Lunglawm Tikimtu chapter-14

 " Pasal i neih hunah chuan tihian kan mudun thei tawh dawn silo a " Khum lu nghengin Liani nen chuan kan ṭhu ka thusawi vang chuan anui a mahse, thil thui deuh a ngaihtuah ve tho tih ka hria, in hmu tam theilo mahila tette aṭanga inkawm chho kan ni a, pasal min neihsan mai tur hi engtin emaw ka awm 

" Malsawma ka duh loh vang nilo se, ka huphurh leh tulh tulh tawh amak lutuk, ṭhulh leh maite ka rilru ah a awm tiang hian midangte hi an awm ve ṭhin tho em le? Malsawma a phur tawh sia abulah phei chuan engmah ka sawi ngamlo, ka awmdan hi amak lutuk " A ti sep sepa tawng ve kherlo mahila ka awmdan nen hian ka feel pui lutuk

" Ṭhulh leh te chu atih chi tawh hleinem,dan ang in i man ape vek tawha a nupui chu ini reng tawh alawm, a nem ngheh nan Pathian leh kohhran hmaah thu intiam chauh angai tawh. Bul ṭan ṭha tur angin in ngai la nupui pasal neih te hi mi pangai kan nih chuan kan hmaah a awma, nangpawh i hun athleng ani mai, hmasawnna rahbi tharah ngaila " Ka thiam ang tawkin ka hrilh ve a

" Kan tetlai kha chuan kan awmdun reng kha ka ring ṭhina mahse, tunah chuan kan inhmu thei zeuh zeuh chauh ani tawh sia tiraw? Zing kan thawhhlim aṭanga jan chaw ei lai tih loh kan hunawl apiang a kan inkawm hunlai te pawh kha a ngaihawm " Panlai nun duhawm leh muanawm tak ngaihtuah letin kan ngawi leh vang vang, chutih laiin Liani chu a in sut hraiha aṭap tih ka hrethiam, ka ṭhutdan siamremin ka kuaha, keipawh ka mittui aluang ve ngiai ngiai

" I vannei lutuk Liani, Zu ngawlvei pa kha la neila zak reng rengin khawvel ila hmachhawn dawn asin, Pathian hi aṭhaa tun hun pawh hi hun hlimawm leh chhinchhiahthlak tak ani alawm. Hahdam takin i nu leh i naute i kalsan thei tawh dawna " Ka ti pah mawlh mawlh

" Ka hlim lutuk zawk alawm, ka ngaihtuaha Pathian min hruaina hi " Sawi zo theilo in a ṭap khur dar dar, ahnungah chuan ka chulsaka

" Ṭap zawih zawih chunga kapa in zu a nghei theih nana ka dil ṭhinlai te kha kala hria, khatih hunlai khan ka dilna chhana a awm avangin ka ṭap leh ang tih ka ngaihtuah phaklo, Pathian hi ka tan kan chhungkaw tan hian aṭha ani " Kan ṭap dun ani ber e, naktukah chuan kan tho bui luk maithei ani. Zinga ka harh chuan Liani alo tho diam tawha ka mit athip urh mai, ka sam tuai ṭha thuak thuakin ka tho chhuak vea choka ah an awm aniang, an ṭawng ri ka hre thei va pawh mailo chuan bathroom ah ka hmai ka phih hmasa tete a

" In riak dun chu aṭhalo, inlo bui chhuak dun lutuk " Choka a ka luh ve chuan Kanu'n alo ti nghal, Fela pawh kanu bulah alo ṭhu a dawhkan kilin thingpui no alo dawm ran thleng lian deuhah Pangbal chhum an dah bawka 

" Kalo thlit ve ang che aw " Ti paha thawh nghal mai atum chu ' Kalo inthlit ang, ṭhu rawh ' ka ti a, no inlakin thingpui chu ka inthlit ve nghal

" Inneih zawh veleh hawng nghal ila aṭha ang, thingpui ka in nasa lutuka ka dul akiar leh vek tawh " Ka tih chuan 

" Laitel raipuar i ang ngawt tak mai " Kanu'n ati leh khera Liani leh Fela an nui vur vur, Laitel raipuar pawh ala hmu tawp lovang, a duh duh hi asawi ve ringawt zel

" Ka tetlai te khan min pawh sei ve deuh tur ania, Liani bulah ka ding anga heels pawh bun mahila ka hniam leh dawn tho, ka hniam leh ber ang " Ka tih hlak hlak laiin Fela chuan pangbal chu min pe a hmelṭha deuhin min nuih leh tawh, kanu leh Liani chu an titi tui khawp mai. Pasal a nei ṭep tawha nu ho rilru a pawh ṭan der pawh ani maithei, nakinah kala fiam leh khawp ang

" I mutui em? " A bengbulah ka ti sar sar a

" Ka mutui " Ka bengbulah alo ti ve kher

" Zingkarah pawh i hmelṭha " Kati a alai leh deuh nge ahnar atuai zeuh

" Ka fawp chak che " Ati leh mauh peka

" A hunlo emai " Tiin lai deuh ṭut chung hawisawn ka tum chu ka ṭhutna chair hnunglama akut dahin ka hawisawn tur chu min lo danga ka biang ah a fawp zeuh, Phawk hra a Fela en in kanu te ka en nghala, min lo ngaihven lo hlauh 

" Iva ngampa reuh tak " Ka tih hlak chuan ka biang a piai zeuha, Kanu ten min ngaihvenlo bawka kan pahnih chuan ho tete sawiin kan in chhaih ve char char. Liani chu a awm reilo a thingpui a inzawh hnuah reilote ṭhu leh in a hawng pheia ahawng tur chu motor kawng thleng ka thlah

" Zanin chu kalo riah theih tawh loh hmel " A kal hma chuan ati leh rih a

" A pawi hleinem ka beisei ngam tawhlo hrim hrim che a " 

" Krossi hian min ngaizual tawpa, nizan pawh khan kan bulah lo riah ve aduha unaute an awm ve duah tawh sia kanu'n a phallo zawka " Ati bawrh bawrh

" A u bik bik kha ini ve a, bakah hmun hla takah kal dawnlo mahla in awmdun thei tawh dawnlo ringawt pawh akhawhar thlak ve dawn alawm " ka ti ve leh duah

" Ka ṭawng tui leh hma in kava phei teh ang " Ati a anui pah har har, Liani hawn hnua inchhungah ka lut leh tur chu 

" Sangi, ilo hawng alaw " Titu an awm avangin ka ding leh rih a

" U Mawimawi " 

" I ṭhiannu Pasal neih tur vang ami? " Ka bul alo thlen rualin ati nghal bawrh bawrh, U Mawimawii hi Nuthlawi ania fa pawh la neilo, kanu nen an inkawm ve ṭhina aṭawngthei lutuk hi ka ngaina lo thung

" I dam maw? " Ka ti ve maia

" Dam alawm in hmuh ava khat ve " Ka banah min kuaha inchhungah min kai lut dawr dawr

" U Ram, kalo hawng leh tawh " a au ring mai sia e

" Iva thang reilo ve " Kanu chuan alo ti ve maia, min la kuah reng avang chuan abulah kala ding ve reng

" Kha, mikhual innei alaw " Fela leh Mampuia te ding dun chu a kawk a, sawi hreh leh tim hi anei bawk silo

" Sangi ṭhianpa anih hi " Kanu chuan ati leh hmak

" Ehh i bialpa ani maw " Ati leh phawr phawr, ka thawvengin ka harh ve viau amaw kati a, U Mawimawii hi chuan min dah nil chiang ṭhin, min kuahna kut chu ka dahthlak saka

" Anih saw ahmelṭha iti em? " Kati ve khera Fela leh Mampuia bulah chuan ka kalsan daih, kanu hmel chu a danglam tlat, a thinrim hmel ka ti dawn nge ka sawithiam chiahlo

" U Ngaiha hi ala mu ami? " Atih leh chuan kanu'n ' La mu anihkha lo ṭhu rawh ' ati a

" Ar ka chhuah dawn ania " Mampuia chuan ati hluk

" Tinge? Diklo a awm ami? " A thinrim hmel em avang chuan ka zawta

" Engmah a awmlo " Ti leh hlukin in aṭangin a chhuak nghal daih, bangbo deuhin Fela chu ka en ringwta ani pawh alo bo ve hu mai, U mawimawii lah aṭawng lar lar renga, Fela nen chuan choka ah kan luhsan daih, kanu chawhmeh siamlai a zawh hman loh chu ka chhunzawm a

" Vawiin chu eng nge kan tih ang aw tiraw? " 

" Eng nge kan tih ang? " Min zawt let leh daih

" Ka hrelo, khaw tawntirha thingpui dawr ah khan kan han kal ve dawn mi? " Ka tih chuan abu leh nghat nghat, kapa pawh alo tho ve tawh aniang Sitting room lamah chuan kapa ṭawng bul bul thawm pawh a awm tawh

" Kapa alo tho tawhin ka hria thingpui kava pe ang e aw " Ka ti a thingpui chu ka thli nghal sawk sawk, kapa chauh pek chi ani bik silo a U Mawimawii leh kanu pawh ka thlir kep leh vek, Fela chuan uluk deuhin behlawi a chan mial miala ahnunglam aṭanga nuih vur vur chungin ka kalsan

" Rami, Mawimawii nen hian kan in ngaizawnglo, i ṭhiannu zawk leh nghal biak chhiat chhan tur i nei ami? i rilru ate emai " Sitting room ka lut tur chu kapa thusawi avang chuan ka tawp chat

" Tunah hian ka be chhia emni? Zawk za mah che chuan min vin ve khanglang suh " Kanu'n ati ram hmak, kanu leh pa te thusawi chuan min ti mangang chiang khawp mai, ka kal lui ang nge ka let leh mai dawn 

" I hmel hlim lo hlir anih kha i hmuh, min rinna chhete mah hi i neilo " Kapa'n atih leh lai chuan

" U Ngaih, inbengdai rawh in hauhna chhan tur a awm loh kha " U Mawimawii'n ati nem diai, ka kawchhungah hlauhthawnna a in mung mup mup a, ka tha te a khur thei hial inthunun hram chungin 

" Nu, thingpui kalo keng ania " Engmah hrelo ang mai chuan kati lang langa

" Min lo pe ve duh kher anihkha " U mawimawi'n ati a min nuih sang reng mahse, ka nuih let ve tawhlo chiang asin, kanu hmel chu ka enchiang ngamlo thung, Zawi zetin choka ah chuan ka lut leh ka chau rawih rawih theiin ka hria

" Thil diklo a awm ami? " Fela'n silhmuna behlawi azaisa sil mual mual pah chuan minlo en a, a ngaihṭhat nan pawn ka nui lui theilo

" Peincess " Ka bulah alo ding a, ka darah alo vawn rualin thawpui kala leh halh

" Thingpui no kha ka thlauh ṭep a, kala hlauthawng anih hi, ka tih keh chuan kanu a thinrim leh dawn bawk si " Ka ti ve zaiha nichin ai thlawt chuan ka pangai leh tawh, Fela hian min chik ṭhina ka dawtsawi chu a hrethiam leh maithei ani 

" Nangmahin engmah tuar suh " Tiin Ka dara avawnna ati nghet salh. Kan chaw eite chu tukdang anglo takin kan boruak arit vek tawhin ka hria, kanu erawh chuan dan ngaite in Fela chu a be leh siam siama mahse, a nui hmel te chu ka hmu lem vek tawh. Kapa leh ka nau lah chu an ngawi ngul mai bawk si, awm avan nuamlo kual vel tak kan chhungkaw buai ru deuh chu Fela pawn a hriatthiam leh vek ka ring.

" Fela a awm ve hi tiang khan awm bur bur lo la, nuamlo ati lutuk ang " Ka nau chu ka khak 

" Kalo insum hmanlo alawm " Ati veleh maia 

" Tunah chuan engmah ka zawt dawnlo che a, chutiang inzawh kual hun pawh aniin ka hrelo mahse, nakinah chuan engkim hriat ve ka duh dawn ania " Ka ti a Mampuia pawh abu ve nghat

" Chhungkua kan hlim loh pawn midang bula tihlan zel kher tur ani ngailo, a puitlin loh thlak ania " Ka kalsan dawn chuan ka ti leh hram, Chhungkua kan in hauh buai chang pawn rilru luah ṭhin mahse, ṭhiante midang bulah hrim hrim ka tilang ngailo. Chutiang bawkin ṭhiante nen kan inhauh chang pawn midang lakah ka lungawi loh na tihlan loh hram ka tum ṭhin, kan thimrim pawn kan thim tirim tu te laka thinrimna tihlan hi a tawk reng.

Vawiin hi Liani leh Malsawma inneihni ani ve tawha, zingkar aṭangin kanla buai char char, rilru ah thildang alo lut ve tawh bawk nen inneih boruak vel chu reh vat tawh se kati. Inneih programe kan ṭana, kan ṭhutlai te chuan Liani'n ka kut alo hmer leh ngawt ngawt zela, thu an tiam lai chuan Malsawma'n a chil a hak pek, mipui lam an nui dur dur nuih chiam chi ni silo ka nuihza bawk si chu ka heh ka seh ngawt ngawt. Thla kan la a Fela nen pawh Biak in chhunga kan luh hmaa kan inhmuh bak kan la inhmu leh lo 'an ṭhiante ' tia thlalak pui tur an puan chuan ka bulah alo ding veleh nulh bawk sia, ka en chhoh zauh chuan min lo en ve chiaha lai zetin kan innuih leh tak hi. Inneih programe a zo a, Liani tein ah kan inthlak leh meka Mampuia bulah Fela a awm tho avangin ka ngaihtuahlo

" Euu mo ṭhiannu chu a chhelo zawk anih hi " Saipuia leh aṭhiante Samuela leh Lalawma anlo kal ve a, inkhawm hma khan ka hmu ve zuai tak, ka inthlak zo Liani room aṭanga ka chhuah chiah an pathum chuan anlo lang ve nawlh

" Chutia mi? " Ka ti maia, an ṭawng tam leh ka hlau khawp mai

" Khawnge i bodyguard " Ngeiawm deuha ti chungin Samuela chu a hawikual pah khera

" Bodyguard ka nei hleinem, i hriatsual hlauh anih dawn chu " Ti hmakin ka kalsan nghal, thawm areh bawk silo ṭawng nawk nawk ri a awm renga ka lu te hi ana bur tawhin ka hria

" Hmun reh deuha awm achakawm " Liani pawn ati nang nang, kan rilru a in ang leh khawp mai, Puitling lamin kal an tih chuan Malsawma tein chu kan pan leh taa ka pheikhawk bunna ka ke ana leh vek tawh, ka bag lah nise Fela nen kan inhmuh remchan laiin ka ken tir daih lehnghal

" I ke ana tawh ami? " Titu chu ka en dawrh, ka ngaihtuah lai mekin ka sirah alo kal veleh diam tawha

" Thut thut che hian " Ka ti hlak anui mai mai lehnghal, Kamiz ṭial nalh zet aban half aha a, a in thun ṭat bawk ka mitah chuan mopa aiin a chhelo daih. Malsawma tein kawt kan thleng a Lawi chalin athil ngiat asawi lai chuan Fela'n min lo be buai ve sek, thla an la chuai chuai reng sia kan dinna langsar si, Fela nen kan inbe ru sar sar lai kha anla tel nual maithei ani.

" Ka chau lutuk " Khumah ka mu thla tawp, Liani alawi fela programe zawh veleh hawn san chi ani bawk silo, tlai deuhah Malsawma tein aṭangin ka hawng ve chiaha ka kawng hi abung mai dawnin ka hria

" Inti fai hma rawh " Fela chuan ati a, anni chu Mampuia nen an hawng hmaa a inti fai diam tawh

" Ka inti failo mai teh ang, ka rimchhia em? " Uang deuha ka tih chuan min lo hnaihin min hnim dun dun anih chu! Ka namsawn rang asin

" Eng nge itih kha " Ka ti vaka, pawisawilo deuha min en in

" Ka rimchhia em iti anihkha " 

" Chu pawh nise min hnim rawh ka ti hleinem " Lawmlo deuha ka tih leh chuan min nuih mai mai lehnghal

" I rimtui " A ti leh kher bawka, ka zawi ngawih ngawih emai 

" Naktukah ka let angaih hmel " A tih sup chuan ka che lai ka tawp chat

" Tinge? " 

" Professor in min lo bia a " Ati a ka bu nghat ringawt

" Nangmah in i let hmasa anga, keichu i rualin kalo let theilo ang " Ka tih chuan angawi vung vung

" I lungawi lo em? " A ngawih vung vung hnuah ati leha 

" Ka lungawi alawm, i zirlai ah chiah rilru dah rihla keipawh kalo let leh har dawn chuang hleinem " Ka ti ve, kan chhungkaw boruak hi anuam chiah silo a let hmasa zawk mahse, apawi ka tilo. Atukah chuan zingah kanu te pawh Fela hawn tur thu kan hrilh a, Zing tlan atum laiin chaw eikhamah hawng mai rawh ka ti a, min hnial biklo hawn tuma a insiam vel lai chuan khuma ṭhu chungin ka thlir renga

" I phur emai " Ka tih chuan anui ri hawk

" Ka zirlai hi ka bansan mai dawn mi, i telloa hawn chu ka chak biklo a " A thil tihlai dahin ka hmaah alo dinga khuma ṭhu fel at chungin ka en chho kiau, ka biangah adawm a uluk fe in min en vang vang

" I ti anglo emai, kan la innei lo a awmhran hun a awm lo theilo alawm " Ka ti a lo kunin nghet deuhin min kuah vang vang Phurlo deuhin chaw pawh ka ei.

" Fimkhur rawh aw, i thlen chin minlo hrilh ve zella " Motor ati nung vut vut tawha, kan chhungkua in Fela hawng tur chu kan thlah

" Aw le, inhmu leh vat ang Princess " A tih chuan nuih sen sen in ka bu nghat nghat, a tlan liama kanu te an luh tawh hnuah pawh kala ding reng.

" Malsawma te in ah i kal dawn em? " Inchhung ka luh chuan kanu'n minlo zawt a

" Kava kal ve zuai loh chuan, Liani pawn minlo beisei ve ang " Ka ti a, zahpuiawm khawpin Fela chu ka ngai nghal mawle. ka awm zawi hmain Malsawma te in ah kal ka tuma, room aṭanga ka chhuah rualin U Mawimawii ṭawng ri ka hre leh nghal

" Khawnge kanu " Sitting room ah kapa nen chauh anlo awm a

" Ka lengchhuak dawn atih kha, akalna pawh asawilo " Kapa chuan min en hleilo in min chhanga

" U Mawimawi, pasal neih leh itum hnai em? " Nui vur vur pah chuan kati a, anui tawp chiang teh asin ka ngaihdan pel chinah hi chuan tumah hi ka zahpah peihlo, achang chuan ka mizia hi a ngeiawm ṭhin viau ang mahse, midang tihlawm chiam ka tum ngailo, engtin pawn awm ila mi zawng zawng duhthusam kan ni theilo 

" Kan hmu zo tawhlo " Lem zeta nui chungin ati 

" I hmelṭhaa duh tu i ngah ang chu, fa hmelṭha deuh deuh nei ve duah tawhla tiraw? " Ka ti leh a, U mawimawii chuan kapa chuan a en zawk, kapa lah chuan angaihsak lo mai sia. Kapa phone en mual mual chu melh hrakin in chu ka chhuahsan, Malsawma tein hi kan in aṭangin ahla hranlo a, thil ngaihtuah nei chunga kal ka ni bawka ka kal reilo viau

" Ilo va lang har ve, khawnge Fela Mampuia bulah a awm ami? " Pawnah Liani chu alo awm miala, inchhungah inleng anlo awm nual bawk

" Fela chu ahawng, class ṭhulh reng chi ani silo a akal chiah kalo kal ve nghal anih hi " Fela hawn tur vel kha engmah kan hrilh lo, zingah kanu te pawh kan hrilh ve chiah kha ania

" Tinge engmah min hrilh veloh a, min ngaipawimawhin alo kal ve vang vanga, lo thlah ve pawh aṭha ania " A ti zung zung

" Nia, kanu te pawn zingah an hre ve chiah " Fela'n rilru kil khat akap ve run a, thawm ni nuai nuai pawh ninawm lamah akal.

Inchungah keini ṭhian ho chu kan awm a kan tam hranlo mahse Krossi te ṭhian ho an awm vea an bengchheng ve khawp mai, inhnuaiah chuan inleng nu leh pa ho an awm neuh neuh bawk. Liani leh Malsawma chu inhnuaiah an chhuk zeuh zeuh a, nupa tuaktharte an nia tawm bo daih kha amawi chiahlo ani. Saipuia te ṭhian thum pawh anlo lang veleh nawlh a, Samuela leh Lalawma pawh an tlang nel nghal khawp mai

" Khawnge Fela, Aizawlah lem in in zui renga, helamah chuan in ngam vak na nge " Lalawma ka bulah alo ṭhu a, thawveng zetin aṭawng bawng bawng

" I va han ṭawngtam thei tak " Ka ti hlak, min ngaihven zawmlo deuhin midang chu abe leh daih tawh a, ka hahdam huai thei Krossi te ṭhian zingah Saipuia nau Awmawmi kha atel ve a, Awm ze nei deuh deuhin aṭawng lang lang reng, Fela lah areh vung vunga i thlen chin minlo hrilh rawh tiin ka thlah ve thlapa, call dawnin a motor khalh lai ka tihbuai ka hlau ve tho sia, keimah pawh hian ka buai tawk em em 

" U Sangsang, lo ei ve rawh " Spicy an siama, Liani leh Malsawma inhnuaiah an awm rih a, an tello chuan anuam ka ti vaklo

" Tunlai chu ka pum anuamlo emai, ka ei velo mai ang " Krossi'n ei ve turin min sawma, midang zawng chuan an kil vek tawh, kan khua ka hawn aṭang hian Nodless leh spicy pawh engmah kala eilo

" Nanghi i rai anilo maw? " Lalawma'n atih kher chuan ka lungawilo khawp mai, Awmawmi chu anui har hara ka thinrim sa nen ka thinrim ati zual

" Vanlawm engmaw i sawi kha " Ka ti chang bal

" Ka pum anuamlo iti sia, i rai ami Ka ti mai mai anih kha"  

" Mipa in pum nuamlo an neih hian an rai vang ani emni? I ṭawngtam hle mai hmeichhia ang chiah ini. I kapa mi chauh khan a ti pa ve che ani mai lo maw " Ka tih chuan anui tawp chiang khawp mai 

" Lalthansang fiamthu hi hrethiam rawh, fiam i dawllo emai" A ti ve nghut, min melh run run bawka ka hlauh a ring em mawni

" I nuih pui theih i fiamte nuihpui theih loh thil hi fiamthu ani ngailo, chu chu hre tawp rawh " 

" U Sangsang i va pawr ve, U lawma khan afiam ve mai mai che anihkha, i nihna anih loh te chuan huat tur pawh a awmlo " Awmawmi'n inla fel fahranin alo ti, a sawi zo chiah Saipuia'n ' Awmawm, ngawi mai rawh ' ati nghal.

" Vawih loh puh mah na kan ti alawm le, hetiang thil hi chu midangin an nuih liampui thei anih pawn keichuan ka thei velo, reng rengah Awmawm, i nau lutuk i aia upa te buaina ah lo inrawlh ve sek suh" Ti fak fakin ka dinga

" In fiamthu asang emai, tikhan lo infiam chhunzawm ru " Ti a ka kalsawn tur chu midang ho chuan anlo phallo nasa mai

" Hawn angailo U sangsang " Krossi'n ati a, Awmawmi chu a hau pah hlak hlak

" Lawma mizia te chu i hrechiang hle sia, ngaihkhataha ngai rawh " Saipuia pawn ati ve nghut

" Ka hrechianglo a ka hre peihlo bawk, Sairengpuia nangpawh ka hrilh chian che kha, i ṭhiante hi hrilh ṭha rawh an buaina ah chauh buai rawh se, min hmer tel ve ṭalh tawh su " Ti fak fakin ka kalsan a, step ah Malsawma nen kan intawka chupawh ka be chuanglo, ka thinrim rih em a hawn thuai thuai a keimah chauha awm ka duh. In ka thlenga alo reh ṭhiap mai, khumah ka mu nghal hmak, ka rilru afim tial tiala engvanga thinrim vak nge kanih pawh ka inhrethiamlo, Fela nen kan chengdun tih an sawichhuah ka hlauh vang pawh ani maithei, Kan in ngaizawng tih chu ka zep lo a angai pawh ka tilo mahse, kan chengdun tih kan khaw mite'n an hriat leh chuan azahthlak dawn. Saipuia nen kan ṭhen hnu lawka Fela nen kan inkawp leh pawh min sawi nasa tawh ania.

Ka harh leh meuh chuan alo tlai duai tawha, ka harh rualrualin ka phone ka en nghal, beisei ang ngeiin Fela missed call a awm a, rang zetin ka call back nghal

" Princess " A lak rualin alo ti duta, ka nui nghal ver ver 

" Darlinga pa, i thleng tawh ami? " A tlan tluang anih chuan thlen chu ahun tawh

" Thleng tawh e, ka thlen veleh kalo call che a " Alo ti a, tui taka ka mut siai siai lai khan anih hmel

" Liani te in aṭanga ka hawn hnuah ka mu nghal daiha" Anui suk a phone chhan aṭang pawn ahriat viau 

" Min nuih alaw " Ti tau derin kati hmak

" Nuih nang " 

" I thlen chin pawh min lo hrilh i tum lo a " Ka ti leh a

" Ka thlen hunah law law biak che ka duh zawka, kawng laka ka biak che chuan kan inbe rei thei dawn silo a " Alo ti ngei, awmhran hian a inla zei riau zel

" Inla zei ṭhin viau suh, kan awm tlan hunah chuan i lai leh ṭut ṭut awm tho sia " ka tih chuan a duh lo ve lutuk

" Ka lai ṭut ṭut ngailo, ka zah che ka tihkha " Lai ṭut ṭut tih chu aduhlo khawp mai, kan inbe rei phian leh nghal a, kan dah tawh dawn mi ka tih in ' Min ning ami? ' alo ti ziaha, dah luih dawna awm nuam lo deuhin min siamthiam ve lutuk.

" Khawnge kanu " Kanu'n eirawng abawl emaw kati a, Mampuia lek alo ni

" Kapu tein ah " A ti maia, athil tihlai atih zawm mawlh mawlh

" Ka zu kalve teh ang " Tia kal nghal mai ka tum chu 

" Veng chhaka kapu tein ah zawk " 

" Ava leng hla peih em em " Ka ti a, ngaihṭhat lohna em em ka nei chuanglo 

" Thil thleng a awm ami? I u ka nih hi min hrilh rawh " Mampuia hmel chu a dik tlat lo, ka sawifiah thiam dan chuan vei lian deuh nei a ang kati

" U, Kapa hian ngaihzawng aneih leh i ring em? " Ati a, vei lian deuh nei hmel apu ka ti a mahse, a vei lian tak asawichhuah takah chuan ka hamhaih leh viau lawi sia

" Ka hre nang, rinhlel turin a awm ami? " Bangbo deuhin kati a

" U Mawimawii hi mawle, an in ngaizanng chu ka ti ngamlo mahse, a ngam mah mah ṭhin a, kanu tana hmuh nuamlo khawp hian a khawsa ziah zel, tunah pawh an inti thiamlo deuha chuvang ania kanu alo hawn loh " A ti ta zela, U Mawimawii lo len tuk pawh khan an in hnial anihkha

" Kanu nen an inkawm ngeih viau khan ka hre sia " 

" U Mawimawii zia te chu i hremai lo emni? " Mampuia'n ati nghut

" Ka hrethiamlo, chiang taka fiahna a awm loh chuan. Ahma in kapa chuan ngaihzawng chu anei ṭhin pawh ani ang mahse, ka sim ati a fiahna tello a rinhlel ringawt chu adiklo alawm " Ka ti a, kan ngawi dun leh vang vang, kapa pawh nakinah titi pui ka duh, kapa anih avangin ka ringchhe phal tawhlo pawh ani maithei. Kum14 vel kan nih chhoh khan kapa hian ngaihzawng anei ṭhina, kanu nen pawh reife chu an inṭhen lailawk nghe nghe mahse, abialnu kha anei duh chuanglo kanu kha ngaihdam adila keini kanlo awm ve tawh bawk nen kanu khan rilru na deuh chungin atlawm a kapa kha angaidam ta kha ania, tikhan kapa pawn asim chho ve taa vanduaina te tawkin duh angin hna athawk thei tawh bawklo nen arilru a peng tawhlo a, kan chhungkua pawh kan hlim tlang ve tawh ania

" Kalo ti ang, tui chawi zawk rawh " Ka nau eirawngbawl chu ka biaa, a chawhmeh siam lai chu dahin ṭin leh tuikawhna nen tui chawi turin a chhuaka, ka nau thang hlanin kapa pawh alo hawng

" Pa, kanu nen in inhmu em? " 

" Hmu e, i pi chaw hmeh siam anghak anihkha, a eichak leh tlat sia " A ti a, a ṭawng ri chu a thawveng riau in ka hria, pa te meuh han titi pui dawn chuan huaisen alo la ngai khawp mai, kan upat tawh vang a palzut theih mai mai anilo, Gas a ka chaw hmeh chhuan chu ka sim a, kapa'n thingpui ka in duh atih avangin sitting room a kapa ṭhu chu thingpui hang ka pe

" Pa, thil kan sawi dun lawk dawn mi " A bula ka ṭhut chuan, a phone chu dahin min en a

" Eng nge i sawi duh ka fanu " Nung sarhin ati

" Kanu hi i hmangaih tiraw? Kei leh ka nau kanu leh kan chhungkua hi i hmangaih tiraw? " 

" Ka chhungkua innia lawm, engtin nge ka hmangaih loh theih ang che u, tinge hengte hi min zawh reng renga" Kapa chuan ati mawlh mawlh

" Thu leng vak ka hriaa chuvang ania, engdang vang anilo" Ka ti zung zung

" Ngaihzawng ka neih in ring tih ka hria alawm, keiin ka chhungkuaa ka rinna zawng zawng ka nghah laiin nangni chuan ka lakah rinna in nghat ngamlo, ka thil lo tihsual tawh te avang khan min ringlo pawh ni ula ka demlo che u, dem thei che u pawh ka nilo " Damdiaia atih kara kapa rilru na hmel chu hmuh ahreawm khawp mai

" Ka ring zolo che anilo, U mawimawii chetdan hi alawm kan nin chu, a ngam lutuk che hi ahneawm, kanu chanah han indah ve chhin mah teh pa, kanu tan chuan hreawm deuh mai asin, keini mahin kan nin chuan kanu tan phei chuan ahneawm ngawt ang " Ka ti a, pa te bula hetiang sawi hi anuam lo mahse, kapa ani a sawipui turin keini bak kan awm chuanglo

" A lo len changin ka kawm ngai em Teuhlo mai, ka nunhlui avangin hmeichhe lakah hian ka inveng ve nasa asin, ngaihzawng neilo mahila ka nunhluiin azir miau avangin eng emaw hlekah rinhlelh ka kai hma bik. mitin hian kan tana ṭangkai lo tur sawi kan bansan theilo a, Miten engpawh lo sawi se min ring hram turah ka ngai che u " Tiin atho a thingpui no chawi chungin room ah min luhsan daih, kapa alut chiah kanu leh Mampuia anlo hawng ve nghala

" Nu, kapa nen in in hau ami? " 

" Kan in hau lo, keimah zawk hi ka hlauthawnga ka ringhlel leh ṭhin mahse, chutiang engmah a awmlo ania nangni pawh ngaihṭha deuhin awm ru " ati sawk sawk a, a chaw hmeh lo suah hawn chu min pe a room ah chuan alut ve nghal, Eirawng ka bawl zawh tawh avangin ka nau tui chawi chu ka chawipui a, kan tui chawina ahla reuh bawk si tha achhe duh ngei mai. Lungawi lo deuha Malsawma tein aṭanga ka hawng kha zan lamah pawh ka kal duh talo ka thinrim vang pawh ani tawhlo, Liani'n min lo call a alo mangang lutuk ' Sairengpuia te pawh ka hau hrep ' alo ti vela, Liani ngaih aṭhat theih ngang loh avangin ' Kalo kal dawn nia ' kati ta nge nge. 

" Nu, Malsawma tein ah ka kal veleh lawk dawn aw, ka reilo ang " Kanu leh kapa chu sitting room ah an ṭhu a, Mampuia chu aleng leh tawh aniang. Ka kal hma in Fela hnenah ka len tur thu msg in ka hrilh a tlaia a online bak ala online leh lo, Malsawma tein ka thlenga Liani'n min hmuh rualin 

" Min ti mangang alawm " ti chiamin ka hnungah min beng dawp, a kutthlak hi ana ṭhin si

" Ka lungawi ka ti renga min awih lehlo anihkha " Nui vur vur chunga ka tih chuan min melh ram ram

" Malsawma'n a thinrim hmel lutuk ati a, chuvang alawm ka mangan " a ti a, Malsawma nen kan in tawh khan ka lungawi lo ve em bawk ani, mipakhat laka ka lungawi loh chang hian midang lakah tihlan ka duhlo ṭhin ka insiamrem vat ṭhin bawk mahse, vawiin kha chu ka insiamrem hman thlawtlo ani.

" Ka thinrim alawm ahunlai kha chuan, ka thinrim lai chuan ka ngawi reng zel tih te chu i hriat kha " 

" Lawma pawh a inthiamlo lutuk ania aw, khatiang khan ithinrim aring bik miahlo " Malsawma'n ati a, a inthiamloh lutuk chu ka ringlo, a inthiamlo anih pawn tlem te chauhin ani ang. Aizawl ata tawh kan khua thlengin min fiam dan zawng zawng ah khan lungawi duak duak hi ahar ve tawh em asin

" Ahma aṭang tawhin min fiam dan hi ka lungawi tawhlo alawm, vawiin kha chu keipawh ka thin a chhia a, tum loh deuhin ka thinrim phut anihkha " Ka ti ve leh maia, Liani'n thildang asawi kai ta daiha, ka len chhungin Saipuia leh aṭhiante hmel hmuh tur a awmlo a atihzia khawp mai. Ka hawng tur chu Liani'n min thlahin thui vaklo alo kal ve a

" I hlauthawng tih ka hria ania aw, tunlai te hi i mizia adanglam hret, Sairengpuia te pawh pangai takin hmachhawn tawp rawh " Liani hian asawi dik viau ang, hlauh chhan tur ka neih awm ka hre silo

" Ka hrelo ka period dawn hnai aniang, ka period tur hi ahriat theih lutuk, ka period hma karkhat vel aṭang hian ka mizia adanglam ṭana ahreawm thei lutuk " Ka ti niah niah, hmeichhe dang chu an taksa te ana a, an rilru lam akhawih ve vaklo mahse, keichu taksa na leh hreawm tak angin ka awmlo a chuti anih laiin ka rilru lamah hian min nghawng thei lutuk. Liani'n min letsan hnuah kan in pan in zawi muangin ka kala, Fela min lo call tehmial

" I la hawnglo ami? " Call ka chhan rualin alo ti nghal tawpa, tum loh deuhin ka nui chhuak hak

" Hello ka tih hunte nghak ve ṭhinla " La nui vur vur chungin kati a angawi deuh vang vang, Inhmu kherlo mahila alaih vangin sawi tur ahre leh mai tawhlo aniang

" Lai deuh in i hawi kual chiang " 

" Ka hawikuallo " Rang zetin alo ti nghal

" Min lo call tete a min be leh peih silo ami? " 

" Ka biak peih loh thu che ka sawi loh kha, Malsawma tein aṭang chuan i hawng tawh em? " Ati duah

" Umm, hawng mek kawng ah kala kal meka " Ka tih chuan athaw chhuak nghal suai suai

" Nangmahin Zanah chuan chhuak vak tawh suh " 

" Yess boss, i chau lo ami? Vawiin ah motor i khalh nileng sia, i duh leh mu hma daihla " Ka ti zat zat

" Ka be chak che alawm, min be peihlo ami " Ati nghut achang hi chuan arilru hi ate ve ṭhin ania

" Ka be chak che ka ngaihtuah vang che alawm, ngai kawi tawh suh " Ka ti hlak hlak, chutia ka tih takah chuan a inthiamlo leh deuh nge 

" I bulah khan ka rilru ate leh tlat zel " alo ti kual leh vela, ka nuih ka nuih ringawt, in ka thlen hmain kan dah ve ta hram, adah hmain ' I mut hunah minlo hrilh la kalo vcall ang " inla zei zetin atih veleh khanglan kha. Inchhung ka luh chuan anlo mut vek tawh ka ring ania mahse, an zavaiin anlo la ṭhu ṭhap, ngaihṭha zanlo chuan kanu bulah ka ṭhu ve a

" Ti teh ṭhap nge " An ngawih tak vang vang si ah chuan kati leh ta nge nge

" Lucy in palai lo tir rawh alo ti a " Mampuia'n ati, Lucy chu a nupui ruk ve zawk kha ani

" In la inbe ṭhin alaw " A nupui ruk ve zuai hi ahmel pawh kala hmulo reng reng

" Min lo bia " A ti leh a, kanu leh pa te chu anla ngawi dun reng

" Mi inah ka mo peihlo ati ani lawmni, aduh duh danin intih kawi tir reng reng suh " ka ti hlak hlak, Zaklo thei an awma Zaklo ve hrim hrim hi an awm bawk. Kanu'n a sawi thawi aṭang khan ka ngei ve nghal tawp, mi hi ka ngei mai mai khat ania

" Keipawh Palai tirh leh angai ka tilo, Nau saw nei se alakhran theih hunah kala bawk ang " Mampuia'n atih leh laiin kanu'n alo khap

" Mi fanu nun iti chhia a, mawhphurhna chu i lak ngei tur ani, palai lo tir rawh an tih chuan kan tir leh mai ang " Kanu'n atih chuan ka ngaihdan anilo lutuk

" A chan chhe zawk chu hmeichhia alawm, atirah palai tirh tumlo pawh kan nilo a " Ka tih hlak hlak laiin 

" Chhungkua a kan sawi ho tur anih hi " Kapa'n alo ti nghut, a thusawi dan chuan min ti bangbo teh asin, Kapa hian min ngai hrang tawh lutuk A chhungkuaah pawh min chhiar tel tawhlo anih hi, ka chhungril na veng veng chuan ka mittui ati hnai kuar thei

" In chhungkua chu ka ni ve talo tihna emni? " Chhungril na veng veng chungin kati, ka mittui lo hnam ṭiam ṭiam chu ka khap let sak sak

" I ṭawngkam hi fimkhur ṭhin rawh U Ngaih " Kanu in alo ti vata mahse, ka rilru anat tur angin ana vek tawh

" Engtin pawn ṭawng lo nei tawh mahse, i fa apai miaua kan ngaihthah ngawt theilo, Palai lo tir rawh an tih a kan tir loh chuan nakinah miin min sawi nasa leh lutuk ang " Kapa chuan ati a, rilru na deuhin kala ṭhu ve reng ' Ka rilru ka kawm nasa deuha kalo ṭawngsual ani ' tia a insawifiah te ka ring ve ania. Room a ka lut chu kanu'n min zui lut a

" I pa thusawi kha ilo ngai thutak leh lutuk ang e " A tih ka ring reng ah

" Ka ṭha alawm min ngaihtuah suh, kalo hawng khat sia min theihnghilh thut aniang " Zalo deuhin ka nui paha

" I mawl mai mai e a " a ti hlaka atlai tawh avangin a chhuak leh nghal vat, kapa thusawi te kha ngaihtuah let loh hram ka tuma, ka ngaihtuahna aluah pawn 'tlaia ka thil sawipui vang khan ka lakah a lungwilo aniang' tiin ka in hnem ka inhnemna chuan min ti zangkhai chuanglo.

Atukah chuan zing chaw kan ei laiin kanu'n

" In luah tur tehi kan ngaihtuah ve dawn mile? Fela nen in chengdun reng pawh a tihchi tawh loh " ati a

" Nu, Fela nen chendun ka duh vang ngawr ngawr anilo a mahse, inluah hran chu ahautak ania aw ka hlawh ala beitham ve sia, inluah leh mamawh dangah ka in khawhral zel anga nangmahni thawn tur ka neilo ang tih ka hlau " Inthlahrung deuhin kati a

" Eng nge i ngaihdan U ngaih " Kanu'n ati a Kapa chuan kanu pawh ngaihsaklo in chaw a ei mial miala zingah pawh min belo a ka be biklo, ka chunga alungawilo ta ngawt chu ka hrethiamlo khawp mai

" I tih dan dan khan ti rawh, chhungkaw chawmtu ania aduh dan dan khan awm rawh se " Kapa chu a kham nghal daiha, nizan ata tawh pai dam har deuh deuhin min ṭawngkhum ziah

" Eng chu hria ni maw? " Kanu'n choka aṭanga kapa chhuak en zui chung chuan ati vang vang, chaw pawh ei zawm tawhlo chuan ka kham ve nghala, Mampuia leh kanu pawn an eizawm chak biklo aniang an kham ve nghal daih

" Mampui, U Ruala kha min lo biak teh, ala rem chuan chaw hnu chhuak ticket minlo laksak rawh " Ka ti a

" Thinrim suh ka tih kha, ipa pawh kan sawipui ṭha dawn nia, i nau vangin a rilru abuai deuh aniang " Kanu'n ati tak naa Mampuia chu ticket min lakdak turin ka ti lui tho, kapa khan ka thawhchhuah chhuang lutuk ang ah min chhuah der anihkha, kanu leh pa te hnena ka hlawh ka pek avang hian ka intithei ngailo, thawk chhuak thei tura min enkawltute anni tih ka chian em vang ani. 

Cont..