Lunglawm Tikimtu chapter-15

 " U ruala chu i bia em? " Thleng ka sil zo a, room ah ka awm laiin Mampuia alo lut 

" Bia e vawiin chu akal dawnlo " Ati a, biak tak tak pawh ka ringlo

" Motor ka chang tawp mai ang " Ka thawwmhnaw khung mawlh mawlh pahin kati, Mampuia chuan thawpui ala halh a

" Tinge kal itum tlat, kapa pawh keimah vangin arilru abuai rih deuh anihkha hrethiam ve ta che " A ti nghuta, chhan en ah pawh ka en hranlo, a fanu hi mihrang ang maiin min en anih hi, eng vak nge ka tihsual thil ka zawt ani ve maia, khatiang zawt theilo khawpa mihrang kani tawh tih hria ila ka zawt bik hauhlo ang. 

" I va luhlul e aw " Amah pawh chhanglo a kala insiam zawm reng avang chuan ka bag chu min laksak a, Hmangaihhlua chu ka melh nghal ram 

" Minlo pe rawh, i vanga arilru hahna chu kei hian kalo dawngsawng ang maw? Khati fakau a min ti tur kha ani bik emni? " Eng ber nge sawi ka tum pawh ka hrelo, ka rilru ana a kapa ngeiin khati taka min ti kha ka lungawilo, ka lungawi loh chang leh ka thinrim chuan ka ngawi reng ṭhin, ka ṭawngchhuah hi chuan sawi loh tur tur te hi sawi kai a awl a, ahnu leh ah inchhirna atam mahse, thinrim ber laia ngawih tlat chu thil har tak ani thung.

" Chu tak chu i hriatthiam tur " Atih leh rualin a ke ah ka chhir sak zawt, ' Ana ' ti chiamin a ke chu a dawm nghala

" Kapa in min tihdan kha i dawnsawn ve hunah i hrethiam dawn nia " Bag chu chhuhin khumah ka daha, room aṭangin ka chhuahsan vang vang, inchhungah pawh awm peihlo in ka chhuak tlanga, pawnah chuan thinrim insum zetin thawk kala halh halh. Ka chhungkaw tan tiin rim takin hna ka thawk ve a, kanu a hah lutuk loh nan tiin ka hlawh hi atam zawk ka thawn ngei ngei ṭhin, intihtheih nan ka hmang ngailo a, kanu leh pa phurrit tlem te kalo chhawk thei erawh ka hlim ṭhin, kapa'n nilo lutuk a min ngai chu kala na a ka rilru ana ani tawp mai. Tihtur awm bawk silo kawtlai ah kal bik na tur pawh hrelo chuan ka tei kual mai mai, ram a kal tur te nen kan in sul pel a hahtak leh rim takin nitin an thawk a nitin lungawi takin an kal thei hi ka van tluklo tak, kut hnathawktute hi an va fakawm em. Keini daihlim hnuaiah ṭhutna nuam takah hna kan thawka peih loh em em chang kan nei leh nghal, anni thlan tui luanga ni sa hnuaia thawk te hi chuan nitin mai hian peih lo em em mahse, an demawm loh ka ti, hetiang ka hmuh changte hi chuan ka chan hi ka vannei ka inti Pathianin min enkawlna min hruaina hi ahlu kati bawk. 

" Aizawla let kha ngaihtuah rih suh " In chhung ka luh leh rualin kanu'n alo ti Rei fe ka kalkuala, vengthlanga kapu te pawh ka zu tlawh, Patea nupui pawh alo awm tawha azia ngai tete in ka awm chhung reilo teah mi engzat nge arel kual leh hman pawh ka hre senglo. Nutei hi chu aṭawngkam ṭha thluam leh aṭawngthei lutuk hi ka ngaina lo, pawisawi zawngin aṭawngthei tlat a inven uluk angai ṭhin, a thusawi vel pawh ka 'umm eee ' liam sak mai mai, kapu te in aṭanga ka hawn chhoh pahin Liani te ka tlawh zuai bawka anla buai ve nak nak khawp mai 

" Hawng pawh tum ila motor a awm rih loh hi, naktukah chuan ka hawng tho ang " Ka ti a, kanu chu kal pelin ṭhutthleng ah chuan ka ṭhu a, lukham chu ka tih ziah danin ka pawm nghal ṭat

" Tikhan min tih tauh khum lo teh aw, i awmphung hi adiklo engpawh sawi ila min vin let ve khar khar zel " Ati leh hlak hlak tawh, ka ngawi a chhang talo chuan ka phone ka khawihsan, ka chhanlet leh chuan ahma aiin a pawr sauh ang. Thluakfinga missed call leh msg alo awm ve ngei a, call let duh talo chuan msg zawk chu ka chhanglet, kan awmdun zing bawka kan han awmhran takah chuan eng emaw riau hian min mawlh tlat, zanah hian ka lungleng ve veng veng zel bawk, zan lunglen te hi ka nei khat ania.

" I nutei hnenah eng nge ilo sawi, i nutei bulah chuan engmah sawi suh ka tih ṭhin kha, thubelh aching si " A tih leh chuan ka beng averh zar

" Eng nge awmzia? Nutei hnenah chuan eng nge ka sawi " Vawiin ah nutei nen kan inhmu ve chauh ani sia

" Chhungkaw chawmtu nih chuan duh ang pawn a awm ve mai mai theih loh ' iti niin a sawi a, ipa alo hrilh aniang, chuvang ania i pa pawh alungawi loh "Kanu'n atih chuan Ka thinrim khawp mai, chutiang ṭawngkam chu vawikhat mah kala chhakchhuak ngailo, Nutei rapthlak zia em em chu ka sawi loh pui sawi anga min puh khanglan chu le

" A zaktheilo emai, Kalo thlen aṭangin vawiin ah bak Nutei nen kan inhmulo, chutiang engmah ka sawilo hrim hrim " Ka thinrim lutuk chu ka hrawk te hi aphui vekin ka hria

" I pa in chutiang kil kel a hre ve hleinem, Veni pawh hauh angai anih chu " A ti zung zung

" I hauh angailo keiman ka buaipui mai ang, azak lo emai ka sawi loh pui sawi anga in puh, lo sawi ilang chuan thubelh deuh pawn lo sawi leh se ka hrethiam thei mahna" Ngawih mai mai ka tumlo

" Angailo keiman ṭha deuhin ka zilh ang, i tel ve chuan i nasa reuh sia kan buai pherh lutuk ang " Kanu'n ati leh hram

" Angailo lo inrawlh zawk suh u, Dawt a sawi ngam anih chuan thudik pawh a hmachhawn leh ngam tur ani " Ka ti hlak hlak

" Tunah hian ka zu kal leh zawk dawn maw ni " Ka ti a, ka ding chu kanu'n nui vur vur chungin ka tukhumah min nam nawk, tunah tak kha chuan kanu ka fiam ve pah hrim hrim ani. Kanu leh Mampuia Huanah an kala kapa chinchang erawh ka hrelo, areh bawk si ka phone ah zai play in inchhung chu ka tifai, tifai tihah chutiangin a ballo hrim hrim, ka chhungte hi chu an che hnawk vak ngailo a, keimah bawk hi ka buaithlak ka tlasam sia kanu pawn min hau leh nge nge ṭhin, ka inpeih hnu chuan ṭhutthleng seia mu ar ar chungin Fela ka call

" Umm Princess " Ka nui nghal var var

" Eng nge itih? I buai em? " khawiah nge a awm ni ari nuai nuai mai

" Ka bazar a " Alo ti a, ' tu nen ' ka tih lai takin 

" Fela hei hi kan lei mai dawn mi? " Seniori aw ngei maiin alo ti a, ka ṭawng tawp chiang teh asin Lalruatfela'n engtin nge a chhan ang tih ka ngaihchan reng laiin ' A pawilo ' tiin a chhang a

" Seniori nen thil kan lei a " 

" Innei law law rawh u " Ti hlarin call ka off nghal, kan awm dunlo dek deka seniori bawk ati leh ṭan tawh, tunlai ka thil tawn hi lungawina tur ava han vang chiang tak, min lo call leh pawh chuan kala duh tawhlo a, aduh duh danin awm rawh se. Kanu te anlo hawn chuan thingpui ka siamsak a, an ṭhut hahdam laiin an thil lo hawn chu ka lo dahfel zung zung 

" Naktuk tuk leh thleng kha tiraw chawlh i neih " An thingpui ka pek laia kanu'n atih chuan ka bu zeuh

" Anih chuan naktuah chuan i hawn angai mai dawn ani maw " A ti a

" Umm, Mampui ticket min laksak rawh aw " ka ti nghal zat, Mampuia pawh chu abu nghata 

" Ka ring deuha chuvang ania chaw hmeh pawh kalo lak am deuh ni, zanah i hawn tur kan siam dawn nia " Lalruatfela lakah ka lungawi lo bawk nen Aizawla let leh pawh chu ka phur tawhlo, kan in a awm lah kapa nen kan in be ṭha rih bawk silo. 

" Nu, Dorm ah ka awm leh mai dawn mawni " Ka tih chuan 

" Tinge? Nizana ka thusawi vang khan mi? " Kanu chuan ati ha

" Chulam pawh anilo, hmeichhia leh mipa chendun chu amawi chiahlo, kan in ngaizawng ve bawk sia " Ka ti a, hei hi chu ka ngaihtuahna arei tawh, sawi leh sawi hnu Dorm aṭang chuan kan company ahla a, inluah dawn lahin ka hlawh ala tlem si, inluah te hi phur thuta tih mai mai chi anilo, in luah tur avan chu thuhran ahau tak lutuk.

" Dorm aṭang chuan i hnathawhna ahla alawm, inluah tur chu zawng ve zawk mai rawh, Pathian zarah in luah pawh nila kan nghei em biklo ang " Ati a, rilru abuai kual nuai mai. Tlai ah kanu nen eirawng kan bawla eirawngbawl hi chu ka zei lo ṭhin khawp mai 

" Nangmaha in i luah phei chuan chaw i nghei zing awm " A ti leh kher khera 

" Tunah pawh ka luah reng alawm " Ka tih ve chuan 

" Fela'n eirawng abawl vek zel alawm " Ati a anui kur kur lehnghal, asawi dik miau sia chhanlet vak ngaihna pawh a awmlo 

" Keipawn ka bawl ve tho aw " Ka tih chuan ' I siamtui ngai hleinem ' Ala ti tho, kanu hi chu ama tawkah ahnial hrat ve ania

" I pa pawh hi khawnge alen leh ni, hnathawh tur aneih loh hi chuan aleng vang vang zel " Kanu'n ati hlak hlak, chaw eikham aṭanga achhuak kha alo la hawng eih lo

" Tun bak hi chu kalo hawng tawh mai mai lovang abuaithlak emai, ka awm vang aniang kapa pawh in ah a awm peih loh " 

" Ve leh ringawt zel che hian, i duh duh sawi ringawt zel suh, i kum pawh atam ve tawh nen i naupangchhia thei lutuk harsa deuh ṭhin mahse, thil hi hriatthiam tum aṭha ania. Kan hriatthiam loh tlat chuan kan hah mai mai chuvang chuan hriatthiam tum hram hi aṭha " A ti dap dap a, hriatthiam loh pawh tum ila kapa ania ka haw thei chuang hleinem

" Kapa ania ka haw thei chuang hleinem mahse, ka theihnghilh phah dawn chuanglo a " Ka tih chuan kanu pawh angawi reng, naupang kan nih laia ka thinrimnate, kan lungawi loh na te, kan rilru nat ve na te kan theihnghilh leh nghal zung zung ang kha ani thei tawhlo, puitling kan nih hnuah hi chuan theihnghilh kan duh ngawih ngawih te kan theihnghilh thei tawhlo ṭhin, kan hriatna aṭhat vang lam anilo a, puitlinna in a kentel anih vang hrim hrim ani, chu chu kanu pawn a hrechiang ang chu. Kan naupan lai te chuan, na tak takin kan nu leh pa ten min vua in kan ṭap hliam hliam a, ahnuah ṭha taka min thlem chuan kan lungawi leh mai zel kha ani ṭhin a, pan lai nun angaihawm vung vung mai

" I pu tein ah chuan kan chhukthla lawk dawn mi " Ka mut ar ar laiin kanu'n ati a, rang zetin ka inperh tho nghal

" Keiman ka sawi ang lo inrawlh ve suh ang che " Kan inzui chhuak a, kawngka ka lock laiin ati leh tawh

" Angailo bawk keiman ka sawi mai ang " Kan nufa chuan kan in melh rum khawp mai, kanu hi chuan ṭawngkam ṭha deuhin asawi leh anga keichu khatiang kha ka ni velo, ka dikna ah chuan insual riap riap pawh ka duh zawk. Nutei dawtsawi vangin kan chhungkua kan buaia chumai nilo kapa nen kan inkar thlengin ahlat phah vek 

" Nangni nufa chu, Kalkawngah inla inhau thla nasa leh viau lo maw? " Kapu tein kan thleng a, Nitei'n min lo hmuh rualin ari hlut, kanu nen hi chuan kan in ngeihlo pawh anilo kan inhnial peih ve hrim hrima

" Kan in haulo naktukah ka hawnsan dawna ka tello chuan aleng leh thei tawhlo anih hi " Ka tih chuan Nitei anui uar uar a Kanu'n ' I zaktheilo mai mai e a ' a ti hlak hlak bawk

" Hetah ilo awm daih alaw, i lenna kan hre hleinem " Kapu te sitting room ah kapa lo ṭhu reng kanu'n ahmuh chuan a ti chul

" Kapa tein ah ka zu tei thla teh ang ka tih kha " Kapa pawh chuan alo ti ve maia

" Ka hre hleinem " Kanu'n ala ti ve ṭalh

" Tuaii, engtik nge Aizawl ah ikal leh ang " Kapu'n ati a

" Naktukah hian chhoh ka tuma " Ka tih chuan 

" Ekhai! Veni, chaw i chhum tawh em? I chhum tawh pawn chun nawm leh rawh, Tuaii chaw ei ah kan sawm veloh te chuan " A ti hluai a, kapu hi chuan min ngaipawimawh ve ania

" Naktukah lo eise ani mai alwm, chaw hmeh ṭha kan nei bawk silo " Nutei'n ati a, keichu ka sualthiam ka tihkha ka ngeiawm thiam bawk

" Zanin ah kalo ei zawk ang, chaw ei ah min sawm ro ro chuan, chaw hmeh lamah kha chuan ka ngaihtuahawm loh " Ka ti zat zat, Nutei tihbuai ve leh hrim hrim ka duh vang ani 

" Zopui, sangha te kha va lei rawh, chaw te ahmin har hleinem chhum belh ula " Kapi in ati ve bawka, Nutei chu tum hmakin choka ah alut, Patea nen fa anla neilo a ala tlawngawl bawka tibuai hle ila animai 

" Angailo tibuai suh u, Sangi eirawng kan bawl vek tawh kha " Kanu'n alo ti ve leh tawh

" Tunbak chu kalo hawng leh khat dawn asin " Ka ti leh hrama, ka chetdan naupangchhia deuh chu keipawn ka hre ve tho 

" A duh leh ei rawh se, apu te pawn an ngai ve ang " Kapa'n ati ve mial

" Sangi, sangha chu va lei ang hmiang " Nitei'n atih chuan ka ' aw ' vata, ka kal hmain kanu hnenah ' engmah lo sawi suh ' ka ti a, ka lungawi ta tihna erawh anilo.

" I Nutei pawh a tum leh bur tawh kha " In aṭanga hla vaklo kan kal hnuah Nitei'n ati a, amah lah chu anui kar kar leh nghal, Nutei hi chu Nitei pawn ngaih khatah anei tawh, ala naupanga kei aiin kum10 vel lekin a upa ang. Patea'n senior lama atawn kha ani tlata, Patea nen pawh in upat hleih fia fia tak anni

" Ka chimawm ka chhuah ve hrim hrim anihkha " 

" Ka hre lehpek alawm, i nutei hi chu i tibuai ve chak hrim hrim " Sangha kan lei a, Nitei nen kan chuah tawh chuan dawr hi kan kalpel thei ngailo

" Ni, Spicy hi in kawn ila " Ka tih chuan dawr nghaktu anui hak 

" Zopuii chu i vahte te nen in nula tual chu ani leh reng mai anih hi tiraw? " Ati a Nitei'n nui uar uar chungin ' Tunah chuan ka leng tar tak tak dawn niin ka inhre tawh ' a ti a, dawr a lo awm vete pawh an nui dar dar

" In kawn angailo kalo lei ang che, zanah kan ei dawn nia, thildang duh i nei em?" Pawisa pek ve ka tum chuan aphal tlatlo, thildang duh i nei em Atih chu ka hrelo der phal ngang lo a, Spicy ei hun a intur leh ei tur ka la tel hram 

" Sangi, engtik nge i kal leh dawn " Pi Nubawihi'n atih chuan Naktuka ka kal tur thu ka hrilh

" I va awmrei dawnlo ve " 

" Nia, Naktuk thleng chiah ka hnaah chawlh ka nei bawk sia " Ka ti a, thildang dang min zawt luam a duh ai rei kan ding

" Nite, Nutei tih an lohzia chu maw Kapa hnenah 'Chhungkaw chawmtu nih chuan duh ang pawn a awm thrih loh ' ati min lo tia, kapa nen pawh kan in hnial deuh alawm " 

" Veni chu ava ti anglo ve, hauh angai anih chu ipa reng reng pawh thil hriatchian ve phawt tur ania " Nitei'n ati hlak hlak 

" Chaw ei laiin kan inhau a, vawiin ah Aizawl ah let ka tum hman alawm " Ka ti a Nitei a chek tlak tlak 

" Ilo hawng lo chu aṭha hlauh, i nutei pawh kan hau dawn nia " Ati a, In kan thleng chawpchilh bawk nen kan sawi zui tawhlo a kanu te pawh anlo hawng diam tawh, kapu leh kapi bulah chuan awm in kapu in atlangval lai chanchin te asawi a, a infak chiam ṭhin laiin kapi alo chek tlak tlak zel. Putar pitar ho hi chu an nunhlui an nulat tlangval lai an sawi chang hian an nihna bak bakin an insawi ve ziah, keini an vanglai hre phalo tan chuan uluk taka ngaihthlak bak sawi theih kan nei velo. Nutei pawn chaw ei apeih ve thuaia, Nitei'n apuih laiin keichuan ka pui lemlo, kapi te bulah ka awm char char a, ka hna chungchangte ka hrilh ve a min ngaithla uluk khawp mai. 

" Nite, i sangha kan chu avan tui em em " Ka tih chuan Nitei a nui hak, Nutei kan ani tih ka hrerenga Nutei ka fiam leh pah mai mai ani

" Tak tak maw? ei ṭeuh rawh khatianga tui kha i ei khat leh dawn ania " Nitei lahin alo ti mai bawk si, Nutei chu ahma zawng aiin a tum liana, chaw hmeh te chu a suak sawk sawk ka ti mai, ka sawifiah thiam dan ber ani

" I nutei kan alawm le " Patea'n ati dut, a nupui hi chu a chhan ve ania, a chhan mah mah zel senior lama ahmuh ve chhun kha ani miaua

" Anih chu atui lutuk " Ka ti leh maia, Nutei akham hmasa ber a, kan kham vek thlengin hmuh tur a awmlo hrim hrim, Nitei nen eina kan tihfel pahin kan in nuih tet tet 

" Ala naupangchhia ania " Nitei pawn ati tawp, thleng ka sil a Nitei'n hmun a phiat, ka hna chungchang vel bawk min sawipui a, sawi chhuah sawi chhuah takah chuan ka teammate te pawh an ngaihawm tawh khwp mai, boss chu ka ngai ve vak chuanglo, ka ṭhiante pawh ka ngai call chuan inbe reng mahila hmuh an chakawm tawh, Lalruatfela chu ka ngai awmlo emai.

" Sangi, i phone ari " Nitei'n ati a

" Tunge? " Thleng kala sil a, ka kut ahuh avangin ka ban buai duhlo

" Brainprince " Lalruatfela tih ka hre nghal

" La duh suh, hmet tawp daih rawh " ka ti a, ka thlengsil lai chu ka zawm mial mial, Seniori nen berkher an awm dun kha ka lungawilo, keimaha eng emaw riau min mawlhtu awm hian min ti hlauthawng 

" I bialpa kha ani chiang mai tiraw? In in hau ami? " Nitei lah thil hi a inla hrethiam thei sia

" Kan in hau mai mai " Ka tih chuan a nui a ' Lungawi nghal hmak rawh iti khawngaih thlak ' zuk ti mai mai a mawle. Thleng ka sil zo a Nitei nen chuan sitting room ah kan ṭhu phei ve, Nutei te nupa pawh anlo ṭhu diam tawh

" Ṭhenawm tein ah ka phei a, Ṭhenawmnu saw a titi lakawh leh lutuk a, kalo phei lawk theilo anih kha " Min hmuh rualin Nutei alo insawithiam zung zung, ka eng ah mah athawk lemlo, ka chhanglet chuanglo bawk

" I kal leh hun chu inluah itum em? " Patea'n atih chuan 'ka luah reng alawm ' tiin ka chhang mai a

" Mipa nen in inluah dun tih ka hriaa, azahthlak khawp mai i nu pawn a hriatpui che tiraw, chhungkua i chawm avangin i duh dan danin awm tum ngawt suh. Keichuan Aizawla i let leh pawh hi aṭha ka ti vak tawhlo, ka u te pawh bia ila aṭha ang " A ti hmuk hmuk

" Pate, ka chhungkua ka chawm avang hian ka duh dan danin ka tal kual biklo ania, ka hna bansan ila nangin kan chhungkua min chawm peih dawn emni? min huphurh hle si ang e aw " Ka ti ve hmak, ka patea ani a chhanglet zawt zawt tur ka nilo mahse, insum hi ahar ve ṭhin em ani, ka thusawi hi a diklo chuanglo a, huaisar minti mahse, pawi ka tilo

" I duh ang chuan ital kual ani mai lo ami? " Patea'n atih mek laiin Nitei'n ' In hauh chiam pawh angaih loh kha, thu pangai deuhin hrilh mai rawh ' alo ti, Kapi pawn Patea chu thinrim buan buan lo turin alo hrilh ve bawk

" Lo chhan ziah suh u, in tu hmuh hmasak ber hian ati mualpho ṭep tawh che u anih hi " Ati leh khar khar, ti teh vaka athinrim ringawt chu ka bangbo

" Min zilh hma in i nupui hi zilh hmasa rawh, ka ka aṭanga la chhuak ngailo thil kapa hnena ka sawi anga alo sawi avang khan ka lawm bik reng renglo ania " Ka ti chang fak, sawichhuahna hun remchang tak ani

" I nutei chungah ṭuan lo mai teh " Nutei chu a mitmeng apha nghal dai, kei ka huai sawt thung

" Kapa hnenah ' Chhungkaw chawmtu nih chuan duh ang angin a awm theih loh ' ati te alo ti vela, khi thu khi ka ka aṭangin ala chhuaklo mai nilo ngaihtuah pawh kala ngaihtuah thlen loh thil ani, kan chhungkua kan in hau pherh lo chauh tih inhrelo emni? Nute khi thil i sawi chhan khi i sawifiah ve angai ang, kan khua kalo thlen aṭangin vawiin kha kan inhmuh hmasak ber ani, i hnenah engmah ka sawilo bawk " Ka sawi hnem bawka ka sawi zawh rualin thawk kala halh 

" Chutiangin ka sawi loh kha " Ati tim dai a, kan boruak chu a ṭang ṭha at at khawp mai

" Dawt chuan min puh mai mai suh " Ka tih chhunzawm zat, Patea pawh chu a ngawi ve ta reng, tun ṭum ka hawng zet chu abuaithlak khawp mai

" Liani te kha lo len an tum ani lawmni, in inah chho ila" Nitei'n atih chuan ka hniallo, Tlaiah khan Liani chu naktuka ka hawn tur thu ka hrilh a, zanah kanlo leng ang atih ve ngei kha, Kapu te mangṭha in kani nen chuan kan in lamah kan inzui chho, Nutei kha pawr deuh selang chuan keipawh ka pawr zual sauh ka ring, hetia hnial pawng pawng te hi ka duhdan ani biklo a mahse, ngawi reng theilo khawpa ṭawngkam ngeiawm hi an hmang ve tlat zel. Diktak chuan Fela nen kan chengdun hi keipawn hreawm kati midang mitmei ka veng bawk chutih laiin kawng ala kaw thlawt bawk silo ani. In kan thlenga ka thinrim ala reh chiahlo bawk nen ka ṭhu ngawi kar, vei leh lungkham ka ngah ta lutuk a hreawm ka ti ṭhin, kanu leh Nitei an titi mial mial laiin an bulah ṭhu ve reng mahila ka rilru erawh chuan thil tam tak ngaihtuahin kanu leh ka nite hlat takah a awm

" I pa pawh ka hrilhfiah tawh kha, nangchu naupang zawk i nia ipa chu nangman be hmasa la " Kanu'n atih pawh ka chhang chuanglo, Liani te nupa anlo lenga Saipuia te pawh anlo tel veleh hi, tunah tak hi chuan ka khumah muta in ngaihtuah veng veng ka chak Hreawm viau mahse, ka nui lui hram hrama min en chik tu awm sela chuan ka tun dinhmun hi an hrethiam ang. Liani te ho chu an leng reilo a Saipuia te ṭhian ho pawh zanin chu an ngeiawm lo hram e, an hawn rualin Nitei pawh a hawng ve nghala keipawh ka mu lut ve nghal daih. Ka mu a whatsapp ah Lalai te msg ka chhanlet vel laiin Lawmi msg pawh alo lut ve nawlh, thlalak min lo thawn a ahnuaiah ' Vawiin ah ka hmu a ' tih hi a ziak tel bawk, Fela leh Seniori dawr pakhata an lut dawn lai ania, an lang chiang vakloa mahse, Lalruatfela hi ka hai lo chiang ' Anih chu mawle, min lo hrilh alawm ' ka ti let ve mai, thlalak ka en ngawt ngawt lai chuan Fela call alo lut leh nghala

" Nupui chu ila neilo ami? " Ka laksak rualin kati nghal, Fela erawh hahdam huai ang hrimin athaw hawka

" Nang bak neih che ka tumlo " atih chuan ngeiawm deuhin ka nui kher

" Thinrim tawhlo la, ka call leh msg i chhan duh loh chuan engmah ka ti theilo ania " A lo ti ṭuak

" Seniori nen in chhuahdun tur thu min lo hrilh lang chuan ka thinrim miahlo ang " 

" Ho itih ka hlau " Alo tih chuan ngeiawm vang pawh nilo in ka nui hawk

" Maksakpa, in ngaihzawnna hi maths anga chhut tur anilo, Science anga atih a tih angai " Ka ti a, hetiang khawpa zeilo hian midang laka min rinawm loh san chu ka ringlo ani mahse, thik tura a awm chang hi chuan thin hi arim ve em em zel tho a. 

" Ka tihtur ka hrilh zel tawh ang che, aṭha em? " Alo ti taa, nui var var chungin ' Aw le ' ka ti a. A call ka chhan duh loh lai khan amah chauh ka hremlo keipawn hreawm kati, nilengin kan inbe lo bawka kan inbe rei ngar ngar khawp mai, zanin zet chu Fela'n sawi tur angah nge kei lahin kalo belhchhah ve zel bawka kan tawp hleitheilo ani.

Zingah kanu'n min kaitho a, sumo chhuah hun anih ṭep tawh avangin keipawh ka inti harha, zingkara motor chuan hi chu chuan fuh ahar si, ka rui ang tih mawlh ka hlau

" Bungrua hlan thlak hunah te khan enpui vela, theihnghilh te kha i nei palh ang e " Kanu'n ka hawn tur a ti fel zung zung a, kan in kawt aṭangin motor chan arem bawka ka bungrua chu Mampuia'n kawt ah a thiar chhuak

" Kapa chu lo hrilh rawh, Inluah tur chu ka zawng ang " Kapa alo la tho lo a, ka kalna tur sumo alo thleng tawh bawk, Mampuia'n ka bungrua chu a hlanpui zung zung a, motor ka ruih ṭhin avangin tukverh bul kher hi ka duh ṭhin

" I thlen chin minlo hrilh la, Fela kha i be lawk ang tiraw? " Kanu'n atih chuan lu ka thing 

" Ka hrilh lo lo hrilh su aw kan ṭhawng thut ang e " Ka tih chuan kanu'n awmlo atih hmel lutuk, Ka chhungte nen chuan kan invai liama, kan kal dawn ṭepah kapa pawh alo chhuah ve kha, kapa nen kan inkar ka siamṭha hmanlo chuan rilru akap leh reng dawn anih hi. Ka bula chuangte chu an ṭawng lawng lawng renga, ngawi renga chuan chu ruih a awl tih hre tho mahila sawi ve vak tur ka hrelo, ka bula ṭhu nu chuan chuan akhat tawkin atuibur hmuam chhak renga ka ṭhutna bul tukverhah alo chhah ṭhin avangin ka pum ati nuamlo nghal der, Tuibur rim phei hi chu achhe bawk si, engtin nge amah pawh hian ahmuam theih le. Ka pum ano nghulh tawha chaw ei a kan din pawn ka chhuk ve peih tawhlo

" I rui alaw " Driver hi kan khua ami U ruala ania, chaw ei a ka chhuk velo chu min ngaihtuah deuh aniang

" Ka bula mi khan tuibur ahmuam a " ka ti a, ka ṭawng pawh a ring hranlo

" Bathroom i hmang duh em? Kan pi pawh chu kan hrilh dawn nia " Ati dam thlapa

" Bathroom chu hman tur remchang a awm ami? " Ka tih chuan ' Lo chhuk la ' ati a, zawi zeta chhukin Uruala chu ka zui ve dat dat

" Hmanhmawh lo la pawnah hian kalo awm ang, i luak theih chuan i zia huai zawk maithei ani " A ti a, hreawm viau mahse, Uruala ani hlauha ahreawm dan azia tal e, Hotel bathroom ka hmang ringawta, tui alo awm ṭha viau bawk ka hmai ka phih a, tlem chuan ka zia deuh, ka pum let but but chu ka ngaichang deuha ka luak mai theih ka ring mahse, rei deuh fe ka ngaihchan hnu pawn ka luak theih loh avangin ka hmai ka phih leh hnuah ka chhuak leh ta zawka. U ruala chuan minlo la nghak ve reng, Motor bul kan thlen chuan passenger ho anlo awm ṭhap tawh

" Kan nula hi arui deuh a, kapi tuibur kha hmuam tawhlo la tiraw? " U ruala'n atih chuan nuamlo ka ti deuh

" Chutiang lam kalo ngaihtuah hleinem, tinge atir ah khan i sawi loh aw " Kan pi chuan ati bawrh bawrh 

" Ka ruih lutuk ka ring lo a " Ka ti sep, kan chuang leh sap sap a diktak chuan motor chuan hi ka huphurh tawh lutuk, Kan pi pawh chuan tuibur chu ahmuan ta biklo e, ka awmdan hreawm lutuk chu mit chhingin ka ṭhutna nghenchhan chu ka ngheng a, chutianga ka awm chuan tlemin anuam deuh. Hreawm deuh chuan Aizawl chu kan thleng veleh ta a, in ka hmuh te chuan ka hlim em em ringawt, motor chuan hi ka ning tawh lutuk, Counter ah kan dinga ka zawi bawk si Ka hawn thu Fela ka hrilh lo chu ka inchhir mek ani. Lalai call ka tum zet laiin 

" Sangsang, nang chu ka thlah dawn che nia aw, bungrua hi ka hlang fel anga " U ruala'n ati hlauha tlawmngaiin ka hnial duh talo, a inpeih fel hnuah ka awmna tur min zawt a, Fela address ka hrilh tawp dorm a kala ahranpa a let leh ka peihlo 

" Kalo dahluh pui ang che " Fela in kan thlenga, Uruala chu ka hnial nasa mai

" Angailo arit hleinem, keipawh ka zia tawha ka inthiar lut thei ang " Ka ti tlata, kawngka bul thleng min dahpui tawha ka ti buai tawh lutuk bakah nizana ka zawh khan Fela'n in ah ka awm dawn ati a, an team ho in in ah hnathawh tur an neih thu asawi, chuvang chuan alo luh ve chu a chi vaklo, U ruala kal hnu chuan doorbell ka hmet a, an buai deuh nge alo hawng mailo

" Nang maw!? " Kawngka minlo hawn tu chu phawk zetin ka en mahse, an team ho in hna na thawk dawn tih ka hrechhuak leh thuta, ka insiamṭha vat Seniori chuan ka bungrua chu min kenpui a, inchhung kan luh a Fela'n min hmuh chuan a ṭhu lai ading zawk, zawi viaulo ila chuan ka nuih vak vak ang

" Tinge engmah min hrilh loh " A ti hluaia, min lo hnaih deuh ruak

" Surprise anih hi, min lo hnaih vak suh motor rim ka nam, ka rimchhia " Ner deuh nar nar chungin kati a, keimah hi rimchhia ka inti lutuk, inbualfai thuai thuai ka duh, be tawh lemlo a room ah ka luh dawn chuan 

" Senior, lo chawl lawk rawh " Ati ri chu ka hre theia room a ka lut chiah ka hnungah alo lut ve nghal

" Tinge i seniori ilo luhsan " Ka tih chuan anur nang a

" Ka seniori ani biklo " A ti hluk

" In team ho chu pahnih chiah maw innih " Ka tih leh chuan achal adawm vang vang, kava thinrim em em vanga zawt pawh ka nilo

" Pahnih anlo kal theilo a, lo hrilh leh che ka tum laiin i phone atlang thei bawk silo, msg ka hnutchhiah che tunah khan en rawh alo thleng tawh ang " Ati zung zung a, ahmel landan zawng zawng nen nuih hi ati za zawk

" Ka hrethiam alawm, chhuak tawhla ka inti fai anga mut hahdam ka duh, ip saw chaw hmeh vel ania i peih leh ilo dahchhuak ang a " Ka tih chuan abu nghat nghat, thuawih deuhin a chhuak ve mai.

A tuka ka hna ka kal leh te chu karkhat chiah ka chawl ania, thla3 vel chawl ang mai ka ni, ka mikhual deuh ruih 

" Welcome back " Office ka luh rualin teammate ten anlo ti rual ṭhap a

" Awi! Ka va ngai tak che u " Ka tih chuan 

" Vawikhat pawh minlo biak itum loh kha " An ti a, an seat ah an ṭhu nghal vek, min ti hrilhhai lutuk

" Heyy, tinge titau su " Ka ti a, ka seat ah pawh kala kal mailo 

" Min ngailo tu kan kawm peihlo " Dari'n ati a henu sualthiam ve zia hi chu aw, an titau rei lo a ahnuah chuan kan nui ho leh dar dar tawh. Boss alo thlenga in report turin ka zui lut ve nghal

" I chawlh chu i hmang nuam deuh aniang maw, i hmel pawh a eng phet phet alawm " Min fiam ve deuh ngeia

" Nuam lutuk lo, min hmu eng phet phet mai mai aniang " Tia ka fiam let chuan anui hawk hawk

" Min ngei vak tawhlo emni? " Anui hmel abo a tak deuhin min en leh tawh

" Boss, ka haw ngai hleinem che ka in veng mai alawm " Ka ti a abu nghat nghat, Boss office ah chuan ka awm rei hranlo

" Dari, khawnge i product chu kalo belchiang ve chhin " Ka seat ah ka ṭhu a, ka awm loh hlanin product pawh anlo launch hmana, telpui ka duh ve nen ka hun neihin a zir ngang silo mahse, an thlalak vel chu ka hmu tho a sts ah pawh ka hman ve chuai chuai kha

" Hei hi hmang ve rawh, kalo laksak che a i zin daih sia kala pe hmanlo che " Cream hi chu arim han tui phawt se, hman te hi anuam ve a, Tlem tlem ka enpui tih loh chu ka inrawlh lo khawp maia, hemi product ah hi chuan ka inla thu vaklo

" A hman anuam khawp mai, order pawh ka siam ve ang kanu leh kani te ta tur pawh nakinah order lo siam rawh aw, Christmass present atan " Phur deuha ka tih chuan Dari pawh alawm ve ngang mai. Tlaiah chuan Fela'n min lo hruai a

" Nilengin i biak theih loh " Uluk deuhin motor akhalh leh tawh a, nimina ka motor ruih vang khan motor chuan hi ka ning vek rih

" Ka phone ka silent aniang " Ka ti a, ka phone chu ka en nghal vat, kalo silent tak tak anih hi Fela missed call pawh alo awm tak tak, vawiin chu phone khawih melh melhna hun ka neilo hrim hrim.

" I titau ami? " Min belo in choka ah alut a, ka zui luh ve pawn en pawh min en duhlo

" Titau lo " A ti hmuka, min ti hrilhhai alawm le

" I titau reng, i call ka chhang lo kha chu tihpalh. Ka ṭhiante nen kan inbe tui deuha phone khawihna hun ka neilo alawm " Ka ti a, la tum bar chung chuan min en a

" Min ngaihsaklo " A ti nghut, nui var var chungin a biangah ka dawma

" Ka ngaihsak lutuk che alawm " Dingdihlip ak ak in a hmuiah ka fawp zeuh, inlak hran leh nghal mai ka tum laiin ka kawngah adawm a akut lehlama ka tukhum dawmin uar deuhin min fawp a, ka thiam ang tawkin ka chhanglet ve, fridge ah chuan min nawr beta, duhthawh deuh taka kanla in fawh laiin ka mawngah a ṭhama phu zawkin a awmah ka nam nghal

" Princess " Ka bengbulah a ti tham ṭiaka, min ti mur vek thei ka nghawngah a fawp a, ka za ti chu ka thle sawn, chu chu remchangah la in ahma aia uar in a fawp a, tal nawk nawk pahin ka ka nui ar ar

" Lalruatfel aza lutuk " Ka tih chuan atawp ve chauha, mitmeng phi chiai in min lo melh, a mitmeng aṭang chuan eng nge angaihtuah tih ka hrethiam ve a, chu chuan min ti ṭim uai uai thei, ka en reng lai chuan lo kun hniam leh thutin min fawp leh nghal ngawng ngawng, insum thei nganglo in keipawh chuan ka chhanglet veleh a ka awmdan hi ka sawithiamlo ka ngaihtuahna atawi tup a Fela chauh chu ka ngaihtuah, kan in fawh mawlh mawlh laiin a inla hrang thuta, phawk deuha ka en laiin min nuih suk a, zo zetin min pawm kang nghal lawp

" Min thlauh ang e " A nghawngah ka kuah ve ṭawk ṭawka, Ka hnungin khum dup deuh a feel rualin ka chungah alo bawk nghal zat, hnar tur ka ni a rilru fim pu hram tur ka nih laiin ka ngaihtuahna a chawmawlh zual sauha, min fawp mek tu leh duhthawh taka ka chunga che kual vel pa bak chuan rilru aluah thei meuhlo thung.

" I ṭha em? " Ka bulah Fela alo mut leh laiin keichu puanin ka intuam ṭha sauh sauh

" Aw " Nichin lawka thil thleng ka ngaihtuah let rualin lai zetin ka hawisawn nghal zel, Lalruatfela chu che ṭha inti zetin anui vur vur reng leh nghala

" Princess " Puana ka intuam hlun chu puan chawpa min kuahin alamah min pawt hnai a, a inbual zawhna ala reilo tih hriat takin asam chu ala huh chhap mai, arim pawh atui chem chem 

" Min en reng suh ininawm emai " A samah ka kek a, a rak chhe em em lehnghal

" Min dim lo emai " A ti nang nang

" Chhuak teh inbual ve ka duh ania " Ka tih chuan, amithmul min san khum zeuha

" Puih i ngaih chuan lo sawi la " Ati leh hram 

" Hmela " Ram hmarhin ka ti a achhuak ve thei hram, a chhuah hnu chuan ka tho ṭhem ṭhem a, bedsheet ah chuan lian lo te in hmun hnih ah thisen aval kalh, chu chuan chiang takin hmeichhe thianghlim ka nilo tih alantir a mahse, ka duhthlanna ani a inchhir kual vel ka tumlo. 

Cont..