Lunglawm tikimtu Chapter-12

 Fashion show neihna tur ni pawh alo thleng tawha, zing aṭangin ka hak tur kala buaipui char char, kan product kan launch tih loh chu show pangai lianthamah hian kala tel ngailo

" Eng nge i hak ang " Sofa a thlamuang deuha ṭhu deng deng chu ka zawt seka, kei ka buai nen ani chu zing aṭang tawhin thlamuang deuhin a awm renga tv a en loh leh laptop a khawih reng bawk

" Lo ṭhu mai mai teh, i buaina arei tawh lutuk " A ti daih leh nghal, Show lianthama kal dawnin hmeichhe dang pawh an buai ve char char tho ang

" Ṭhut ringawt theih pawh anilo " Ti chung chuan ka ṭhu ve tho a

" Kan bazar dawn mi? " Ka lawm vaklo tih ahrethiam nge a laptop khup thawkin min lo ṭhuthnaih a

" A ngailo, i laptop saw khawih la min hrelo ang hmakin awm rawh " A awm ah ka nam vak

" Ka laptop saw khawih mahila i awm ve tih ka hrereng alawm, puih dan che ka hrelo a chuvang ania ka biak buai duh loh che " A ti a ka chhang duh tawhlo 

" Princess " A ti leh dut ṭhina chhang duh tawhlo in phone ka khawihsan ve hmak

" Kalsawn teh kamu duh ania " Min hnaih setah alo ṭhu ve renga

" Ka ngaihsak loh vang che anilo ka tih kha " A malchungah ka duhlo chung min ṭhuttir leh a, ka tal bat bat chu hneh zetin min kuah bet hmiah

" I hmelchhe sia " Ka ti bak hlar

" I lungdum thei khawpa ka hmelchhe thei hi ka lawm" Dam thlapin ati a

" Inla ṭawngkam thiam ve bawk sia " Ka aw ki pawh ala nem hranlo, ahma zawng zawng khan min hrelo der hmak theia ka lawm lo hrim hrim

" Eng pawh hala ka mitah chuan i ṭha ber vek alawm " A ti leh ngei bawk, min bawl ve deuh khanglam amaw ni

" I mitah chauh alawm, kan kalna turah te chuan mi an tam dawn asin " Ka ti nang nang, min kuah beh run vangin a malchungah kala ṭhu reng. Min pawm peih phawt te chuan anuam ting ting animai alawm

" Tute mit lak nge i tum chuan " A ti ve mauha alawm hmel chiah tawh loh

" Tute mit lak ka tum vang pawh anilo, i ngai kawi anih kha" A sam karah ka kut rawlh lutin ka ṭham sak salh salh, Ka hmui ah a fawp leh zauh zela, keipawh ka lungawi lo rei hranlo, a bulah hi chuan tihtauh chi pawh ani velo azei lo lutuka tum loh deuhin kan nui chhuak leh ziah zel. Tlaiah chuan dar6:30 ve red carpet nang hman turin kan room ve ve ah kan insiam a, Kan product launch ni a Tlau Fashion company lamin min present ngei mai vawikhatmah kala hak chhuah loh chu ka ha a, a design simple leh zahawm ru deuh si chuan ati mawi khawp mai. duh thuthala ka hmai ka chei zawh hnuah ka lan san ve deuh theih nan Heels ka bun ve bawk, Tetakte ni mahila pheikhawk sang te hi ka ngaina leh miahlo a mahse, ka lei ve ziah tho

" I va chhelo ve " Room aṭanga ka chhuah chuan alo inpeih diam tawha, coat suit nen a induang ve zaih mai

" Nangpawh " Ka chhuak kha minlo en vung vung a, ka biakna pawh min chhang mailo

" Ka lawm e " Bialpa te mitah ka ṭhat a ka mawi chuan chu tluk a awm chuang hleinem, a car in Tlau Company kan pana Hall hawh hran tawhlo in Company building ah show an buatsaih mai ṭhin, Kan thlen ve meuh chuan company kawtah ringawt pawh anlo zi nuai nuai tawh, Motor a park fel hnuah kan chhuak ve a

" Red carpet ah thla kan la ve dawn em? " Ka tih chuan

" I duh lo ami? " A ti daiha

" Duh e i duh loh ka ring zawka " red carpet ah chuan thla kan la dun ta ngeia, midang in min nghah ve avangin kan ding rei hranlo

" Fela " Hmeichhe pakhat hmel fai veng mai hian kan lam alo pana, anuih sang reng vang nge ahmel chu hmuh anuam

" Dandan " Fela pawn a hria aniang kan bul alo thlen rualin ahmingin a ko ve thei tlat

" I lo kal ka ringlo ania " A ti a, keichu min la hmulo nge min la en velo hrim hrim

" Ka lo kal " Fela'n atih chuan ka nui chhuak ṭep ani, ṭawngkam athiam loh dan hi chu aw, biak zui vak dan ahre bik talo nge ka lam chu alo hawia, biak dan tur hre heklo kalo nuih heu ringawt

" Hei hi " a ti hman chiah ' Ka bialnu ' Dandani atih nu sawi zawh hma hmain Fela'n alo ti vuta

" Bialnu i nei maw! " Mak atih hmel ngang mai, Fela chuan ka darah a kuah ta kher

" Umm ka bialnu " a ti nghet charh

" Nakinah kan in hmelhriat ṭha dawn nia, a chhung kava enpui leh lawk ang e " Tiin min kalsan a, Show ṭan ahun dawn tawh avangin keini pawh a chhung lamah kan lut, a chhung decoration pawh a changkangin a cial hlak. Mizo ten show lian leh te kan buaitsaih apianga kan telh ngei ngei ṭhin Zai mite, a hmasa lamah zai kan ngaithlaa mizo hi rimawi ngaina deuh hnam hi kan ni ve reng reng. Aṭhen hi chu zaithiam lutuk tia sawi tur nilo zai thei pangai music vedeo han siam tawp te hi an awma, music vedeo lah nise a ngam sexy apiangte'n en an hlawh ṭhin, an zaithiam lutuk vang pawh ni hranlo hian mahse, an thei a, an duh a, an nun ani bawka engtin pawn awm se ka chawm anni lo a ka sawi theih a awm chuanglo.

" Fela, nakinah i bialnu chu lo la lenpui la " Show a zo tawha, mit atlaiin beng pawh a tlai khawp mai, zanin a zaimi an sawm te chu keipawn an zai mimal taka ka ngaihthlak peih chin ṭhah live pawha aw cial em em te an nia, ngaihthlak pawh anuam. Hawn vat vat ka duh tawh a, ka ke ana tawh bawk si pheikhawk lah phelh daih chi ani bik silo, ka bag pawh Fela ka khaitira akhai peih ka rin loh nen akhai kual ve char char

" Amah sawm ta che " A ti hleuh leh nghal, Show ṭan hmaa kan hmuh Dandani kha kan bulah alo kal leha, Zanina Design an pho chhuah hi ama design leh Company neitu Pu Imanuela Nupui te design bil ani a, a nalh hlawm lutuk ani tawp

" I hming pawh kala hrelo a " A ti a

" Lalthansangi ka nia " Kan in chibaia 

" Laldansangi ka nia Dandani min ti rawh,i ai chuan ka upa dawna mahse, U telh hi ka duh vaklo " A ti bawrh bawrh a belchiang ila kawm anuam viau ang

" Saw i kid te " Dandani'n ṭawng leh atum laiin Fela'n ati a, a sawi zo deuh chiah ' Anute " tiri a awm nghal, Dandani pawh anui ve hawk alawm

" Fela, inhmuh ava khat ve " Pu Imanuela nupui Amelia chuan kan bul alo thlen rualin ati a, a fate pathum chuan Dandani an be buai nghal char char

" In dam maw? " A ti let ve mial

" Dam alawm, i lo kalpui hi i bialnu tih kalo hriaa " Dandani'n a hrilh hman ani chiang mai

" Ummm, anih hi " 

" Chhungkaw picnic kan neih leh hun chu lokal ve tawh rawh, I ṭhiannu pawh hi lo sawm vela " A ti zung zunga, be tu an neih ve sek avangin kei nen tak hei chuan kan inbe vak lemlo, Heels bun ngailo tih takah ka ke ana ṭhum tawha ka pheikhawk bunin ka ke hnung ala hrut pilh zui

" I va inhrem peih tak " Motor chhungah ka pheikhawk ka hlip a, ka ke pilh chu thip ve tak ani

" Inhrem peih pawh anilo, Khatiang show lianthamah sneaker nena kal chu atih chi hleinem " Ka ti hlak hlak Ani pawn a kawr chung a hlip ve tho sia, i inhrem peih kati kati ve chuanglo

" Flat te pawh i bun thei alawm " 

" Ka hniam em hi ka te bawk si, hetianga sang ka bun chung pawn i dar tlem in ka pel ve chauh anih kha " Ka pheikhawk chu a hmai bulah ka va lek kual khera, motor a khalh uluk bawk nen kati buai chu alawmlo khawp aniang a phun hluk. In kan thlenga ka pheikhawk chu khaiin inchhungah ka luhsan daih, Sofa a ṭhu der der chungin Fela lo lut chu kalo thlir, Amelia te khan present min pe veleh a, chumi khai chungin ka bag nen a coat nen alo lut bawr khawp mai

" Ka kal theilo, min pawm kual angai dawn anih hi " Ka tih chuan a nuih aza ve ngang mai

" I tan te chuan ka fit alawm " Ka hmaah adinga a intisek ve deuh ngei, ka nuih ar ar a ka hmaa intih sek kual vel chu a zeilo lutuk 

" Present dawn hi anuam dangdai hrim hrim " Ka present dawn chu ka thlek kuala a chhunga awm pawh kala hre chuanglo, Paper bag nalh deuhah an dah thlapa

" Vedeo in minlo cover teh, Ig lamah ka story ve duh " Ka phone ka pe a, peihlo hmel pawh pu chuanglo chuan alo in reday veleh thlap, ig lamah hian reels ka siam ve ṭhina followers pawh mizo ang ah ngawr ngawr chuan a ngah pawl kani, ka te na vang vang hian lam te hi ka zei phiana ka hmel lah chhe lutuk ani biklo nen, kain fak leh lawk anih hi. Vedeo chuan min laksak a keiin ka thildawn chu ka hawng a ka hawn pahin ka lawmzia te ka sawi pah luam, tihian ig lamah story ah te hmang ve ila anuam ve mai mai alawm

" Pu Imanuela te nen in in chhung tiraw? " Kan inthlak fel diam tawha, ka room pawh a hnawk leh nuai tawh, uluk deuha ka insiam chuan ka khum vel ka ti hnawk vek zel, mut hun viau tawh mahse, common room ah kanla ṭhu duna engmah phei chu kan sawilo

" Inchhung hnai tak kan nilo, kapa pa leh U Imanuela pa pa hi unau " A ti a, asawi dan takah an inchhun dan chu ahla anih chu mahse, an biak danah khan an ngainat hmel viau bawk sia

" An ngainat hmel che sia " 

" Ka fel alawm " A ti khanglang a eilo zetin ka ner khum nang

" Inneihna ah chuan ilo kal ve hmanlo ang tiraw? " Naktukah kan khuaah ka kalsan tawh dawna, ani chuan chawlh anei ve thei pawn ka ringlo

" Ka lo tum ang, kalo kal theih aiin theih loh ka ring zawk " Ati a, lungloh ah ka la hranlo

" Nangmahin karkhat chhung ilo awm rak rak anga ani mai alawm " Ti uang in ka nuih pah vur vur, Fela chu anui ve duh miahlo 

" Nui lo mai teh " Ati nghut, zing aṭanga in hmu reng kan ni si a ka ngai viau zawk ang, a tello a han awmhran thut chu a hrilhhai thlak viau maithei ani

" Ka ngai viau ang che, ka ṭhiannu vang bakah ka chhungte ka ngai ve tawh sia " A malchungah ka ṭhukai tharha min lo kuah nghal chial, hmeichhe te chi ka ni bawk nen min pawm hneh ṭhin khawp mai 

" Keipawn ka ngai dawn che " Ti rilruih in dam dapin min fawp a, keipawn a nghawngah ka kut rawlh lutin ka chhanglet ve vat, zanin ang hun thawl hi karkhat chuang chu kan nei thei rih lo maitheia, naktukah ka zinsan daih dawn bawk si, zanin chu zan dang anglo takin a duhthawh ve lutuk, a kut pawh a chet ve hrut hrut a, a kut ka kawr chhunga a zenluh rual chuan akut chu ka man nghal chat

" Princess " Min fawhna thlahin ka bengbulah min ko sup, a aw rik dan pawh adanglam vek

" Kan pahnih chiahin kan awm sia, ka chesual palh ang achi loh " A kut chu ka man lui tlat a, akut chu ala sawn duh bik ṭhaklo

" I uikawm hlemai " Na deuha min fawh nawk hnuah a inla hranga, rum deuhin ka melh infawh na na na chu a zei ve riaua mipa ho hi chu anlo mak khawp mai, dim lo deuha min fawh bakah ka hmui hnuai a seh tel kher erawh ka lungawilo

" Eng nge ka hmui i seh kher " Kati vin hlak

" I te na vang vangin i itawm ve riau mai " Ala ti zui amah lah chu a nui vur vura

" Mipa i nihna angin phurna te i nei ve thei alaw " Ka ti ve khera, anui tawp chiang asin nuih tawp tir kha ka tum ani hrim hrim, Tlai khaw hnuah naktuka ka ken tur ka thawnhmaw ka siam leh rih a, Fela chuan min mutsan daih tawh, mu turin kan lut tawh hrim hrima mahse, zinga insiam chawp ai chuan ka tia tunah ka insiam leh anih hi.

Kamu lai chu eng emaw vangin ka harh kawka, ka ṭhu chhuak nghal hlawl, Khua alo eng ut tawha rang zetin ka tho nghal sawk sawk

" Fela " Room aṭangin ka chhuaka Fela ka au pah bawk

" Ilo tho tawh maw " Ka hmanhmawh tawh tehlul nen Fela chuan hahdam hmel deuha sofa a ṭhu chung chuan min lo en rana

" I thawh hmat te chuan min kaitho ta che, zin ka tum tih i hre ve reng sia " Ka ti tan tana

" Min kaitho rawh iti silo alawm " 

" Ka tih kher angai hleinem, ka thawh tlai chuan min lo kaihthawh maitur ania, tunah te chuan sumo chhuah fel ahun daih tawh alawm " Dar8 ari ṭep tawha tunah chuan eng sumo mah akal tawhlo ang, Lalruatfela lah chu anui mai mai leh nghal

" Zin leh lo mai rawh " Ala ti zawk leh nghal

" Ka zin ngei ngei angai alawm, vawiin ah ka kal ngei ngei angai bawka " Ka rilru abuai map tawh mai

" Eirawng va bawl phawt teh " Mi mah rilru buai nak laiin 

" Ka ning ka hmanlo, kan khua kaldan tur ka ngaihtuah angai ve alawm, U Vana hi kan be chhin ange ka ticket min lo sawn sak mial em tih te pawh zawh angai " Ka tihsan daih Lalruatfela hi ka ngei tlat alawm min kaihthawh ve mai tur ania ti anglo lutuk mai ngaihtuah chian phei chuan keh nawk nawk a chakawm mange

" Biak angailo " A tho vuta choka ah alut daih

" Ka be awm emai " A hnunglam chu ka melh rum vaka asawt lem hleilo U Vana chu ka call a, motor a khalh vang nge ala mailo

" Uvan tukin kha thawh ka haia, ka ticket kha min sawn sak mial em? " Phone a lak rualin kati zung zung

" Sawn sak nang i refund sia midang kan pe daih alawm " Alo ti lung lung, ka refund awm ka hre silo a

" Avan mak keimah chuan ka refund silo a, midang nen i hriat pawlh aniang " 

" Ngawi teh mipa pakhatin minlo bia a, i hming pawh adik vek alawm, alo refund sak che a " Signal a chianglo bawk si aṭawng pawh a chianglo ' Aw le ' Ka ti a ka dah, tu in nge lo be ve ringawt ang le. Ka ngaihtuah vung vung lai chuan thil ka hrechhuak thut, rang zetin choka ah ka tlan phei a

" Lalruatfel, Ka sumo ticket min refund sak ami? " Ka ti a, min chhang duh mailo lehnghal

" Min chhang teh " A bana ka chelh takah chuan min en zawkin

" Refund e " A ti a, a thil tih ngai bawk atihzawm leh

" Tinge ilo refund " Ka ti vaka ka au ring bawk aniang aphu leh zawk

" I dawih bawk si " Ka ti tel leh hrama

" Chaw eikhamah kan kal dawn nia, au chiam chiam ṭhin suh, kan ṭhenawmte sawn bengngawng i awmpui amaw anti ang e " A ti teh duaha 

" Ilo kal ve dawn mi? Anih chuan khawnge Uite hi kan dah ang " Ka ti hu thung, nizan thleng kha chuan kalve tum ang pawn a awm silo a, Bakah Little princess(Uite) hi hruai ve chi pawh anilo

" Kal ve dawn anih hmel, Little princess te chu kan hruai ve mai ang chu " Ka hmui ka tih pawrh khum vak ringawt, ṭha deuh te pawn min hrilh ve mai tur ania ka thawhhlim aṭangin mangang tawkin ka awm a, mahni tawkah ka rilru abuai ve nen 

" Atir te khan min hrilh ve maita che, Uite chu hruai chi pawh anilo Lalai te bulah kan dah mai dawn nia " Lungawi lo deuhin kati a, chair ah ṭhu in dawhkanah ka bawk thlawp engmah asawi buai biklo. 

" In professor in chawlh a phal ami? " Motor ah kan bag a dahluta asir aṭangin kalo thlir dauh dauh, Little princess pawh Lalai te bulah kan daha anlo la lawm em em leh nghal

" Ka bang tawh mai ang, i bulah ka awm duh bawk sia " A mit ko ati che ralh

" Tak tak ami? A phalloh te chuan lokal ve kher angai hleinem " Ani pui hi an professor phallo chung alo kal lui veleh tak tak aniang

" A zin alawm " Kawngka ahawnga alu a thle zeuh, keipawh chu ka lut ve nghal maia

" Tu nge zin " 

" Professor a zin chuvang chuan hahdam rawh " Zawi muangin in kawt aṭang chuan a tawlh chhuak riai riai a, min tih hlauhthawn hi athiam ve hrim hrim

" I motor hi i long run pui tawh em? " A khalh dim in a uluk bawk si 

" Aih "

" I muthlu vel ang e aw " Ka tih chuan min chhanglo, a khawhar hlauin ka ṭawng deuh sek a, ka khalh chhawk thei dawn silo ala long run ngai loh phei chuan a chau viau ang, a khat tawkin kanu ten kan thlen chin zawtin minlo call ve reng bawk

" I chau tawh em? " Kan khua kan thleng ve ṭep tawha, zun ram thiara kan chawlh bak chu kan ding vaklo

" Chau lo e " A ti maia mahse, a mitmeng erawh a chauh hmel viau 

" Kan khua kan thlen veleh i inbual fai anga, i mu hahdam daih dawn nia " Ka ti a, kan tlan lai chu vedeo in ka cover zeuh zeuh, Nikum christmass khan kan khuaah ka hawng lo a, kumthar erawh ka hmang hram thung, kum laklawhah ka hawng ngai talo bawka tunah kum2 dawn hnuah ka hawng veleh ta chu ania chutah ka bialpa nen ala ni zui, a nawm dan adanglam ve tlat

" Ava chhe ve " Kan khua kan hnaih telh telh a, kawng khawkrawk atam leh tulh tulh, a khat tawkin Fela pawh a phun leh hluk ṭhin

" I duatpuia hi i khawngaih em? " Ka tih fiam chuan anui ve tawp, kawng khuar leh ṭiṭeuh bakah ala khu em em zui 

" Mizoram kawng hian ṭhatlam hi apan thei thlawtlo anih hi " Kawng chhe zual kan tlan apiangin kati a

" Ram aia pumpui hmangaih zawk ram hruaitu kan nei a, Mipuite hi phun phun ṭhin mahila kan pawimawh hun inthlan alo thlenin hamṭhatna leh nihlawhna tur eng emaw min tiam chuan kan nem leh duai duai zel " Ati a, thil hi asawi ve mi mai ngailo a mahse, a sawi ve duah tawh hi chuan a dik thlup zel.

" Rin aiin inlo thleng hma " Kan khua kan thlenga kan in kawta motor a tih din rualin kanu alo lang nghal

" Kan lo thleng tlai zawk alawm, ka driver chhawr hi a speed amuang lutuka " Fela en zauh chungin kati a, alo hrethiam aniang a kiai ve suk

" Tun angah te chuan Motor vei vak an tam tawha, chetsual ahlauhawm alawm tlanchak lutuk kha aṭhalo zawk" Athlavang an hauh nghal em em khawpa

" Fela lo lut rawh, in bag kha chu Bawiha leh Sangi khan lo keng lut rawh se " Ti zung zungtu kanu chu ka melh rum vak, Ka nau in motor hnung a hawnga kan bag alo la chhuak a ka lo khaipui vat 

" Kalo khai ang e " Fela'n ka bag khailai chu min chhuha, inchhungah kan inzui lut, inchhung kan luh te chuan ka awm bo rei tawh si ka inla mikhual deuh tlat

" Bawiha, Bag kha i u roomah dah ve ve mai rawh aw " Kanu'n ati a Fela chu Sitting room ah inchhung kan luh rualin a hruai nghal daih, kan unau chuan ka room ah kan inzui lut a, thil reng reng chu ka remdan vekin alo la awma, anla danglam lemlo ka luahlum lo ve khawp mai ka khawngaih

" Pasal neih i hnaih ve ta deuh ami? " Nui ṭhaw chungin Ka nauin ati a, khumah ka ṭhut tete hnuah 

" Kalo ru ve daih mai thei ani " Ka tih chuan anui chhuak hawk

" Kanu'n aṭhianpa nen anlo kal atih khan mak kati deuha" 

" Kanu pawh hi engtin nge ka bialpa ani tih te alo hriat leh hman ni " Kei phei chuan kan in ngaizawng tih kala hrilh lo hrim hrim ania

" Nimin ah Liandingpuii alo leng alawm " Ka nau in atih chuan Liani sawi ani tih ka hrethiam nghal

" Ava ṭawngthei e aw " Ka ti ringawt

" U puia nen in inneih mai ka ring ania " A ti leha, kan khuaa mi ten kan in ngaizawng tih an hre deuh vek ka tih kha, kan in ngaizawng rei ve thawkhata ka nauin kan inneih mai a ring pawh hi a awmlo hranlo

" Sawi tawh teh suh ka ning ania " Ka ti hlaka angawi ve mai bawk

" Nau pathlawi ka nei ta mai chu ania, khawvel hi alo mak anih hi tiraw? " Ka nui pah vur vura Naua pawh a ṭhen ṭha reng mai

" Pathlawi ni tur hian ni 2 bak alo ngailo " A ti a kan nui dun hak hak, room aṭangin kan chhuaka Fela chu kanu bulah fel at in alo ṭhua 

" Inbual faila Liani tein ah te va tei phei ve zuai ila nge inbual hmain kan kal ang " Ka tih chuan min en a min chham atum lai takin 

" Inlo thleng tawha zanah pawh kal ula eng nge pawi, tunah te chuan Fela pawh a chau ve rih ang chu " Kanu'n alo tih khalh leh zung zung tawh

" I nu sawi chu aṭha alawm " Fela'n ati dam thlapa, kanu thusawi hi hnial nuam atilo ṭhin, a polite lutuk ṭhin hi chu abuaithlak mi thusawi zawng zawng hi zawm kim vek atum ṭhina

" Chu pawh nise lo inbual hma rawh " Tlai deuha inbual chu a damloh leh phah ang tih ka hlau 

" Ni e, Fela inbual hma rawh zanin te chu Ṭhalai inkhawm zan ania lo thleng chiah mah ula in inkhawm ve ang chu " Kapa'n ati a, ka peihlo nghal 

" Kan lo thleng ve chiaha inkhawm nghal te chu apianthar ṭhat thlak e " Ka ti niah niah, nilengin motor kan chuanga zana inkhawm leh nghal te chu a

" Bawrh bawrh che hian, ka thu chu zawm mai rawh " Kapa'n ati hmuka, Fela chuan nuamlo ati deuh nge ading hluaia 

" Ka va inbual ang e " A ti a akalsawn nghal nulh, room awmna pawh a hre awm tawp silo, ka zui ve nghala ka room awmna chu alo hredik ve tlat

" Nuamlo iti em? " A bag a hawn lai chuan kati a

" Anuam kati min ngaihtuah suh " A tia a

" Khawilai nge bathroom " Towel a bata athawmhmaw hak tur a keng va bawk, Bathoom awmna chu ka hrilh a

" Lo inbual la kanu eirawngbawl kalo pui ang " Ka tih chuan abu nghat nghat, kanu eirawngbawl chu ka pui a, kanu hi chu eirawngbawlpui vak atheihloh, hnawk minti tlat zela min sawisel chhen zel. Fela nen kan chungchang asawichhuak miahlo chu amak kati ru deuha mahse, ka lawm zawk nu te bula ngaihzawngte chanchin sawi reng tehi anuamlo a

" Nu, chaw hmeh siamtam ivan tum em em " kanu eirawngbawl chu ka thlira, ka chetpui velahin ' kalsawn teh i hnawk ' a tih leh chhen tawh avangin chairah ka ṭhu leh tawp tawh

" Fela alo tel ve a ho lam deuh lo hmehpui chu atih chi bik loh alawm " A ti 

" Hmmm, Fela vang maw? Keimah chiah ni ila i siam dawnlo tihna ami? " Lungawilo deuha ka tih chuan

" Nangte ngaihpawimawh vak i ngai ami " Ati anih chu alawmawm tehchiam lo khawp mai

" I sual e a " 

" Ipa'n zanah inkhawmru atih kha ilo tumlo lui leh tlat ange " A ti leh daih tawh

" Ka chau ve asin kan lo thleng ve chiaha Fela pawh achau ve ang, inkhawm nghal ru tih ringawt " Kati hlak hlak

" Nangmahin i inkhawm anga Fela chu inah lo awm mai se" Kanu'n ati a,

" Angailo, ka awm loh chuan nuamlo ati ang " Kati ve tlat

" Engpawh nise chaw te han ei phawt ila, inkhawm kan sawi dek deka i huphurh nghal em em ringawt mai " A ti leh hmuar hmuar tawh, Aizawlah chuan ka inkhawm ngailo tluk ani a, mahni khua lo ah chuan kohhran lama active viau te hi alo har ve tawh tlat zel. Fela inbual zawhah ka inbual ve a, ka inbual zawh hnuah kapi leh chhungdangte ka hawng tih hriain anlo leng lut a, an hawn meuh chuan chaw ei ahun der tawh, Chaw kan ei a kanu leh kapa in Fela chu zawhna chi hrang hrang an zawt chhen a, Mampuia nen chuan kan eilo dun vel lutuk, kanu chu ka khap zeuh zeuh a kapa erawh ka khap buai peihlo, ban charh hian zawhna hi a zawt chuar chuar zel.

" Inbual leh inkhawm te chu a inchhir awmloh an tih kha, in in khawm ve ang chu tiraw Fela " A kham dawnah kapa'n ati leh hrama, Fela'n min lo en chuan kalu kalo thing zeuh

" A pawi hleinem " A ti daih a, kapa pawh a lawm hmel vur vur khawp mai, Aizawl ah pawh kan inkhawm ve zeuh zeuh tho a kei ai mahin Fela'n inkhawm ataima zawk.

" Kapa hi chu ka ning tlat alawm, kan inkhawm ngailo pawh anilo, kanlo thleng chauha inkhawm nghal ru tih te chu " Kapa choka aṭanga chhuah hnuah ka ti nang nanga

" I peih loh te chuan inkhawmlo la ani mai alawm, Fela te chu Bawiha nen pawh an inkhawm thei alawm " Kanu'n ati hlak hlak, Mampuia leh Fela chuan ngawi rengin chaw an ei mial mial a, kapa kham hnu lawkah an tho ve nghal nulh

" I puar ami? " Ka tih chuan a dul akhawih zeuha, ka nau nen kan nuih tawp

" A duh ve tak tak che ami? " Ka nau leh Fela chhuah hnuah kanu'n ati leh pek a, min duh velo se engtin nge in ngaizawng se mintih ni

" Min duhlo se kan in ngaizawng dawn mi? Mi duhlo chung ngaizawng ṭang ṭang chi pawh ka nilo " Ka chaw ei ati kir vek dawnin ka hria

" Vak vak che chuan, in mizia a in anglo em a ka zawt mai mai che alawm, i aw ki hi san vak zel suh " 

" Mize in anglo tih ringawt " Ka kham hnuhnung bera, ei hmun ka tihfel vek hnuah, inkhawm tur chuan insiam ve chiah ila animai alawm, ka chhungte hian inkhawm ka mamawh viau turah an ngai pawh ania nge

" Inkhawm chu i peihlo em? " Room ah Fela alo awm kura

" A remchan laiin kan inkhawm ve ang chu, nangpawh insiam rawh " alo ti dam thlup

" Ka chau " Khumah chuan ka mu thla hnawka, rei pawh ka mut hmain Fela'n min tung tho leh nawlh

" Nu leh pa thu awih aṭha " A ti a, inkhawm ka tumlo pawh ani tawp silo, Puan ka bih peih loh avangin kawrfual ka haa kanu emaw kapa chuan min sawisel veleh mai thei ani

" Puan bih tur a awmlo ami? " Kha maw kanu'n alo sawi leh chat hi, a sawi kual leh duah hmain Fela chu ka chhuahpuia, nui ṭha chungin Mampuia'n min lo zui chhuak

" Kanu leh ka u hi chu an awmdun loh in an in ngai a, an awmdun lahin an inngeih bawk silo, an hahthlak ania Ufel hrethiam rawh aw " Mampuia'n kalkawngah ati ve ngeia

" Kawrfual hak hi anuam a, kalo ti ṭhang tawh bawka sunday tukah chuan nise ka ha biklo ang " Ka la insawithiam ve tho

" Ehe " Kan kal laklawh laiin ka ding thuta

" Eng nge, diklo a awm ami? " Mampuia'n ati vat

" Dar ala ri bawk silo a, tinge kan kal hmat vak " Ka ti a, kanu'n min hauh ka hlauh vang khan ka chhuak ve nghal ringawt kha ania

" Ni reng asin nangmah i chhuak daih anih kha " Ka nau chuan ati nghat

" Kanu khan min hauh leh chiam ka hlau alawm " Sawi lai mek mekin Dar chu ari ral ral, inthurual ang hrimin kan nui chhuak huk 

" Waii, Sangi ilo hawng alaw " Biak in kawtah chuan hmelhriat anlo awm ve ṭhap

" Umm, vawiin ah kan lo thleng " Kan in chibaia 

" Hehi Fela ka ṭhianpa anih hi " Fela pawh chu ka hmelhriattir ve nghal zel, Ka bialpa tih bawl bawl kha azahthlak ve a mahse, rindan an nei thiam leh vek tho ang

" Inkhawm ban lamah kan la inkawm ṭha hlawm dawn nia" An ti a, biak in chhungah kan inzui lut a Fela chu ka nau nen an ṭhu tlanga an thlang deuhah ka ṭhu ve bawk, ka inkhawm khat ṭhin bawk si hla thiam chhunte pawh ka theihnghilh zo mai dawn alawm, inkhawm arei hranlo a mawng pawh akham hmanlo

" Liani pasal neih dawn vang ami ilo hawn " Inkhawm kan banga pawnah min lo be ding veleh

" Ummm, neih atum ve tlat tawh bawk sia " Ka nui hak hak a

" Lalthansang, pasal ilo hawn alaw " U Mazira'n min lo kuah thuak pahin ati a, U Mazira hi pa phawk ve deuh ania nupui fanau pawh anei duah tawh, ahma aṭang tawhin min fiam peih a min kuah thuak thuak te hi achinga achang chuan ning in vin hrep mahila anui huah huah zel

" Anih hi palai min kalsan rawh aw " Ka lo ti leta kan thawm hre pha chin chu an nui dar dar

" I letling ṭhin sia " A ti a amah ber ber chu anui uar uar ah aṭang, a kalsawn hnuah pawh kan la hawng theilo midangin min lo be nghal zela hei hi ania kan khua hawn nawmna chu, min ngai dera kan hawng min anlo lawm ve ṭhin hi an thinlung tak anilo pawh ani maithei mahse, hriat anuam ve hrim hrim

" I cham rei dawn em? " an tih chuan 

" Karkhat vel chu ka cham ang " Ka ti a ' iva cham rei dawnlo ve ' An ti chiam zel

" Liani tein ah tlang ila, i peih mai em? " Biak in aṭangin kan hawng meka Naua chu aṭhiante'n an koh avangin kan rualin akal tawhlo 

" Khapa khan tinge a kuah che " Ka zawhna pawh chhanglo chuan ati hmuka

" Min fiam ve anih kha " A lungawi loh leh ka ring reng a

" Khatianga kha infiam dan tur anilo " A ti leh hmak, sawi tur pawh ka hre tawhlo e a

" Ahma aṭangin khatiang khan min fiam ziaha " Ka ti nawi niai, ngawi ngulin a kal a biak zawm pawh a inthlahrunawm tawh

" Khawnge i kal dawn " Ka tih chuan akal lai ading data

" Liani tein ah iti ani lawm ni? " A ti hmuk

" Khalamte chu Liani te inkawng ani hleinem " 

" Kawng hretu inia sawita che " A ti leh khauha kawng hre hleilo zawh pawh min zawtlo in a kal mawp mawpa ka tan pawh sawina hun a awm reng reng hleinem

" Min zawt ami? " 

" Kalna tur chu sawi rawh " Nelawm loh deuhin ati leh, ka inkuah tir pawh ani tawp silo a thikthu chhe lutuk mai

" Ka duh vang renga min kuah pawh anih loh kha " Ka ti a, vei vak an awm vaklo bawka ka tia abanah ka chelhsak

" Inveng ve rawh " Dam deuh zawkin ati a, a thinrim vak tawhlo tih ka hrethiam Liani tein kan thlen chuan kawt velah mi anlo awm nak nak 

" Hello guys " Thawveng zetin ka ti lut ham hama mahse, Sitting room velah chuan puitling ho anlo ṭhu ṭhap, ka zak leh deuh bawk si chu Fela banah ka sih vak ringawt, inchhung a mi ho chuan minla nuih dar dar leh nghala

" Lalthansang choka lamah kan awm " Liani alo au lang lang a, ka zak kual vek tawh

" Vawiin ah maw ilo hawn Sangi " Liani Pa Pa ṭhaa'n nui huah huah chungin ati a

" Umm, in dam ṭha maw " Ka polite kan chhuah leh lawk ang e

" Dam ṭawk ṭawk e, in hmuh a khat ta bawk sia, ila harh ṭha reng erawh alawmawm " A ti a, lo awm ve ho chuan an lawm ngang mai, Choka kan luh ve meuh chuan Liani'n min lo nuih char chara

" Bro, ka tactic hrilh che chu athawk ṭha em? " Malsawma'n Fela kuah thuak chungin ati a

" Min beng thlu tawp lo chauh alawm " Fela'n atih chuan Malsawma anui vak vak

" Eng tactic nge " 

" In hriat ve chi loh " Ala ti hmak zui

" Hello guys ilo ti lut ham ham chu a fuh chiah na nge " Krossi Liani nau in ati a

" Nutling leh patling vek alawm awm " Ka ti nang thawveng lutuka ka ti lut ham ham kha ka zak ve reng, puitling ho hlir anlo awm ka ringlo a ka uang veleh pah hrim hrim kha ania

" Min lo en ṭhap sia ka zah zia aw " Min la nuih uar uar leh nghal

" Thansang, in inkhawm maw " Liani te ho nen kan titi mawlh mawlh laiin Malsawma'n alo ti leh vaka, an lam ka hawi chuan Fela nen kan la inmelh chiang em em leh nghal, a hawisawn leh nghal mai dawn emaw tih laiin ahawisawn mai lo a

" Inkhawm e, kapa'n inkhawm rawh u minti tlat alawm " Fela'n min en reng avangin lai zeta hawisawn pahin kati a, min en vung vung chang hian ka lai leh ṭut zel

" A taimak thlak e " Min nuih leh vak vak

" Taimak thil pawh anilo, nu leh pa te thu hnial hi alo har anih hi, reng rengah naktuk zan atan in la inbuatsaih lo emni? " Ka hawi kual thuaka Choka aṭang chuan hawikual thui ahar ngei mai

" Sitting room te saw i hmu ve khep khup lo ami? kanla siam zolo a kan chhunzawm leh dawn, inlo kal fuh khawp mai min pui ve nghal anga" Liani'n ati a, Kan luh tirh khan ka zak lutuka ka hmuchianglo hrim hrim

" I phakar e a, i ṭhiana ṭang tur ringawtin kalo hawng " Ka tih chuan min ner khum nang nang, Fela pawh Malsawma te ṭhian ho bulah a tlei ve khawpa, keipawh Liani leh anau bakah Chhuani te nen kan titi khawma, kan nui ring ṭha thei khawp mai, abikin Chhuani leh Krossi an nui ring zual

" I bialpa saw a hmelṭha e " Chhuani'n ati sur sur a, ngawi ta mailo in Liani lah pek chuan

" Fela, Sangi thlak tu tur hi i duh em? Hei i duh chuan kawh hmuh tur che ka hria ania " A ti leh peka mipa ho pawh an lo hawi phei ṭhap, Liani chu Chhuani'n a nam pawpa ' I mawl thei sia ' A ti hlak, Fela chu a bang bo leh khawpa 

" Sangi chu thlak ila duh lo deuh ami? " Liani'n ati leh hram

" Liandingpuii pasal nei tur hi a chiang tawh tlat lo " Ka tih ve chuan ' Ehhh ' Liani'n alo ti leh

" Eng nge " 

" Midang sawi hmuh chu i phal chiah nange " Amit ko a san zeuh zeuh a, a pasal nei tur hi a phur tak tak ani

" I sawipui kaw theilo ang " Ka ti chu an nui dar dar

" Liani leh Malsawma phur lutuk hi engtia tih chi nge mawni? Liani Malsawma hian Lawiṭhat zana a chetdan tur azir ṭhin ania aw " Duhsanga'n atih chuan Malsawma'n a hnek nghal chawrh, Midang zawng za zetin kan nui a

" Duhsanga mawlzia hi, tak tak emaw anti leh vek dawn anih hi " Malsawma'n ati bul bul

" Tak tak ani reng alawm " Duhsanga lah chu ngawi mai duh ṭhaklo 

" I daw thei lutuk " An inhnial chu ani der

" U Liani pawh a ngawi hmak alawm, a huphurh leh deuh aniang " Krossi'n atih chuan Malsawma te inhnial lai pawh an tawp chat

" Liani ati mai mai anihkha " Malsawma'n ati zata, kan nuih vur vur, Tui in turin ka tho a fridge bula Fela lo ṭhu bulah chuan ka ding

" Hreawm iti em? " Ka ti leha hreawm atih hi ka hlau em em mai ani

" Min ngaihtuah ami? " Min nuih suka ahmelṭha thlawt alawm

" Ngaihtuah loh che in " A biangah ka khawihsak zeuha

" A nuam kati " A ti a hreawm ti hmel a pu lo bawk, nuam ati ve tak tak aniang, Tuna ka hun hman mek hi ka hringnun ah atel ang tih ka ring pha ngailo.

Cont..