Lunglawm Tikimtu chapter -13

 " Puitling ho an ṭin ṭan tawh ania, a tlai chhiat hma hian kan tihtur chu ti thuai teh ang u " Krossi'n atih chuan inthurual hlawm ang hrimin kan tho suau

" Banner vel chu naktukah pawh tar ila apawilo, a zualpui zanina kan tih chuan atawk reng " Liani'n ati a, inchhung chei kual vel leh pangpar khawite hi chu ka chemkalna ani miahlo

" Fela, Inchhung decorate hi ithiam viau anga, i thiam hmel ka ti tlat " Duhsanga'n ati a, rang zetin ' Athiamlo iti anglo emai ' Kalo tihsak zung zung, a thiamlo anga an thu hnial hrehin hreawm deuhin alo awm ang tih ka hlau

" Thansang nangmah kan zawtlo che aw, i bialpa hi hauh vak suh " Malsawma'n min la ti zek leh nghal

" Fela kha in duh duh tihtir ringawt su, nangmahni kha buai rawh u " Liani'n ati bawrh bawrh, Liani te pui turin nula ṭhenkhat anlo lut ve zela kan ri luih luih tawh mai

" Fela khan hreawm atih chuan duh leh hawng phei daih rih mai ru, avaneihthlak min pui tur anlo kal hlauh a " Liani ka bengbulah alo phun sar sar

" Khawnge amah pawh a awm ka hriat loh hi, nuam ati rih aniang " Ka ti ve maia, nichin aṭang khan ka hmu leh mai tawhlo, Malsawma te ho nen an awma ka ngaihtuah zui duh talo, hmeichhia an han awmkhawm deuh hi chuan tu emaw chanchin hi an sawi ngei ngei tih takah keini ho awmkhawm pawh vengthlang tleirawl chanchin daih ani kan sawi leh ni

" Mipa abiak dan reng reng hi a ngampa tlat, a rai har miahlo ang " Tih angreng an sawia, hmeichhia kani chung hian hetiang hi chu ka tuipui vaklo, mi chanchin sawi hman in ka khawsa ngailo bawka hetiang kawngah hi chuan ka fihlim ve tlat. Bakah midang chanchin an nunram kan hriatthiampui loh sawi sek pawh hi ka duhlo, keihi tuman ka nunram chhiar se sawi se ka duh loh chuan keimah hian mi chanchin ka chhiara ka sawi sek loh hi aṭha ber ahim ber bawk. A zualpui kan zawh chuan nula lokal ṭhekhat chu an hawng a, Saipuia nau Awmawmi leh aṭhiannu Esi te hmeichhia ah chuan anla awma, mipa chu Malsawma te ṭhian ho ani mai, Malsawma ten Fela an nawr tlata Fela pawn man hlanna a lokal te lawmna tur thu ziakin ala buai khawp mai, a uluk ṭhin si a ziak rei leh ngawt ang. Pangpar khawina bawlhhlawh te chu kan ti faia, tih tur vak pawh a awm tawhlo

" U Sangsang, Saw saw i bialpa thar maw? " Fela'n uluk deuha thil aziak lai chu Awmawmi chuan a kawka

" Umm, anih saw " Bialpa tih lawl lawl hi kala zak tlat, Fela ka zahpui lam nilo in 

" Ka u nen in inṭhen tih kan hre ve chiaha, i bialpa ilo hawnpui nghal thei ania " Awmawmi chu anui vur vur renga mahse, a thilsawi dan ki chu ka hrethiam ve reng

" In hre har anih chu kan inṭhenna arei tawh alawm " Ka ti ve kher bawk

" I rilru a let hma hle mai " Ala ti ṭalha ka nau ai pawn anaupanga khin vak ka tum hranlo

" Sangi, Fela hi lo ṭhutpui tawh rawh hei aziak ṭha thei tawh tlat lo " Isaka'n alo ti lung lung

" Isak, i over hmelchhia aw " Ka tih hlak hlak chuan anui ṭhaw leh nghala

" Malsawma te zawhah tive nghal huk ula aṭha ang " Ala ti zui hrama, ka ngaihsak zawm peihlo

" U Liani hi chu i rilru a nghet e i vannei bawk si " Awmawmi chuan ati lar lar a, nichin aṭang tawh khan an phun sep sep renga, an sawi hriat theih siloh in, an ngeiawm ve khawp mai 

" Ka rilru hi ka sawhsawn hma thei lutuk min hre chianglo mai mai anih kha " Liani'n Awmawmi ṭawng dan ki chu alo manthiam nge fiamthu mai maiin a chhanglet a, Awmawmi te ṭhiandun chuan awm nuam anti vak talo aniang an hawng harlo

" An la naupan nen mi khei zawngin an la ṭawngthiam ve em em lehnghal a " Chhuani'n ati nghal hlak hlak, sawi zawm puilo in Liani nen chuan kan nuihpui mai maia

" Naktukah chuan chet arem vak tawhlo anga, zanah in peih diam pawh hi aṭha reng " Liani nu in ati ve a

" Nia, zaninah a tam zawk zawh theih kha aṭha " Ka tihpui ve vat, tunlai angah chuan man hlan hun pawh programe pangai takin kan hmang tawh hlawm ṭhin a, Khawpui mite tihdan hi thingtlang mite pawn kan entawn ber ani ve miau tawha, ahma te chuan mawlmang takin man hlanna pawh annei mai ṭhin kha ani a

" Kan hun velai te chuan Manhlan chu sawi loh inneih te pawh kha ho lam tak khan kanti mai ṭhin a, tunah chuan man hlan te pawh ahautak tawh emai " Ngaihtuah lai mek mekin Liani nu in alo ti a, kan rilru a in ang hle mai

" Nia, Khawpui mite tihdan hi keini'n kan entawn ani miau si a, aṭha lam emaw chhe lamah pawh " 

" Ni khawp mai, aṭhalam aiin a chhelamah hian kan entawn nasa a " Nu Kungi(Liani) chuan ati leh chiar chiar

" I thiam ka ring renga ka ring suallo e " Malsawma'n atih hlut chuan kan titi laklawh laiin Malsawma te lam chu kan hawi ṭhap

" Ava mawi tak ve, Sangi ṭhian i nei fel hle mai " Nu Kungi'n ati ve nghal duah, Fela vangin ka hawisang vah thei dawn anih hi

" In ziak zo tawh ami? Zawh tawh chuan hawng ve tawh ila" An thil ziah en chiang pahin ka kal hnaia

" Ka kut kava sil lawk ang e " Fela chu choka ah alut a

" Sangi, Fela chu a ahming apu zo khawp mai, chut viau mahse, ṭawng tur awm ang ahrethiam " Malsawma'n ati ve ngei, ner nang chunga ka en tih ahriat rualin ka chalah min nam dawta

" Malsawmkim, min nam vak zel suh " Ka ti hlar, hepa nen hi chuan kan in ngeih rei theilo

" Fela thil itih tir avangin min tlawn anih kha " Ka ti chu a duhlo ngang mai

" Lalthansang i inti thei ve deuh ami? " 

" Aih " Ka ti thliam bawksi atawpah anui leh tawp, Fela alo chhuah chuan hawn inring deuhin kalo ding nghala

" I phone " A tih chuan nichina kan ṭhutna ah khan ka dah tih ka hreleh chiah ngaihsaklo rem rem asin

" Min lo nghak law law ru, keini pawh Liani hian min ning tawh ang kan hawng rual daw u nia " Duhsanga ten an tih leh tlat avangin kan nghak leh rih a

" Nupui ka neih dawn vang nge zan te hi ka hmu eng vekin ka hria " Hawn kawngah Malsawma'n ati leh peka

" I va han over uchuak tak " Duhthawh deuhin ka ti chiam

" Nangpawh i naupang chhe zawk zawk tawh hleinem, ngaihzawng thlak tawh suh aw " A la ti hram zui, chhan pawh ka chhang peih tawhlo, Malsawma'n min fiam peih lutuk hi chu aninawm tlat. Malsawma leh Duhsanga chuan an inah min pensana

" Fiamthu an duh lutuk a, i ning em? " Kan pahniha kan kal hnu chuan kati a, a ṭawngtlem si Malsawma te an ri phur phur bawk si aning viau maithei ani, keimah vangin hreawm ti deuhin alo awm ve reng ang tih te pawh ka hlau

" An bula awm anuam alawm " A ti dam thlupa

" Hreawm ti deuhin i awm ang tih ka hlaua " Ka tih chuan ka darah kuahin alamah min pawt hnai hret

" Min ngaihtuahnaah ka lawm e " A ti a, in kuah rial chuan kan kal dun, zan rei ani tawha veivak an awm tawhlo tluk ani e, kan khua hi chu kan mu hma hlawm hrim hrim, mengrei fal erawh an awm a.

" Ka khumah hian mu rawh aw " In kan thlenga ka nau alo la menga, tv alo la entui khawp mai be lemlo in room ah kan lut tlanga

" Khawiah nge i mut ang? " 

" Ka nau bulah " Ka tih chuan 

" A ngailo " A ti nghal hluk

" Timaw? " 

" Hmeichhia i nih kha hetah hian mu rawh, i nau bulah chuan kamu mai ang " Ka nau bula mut ka tum chu alawm lo ve khawp mai, diktak chuan midang bulah amut duh loh ka rin vang ania ka nau bulah mut ka tum, bakah ka dawiha ahma pawn ka nau bulah ka mu ziah zel.

" Midang bula mut i hreh ka ringa " Ka tih chuan min en ngur ngur a

" Hreawm ka tih hlauin nangmah inti hreawm duh suh, ka in ngaihtuah thei alawm mipa ka nia hreawm deuha ka awm pawn ka tuar thei " A ti nghut nghut, min ti hrilhhaia sawi mai tur pawh ka hre tawhlo

" Ka hria e " Ka ti a, Fela thaw ham ham ri tih loh thawm pawh a awmlo, room aṭang chuan ka chhuaka ka chhuah lai pawn ngawi rengin a ṭhutdan ngaiin ala ṭhu reng

" Fela nen mu dun mai ru aw, i peihlo em? " Ka nau tv en bulah chuan ka ṭhu ve a

" I bula mut ai chuan anuam zawk ang chu " Min la nuih vur vur leh nghala

" Anih chuan mu dun ru " Room ah bawk ka lut leh a

" Va mu tawh ru " Fela chu ka en a abu nghat, kan awmdan lai hu chu nuam pawh ka tilo

" Muttui princess " Room aṭanga achhuah hmain min kuah vang vanga, a thinrim tawhlo tih hriat chu ka rilru anuam huai huai thei

" Ka rin zawh loh vang che anilo ania, ka ngaihtuah vang zawk che anihkha " Ka ti a

" Ka hria lawm, Ka chungah rinna i nghat thei alawm, anih loh chuan nangmah i hah mai mai zawk ang " Min kuah nghet salha, a awmah ka hmai phumin a rim chu ka hip vang vang. Zingah chuan kanu'n minlo kaitho leh a, phun miahlo in ka tho chhuak ve ṭiah ṭiah, ka hmai ka phih zo a choka ka luh ve chuan kanu'n min lo en haw

" Eng nge khati vaka min en " Ka tih chuan

" Phun miahlo a ilo tho ve hi amak kati em alawm " Kanu hi chu aduh naah chuan a ngeiawm thiam ve ṭhin asin

" I over e a, eng nge kan chaw hmeh dawn " Chaw hmeh ṭhing chu ka hawng kual dan dana

" A ṭhing kha kan ring hlawm mai dawn nia, apawilo ang tiraw? " 

" Pawilo ang aṭhing rin tur a awm chuan " Ka ti a, nopuia thingpui chu no ah ka thli chhuak rak rak, ka thlit mek laiin Fela leh Mampuia choka ah anlo lut ve meka

" Kalo thlit kep ve nghal ang che u aw " Ka tih chuan ' Aw ' anti a

" Vawiin chu huan ah va kal rawh aw Bawiha, hmarhcha pawh kan nei leh tawh dawnlo va lawh/mal leh la aṭha ang " Kanu'n ka nau ahrilh laiin ' Ka kal ve duh ' rang zetin kalo ti a

" I ṭhiannu te in ah i kal ve ang chu, iti anglo emai a " Min ti zek

" Hmmm, kan rei dawn pawh ni hleilo bakah nizanah azualpui kan ti tawha, vawiin bak hunawl pawh ka nei leh lo maithei asin, ka chamrei dawn silo " Ka ti zat zat

" Inneih zawh lamah pawh kalna hun a awm lutuk ang " 

" Ka kalve i phal leh lo hrim hrim anihkha, ka kallo tawp ang inneih zawh tukah Aizawlah ka let leh nghal bawk ang" Lungawi lo deuhin kati a kanu leh pa bulah ka awm tak vang nge rilru hi a no thar tlat alawm, choka aṭangin ka chhuak nghal hmaka, Sitting room a kapa chanchinbu chhiar bulah chuan ka ṭhu tau sawk

" Ti leh ber bur nge " A chanchinbu chhiarlai thlep ṭha mual mual pahin min zawta

" Engmah anilo " Ka ti hmak

" I nu nen in in hau leh tawh ami? " 

" Kanu hi chuan min ngai ve tak taklo " Ka ti hmarh hmarh puitling inti in hna te hial nei ve tawh mahila nu leh pa thlazar hnuaiah chuan naute ang maia tih tauh bar bar hi asim hleihtheih loh

" Sangi thil mawi leh ṭha ka hrilh che anihkha, ka huphurh reng reng lo che " Kanu'n choka aṭangin alo ti 

" Eng nge sawita che " Kapa lahin alo ti ve seka, choka a thil thleng chu ka hrilh 

" Chaw eikham veleh huan ah chuan inkal anga mahse, arei theih loh ang, Liani pawn a thlahlel ve dawn che a, aṭha iti em? " Ka bu nghat nghat

" I titau bur bur zel hi chu sim teh, Fela iti hrilhhai lutuk " Kapa thingpui kensak in Mampuia alo kala

" Tinge Fela itih ve bawl bawla, i u tur alawm " Ka tih chuan

" Aman min u suh ati alawm " a ti ve tlat, kapa nen ka buaina kan sawifel ta bawka choka ah chuan ka kal veleh

" Tinge Mampuia hnenah min u suh itih " Fela chuan thingpui alo la in zo velo, kanu lah alo ṭawngtui nasa mai sia, ka ri lut leh phawr phawr chu min melh rum leh viau

" Anuam lo " Fela chuan ati maia, kanu pawh a titi chhunzawm leh nghal, be buai duh talo chuan no ruak chu ka sil a, kanu thilsawi chu Fela'n uluk deuhin angaithla, kanu insawithei vel lutuk chu kalo eilo lutuk. Chaw kan ei hmaa kan eikham hnuah ei hmun ka tifel leh veka, huana kal turin ka insiam ve nghal

" I kal ve dawn mi? " Ka insiam mek laiin Fela alo lut a

" Kal loh ten " 

" Niminah motor i khalh nilenga i duh chuan vawiin chu lo mu hahdam vang vang la " Ka ngaihtuah lutuk hi keipawh ka inhrethiamlo

" Mu turin hetah ka kal hleinem, ka thawmhnaw hak tur minlo lakchhuah rawh " Towel ala a room aṭangin achhuak, a thawmhnaw hak tur ka dahchhuah saka, ramah kan kal dawn si chetpui nuam deuh tur ka thlansak. Liani engmah hrilh loh chu kati a Fela nghak pahin Liani chu ka call

" Vawiin chu kalo kal hma thei dawnlo, huanah kal ka duh sia kalo hawn veleh kalo kal ang aw " Call a chhan rual rualin ka ti nghal zung zung

" Aw apawilo tihtur vak a awm tawh chuanglo a, kan chhungte anlo thlengkhawm dawn leh nghal Fela khan nuam atilo ang, zanah ilo lan chuan atawk reng " Alo ti thliam, Liani hi chu mi hriatthiamna te hi a ngaha abula awm pawh hi anuam reng bawk

" Hreawm atih hi ka hlau sia, nizanah pawh kan in ti taurau lek lek alawm " Ka ti a achhan minlo zawt vat 

" Midang bula amut hreh ka hlau sia, ka nau bulah kamu anga nang ka khumah hian mula ka tia, a ngaihdan anilo rapthlak ' Mipa ka nia ka in ngaihtuah thei ahreawm deuh pawn ka tuar thei ' ati nghut nghut a, hreawm ka tih zia aw " 

" Ngaihsak chin tawk thiam angai anih chu, i ngaihsak tho anga mahse, tilang lutuk lola i ring zolo emaw te ati ang " Alo tih chuan ' Nia, amah hi a chut chi ani bawk sia ka ngaihtuah lutuk ṭhin alawm, engpawh nise ka dah rih ang aw, engmah hrilh loh che chu ka tia, kalo bia che ' ka ti a, ka dah chiah Fela alo lut ve nghal

" Pangbal kan lai dawn nia, i ei ngai em? " A thawmhnaw ka dahchhuahsak chu kalo kawh hmuh a

" Kala eitam lo " A tshirt hak lai chu a hlip a, a che vel chu ka thlir reng ama tawkah apian hi chu aṭha ve reng, ka en reng tih chu ahria nge achelai tawp chutin min lo en a

" Min it ami? " Ati a amah chu a nui hak, ngei zetin ka hawisawn a 

" I lungawi vak nange " Ka ngawih reng laiin ati leh hram

" Ka it lo che " tur khaia melh chungin ka ti hlar

" Ka it thung che " Khuma ka ṭhu lai chu min lo hnaih ruak ka phu zawka hnunglamah ka awn dawrh

" Thut thut ṭhin che hian " Ka ti hlar, kan inhnaih leh tawh em avangin ka thinphu a su leh dup dup tawh, min lo hnaih leh hretin min fawpa a duhthawh reuh lutuk, inthlahlel deuha kan in fawh mawlh mawlh lai chuan nghal zetin ka kawr chhanah ka hnute alo hrawm leh peka, a awmah na zetin ka nam nghal sawk alo inring biklo nge a petek ve nawka

" I uikawm bawk sia " ati zawk hlauh lehnghal, room aṭangin a chhuaka thawpui kala vak ringawt, Saipuia nen kan in ngaihzawn lai pawh khan ka fair ve a infawh bak hi chu min nawrlui thei biklo, ka hnar changin Saipuia lakah inthiam lohna leh hreawm tihna ang chi ka neih loh laiin Fela lakah erawh ka nei thung, ka hnar chang hian hreawm ka ti ve ziah. 

" Eng nge itih ve dawn " Room aṭangin ka chhuak a kanu chuan hnathawh thawmhnaw alo inbel leh thlap

" Fela'n motor akeng thei dawna arem emai kalo kal ve dawn " Phakar ve asin, kawtah Fela'n motor ati nung vut vut tawha, kanu nen kan chhuah ve chuan Mampuia nen anlo in ready tawh khawp mai 

" I khalh uluk sia, i motor khalah chuan anuam hle mai " A hnung aṭangin akhat tawkin kanu'n ati seka, pakhatpa lah anui vur vur zel

" Lungding i hmu duh em? " Ka nauin alo ti ve khauh

" Saw lai kawng zau laiah sawn ding rawh " Ka ti ve zata, thuawih deuhin a ding ve mai bawk, Lungding en turin kan chhuk diala a va ṭul thlak tak

" A hmuh theih tawh dawn mile, hnimin a bawh luk zela " Lungding zawn vel hi ahma chuan sawi atam ve lutuk, tawnhriat nei pawh an awm ve nual mai, Mampuia chuan Fela chu Lungding chu ahmuh a, hnim in a bawh luk avangin ahmuh chian theih vak tawh lovang

" Tinge an sam fai ve loh le " Lungding thlir vang vang pah chuan kati a

" Sam fai chuan lung khu atla pheuh pheuh a, chuvang chuan an sam duh tawhlo amak ve lutuk, a chung khu azawl bawka " Ka nau in ati a, Lungding en reng thu awm suh kan kal leh a, Lungding aṭang hian kan huanram hi a hla tawhlo

" Nu, lungding saw a hrang tiraw? "

" Sawi chu atam alawm, kawng laih anih hma phei kha chuan Lungding zawn bik hi kawng achhe thei em em kha ania, motor te hi atang reng zela. Ngaihbel kual vang nge pawh ahiatloh Lungding zawn saw chu driver pawh hian an ngaina vak hleinem " A ti duaha ka dawih bawksi kanu'n asawi leh takah chuan ka hlau leh nghal ringawt, Kan huan kan thlenga bangbal kung leh anthur te bawkbawn kung tih ang reng a awm nual mai, buh an seng zawhna ala reilo aniang buhpawl pawh anla tifai lo

" Nu, buhpawl hi indahṭha dawn em? " ka tih chuan

" Eng atan nge kan dahṭhat ang, kan la tifai hmanlo mai mai anih hi " 

" Pa khawi nan pawh aṭha alawm " ka ti a, pa(Mushroom) angaina lo bawka min chhang leh duh tawhlo

" Kawngka kha lo hawng la, mei pawh lo chhem rawh " Thlam te hi ka vawikhat luh vena ania, anuam dangdai ve hrim hrim, Fela leh Mampuia an bo daiha khawiah nge an kal pawh ka hrelo, mei chhem hi ka khaw zei bawk silo a, kanu lah akalsawn hla leh tawh bawk si, ka thiam ang tawk chuan ka ti ve ta alawm mahse, ka chhem alh thei chuanglo, kanu hauh huamin mei pawh chhem alh theilo chuan thlamah chuan ka ṭhu tawpa

" Thingpui i lum dawnlo ami? " Reife hnuah Fela leh Mampuia thlamah anlo lut a, an thaw dun halh halh khawiah nge an kal le

" Mei ka chhem alh theilo, thing saw a chhe lutuk " Insawithiam zetin kati a

" Khawpui nula emaw inti suh che " Tih pahin Mampuia chuan mei chu a buaipui, Fela chu ka bulah alo ṭhua athlan hluam leh nghal

" Eng nge intih " ka romal chuan a thlan chu ka hruksak paha

" Thang kan en " A ti maia

" Mampui eng thang nge i kam " Fela chuan thang tih ahria anga eng thang ber nge ahre lo ang

" Thang pangai pawh anilo, hmani deuh khan ram ar alo chhuak zeuh zeuha ka siamchawp vel mai mai ani " A ti a

" I awk lo ani maw " 

" A hrui a chat daih " Amah chuan alawm em em leh nghala anui chur chur

" Ṭhu dar dar lo khan tui chhuang rawh, kanu alo chhoh chuan thingpui in nghal aduh leh dawn nia " Mampuia'n ati a Mei a chhem alh hluah tawh, ketle hang deuhah chuan thingpui tur tui ka chhuang a, Mampuia leh Fela chu tukverh aṭanga pawnlam thlir chhuak dauh dauh pahin an titi ve mual mual, tibuai duh biklo chuan ka ṭhiante ka vcall a ka call zet tawh hnuah an buai ka ring leh deuha off leh mai ka tum laiin Lalai'n alo la hmasa ber

" In buai em? " 

" Buai nang tunah pawh Seni nen kan awm dun reng " Alo ti a, kan little princess pawh alo pawm kanga, ka lung ati leng reuh lo hruai ve hram tur ania 

" Little princess chu afel em? " Ka ti a, Little princess ka tih chuan Fela pawn kan lam alo hawi vut

" Fel reng mahse, alungleng ve deuh aniang chaw a ei duhlo a tukinah chuan tlem a ei " Lalai'n ati a, a sawi takah chuan a nguai riauin ka hria

" Clinic ah te inhruai em? Hruai hma rawh u " Engtik laiin nge ka bulah Fela alo kal hman pawh ka hrelo, ka chhan hmain minlo ṭawngkhalh zung zung

" Min ti phu alawm le Lalruatfel, i little princess hi kan enkawl ṭhat loh vang anilo ania, vawiin ah Clinic ah chuan kan hruaia ṭhat lohna aneilo, a lungleng aniang nnti doctor pawn " Seni' alo ti hlar

" Kan lo hruai velo ani " A ti vang vang, hruai loh rawtchhuaktu kani a engmah ka sawi ve duhlo

" In fanu hi in ngaihsak lo emai, inlo hawn hunah pawh kan bulah awm reng se aṭha ang " Anlo ti ham ham lehnghal, Fela kalsawn tum chu ' mei khu lo tuah ṭha lawk teh ' kati a, min hniallo chuan a tuah ṭha ve sat sat. Thingpui so hma thleng kan inbia a, kan thlam leh kan huan chu ka hmuh kuala kal ve an chak thu hlir an sawi, thingpui a so hnuah chiah kan dah ve theia, vanneihthlak takin kanu pawh thingpui so hnuah alo let a, thlamah aṭhutchawkh chhungin thingpui kalo siamsak

" Bawiha, maitamtawk khu lawh tur a awm in ka hria, zu lawh ve ula hmarhcha chu ka lawh/mal vek tawh a, chaw hmeh zu zawng ve ru " Kanu'n ati a, Mipa pahnih pawh an tho a Thlai hmun bikah chuan kan chhukthla

" Keichu pangbal kalo lai ang " Chem hmawr zum chu ka chuha

" In pahnih khan lo lai ru, chaw hmeh ka zu zawng ang e " Mampuia'n ati a, ani chu a chhukthla zel, Keini pahnih erawh pangbal kung bulah chuan kan tawpa

" An lai nual tawh anih hi " Ka phun pah niah niah

" Thlalak sak i ngai em? " A tih chuan ' Engtin maw? " Ka ti hu 

" Thlalak sak i duh em? " A ti nawn leh, athilsawi awmzia ka hriat rualin ka nui ar ar, thil ka tih apiang hian thlalak ka ti ve ziaha Lalruatfela hian min runluih nge pawh ka hrethiamlo, ram lamah ka che ṭhanglo bawka ka zei lo ve khawp mai. Fela'n ' Kalo tive ang e ' ati a, chem chu ka pe ve mai athiam ka rin loh nen kei ai mahin a zei leh zawk tlat

" Awi, i mak e " Ka ti thlawt

" A zeizia hre turin reilo te en bak ka mamawhlo " Pangbal lai pah chuan ati a

" Ka tihdan kha i en a tichuan kei aia thiam leh zei zawka i lai thei nghal mai hi amak " Ka ti a, min nuih ringawt pangbal kan laih zawhah Mampuia chaw hmeh zawnna ah kan chhuk veleh zawka ani pawh alo in zawng zo ve nghal maia, Liani tein ah kal te kan la ngaih avangin Huanah chuan kan awm rei tawhlo. In kan thlen veleh ka inbual nghala ka inbual zawhah Fela alut ve nghal

" Ṭhenawmte i pe ve dawn mi? " Kanu'n kan pangbal laih leh chaw hmeh hawn te chu alo thliar leh vek tawha

" I pu te ta tur leh Liani te ta tur " 

" Kapu tein ah pawh kala kallo " nimin khan kapi leh ka nite ho chu anlo kala ahranpa in an inah ka la leng velo, leng tur pawn hunawl kala neilo ve miaua

" Liani tein ah awm reilo maila i pute chu tlawh ve rawh, kum upa lam hi chu an vuivaina te hi a ho tawh, an ngai ve ṭhin si che a anlo vui leh tawh maithei ani " Kanu'n atih chuan ' Liani tein ah chuan chaw hmeh dah pah khan ka peng zuai mai ang, zanah ka kal hma thunng anga' ka tih chuan kanu pawn a remti ve maia

" Darlinga pa, ka teichhuak dawn asin ilo kal ve dawn em?" Room aṭanga alo chhuak chu kanu te an awm hnai lo bawka tiin ka lo fiama, a khuh leh nghal bawrh bawrh tawh

" Engtin maw min koh " Ala khuh kharh kharh

" Darlinga pa ka ti che " Pawiswilo zetin ka en renga

" Thitthetnu " Min ti ve khera, kan inzui chhuak leh ta nge nge, thingtlangah hi chuan thil ala thang chak bawka nu ṭhenkhat ho chaw tui ber kan ni mek maithei ani

" Liani tein ah peng zawk ila, kapu tein ah kan kal ve zuai dawn nia aw " Ka tih chuan ' A pawi hleinem ' Ati leh thliam, kal pah chuan ka ṭawng leh char chara kawtlaia naupang lo in ball vawm te chuan lung an ti leng ve tlat. Liani tein chu alo lun khawp mai, hriat tak tak pawh ka nei chuang hlawmlo inneih ahnai tawha zanin man hlan ania naktuk tuk leh inneih ani mai tawh leh nghal, mikhual an awm ṭan pawh chu a awm ve tawh viau 

" Chaw hmeh minlo pe alaw " Kan zu lut chu Nu Kungi'n min lo be sawk sawk, Nu kungi chu buai hi athiamlo thei ania, buai hmel deuh hian atei seka engmah hi ati tak tak ngailo, tunah pawh kan luh tirh khan atei kual chhena eng nge atih pawh ahriat chuang loh 

" Umm, tam pawh anilo mikhual inneih phei chuan abeitham viau maithei ani " ka ti ve bawrh bawrh, Nu kungi nen kan inbiak mek laiin Liani alo kal vea Fela chu alo be ve hlut

" Sangi'n len aphal veleh lo animaw? " Liani'n atih chuan

" Ṭah aw in min ngen sia, kalsan chi pawh anilo " A ti let ve ngeia Liani te nufa in an lawm lutuk

" Inla ni nak nak bawk si zanah kalo kal hma zawk ang, kapu te in kala thleng thla lo a, aremchan lai hian kan zu tlang ang e " Ka ti a Nu kungi chuan ' Ni e, zu leng thla ru che tur an tama puih pawh kan ngaih rih loh hi ' ati luam

' Zanah kalo kal hma ang aw, inkawmna hun kanla ngah dawn alawm ' Liani bengbulah chuan ka ti sur sur, a nguai riauin ka hria ka ngaihtuaha mahni in tette aṭangin chhungte nen athlum a al ei za a kan hlimna ṭhin kalsan chu ahreawm ve ang. Keini mah chhuak hlen tur nilo hna vanga kan awm bo pawn hreawm kan ti ania hawn hun kan nghakhlel thei em em a, Liani phei chu in a awm chawt zin chhuak ngailo ani a, hreawm ati zual viau ang.

" Liani kha ka khawngaih e " Kapu tein ah kallo a awmpui mai ka duh hman tak tak, a chan hi ka chanah ka dah ṭhina chhungte leh mahni in chhungkhur kalsan a midang chhungkuaa lawi chu ka chhelna hian atlin kherlo maithei inneih hi thil lawmawm mah nise aphenah hian thil tam tak hi alo awm ve

" In chhel, in fakawm bawk " Fela pawn ati 

" Diktak chuan kan inchhungkhur lum kalsana midang chhungkua ah nunbul kan ṭan chho leh a, insiamrem tur hian hun kan mamawh ve tho, chu pawh hrethiamlo chhungkaw sual deuh ah lawi luh fuh ahlauhawm " Ka thusawi teh nuai chu ka sawikual thui lutuk a, awmzia aneilo vekin ka hria

" Hahdam rawh Princess, i hun ala thleng ve hleinem " Fela chu ka melh rum vak, ala nui vur vur lehnghal anghal tak tak ani.

" Lokal rawh u, inlo lang har lutuk a i pu alo vui leh hman alawm " Nitei'n min hmuh rualin ati zung zunga

" Chuvang ania, tunah kanlo kal hram ni " Inchhungah kan inzui lut a, chaw hmeh ka kensak chu Nitei ka pe. Kapu te hi patea te chhungkua leh nitei hian an awmpuia, an tu te zingah an hmuh hmasak ber ka nih vang hi nge min ngai bik riau zel

" Inlo kal maw? I pu hian a hmu chak che sia, ilo lang lawk silo a " Kapi in min lo be vata, kapu pawn muang changin kan lam alo hawi, amit hi aṭha vak tawh biklo a min hre zung zung thei tawh biklo

" Tuaii, ilo hawng maw " Ati a, kapu hian Tuaii min ti tlat, ka tetlai khan nalh lo ti viau ṭhin mahila kapu laka minti special tu ani ve tlat, tun hnu hian ka hlut thar em em bawk

" Pu ilo dam em? Duh angin kan awm thei silo a, kalo tlawh lawk hmanlo che alawm, Liani tein ah kal ve zeuh zeuh angai sia " an ep a ṭhutna ruakah chuan Fela nen kan ṭhu duna, Kapu te ka biak laiin Nitei'n Fela chu alo be ve char chara hetiang lamah hi chuan Nitei hi chu afakawm, mi biangbiak vel hi athiam riaua

" Kan la dam ve ṭawk ṭawk chu ania " A ti chuar chuara a ṭawng te hi amuang ṭha charh charh asin

" I hmel pawh aṭha alawm, ka rin aiin ka hmu tlangval daih che " Ka tih chuan anui a

" Kha, tunge ilo kalpui kha kan mit afiah tawh silo, i sawi loh chuan tunge tih ka hrethei velo " A ti leh chiar chiar

" Ava mak e aw nimin ah pawh ka hrilh che kha, kan Tuaii chuan ṭhian alo hruai ve tlat mai ka tih kha " Ka chhan hmain kapi in min lo chhan khalh a

" I sawi chu ka hria alawm, alo kalpui hi ani em tih ka hre ve hleinem mawle, nangpawh hi eng nge i hriat ni, nang ni angin ka ka mit pawh a fiah tawhlo " Kapu chuan ati zeka kapi leh pu te pawh hi an in ngeihlo ve asin, kapu hi athinchhe ve sia kapi lah ngaihsam mi alo ni ve bawk si, an in vin leh khur khur zel

 " Kapu Ka ṭhianpa hi Aizawl ami ania, Lalruatfela anih hi " an inhauh tam leh hmain kalo ti zung zunga

" Anih chu mawle, Ruatfel ka tunu chu eng nge ang itih? " Kapu chu kan en dawrh hlawm mai, a zawhna hi amaksak ve ṭhin asin

" A hmelṭha kati kapu " Fela chuan ati a, kapu anui huah huah, kapu fiamthu chu a dangdai lutuka kapi leh nitei te nen chuan kan hrethiamlo alawm

" Ka Tuaii hi chu kan tu hmuh hmasa ber ani bawka kan chhuang ve teh mai ania " 

" Keipawn ka ngaihlu alawm " Fela lah chuan alo chhanglet ve thei zel a, a chhanna chuan ka thinlung adek zar mai

" Eng hna nge ithawh ve le, chhan ahar leh min chhang lo maila " Kapu in atih leh chuan Kapi in alo khap vat

" Vawikhat inhmuh naah chutiang thleng thleng inzawh vek tur ani ngai ami? " ati hlak hlak 

" Robert hmingthanzuala Scientists kha i hria em kapu " Fela'n zawhna a zawh let takah chuan kapu chu thil ngaihtuah nei niawm takin angawi vang vang a

" Hria e ahma te chuan alar ve kha " 

" Khami hnuaiah khan Scientific ka zira, kum thar lamah hian ka zo ve thei tawh ang kan dam chuan " Ti a kapu zawhna te achhan mawlh mawlh lai chuan Nitei nen choka ah kan phei a, kapu te bulah Fela chu atlei tho a lo inkawm ve mai mai rawh se

" I bialpa chu afel hmel khawp saw " Choka kan lut nge lutlo Nitei'n ati nghal tawng

" Hmm, chumi sawi tur chuan maw hetah min koh luh " Ka ti nang nang

" Vawiin ka lenna ah ' Sangi'n Puia a kawp alawm ' anti a, chu chu Puia nen in in ṭhen chhan chu ani em? " A ti a, kan chanchin an sawi leh ṭeuh tawh ka ring renga, an chaw tui ber ani rih ang ka tih kha. 

" Sawi pawh ka sawi peih tawhlo, ka kawp loh zia hrechiangtu ṭhian ka nei a, Fela pawh sawn a hrechiang viau bawk ang. An duh dun dan chuan lo sawi ve rih rawh se " Ka ti duah ka thengthawngah an thawk lo emai

" Reng rengah kapu saw Fela nen kan in ngaizawng tih inhrilh ami? " Tu te hnenah pawh ṭhian angin ka sawi vek

" I pu fin dan te chu i hre ve vek ang chu, bakah ahma pawn ṭhian ilo hruai ngailo a tunah lah Mipa nen inlo hawnga, i bialpa ani tih hrechianglo pawn an ring ṭham tho ang chu " A ti zat zat, hre vek pawh nise apawi ka ti hranlo, kapu tein aṭanga kan hawn chuan atlai ve ruai tawha, Fela lah in kapu tih hlim dan a hre reuh sia duh ai rei kan thang tlat. Zanah chuan programe ṭan hma daihin Liani tein ah ka phei a, Fela erawh Mampuia bulah kalo awm ang ati ve tlat, Liani cousin ah hian beautycian zir chhuak an awm vea chu chuan Liani pawh a chei dawn aniang

" Chhun lamah man hlan chu ti ula, a nuam zual tur ania" Room ah kan awma, engmah ti hleilo lo awm hnawk ve hrim hrim pawl pawh an awm 

" Zan lam hi aṭha programe rei deuh kha aninawm " Liani'n ati hmak zel, a cousin ah hian mil loh deuh hi anei ve ṭeuh mai

" Keichu keimah in kalo inchei mai ang, ka confi zawk " Liani cousin Siampuii'n min chei ve atum chuan ka hniala, midang in min chei hian ka thiam tlatlo, keimah leh keimah ka inchei hian ka confi ber.

" Awi analh e, hei hi Usangsangi lei maw " Zanina kan hak tur hi keiman ka ngaihtuah ang ka tih tlat avangin min ring ve ta kha ania, Aizawl aṭanga an hawn hnu khan ka leia, ka duhthusam ang ngei ka lei bawk, ka ṭhiannu nulat laia ka thil tihsak tawp ber pawh ani maithei nakinah chuan thildang pawh leisak leh ila nula ani tawh dawn chuanglo 

" I mit hi chu achangkang ve thlawt alawm " Min fak ve liam liam mai, keipawn ka kawr lei kher hi chu analh ka tiin changkang kala ti ngawih ngawih, aman pawh a to ve reng bawka, aman min zawh erawh chuan ka sawi lang duhlo. Man hlanna hun kan ṭana Malsawma leh Duhsanga pawh anlo in chei nalh ve khawp mai, Man eitur puanna leh semna kan nei a, thusawi neuh neuh a awm nual bawk, Programe zawhah thla te kan la a, Fela leh Mampuia pawh anlo lang ve chiah, programe kan hman chhung khan vawikhat ka hmu zeuh tih loh chu ka hmu leh tawhlo reng reng, ka zawng ru reng ania tunah anlo lang veleh chiah.

" Midang hi min ning tlat tawh, kalsawn ru Thansangi leh Fela khan la dun ve tawh rawh se " Malsawma'n ati leh khera

" Nanglah hi i ṭawng zawt zawt reng mai, i nupui nei tur hi i hawklak tlat " A tukhumah ka nemsak dawrh

" Sangi lo ding dun ru, kalo laksak ve ang che u, i in hmeh riau mai " Kan cameraman in atih ve miau avangin kan la dun leh ta pauh chu ania, kan inbuatsaih nasat tehlul nen programe lah ti te mai khan kan hmang zo chu ani der bawk sia, 

" Zanin leh naktuk zan chu kan in lamah riak dun ila, i nulat laia kan riahdun tawp ber ani tawh dawn leh nghal, hetah kalo riak ang ti dawn ila Fela a awm ve sia " Liani room ah kan pahnihin kan awma, Hetah Liani bula riah ve daih pawh in lamah Fela a awm ve kur sia, awm nuamim ka awm chuanglo ang

" Riahchhuahsan chi ani nang, kanu te ka hrilh anga kalo riak mai dawn nia " Ati a, tihian kan sawifel chu ani leh mai, Liani ber riah chhuah chu atihchi vaklo tih chu ka hre ve tho mahse, Nu Kungi'n alo phal ve mai bawk nen Malsawma te ṭhiandun Mampuia leh fela kei leh Liani te chu kan inzui chho hlawma, inchhung tihfel vel chu a cousin te ho aring aniang, Fela chuan ka bag min khaisak a athim vek tawh bawka tiin abanah ka kuah leh chial tawh, tunah chuan hetia ka tih hi ka ngaihsakna ka tihlan ve dan ani rih tlat.

Cont..