela chetla chu ka thlir reng 

" A thla te i laksak ve dawnlo ami? " A kut chu a bal deuh nge a beng faia, a thawmhnaw pawh a bengfai thak thak

" Tu thla maw ka lak ang " ka tih chuan

" Vara kha, Hmeichhe dang chuan uite thla an la a an sts ziah zel" Thil hi chu a hre ve zul a

" Hei chu ka uite tak tak pawh anilo a, mahni ta lo sts te chu ka duhlo " Ka tih chuan ahnar atuai zeuha ahawikual ralh

" Darling hna i nei ania " A ti dut a

" Mizoṭawng athiamlo " Kalo tih chuan anui ri ve hawk, Darlinga chu a tir ṭha leha Darlinga pawn Fela thil tih balh chu ati fai. Kei leh Vara kan mut mai mai laiin a che seka mit ti kham tawk lek lekin a vei kual sek, ruah a sur cherh cherh a chu chuan boruak ati dai vur mai, Puan sintur la turin room ah ka lut a, chhuah leh nghal mai ka tum laiin Kan khuaa ka ṭhiannu Liani'n min lo call ve teh nawlha mahse, kan inbe rei vaklo phone ka hman zawhah chuan puan lum nen Common room ah ka phei nghala

" Wow " Ka ti hliai, Dawhkanah chuan bowl pahnih ah Chips leh pop corn alo dah a, Abulah intur alo hung thliah bawk

" Lo ṭhu rawh le " Fela'n min nuih var var a, ka hlim lutuk chu ka hmui ka chip hleitheilo

" I buai lo ami? " 

" Ahar hleinem " Ka bulah alo ṭhu ve nghala, Mawi deuha eitur arem chu thla kala mawlh mawlh, ka ṭhiante bula insawitheihna tur. Phone ka lekkang hlek chu ka selfie dawn emaw tiin Fela'n a kutṭang pahnih ti kakin alo in poss a, nui hak hak chung chuan ka selfie pui

" Sawi duh ka neia " Movie kan en ṭan chiaha

" Eng nge sawila " Ka ti a amah pawh enlo chuan Tv ngawt chu ka en, a ngawi leh vumg vung bawk si, Fela chu ka en ta nge nge sawi duh nei si sawi hreh bawk si a ang ka ti ber

" Eng nge i sawi duh chu, Min duh ami? " Ngaihsam fe in kati a, nui vur vur chungin Sting chu ka hawnga ka in nghal khalh

" Ka fiamthu mai mai anih kha aw " Ngaihtuah chianglo hian thil hi ka sawi phawng phawng zel

" I Sawi dik " Fiah kalha atih chuan amah chu ka en a, ani pawn min lo en ve kur

" E..eng nge i sawi tum " Ka chil ka lem khalh a, amah chu kala en kar

" I sawi dik, ka duh che " A tih chuan sawi tur engmah ka hrelo

" Ka..ka..englo " Ka lei hi ka hawl dik theilo, min en run bawksi amah pawh en ngamlo chuan hnuailam ka en a

" Min duh ve em " A tih leh ngat phei chuan ka biang hi a sa hat hat tawh, Tim daiin ka dak chhuaka ka huaisenna zawng zawng sawmkhawmin Fela mitah tak chuan ka en 

" Min duh em? " A tih nawn leh chuan ka bu nghata

" Ka duh che " Ka aw ri chu boruakah athamral ni maiin ka hria, ngaihzawng ka vawikhat neihna pawh anilo a, chuti fakau a ka lai chhe lutuk chu ka rilru in ka inhau mawlh mawlh, Min en vung vung bawk si lai zeta hawisawn ka tum chuan ' Che suh ' ati a, a kut in ka kamsir chu alo tuai zeuh

" Thil a kai " Ati a, ani pawh alai ve tho tih ka hria, a aw athian kharh a engmah a sawi chuang lem hleilo a, ka ṭhutdan siamremin Ka ke chu Sofa ah ka hlang chho veka puan chuan kan inkhuh ṭha sat sat bawk

" I sin ve duh em? " Ka tih chuan min en chuanglo in abu nghata, nichinah boruak a intih ngam ve tehlul nen

" Lo ṭhu hnai la, chuan tv khi volume pe ring deuh teh " Ka tih chuan thuawih deuhin ka sawi ang chuan ati a, puan sin dunin Ruahsur cherh cherh karah tv kan en duna, hun nuam tak zawng ani alawm. Ka ṭhutdan ngai hian ka ṭhu reng theilo a, ka tal zawnga akut ka tawh fuh chuan aphu uih mai

" Tihpalh " Ka ti sepa, kan lai chhe dun lutuk chuan nuih ati za zawk, dimte in puan hnuaiah chuan ka kut alo dek de de a, ka hrelo der hmak tv ngawt chu ka en lui a

" Hreawm iti em? " Ka kut avuan a, polite deuhin hreawm ka tih leh tih loh min zawt thlap bawk, a danglamlo tih chi rual anilo

" Tilo e " ka tih chuan lungawi deuhin tv chu a en ve ta a, kan tv en chu rilru ah pawh alutlo, Lalruatfela nen kan in ngaizawng ve ta mai hi mumang ang ruaiin ka hria

" Ana " Ti pahin Fela chu a phu uih a, Mumang ani nge nilo tih fiah nan ka kut ka sik a, ka kut ka sik tih laiin Fela kut zawk ka sik anih hmel

" Sorry, ka kut amaw ka ti a " Ava han chetchhiat theih tak em, Inti zaklo luiin Fela chu ka ngheng ar ar a, ahma pawn kan titi dun chiam ngailo a tunah ngat phei hi chuan sawitur kan hrelo khawp mai, kan tv en leh ruahsur cherh cherh ri chuan mut ati chhuak tlat. Chutia mutchhuak deuha ka awm chu ka muhil ani maithei ka ṭhangharh chuan ka khumah kalo mu tawha, khua pawh ala var loh avangin ka in let thawka ka muhil leh nghal. Ka harh leh meuh chuan khua alo var chiang tawh khwpa ka room pawh a eng ut tawh mai, ham bai bai chungin nizan thil thleng ka ngaihtuah paha lawm loh in ka nui var var

" Good morning " Common room ah ngil at in alo ṭhu a, news paper alo chhiar mual mual

" I mutui em? " A bul chu a beng thak thaka, rang deuhin abulah chuan ka ṭhu thla ve

" Nizanah ka mutthilhsan daih che a " A thil chhiarlai chu ka bihpui a

" Ka bula awm hi hreawm iti em? " A ti teh daih

" Ti nang, tinge chutiang te min zawh " Ka tih chuan ka bianga dawm pahin 

" Zingah pawh i hmelṭha " A ti ve ngei

" Nangpawh i hmelṭha " Kan in en vung vung a, kan lai leh si

" Eirawng kava bawl ang " Inla hrangin ka ti sawk sawka, ani pawn ṭullo ah a lehkha chhiar lai chu apawtmar sek

" Ala hma alawm " A ti duta, Choka ah pawh phei chuanglo chuan abulah ka ṭhu ve reng tho

" Kan in ngaizawng tih hi zep i duh em? " Ngawih reng hi ka thiamlo ka tih tawh kha

" I duh zawk ami? " A lehkha chhiar lai chu a thlep a, dawhkanah adah fel hnuah chiang deuhin ka mitah min en a

" Duh lo e " Nui ṭha chungin ka ti a

" Ka zahpui hleinem che " A ti leh khauh

" Ka zahpui biklo che " Ka zahpui emaw a inti ang tih ka hlau, kan in ngaizawng tih midang hriat aduh lo viau thei tih thil thuah ania khi zawhna khi ka zawh

" Ngaihzawng i nei ngailo ang tiraw? " Ka ṭhuthnaih sauh a, Fela pawn ka kut alo vuan nghal chat, lai zetin kan han in nuih leh rih vel

" A hmasa ber ini " Ati nghet charha, a thusawi chu rinhlelhna ka neilo

" Kan mizia a in anglo a, i ngainat loh zawnga ka awm anih chuan sawi tawp tawp rawh aw, insiamṭhat ka tum zel ang. I sawi loh chuan ka hre dawnlo a " Ka ti a, Fela hi duh viau mahila ka hun tawn tawhte khan hlauhthawnna min pe ve tho, Fela leh Saipuia chu danglam mahse, mipa hi chu hriatthiam an hara

" I danglam kher angailo, tuna i mizia leh i awmdan hi ka duha, keimah avanga i danglam pawh angailo. Engkim hrethiam rual ini tawha adiklo leh aṭhalo itih loh chuan aṭha vek " Bahlah eih a awmlo reng reng, a thusawi tur hi avawng lawk ṭhin aniang. Eirawng kan bawl duna kan in melh fuh changin kan lai chhe thei hle tih loh chu a pangai e

" Midang nen thil in eiin i hmaah an ṭhu fo a, ka bulah lem thil i eipuar theih loh thu i sawi sia " Ka bulah aṭhu leh a, ka zawt chak ve hrim hrim

" I bula ṭhut anuam alawm " A ti a, awih lo lutuk in ka nerkual chiam, Hna kal tura ka insiam te chu tukdang zawng aiin ka in uluk a, ka thawmhnaw pawh vawi eng emaw zat ka thlak tawh, make up pawh ka hmang uar ve deuh mahse, uchuak deuh ang kha chu ani lemlo. 

" Ka rei em? " Room aṭanga ka chhuah chuan kawngka bulah alo ding vang tawha, a ni pawh a chhelo ziai ziai lutuk

" A tawk chiah " Tiin akut chu ka vawn turin alo phar chhuak a, rang deuhin ka vuan nghal chat ka mood han fuh cher cher dan mai hi. Bus stand ah kan ding dun a kan inkai tawh biklo

" I lo kal ve dawn mi? " Bus a ka chuang tur chu ka hnungah alo kal ve zela

" Ka bialnu i nih hi " Ati hmuk a, Ka zawhna chuan ati lawm fahranlo tih ahriat

" Umm, ka hria alawm " Ṭhutna awl alo la awm hlauha kan pahnihin kan ṭhuttheih phah

" Taxi in i kal leh vang vang angai awm sia " Company kawtah kan ding dun a

" Naktuk aṭang chuan Motor keng ziah tawhila aṭha ang " A phun bul bul mai

" Min thlah kher angailo ania " Ka tih chuan 

" Ahma chuan thlah tur che in i tumah ka nilo a, tunah chuan a danglam tawh, ka thlah ziah ang che " A ti ve duah, ṭawngkam thiam lutuk tia sawi tur nilo mahse, a thiam ang tawka min dahpawimawh zia hriat chu anuam viau mai, lut hmasa rawh atih tlat avangin ka luhsan a.

" Good morning guys " Nui sen sen chungin ka ti a, Ṭhiante'n min en haw hlawm mai

" I Mumang aṭha deuh emni? " Dari'n alo ti leh hram

" Mumang ataka chang hian min ti hlim " Ka tih chuan an hriatthiam loh hmel hlawm lutuk

" Eng nge i sawi tum " An ti hu hlawma

" In hrethiamlo hmel kha a cute lutuk " Tiin ka seat ka ṭhutsan a

" Vawiin chu i va chianglo ve " An ti ri pawh chu la hre phak mahila ka chhang buai peih tawhlo, ka mood on chu thuhran ka fiam kual pah hlawm mai mai ani

" Promotion i dawng emni? " Bawihtei chuan chik deuhin min zawta

" I mitmeng chu analh hle mai Bawihte " Ka ti hmasa tete a chutah 

" Ka hlimna hi hnaa kaisanah a in nghat velo, ka hlimna chu keimahah a in nghat " Ka ti fiah fak, min chhanlet dan tur ahre tawhlo nge angawi ve hmak mai

" I mood a dik bawk sia, chhunah min treat dawn tiraw? " Miriami lah hi eitur ringawt hi angaihtuah a

" Teuhlo mai ka hlimna hi teammate te treat tur khawpin athleng sanglo " Ka tih chuan U Zira leh Tea za deuhin an nui a, Miriami a phun nang nang, Boss alo thlen chuan kan reh ṭhapa Bawihtei'n alo be siam siam thung, engmah sawi buailo in a room ah alut a Bawihtei'n azui lut. Vawiin chu keimahni tawkah kan buai ve viau a, Factory lamah te kan kal ang lawp lawp a, Break ah pawh kan chawl lawk theilo

" Vawiin chu lu leh mawng hre lek lo a ka chet chiam chu le " Mirimai'n ati Kan hman ve chiaha thil ei turin kan ṭhu ṭhap

" Ka va han awihlo e aw, anih leh khawnge i mawng? " Tea'n ati a, Miriami lah pek chuan alu alo khawih zeuh, nuih loh pawh hi atheih loh 

" Chu, i mawng chu i lu ah alo bet ta ani maw? " Nui hawk chungin Tea chuan ati a

" Ka hre nang, ka lu leh mawng pawh ka hrelo " Ala ti ve hram

" Eitur alo thlen meuh chuan Miriami pawh areh hmak alawm " U Zira'n ati a, Miriami'n rum deuhin a melh thung

" Tuai hi ka inhauh pui ang tih ka hlau " Dari'n ati a, kan piah lawka Tuai pahnih ṭhu chu a en vung vung bawk 

" Ringawt a " Ka tih chuan

" Ka cousin pakhat bialpa hi tuai pakhat in alo duh ve tawha, ka cousin te pawh an inṭhen phah lek lek alawm, Kha tuai kha a nasa rapthlak mawle dawt muhlum hlak kha athutak sawi hmiah hmiah thei " A ti bawrh bawrh, Tuai zawng zawng hi anni chu ka tilo mahse, atam zawk hi chu an zaklo ve mah mah ṭhin, Social media ah lah aṭawng peih peih a active ber ber an nia, an ṭawngkam a rapthlak thei si.

" Tuai leh Patil hi chu kan ram hian kan mamawh lo mawle, atam zawk phei hi chu awmherh vang hrimhrima tuai hi an nia, inla pa tlat mahse, pianphung leh chetzia ṭawng thlenga nu rawng kai hi chu an awm heng hi chu an khawngaihthlak kati " U Zira'n ati ve a

" Nia, Mizo te hi hnamdangin min chimral mai dawn laia Tuai leh Patil hmuh tur an awm ve sek hi chu a ninawm " Ka ti phawng, Tuai leh Patil hi ahranpa in ka hmusit lo a, ninawm tih deuh deuh hi chu ka nei ṭhin, hmani deuh khan Mipa leh mipa vedeo leakout kha a awm bawka khate kha mipa tam zawkin an en chak leh tlat te kha amak ngawih ngawih 

" Mipa naupang pawngsual tih thawm hriatte hi a rapthlak kati e keichu, khawvel hi a chhe tawh takzet ani hengte hian pasal leh fa neihte hi min titim " Miriami'n atih chuan kan nuih tet tet 

" Eng nge in nuih tet tet a, inva han hmelchhe hlawm tak" A ti leh hlak hlak a

" Single kumhlunin pasal leh fa neih ka tim itih lai tak kha" U Zira'n a tih chuan 

" Awi! Nangni ho hi thu pangai deuh ka sawi kar lakah khi chauh khi maw inlo hriat " Amah chu anui pah har har a. Hna banah chuan Fela'n pawnah min nghak a, ṭhiante hnenah chhuanlam siamin hmanhmawh deuhin ka chhuaka Dari'n ' Keini pawh kan hawng dawn tho a, i va hmanhmawh bik ve ' a tih chu ka hre hman tho. Fela nen chuan taxi in kan hawnga, in kan thlen hnuah Room ah lut hmasa lo in sofa ah kan ṭhu a, vawiin kan hun hmandan kan inhrilh a, Seniori hming a sawi lan changa ka lo ner kual ṭhin chuan ati nui hawk hawk. Vara lahin thawm alo nei ve seka, nilengin kan awmlo ṭhin si akhuahar ve ṭhin a, in a kan hawn hi chuan alo za cheng zel

" Engtik nge Vara hi I seniori i pek let ang " Var chu ka malchungah abawka ka chul hliau hliau

" Ka hrelo, arei tawhlo ang " A tih chuan ka hnual rawih thei, Ui hi chu ngainat an awl bika lung te anti leng ve veng veng thei

" Lei chhawn dilla " Ka ti a, ka thilsawi atthlak zia chu ka hre tho

" Lei a phal dawn silo a dil buailo mai ang, hei hi ei mai rawh " A kekawr ipte aṭangin lolipop alo phawrh a, min naupang chhe cheibawl tlat.

Cont..