Lunglawm Tikimtu chapter-18

 " Ava mak ve " Ka ti hliai ringawt, amak tih bak sawitur ka hrelo tlat

" Nia, Sairengpuia nunphung hi ka ngei khawp mai, duh turin kan ti lui thei chu anilo mahse, a duhlo anih chuan atirah khan beisei siamsak lo tur ania " Alo ti hlak hlak athinrim ve viau aniang

" Ni e, Remchan veleh kalo tlawh leh dawn che u ania, ka inluah tur velah ka buai sia " Ka ti a, kan dah hnuah chuan engmah ngaihtuah zawm duhlo in ka mu ṭha sawt sawt a mahse, tlem te chu ka ngaihtuah leh tho.

Nu tetei leh Thluakfinga nen chaw eikham aṭangin bazar turin kan chhuak a, Nu tetei chu Nu ani tawh bawka ka mamawh tur ahria a, a lei takah chuan ka ṭangkaipui dan tur ka ngaihtuaha Nu tetei'n min bazarpui chu ka lawm khawp mai, Nu tetei athlangtu kei pawisa pe tu Fela chu kan bodyguard animai, Fela te in a ka awm hian inluah man chawi angailo bawk nen pawisa ka khawl ve thei deuh a atihchi khawp mai tunah ka hmanga mamawh ah hmang mahila ka ui reuh. Nu tetei'n drower cial deuh min lei a, angailo ti viau mahila a ti lui tlat, keimahni'n kan hawn kher ngailo in min deliver sak thei leh zela atih chi khawp mai

" In ah in hawn hranlo in, i inluah turah chuan dah nghal ila ani mai alawm " Nu tetei'n ati a, kalo ngaihtuah chhuak miahlo a, aṭha viau tak ang

" A pawilo ang, Pu saia nupui kan call ang e " Kati a, U duhi chu ka call, vanneihthlak takin in ah alo awm hlauha, Kan in lei zo tawh bawk nen ka in luah tur lam chu kan pana, Fela chu a ngawichawi tawhsa tehlul nen vawiin hi a ngawichawi zual tlat.

" Inlo thleng maw, chahbi kalo la ang minlo nghak lawk ru" U duhi'n min hmuh rualin ati a, inchhungah atlanlut nghal chan chan

" Ava hmanhmawh em em ve mawle " Nu tetei'n ati a, ka nuih ringawt

" Kalo chhukpui lo mai ang che u, zu kal tawp ru " Ati a, chahbi chu Fela'n min ban khalh, amah chu akal nulh a Nu tetei nen ahnungah kan zui 

" Engmah sawi hleilo a akal nulh nulh zel hi alawm ka hauh ṭhin " Nu tetei'n hnunglamah a tawng char char a, Kan hma mi lah chu akal ngaiin akal mawp mawp

" Mi pakhat tan chuan atawk lutuk alawm, a lian lutuk ṭep anih hi " Nu tetei'n a enkual zung zung a, Fela chu room ah alut hmasa ber

" Riah luh ve i tum ami? Tinge room i en hmasak ber " Ti a a nu in afiam chuan alai deuh aniang atukhum thaklo pui a hiat nauh nauh 

" Vawi leh khatah mamawh a in lei zawh vek theih loh, mihring chu nitin mamawh dang nei ṭhin kan nia, tikhan azualpui kan lei tawha, abak chu a chawp te te in iti dawn nia " A ti a, Fela chuan eng nge atih pawh ka hrelo nichin aṭang khan avei thuak thuak reng a, Nu tetei nen kan ṭhut mai mai laiin a tei kual sek. Kan awm rei vaklo a Chahbi pek leh ka tum chuan 

" Kawl mai rawh " A ti teh tlata ka kawl leh ta chu ania.

Tlai khat ka hna bang chu ke in ka hawnga, nidang zawng aia kan ban tlai vang ani, Saipuia nen kan la intawk zui

" Teber " Biak loh ka tuma min koh miau si avangin ka ding leh ta nge nge

" I dam maw " Ka ti khawmawi a

" Dam alawm, inhmuh akhat hle mai " a ti zung zung, inzawmna neih tawh miau loh chuan inhmuh reng chhan tur avang ve em ani

" Ka tlai deuh tawh sia, ka kalsan mai ang che " Ka tih chuan

" Hlim reng ang che, hlim i phu ania " 

" Ka lawm e " Lawmthu sawi tawp loh chuan chhan vak dan tur ka hrelo tlat

" Lawmi pawh kha ngaihdam minlo dilsak dawn nia " A tih leh chuan ka din dan ka siamrem a, Kan awmna hmunin a zir vak bawk silo, Kan piaha bus stand ah chuan ka nawr phei a

" I hriat chak ka hria " Bus stand ah kan ṭhut rualin ati nghal, Nichin te khan kalo enchianglo a ahmel landan chu a danglam hret in ka hria

" I duh loh chuan tinge Beiseina i siamsak " Ka ti fak

" Atir kha chuan nangmah hnaih nan che ka hmanga, kha leh chen kan lo in ngaihzawn tawh avang khan chuti maiin min kalsan theih ka rin loh vang ani mahse, tunah chuan ka beidawnga Lawmi lakah pawh ka inthiamlo khawp mai, ngaihtuahna kalo hmang thui tawklo ani, ka bialnu hlui ṭhiannu kher chu inzawmna siampui ka tum hleinem, amah pawh ka hrilhchian kha " A inchhir ve tak tak anih hmel

" Ṭha takin i hrilh dawn nia, mihringte hi infiamna an ni lo ania, nakinah i thil tih rah ila seng ve mai ang " Ka ti khar khar, ṭhutpui zawk tu ni mahila ka duh ka sawi zo tawha ka kalsan leh nghal daih. Hringnun hi ka ngaihtuahna mawl mangte aṭanga ka dawn ve chang hian, aṭhen ah aho kati a aṭhenah erawh thinlung ti kehsawm vek khawpa thil liantham paltlang tur a awm leh lawi si, Nun hi a ho tifo te hian a laimu tak hi anla tawng velo ah ka ngai ṭhin, nitin hna kan thawka kan ei kan puar a, achang chuan aho ka ti ve lek lek ṭhin a mahse, thil liantham tak in min den chang chuan, a ho ka tih fo hringnun hian Laikhum chungah min ṭah tir zawih zawih ṭhin si. Naktukah Nu tetei'n min hawnsan tawh dawna ka ngai lawk khawp mai, Kan hunawl ah kan inkawm ziaha Pangpar te phunin zingtin tui kan pe dun ṭhin, kanu nen an chetchhiatna lai min hrilh ziaha ka nui leh nghek zel, a ngainatawma Fela anglo takin ṭawngtur leh titi vawrh athiam, an in anglo ka ti lutuka a vawikhat phei chu " Nu tete, nang in ṭawngkam ithiam tehlul nen Fela hi a chut e, a chhunlo che ' ka ti Nu tetei anui ar ar

" Mite pawn anti fo asin keichu min chhun vaklo maitheia mahse, a pa nen chuan xerox copy chiah chiah, an hmel leh an duh zawng an tuina te, an chawhmeh duhzawng leh an chut dan thlengin a in ang fai vek, I pa thana tan 'hei chu ka fa anilo' atih theih loh hrim hrim kan fa ten an pa te hi han chhun em em mai se hmai a uang ve ṭhin alawm" Ati tel leh peka fiamthu a duh si abulah chuan anuih loh theih loh.

" I hawn daih chuan avan khawhar thlak dawn, Keilah in ka luah hrang dawna Fela a khuahar zual viau ang " Pangpar tui kan pe a, keiin thing hnah ka phiat khawm bawk, Pangpar te hi kan phun ve a, Fela'n alo enkawl ṭhat loh phei chuan awmzia a awmlo viau ang

" Tunah hian a zia adanglam ta deuh mai mai anih hi, kan chhungkua a kan awm pawn a laptop bak amamawhlo " A ti a, adik viau tho kan awmdun chang pawn inbe lo a ahna ngawt a ngaihtuah chang atam, keichu kan bulah midang an awm ve reng chuan thildang ka tihsan thiamlo

Atukah chuan Nu tetei thlah turin Airport ah kan kal a, Fela ai mahin ka ngai zawk dawnin ka hria

" Nakinah Christmass hmain inlo zin ve ang chu, I pa pawn a hmu chak tawh che u, kan inhmu leh vat dawn u nia " Nu tetei kal liam chu kan thlir a, angaihawm dawn vawng vawng hle mai

" I zui ve nghal duh em? " Lalruatfela'n atih chuan 

" Nang aiin ka ngai daih zawk " Ka ti a anui huk leh nghal, nu leh fa inzawmna hi a nghet a, pa leh fa inzawmna erawh aril chu chu ka ngaihtuah thiam dan ani, Keichuan alangin ka ngai a, hun akal anga areh veleh maithei chu chu khawvel kalphung ania mahse, Fela chuan ngaihveng veng chang anei ṭhin anga, a sawi chhuaklo pawh ani maithei anu anih miau avangin kei aiin angai fe zawk ang

Vawiin chu kan ṭhian bil in kan lengchhuak dawna, Nu tetei kan thlah zo in a kan hawn leh lamah Fela pawh ka hrilh ve chiah

" A ṭha alawm, keipawh vawiin chu ka tlai ang " A ti ve zat

" Eng nge intih dawn " Ka ti nghal a

" Nakinah ka hrilh ang che " A ti ve tlat, angeiawm thiam ṭhin asin aw

" Fela " Kan ngawih dun vang vang laiin ka ti hluai

" Sawi rawh princess " Motor a khalh rih avangin minlo en zawka hmalam a en leh nghal daih

" Kan inṭhen lovang tiraw " Ka tih chuan min lo en leh zawk, min chhang mai dawn emaw ka ti a ka ngai chang. Nimin aṭang khan min mawlhtu eng emaw hi a awm a, Ka hriat loh karin Fela te hi kalo en leh vung vung zel, min mawlhtu riau hi engvang ber nge ka hre chuanglo.

" Min chhang dawnlo ami? " Ka ti leh nge nge, ka ngaichanga engtin mah min chhang bawk silo

" In ah kan sawi thei ang em Princess, Motor ka khalha rilru zawng zawng ka pe theilo che alawm " A ti dam thluam, a motor khalh lai ka tihbuai ka hlauh avangin ngawi karin ka ṭhu ve ta reng, A hma deuh khan thawnthu chhiar ka ching a, thawnthu ti ngaihnawm tu ber chu buaina leh chona an hmachhawn lai vel hi ani, ka ngaihtuaha Fela nen kan inkar hi atluang reng ang em? Kan relationship hian Buaina leh chona ala hmachhawn ve ngei anga, chu thil chu eng nge ni ang, hriat lawklawh hmalam hun ngaihruatna hian min ti hlauthawng mai mai zawk nge pawh ka hrethiamlo

" Zawhna min zawt ani lawmni? " In kan thlenga room ah luh tlang mai ka tum chu min chelh dinga

" Min chhan angai kherlo, kan inkar te chu aṭha reng alawm " Ka nui var var Ka zawhna kha ka rilru a lo lang thut ania, motor ka chuan chhung khan ka ngaihtuaha ṭullo ka ti leh deuh sia, Min en vung vungin bangah chuan min nawr bet a, bangbo deuha ka en chhoh kiau laiin ani erawh a kiai suk, lo kun hniamin min fawp a, a mit a chhin chial laiin ka meng kuau thung

" I mitchhing rawh " Min fawhna thlah zawka atih chuan ka nui hak 

" Min fawh duh vang anihkha room a ka lut tur min dan " Ka tih chuan ka biangah dawmin

" Ka kalsan ngei ngei ngai khawpa thil i ti sual anih loh chuan keima lamah chuan kan inṭhen chhan tur a awmlo" Ati nghet charh, kan hmai a inhnaihin kan insi lek lek a, chiang lutuka min en kur avangin tum loh deuhin ka meng kual leh ralh zel

" Eng nge ka tihsual ang " Mawlmang deuhin ka ti ve hrama, min hnaih lutuk avang chuan a hmai ka hup saka, ka nghen mek bang chu ka lu in ka tauh dat 

" Ani reng asin Princess, kan hmahun kan hrelo hriat lawk loh hmahun avangin i rilru kalthui tir viau ṭhin suh " A ti a, a hmai ka hupna ka kut chu lasawnin, uar zetin min fawp leh nghal, infawh ro ro hi chu azei ve alawm, chhan let loh uihawm khawp hian min fawp uar thiam, ka chhannlet ve takah phei chuan a uar zual sauh a, a kut in ka awm bawr a khawih fuh leh chat tawh. Ka awm bawr a dap fuh rualin a hmuiah ka sehsak a min thlah chiang asin, ka sehsak ahmui lah chu ala thi ser ser leh nghal, duh aiin ka sehna deuh ani maithei azialo khawp mai

" Min ti phur sauh ania " A hmui tuai zeuh chungin mitmeng danglam zetin min melh ngur a, a mitmeng sexy dan leh tawrhhar zia chu 

" Lalruatfel " A awmah ka nama, thawpui kala halh

" Princess " Sexy lutuk tak maiin ka beng bulah ati a, ka kaiza tha hi a zawi hnawk maiin ka hria, ka tha pawh a khur der der

" Min hnar suh " A ti leh sup, theihtawka rilru fim put tumin insangmar mahila avawikhatna kanlo paltlang tawh vang nge Lalruatfela hi ka hnar phal thlawtlo

" I lungawi lo em? " Titu chu rum zetin ka melh kha kha

" Lungawilo ani maw " Nui pat pat chungin ati leh

" Duhtawka min suasam hnuah kha thu kha min zawt suh" Ka ti vin hlar

" Ka hming i lam khan i sexy " A ti ham ham, zahna chu tlachham ve chiang asin 

" I hur emai " Ka ti chiam ringawt, ka zak bawk si puanin kain lukhuha, Nui hawk hawk chungin alamah min pawt hnai

" I kut minlo pe teh " A tih avang chuan ka mutdan ka siamrema ka kut chu ka pe, eng nge atih dawn tih naklaiin ka kut chu a thlek kuala

" Kutin lem chu vuah ve miah suh " A ti mauh mai

" Timaw? " 

" Ka hnung arim lutuk ang " Zuk ti leh khera!

" I va han tenawm tak, i ngaihtuahna ahmul si " Ti chiamin ka thawhsana, titau bur chungin ka inbual.

" Chanchin min lo hrilh rawh aw " Dorm kawtah min drop a, Kal hmasa rawh ka tih tlat avangin min tlansan hmasa zawka

" I lo va thleng hma ve " Lalai te room ah ka lut dawn chiah an mahni anlo chhuak a, ka banah kuahin min kaisawn nghal daih

" A tlai kalo ti tawh asin " Ka ti niah niah

" Keimahni kan inpeih tlai zawk anih chu, kal nghal ang u " Seni'n ati zung zung a, an awmdan chuan min ti hrilhhai zep nei an ang kati

" Khawnge Lawmi " Taxi a kan chuan tawh hnuah kati a, a tel velo tih ka hrechhuak chiah

" Ala dam chianglo a alo la kal ve theilo " Lalai leh Seni chuan an ti rual ṭhawt, bo fe a ka en tawn zak zak lai chuan lem zetin an nui a

" A rilru ana tih i hriat kha, amah a awm rih aduha " An tih leh takah chuan ka ngaih aṭha ve ta deuh, kan lenna tur kan thlenga keini lo pawh anlo tam tawh mai, thinglian pui hnuaiah kan indah a, puan phahin kan ṭhu a Lalai'n kan thil ken ho a phawrh

" Lawmi awm se anawm zual dawn nen " Ka tih chuan

" Ani te chu boruak tinuam tu ani ve a " Lalai'n alo ti ve a, pangai taka kan inbiak lohna chin pawh ka hre tawhlo. Lawmi awm loh vanga nguai ngawt thu awm suh, kan pathum pawh chuan kan hlim tlang viau a, kan dream te sawiin ṭawng kan inchuh nak nak reng a, ṭhiante bula awm chu a hahdamthlak ṭhin khwp mai. 

" Keichu Beach velah lungleng deuhin ka ṭhu chak " Seni'n ati leh peka, Lalai nen kan nuih hawk hawk

" Nang tehlul hi i lungleng ang maw? " Lalai'n atih te chuan

" Film te hi ka chang ve chak ka hnehsawh mai dawn sia e mahse, changtunu leh changtupa te inkar ti nghet tura lo duh ve tu role chu ka play duhlo " A ti zui ham ham a, Seni dream hi chu a turu thei asin, Seni chang anilo kan ṭhian ho dream hi chu a turu ve hrim hrim, eitur tamtawk inchhawp a kdram en te, Motor thlawk theia chuante ania kan dream chu

" Korean ho chu an thinrim changin 'Han lui' ah an kala, an au vaka an thawl huai zel ania tiraw? " Kalo tih ve chuan duhthawh zetin alu abu a

" Tunah pawh enta che u, phul chungah puan kan phaha midang chetla kan en vel mai mai anih hi, lenchuah ve pawn tih tur a awmlo, Beach ah Kekawrte leh bra nen mut dar dar te pawh a chakawm " Seni hi chu hrechianglo tan chuan athilsawi duhdan hi a ngeiawm ṭhin viau ang, hrechianglo chuan chapo an ti reng bawka

" I dream han turu dan hi " Lalai'n atih chuan 

" I dream pawh eng nge anih vak, Motor thlawk theia chuan anih kha i dream ve tho " A ti let zata, Lalai pawn chhanlet ngaihan ahrelo, Seni'n a dream asawi mial mial laiin kan thlangah thawm a awm huka, hawkdak tihtakah kan pathum chuan kan tho nghal suau

" Eng nge a " kan ti rual veka, inthurual ang hrimin thawm awmna ah chuan kan kal hnai 

" Sawita che, hepa hi i mutpui ami? " Hmeichhe aw sin lamin ati ṭhat a, a aw asin tehlul nen amah chu ahleitling rauh sia, chuta awmve te chuan an mahni ngawt chu kan en tawh, Mipa pahnih leh hmeichhia ka sawi te chu an indin chilh a, an buaina ka hrethiam derlo

" Ka ruih lai ania, engmah ka hre tawhlo " Hmel fai veng pa chuan ati nawk nawk, a hlauhthawn vang nge a aw te chu a khur thei hial

" I zaklo emai min hrai rui zawk anihkha " An bula ding amah en reng reng pawha Tuai ani tih hai rualloh chuan ati ve khauha, kan en ṭhup tih an hrelo nge an zak theilo hrim hrim zawk ka hrelo, kan enṭhup chu pawi tihna an neilo reng reng

" Chupa mai mai chu'h vawikhat pian ve manah, a nun ava chen em em ve " Lalai'n ka bengbulah alo ti sar sar

" Joel, a sawi hi adik em? Min chhang rawh " Hmeichhia chuan abialpa chu a nam a

" Chutiangin ka hrai ruilo, ka..ka rui zawk ka tihkha " Chupa chu aṭap lo chauh tawh, ava han tenawm ngawih ngawih mipa pawh duh hmeichhia pawh duh aduhkim hlemai.

" Keichuan buai chhan tur ka neilo, i bialpa hi vengṭha tawh rawh, min hrai ruih avang khan FIR theih lut thei reng ka ni a mahse, keipawn thiamlohna ka neih tho vangin ka hrethiam hram ang " Ati zat zata akalsawn nghal daih

" A ho emai, chho ang u " Tiin Seni a chho nghal tharha, Lalai nen ahnungah kan zui chho ve nghal

" Khatiang mipa kha ka tawng fuh ang tih ka hlau " Kan ṭhut leh rualin Lalai'n ati a ka pawmpui khawp mai, ngaihzawng neih fuh loh hi chu abuaithlak, kawng tam takah chuan hmeichhe thiam loh pawh hi ani ve, keichu ka duhtui kati dawn nge Saipuia pawh kha duh hmasa tu zawk ni mahila min bem chiah khan ka chhang nghal mailo mahse, Lalruatfela erawh ka tuiral nghal ṭuam ṭuam kha ania

" Mood ati chhe vek alawm, hmeichhiai khan hnek chawrh se kati ania, alian si a hneh hrim hrim " Seni'n ati bawrh bawrh, henu han mak em em dan hi chu.

" Fela alo hawng tlai dawn tho, Dorm ah kalo awm ve rih dawn " Kan hawng leh meka, vawiin chu Mipa tenawm zette buaina tih loh buaina dang a awmlo a, kan ṭhian ho hun hmandan pawh a pangai

" Nuam iti lo ang " Lalai'n ati

" Tinge, room a ka luh chu in hlauh viaua " Ka aw ki pawh a ring ve hret tawh

" I luh kan hlauh vang anilo " An ti a, an thusawi hi ka ring thlawt tawhlo

" Lawmi pawh biak ve ka duh alawm " A rilru nat em em laia vawikhat pawh ka hmulo anih chuan alo vui lutuk palh ang

" Nakinah ila be dawn nia " An ti teh tlat

" In mak e kati, zeplo khan sawi ve mai ula " Ka ti deuh hlar tawh, Dorm kawtah kan awm a helai ka thleng ve tawha luh an phallo tlat hi ka hrethiamlo

" Lawmi'n a be duhlo che, hreawm itih kan hlaua " Seni'n ati ta a ka rindan vel ani

" A eng pawi mah ka sawi bawk silo, tinge min huat tlata " Keiin ka ṭhian tiin engkimah ka ngaihsak em em a, min haw tlat reng hi ka ngaihdan ani vak tawh biklo

" Sairengpuia'n ' Ka bialnu hlui ṭhiannu kher chu inzawmna siampui ka tumlo' alo ti aniang, nangmah vanga Puia nen in ngaizawng theilo ang ah a in ngai a " An tih chuan ka ner nak

" Ka kal dawn " Taxi ka phara ka kalsan daih, min hmu duhlo tu te engvang ngawtin nge ka hmuh luih tlat ang, mipa pakhat vang mai maia ṭhiante huat tlat zawng keihian ka hrethiamlo ani. In ka thleng chiah Lalai'n alo call nghal

" I thinrim ami? Rilru iti nuamlo ania, Lawmi lah chuti bawk laklawh deuh nun min tem tir " Alo ti hlak hlak, an tan pawh ahreawm ve viau ang

" Ka thinrimlo keichu min veng thawng su, min haw tu chu biak emaw hmuh ka tum buailo ang, min huat theih chhung chu min hua se, keichuan ka haw velo Sairengpuia vang ngat phei chuan huat chhan tur ka neilo " Ka ti duaha

" I kal nulh sia i thinrim emaw kan ti alawm " Alo tih chuan ka nui a

" Taxi kha alo tlan remchang em a, ka thinrim vang anilo, In ka luah hunah khan hun lo insiam ang che u " Ka ti zat zata, an ngaih aṭha ta aniang call an daha sofa ah ka ṭhu thla hnawk, buaina liantham tawklo mahila neuh neuh tam lutuk hian min ti chau ṭhin takzet, Hengte vang hian aniang ka hlauhthawn hmat em em ni. Zawi deuhin ka mu a ka muhil ṭep tihah ka phone alo ri leh, phun hlakin en chiang mang hleilo chuan ka thai nawk nawk

" U " Mampuia'n alo ti

" Mampui " Ka ti sep a, Mampuia ani tih ka hrelo hrim hrim

" I aw chu'h, i mu ami? " 

" Muhil ṭep, eng nge nita " Ka mutdan ka siamrema

" Muhil phawt la nakinah kalo be leh thei tho che " A tih chuan 

" Angailo ka harh leh tawh alawm, kan ṭhian ho in kan leng a ka hawng chiah, sofa ah ka mu mai mai ringawt " Rang zetin kati a, nichina ka mutchhuah tehlul nen ka harh leh vek tawh tak tak 

" Zawt zawt che chuan, i hawn aṭangin min lo be leh tawhlo reng reng " Alo ti daih leh nghal, msg in kan in be reng sia

" Msg in kan inbiak reng kha " Ka tih chuan 

" Kapa te pawh lo biak ve tur ania, i upat tawh nen i rilru hi ti no tlat zel suh " 

" Min hau tur ringawtin ami minlo biak " Lawmlo deuha ka tih chuan

" Nilo e, nilo e, thilsawi duh ka nei zawk alawm " Alo ti nem duai

" Ka ten che " Ka ti leh hram a, Mampuia pawh anui hawk

" Palai kan tir leh mai dawn anih chu, Kapa'n tirh ati tlata diktak chuan ka fa apai a ka thlauhthla ngawt theilo " A ti nghet charh a

" A ṭha alawm mahse, Mampui ngun deuhin ngaihtuah rawh, nupui i neih ka duh loh lam anilo, i fa chu ka tan pawh ka vah ani dawna fahrah ni tur leh pahrawn hrawn tur chuan ka ngaingam biklo. chutih laiin nupui i nei fuh lo anih huan kanu leh pa te an khawngaihthlak dawna, nangman i zir hle angai dawn ania aw, thu lai i lak thiam angai dawna ṭan lam i nei tur anilo bawk " Nupui nei tawh ang maia kan ṭawng vel chu le

" Ka hrethiam alawm, Lucy hi hmeichhe sual anilo a arilru pawh aṭha, anu hian a ti khawlo zo anih hi. Anu thilsawi zawng zawng hi thudik emaw ati tlat a, ala naupang lutuk hi abuaithlak ber " Ati hulh, a rilru ahah ve tak tak aniang, ka nau hi ataima a nupui pawh nei se ka ngaituah em emlo, tun ang renga a awm anih chuan nupui hlau lo mipa ang kha ani ve dawnlo, nupui aneih hnuah a zia athlak hlawk anih loh chuan nupui a neih chungchangah hlauhthawnna vak ka neilo

" I zir phawt chuan aṭha animai, I sawi danah Lucy pawh chu rilru la thlak zung zung thei khawpa naupang ala nih hmela, i enkawl thiam chuan aṭha ani mai " Ka ti zat zat

" A nu tih loh midang chuan an pawm thiam renga a nu sawn a fanu in nau apai hi ahrethiam theilo a, dawt asawikual nasa lutuk alawm " Naupangchhia zetin ati leh a, a sawi uluk si ka nuih aza deuh tlat bawk sia abuaithlak tak tak ani.

" Nu te chuan fa te hi an hmu ṭha zual alawm, tihsual an neih pawn pawm thiam ahar anti ṭhin a, engpawh nise palai chu kaltir leh ula, nakinah Lucy pawh chu lola zinpui rawh " Ka ti a, Nidang zawng aiin kan inbe rei kan thilsawiin a zir bawk a, ṭawng akal laklawh tlat. 

" U mawimawii pawh kha arai a " Alo tih leh chuan phawk leh hlauthawng deuhin

" Tu fa nge apai " rang zetin kati

" I hlauthawng anihkha, pasal anei dawn alawm " Alo tih chuan ka thawveng huai, kapa nen chuan an in ngaizawng lo tih a chiang ta a, ka lawm ru ngei mai. Ka nau nen kan inbiak zawhah mut leh ngial ka tuma mahse, ka harh chian tawh mai bakah atlai ruih tawha mut leh na chi pawh anilo, Peihlo deuhin eirawng ka bawla chaw hmeh siamtur lah chu kan neilo em em mai lehnghal. 

" Vari, i pa hi alo hawng har tiraw? " Eirawng ka bawl zo a, Fela tello chuan a reh lutuk, Vari nen ngawr ngawr kan nia sofa ah khawhar zeti kan ṭhu a, tv ah ka film en lai ka en chhunzawma mahse, rilru ah pawh alut vaklo. Fela chu ka belo a kan buai dawn atih avangin ka be buai duhlo ani. Thim thleng pawn alo la hawnglo a, damdawi ei ka ngaih avangin chaw chu ka eisan, chuti em em a atlai chu amak kati a, call mai ka tum tut tut tawh an buai viau anga tih te ka ngaihtuah leh a, msg ka thawn ta zawk. Khumah Vari nen kan mu a Thlasik a inṭan chu ani der tawh, avawt tawh viau a Vari chu puan ka sin pui hlun. Eng nge maw ahriatni zanin phei chu a hawikuala a bauh ziah lehnghal, Dawih nen chuan a in remlo khawp mai, puanin ka in khuhpui a, chuti chung pawn ala bauh tho

" I va han ninawm tak " Ala bauh sek avang chuan a lu ah ka beng ṭawlh a tlem chuan azia ve ta deuh, Laptop ah Animal vedeo ka entir a, Liani msg a awm avabgin phone ka khawih ve ta chauha, Fela msg pawh alo awm ve kiau tawh mai. Liani ka chhan zawhah Fela msg chu ka chhiar 

' Minlo nghak suh, ka tlai dawn ania ' tih te chauh alo awm, beisei ka neih vak ka hre silo a ka hnual nghal rawih tho, ka bialpa ani tawha eng emaw riau ka beisei te pawh ani maithei ani, ka indem hranlo a awmlo pawh ka ti chuanglo. Status te ka enkuala Lalai ten vawiin lama kan thlalak leh vedeo te anlo sts chuai mai, Kan ṭhian grp ah vawiina ka thlalak neih ve te chu ka post a, Lalai lo dah ho pawh ka download ve nghal, Sts te ka neih ve leh tete hnuah Ststus chu ka view zawm leh a, ka view reng lai chuan Seniori'n sts alo nei ve chiah, ka view chak leh tlat avangin ala just now lai chuan ka view ta nge nge, Fela leh mipa pakhat eng nge an tih pawh ka hrelo an in ringlo lai chu alo hmanga Caption ah ' Zanin chu kan buai hle mai, keilah chu ka che ṭha thei silo a, ka thawhpuite hi an fel ania ' Tih a ziak bawk, Hmani deuh khan kan number kan insave ve tawha aman insave ve ila atih vang ani, a sts erawh chu ka view vak ngailo thung. Fela chu ring viau ṭhin mahila Seniroi'n a endan hi hmeichhia ka nihna angin ka manthiama mahse, hnawksak zawng leh kan inkara tlazep ang zawngin a khawsa lo bawka endan vang mai maia thikthu tihchhiat vak ka tumlo. Vari nen kan mulai chu thla kala a Sts ah hmang leh tete a, chumi hnuah ka mutdan siamremi Little princess(Vari) awmdan siamṭha in ka mu ṭha a, mutthilh tumin ka mit ka chhing nghal vang vang, Engtia rei nge ka hrelo Ka taksa pawtsawn tu awm ang maiin ka feel a mahse, ka meng thei hlawllo ka mang hriat ruai vek tawh. 

" Good morning " Ka room chhung chu alo eng ut tawha, meng pawh a harsa 

" Tinge ka bulah ilo mut ve ngawt " Ka ti tham chhel, ka sawi zawh rual rualin min kuahna ati nghet salha

" Kan mudun khat tawh dawn asin " A ti a, min kuahna thlah thawl deuhin chiang fe in min en

" Kan inneih loh miau te chuan mutdun reng a theih hleinem " Ka ti a achalah ka nam dawt

" Kan innei tawh mai dawn mi? Awm hran kual leh vel chu ka chaklo " Inla inno deuhin ka nghawngah ahmai aphum sat sat

" Inneih hi phur thut vanga tih chi ani ngailo, tute emaw sawi dan takah hnuk khawih thil ani a, aril in damchhung daih tur ani. Hmanhmawh taka ti tut tut ṭhin aiin muang leh uluk taka ngaihtuah hmasa ṭhinte hun hmandan hi adanglam ṭhin teh ania aw " Ka tih chuan 

" Ka zirchhuah hun thleng min nghak thei ang tiraw? Ka hmahun uluk taka ruahman leh chhut thlap thlap ṭhin kani a, hriat lawk loh hmalam hun nei ni mahila lo ruahman lawk chu mihring tih tur ania " ka nghawngah hmai phum chunga thatchhe zeta amu chu ṭhu chhuakin Khum lu angheng a

" I ruamhman lawkah chuan nupui neih atello ang a " Nui var var chungin kati a, min chhan dan tur hre chak zetin ka ngaichang reng

" Tel lo " atih chuan ka nui tawp chiang teh asin

" Anih chu " Ti hlakin ka tho a

" Thithetnu lokal teh " Ka banah a chelha khumah min pawt ṭhu leh chawrh

" Ka tho duh tawh ania, atlai tawh " Ka tih chuan anui sun sun, chhe sen sun lutuk mai

" Ka nuna ilo lan hma chuan ngaihzawng neiin ka atchilh viau ang tih ka ngaihtuah phaklo, inneih phei chu ka hmalam hunah ka ruahman tello hrim hrim mahse, ilo langa ka ruahman loh ang deuhin ka awm zing tawh lutuk" Uar deuhin ati duah, ka tum nasat tawh nen ka nui leh var var tawh, min tihhlim dan tawk tete te hi athiam ve ania

" Mihring hian kan hmahun hi kan hrelo tiraw? Nangpawn ngaihzawng neih i tum ngailo a, keipawn ka mize letthawk mipa ka ngaihzawn ka ring bik chuanglo a " Fela awm a bei chial chung chuan a khabe hnuai aṭangin kati leh siam siam tawh

" Chuvang chuan Pathian hnena kan hmalam hun kan kawltir hi a hahdamthlak ber " Ka kut chu la kangin a fawp zeuha

" Tlaiah in bang tlai ang em? " 

" Tlai lo ang ahma ang tho ani mai " Ka tih chuan

" U Imanuela'n chaw ei ah min sawm " A ti a, min pawt ṭhu tu zawk si min thawhsan leh nulh tawh hi

" Nangmahin kal maila, kei kalo kal ve kher angai ami? Ka zak lutuk e a " Ka ti zung zung

" Noah leh Sam te bday ania, nangmah an sawm che " A tih leh chuan ka nui tawp

" Nang an sawm velo che ami? " 

" Keichu i ruala kal turin min sawm " A thilsawi chuan anuih ati za nge min lo en a anui vur vur

" I duh naah hi chuan i over thiam ve tiraw? " Ka ti hlak

" I tih te chuan " ati fan ruih a, room aṭangin ka chhuahsan daih 

" Dar engzat ah nge an ṭan dawn " Choka ah minlo zui lut ve zel a, zingah hian thildang ka ei hmain tui sik ka in ṭeuh zel

" Ka hrelo i hman hun hun ani mai " Ngaihsam zetin ati leh tawh, hetiang lamah hi chuan angaihsam ve ṭhin asin, ka beng pawp chak ṭhin

" I ngaisam thei sia ka ning tlat, i duh leh nangmahin i kal dawn nia " Ka ti hlar

" Bday lawm hrim hrim tur anni hleinem U Ima'n kum1 an tlin bak bday lawm chiam aduhlo, kan pahnihin chaw eiah min sawma, Sam leh Noah bday alo ni ve zawk ani " Ka chhang zui tawhlo, chaw kan eikhamah hna kal turin kan chhuak a, ka pum nat vak aṭangin nodles leh thildang ahang leh athak lutuk ang chi kala insum a, chaw ei tui te hi ahar ṭhin asin. Ka luhlul ve sia Fela'n aruka ka ei ahlau lutuka kan lei khawlsa ho pawh adah bo vek, khawnge adah bo pawh ka hre mai mai lo

" In ban hunah minlo call rawh, kalo lam ang che " Company kan thleng leh tawha

" I hman ang maw? " 

" Sure " A ti ngeia ka hmui ka ti sawi vak

" Kan bang tlai lutuk lo ang, kan kal hmain bazarah lut lawk ang aw " Ka tih chuan abu nghat, Kan office ka thlenga Bawihtei tih loh anlo kim leh ṭhap tawh, kal khalh hi an har ania

" I promotion pawh min hrilh lo vela " Tea'n min hmuh rualin min chhal nghala, ka nuih tlawn vur vur, Tumah ka promotion chungchang kala hrilh lo hrim hrim ka chhungte pawh, ka lawm loh vang nilo in hrilhna hun ala awm lo ve em ani

" Hun a awmlo ve em alawm " Ka tih chuan 

" Eitur min treat i hlauh vang anihkha " Miriami'n ati leh hram pek,c henu han nghal zit zet dan hi chu 

" Tehnang aw, in ka luah niah chaw kan eikhawm dawn u nia, chutiang chuan ka ruahman deuha pawi inti em? " Ka ti a, an vaiin kut an beng 

" Inva over tak " Ti hlakin ka seatah ka ṭhutsan a, Boss hnenah file thehluh angaih avangin boss hmu tur chuan ka kala

" Boss, tah hian i signature angaia " File chu dawhkanah ka dah a, engmah sawi buailo chuan file chu a keu a, a enkual thuak thuak hnuah a sign, Hmun hnih thum vel laiah sign angai lehgnhal

" I promotion kha ka lawmpui che, alawm nan kan inchibai dawn mi? " Nui sen senin ati a akut alo phar chhuak, Boss hi chu ahmelṭha mawle, Less ni mahse, mipa chu ni ila ka bem lui tlat duh ang

" Ka lawm e, nangaawh ka lawmpui che " Ka ti let ve a, kan inchibai zawhah a hming a sign zawhna file chu la in chuah mai ka tuma

" Ka endan che ala danglam lo ania " Boss in atih avang chuan ka kal zet tawh chu ka inher leh

" Boss " Ka tih hliai chuan anui a

" Ni e, i boss alawm ka nih boss dinhmunah lo ding mahla i boss kala ni zel dawn " A ti ve ngeia, eng chu hria ni maw ala nui ṭhaw lehnghal, kei erawh athilsawi zuai avang khan ka awm anuam chiahlo

" Ka nau hmeichhia thita nen in in ang em a, chuvang ania i bula awm anuam ka tih, ka duh che emaw iti tih ka hriaa achang chuan ka fiamkual ve ṭhin che " Atih takah chuan ka nui ve thei chiah

" I sualthiam e, ka ngei hman ṭep che alawm " Ka ti hlak, tuman hetiangin an boss te an fiamin an biak kual ngai pawh ka hrelo, kan awmdan hi min hmu awm se Boss zahna chang hrelo min tih loh pawn zaktheilo chu minti ve viau ang

" I rilru aṭha a Bawihtei pawh i huat theih loh hi, chu chu ka hrechiang alawm " A ti thluam leh nghal

" In ka luah hunah chaw eikhawm ila kati deuha, ilo tel ve thei ang tiraw? " Ka tih chuan 

" Thei turah ngai ang, sa free te hnar phal chi ani nang " 

" Sa free chu a awmlo maithei, eikhawp in tum angai ang" Ngawi ta mai mailo chuan kati leh a

" Chhuak mai mai teh " Boss in ati hmuk, Boss room aṭanga ka chhuah chuan ka seata ka ṭhu leh a Bawihtei pawh alo ṭhu ve kar tawh, min biak loh avangin ka be duh ta biklo a, tumah hi ka hua in ka ngei ngai lo tluk ania, ka awm mai mai pawh min ngei leh min haw tu an awm zel mai hi amak ani.

Tlaiah chuan Hna kan ban veleh Fela ka call a, nizanah an thawk rei bawka an awl ve deuh aniang, ' Kalo kal nghal ' ati a, an lab leh kan company hi a in hlat ve deuha motor akhalh uluk thei si alo tlan rei leh zek maithei ani. Ngaihtuah lai mek mekin alo lang ve nawlh a, rin ai tak chuan alo tlan reilo, bazar thlen dawn remchang laiah motor kan daha ke in bazarah kan lut

" Eng nge kan leisak ang le, eng nge an ngainat zawng i hria em? " Naupang thil leisak hi ka thiam vaklo

" Hre miahlo, Amelia ka zawt dawn ami? " Ti pahin a kekawr ipte a aphone chu phawrh aruala, lu thin san nak nakin naupang toys an zawrhna dawrah chuan ka luhsan daih, a be talo aniang min lo zui lut ve nghala, heti zozai toys awm zingah hian lei tur ka hre hauhlo lehnghal

Cont...